| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. ਅਪ੍ਪਮਾਦਸੁਤ੍ਤવਣ੍ਣਨਾ
7. Appamādasuttavaṇṇanā
੧੨੮. ਸਮਧਿਗ੍ਗਯ੍ਹਾਤਿ ਸਮ੍ਮਾ ਅਤਿવਿਯ ਗਹੇਤ੍વਾ, ਞਾਯੇਨ વਿਸੇਸਤੋ ਗਣ੍ਹਿਤ੍વਾ। ਕਾਰਾਪਕਅਪ੍ਪਮਾਦੋਤਿ ਤਿਣ੍ਣਂ ਪੁਞ੍ਞਕਿਰਿਯવਤ੍ਥੂਨਂ ਪવਤ੍ਤਕਅਪ੍ਪਮਾਦੋ। ਸਮવਧਾਨਨ੍ਤਿ ਸਮવਰੋਧਂ ਅਨ੍ਤੋਗਧਂ। ਉਪਕ੍ਖੇਪਨ੍ਤਿ ਬਹਿ ਅਹੁਤ੍વਾ ਪਕ੍ਖਿਪਿਤਬ੍ਬਤਂ। ਸੇਸਪਦਜਾਤਾਨਿ વਿਯ ਅવ…ਪੇ॰… ਧਮ੍ਮਾ ਸਪ੍ਪਦੇਸਤ੍ਤਾ। ਅਪ੍ਪਮਾਦੇ ਸਮੋਧਾਨਂ ਗਚ੍ਛਨ੍ਤਿ ਤਸ੍ਸ ਨਿਪ੍ਪਦੇਸਤ੍ਤਾ। ਅਗ੍ਗਂ ਸੇਟ੍ਠਂ ਮਹਨ੍ਤਂ ਸੇਸਧਮ੍ਮਾਨਂ ਅਪ੍ਪਮਾਦੋ। ਪਟਿਲਾਭਕਟ੍ਠੇਨਾਤਿ ਅਧਿਗਮਹੇਤੁਤਾਯ। ਲੋਕਿਯੋਪਿ ਸਮਾਨੋਤਿ ਕਾਮਾવਚਰੋਪਿ ਸਮਾਨੋ। ਮਹਗ੍ਗਤਾਨੁਤ੍ਤਰਾਨਂ ਪੁਬ੍ਬਭਾਗੇ ਪવਤ੍ਤਅਪ੍ਪਮਾਦੋ ਹਿ ਇਧਾਧਿਪ੍ਪੇਤੋ।
128.Samadhiggayhāti sammā ativiya gahetvā, ñāyena visesato gaṇhitvā. Kārāpakaappamādoti tiṇṇaṃ puññakiriyavatthūnaṃ pavattakaappamādo. Samavadhānanti samavarodhaṃ antogadhaṃ. Upakkhepanti bahi ahutvā pakkhipitabbataṃ. Sesapadajātāni viya ava…pe… dhammā sappadesattā. Appamāde samodhānaṃ gacchanti tassa nippadesattā. Aggaṃ seṭṭhaṃ mahantaṃ sesadhammānaṃappamādo. Paṭilābhakaṭṭhenāti adhigamahetutāya. Lokiyopi samānoti kāmāvacaropi samāno. Mahaggatānuttarānaṃ pubbabhāge pavattaappamādo hi idhādhippeto.
ਪਸਂਸਨ੍ਤਿ ਪਣ੍ਡਿਤਾਤਿ ਯੋਜਨਾ। ਅਪ੍ਪਮਾਦਸ੍ਸ ਪਾਸਂਸਭਾવੇ ਏਕਨ੍ਤਤੋ ਕਤ੍ਤਬ੍ਬਤਾਯ ਪਨ ‘‘ਏਤਾਨੀ’’ਤਿਆਦਿਨਾ ਕਾਰਣਂ ਆਹ। ਇਮਿਸ੍ਸਾ ਯੋਜਨਾਯ ‘‘ਪੁਞ੍ਞਕਿਰਿਯਾਸੂ’’ਤਿ ਪਦਸ੍ਸ ‘‘ਅਪ੍ਪਮਤ੍ਤੋ’’ਤਿ ਇਮਿਨਾ ਸਮ੍ਬਨ੍ਧੋ। ਯਸ੍ਮਾ ਪਣ੍ਡਿਤਾ ਅਪ੍ਪਮਾਦਂ ਪਸਂਸਨ੍ਤਿ, ਯਸ੍ਮਾ ਚ ਪੁਞ੍ਞਕਿਰਿਯਾਸੁ ਅਪ੍ਪਮਤ੍ਤੋ ਉਭੋ ਅਤ੍ਥੇ ਅਧਿਗ੍ਗਣ੍ਹਾਤਿ, ਤਸ੍ਮਾ ਆਯੁਆਦੀਨਿ ਪਤ੍ਥਯਨ੍ਤੇਨ ਅਪ੍ਪਮਾਦੋવ ਕਾਤਬ੍ਬੋਤਿ। ਦੁਤਿਯਯੋਜਨਾਯ ਪਨ ਪਣ੍ਡਿਤਾ ਅਪ੍ਪਮਾਦਂ ਪਸਂਸਨ੍ਤਿ। ਕਤ੍ਥ? ਪੁਞ੍ਞਕਿਰਿਯਾਸੁ। ਕਸ੍ਮਾਤਿ ਚੇ? ਅਪ੍ਪਮਤ੍ਤੋਤਿਆਦਿ। ਤੇਨਾਹ ‘‘ਯਸ੍ਮਾ…ਪੇ॰… ਅਤ੍ਥੋ’’ਤਿ। ਅਤ੍ਥਪਟਿਲਾਭਾਤਿ ਦਿਟ੍ਠਧਮ੍ਮਿਕਾਦਿਹਿਤਪਟਿਲਾਭਾ।
Pasaṃsanti paṇḍitāti yojanā. Appamādassa pāsaṃsabhāve ekantato kattabbatāya pana ‘‘etānī’’tiādinā kāraṇaṃ āha. Imissā yojanāya ‘‘puññakiriyāsū’’ti padassa ‘‘appamatto’’ti iminā sambandho. Yasmā paṇḍitā appamādaṃ pasaṃsanti, yasmā ca puññakiriyāsu appamatto ubho atthe adhiggaṇhāti, tasmā āyuādīni patthayantena appamādova kātabboti. Dutiyayojanāya pana paṇḍitā appamādaṃ pasaṃsanti. Kattha? Puññakiriyāsu. Kasmāti ce? Appamattotiādi. Tenāha ‘‘yasmā…pe… attho’’ti. Atthapaṭilābhāti diṭṭhadhammikādihitapaṭilābhā.
ਅਪ੍ਪਮਾਦਸੁਤ੍ਤવਣ੍ਣਨਾ ਨਿਟ੍ਠਿਤਾ।
Appamādasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਅਪ੍ਪਮਾਦਸੁਤ੍ਤਂ • 7. Appamādasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਅਪ੍ਪਮਾਦਸੁਤ੍ਤવਣ੍ਣਨਾ • 7. Appamādasuttavaṇṇanā
