| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. அப்பமாத³ஸுத்தவண்ணனா
7. Appamādasuttavaṇṇanā
128. ஸத்தமே ஸமதி⁴க்³க³ய்ஹாதி ஸமதி⁴க்³க³ண்ஹித்வா, ஆதி³யித்வாதி அத்தோ². அப்பமாதோ³தி காராபகஅப்பமாதோ³. ஸமோதா⁴னந்தி ஸமவதா⁴னங் உபக்கே²பங். ஏவமேவ கோ²தி ஹத்தி²பத³ங் விய ஹி காராபகஅப்பமாதோ³, ஸேஸபத³ஜாதானி விய அவஸேஸா சதுபூ⁴மகா குஸலத⁴ம்மா. தே ஹத்தி²பதே³ ஸேஸபதா³னி விய அப்பமாதே³ ஸமோதா⁴னங் க³ச்ச²ந்தி, அப்பமாத³ஸ்ஸ அந்தோ பரிவத்தந்தி. யதா² ச ஹத்தி²பத³ங் ஸேஸபதா³னங் அக்³க³ங் ஸெட்ட²ங், ஏவங் அப்பமாதோ³ ஸேஸத⁴ம்மானந்தி த³ஸ்ஸேதி. மஹக்³க³தலோகுத்தரத⁴ம்மானம்பி ஹேஸ படிலாப⁴கட்டே²ன லோகியோபி ஸமானோ அக்³கோ³வ ஹோதி.
128. Sattame samadhiggayhāti samadhiggaṇhitvā, ādiyitvāti attho. Appamādoti kārāpakaappamādo. Samodhānanti samavadhānaṃ upakkhepaṃ. Evameva khoti hatthipadaṃ viya hi kārāpakaappamādo, sesapadajātāni viya avasesā catubhūmakā kusaladhammā. Te hatthipade sesapadāni viya appamāde samodhānaṃ gacchanti, appamādassa anto parivattanti. Yathā ca hatthipadaṃ sesapadānaṃ aggaṃ seṭṭhaṃ, evaṃ appamādo sesadhammānanti dasseti. Mahaggatalokuttaradhammānampi hesa paṭilābhakaṭṭhena lokiyopi samāno aggova hoti.
அப்பமாத³ங் பஸங்ஸந்தீதி ‘‘ஏதானி ஆயுஆதீ³னி பத்த²யந்தேன அப்பமாதோ³வ காதப்³போ³’’தி அப்பமாத³மேவ பஸங்ஸந்தி. யஸ்மா வா புஞ்ஞகிரியாஸு பண்டி³தா அப்பமாத³ங் பஸங்ஸந்தி, தஸ்மா ஆயுஆதீ³னி பத்த²யந்தேன அப்பமாதோ³வ காதப்³போ³தி அத்தோ². அத்தா²பி⁴ஸமயாதி அத்த²படிலாபா⁴. ஸத்தமங்.
Appamādaṃ pasaṃsantīti ‘‘etāni āyuādīni patthayantena appamādova kātabbo’’ti appamādameva pasaṃsanti. Yasmā vā puññakiriyāsu paṇḍitā appamādaṃ pasaṃsanti, tasmā āyuādīni patthayantena appamādova kātabboti attho. Atthābhisamayāti atthapaṭilābhā. Sattamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. அப்பமாத³ஸுத்தங் • 7. Appamādasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. அப்பமாத³ஸுத்தவண்ணனா • 7. Appamādasuttavaṇṇanā
