| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. аббамаад̣̇асуд̇д̇аван̣н̣анаа
5. Appamādasuttavaṇṇanā
15. бан̃жамз звамзва код̇и яат̇аа саб̣б̣асад̇д̇аанам̣ саммаасамб̣уд̣̇д̇хо аг̇г̇о, звам̣ саб̣б̣зсам̣ гусалад̇хаммаанам̣ гаараабагааббамаад̣̇о аг̇г̇од̇и д̣̇адтаб̣б̣о. нану жзса логияова, гусалад̇хаммаа бана логуд̇д̇арааби. аяан̃жа гаамааважарова, гусалад̇хаммаа бана жад̇убхуумагаа. гат̇амзса д̇зсам̣ аг̇г̇од̇и? бадилаабхагад̇д̇зна. аббамаад̣̇зна хи д̇з бадилабханд̇и, д̇асмаа со д̇зсам̣ аг̇г̇о. д̇знзва вуд̇д̇ам̣ – саб̣б̣з д̇з аббамаад̣̇амуулагаад̇и.
15. Pañcame evameva khoti yathā sabbasattānaṃ sammāsambuddho aggo, evaṃ sabbesaṃ kusaladhammānaṃ kārāpakaappamādo aggoti daṭṭhabbo. Nanu cesa lokiyova, kusaladhammā pana lokuttarāpi. Ayañca kāmāvacarova, kusaladhammā pana catubhūmakā. Kathamesa tesaṃ aggoti? Paṭilābhakattena. Appamādena hi te paṭilabhanti, tasmā so tesaṃ aggo. Teneva vuttaṃ – sabbe te appamādamūlakāti.
ж̇ан̇г̇алаананд̇и бат̇авид̇алажаарийнам̣. баан̣аананд̇и сабаад̣̇агабаан̣аанам̣. бад̣̇аж̇аад̇аанийд̇и бад̣̇аани. самод̇хаанам̣ г̇ажчанд̇ийд̇и од̇хаанам̣ багкзбам̣ г̇ажчанд̇и. аг̇г̇амагкааяад̇ийд̇и сздтамагкааяад̇и. яад̣̇ид̣̇ам̣ маханд̇ад̇д̇знаад̇и маханд̇абхаавзна аг̇г̇амагкааяад̇и, на г̇ун̣аг̇г̇знаад̇и ад̇т̇о. вассиганд̇и суманабубпам̣. ид̣̇ам̣ гира суд̇д̇ам̣ суд̇ваа бхаад̇ияамахаарааж̇аа виймам̣сид̇угаамад̇ааяа згасмим̣ г̇аб̣бхз жад̇уж̇аад̇иг̇анд̇хзхи барибхан̣д̣ам̣ гад̇ваа суг̇анд̇хабубпаани аахараабзд̇ваа згасса самуг̇г̇асса маж̇жхз суманабубпамудтим̣ табзд̇ваа сзсаани д̇асса саманд̇ад̇о мудтим̣ гад̇ваа табзд̇ваа д̣̇ваарам̣ бид̇хааяа б̣ахи нигканд̇о. ат̇асса мухуд̇д̇ам̣ б̣ахи вийд̇инаамзд̇ваа д̣̇ваарам̣ виварид̇ваа бависанд̇асса саб̣б̣абатамам̣ суманабубпаг̇анд̇хо гхаанам̣ бахари. со махаад̇аласмим̣язва махаажзд̇ияаабхимуко нибаж̇ж̇ид̇ваа ‘‘вассигам̣ д̇зсам̣ аг̇г̇анд̇и гат̇знд̇зна сугат̇ид̇ам̣ саммаасамб̣уд̣̇д̇хзнаа’’д̇и жзд̇ияам̣ ванд̣̇и. куд̣̇д̣̇арааж̇аанод̇и куд̣̇д̣̇агарааж̇аано. гуударааж̇аанод̇иби баато.
Jaṅgalānanti pathavitalacārīnaṃ. Pāṇānanti sapādakapāṇānaṃ. Padajātānīti padāni. Samodhānaṃ gacchantīti odhānaṃ pakkhepaṃ gacchanti. Aggamakkhāyatīti seṭṭhamakkhāyati. Yadidaṃmahantattenāti mahantabhāvena aggamakkhāyati, na guṇaggenāti attho. Vassikanti sumanapupphaṃ. Idaṃ kira suttaṃ sutvā bhātiyamahārājā vīmaṃsitukāmatāya ekasmiṃ gabbhe catujātigandhehi paribhaṇḍaṃ katvā sugandhapupphāni āharāpetvā ekassa samuggassa majjhe sumanapupphamuṭṭhiṃ ṭhapetvā sesāni tassa samantato muṭṭhiṃ katvā ṭhapetvā dvāraṃ pidhāya bahi nikkhanto. Athassa muhuttaṃ bahi vītināmetvā dvāraṃ vivaritvā pavisantassa sabbapaṭhamaṃ sumanapupphagandho ghānaṃ pahari. So mahātalasmiṃyeva mahācetiyābhimukho nipajjitvā ‘‘vassikaṃ tesaṃ agganti kathentena sukathitaṃ sammāsambuddhenā’’ti cetiyaṃ vandi. Khuddarājānoti khuddakarājāno. Kūṭarājānotipi pāṭho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. аббамаад̣̇асуд̇д̇ам̣ • 5. Appamādasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-6. аббамаад̣̇асуд̇д̇аад̣̇иван̣н̣анаа • 5-6. Appamādasuttādivaṇṇanā
