| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৭. অপ্পমাদসুত্তৰণ্ণনা
7. Appamādasuttavaṇṇanā
১২৮. সমধিগ্গয্হাতি সম্মা অতিৰিয গহেত্ৰা, ঞাযেন ৰিসেসতো গণ্হিত্ৰা। কারাপকঅপ্পমাদোতি তিণ্ণং পুঞ্ঞকিরিযৰত্থূনং পৰত্তকঅপ্পমাদো। সমৰধানন্তি সমৰরোধং অন্তোগধং। উপক্খেপন্তি বহি অহুত্ৰা পক্খিপিতব্বতং। সেসপদজাতানি ৰিয অৰ…পে॰… ধম্মা সপ্পদেসত্তা। অপ্পমাদে সমোধানং গচ্ছন্তি তস্স নিপ্পদেসত্তা। অগ্গং সেট্ঠং মহন্তং সেসধম্মানং অপ্পমাদো। পটিলাভকট্ঠেনাতি অধিগমহেতুতায। লোকিযোপি সমানোতি কামাৰচরোপি সমানো। মহগ্গতানুত্তরানং পুব্বভাগে পৰত্তঅপ্পমাদো হি ইধাধিপ্পেতো।
128.Samadhiggayhāti sammā ativiya gahetvā, ñāyena visesato gaṇhitvā. Kārāpakaappamādoti tiṇṇaṃ puññakiriyavatthūnaṃ pavattakaappamādo. Samavadhānanti samavarodhaṃ antogadhaṃ. Upakkhepanti bahi ahutvā pakkhipitabbataṃ. Sesapadajātāni viya ava…pe… dhammā sappadesattā. Appamāde samodhānaṃ gacchanti tassa nippadesattā. Aggaṃ seṭṭhaṃ mahantaṃ sesadhammānaṃappamādo. Paṭilābhakaṭṭhenāti adhigamahetutāya. Lokiyopi samānoti kāmāvacaropi samāno. Mahaggatānuttarānaṃ pubbabhāge pavattaappamādo hi idhādhippeto.
পসংসন্তি পণ্ডিতাতি যোজনা। অপ্পমাদস্স পাসংসভাৰে একন্ততো কত্তব্বতায পন ‘‘এতানী’’তিআদিনা কারণং আহ। ইমিস্সা যোজনায ‘‘পুঞ্ঞকিরিযাসূ’’তি পদস্স ‘‘অপ্পমত্তো’’তি ইমিনা সম্বন্ধো। যস্মা পণ্ডিতা অপ্পমাদং পসংসন্তি, যস্মা চ পুঞ্ঞকিরিযাসু অপ্পমত্তো উভো অত্থে অধিগ্গণ্হাতি, তস্মা আযুআদীনি পত্থযন্তেন অপ্পমাদোৰ কাতব্বোতি। দুতিযযোজনায পন পণ্ডিতা অপ্পমাদং পসংসন্তি। কত্থ? পুঞ্ঞকিরিযাসু। কস্মাতি চে? অপ্পমত্তোতিআদি। তেনাহ ‘‘যস্মা…পে॰… অত্থো’’তি। অত্থপটিলাভাতি দিট্ঠধম্মিকাদিহিতপটিলাভা।
Pasaṃsanti paṇḍitāti yojanā. Appamādassa pāsaṃsabhāve ekantato kattabbatāya pana ‘‘etānī’’tiādinā kāraṇaṃ āha. Imissā yojanāya ‘‘puññakiriyāsū’’ti padassa ‘‘appamatto’’ti iminā sambandho. Yasmā paṇḍitā appamādaṃ pasaṃsanti, yasmā ca puññakiriyāsu appamatto ubho atthe adhiggaṇhāti, tasmā āyuādīni patthayantena appamādova kātabboti. Dutiyayojanāya pana paṇḍitā appamādaṃ pasaṃsanti. Kattha? Puññakiriyāsu. Kasmāti ce? Appamattotiādi. Tenāha ‘‘yasmā…pe… attho’’ti. Atthapaṭilābhāti diṭṭhadhammikādihitapaṭilābhā.
অপ্পমাদসুত্তৰণ্ণনা নিট্ঠিতা।
Appamādasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৭. অপ্পমাদসুত্তং • 7. Appamādasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৭. অপ্পমাদসুত্তৰণ্ণনা • 7. Appamādasuttavaṇṇanā
