| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
১১. অপ্পমাদসুত্তৰণ্ণনা
11. Appamādasuttavaṇṇanā
৫৩. একাদসমে জঙ্গলানন্তি এত্থ যো নিপিচ্ছলো ন অনূপো নিরুদকতায থদ্ধলূখো ভূমিপ্পদেসো, সো ‘‘জঙ্গলো’’তি ৰুচ্চতি। তব্বহুলতায পন ইধ সব্বো ভূমিপ্পদেসো জঙ্গলো। তস্মিং জঙ্গলে জাতা ভৰাতি ৰা জঙ্গলা, তেসং জঙ্গলানং। এৰঞ্হি নদিচরানম্পি হত্থীনং সঙ্গহো কতো হোতি সমোধাতব্বানং ৰিয সমোধাযকানম্পি ইধ জঙ্গলগ্গহণেন গহেতব্বতো। পথৰীতলচারীনন্তি ইমিনা জলচারিনো চ নিৰত্তেতি অদিস্সমানপাদত্তা। ‘‘পাণান’’ন্তি সাধারণৰচনম্পি ‘‘পদজাতানী’’তি সদ্দন্তরসন্নিধানেন ৰিসেসনিৰিট্ঠমেৰ হোতীতি আহ ‘‘সপাদকপাণান’’ন্তি। ‘‘মুত্তগত’’ন্তিআদীসু (ম॰ নি॰ ২.১১৯; অ॰ নি॰ ৯.১১) গত-সদ্দো ৰিয ইধ জাত-সদ্দো অনত্থন্তরোতি আহ ‘‘পদজাতানীতি পদানী’’তি। সমোধানন্তি সমৰরোধং, অন্তোগধং ৰা। তেনাহ ‘‘ওধানং উপনিক্খেপং গচ্ছন্তী’’তি। কূটঙ্গমাতি পারিমন্তেন কূটং উপগচ্ছন্তি। কূটনিন্নাতি কূটচ্ছিদ্দমগ্গে পৰিসনৰসেন কূটে নিন্না। কূটসমোসরণাতি ছিদ্দে অনুপৰিসনৰসেন চ আহচ্চ অৰত্থানেন চ কূটে সমোদহিত্ৰা ঠিতা। ৰণ্টে পতমানে সব্বানি ভূমিযং পতন্তীতি আহ ‘‘ৰণ্টানুৰত্তকানি ভৰন্তী’’তি।
53. Ekādasame jaṅgalānanti ettha yo nipicchalo na anūpo nirudakatāya thaddhalūkho bhūmippadeso, so ‘‘jaṅgalo’’ti vuccati. Tabbahulatāya pana idha sabbo bhūmippadeso jaṅgalo. Tasmiṃ jaṅgale jātā bhavāti vā jaṅgalā, tesaṃ jaṅgalānaṃ. Evañhi nadicarānampi hatthīnaṃ saṅgaho kato hoti samodhātabbānaṃ viya samodhāyakānampi idha jaṅgalaggahaṇena gahetabbato. Pathavītalacārīnanti iminā jalacārino ca nivatteti adissamānapādattā. ‘‘Pāṇāna’’nti sādhāraṇavacanampi ‘‘padajātānī’’ti saddantarasannidhānena visesaniviṭṭhameva hotīti āha ‘‘sapādakapāṇāna’’nti. ‘‘Muttagata’’ntiādīsu (ma. ni. 2.119; a. ni. 9.11) gata-saddo viya idha jāta-saddo anatthantaroti āha ‘‘padajātānīti padānī’’ti. Samodhānanti samavarodhaṃ, antogadhaṃ vā. Tenāha ‘‘odhānaṃ upanikkhepaṃ gacchantī’’ti. Kūṭaṅgamāti pārimantena kūṭaṃ upagacchanti. Kūṭaninnāti kūṭacchiddamagge pavisanavasena kūṭe ninnā. Kūṭasamosaraṇāti chidde anupavisanavasena ca āhacca avatthānena ca kūṭe samodahitvā ṭhitā. Vaṇṭe patamāne sabbāni bhūmiyaṃ patantīti āha ‘‘vaṇṭānuvattakāni bhavantī’’ti.
অপ্পমাদসুত্তৰণ্ণনা নিট্ঠিতা।
Appamādasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১১. অপ্পমাদসুত্তং • 11. Appamādasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১১. অপ্পমাদসুত্তৰণ্ণনা • 11. Appamādasuttavaṇṇanā
