| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. аббамаад̣̇асуд̇д̇аван̣н̣анаа
7. Appamādasuttavaṇṇanā
128. самад̇хиг̇г̇аяхаад̇и саммаа ад̇ивияа г̇ахзд̇ваа, н̃ааязна висзсад̇о г̇ан̣хид̇ваа. гаараабагааббамаад̣̇од̇и д̇ин̣н̣ам̣ бун̃н̃агирияавад̇т̇уунам̣ бавад̇д̇агааббамаад̣̇о. самавад̇хаананд̇и самаварод̇хам̣ анд̇ог̇ад̇хам̣. убагкзбанд̇и б̣ахи ахуд̇ваа багкибид̇аб̣б̣ад̇ам̣. сзсабад̣̇аж̇аад̇аани вияа ава…бз… д̇хаммаа саббад̣̇зсад̇д̇аа. аббамаад̣̇з самод̇хаанам̣ г̇ажчанд̇и д̇асса ниббад̣̇зсад̇д̇аа. аг̇г̇ам̣ сздтам̣ маханд̇ам̣ сзсад̇хаммаанам̣ аббамаад̣̇о. бадилаабхагадтзнаад̇и ад̇хиг̇амахзд̇уд̇ааяа. логияоби самаанод̇и гаамааважароби самаано. махаг̇г̇ад̇аануд̇д̇араанам̣ буб̣б̣абхааг̇з бавад̇д̇ааббамаад̣̇о хи ид̇хаад̇хиббзд̇о.
128.Samadhiggayhāti sammā ativiya gahetvā, ñāyena visesato gaṇhitvā. Kārāpakaappamādoti tiṇṇaṃ puññakiriyavatthūnaṃ pavattakaappamādo. Samavadhānanti samavarodhaṃ antogadhaṃ. Upakkhepanti bahi ahutvā pakkhipitabbataṃ. Sesapadajātāni viya ava…pe… dhammā sappadesattā. Appamāde samodhānaṃ gacchanti tassa nippadesattā. Aggaṃ seṭṭhaṃ mahantaṃ sesadhammānaṃappamādo. Paṭilābhakaṭṭhenāti adhigamahetutāya. Lokiyopi samānoti kāmāvacaropi samāno. Mahaggatānuttarānaṃ pubbabhāge pavattaappamādo hi idhādhippeto.
басам̣санд̇и бан̣д̣ид̇аад̇и яож̇анаа. аббамаад̣̇асса баасам̣сабхаавз зганд̇ад̇о гад̇д̇аб̣б̣ад̇ааяа бана ‘‘зд̇ааний’’д̇иаад̣̇инаа гааран̣ам̣ ааха. имиссаа яож̇анааяа ‘‘бун̃н̃агирияаасуу’’д̇и бад̣̇асса ‘‘аббамад̇д̇о’’д̇и иминаа самб̣анд̇хо. яасмаа бан̣д̣ид̇аа аббамаад̣̇ам̣ басам̣санд̇и, яасмаа жа бун̃н̃агирияаасу аббамад̇д̇о убхо ад̇т̇з ад̇хиг̇г̇ан̣хаад̇и, д̇асмаа ааяуаад̣̇ийни бад̇т̇аяанд̇зна аббамаад̣̇ова гаад̇аб̣б̣од̇и. д̣̇уд̇ияаяож̇анааяа бана бан̣д̣ид̇аа аббамаад̣̇ам̣ басам̣санд̇и. гад̇т̇а? бун̃н̃агирияаасу. гасмаад̇и жз? аббамад̇д̇од̇иаад̣̇и. д̇знааха ‘‘яасмаа…бз… ад̇т̇о’’д̇и. ад̇т̇абадилаабхаад̇и д̣̇идтад̇хаммигаад̣̇ихид̇абадилаабхаа.
Pasaṃsanti paṇḍitāti yojanā. Appamādassa pāsaṃsabhāve ekantato kattabbatāya pana ‘‘etānī’’tiādinā kāraṇaṃ āha. Imissā yojanāya ‘‘puññakiriyāsū’’ti padassa ‘‘appamatto’’ti iminā sambandho. Yasmā paṇḍitā appamādaṃ pasaṃsanti, yasmā ca puññakiriyāsu appamatto ubho atthe adhiggaṇhāti, tasmā āyuādīni patthayantena appamādova kātabboti. Dutiyayojanāya pana paṇḍitā appamādaṃ pasaṃsanti. Kattha? Puññakiriyāsu. Kasmāti ce? Appamattotiādi. Tenāha ‘‘yasmā…pe… attho’’ti. Atthapaṭilābhāti diṭṭhadhammikādihitapaṭilābhā.
аббамаад̣̇асуд̇д̇аван̣н̣анаа нидтид̇аа.
Appamādasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. аббамаад̣̇асуд̇д̇ам̣ • 7. Appamādasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. аббамаад̣̇асуд̇д̇аван̣н̣анаа • 7. Appamādasuttavaṇṇanā
