| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
11. அப்பமாத³ஸுத்தவண்ணனா
11. Appamādasuttavaṇṇanā
53. ஏகாத³ஸமே ஸமதி⁴க்³க³ய்ஹாதி ஸுட்டு² க³ண்ஹித்வா. ஜங்க³லானங் பாணானந்தி பத²வீதலசாரீனங் ஸபாத³கபாணானங். பத³ஜாதானீதி பதா³னி. ஸமோதா⁴னங் க³ச்ச²ந்தீதி ஓதா⁴னங் உபனிக்கே²பங் க³ச்ச²ந்தி. அக்³க³மக்கா²யதீதி ஸெட்ட²ங் அக்கா²யதி. பப்³ப³ஜலாயகோதி பப்³ப³ஜதிணச்சே²த³கோ. ஓது⁴னாதீதி ஹெட்டா² முக²ங் து⁴னாதி. நிது⁴னாதீதி உபோ⁴ஹி பஸ்ஸேஹி து⁴னாதி. நிச்சா²தே³தீதி பா³ஹாய வா பஹரதி, ருக்கே² வா பஹரதி. அம்ப³பிண்டி³யாதி அம்ப³ப²லபிண்டி³யா. வண்டூபனிப³ந்த⁴னானீதி வண்டே உபனிப³ந்த⁴னானி , வண்டே வா பதிட்டி²தானி. தத³ன்வயானி ப⁴வந்தீதி வண்டானுவத்தகானி ப⁴வந்தி, அம்ப³பிண்டி³த³ண்ட³கானுவத்தகானி ப⁴வந்தீதிபி அத்தோ². கு²த்³த³ராஜானோதி கு²த்³த³கராஜானோ, பகதிராஜானோ வா.
53. Ekādasame samadhiggayhāti suṭṭhu gaṇhitvā. Jaṅgalānaṃ pāṇānanti pathavītalacārīnaṃ sapādakapāṇānaṃ. Padajātānīti padāni. Samodhānaṃ gacchantīti odhānaṃ upanikkhepaṃ gacchanti. Aggamakkhāyatīti seṭṭhaṃ akkhāyati. Pabbajalāyakoti pabbajatiṇacchedako. Odhunātīti heṭṭhā mukhaṃ dhunāti. Nidhunātīti ubhohi passehi dhunāti. Nicchādetīti bāhāya vā paharati, rukkhe vā paharati. Ambapiṇḍiyāti ambaphalapiṇḍiyā. Vaṇṭūpanibandhanānīti vaṇṭe upanibandhanāni , vaṇṭe vā patiṭṭhitāni. Tadanvayāni bhavantīti vaṇṭānuvattakāni bhavanti, ambapiṇḍidaṇḍakānuvattakāni bhavantītipi attho. Khuddarājānoti khuddakarājāno, pakatirājāno vā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 11. அப்பமாத³ஸுத்தங் • 11. Appamādasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 11. அப்பமாத³ஸுத்தவண்ணனா • 11. Appamādasuttavaṇṇanā
