| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
5-6. අප්‌පමාදසුත්‌තාදිවණ්‌ණනා
5-6. Appamādasuttādivaṇṇanā
15-16. පඤ්‌චමෙ කාරාපකඅප්‌පමාදො නාම ‘‘ඉමෙ අකුසලා ධම්‌මා පහාතබ්‌බා, ඉමෙ කුසලා ධම්‌මා උපසම්‌පාදෙතබ්‌බා’’ති තංතංපරිවජ්‌ජෙතබ්‌බවජ්‌ජනසම්‌පාදෙතබ්‌බසම්‌පාදනවසෙන පවත්‌තො අප්‌පමාදො. එසාති අප්‌පමාදො. ලොකියොව න ලොකුත්‌තරො. අයඤ්‌චාති ච එසාති ච අප්‌පමාදමෙව වදති. තෙසන්‌ති චාතුභූමකධම්‌මානං. පටිලාභකත්‌තෙනාති පටිලාභාපනකත්‌තෙන.
15-16. Pañcame kārāpakaappamādo nāma ‘‘ime akusalā dhammā pahātabbā, ime kusalā dhammā upasampādetabbā’’ti taṃtaṃparivajjetabbavajjanasampādetabbasampādanavasena pavatto appamādo. Esāti appamādo. Lokiyova na lokuttaro. Ayañcāti ca esāti ca appamādameva vadati. Tesanti cātubhūmakadhammānaṃ. Paṭilābhakattenāti paṭilābhāpanakattena.
ජඞ්‌ගලානන්‌ති ජඞ්‌ගලචාරීනං. ජඞ්‌ගල-සද්‌දො චෙත්‌ථ ඛරභාවසාමඤ්‌ඤෙන පථවීපරියායො, න අනුපට්‌ඨානවිදූරදෙසවාචී. තෙනාහ ‘‘පථවීතලචාරීන’’න්‌ති. පදානං වුච්‌චමානත්‌තා ‘‘සපාදකපාණාන’’න්‌ති විසෙසෙත්‌වා වුත්‌තං. සමොධානන්‌ති අන්‌තොගධභාවං. තෙනාහ ‘‘ඔධානං පක්‌ඛෙප’’න්‌ති. ‘‘උපක්‌ඛෙප’’න්‌තිපි පඨන්‌ති, උපනෙත්‌වා පක්‌ඛිපිතබ්‌බන්‌ති අත්‌ථො. වස්‌සිකාය පුප්‌ඵං වස්‌සිකං යථා ‘‘ආමලකියා ඵලං ආමලක’’න්‌ති. මහාතලස්‌මින්‌ති උපරිපාසාදෙ. ඡට්‌ඨං උත්‌තානමෙව.
Jaṅgalānanti jaṅgalacārīnaṃ. Jaṅgala-saddo cettha kharabhāvasāmaññena pathavīpariyāyo, na anupaṭṭhānavidūradesavācī. Tenāha ‘‘pathavītalacārīna’’nti. Padānaṃ vuccamānattā ‘‘sapādakapāṇāna’’nti visesetvā vuttaṃ. Samodhānanti antogadhabhāvaṃ. Tenāha ‘‘odhānaṃ pakkhepa’’nti. ‘‘Upakkhepa’’ntipi paṭhanti, upanetvā pakkhipitabbanti attho. Vassikāya pupphaṃ vassikaṃ yathā ‘‘āmalakiyā phalaṃ āmalaka’’nti. Mahātalasminti uparipāsāde. Chaṭṭhaṃ uttānameva.
අප්‌පමාදසුත්‌තාදිවණ්‌ණනා නිට්‌ඨිතා.
Appamādasuttādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
5. අප්‌පමාදසුත්‌තං • 5. Appamādasuttaṃ
6. ආහුනෙය්‍යසුත්‌තං • 6. Āhuneyyasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā)
5. අප්‌පමාදසුත්‌තවණ්‌ණනා • 5. Appamādasuttavaṇṇanā
6. ආහුනෙය්‍යසුත්‌තවණ්‌ණනා • 6. Āhuneyyasuttavaṇṇanā
