| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৫-৬. অপ্পমাদসুত্তাদিৰণ্ণনা
5-6. Appamādasuttādivaṇṇanā
১৫-১৬. পঞ্চমে কারাপকঅপ্পমাদো নাম ‘‘ইমে অকুসলা ধম্মা পহাতব্বা, ইমে কুসলা ধম্মা উপসম্পাদেতব্বা’’তি তংতংপরিৰজ্জেতব্বৰজ্জনসম্পাদেতব্বসম্পাদনৰসেন পৰত্তো অপ্পমাদো। এসাতি অপ্পমাদো। লোকিযোৰ ন লোকুত্তরো। অযঞ্চাতি চ এসাতি চ অপ্পমাদমেৰ ৰদতি। তেসন্তি চাতুভূমকধম্মানং। পটিলাভকত্তেনাতি পটিলাভাপনকত্তেন।
15-16. Pañcame kārāpakaappamādo nāma ‘‘ime akusalā dhammā pahātabbā, ime kusalā dhammā upasampādetabbā’’ti taṃtaṃparivajjetabbavajjanasampādetabbasampādanavasena pavatto appamādo. Esāti appamādo. Lokiyova na lokuttaro. Ayañcāti ca esāti ca appamādameva vadati. Tesanti cātubhūmakadhammānaṃ. Paṭilābhakattenāti paṭilābhāpanakattena.
জঙ্গলানন্তি জঙ্গলচারীনং। জঙ্গল-সদ্দো চেত্থ খরভাৰসামঞ্ঞেন পথৰীপরিযাযো, ন অনুপট্ঠানৰিদূরদেসৰাচী। তেনাহ ‘‘পথৰীতলচারীন’’ন্তি। পদানং ৰুচ্চমানত্তা ‘‘সপাদকপাণান’’ন্তি ৰিসেসেত্ৰা ৰুত্তং। সমোধানন্তি অন্তোগধভাৰং। তেনাহ ‘‘ওধানং পক্খেপ’’ন্তি। ‘‘উপক্খেপ’’ন্তিপি পঠন্তি, উপনেত্ৰা পক্খিপিতব্বন্তি অত্থো। ৰস্সিকায পুপ্ফং ৰস্সিকং যথা ‘‘আমলকিযা ফলং আমলক’’ন্তি। মহাতলস্মিন্তি উপরিপাসাদে। ছট্ঠং উত্তানমেৰ।
Jaṅgalānanti jaṅgalacārīnaṃ. Jaṅgala-saddo cettha kharabhāvasāmaññena pathavīpariyāyo, na anupaṭṭhānavidūradesavācī. Tenāha ‘‘pathavītalacārīna’’nti. Padānaṃ vuccamānattā ‘‘sapādakapāṇāna’’nti visesetvā vuttaṃ. Samodhānanti antogadhabhāvaṃ. Tenāha ‘‘odhānaṃ pakkhepa’’nti. ‘‘Upakkhepa’’ntipi paṭhanti, upanetvā pakkhipitabbanti attho. Vassikāya pupphaṃ vassikaṃ yathā ‘‘āmalakiyā phalaṃ āmalaka’’nti. Mahātalasminti uparipāsāde. Chaṭṭhaṃ uttānameva.
অপ্পমাদসুত্তাদিৰণ্ণনা নিট্ঠিতা।
Appamādasuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৫. অপ্পমাদসুত্তং • 5. Appamādasuttaṃ
৬. আহুনেয্যসুত্তং • 6. Āhuneyyasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
৫. অপ্পমাদসুত্তৰণ্ণনা • 5. Appamādasuttavaṇṇanā
৬. আহুনেয্যসুত্তৰণ্ণনা • 6. Āhuneyyasuttavaṇṇanā
