| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๑๑. อปฺปมาทสุตฺตวณฺณนา
11. Appamādasuttavaṇṇanā
๕๓. เอกาทสเม สมธิคฺคยฺหาติ สุฎฺฐุ คณฺหิตฺวาฯ ชงฺคลานํ ปาณานนฺติ ปถวีตลจารีนํ สปาทกปาณานํฯ ปทชาตานีติ ปทานิฯ สโมธานํ คจฺฉนฺตีติ โอธานํ อุปนิเกฺขปํ คจฺฉนฺติฯ อคฺคมกฺขายตีติ เสฎฺฐํ อกฺขายติฯ ปพฺพชลายโกติ ปพฺพชติณเจฺฉทโกฯ โอธุนาตีติ เหฎฺฐา มุขํ ธุนาติฯ นิธุนาตีติ อุโภหิ ปเสฺสหิ ธุนาติฯ นิจฺฉาเทตีติ พาหาย วา ปหรติ, รุเกฺข วา ปหรติฯ อมฺพปิณฺฑิยาติ อมฺพผลปิณฺฑิยาฯ วณฺฎูปนิพนฺธนานีติ วเณฺฎ อุปนิพนฺธนานิ , วเณฺฎ วา ปติฎฺฐิตานิฯ ตทนฺวยานิ ภวนฺตีติ วณฺฎานุวตฺตกานิ ภวนฺติ, อมฺพปิณฺฑิทณฺฑกานุวตฺตกานิ ภวนฺตีติปิ อโตฺถฯ ขุทฺทราชาโนติ ขุทฺทกราชาโน, ปกติราชาโน วาฯ
53. Ekādasame samadhiggayhāti suṭṭhu gaṇhitvā. Jaṅgalānaṃ pāṇānanti pathavītalacārīnaṃ sapādakapāṇānaṃ. Padajātānīti padāni. Samodhānaṃ gacchantīti odhānaṃ upanikkhepaṃ gacchanti. Aggamakkhāyatīti seṭṭhaṃ akkhāyati. Pabbajalāyakoti pabbajatiṇacchedako. Odhunātīti heṭṭhā mukhaṃ dhunāti. Nidhunātīti ubhohi passehi dhunāti. Nicchādetīti bāhāya vā paharati, rukkhe vā paharati. Ambapiṇḍiyāti ambaphalapiṇḍiyā. Vaṇṭūpanibandhanānīti vaṇṭe upanibandhanāni , vaṇṭe vā patiṭṭhitāni. Tadanvayāni bhavantīti vaṇṭānuvattakāni bhavanti, ambapiṇḍidaṇḍakānuvattakāni bhavantītipi attho. Khuddarājānoti khuddakarājāno, pakatirājāno vā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑๑. อปฺปมาทสุตฺตํ • 11. Appamādasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑๑. อปฺปมาทสุตฺตวณฺณนา • 11. Appamādasuttavaṇṇanā
