| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๕-๖. อปฺปมาทสุตฺตาทิวณฺณนา
5-6. Appamādasuttādivaṇṇanā
๑๕-๑๖. ปญฺจเม การาปกอปฺปมาโท นาม ‘‘อิเม อกุสลา ธมฺมา ปหาตพฺพา, อิเม กุสลา ธมฺมา อุปสมฺปาเทตพฺพา’’ติ ตํตํปริวเชฺชตพฺพวชฺชนสมฺปาเทตพฺพสมฺปาทนวเสน ปวโตฺต อปฺปมาโทฯ เอสาติ อปฺปมาโทฯ โลกิโยว น โลกุตฺตโรฯ อยญฺจาติ จ เอสาติ จ อปฺปมาทเมว วทติฯ เตสนฺติ จาตุภูมกธมฺมานํฯ ปฎิลาภกเตฺตนาติ ปฎิลาภาปนกเตฺตนฯ
15-16. Pañcame kārāpakaappamādo nāma ‘‘ime akusalā dhammā pahātabbā, ime kusalā dhammā upasampādetabbā’’ti taṃtaṃparivajjetabbavajjanasampādetabbasampādanavasena pavatto appamādo. Esāti appamādo. Lokiyova na lokuttaro. Ayañcāti ca esāti ca appamādameva vadati. Tesanti cātubhūmakadhammānaṃ. Paṭilābhakattenāti paṭilābhāpanakattena.
ชงฺคลานนฺติ ชงฺคลจารีนํฯ ชงฺคล-สโทฺท เจตฺถ ขรภาวสามเญฺญน ปถวีปริยาโย, น อนุปฎฺฐานวิทูรเทสวาจีฯ เตนาห ‘‘ปถวีตลจารีน’’นฺติฯ ปทานํ วุจฺจมานตฺตา ‘‘สปาทกปาณาน’’นฺติ วิเสเสตฺวา วุตฺตํฯ สโมธานนฺติ อโนฺตคธภาวํฯ เตนาห ‘‘โอธานํ ปเกฺขป’’นฺติฯ ‘‘อุปเกฺขป’’นฺติปิ ปฐนฺติ, อุปเนตฺวา ปกฺขิปิตพฺพนฺติ อโตฺถฯ วสฺสิกาย ปุปฺผํ วสฺสิกํ ยถา ‘‘อามลกิยา ผลํ อามลก’’นฺติฯ มหาตลสฺมินฺติ อุปริปาสาเทฯ ฉฎฺฐํ อุตฺตานเมวฯ
Jaṅgalānanti jaṅgalacārīnaṃ. Jaṅgala-saddo cettha kharabhāvasāmaññena pathavīpariyāyo, na anupaṭṭhānavidūradesavācī. Tenāha ‘‘pathavītalacārīna’’nti. Padānaṃ vuccamānattā ‘‘sapādakapāṇāna’’nti visesetvā vuttaṃ. Samodhānanti antogadhabhāvaṃ. Tenāha ‘‘odhānaṃ pakkhepa’’nti. ‘‘Upakkhepa’’ntipi paṭhanti, upanetvā pakkhipitabbanti attho. Vassikāya pupphaṃ vassikaṃ yathā ‘‘āmalakiyā phalaṃ āmalaka’’nti. Mahātalasminti uparipāsāde. Chaṭṭhaṃ uttānameva.
อปฺปมาทสุตฺตาทิวณฺณนา นิฎฺฐิตาฯ
Appamādasuttādivaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๕. อปฺปมาทสุตฺตํ • 5. Appamādasuttaṃ
๖. อาหุเนยฺยสุตฺตํ • 6. Āhuneyyasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā)
๕. อปฺปมาทสุตฺตวณฺณนา • 5. Appamādasuttavaṇṇanā
๖. อาหุเนยฺยสุตฺตวณฺณนา • 6. Āhuneyyasuttavaṇṇanā
