| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༥-༦. ཨཔྤམཱདསུཏྟཱདིཝཎྞནཱ
5-6. Appamādasuttādivaṇṇanā
༡༥-༡༦. པཉྩམེ ཀཱརཱཔཀཨཔྤམཱདོ ནཱམ ‘‘ཨིམེ ཨཀུསལཱ དྷམྨཱ པཧཱཏབྦཱ, ཨིམེ ཀུསལཱ དྷམྨཱ ཨུཔསམྤཱདེཏབྦཱ’’ཏི ཏཾཏཾཔརིཝཛྫེཏབྦཝཛྫནསམྤཱདེཏབྦསམྤཱདནཝསེན པཝཏྟོ ཨཔྤམཱདོ། ཨེསཱཏི ཨཔྤམཱདོ། ལོཀིཡོཝ ན ལོཀུཏྟརོ། ཨཡཉྩཱཏི ཙ ཨེསཱཏི ཙ ཨཔྤམཱདམེཝ ཝདཏི། ཏེསནྟི ཙཱཏུབྷཱུམཀདྷམྨཱནཾ། པཊིལཱབྷཀཏྟེནཱཏི པཊིལཱབྷཱཔནཀཏྟེན།
15-16. Pañcame kārāpakaappamādo nāma ‘‘ime akusalā dhammā pahātabbā, ime kusalā dhammā upasampādetabbā’’ti taṃtaṃparivajjetabbavajjanasampādetabbasampādanavasena pavatto appamādo. Esāti appamādo. Lokiyova na lokuttaro. Ayañcāti ca esāti ca appamādameva vadati. Tesanti cātubhūmakadhammānaṃ. Paṭilābhakattenāti paṭilābhāpanakattena.
ཛངྒལཱནནྟི ཛངྒལཙཱརཱིནཾ། ཛངྒལ-སདྡོ ཙེཏྠ ཁརབྷཱཝསཱམཉྙེན པཐཝཱིཔརིཡཱཡོ, ན ཨནུཔཊྛཱནཝིདཱུརདེསཝཱཙཱི། ཏེནཱཧ ‘‘པཐཝཱིཏལཙཱརཱིན’’ནྟི། པདཱནཾ ཝུཙྩམཱནཏྟཱ ‘‘སཔཱདཀཔཱཎཱན’’ནྟི ཝིསེསེཏྭཱ ཝུཏྟཾ། སམོདྷཱནནྟི ཨནྟོགདྷབྷཱཝཾ། ཏེནཱཧ ‘‘ཨོདྷཱནཾ པཀྑེཔ’’ནྟི། ‘‘ཨུཔཀྑེཔ’’ནྟིཔི པཋནྟི, ཨུཔནེཏྭཱ པཀྑིཔིཏབྦནྟི ཨཏྠོ། ཝསྶིཀཱཡ པུཔྥཾ ཝསྶིཀཾ ཡཐཱ ‘‘ཨཱམལཀིཡཱ ཕལཾ ཨཱམལཀ’’ནྟི། མཧཱཏལསྨིནྟི ཨུཔརིཔཱསཱདེ། ཚཊྛཾ ཨུཏྟཱནམེཝ།
Jaṅgalānanti jaṅgalacārīnaṃ. Jaṅgala-saddo cettha kharabhāvasāmaññena pathavīpariyāyo, na anupaṭṭhānavidūradesavācī. Tenāha ‘‘pathavītalacārīna’’nti. Padānaṃ vuccamānattā ‘‘sapādakapāṇāna’’nti visesetvā vuttaṃ. Samodhānanti antogadhabhāvaṃ. Tenāha ‘‘odhānaṃ pakkhepa’’nti. ‘‘Upakkhepa’’ntipi paṭhanti, upanetvā pakkhipitabbanti attho. Vassikāya pupphaṃ vassikaṃ yathā ‘‘āmalakiyā phalaṃ āmalaka’’nti. Mahātalasminti uparipāsāde. Chaṭṭhaṃ uttānameva.
ཨཔྤམཱདསུཏྟཱདིཝཎྞནཱ ནིཊྛིཏཱ།
Appamādasuttādivaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya
༥. ཨཔྤམཱདསུཏྟཾ • 5. Appamādasuttaṃ
༦. ཨཱཧུནེཡྻསུཏྟཾ • 6. Āhuneyyasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā)
༥. ཨཔྤམཱདསུཏྟཝཎྞནཱ • 5. Appamādasuttavaṇṇanā
༦. ཨཱཧུནེཡྻསུཏྟཝཎྞནཱ • 6. Āhuneyyasuttavaṇṇanā
