| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๗. อปฺปมาทสุตฺตวณฺณนา
7. Appamādasuttavaṇṇanā
๑๒๘. สมธิคฺคยฺหาติ สมฺมา อติวิย คเหตฺวา, ญาเยน วิเสสโต คณฺหิตฺวาฯ การาปกอปฺปมาโทติ ติณฺณํ ปุญฺญกิริยวตฺถูนํ ปวตฺตกอปฺปมาโทฯ สมวธานนฺติ สมวโรธํ อโนฺตคธํฯ อุปเกฺขปนฺติ พหิ อหุตฺวา ปกฺขิปิตพฺพตํฯ เสสปทชาตานิ วิย อว…เป.… ธมฺมา สปฺปเทสตฺตาฯ อปฺปมาเท สโมธานํ คจฺฉนฺติ ตสฺส นิปฺปเทสตฺตาฯ อคฺคํ เสฎฺฐํ มหนฺตํ เสสธมฺมานํ อปฺปมาโทฯ ปฎิลาภกเฎฺฐนาติ อธิคมเหตุตายฯ โลกิโยปิ สมาโนติ กามาวจโรปิ สมาโนฯ มหคฺคตานุตฺตรานํ ปุพฺพภาเค ปวตฺตอปฺปมาโท หิ อิธาธิเปฺปโตฯ
128.Samadhiggayhāti sammā ativiya gahetvā, ñāyena visesato gaṇhitvā. Kārāpakaappamādoti tiṇṇaṃ puññakiriyavatthūnaṃ pavattakaappamādo. Samavadhānanti samavarodhaṃ antogadhaṃ. Upakkhepanti bahi ahutvā pakkhipitabbataṃ. Sesapadajātāni viya ava…pe… dhammā sappadesattā. Appamāde samodhānaṃ gacchanti tassa nippadesattā. Aggaṃ seṭṭhaṃ mahantaṃ sesadhammānaṃappamādo. Paṭilābhakaṭṭhenāti adhigamahetutāya. Lokiyopi samānoti kāmāvacaropi samāno. Mahaggatānuttarānaṃ pubbabhāge pavattaappamādo hi idhādhippeto.
ปสํสนฺติ ปณฺฑิตาติ โยชนาฯ อปฺปมาทสฺส ปาสํสภาเว เอกนฺตโต กตฺตพฺพตาย ปน ‘‘เอตานี’’ติอาทินา การณํ อาหฯ อิมิสฺสา โยชนาย ‘‘ปุญฺญกิริยาสู’’ติ ปทสฺส ‘‘อปฺปมโตฺต’’ติ อิมินา สมฺพโนฺธฯ ยสฺมา ปณฺฑิตา อปฺปมาทํ ปสํสนฺติ, ยสฺมา จ ปุญฺญกิริยาสุ อปฺปมโตฺต อุโภ อเตฺถ อธิคฺคณฺหาติ, ตสฺมา อายุอาทีนิ ปตฺถยเนฺตน อปฺปมาโทว กาตโพฺพติฯ ทุติยโยชนาย ปน ปณฺฑิตา อปฺปมาทํ ปสํสนฺติฯ กตฺถ? ปุญฺญกิริยาสุฯ กสฺมาติ เจ? อปฺปมโตฺตติอาทิฯ เตนาห ‘‘ยสฺมา…เป.… อโตฺถ’’ติฯ อตฺถปฎิลาภาติ ทิฎฺฐธมฺมิกาทิหิตปฎิลาภาฯ
Pasaṃsanti paṇḍitāti yojanā. Appamādassa pāsaṃsabhāve ekantato kattabbatāya pana ‘‘etānī’’tiādinā kāraṇaṃ āha. Imissā yojanāya ‘‘puññakiriyāsū’’ti padassa ‘‘appamatto’’ti iminā sambandho. Yasmā paṇḍitā appamādaṃ pasaṃsanti, yasmā ca puññakiriyāsu appamatto ubho atthe adhiggaṇhāti, tasmā āyuādīni patthayantena appamādova kātabboti. Dutiyayojanāya pana paṇḍitā appamādaṃ pasaṃsanti. Kattha? Puññakiriyāsu. Kasmāti ce? Appamattotiādi. Tenāha ‘‘yasmā…pe… attho’’ti. Atthapaṭilābhāti diṭṭhadhammikādihitapaṭilābhā.
อปฺปมาทสุตฺตวณฺณนา นิฎฺฐิตาฯ
Appamādasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๗. อปฺปมาทสุตฺตํ • 7. Appamādasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๗. อปฺปมาทสุตฺตวณฺณนา • 7. Appamādasuttavaṇṇanā
