Library / Tipiṭaka / д̇ибидага • Tipiṭaka / д̇хаммабад̣̇а-адтагат̇аа • Dhammapada-aṭṭhakathā

    2. аббамаад̣̇аваг̇г̇о

    2. Appamādavaggo

    1. саамаавад̇ийвад̇т̇у

    1. Sāmāvatīvatthu

    аббамаад̣̇о амад̇абад̣̇анд̇и имам̣ д̇хаммад̣̇зсанам̣ сад̇т̇аа госамб̣им̣ убаниссааяа гхосид̇аараамз вихаранд̇о саамаавад̇иббамукаанам̣ бан̃жаннам̣ ид̇т̇исад̇аанам̣, мааг̇ан̣д̣ияаббамукаанан̃жа зд̇иссаа бан̃жаннам̣ н̃аад̇исад̇аанам̣ маран̣аб̣яасанам̣ аараб̣бха гат̇зси.

    Appamādoamatapadanti imaṃ dhammadesanaṃ satthā kosambiṃ upanissāya ghositārāme viharanto sāmāvatippamukhānaṃ pañcannaṃ itthisatānaṃ, māgaṇḍiyappamukhānañca etissā pañcannaṃ ñātisatānaṃ maraṇabyasanaṃ ārabbha kathesi.

    д̇ад̇рааяам̣ анубуб̣б̣игат̇аа – ад̇ийд̇з аллагаббарадтз аллагаббарааж̇аа наама, взтад̣̇ийбагарадтз взтад̣̇ийбагарааж̇аа наамаад̇и имз д̣̇вз д̣̇ахарагаалад̇о бадтааяа сахааяагаа худ̇ваа згаажарияагулз сиббам̣ уг̇г̇ан̣хид̇ваа ад̇д̇ано ад̇д̇ано бид̇уунам̣ ажжаязна чад̇д̇ам̣ уссаабзд̇ваа ааяаамзна д̣̇асад̣̇асаяож̇анигз радтз рааж̇аано ахзсум̣. д̇з гаалзна гаалам̣ самааг̇анд̇ваа згад̇о д̇идтанд̇аа нисийд̣̇анд̇аа нибаж̇ж̇анд̇аа махааж̇анам̣ ж̇ааяамаанан̃жа ж̇ийяамаанан̃жа мийяамаанан̃жа д̣̇исваа ‘‘баралогам̣ г̇ажчанд̇ам̣ ануг̇ажчанд̇о наама над̇т̇и, анд̇амасо ад̇д̇ано сарийрамби наануг̇ажчад̇и, саб̣б̣ам̣ бахааяа г̇анд̇аб̣б̣ам̣, гим̣ но гхарааваасзна, баб̣б̣аж̇иссаамаа’’д̇и манд̇зд̇ваа раж̇ж̇аани буд̇д̇ад̣̇аараанам̣ нияяаад̣̇зд̇ваа исибаб̣б̣аж̇ж̇ам̣ баб̣б̣аж̇ид̇ваа химаванд̇аббад̣̇зсз васанд̇аа манд̇аяим̣су – ‘‘маяам̣ раж̇ж̇ам̣ бахааяа баб̣б̣аж̇ид̇аа, на ж̇ийвид̇ум̣ асаггонд̇аа. д̇з маяам̣ згадтаанз васанд̇аа абаб̣б̣аж̇ид̇асад̣̇исааязва хома, д̇асмаа висум̣ васиссаама. д̇вам̣ зд̇асмим̣ баб̣б̣ад̇з васа, ахам̣ имасмим̣ баб̣б̣ад̇з васиссаами. анвад̣дхамаасам̣ бана убосат̇ад̣̇ивасз згад̇о бхависсаамаа’’д̇и. ат̇а ко нзсам̣ зд̇ад̣̇ахоси – ‘‘звамби но г̇ан̣асан̇г̇ан̣игаава бхависсад̇и, д̇вам̣ бана д̇ава баб̣б̣ад̇з аг̇г̇им̣ ж̇аалзяяааси, ахам̣ мама баб̣б̣ад̇з аг̇г̇им̣ ж̇аалзссаами, д̇ааяа сан̃н̃ааяа ад̇т̇ибхаавам̣ ж̇ааниссаамаа’’д̇и. д̇з д̇ат̇аа гарим̣су.

    Tatrāyaṃ anupubbikathā – atīte allakapparaṭṭhe allakapparājā nāma, veṭhadīpakaraṭṭhe veṭhadīpakarājā nāmāti ime dve daharakālato paṭṭhāya sahāyakā hutvā ekācariyakule sippaṃ uggaṇhitvā attano attano pitūnaṃ accayena chattaṃ ussāpetvā āyāmena dasadasayojanike raṭṭhe rājāno ahesuṃ. Te kālena kālaṃ samāgantvā ekato tiṭṭhantā nisīdantā nipajjantā mahājanaṃ jāyamānañca jīyamānañca mīyamānañca disvā ‘‘paralokaṃ gacchantaṃ anugacchanto nāma natthi, antamaso attano sarīrampi nānugacchati, sabbaṃ pahāya gantabbaṃ, kiṃ no gharāvāsena, pabbajissāmā’’ti mantetvā rajjāni puttadārānaṃ niyyādetvā isipabbajjaṃ pabbajitvā himavantappadese vasantā mantayiṃsu – ‘‘mayaṃ rajjaṃ pahāya pabbajitā, na jīvituṃ asakkontā. Te mayaṃ ekaṭṭhāne vasantā apabbajitasadisāyeva homa, tasmā visuṃ vasissāma. Tvaṃ etasmiṃ pabbate vasa, ahaṃ imasmiṃ pabbate vasissāmi. Anvaḍḍhamāsaṃ pana uposathadivase ekato bhavissāmā’’ti. Atha kho nesaṃ etadahosi – ‘‘evampi no gaṇasaṅgaṇikāva bhavissati, tvaṃ pana tava pabbate aggiṃ jāleyyāsi, ahaṃ mama pabbate aggiṃ jālessāmi, tāya saññāya atthibhāvaṃ jānissāmā’’ti. Te tathā kariṃsu.

    ат̇а абарабхааг̇з взтад̣̇ийбагад̇аабасо гаалам̣ гад̇ваа махзсагко д̣̇зварааж̇аа худ̇ваа ниб̣б̣ад̇д̇о. д̇ад̇о ад̣дхамаасз самбад̇д̇з аг̇г̇им̣ ад̣̇исваава ид̇аро ‘‘сахааяаго мз гаалагад̇о’’д̇и ан̃н̃ааси. ид̇ароби ниб̣б̣ад̇д̇агкан̣зязва ад̇д̇ано д̣̇звасирим̣ ологзд̇ваа гаммам̣ убад̇хаарзнд̇о нигкаманад̇о бадтааяа ад̇д̇ано д̇абажарияам̣ д̣̇исваа ‘‘г̇анд̇ваа мама сахааяагам̣ бассиссаамий’’д̇и д̇ам̣ ад̇д̇абхаавам̣ виж̇ахид̇ваа маг̇г̇игабурисо вияа д̇асса санд̇игам̣ г̇анд̇ваа ванд̣̇ид̇ваа згаманд̇ам̣ адтааси. ат̇а нам̣ со ааха – ‘‘гуд̇о ааг̇ад̇осий’’д̇и? ‘‘маг̇г̇игабурисо ахам̣, бханд̇з, д̣̇уурад̇ова ааг̇ад̇омхи. гим̣ бана, бханд̇з, аяяо имасмим̣ таанз згагова васад̇и, ан̃н̃оби гожи ад̇т̇ий’’д̇и? ‘‘ад̇т̇и мз зго сахааяаго’’д̇и. ‘‘гухим̣ со’’д̇и? ‘‘зд̇асмим̣ баб̣б̣ад̇з васад̇и, убосат̇ад̣̇ивасз бана аг̇г̇им̣ на ж̇аалзд̇и, мад̇о нууна бхависсад̇ий’’д̇и. ‘‘звам̣, бханд̇з’’д̇и? ‘‘звамаавусо’’д̇и. ‘‘ахам̣ со, бханд̇з’’д̇и. ‘‘гухим̣ ниб̣б̣ад̇д̇осий’’д̇и? ‘‘д̣̇звалогз махзсагко д̣̇зварааж̇аа худ̇ваа ниб̣б̣ад̇д̇осми, бханд̇з, ‘аяяам̣ бассиссаамий’д̇и буна ааг̇ад̇омхи. аби ну ко аяяаанам̣ имасмим̣ таанз васанд̇аанам̣ гожи убад̣̇д̣̇аво ад̇т̇ий’’д̇и? ‘‘аама, аавусо, хад̇т̇ий ниссааяа гиламаамий’’д̇и. ‘‘гим̣ во, бханд̇з, хад̇т̇ий гаронд̇ий’’д̇и? ‘‘саммаж̇ж̇анадтаанз лан̣д̣ам̣ баад̇знд̇и, баад̣̇зхи бхуумияам̣ бахарид̇ваа бам̣сум̣ уд̣̇д̇харанд̇и, сваахам̣ лан̣д̣ам̣ чад̣д̣знд̇о бам̣сум̣ самам̣ гаронд̇о гиламаамий’’д̇и. ‘‘гим̣ бана д̇зсам̣ анааг̇аманам̣ ижчат̇аа’’д̇и? ‘‘аамаавусо’’д̇и. ‘‘д̇зна хи д̇зсам̣ анааг̇аманам̣ гариссаамий’’д̇и д̇аабасасса хад̇т̇иганд̇авийн̣ан̃жзва хад̇т̇иганд̇аманд̇ан̃жа ад̣̇ааси. д̣̇ад̣̇анд̇о жа бана вийн̣ааяа д̇иссо д̇анд̇ияо д̣̇ассзд̇ваа д̇аяо манд̇з уг̇г̇ан̣хаабзд̇ваа ‘‘имам̣ д̇анд̇им̣ бахарид̇ваа имасмим̣ манд̇з вуд̇д̇з нивад̇д̇ид̇ваа ологзд̇умби асаггонд̇аа хад̇т̇ий балааяанд̇и, имам̣ д̇анд̇им̣ бахарид̇ваа имасмим̣ манд̇з вуд̇д̇з нивад̇д̇ид̇ваа бажчад̇о ологзнд̇аа ологзнд̇аа балааяанд̇и, имам̣ д̇анд̇им̣ бахарид̇ваа имасмим̣ манд̇з вуд̇д̇з хад̇т̇ияуут̇абад̇и бидтим̣ убанаамзнд̇о ааг̇ажчад̇ий’’д̇и аажигкид̇ваа, ‘‘яам̣ во ружжад̇и, д̇ам̣ гарзяяаат̇аа’’д̇и вад̇ваа д̇аабасам̣ ванд̣̇ид̇ваа баггаами. д̇аабасо балааяанаманд̇ам̣ вад̇ваа балааяанад̇анд̇им̣ бахарид̇ваа хад̇т̇ий балаабзд̇ваа васи.

    Atha aparabhāge veṭhadīpakatāpaso kālaṃ katvā mahesakkho devarājā hutvā nibbatto. Tato aḍḍhamāse sampatte aggiṃ adisvāva itaro ‘‘sahāyako me kālakato’’ti aññāsi. Itaropi nibbattakkhaṇeyeva attano devasiriṃ oloketvā kammaṃ upadhārento nikkhamanato paṭṭhāya attano tapacariyaṃ disvā ‘‘gantvā mama sahāyakaṃ passissāmī’’ti taṃ attabhāvaṃ vijahitvā maggikapuriso viya tassa santikaṃ gantvā vanditvā ekamantaṃ aṭṭhāsi. Atha naṃ so āha – ‘‘kuto āgatosī’’ti? ‘‘Maggikapuriso ahaṃ, bhante, dūratova āgatomhi. Kiṃ pana, bhante, ayyo imasmiṃ ṭhāne ekakova vasati, aññopi koci atthī’’ti? ‘‘Atthi me eko sahāyako’’ti. ‘‘Kuhiṃ so’’ti? ‘‘Etasmiṃ pabbate vasati, uposathadivase pana aggiṃ na jāleti, mato nūna bhavissatī’’ti. ‘‘Evaṃ, bhante’’ti? ‘‘Evamāvuso’’ti. ‘‘Ahaṃ so, bhante’’ti. ‘‘Kuhiṃ nibbattosī’’ti? ‘‘Devaloke mahesakkho devarājā hutvā nibbattosmi, bhante, ‘ayyaṃ passissāmī’ti puna āgatomhi. Api nu kho ayyānaṃ imasmiṃ ṭhāne vasantānaṃ koci upaddavo atthī’’ti? ‘‘Āma, āvuso, hatthī nissāya kilamāmī’’ti. ‘‘Kiṃ vo, bhante, hatthī karontī’’ti? ‘‘Sammajjanaṭṭhāne laṇḍaṃ pātenti, pādehi bhūmiyaṃ paharitvā paṃsuṃ uddharanti, svāhaṃ laṇḍaṃ chaḍḍento paṃsuṃ samaṃ karonto kilamāmī’’ti. ‘‘Kiṃ pana tesaṃ anāgamanaṃ icchathā’’ti? ‘‘Āmāvuso’’ti. ‘‘Tena hi tesaṃ anāgamanaṃ karissāmī’’ti tāpasassa hatthikantavīṇañceva hatthikantamantañca adāsi. Dadanto ca pana vīṇāya tisso tantiyo dassetvā tayo mante uggaṇhāpetvā ‘‘imaṃ tantiṃ paharitvā imasmiṃ mante vutte nivattitvā oloketumpi asakkontā hatthī palāyanti, imaṃ tantiṃ paharitvā imasmiṃ mante vutte nivattitvā pacchato olokentā olokentā palāyanti, imaṃ tantiṃ paharitvā imasmiṃ mante vutte hatthiyūthapati piṭṭhiṃ upanāmento āgacchatī’’ti ācikkhitvā, ‘‘yaṃ vo ruccati, taṃ kareyyāthā’’ti vatvā tāpasaṃ vanditvā pakkāmi. Tāpaso palāyanamantaṃ vatvā palāyanatantiṃ paharitvā hatthī palāpetvā vasi.

    д̇асмим̣ самаяз госамб̣ияам̣ бууранд̇аббо наама рааж̇аа ход̇и. со згад̣̇ивасам̣ г̇аб̣бхинияаа д̣̇звияаа сад̣̇д̇хим̣ б̣ааласуурияад̇абам̣ д̇аббамаано аб̣бхогаасад̇алз нисийд̣̇и. д̣̇звий ран̃н̃о баарубанам̣ сад̇асахассаг̇гханигам̣ рад̇д̇агамб̣алам̣ баарубид̇ваа нисиннаа ран̃н̃аа сад̣̇д̇хим̣ самуллабамаанаа ран̃н̃о ан̇г̇улид̇о сад̇асахассаг̇гханигам̣ рааж̇амуд̣̇д̣̇игам̣ нийхарид̇ваа ад̇д̇ано ан̇г̇улияам̣ биланд̇хи. д̇асмим̣ самаяз хад̇т̇илин̇г̇асагун̣о аагаасзна г̇ажчанд̇о д̣̇уурад̇о рад̇д̇агамб̣алабаарубанам̣ д̣̇звим̣ д̣̇исваа ‘‘мам̣сабзсий’’д̇и сан̃н̃ааяа багкз виссаж̇ж̇зд̇ваа од̇ари. рааж̇аа д̇асса од̇аран̣асад̣̇д̣̇зна бхийд̇о удтааяа анд̇онивзсанам̣ баависи. д̣̇звий г̇аруг̇аб̣бхад̇ааяа жзва бхийругаж̇аад̇игад̇ааяа жа взг̇зна г̇анд̇ум̣ наасагки. ат̇а нам̣ со сагун̣о аж̇жхаббад̇д̇о накабан̃ж̇арз нисийд̣̇аабзд̇ваа аагаасам̣ багканд̣̇и. д̇з гира сагун̣аа бан̃жаннам̣ хад̇т̇ийнам̣ б̣алам̣ д̇хаарзнд̇и. д̇асмаа аагаасзна нзд̇ваа яат̇ааружид̇адтаанз нисийд̣̇ид̇ваа мам̣сам̣ каад̣̇анд̇и. сааби д̇зна нийяамаанаа маран̣абхаяабхийд̇аа жинд̇зси – ‘‘сажаахам̣ вирависсаами, мануссасад̣̇д̣̇о наама д̇иражчаанаг̇ад̇аанам̣ уб̣б̣зж̇анийяо, д̇ам̣ суд̇ваа мам̣ чад̣д̣зссад̇и. звам̣ санд̇з саха г̇аб̣бхзна ж̇ийвид̇агкаяам̣ баабун̣иссаами, яасмим̣ бана таанз нисийд̣̇ид̇ваа мам̣ каад̣̇ид̇ум̣ аарабхиссад̇и, д̇ад̇ра нам̣ сад̣̇д̣̇ам̣ гад̇ваа балаабзссаамий’’д̇и. саа ад̇д̇ано бан̣д̣ид̇ад̇ааяа ад̇хиваасзси.

    Tasmiṃ samaye kosambiyaṃ pūrantappo nāma rājā hoti. So ekadivasaṃ gabbhiniyā deviyā saddhiṃ bālasūriyatapaṃ tappamāno abbhokāsatale nisīdi. Devī rañño pārupanaṃ satasahassagghanikaṃ rattakambalaṃ pārupitvā nisinnā raññā saddhiṃ samullapamānā rañño aṅgulito satasahassagghanikaṃ rājamuddikaṃ nīharitvā attano aṅguliyaṃ pilandhi. Tasmiṃ samaye hatthiliṅgasakuṇo ākāsena gacchanto dūrato rattakambalapārupanaṃ deviṃ disvā ‘‘maṃsapesī’’ti saññāya pakkhe vissajjetvā otari. Rājā tassa otaraṇasaddena bhīto uṭṭhāya antonivesanaṃ pāvisi. Devī garugabbhatāya ceva bhīrukajātikatāya ca vegena gantuṃ nāsakkhi. Atha naṃ so sakuṇo ajjhappatto nakhapañjare nisīdāpetvā ākāsaṃ pakkhandi. Te kira sakuṇā pañcannaṃ hatthīnaṃ balaṃ dhārenti. Tasmā ākāsena netvā yathārucitaṭṭhāne nisīditvā maṃsaṃ khādanti. Sāpi tena nīyamānā maraṇabhayabhītā cintesi – ‘‘sacāhaṃ viravissāmi, manussasaddo nāma tiracchānagatānaṃ ubbejanīyo, taṃ sutvā maṃ chaḍḍessati. Evaṃ sante saha gabbhena jīvitakkhayaṃ pāpuṇissāmi, yasmiṃ pana ṭhāne nisīditvā maṃ khādituṃ ārabhissati, tatra naṃ saddaṃ katvā palāpessāmī’’ti. Sā attano paṇḍitatāya adhivāsesi.

    д̇ад̣̇аа жа химаванд̇абад̣̇зсз т̇огам̣ вад̣дхид̇ваа ман̣д̣абаагаарзна тид̇о зго махааниг̇род̇хо ход̇и. со сагун̣о миг̇аруубаад̣̇ийни д̇ад̇т̇а нзд̇ваа каад̣̇ад̇и, д̇асмаа д̇амби д̇ад̇т̇зва нзд̇ваа видабаб̣бханд̇арз табзд̇ваа ааг̇ад̇амаг̇г̇ам̣ ологзси. ааг̇ад̇амаг̇г̇ологанам̣ гира д̇зсам̣ д̇хаммад̇аа. д̇асмим̣ кан̣з д̣̇звий, ‘‘ид̣̇аани имам̣ балаабзд̇ум̣ ваддад̇ий’’д̇и жинд̇зд̇ваа убхо хад̇т̇з угкибид̇ваа баан̣исад̣̇д̣̇ан̃жзва мукасад̣̇д̣̇ан̃жа гад̇ваа д̇ам̣ балаабзси. ат̇ассаа суурияад̇т̇ан̇г̇аманагаалз г̇аб̣бхз гаммаж̇аваад̇аа жалим̣су. саб̣б̣ад̣̇исаасу г̇аж̇ж̇анд̇о махаамзгхо удтахи. сукзд̇хид̇ааяа рааж̇амахзсияаа ‘‘маа бхааяи, аяяз’’д̇и важанамад̇д̇амби алабхамаанааяа д̣̇угкабарзд̇ааяа саб̣б̣арад̇д̇им̣ нид̣̇д̣̇аа наама наахоси. вибхаад̇ааяа бана рад̇д̇ияаа валаахагавиг̇амо жа арун̣уг̇г̇аманан̃жа д̇ассаа г̇аб̣бхавудтаанан̃жа згагкан̣зязва ахоси. саа мзгхауд̇ун̃жа баб̣б̣ад̇ауд̇ун̃жа арун̣ауд̇ун̃жа г̇ахзд̇ваа ж̇аад̇ад̇д̇аа буд̇д̇асса уд̇знод̇и наамам̣ агааси.

    Tadā ca himavantapadese thokaṃ vaḍḍhitvā maṇḍapākārena ṭhito eko mahānigrodho hoti. So sakuṇo migarūpādīni tattha netvā khādati, tasmā tampi tattheva netvā viṭapabbhantare ṭhapetvā āgatamaggaṃ olokesi. Āgatamaggolokanaṃ kira tesaṃ dhammatā. Tasmiṃ khaṇe devī, ‘‘idāni imaṃ palāpetuṃ vaṭṭatī’’ti cintetvā ubho hatthe ukkhipitvā pāṇisaddañceva mukhasaddañca katvā taṃ palāpesi. Athassā sūriyatthaṅgamanakāle gabbhe kammajavātā caliṃsu. Sabbadisāsu gajjanto mahāmegho uṭṭhahi. Sukhedhitāya rājamahesiyā ‘‘mā bhāyi, ayye’’ti vacanamattampi alabhamānāya dukkhaparetāya sabbarattiṃ niddā nāma nāhosi. Vibhātāya pana rattiyā valāhakavigamo ca aruṇuggamanañca tassā gabbhavuṭṭhānañca ekakkhaṇeyeva ahosi. Sā meghautuñca pabbatautuñca aruṇautuñca gahetvā jātattā puttassa utenoti nāmaṃ akāsi.

    аллагаббад̇аабасассаби ко д̇ад̇о авид̣̇уурз васанадтаанам̣ ход̇и. со багад̇ияаава вассад̣̇ивасз сийд̇абхаязна палаапалад̇т̇ааяа ванам̣ на бависад̇и, д̇ам̣ ругкамуулам̣ г̇анд̇ваа сагун̣зхи каад̣̇ид̇амам̣саанам̣ адтим̣ аахарид̇ваа годдзд̇ваа расам̣ гад̇ваа бивад̇и. д̇асмаа д̇ам̣ д̣̇ивасам̣ ‘‘адтим̣ аахариссаамий’’д̇и д̇ад̇т̇а г̇анд̇ваа ругкамуулз адтим̣ бариязсзнд̇о убари д̣̇аарагасад̣̇д̣̇ам̣ суд̇ваа уллогзнд̇о д̣̇звим̣ д̣̇исваа ‘‘гааси д̇ва’’нд̇и вад̇ваа ‘‘маанусид̇т̇имхий’’д̇и. ‘‘гат̇ам̣ ааг̇ад̇аасий’’д̇и? ‘‘хад̇т̇илин̇г̇асагун̣знаанийд̇аамхий’’д̇и вуд̇д̇з ‘‘од̇араахий’’д̇и ааха . ‘‘ж̇аад̇исамбхзд̣̇ад̇о бхааяаами, аяяаа’’д̇и. ‘‘гааси д̇ва’’нд̇и? ‘‘кад̇д̇ияаамхий’’д̇и. ‘‘ахамби кад̇д̇ияоязваа’’д̇и. ‘‘д̇зна хи кад̇д̇ияамааяам̣ гат̇зхий’’д̇и. со кад̇д̇ияамааяам̣ гат̇зси. ‘‘д̇зна хи ааруяха буд̇д̇ам̣ мз од̇аарзхий’’д̇и. со згзна бассзна абхируханамаг̇г̇ам̣ гад̇ваа абхирухид̇ваа д̣̇аарагам̣ г̇ан̣хи. ‘‘маа мам̣ хад̇т̇зна чубий’’д̇и жа вуд̇д̇з д̇ам̣ ачубид̇ваава д̣̇аарагам̣ од̇аарзси. д̣̇звийби од̇ари. ат̇а нам̣ ассамабад̣̇ам̣ нзд̇ваа сийлабхзд̣̇ам̣ агад̇ваава анугамбааяа бадиж̇аг̇г̇и, ниммагкигамад̇хум̣ аахарид̇ваа саяам̣ж̇аад̇асаалим̣ аахарид̇ваа яааг̇ум̣ бажид̇ваа ад̣̇ааси. звам̣ д̇асмим̣ бадиж̇аг̇г̇анд̇з саа абарабхааг̇з жинд̇зси – ‘‘ахам̣ нзва ааг̇ад̇амаг̇г̇ам̣ ж̇аанаами, на г̇аманамаг̇г̇ам̣ ж̇аанаами, иминааби мз сад̣̇д̇хим̣ виссаасамад̇д̇амби над̇т̇и. сажз банааяам̣ амхз бахааяа гад̇т̇ажи г̇амиссад̇и, убхоби ид̇хзва маран̣ам̣ баабун̣иссаама, яам̣гин̃жи гад̇ваа имасса сийлам̣ бхинд̣̇ид̇ваа яат̇аа мам̣ на мун̃жад̇и, д̇ат̇аа д̇ам̣ гаад̇ум̣ ваддад̇ий’’д̇и. ат̇а нам̣ д̣̇уннивад̇т̇ад̣̇уббааруд̇ад̣̇ассанзна балобхзд̇ваа сийлавинаасам̣ баабзси. д̇ад̇о бадтааяа д̣̇взби самаг̇г̇аваасам̣ васим̣су.

    Allakappatāpasassapi kho tato avidūre vasanaṭṭhānaṃ hoti. So pakatiyāva vassadivase sītabhayena phalāphalatthāya vanaṃ na pavisati, taṃ rukkhamūlaṃ gantvā sakuṇehi khāditamaṃsānaṃ aṭṭhiṃ āharitvā koṭṭetvā rasaṃ katvā pivati. Tasmā taṃ divasaṃ ‘‘aṭṭhiṃ āharissāmī’’ti tattha gantvā rukkhamūle aṭṭhiṃ pariyesento upari dārakasaddaṃ sutvā ullokento deviṃ disvā ‘‘kāsi tva’’nti vatvā ‘‘mānusitthimhī’’ti. ‘‘Kathaṃ āgatāsī’’ti? ‘‘Hatthiliṅgasakuṇenānītāmhī’’ti vutte ‘‘otarāhī’’ti āha . ‘‘Jātisambhedato bhāyāmi, ayyā’’ti. ‘‘Kāsi tva’’nti? ‘‘Khattiyāmhī’’ti. ‘‘Ahampi khattiyoyevā’’ti. ‘‘Tena hi khattiyamāyaṃ kathehī’’ti. So khattiyamāyaṃ kathesi. ‘‘Tena hi āruyha puttaṃ me otārehī’’ti. So ekena passena abhiruhanamaggaṃ katvā abhiruhitvā dārakaṃ gaṇhi. ‘‘Mā maṃ hatthena chupī’’ti ca vutte taṃ achupitvāva dārakaṃ otāresi. Devīpi otari. Atha naṃ assamapadaṃ netvā sīlabhedaṃ akatvāva anukampāya paṭijaggi, nimmakkhikamadhuṃ āharitvā sayaṃjātasāliṃ āharitvā yāguṃ pacitvā adāsi. Evaṃ tasmiṃ paṭijaggante sā aparabhāge cintesi – ‘‘ahaṃ neva āgatamaggaṃ jānāmi, na gamanamaggaṃ jānāmi, imināpi me saddhiṃ vissāsamattampi natthi. Sace panāyaṃ amhe pahāya katthaci gamissati, ubhopi idheva maraṇaṃ pāpuṇissāma, yaṃkiñci katvā imassa sīlaṃ bhinditvā yathā maṃ na muñcati, tathā taṃ kātuṃ vaṭṭatī’’ti. Atha naṃ dunnivatthaduppārutadassanena palobhetvā sīlavināsaṃ pāpesi. Tato paṭṭhāya dvepi samaggavāsaṃ vasiṃsu.

    ат̇згад̣̇ивасам̣ д̇аабасо нагкад̇д̇аяог̇ам̣ уллогзнд̇о бууранд̇аббасса нагкад̇д̇амилааяанам̣ д̣̇исваа ‘‘бхад̣̇д̣̇з госамб̣ияам̣ бууранд̇аббарааж̇аа мад̇о’’д̇и ааха. ‘‘гасмаа, аяяа, звам̣ вад̣̇зси? гим̣ д̇з д̇зна сад̣̇д̇хим̣ аагхаад̇о ад̇т̇ий’’д̇и? ‘‘над̇т̇и, бхад̣̇д̣̇з, нагкад̇д̇амилааяанамасса д̣̇исваа звам̣ вад̣̇аамий’’д̇и, саа барод̣̇и. ат̇а нам̣ ‘‘гасмаа род̣̇асий’’д̇и бужчид̇ваа д̇ааяа д̇асса ад̇д̇ано саамигабхаавз агкаад̇з ааха – ‘‘маа, бхад̣̇д̣̇з, род̣̇и, ж̇аад̇асса наама нияад̇о мажжуу’’д̇и. ‘‘ж̇аанаами, аяяаа’’д̇и вуд̇д̇з ‘‘ат̇а гасмаа род̣̇асий’’д̇и? ‘‘буд̇д̇о мз гуласанд̇агасса раж̇ж̇асса анужчавиго, ‘сажз д̇ад̇ра абхависса, сзд̇ажчад̇д̇ам̣ уссаабаяисса. ид̣̇аани махааж̇ааниго вад̇а ж̇аад̇о’д̇и согзна род̣̇аами, аяяаа’’д̇и. ‘‘ход̇у, бхад̣̇д̣̇з, маа жинд̇аяи, сажасса раж̇ж̇ам̣ бад̇т̇зси, ахамасса раж̇ж̇алабханаагаарам̣ гариссаамий’’д̇и. ат̇асса хад̇т̇иганд̇авийн̣ан̃жзва хад̇т̇иганд̇аманд̇з жа ад̣̇ааси. д̇ад̣̇аа анзгаани хад̇т̇исахассаани ааг̇анд̇ваа вадаругкамуулз нисийд̣̇анд̇и. ат̇а нам̣ ааха – ‘‘хад̇т̇ийсу анааг̇ад̇зсуязва ругкам̣ абхирухид̇ваа д̇зсу ааг̇ад̇зсу имам̣ манд̇ам̣ вад̇ваа имам̣ д̇анд̇им̣ бахара, саб̣б̣з нивад̇д̇ид̇ваа ологзд̇умби асаггонд̇аа балааяиссанд̇и, ат̇а од̇арид̇ваа ааг̇ажчзяяаасий’’д̇и. со д̇ат̇аа гад̇ваа ааг̇анд̇ваа д̇ам̣ бавад̇д̇им̣ аарожзси. ат̇а нам̣ д̣̇уд̇ияад̣̇ивасз ааха – ‘‘аж̇ж̇а имам̣ манд̇ам̣ вад̇ваа имам̣ д̇анд̇им̣ бахарзяяааси , саб̣б̣з нивад̇д̇ид̇ваа ологзнд̇аа балааяиссанд̇ий’’д̇и. д̇ад̣̇ааби д̇ат̇аа гад̇ваа ааг̇анд̇ваа аарожзси . ат̇а нам̣ д̇ад̇ияад̣̇ивасз ааха – ‘‘аж̇ж̇а имам̣ манд̇ам̣ вад̇ваа имам̣ д̇анд̇им̣ бахарзяяааси, яуут̇абад̇и бидтим̣ убанаамзнд̇о ааг̇амиссад̇ий’’д̇и. д̇ад̣̇ааби д̇ат̇аа гад̇ваа аарожзси.

    Athekadivasaṃ tāpaso nakkhattayogaṃ ullokento pūrantappassa nakkhattamilāyanaṃ disvā ‘‘bhadde kosambiyaṃ pūrantapparājā mato’’ti āha. ‘‘Kasmā, ayya, evaṃ vadesi? Kiṃ te tena saddhiṃ āghāto atthī’’ti? ‘‘Natthi, bhadde, nakkhattamilāyanamassa disvā evaṃ vadāmī’’ti, sā parodi. Atha naṃ ‘‘kasmā rodasī’’ti pucchitvā tāya tassa attano sāmikabhāve akkhāte āha – ‘‘mā, bhadde, rodi, jātassa nāma niyato maccū’’ti. ‘‘Jānāmi, ayyā’’ti vutte ‘‘atha kasmā rodasī’’ti? ‘‘Putto me kulasantakassa rajjassa anucchaviko, ‘sace tatra abhavissa, setacchattaṃ ussāpayissa. Idāni mahājāniko vata jāto’ti sokena rodāmi, ayyā’’ti. ‘‘Hotu, bhadde, mā cintayi, sacassa rajjaṃ patthesi, ahamassa rajjalabhanākāraṃ karissāmī’’ti. Athassa hatthikantavīṇañceva hatthikantamante ca adāsi. Tadā anekāni hatthisahassāni āgantvā vaṭarukkhamūle nisīdanti. Atha naṃ āha – ‘‘hatthīsu anāgatesuyeva rukkhaṃ abhiruhitvā tesu āgatesu imaṃ mantaṃ vatvā imaṃ tantiṃ pahara, sabbe nivattitvā oloketumpi asakkontā palāyissanti, atha otaritvā āgaccheyyāsī’’ti. So tathā katvā āgantvā taṃ pavattiṃ ārocesi. Atha naṃ dutiyadivase āha – ‘‘ajja imaṃ mantaṃ vatvā imaṃ tantiṃ pahareyyāsi , sabbe nivattitvā olokentā palāyissantī’’ti. Tadāpi tathā katvā āgantvā ārocesi . Atha naṃ tatiyadivase āha – ‘‘ajja imaṃ mantaṃ vatvā imaṃ tantiṃ pahareyyāsi, yūthapati piṭṭhiṃ upanāmento āgamissatī’’ti. Tadāpi tathā katvā ārocesi.

    ат̇асса маад̇арам̣ ааманд̇зд̇ваа, ‘‘бхад̣̇д̣̇з, буд̇д̇асса д̇з саасанам̣ вад̣̇зхи, зд̇д̇ова г̇анд̇ваа рааж̇аа бхависсад̇ий’’д̇и ааха. саа буд̇д̇ам̣ ааманд̇зд̇ваа, ‘‘д̇аад̇а, д̇вам̣ госамб̣ияам̣ бууранд̇аббаран̃н̃о буд̇д̇о, мам̣ саг̇аб̣бхам̣ хад̇т̇илин̇г̇асагун̣о аанзсий’’д̇и вад̇ваа сзнаабад̇иаад̣̇ийнам̣ наамаани аажигкид̇ваа ‘‘асад̣̇д̣̇аханд̇аанам̣ имам̣ бид̇у баарубанагамб̣алан̃жзва биланд̇ханамуд̣̇д̣̇иган̃жа д̣̇ассзяяаасий’’д̇и вад̇ваа уяяож̇зси. гумааро д̇аабасам̣ ‘‘ид̣̇аани гим̣ гаромий’’д̇и ааха. ‘‘ругкасса хздтимасаакааяа нисийд̣̇ид̇ваа имам̣ манд̇ам̣ вад̇ваа имам̣ д̇анд̇им̣ бахара, ж̇здтагахад̇т̇ий д̇з бидтим̣ убанаабзд̇ваа убасан̇гамиссад̇и, д̇асса бидтияам̣ нисиннова радтам̣ г̇анд̇ваа раж̇ж̇ам̣ г̇ан̣хаахий’’д̇и. со маад̇аабид̇аро ванд̣̇ид̇ваа д̇ат̇аа гад̇ваа ааг̇ад̇асса хад̇т̇ино бидтияам̣ нисийд̣̇ид̇ваа ган̣н̣з манд̇аяи – ‘‘ахам̣ госамб̣ияам̣ бууранд̇аббаран̃н̃о буд̇д̇о, бзд̇д̇игам̣ мз раж̇ж̇ам̣ г̇ан̣хид̇ваа д̣̇зхи саамий’’д̇и. со д̇ам̣ суд̇ваа ‘‘анзгаани хад̇т̇исахассаани саннибад̇анд̇уу’’д̇и хад̇т̇иравам̣ рави, анзгаани хад̇т̇исахассаани саннибад̇им̣су. буна ‘‘ж̇ин̣н̣аа хад̇т̇ий бадиггаманд̇уу’’д̇и хад̇т̇иравам̣ рави, ж̇ин̣н̣аа хад̇т̇ий бадиггамим̣су. буна ‘‘ад̇ид̇арун̣аа хад̇т̇ий нивад̇д̇анд̇уу’’д̇и хад̇т̇иравам̣ рави, д̇зби нивад̇д̇им̣су. со анзгзхи яуут̇ахад̇т̇исахассзхзва баривуд̇о бажжанд̇аг̇аамам̣ бад̇ваа ‘‘ахам̣ ран̃н̃о буд̇д̇о, самбад̇д̇им̣ бад̇т̇аяамаанаа маяаа сад̣̇д̇хим̣ ааг̇ажчанд̇уу’’д̇и ааха. ‘‘д̇ад̇о бадтааяа мануссаанам̣ сан̇г̇ахам̣ гаронд̇о г̇анд̇ваа наг̇арам̣ бариваарзд̇ваа ‘яуд̣̇д̇хам̣ ваа мз д̣̇зд̇у, раж̇ж̇ам̣ ваа’’’д̇и саасанам̣ бзсзси. нааг̇араа аахам̣су – ‘‘маяам̣ д̣̇взби на д̣̇ассаама. амхааган̃хи д̣̇звий г̇аруг̇аб̣бхаа хад̇т̇илин̇г̇асагун̣зна нийд̇аа, д̇ассаа ад̇т̇ибхаавам̣ ваа над̇т̇ибхаавам̣ ваа маяам̣ на ж̇аанаама. яаава д̇ассаа бавад̇д̇им̣ на сун̣аама. д̇аава нзва яуд̣̇д̇хам̣ д̣̇ассаама, на раж̇ж̇а’’нд̇и. д̇ад̣̇аа гира д̇ам̣ бавзн̣ираж̇ж̇ам̣ ахоси. д̇ад̇о гумааро ‘‘ахам̣ д̇ассаа буд̇д̇о’’д̇и вад̇ваа сзнаабад̇иаад̣̇ийнам̣ наамаани гат̇зд̇ваа д̇ат̇ааби асад̣̇д̣̇аханд̇аанам̣ гамб̣алан̃жа муд̣̇д̣̇иган̃жа д̣̇ассзси. д̇з гамб̣алан̃жа муд̣̇д̣̇иган̃жа сан̃ж̇аанид̇ваа нигган̇каа худ̇ваа д̣̇ваарам̣ виварид̇ваа д̇ам̣ раж̇ж̇з абхисин̃жим̣су. аяам̣ д̇аава уд̇знасса уббад̇д̇и.

    Athassa mātaraṃ āmantetvā, ‘‘bhadde, puttassa te sāsanaṃ vadehi, ettova gantvā rājā bhavissatī’’ti āha. Sā puttaṃ āmantetvā, ‘‘tāta, tvaṃ kosambiyaṃ pūrantapparañño putto, maṃ sagabbhaṃ hatthiliṅgasakuṇo ānesī’’ti vatvā senāpatiādīnaṃ nāmāni ācikkhitvā ‘‘asaddahantānaṃ imaṃ pitu pārupanakambalañceva pilandhanamuddikañca dasseyyāsī’’ti vatvā uyyojesi. Kumāro tāpasaṃ ‘‘idāni kiṃ karomī’’ti āha. ‘‘Rukkhassa heṭṭhimasākhāya nisīditvā imaṃ mantaṃ vatvā imaṃ tantiṃ pahara, jeṭṭhakahatthī te piṭṭhiṃ upanāpetvā upasaṅkamissati, tassa piṭṭhiyaṃ nisinnova raṭṭhaṃ gantvā rajjaṃ gaṇhāhī’’ti. So mātāpitaro vanditvā tathā katvā āgatassa hatthino piṭṭhiyaṃ nisīditvā kaṇṇe mantayi – ‘‘ahaṃ kosambiyaṃ pūrantapparañño putto, pettikaṃ me rajjaṃ gaṇhitvā dehi sāmī’’ti. So taṃ sutvā ‘‘anekāni hatthisahassāni sannipatantū’’ti hatthiravaṃ ravi, anekāni hatthisahassāni sannipatiṃsu. Puna ‘‘jiṇṇā hatthī paṭikkamantū’’ti hatthiravaṃ ravi, jiṇṇā hatthī paṭikkamiṃsu. Puna ‘‘atitaruṇā hatthī nivattantū’’ti hatthiravaṃ ravi, tepi nivattiṃsu. So anekehi yūthahatthisahasseheva parivuto paccantagāmaṃ patvā ‘‘ahaṃ rañño putto, sampattiṃ patthayamānā mayā saddhiṃ āgacchantū’’ti āha. ‘‘Tato paṭṭhāya manussānaṃ saṅgahaṃ karonto gantvā nagaraṃ parivāretvā ‘yuddhaṃ vā me detu, rajjaṃ vā’’’ti sāsanaṃ pesesi. Nāgarā āhaṃsu – ‘‘mayaṃ dvepi na dassāma. Amhākañhi devī garugabbhā hatthiliṅgasakuṇena nītā, tassā atthibhāvaṃ vā natthibhāvaṃ vā mayaṃ na jānāma. Yāva tassā pavattiṃ na suṇāma. Tāva neva yuddhaṃ dassāma, na rajja’’nti. Tadā kira taṃ paveṇirajjaṃ ahosi. Tato kumāro ‘‘ahaṃ tassā putto’’ti vatvā senāpatiādīnaṃ nāmāni kathetvā tathāpi asaddahantānaṃ kambalañca muddikañca dassesi. Te kambalañca muddikañca sañjānitvā nikkaṅkhā hutvā dvāraṃ vivaritvā taṃ rajje abhisiñciṃsu. Ayaṃ tāva utenassa uppatti.

    аллагаббарадтз бана д̣̇уб̣бхигкз ж̇ийвид̇ум̣ асаггонд̇о зго год̇ухалиго наама мануссо гаабим̣ наама д̇арун̣абуд̇д̇ан̃жа гаал̣им̣ наама бхарияан̃жа аад̣̇ааяа ‘‘госамб̣им̣ г̇анд̇ваа ж̇ийвиссаамий’’д̇и баат̇зяяам̣ г̇ахзд̇ваа нигками. ‘‘ахиваад̇арог̇зна махааж̇анз маранд̇з д̣̇исваа нигкамий’’д̇иби вад̣̇анд̇иязва. д̇з г̇ажчанд̇аа баат̇зяяз баригкийн̣з куд̣̇аабхибхууд̇аа д̣̇аарагам̣ вахид̇ум̣ наасагким̣су. ат̇а саамиго баж̇аабад̇им̣ ааха – ‘‘бхад̣̇д̣̇з, маяам̣ ж̇ийванд̇аа буна буд̇д̇ам̣ лабхиссаама, чад̣д̣зд̇ваа нам̣ г̇ажчаамаа’’д̇и. маад̇у хад̣̇аяам̣ наама муд̣̇угам̣ ход̇и. д̇асмаа саа ааха – ‘‘наахам̣ ж̇ийванд̇амзва буд̇д̇ам̣ чад̣д̣зд̇ум̣ сагкиссаамий’’д̇и. ‘‘ат̇а гим̣ гаромаа’’д̇и? ‘‘ваарзна нам̣ вахаамаа’’д̇и. маад̇аа ад̇д̇ано ваарз бубпад̣̇аамам̣ вияа нам̣ угкибид̇ваа урз нибаж̇ж̇аабзд̇ваа ан̇гзна вахид̇ваа бид̇уно д̣̇зд̇и. д̇асса д̇ам̣ г̇ахзд̇ваа г̇аманагаалз чаад̇агад̇оби б̣алавад̇араа взд̣̇анаа уббаж̇ж̇и. со бунаббунам̣ ааха – ‘‘бхад̣̇д̣̇з, маяам̣ ж̇ийванд̇аа буд̇д̇ам̣ лабхиссаама, чад̣д̣зма на’’нд̇и. сааби бунаббунам̣ бадигкибид̇ваа бадиважанам̣ наад̣̇ааси. д̣̇аараго ваарзна баривад̇д̇ияамаано гиланд̇о бид̇у хад̇т̇з нид̣̇д̣̇ааяи. со д̇асса нид̣̇д̣̇ааяанабхаавам̣ н̃ад̇ваа маад̇арам̣ бурад̇о гад̇ваа згасса г̇ажчасса хздтаа бан̣н̣асант̇арз д̇ам̣ нибаж̇ж̇аабзд̇ваа бааяааси. маад̇аа нивад̇д̇ид̇ваа ологзнд̇ий буд̇д̇ам̣ ад̣̇исваа, ‘‘саами, гухим̣ мз буд̇д̇о’’д̇и бужчи. ‘‘згасса мз г̇ажчасса хздтаа нибаж̇ж̇аабид̇о’’д̇и. ‘‘саами, маа мам̣ наасаяи, буд̇д̇ам̣ винаа ж̇ийвид̇ум̣ на сагкиссаами, аанзхи мз буд̇д̇а’’нд̇и урам̣ бахарид̇ваа барид̣̇зви. ат̇а нам̣ нивад̇д̇ид̇ваа аанзси. буд̇д̇оби анд̇араамаг̇г̇з мад̇о ход̇и. ид̇и со зд̇д̇агз таанз буд̇д̇ам̣ чад̣д̣зд̇ваа д̇асса ниссанд̣̇зна бхаванд̇арз сад̇д̇а ваарз чад̣д̣ид̇о. ‘‘баабагаммам̣ наамзд̇ам̣ аббага’’нд̇и на аваман̃н̃ид̇аб̣б̣ам̣.

    Allakapparaṭṭhe pana dubbhikkhe jīvituṃ asakkonto eko kotuhaliko nāma manusso kāpiṃ nāma taruṇaputtañca kāḷiṃ nāma bhariyañca ādāya ‘‘kosambiṃ gantvā jīvissāmī’’ti pātheyyaṃ gahetvā nikkhami. ‘‘Ahivātarogena mahājane marante disvā nikkhamī’’tipi vadantiyeva. Te gacchantā pātheyye parikkhīṇe khudābhibhūtā dārakaṃ vahituṃ nāsakkhiṃsu. Atha sāmiko pajāpatiṃ āha – ‘‘bhadde, mayaṃ jīvantā puna puttaṃ labhissāma, chaḍḍetvā naṃ gacchāmā’’ti. Mātu hadayaṃ nāma mudukaṃ hoti. Tasmā sā āha – ‘‘nāhaṃ jīvantameva puttaṃ chaḍḍetuṃ sakkhissāmī’’ti. ‘‘Atha kiṃ karomā’’ti? ‘‘Vārena naṃ vahāmā’’ti. Mātā attano vāre pupphadāmaṃ viya naṃ ukkhipitvā ure nipajjāpetvā aṅkena vahitvā pituno deti. Tassa taṃ gahetvā gamanakāle chātakatopi balavatarā vedanā uppajji. So punappunaṃ āha – ‘‘bhadde, mayaṃ jīvantā puttaṃ labhissāma, chaḍḍema na’’nti. Sāpi punappunaṃ paṭikkhipitvā paṭivacanaṃ nādāsi. Dārako vārena parivattiyamāno kilanto pitu hatthe niddāyi. So tassa niddāyanabhāvaṃ ñatvā mātaraṃ purato katvā ekassa gacchassa heṭṭhā paṇṇasanthare taṃ nipajjāpetvā pāyāsi. Mātā nivattitvā olokentī puttaṃ adisvā, ‘‘sāmi, kuhiṃ me putto’’ti pucchi. ‘‘Ekassa me gacchassa heṭṭhā nipajjāpito’’ti. ‘‘Sāmi, mā maṃ nāsayi, puttaṃ vinā jīvituṃ na sakkhissāmi, ānehi me putta’’nti uraṃ paharitvā paridevi. Atha naṃ nivattitvā ānesi. Puttopi antarāmagge mato hoti. Iti so ettake ṭhāne puttaṃ chaḍḍetvā tassa nissandena bhavantare satta vāre chaḍḍito. ‘‘Pāpakammaṃ nāmetaṃ appaka’’nti na avamaññitabbaṃ.

    д̇з г̇ажчанд̇аа згам̣ г̇обаалагулам̣ баабун̣им̣су. д̇ам̣ д̣̇ивасан̃жа г̇обаалагасса д̇хзнуман̇г̇алам̣ ход̇и. г̇обаалагасса г̇зхз ниб̣ад̣̇д̇хам̣ зго бажжзгаб̣уд̣̇д̇хо бхун̃ж̇ад̇и. со д̇ам̣ бхож̇зд̇ваа ман̇г̇аламагааси. б̣аху бааяаасо бадияад̇д̇о ход̇и. г̇обаалаго д̇з ааг̇ад̇з д̣̇исваа, ‘‘гуд̇о ааг̇ад̇ад̇т̇аа’’д̇и бужчид̇ваа саб̣б̣ам̣ бавад̇д̇им̣ суд̇ваа муд̣̇уж̇аад̇иго гулабуд̇д̇о д̇зсу анугамбам̣ гад̇ваа б̣ахугзна саббинаа бааяаасам̣ д̣̇аабзси. бхарияаа ‘‘саами, д̇аяи ж̇ийванд̇з ахамби ж̇ийваами наама, д̣̇ийгхарад̇д̇ам̣ уунод̣̇ароси, яаавад̣̇ад̇т̇ам̣ бхун̃ж̇аахий’’д̇и саббин̃жа д̣̇ад̇хин̃жа д̇ад̣̇абхимукан̃н̃зва гад̇ваа ад̇д̇анаа манд̣̇асаббинаа т̇огамзва бхун̃ж̇и. ид̇аро б̣ахум̣ бхун̃ж̇ид̇ваа сад̇д̇адтад̣̇ивасз чаад̇ад̇ааяа аахаарад̇ан̣хам̣ чинд̣̇ид̇ум̣ наасагки. г̇обаалаго д̇зсам̣ бааяаасам̣ д̣̇аабзд̇ваа саяам̣ бхун̃ж̇ид̇ум̣ аарабхи. год̇ухалиго д̇ам̣ ологзнд̇о нисийд̣̇ид̇ваа хздтаабийтз нибаннааяа сунакияаа г̇обаалагзна вад̣дхзд̇ваа д̣̇ияяамаанам̣ бааяаасабин̣д̣ам̣ д̣̇исваа ‘‘бун̃н̃аа вад̇ааяам̣ сунакий, ниб̣ад̣̇д̇хам̣ зваруубам̣ бхож̇анам̣ лабхад̇ий’’д̇и жинд̇зси. со рад̇д̇ибхааг̇з д̇ам̣ бааяаасам̣ ж̇ийраабзд̇ум̣ асаггонд̇о гаалам̣ гад̇ваа д̇ассаа сунакияаа гужчимхи ниб̣б̣ад̇д̇и.

    Te gacchantā ekaṃ gopālakulaṃ pāpuṇiṃsu. Taṃ divasañca gopālakassa dhenumaṅgalaṃ hoti. Gopālakassa gehe nibaddhaṃ eko paccekabuddho bhuñjati. So taṃ bhojetvā maṅgalamakāsi. Bahu pāyāso paṭiyatto hoti. Gopālako te āgate disvā, ‘‘kuto āgatatthā’’ti pucchitvā sabbaṃ pavattiṃ sutvā mudujātiko kulaputto tesu anukampaṃ katvā bahukena sappinā pāyāsaṃ dāpesi. Bhariyā ‘‘sāmi, tayi jīvante ahampi jīvāmi nāma, dīgharattaṃ ūnodarosi, yāvadatthaṃ bhuñjāhī’’ti sappiñca dadhiñca tadabhimukhaññeva katvā attanā mandasappinā thokameva bhuñji. Itaro bahuṃ bhuñjitvā sattaṭṭhadivase chātatāya āhārataṇhaṃ chindituṃ nāsakkhi. Gopālako tesaṃ pāyāsaṃ dāpetvā sayaṃ bhuñjituṃ ārabhi. Kotuhaliko taṃ olokento nisīditvā heṭṭhāpīṭhe nipannāya sunakhiyā gopālakena vaḍḍhetvā diyyamānaṃ pāyāsapiṇḍaṃ disvā ‘‘puññā vatāyaṃ sunakhī, nibaddhaṃ evarūpaṃ bhojanaṃ labhatī’’ti cintesi. So rattibhāge taṃ pāyāsaṃ jīrāpetuṃ asakkonto kālaṃ katvā tassā sunakhiyā kucchimhi nibbatti.

    ат̇асса бхарияаа сарийрагижжам̣ гад̇ваа д̇асмим̣язва г̇зхз бхад̇им̣ гад̇ваа д̇ан̣д̣уланаал̣им̣ лабхид̇ваа бажид̇ваа бажжзгаб̣уд̣̇д̇хасса бад̇д̇з бад̇идтаабзд̇ваа, ‘‘д̣̇аасасса во баабун̣аад̇уу’’д̇и вад̇ваа жинд̇зси – ‘‘маяаа ид̇хзва васид̇ум̣ ваддад̇и, ниб̣ад̣̇д̇хам̣, аяяо, ид̇хааг̇ажчад̇и, д̣̇зяяад̇хаммо ход̇у ваа, маа ваа, д̣̇звасигам̣ ванд̣̇анд̇ий взяяааважжам̣ гаронд̇ий жид̇д̇ам̣ басаад̣̇знд̇ий б̣ахум̣ бун̃н̃ам̣ басависсаамий’’д̇и. саа д̇ад̇т̇зва бхад̇им̣ гаронд̇ий васи. сааби сунакий чадтз ваа сад̇д̇амз ваа маасз згамзва гуггурам̣ виж̇ааяи. г̇обаалаго д̇асса згад̇хзнуяаа кийрам̣ д̣̇аабзси. со на жирассзва вад̣дхи. ат̇асса бажжзгаб̣уд̣̇д̇хо бхун̃ж̇анд̇о ниб̣ад̣̇д̇хам̣ згам̣ бхад̇д̇абин̣д̣ам̣ д̣̇зд̇и. со бхад̇д̇абин̣д̣ам̣ ниссааяа бажжзгаб̣уд̣̇д̇хз синзхамагааси. г̇обаалагоби ниб̣ад̣̇д̇хам̣ д̣̇вз ваарз бажжзгаб̣уд̣̇д̇хассубадтаанам̣ яаад̇и. г̇ажчанд̇оби анд̇араамаг̇г̇з ваал̣амиг̇адтаанз д̣̇ан̣д̣зна г̇ажчз жа бхуумин̃жа бахарид̇ваа ‘‘сусуу’’д̇и д̇игкад̇д̇ум̣ сад̣̇д̣̇ам̣ гад̇ваа ваал̣амиг̇з балаабзд̇и. сунакоби д̇зна сад̣̇д̇хим̣ г̇ажчад̇и.

    Athassa bhariyā sarīrakiccaṃ katvā tasmiṃyeva gehe bhatiṃ katvā taṇḍulanāḷiṃ labhitvā pacitvā paccekabuddhassa patte patiṭṭhāpetvā, ‘‘dāsassa vo pāpuṇātū’’ti vatvā cintesi – ‘‘mayā idheva vasituṃ vaṭṭati, nibaddhaṃ, ayyo, idhāgacchati, deyyadhammo hotu vā, mā vā, devasikaṃ vandantī veyyāvaccaṃ karontī cittaṃ pasādentī bahuṃ puññaṃ pasavissāmī’’ti. Sā tattheva bhatiṃ karontī vasi. Sāpi sunakhī chaṭṭhe vā sattame vā māse ekameva kukkuraṃ vijāyi. Gopālako tassa ekadhenuyā khīraṃ dāpesi. So na cirasseva vaḍḍhi. Athassa paccekabuddho bhuñjanto nibaddhaṃ ekaṃ bhattapiṇḍaṃ deti. So bhattapiṇḍaṃ nissāya paccekabuddhe sinehamakāsi. Gopālakopi nibaddhaṃ dve vāre paccekabuddhassupaṭṭhānaṃ yāti. Gacchantopi antarāmagge vāḷamigaṭṭhāne daṇḍena gacche ca bhūmiñca paharitvā ‘‘susū’’ti tikkhattuṃ saddaṃ katvā vāḷamige palāpeti. Sunakhopi tena saddhiṃ gacchati.

    со згад̣̇ивасам̣ бажжзгаб̣уд̣̇д̇хам̣ ааха – ‘‘бханд̇з, яад̣̇аа мз огаасо на бхависсад̇и, д̇ад̣̇аа имам̣ сунакам̣ бзсзссаами, д̇зна сан̃н̃аан̣зна ааг̇ажчзяяаат̇аа’’д̇и. д̇ад̇о бадтааяа аногаасад̣̇ивасз, ‘‘г̇ажча, д̇аад̇а, аяяам̣ аанзхий’’д̇и сунакам̣ бзсзси. со згаважанзнзва багканд̣̇ид̇ваа саамигасса г̇ажчабот̇анабхуумибот̇анадтаанз д̇игкад̇д̇ум̣ бхуссид̇ваа д̇зна сад̣̇д̣̇зна ваал̣амиг̇аанам̣ балаад̇абхаавам̣ н̃ад̇ваа баад̇ова сарийрабадиж̇аг̇г̇анам̣ гад̇ваа бан̣н̣асаалам̣ бависид̇ваа нисиннасса бажжзгаб̣уд̣̇д̇хасса васанадтаанам̣ г̇анд̇ваа бан̣н̣асаалад̣̇ваарз д̇игкад̇д̇ум̣ бхуссид̇ваа ад̇д̇ано ааг̇ад̇абхаавам̣ ж̇аанаабзд̇ваа згаманд̇з нибаж̇ж̇ад̇и, бажжзгаб̣уд̣̇д̇хз взлам̣ саллагкзд̇ваа нигканд̇з бхуссанд̇о бурад̇о г̇ажчад̇и. анд̇аранд̇араа бажжзгаб̣уд̣̇д̇хо д̇ам̣ виймам̣санд̇о ан̃н̃ам̣ маг̇г̇ам̣ бадибаж̇ж̇ад̇и. ат̇асса бурад̇о д̇ирияам̣ тад̇ваа бхуссид̇ваа ид̇арамаг̇г̇амзва нам̣ ааробзд̇и. ат̇згад̣̇ивасам̣ ан̃н̃ам̣ маг̇г̇ам̣ бадибаж̇ж̇ид̇ваа д̇зна бурад̇о д̇ирияам̣ тад̇ваа ваарияамааноби анивад̇д̇ид̇ваа сунакам̣ баад̣̇зна бахарид̇ваа бааяааси. сунако д̇асса анивад̇д̇анабхаавам̣ н̃ад̇ваа ниваасанаган̣н̣з д̣ам̣сид̇ваа аагад̣дханд̇о ид̇арамаг̇г̇амзва нам̣ ааробзси. звам̣ со д̇асмим̣ б̣алавасинзхам̣ уббаад̣̇зси.

    So ekadivasaṃ paccekabuddhaṃ āha – ‘‘bhante, yadā me okāso na bhavissati, tadā imaṃ sunakhaṃ pesessāmi, tena saññāṇena āgaccheyyāthā’’ti. Tato paṭṭhāya anokāsadivase, ‘‘gaccha, tāta, ayyaṃ ānehī’’ti sunakhaṃ pesesi. So ekavacaneneva pakkhanditvā sāmikassa gacchapothanabhūmipothanaṭṭhāne tikkhattuṃ bhussitvā tena saddena vāḷamigānaṃ palātabhāvaṃ ñatvā pātova sarīrapaṭijagganaṃ katvā paṇṇasālaṃ pavisitvā nisinnassa paccekabuddhassa vasanaṭṭhānaṃ gantvā paṇṇasāladvāre tikkhattuṃ bhussitvā attano āgatabhāvaṃ jānāpetvā ekamante nipajjati, paccekabuddhe velaṃ sallakkhetvā nikkhante bhussanto purato gacchati. Antarantarā paccekabuddho taṃ vīmaṃsanto aññaṃ maggaṃ paṭipajjati. Athassa purato tiriyaṃ ṭhatvā bhussitvā itaramaggameva naṃ āropeti. Athekadivasaṃ aññaṃ maggaṃ paṭipajjitvā tena purato tiriyaṃ ṭhatvā vāriyamānopi anivattitvā sunakhaṃ pādena paharitvā pāyāsi. Sunakho tassa anivattanabhāvaṃ ñatvā nivāsanakaṇṇe ḍaṃsitvā ākaḍḍhanto itaramaggameva naṃ āropesi. Evaṃ so tasmiṃ balavasinehaṃ uppādesi.

    д̇ад̇о абарабхааг̇з бажжзгаб̣уд̣̇д̇хасса жийварам̣ ж̇ийри. ат̇асса г̇обаалаго жийваравад̇т̇аани ад̣̇ааси. д̇амзнам̣ бажжзгаб̣уд̣̇д̇хо ааха – ‘‘аавусо, жийварам̣ наама згагзна гаад̇ум̣ д̣̇уггарам̣, паасугадтаанам̣ г̇анд̇ваа гаарзссаамий’’д̇и. ‘‘ид̇хзва, бханд̇з, гарот̇аа’’д̇и. ‘‘на саггаа, аавусо’’д̇и. ‘‘д̇зна хи, бханд̇з, маа жирам̣ б̣ахи васид̇т̇аа’’д̇и. сунако д̇зсам̣ гат̇ам̣ сун̣анд̇ова адтааси, бажжзгаб̣уд̣̇д̇хоби ‘‘д̇идта, убаасагаа’’д̇и г̇обаалагам̣ нивад̇д̇аабзд̇ваа взхаасам̣ аб̣бхуг̇г̇анд̇ваа г̇анд̇хамаад̣̇анаабхимуко бааяааси. сунакасса д̇ам̣ аагаасзна г̇ажчанд̇ам̣ д̣̇исваа бхуггарид̇ваа тид̇асса д̇асмим̣ жагкубат̇ам̣ виж̇аханд̇з хад̣̇аяам̣ палид̇ваа мад̇о. д̇иражчаанаа гира наамзд̇з уж̇уж̇аад̇игаа хонд̇и агудилаа. мануссаа бана ан̃н̃ам̣ хад̣̇аязна жинд̇знд̇и, ан̃н̃ам̣ мукзна гат̇знд̇и. д̇знзвааха – ‘‘г̇аханан̃хзд̇ам̣, бханд̇з, яад̣̇ид̣̇ам̣ мануссаа, уд̇д̇аанаган̃хзд̇ам̣, бханд̇з, яад̣̇ид̣̇ам̣ басаво’’д̇и (ма. ни. 2.3).

    Tato aparabhāge paccekabuddhassa cīvaraṃ jīri. Athassa gopālako cīvaravatthāni adāsi. Tamenaṃ paccekabuddho āha – ‘‘āvuso, cīvaraṃ nāma ekakena kātuṃ dukkaraṃ, phāsukaṭṭhānaṃ gantvā kāressāmī’’ti. ‘‘Idheva, bhante, karothā’’ti. ‘‘Na sakkā, āvuso’’ti. ‘‘Tena hi, bhante, mā ciraṃ bahi vasitthā’’ti. Sunakho tesaṃ kathaṃ suṇantova aṭṭhāsi, paccekabuddhopi ‘‘tiṭṭha, upāsakā’’ti gopālakaṃ nivattāpetvā vehāsaṃ abbhuggantvā gandhamādanābhimukho pāyāsi. Sunakhassa taṃ ākāsena gacchantaṃ disvā bhukkaritvā ṭhitassa tasmiṃ cakkhupathaṃ vijahante hadayaṃ phalitvā mato. Tiracchānā kira nāmete ujujātikā honti akuṭilā. Manussā pana aññaṃ hadayena cintenti, aññaṃ mukhena kathenti. Tenevāha – ‘‘gahanañhetaṃ, bhante, yadidaṃ manussā, uttānakañhetaṃ, bhante, yadidaṃ pasavo’’ti (ma. ni. 2.3).

    ид̇и со д̇ааяа уж̇ужид̇д̇ад̇ааяа агудилад̇ааяа гаалам̣ гад̇ваа д̇аавад̇им̣сабхаванз ниб̣б̣ад̇д̇о ажчараасахассабаривуд̇о махаасамбад̇д̇им̣ анубхоси. д̇асса ган̣н̣амуулз манд̇аяанд̇асса сад̣̇д̣̇о сол̣асаяож̇анадтаанам̣ парад̇и, багад̇игат̇аасад̣̇д̣̇о бана сагалам̣ д̣̇асаяож̇анасахассам̣ д̣̇званаг̇арам̣ чаад̣̇зд̇и. д̇знзвасса ‘‘гхосагад̣̇звабуд̇д̇о’’д̇и наамам̣ ахоси. ‘‘гисса банзса ниссанд̣̇о’’д̇и. бажжзгаб̣уд̣̇д̇хз бзмзна бхуггаран̣асса ниссанд̣̇о. со д̇ад̇т̇а на жирам̣ тад̇ваа жави. д̣̇звалогад̇о хи д̣̇звабуд̇д̇аа ааяугкаязна бун̃н̃агкаязна аахаарагкаязна гобзнаад̇и жад̇уухи гааран̣зхи жаванд̇и.

    Iti so tāya ujucittatāya akuṭilatāya kālaṃ katvā tāvatiṃsabhavane nibbatto accharāsahassaparivuto mahāsampattiṃ anubhosi. Tassa kaṇṇamūle mantayantassa saddo soḷasayojanaṭṭhānaṃ pharati, pakatikathāsaddo pana sakalaṃ dasayojanasahassaṃ devanagaraṃ chādeti. Tenevassa ‘‘ghosakadevaputto’’ti nāmaṃ ahosi. ‘‘Kissa panesa nissando’’ti. Paccekabuddhe pemena bhukkaraṇassa nissando. So tattha na ciraṃ ṭhatvā cavi. Devalokato hi devaputtā āyukkhayena puññakkhayena āhārakkhayena kopenāti catūhi kāraṇehi cavanti.

    д̇ад̇т̇а язна б̣ахум̣ бун̃н̃агаммам̣ гад̇ам̣ ход̇и, со д̣̇звалогз уббаж̇ж̇ид̇ваа яаавад̇ааяугам̣ тад̇ваа убаруубари ниб̣б̣ад̇д̇ад̇и. звам̣ ааяугкаязна жавад̇и наама. язна барид̇д̇ам̣ бун̃н̃ам̣ гад̇ам̣ ход̇и, д̇асса рааж̇агодтааг̇аарз багкид̇д̇ам̣ д̇ижад̇унаал̣имад̇д̇ам̣ д̇хан̃н̃ам̣ вияа анд̇араава д̇ам̣ бун̃н̃ам̣кийяад̇и, анд̇араава гаалам̣ гарод̇и . звам̣ бун̃н̃агкаязна жавад̇и наама. абароби гаамаг̇ун̣з барибхун̃ж̇амаано сад̇исаммосзна аахаарам̣ абарибхун̃ж̇ид̇ваа гиланд̇агааяо гаалам̣ гарод̇и. звам̣ аахаарагкаязна жавад̇и наама. абароби барасса самбад̇д̇им̣ асаханд̇о гуж̇жхид̇ваа гаалам̣ гарод̇и. звам̣ гобзна жавад̇и наама.

    Tattha yena bahuṃ puññakammaṃ kataṃ hoti, so devaloke uppajjitvā yāvatāyukaṃ ṭhatvā uparūpari nibbattati. Evaṃ āyukkhayena cavati nāma. Yena parittaṃ puññaṃ kataṃ hoti, tassa rājakoṭṭhāgāre pakkhittaṃ ticatunāḷimattaṃ dhaññaṃ viya antarāva taṃ puññaṃkhīyati, antarāva kālaṃ karoti . Evaṃ puññakkhayena cavati nāma. Aparopi kāmaguṇe paribhuñjamāno satisammosena āhāraṃ aparibhuñjitvā kilantakāyo kālaṃ karoti. Evaṃ āhārakkhayena cavati nāma. Aparopi parassa sampattiṃ asahanto kujjhitvā kālaṃ karoti. Evaṃ kopena cavati nāma.

    аяам̣ бана гаамаг̇ун̣з барибхун̃ж̇анд̇о мудтассад̇и худ̇ваа аахаарагкаязна жави, жавид̇ваа жа бана госамб̣ияам̣ наг̇арасобхинияаа гужчимхи бадисанд̇хим̣ г̇ан̣хи. сааби ж̇аад̇ад̣̇ивасз ‘‘гим̣ зд̇а’’нд̇и д̣̇аасим̣ бужчид̇ваа, ‘‘буд̇д̇о, аяяз’’д̇и вуд̇д̇з – ‘‘ханд̣̇а, ж̇з, имам̣ д̣̇аарагам̣ гад̇д̇арасуббз ааробзд̇ваа сан̇гаарагуудз чад̣д̣зхий’’д̇и чад̣д̣аабзси. наг̇арасобхинияо хи д̇хийд̇арам̣ бадиж̇аг̇г̇анд̇и, на буд̇д̇ам̣. д̇хийд̇араа хи д̇аасам̣ бавзн̣ий гхадийяад̇и. д̣̇аарагам̣ гаагааби сунакааби бариваарзд̇ваа нисийд̣̇им̣су. бажжзгаб̣уд̣̇д̇хз синзхаббабхавасса бхуггаран̣асса ниссанд̣̇зна згоби убаг̇анд̇ум̣ на висахи. д̇асмим̣ кан̣з зго мануссо б̣ахи нигканд̇о д̇ам̣ гаагасунакасаннибаад̇ам̣ д̣̇исваа, ‘‘гим̣ ну ко зд̇а’’нд̇и г̇анд̇ваа д̣̇аарагам̣ д̣̇исваа буд̇д̇асинзхам̣ бадилабхид̇ваа ‘‘буд̇д̇о мз лад̣̇д̇хо’’д̇и г̇зхам̣ нзси. д̇ад̣̇аа госамб̣агасздти рааж̇агулам̣ г̇ажчанд̇о рааж̇анивзсанад̇о ааг̇ажчанд̇ам̣ бурохид̇ам̣ д̣̇исваа, ‘‘гим̣, аажарияа, аж̇ж̇а д̇з д̇ит̇игаран̣анагкад̇д̇аяог̇о ологид̇о’’д̇и бужчи. ‘‘аама, махаасздти, амхаагам̣ гим̣ ан̃н̃ам̣ гижжанд̇и? ж̇анабад̣̇асса гим̣ бхависсад̇ий’’д̇и? ‘‘ан̃н̃ам̣ над̇т̇и, имасмим̣ бана наг̇арз аж̇ж̇а ж̇аад̇ад̣̇аараго ж̇здтагасздти бхависсад̇ий’’д̇и. д̇ад̣̇аа сздтино бхарияаа г̇аруг̇аб̣бхаа ход̇и. д̇асмаа со сийгхам̣ г̇зхам̣ бурисам̣ бзсзси – ‘‘г̇ажча бхан̣з, ж̇аанаахи нам̣ виж̇аад̇аа ваа, но ваа’’д̇и. ‘‘на виж̇ааяад̇ий’’д̇и суд̇ваа рааж̇аанам̣ д̣̇исваава взг̇зна г̇зхам̣ г̇анд̇ваа гаал̣им̣ наама д̣̇аасим̣ баггосид̇ваа сахассам̣ д̣̇ад̇ваа, ‘‘г̇ажча ж̇з, имасмим̣ наг̇арз убад̇хаарзд̇ваа сахассам̣ д̣̇ад̇ваа аж̇ж̇а ж̇аад̇ад̣̇аарагам̣ г̇ан̣хид̇ваа зхий’’д̇и. саа убад̇хаарзнд̇ий д̇ам̣ г̇зхам̣ г̇анд̇ваа д̣̇аарагам̣ д̣̇исваа, ‘‘аяам̣ д̣̇аараго гад̣̇аа ж̇аад̇о’’д̇и г̇ахабад̇ааним̣ бужчид̇ваа ‘‘аж̇ж̇а ж̇аад̇о’’д̇и вуд̇д̇з, ‘‘имам̣ маяхам̣ д̣̇зхий’’д̇и згагахаабан̣ам̣ аад̣̇им̣ гад̇ваа муулам̣ вад̣дхзнд̇ий сахассам̣ д̣̇ад̇ваа д̇ам̣ аанзд̇ваа сздтино д̣̇ассзси. сздти ‘‘сажз мз д̇хийд̇аа виж̇ааяиссад̇и, д̇ааяа нам̣ сад̣̇д̇хим̣ нивзсзд̇ваа сздтидтаанасса саамигам̣ гариссаами. сажз мз буд̇д̇о виж̇ааяиссад̇и, маарзссаами на’’нд̇и жинд̇зд̇ваа д̇ам̣ г̇зхз гаарзси.

    Ayaṃ pana kāmaguṇe paribhuñjanto muṭṭhassati hutvā āhārakkhayena cavi, cavitvā ca pana kosambiyaṃ nagarasobhiniyā kucchimhi paṭisandhiṃ gaṇhi. Sāpi jātadivase ‘‘kiṃ eta’’nti dāsiṃ pucchitvā, ‘‘putto, ayye’’ti vutte – ‘‘handa, je, imaṃ dārakaṃ kattarasuppe āropetvā saṅkārakūṭe chaḍḍehī’’ti chaḍḍāpesi. Nagarasobhiniyo hi dhītaraṃ paṭijagganti, na puttaṃ. Dhītarā hi tāsaṃ paveṇī ghaṭīyati. Dārakaṃ kākāpi sunakhāpi parivāretvā nisīdiṃsu. Paccekabuddhe sinehappabhavassa bhukkaraṇassa nissandena ekopi upagantuṃ na visahi. Tasmiṃ khaṇe eko manusso bahi nikkhanto taṃ kākasunakhasannipātaṃ disvā, ‘‘kiṃ nu kho eta’’nti gantvā dārakaṃ disvā puttasinehaṃ paṭilabhitvā ‘‘putto me laddho’’ti gehaṃ nesi. Tadā kosambakaseṭṭhi rājakulaṃ gacchanto rājanivesanato āgacchantaṃ purohitaṃ disvā, ‘‘kiṃ, ācariya, ajja te tithikaraṇanakkhattayogo olokito’’ti pucchi. ‘‘Āma, mahāseṭṭhi, amhākaṃ kiṃ aññaṃ kiccanti? Janapadassa kiṃ bhavissatī’’ti? ‘‘Aññaṃ natthi, imasmiṃ pana nagare ajja jātadārako jeṭṭhakaseṭṭhi bhavissatī’’ti. Tadā seṭṭhino bhariyā garugabbhā hoti. Tasmā so sīghaṃ gehaṃ purisaṃ pesesi – ‘‘gaccha bhaṇe, jānāhi naṃ vijātā vā, no vā’’ti. ‘‘Na vijāyatī’’ti sutvā rājānaṃ disvāva vegena gehaṃ gantvā kāḷiṃ nāma dāsiṃ pakkositvā sahassaṃ datvā, ‘‘gaccha je, imasmiṃ nagare upadhāretvā sahassaṃ datvā ajja jātadārakaṃ gaṇhitvā ehī’’ti. Sā upadhārentī taṃ gehaṃ gantvā dārakaṃ disvā, ‘‘ayaṃ dārako kadā jāto’’ti gahapatāniṃ pucchitvā ‘‘ajja jāto’’ti vutte, ‘‘imaṃ mayhaṃ dehī’’ti ekakahāpaṇaṃ ādiṃ katvā mūlaṃ vaḍḍhentī sahassaṃ datvā taṃ ānetvā seṭṭhino dassesi. Seṭṭhi ‘‘sace me dhītā vijāyissati, tāya naṃ saddhiṃ nivesetvā seṭṭhiṭṭhānassa sāmikaṃ karissāmi. Sace me putto vijāyissati, māressāmi na’’nti cintetvā taṃ gehe kāresi.

    ат̇асса бхарияаа гад̇ибаахажжаязна буд̇д̇ам̣ виж̇ааяи. сздти ‘‘имасмим̣ асад̇и мама буд̇д̇ова сздтидтаанам̣ лабхиссад̇и, ид̣̇аанзва д̇ам̣ маарзд̇ум̣ ваддад̇ий’’д̇и жинд̇зд̇ваа гаал̣им̣ ааманд̇зд̇ваа, ‘‘г̇ажча, ж̇з, важ̇ад̇о г̇уннам̣ нигкаманавзлааяа важ̇ад̣̇ваарамаж̇жхз имам̣ д̇ирияам̣ нибаж̇ж̇аабзхи, г̇аавияо нам̣ мад̣̇д̣̇ид̇ваа маарзссанд̇и, мад̣̇д̣̇ид̇аамад̣̇д̣̇ид̇абхаавам̣ банасса н̃ад̇ваа зхий’’д̇и ааха. саа г̇анд̇ваа г̇обаалагзна важ̇ад̣̇ваарз вивадамад̇д̇зязва д̇ам̣ д̇ат̇аа нибаж̇ж̇аабзси. г̇ог̇ан̣аж̇здтаго усабхо ан̃н̃асмим̣ гаалз саб̣б̣абажчаа нигкаманд̇оби д̇ам̣ д̣̇ивасам̣ саб̣б̣абатамам̣ нигкамид̇ваа д̣̇аарагам̣ жад̇уннам̣ баад̣̇аанам̣ анд̇арз гад̇ваа адтааси. анзгасад̇аг̇аавияо усабхасса д̣̇вз бассаани гхам̣санд̇ияо нигкамим̣су. г̇обаалагоби ‘‘аяам̣ усабхо буб̣б̣з саб̣б̣абажчаа нигкамад̇и, аж̇ж̇а бана саб̣б̣абатамам̣ нигкамид̇ваа важ̇ад̣̇ваарамаж̇жхз нижжалова тид̇о, гим̣ ну ко зд̇а’’нд̇и жинд̇зд̇ваа г̇анд̇ваа д̇асса хздтаа нибаннам̣ д̣̇аарагам̣ д̣̇исваа буд̇д̇асинзхам̣ бадилабхид̇ваа, ‘‘буд̇д̇о мз лад̣̇д̇хо’’д̇и г̇зхам̣ нзси.

    Athassa bhariyā katipāhaccayena puttaṃ vijāyi. Seṭṭhi ‘‘imasmiṃ asati mama puttova seṭṭhiṭṭhānaṃ labhissati, idāneva taṃ māretuṃ vaṭṭatī’’ti cintetvā kāḷiṃ āmantetvā, ‘‘gaccha, je, vajato gunnaṃ nikkhamanavelāya vajadvāramajjhe imaṃ tiriyaṃ nipajjāpehi, gāviyo naṃ madditvā māressanti, madditāmadditabhāvaṃ panassa ñatvā ehī’’ti āha. Sā gantvā gopālakena vajadvāre vivaṭamatteyeva taṃ tathā nipajjāpesi. Gogaṇajeṭṭhako usabho aññasmiṃ kāle sabbapacchā nikkhamantopi taṃ divasaṃ sabbapaṭhamaṃ nikkhamitvā dārakaṃ catunnaṃ pādānaṃ antare katvā aṭṭhāsi. Anekasatagāviyo usabhassa dve passāni ghaṃsantiyo nikkhamiṃsu. Gopālakopi ‘‘ayaṃ usabho pubbe sabbapacchā nikkhamati, ajja pana sabbapaṭhamaṃ nikkhamitvā vajadvāramajjhe niccalova ṭhito, kiṃ nu kho eta’’nti cintetvā gantvā tassa heṭṭhā nipannaṃ dārakaṃ disvā puttasinehaṃ paṭilabhitvā, ‘‘putto me laddho’’ti gehaṃ nesi.

    гаал̣ий г̇анд̇ваа сздтинаа бужчид̇аа д̇амад̇т̇ам̣ аарожзд̇ваа, ‘‘г̇ажча, нам̣ буна сахассам̣ д̣̇ад̇ваа аанзхий’’д̇и вуд̇д̇аа сахассам̣ д̣̇ад̇ваа буна аанзд̇ваа ад̣̇ааси. ат̇а нам̣ ааха – ‘‘амма, гаал̣и имасмим̣ наг̇арз бан̃жа сагадасад̇аани бажжуусагаалз удтааяа ваан̣иж̇ж̇ааяа г̇ажчанд̇и, д̇вам̣ имам̣ нзд̇ваа жаггамаг̇г̇з нибаж̇ж̇аабзхи, г̇он̣аа ваа нам̣ мад̣̇д̣̇иссанд̇и, жаггаа ваа чинд̣̇иссанд̇и, бавад̇д̇им̣ жасса н̃ад̇ваава ааг̇ажчзяяаасий’’д̇и. саа д̇ам̣ нзд̇ваа жаггамаг̇г̇з нибаж̇ж̇аабзси. д̇ад̣̇аа саагадигаж̇здтаго бурад̇о ахоси. ат̇асса г̇он̣аа д̇ам̣ таанам̣ бад̇ваа д̇хурам̣ чад̣д̣зсум̣, бунаббунам̣ ааробзд̇ваа бааж̇ияамаанааби бурад̇о на г̇ажчим̣су. звам̣ д̇асса д̇зхи сад̣̇д̇хим̣ вааяаманд̇ассзва арун̣ам̣ удтахи. со ‘‘гим̣ наамзд̇ам̣ г̇он̣аа гарим̣суу’’д̇и маг̇г̇ам̣ ологзнд̇о д̣̇аарагам̣ д̣̇исваа, ‘‘бхаарияам̣ вад̇а мз гамма’’нд̇и жинд̇зд̇ваа, ‘‘буд̇д̇о мз лад̣̇д̇хо’’д̇и д̇удтамаанасо д̇ам̣ г̇зхам̣ нзси.

    Kāḷī gantvā seṭṭhinā pucchitā tamatthaṃ ārocetvā, ‘‘gaccha, naṃ puna sahassaṃ datvā ānehī’’ti vuttā sahassaṃ datvā puna ānetvā adāsi. Atha naṃ āha – ‘‘amma, kāḷi imasmiṃ nagare pañca sakaṭasatāni paccūsakāle uṭṭhāya vāṇijjāya gacchanti, tvaṃ imaṃ netvā cakkamagge nipajjāpehi, goṇā vā naṃ maddissanti, cakkā vā chindissanti, pavattiṃ cassa ñatvāva āgaccheyyāsī’’ti. Sā taṃ netvā cakkamagge nipajjāpesi. Tadā sākaṭikajeṭṭhako purato ahosi. Athassa goṇā taṃ ṭhānaṃ patvā dhuraṃ chaḍḍesuṃ, punappunaṃ āropetvā pājiyamānāpi purato na gacchiṃsu. Evaṃ tassa tehi saddhiṃ vāyamantasseva aruṇaṃ uṭṭhahi. So ‘‘kiṃ nāmetaṃ goṇā kariṃsū’’ti maggaṃ olokento dārakaṃ disvā, ‘‘bhāriyaṃ vata me kamma’’nti cintetvā, ‘‘putto me laddho’’ti tuṭṭhamānaso taṃ gehaṃ nesi.

    гаал̣ий г̇анд̇ваа сздтинаа бужчид̇аа д̇ам̣ бавад̇д̇им̣ аажигкид̇ваа, ‘‘г̇ажча, нам̣ буна сахассам̣ д̣̇ад̇ваа аанзхий’’д̇и вуд̇д̇аа д̇ат̇аа агааси. ат̇а нам̣ со ааха – ‘‘ид̣̇аани нам̣ аамагасусаанам̣ нзд̇ваа г̇ажчанд̇арз нибаж̇ж̇аабзхи, д̇ад̇т̇а сунакаад̣̇ийхи ваа каад̣̇ид̇о, амануссзхи ваа бахадо мариссад̇и, маад̇аамад̇абхааван̃жасса ж̇аанид̇ваава ааг̇ажчзяяаасий’’д̇и. саа д̇ам̣ нзд̇ваа д̇ад̇т̇а нибаж̇ж̇аабзд̇ваа згаманд̇з адтааси. д̇ам̣ сунако ваа гааго ваа амануссо ваа убасан̇гамид̇ум̣ наасагки. ‘‘нану жасса нзва маад̇аа на бид̇аа на бхаад̇игаад̣̇ийсу гожи рагкид̇аа наама ад̇т̇и, го д̇ам̣ рагкад̇ий’’д̇и? сунакагаалз бажжзгаб̣уд̣̇д̇хз синзхзна бавад̇д̇ид̇абхуггаран̣амад̇д̇амзва д̇ам̣ рагкад̇и. ат̇зго аж̇абаалаго анзгасахассаа аж̇аа г̇ожарам̣ нзнд̇о сусаанабассзна г̇ажчад̇и. згаа аж̇аа бан̣н̣аани каад̣̇амаанаа г̇ажчанд̇арам̣ бавидтаа д̣̇аарагам̣ д̣̇исваа ж̇ан̣н̣угзхи тад̇ваа д̣̇аарагасса т̇анам̣ ад̣̇ааси, аж̇абаалагзна ‘‘хз хз’’д̇и сад̣̇д̣̇з гад̇зби на нигками. со ‘‘яадтияаа нам̣ бахарид̇ваа нийхариссаамий’’д̇и г̇ажчанд̇арам̣ бавидто ж̇ан̣н̣угзхи тад̇ваа д̣̇аарагам̣ кийрам̣ бааяанд̇им̣ аж̇им̣ д̣̇исваа д̣̇аарагз буд̇д̇асинзхам̣ бадилабхид̇ваа, ‘‘буд̇д̇о мз лад̣̇д̇хо’’д̇и аад̣̇ааяа баггаами.

    Kāḷī gantvā seṭṭhinā pucchitā taṃ pavattiṃ ācikkhitvā, ‘‘gaccha, naṃ puna sahassaṃ datvā ānehī’’ti vuttā tathā akāsi. Atha naṃ so āha – ‘‘idāni naṃ āmakasusānaṃ netvā gacchantare nipajjāpehi, tattha sunakhādīhi vā khādito, amanussehi vā pahaṭo marissati, mātāmatabhāvañcassa jānitvāva āgaccheyyāsī’’ti. Sā taṃ netvā tattha nipajjāpetvā ekamante aṭṭhāsi. Taṃ sunakho vā kāko vā amanusso vā upasaṅkamituṃ nāsakkhi. ‘‘Nanu cassa neva mātā na pitā na bhātikādīsu koci rakkhitā nāma atthi, ko taṃ rakkhatī’’ti? Sunakhakāle paccekabuddhe sinehena pavattitabhukkaraṇamattameva taṃ rakkhati. Atheko ajapālako anekasahassā ajā gocaraṃ nento susānapassena gacchati. Ekā ajā paṇṇāni khādamānā gacchantaraṃ paviṭṭhā dārakaṃ disvā jaṇṇukehi ṭhatvā dārakassa thanaṃ adāsi, ajapālakena ‘‘he he’’ti sadde katepi na nikkhami. So ‘‘yaṭṭhiyā naṃ paharitvā nīharissāmī’’ti gacchantaraṃ paviṭṭho jaṇṇukehi ṭhatvā dārakaṃ khīraṃ pāyantiṃ ajiṃ disvā dārake puttasinehaṃ paṭilabhitvā, ‘‘putto me laddho’’ti ādāya pakkāmi.

    гаал̣ий г̇анд̇ваа сздтинаа бужчид̇аа д̇ам̣ бавад̇д̇им̣ аажигкид̇ваа, ‘‘г̇ажча, д̇ам̣ буна сахассам̣ д̣̇ад̇ваа аанзхий’’д̇и вуд̇д̇аа д̇ат̇аа агааси. ат̇а нам̣ ааха – ‘‘амма гаал̣и, имам̣ аад̣̇ааяа жорабабаад̇абаб̣б̣ад̇ам̣ абхирухид̇ваа бабаад̇з киба, баб̣б̣ад̇агужчияам̣ бадихан̃н̃амаано кан̣д̣аакан̣д̣иго худ̇ваа бхуумияам̣ бад̇иссад̇и, мад̇аамад̇абхааван̃жасса н̃ад̇ваава ааг̇ажчзяяаасий’’д̇и. саа д̇ам̣ д̇ад̇т̇а нзд̇ваа баб̣б̣ад̇амад̇т̇агз тад̇ваа киби. д̇ам̣ ко бана баб̣б̣ад̇агужчим̣ ниссааяа махаавзл̣уг̇умб̣о баб̣б̣ад̇аанусаарзнзва вад̣дхи, д̇асса мад̇т̇агам̣ гханаж̇аад̇о ж̇ин̃ж̇угаг̇умб̣о авад̇т̇ари. д̣̇аараго бад̇анд̇о гож̇авагз вияа д̇асмим̣ бад̇и. д̇ам̣ д̣̇ивасан̃жа нал̣агаараж̇здтагасса взл̣уб̣али бад̇д̇о ход̇и. со буд̇д̇зна сад̣̇д̇хим̣ г̇анд̇ваа д̇ам̣ взл̣уг̇умб̣ам̣ чинд̣̇ид̇ум̣ аарабхи. д̇асмим̣ жаланд̇з д̣̇аараго сад̣̇д̣̇амагааси. со ‘‘д̣̇аарагасад̣̇д̣̇о вияаа’’д̇и згзна бассзна абхирухид̇ваа д̇ам̣ д̣̇исваа, ‘‘буд̇д̇о мз лад̣̇д̇хо’’д̇и д̇удтажид̇д̇о аад̣̇ааяа г̇ад̇о.

    Kāḷī gantvā seṭṭhinā pucchitā taṃ pavattiṃ ācikkhitvā, ‘‘gaccha, taṃ puna sahassaṃ datvā ānehī’’ti vuttā tathā akāsi. Atha naṃ āha – ‘‘amma kāḷi, imaṃ ādāya corapapātapabbataṃ abhiruhitvā papāte khipa, pabbatakucchiyaṃ paṭihaññamāno khaṇḍākhaṇḍiko hutvā bhūmiyaṃ patissati, matāmatabhāvañcassa ñatvāva āgaccheyyāsī’’ti. Sā taṃ tattha netvā pabbatamatthake ṭhatvā khipi. Taṃ kho pana pabbatakucchiṃ nissāya mahāveḷugumbo pabbatānusāreneva vaḍḍhi, tassa matthakaṃ ghanajāto jiñjukagumbo avatthari. Dārako patanto kojavake viya tasmiṃ pati. Taṃ divasañca naḷakārajeṭṭhakassa veḷubali patto hoti. So puttena saddhiṃ gantvā taṃ veḷugumbaṃ chindituṃ ārabhi. Tasmiṃ calante dārako saddamakāsi. So ‘‘dārakasaddo viyā’’ti ekena passena abhiruhitvā taṃ disvā, ‘‘putto me laddho’’ti tuṭṭhacitto ādāya gato.

    гаал̣ий сздтисса санд̇игам̣ г̇анд̇ваа д̇зна бужчид̇аа д̇ам̣ бавад̇д̇им̣ аажигкид̇ваа, ‘‘г̇ажча, нам̣ буна сахассам̣ д̣̇ад̇ваа аанзхий’’д̇и вуд̇д̇аа д̇ат̇аа агааси. сздтино ид̣̇ан̃жид̣̇ан̃жа гаронд̇ассзва д̣̇аараго вад̣дхид̇о ‘‘гхосаго’’д̇взвасса наамам̣ ахоси. со сздтино агкимхи ган̣даго вияа кааяи, уж̇угам̣ д̇ам̣ ологзд̇умби на висад̇и. ат̇асса мааран̣уубааяам̣ жинд̇знд̇о ад̇д̇ано сахааяагасса гумбхагаарасса санд̇игам̣ г̇анд̇ваа, ‘‘гад̣̇аа д̇вам̣ ааваабам̣ аалимбзссасий’’д̇и бужчид̇ваа – ‘‘свз’’д̇и вуд̇д̇з, ‘‘д̇зна хи ид̣̇ам̣ сахассам̣ г̇ахзд̇ваа мама згам̣ гаммам̣ гарохий’’д̇и ааха. ‘‘гим̣, саамий’’д̇и? ‘‘зго мз аваж̇аад̇абуд̇д̇о ад̇т̇и, д̇ам̣ д̇ава санд̇игам̣ бзсзссаами, ат̇а нам̣ г̇ахзд̇ваа г̇аб̣бхам̣ бавзсзд̇ваа д̇икин̣ааяа ваасияаа кан̣д̣аакан̣д̣игам̣ чинд̣̇ид̇ваа жаадияам̣ багкибид̇ваа ааваабз бажзяяааси, ид̣̇ам̣ д̇з сахассам̣ сажжагаарасад̣̇исам̣. уд̇д̇арим̣ бана д̇з гад̇д̇аб̣б̣аяуд̇д̇агам̣ бажчаа гариссаамий’’д̇и. гумбхагааро ‘‘саад̇хуу’’д̇и самбадижчи. сздти бунад̣̇ивасз гхосагам̣ баггосид̇ваа, ‘‘хияяо маяаа гумбхагааро згам̣ гаммам̣ аан̣ад̇д̇о, зхи, д̇вам̣ д̇асса санд̇игам̣ г̇анд̇ваа звам̣ вад̣̇зхи – ‘хияяо гира мз бид̇араа аан̣ад̇д̇ам̣ гаммам̣ нибпаад̣̇зхий’’’д̇и бахин̣и. со ‘‘саад̇хуу’’д̇и аг̇амааси. д̇ам̣ д̇ад̇т̇а г̇ажчанд̇ам̣ ид̇аро сздтино буд̇д̇о д̣̇аарагзхи сад̣̇д̇хим̣ г̇ул̣ам̣ гийл̣анд̇о д̣̇исваа д̇ам̣ баггосид̇ваа, ‘‘гухим̣ г̇ажчаси бхаад̇игаа’’д̇и бужчид̇ваа ‘‘бид̇у саасанам̣ г̇ахзд̇ваа гумбхагаарасса санд̇ига’’нд̇и вуд̇д̇з ‘‘ахам̣ д̇ад̇т̇а г̇амиссаами. имз мам̣ д̣̇аарагаа б̣ахум̣ лагкам̣ ж̇иним̣су, д̇ам̣ мз бадиж̇инид̇ваа д̣̇зхий’’д̇и ааха. ‘‘ахам̣ бид̇у бхааяаамий’’д̇и. ‘‘маа бхааяи, бхаад̇ига, ахам̣ д̇ам̣ саасанам̣ хариссаами. б̣ахуухи ж̇ид̇о, яааваахам̣ ааг̇ажчаами, д̇аава мз лагкам̣ бадиж̇инаа’’д̇и.

    Kāḷī seṭṭhissa santikaṃ gantvā tena pucchitā taṃ pavattiṃ ācikkhitvā, ‘‘gaccha, naṃ puna sahassaṃ datvā ānehī’’ti vuttā tathā akāsi. Seṭṭhino idañcidañca karontasseva dārako vaḍḍhito ‘‘ghosako’’tvevassa nāmaṃ ahosi. So seṭṭhino akkhimhi kaṇṭako viya khāyi, ujukaṃ taṃ oloketumpi na visati. Athassa māraṇūpāyaṃ cintento attano sahāyakassa kumbhakārassa santikaṃ gantvā, ‘‘kadā tvaṃ āvāpaṃ ālimpessasī’’ti pucchitvā – ‘‘sve’’ti vutte, ‘‘tena hi idaṃ sahassaṃ gahetvā mama ekaṃ kammaṃ karohī’’ti āha. ‘‘Kiṃ, sāmī’’ti? ‘‘Eko me avajātaputto atthi, taṃ tava santikaṃ pesessāmi, atha naṃ gahetvā gabbhaṃ pavesetvā tikhiṇāya vāsiyā khaṇḍākhaṇḍikaṃ chinditvā cāṭiyaṃ pakkhipitvā āvāpe paceyyāsi, idaṃ te sahassaṃ saccakārasadisaṃ. Uttariṃ pana te kattabbayuttakaṃ pacchā karissāmī’’ti. Kumbhakāro ‘‘sādhū’’ti sampaṭicchi. Seṭṭhi punadivase ghosakaṃ pakkositvā, ‘‘hiyyo mayā kumbhakāro ekaṃ kammaṃ āṇatto, ehi, tvaṃ tassa santikaṃ gantvā evaṃ vadehi – ‘hiyyo kira me pitarā āṇattaṃ kammaṃ nipphādehī’’’ti pahiṇi. So ‘‘sādhū’’ti agamāsi. Taṃ tattha gacchantaṃ itaro seṭṭhino putto dārakehi saddhiṃ guḷaṃ kīḷanto disvā taṃ pakkositvā, ‘‘kuhiṃ gacchasi bhātikā’’ti pucchitvā ‘‘pitu sāsanaṃ gahetvā kumbhakārassa santika’’nti vutte ‘‘ahaṃ tattha gamissāmi. Ime maṃ dārakā bahuṃ lakkhaṃ jiniṃsu, taṃ me paṭijinitvā dehī’’ti āha. ‘‘Ahaṃ pitu bhāyāmī’’ti. ‘‘Mā bhāyi, bhātika, ahaṃ taṃ sāsanaṃ harissāmi. Bahūhi jito, yāvāhaṃ āgacchāmi, tāva me lakkhaṃ paṭijinā’’ti.

    гхосаго гира г̇ул̣агийл̣ааяа чзго, д̇зна нам̣ звам̣ ниб̣анд̇хи. соби д̇ам̣ ‘‘д̇зна хи г̇анд̇ваа гумбхагаарам̣ вад̣̇зхи – ‘бид̇араа гира мз хияяо згам̣ гаммам̣ аан̣ад̇д̇ам̣, д̇ам̣ нибпаад̣̇зхий’’’д̇и вад̇ваа уяяож̇зси. со д̇асса санд̇игам̣ г̇анд̇ваа д̇ат̇аа аважа. ат̇а нам̣ гумбхагааро сздтинаа вуд̇д̇анияаамзнзва маарзд̇ваа ааваабз киби. гхосагоби д̣̇ивасабхааг̇ам̣ гийл̣ид̇ваа сааяанхасамаяз г̇зхам̣ г̇анд̇ваа ‘‘гим̣, д̇аад̇а, на г̇ад̇осий’’д̇и вуд̇д̇з ад̇д̇ано аг̇ад̇агааран̣ан̃жа ганидтасса г̇ад̇агааран̣ан̃жа аарожзси. д̇ам̣ суд̇ваа сздти ‘‘ахам̣ д̇хий’’д̇и махаавиравам̣ виравид̇ваа сагаласарийрз баггут̇ид̇алохид̇о вияа худ̇ваа, ‘‘амбхо, гумбхагаара, маа мам̣ наасаяи, маа мам̣ наасаяий’’д̇и б̣аахаа баг̇г̇аяха ганд̣̇анд̇о д̇асса санд̇игам̣ аг̇амааси. гумбхагааро д̇ам̣ д̇ат̇аа ааг̇ажчанд̇ам̣ д̣̇исваа, ‘‘саами, маа сад̣̇д̣̇ам̣ гари, гаммам̣ д̇з нибпанна’’нд̇и ааха. со баб̣б̣ад̇зна вияа маханд̇зна согзна авад̇т̇адо худ̇ваа анаббагам̣ д̣̇оманассам̣ бадисам̣взд̣̇зси. яат̇аа д̇ам̣ аббад̣̇удтасса бад̣̇уссамаано. д̇знааха бхаг̇аваа –

    Ghosako kira guḷakīḷāya cheko, tena naṃ evaṃ nibandhi. Sopi taṃ ‘‘tena hi gantvā kumbhakāraṃ vadehi – ‘pitarā kira me hiyyo ekaṃ kammaṃ āṇattaṃ, taṃ nipphādehī’’’ti vatvā uyyojesi. So tassa santikaṃ gantvā tathā avaca. Atha naṃ kumbhakāro seṭṭhinā vuttaniyāmeneva māretvā āvāpe khipi. Ghosakopi divasabhāgaṃ kīḷitvā sāyanhasamaye gehaṃ gantvā ‘‘kiṃ, tāta, na gatosī’’ti vutte attano agatakāraṇañca kaniṭṭhassa gatakāraṇañca ārocesi. Taṃ sutvā seṭṭhi ‘‘ahaṃ dhī’’ti mahāviravaṃ viravitvā sakalasarīre pakkuthitalohito viya hutvā, ‘‘ambho, kumbhakāra, mā maṃ nāsayi, mā maṃ nāsayī’’ti bāhā paggayha kandanto tassa santikaṃ agamāsi. Kumbhakāro taṃ tathā āgacchantaṃ disvā, ‘‘sāmi, mā saddaṃ kari, kammaṃ te nipphanna’’nti āha. So pabbatena viya mahantena sokena avatthaṭo hutvā anappakaṃ domanassaṃ paṭisaṃvedesi. Yathā taṃ appaduṭṭhassa padussamāno. Tenāha bhagavā –

    ‘‘яо д̣̇ан̣д̣зна ад̣̇ан̣д̣зсу, аббад̣̇удтзсу д̣̇уссад̇и;

    ‘‘Yo daṇḍena adaṇḍesu, appaduṭṭhesu dussati;

    д̣̇асаннаман̃н̃ад̇арам̣ таанам̣, киббамзва ниг̇ажчад̇и.

    Dasannamaññataraṃ ṭhānaṃ, khippameva nigacchati.

    ‘‘взд̣̇анам̣ парусам̣ ж̇ааним̣, сарийрасса жа бхзд̣̇анам̣;

    ‘‘Vedanaṃ pharusaṃ jāniṃ, sarīrassa ca bhedanaṃ;

    г̇аругам̣ вааби ааб̣аад̇хам̣, жид̇д̇агкзбан̃жа баабун̣з.

    Garukaṃ vāpi ābādhaṃ, cittakkhepañca pāpuṇe.

    ‘‘рааж̇ад̇о ваа убасаг̇г̇ам̣, аб̣бхагкаанан̃жа д̣̇аарун̣ам̣;

    ‘‘Rājato vā upasaggaṃ, abbhakkhānañca dāruṇaṃ;

    баригкаяан̃жа н̃аад̇ийнам̣, бхог̇аанан̃жа бабхан̇г̇урам̣.

    Parikkhayañca ñātīnaṃ, bhogānañca pabhaṅguraṃ.

    ‘‘ат̇а ваасса аг̇аараани, аг̇г̇и д̣ахад̇и бааваго;

    ‘‘Atha vāssa agārāni, aggi ḍahati pāvako;

    гааяасса бхзд̣̇аа д̣̇уббан̃н̃о, нираяам̣ собабаж̇ж̇ад̇ий’’д̇и. (д̇ха. ба. 137-140);

    Kāyassa bhedā duppañño, nirayaṃ sopapajjatī’’ti. (dha. pa. 137-140);

    звам̣ санд̇зби буна нам̣ сздти уж̇угам̣ ологзд̇ум̣ на саггод̇и. ‘‘гинд̇и нам̣ маарзяяа’’нд̇и жинд̇знд̇о, ‘‘мама г̇аамасад̇з ааяуд̇д̇агасса санд̇игам̣ бзсзд̇ваа маарзссаамий’’д̇и убааяам̣ д̣̇исваа, ‘‘аяам̣ мз аваж̇аад̇абуд̇д̇о, имам̣ маарзд̇ваа важжагуубз кибад̇у, звам̣ гад̇з ахам̣ маад̇уласса гад̇д̇аб̣б̣аяуд̇д̇агам̣ бажчаа ж̇ааниссаамий’’д̇и д̇асса бан̣н̣ам̣ ликид̇ваа, ‘‘д̇аад̇а гхосага, амхаагам̣ г̇аамасад̇з ааяуд̇д̇аго ад̇т̇и, имам̣ бан̣н̣ам̣ харид̇ваа д̇асса д̣̇зхий’’д̇и вад̇ваа бан̣н̣ам̣ д̇асса д̣̇уссанд̇з б̣анд̇хи. со бана агкарасамаяам̣ на ж̇аанаад̇и. д̣̇ахарагаалад̇о бадтааяа хи нам̣ маараабзнд̇ова сздти маарзд̇ум̣ наасагки, гим̣ агкарасамаяам̣ сигкаабзссад̇и? ид̇и со ад̇д̇ано маараабанабан̣н̣амзва д̣̇уссанд̇з б̣анд̇хид̇ваа нигкаманд̇о ааха – ‘‘баат̇зяяам̣ мз, д̇аад̇а, над̇т̇ий’’д̇и. ‘‘баат̇зяязна д̇з гаммам̣ над̇т̇и, анд̇араамаг̇г̇з ‘асугаг̇аамз наама мамасахааяаго сздти ад̇т̇и, д̇асса гхарз баад̇араасам̣ гад̇ваа бурад̇о г̇ажчаахий’’’д̇и. со ‘‘саад̇хуу’’д̇и бид̇арам̣ ванд̣̇ид̇ваа нигканд̇о д̇ам̣ г̇аамам̣ бад̇ваа сздтисса гхарам̣ бужчид̇ваа г̇анд̇ваа сздтиж̇ааяам̣ басси. ‘‘д̇вам̣ гуд̇о ааг̇ад̇осий’’д̇и жа вуд̇д̇з, ‘‘анд̇онаг̇арад̇о’’д̇и ааха. ‘‘гасса буд̇д̇осий’’д̇и? ‘‘д̇умхаагам̣ сахааяагасздтино, аммаа’’д̇и. ‘‘д̇вам̣си гхосаго наамаа’’д̇и? ‘‘аама, аммаа’’д̇и. д̇ассаа саха д̣̇ассанзнзва д̇асмим̣ буд̇д̇асинзхо уббаж̇ж̇и. сздтино банзгаа д̇хийд̇аа ад̇т̇и баннарасасол̣асавассуд̣̇д̣̇зсигаа абхируубаа баасаад̣̇игаа, д̇ам̣ рагкид̇ум̣ згамзва бзсанагааригам̣ д̣̇аасим̣ д̣̇ад̇ваа сад̇д̇абхуумигасса баасаад̣̇асса убаримад̇алз сириг̇аб̣бхз васаабзнд̇и. сздтид̇хийд̇аа д̇асмим̣ кан̣з д̇ам̣ д̣̇аасим̣ анд̇араабан̣ам̣ бзсзси. ат̇а нам̣ сздтиж̇ааяаа д̣̇исваа, ‘‘гухим̣ г̇ажчасий’’д̇и бужчид̇ваа, ‘‘аяяад̇хийд̇ааяа бзсанзнаа’’д̇и вуд̇д̇з ‘‘ид̇о д̇аава зхи, д̇идтад̇у бзсанам̣, буд̇д̇асса мз бийтагам̣ ад̇т̇арид̇ваа баад̣̇з д̇ховид̇ваа д̇злам̣ магкид̇ваа саяанам̣ ад̇т̇арид̇ваа д̣̇зхи, бажчаа бзсанам̣ гариссасий’’д̇и ааха. саа д̇ат̇аа агааси.

    Evaṃ santepi puna naṃ seṭṭhi ujukaṃ oloketuṃ na sakkoti. ‘‘Kinti naṃ māreyya’’nti cintento, ‘‘mama gāmasate āyuttakassa santikaṃ pesetvā māressāmī’’ti upāyaṃ disvā, ‘‘ayaṃ me avajātaputto, imaṃ māretvā vaccakūpe khipatu, evaṃ kate ahaṃ mātulassa kattabbayuttakaṃ pacchā jānissāmī’’ti tassa paṇṇaṃ likhitvā, ‘‘tāta ghosaka, amhākaṃ gāmasate āyuttako atthi, imaṃ paṇṇaṃ haritvā tassa dehī’’ti vatvā paṇṇaṃ tassa dussante bandhi. So pana akkharasamayaṃ na jānāti. Daharakālato paṭṭhāya hi naṃ mārāpentova seṭṭhi māretuṃ nāsakkhi, kiṃ akkharasamayaṃ sikkhāpessati? Iti so attano mārāpanapaṇṇameva dussante bandhitvā nikkhamanto āha – ‘‘pātheyyaṃ me, tāta, natthī’’ti. ‘‘Pātheyyena te kammaṃ natthi, antarāmagge ‘asukagāme nāma mamasahāyako seṭṭhi atthi, tassa ghare pātarāsaṃ katvā purato gacchāhī’’’ti. So ‘‘sādhū’’ti pitaraṃ vanditvā nikkhanto taṃ gāmaṃ patvā seṭṭhissa gharaṃ pucchitvā gantvā seṭṭhijāyaṃ passi. ‘‘Tvaṃ kuto āgatosī’’ti ca vutte, ‘‘antonagarato’’ti āha. ‘‘Kassa puttosī’’ti? ‘‘Tumhākaṃ sahāyakaseṭṭhino, ammā’’ti. ‘‘Tvaṃsi ghosako nāmā’’ti? ‘‘Āma, ammā’’ti. Tassā saha dassaneneva tasmiṃ puttasineho uppajji. Seṭṭhino panekā dhītā atthi pannarasasoḷasavassuddesikā abhirūpā pāsādikā, taṃ rakkhituṃ ekameva pesanakārikaṃ dāsiṃ datvā sattabhūmikassa pāsādassa uparimatale sirigabbhe vasāpenti. Seṭṭhidhītā tasmiṃ khaṇe taṃ dāsiṃ antarāpaṇaṃ pesesi. Atha naṃ seṭṭhijāyā disvā, ‘‘kuhiṃ gacchasī’’ti pucchitvā, ‘‘ayyadhītāya pesanenā’’ti vutte ‘‘ito tāva ehi, tiṭṭhatu pesanaṃ, puttassa me pīṭhakaṃ attharitvā pāde dhovitvā telaṃ makkhitvā sayanaṃ attharitvā dehi, pacchā pesanaṃ karissasī’’ti āha. Sā tathā akāsi.

    ат̇а нам̣ жирзнааг̇ад̇ам̣ сздтид̇хийд̇аа санд̇аж̇ж̇зси. ат̇а нам̣ саа ааха – ‘‘маа мз гуж̇жхи, сздтибуд̇д̇о гхосаго ааг̇ад̇о, д̇асса ид̣̇ан̃жид̣̇ан̃жа гад̇ваа д̇ад̇т̇а г̇анд̇ваа ааг̇ад̇аамхий’’д̇и. сздтид̇хийд̇ааяа ‘‘сздтибуд̇д̇о гхосаго’’д̇и наамам̣ суд̇ваава бзмам̣ чавияаад̣̇ийни чинд̣̇ид̇ваа адтимин̃ж̇ам̣ аахажжа тид̇ам̣. год̇ухалагааласмин̃хи саа д̇асса баж̇аабад̇ий худ̇ваа наал̣игод̣̇анам̣ бажжзгаб̣уд̣̇д̇хасса ад̣̇ааси, д̇ассаанубхаавзнааг̇анд̇ваа имасмим̣ сздтигулз ниб̣б̣ад̇д̇аа. ид̇и д̇ам̣ со буб̣б̣асинзхо авад̇т̇арид̇ваа г̇ан̣хи. д̇знааха бхаг̇аваа –

    Atha naṃ cirenāgataṃ seṭṭhidhītā santajjesi. Atha naṃ sā āha – ‘‘mā me kujjhi, seṭṭhiputto ghosako āgato, tassa idañcidañca katvā tattha gantvā āgatāmhī’’ti. Seṭṭhidhītāya ‘‘seṭṭhiputto ghosako’’ti nāmaṃ sutvāva pemaṃ chaviyādīni chinditvā aṭṭhimiñjaṃ āhacca ṭhitaṃ. Kotuhalakālasmiñhi sā tassa pajāpatī hutvā nāḷikodanaṃ paccekabuddhassa adāsi, tassānubhāvenāgantvā imasmiṃ seṭṭhikule nibbattā. Iti taṃ so pubbasineho avattharitvā gaṇhi. Tenāha bhagavā –

    ‘‘буб̣б̣зва санниваасзна, бажжуббаннахид̇зна ваа;

    ‘‘Pubbeva sannivāsena, paccuppannahitena vā;

    звам̣ д̇ам̣ ж̇ааяад̇з бзмам̣, уббалам̣ва яат̇од̣̇агз’’д̇и. (ж̇аа. 1.2.174);

    Evaṃ taṃ jāyate pemaṃ, uppalaṃva yathodake’’ti. (jā. 1.2.174);

    ат̇а нам̣ бужчи – ‘‘гухим̣ со, аммаа’’д̇и? ‘‘саяанз нибанно нид̣̇д̣̇ааяад̇ий’’д̇и. ‘‘ад̇т̇и банасса хад̇т̇з гин̃жий’’д̇и? ‘‘д̣̇уссанд̇з бан̣н̣ам̣ ад̇т̇ий’’д̇и. саа ‘‘гим̣ бан̣н̣ам̣ ну ко зд̇а’’нд̇и д̇асмим̣ нид̣̇д̣̇ааяанд̇з маад̇аабид̇уунам̣ ан̃н̃авихид̇ад̇ааяа абассанд̇аанам̣ од̇арид̇ваа самийбам̣ г̇анд̇ваа д̇ам̣ бан̣н̣ам̣ можзд̇ваа аад̣̇ааяа ад̇д̇ано г̇аб̣бхам̣ бависид̇ваа д̣̇ваарам̣ бид̇хааяа ваад̇абаанам̣ виварид̇ваа агкарасамаяз гусалад̇ааяа бан̣н̣ам̣ ваажзд̇ваа, ‘‘ахо вад̇а б̣аало, ад̇д̇ано маран̣абан̣н̣ам̣ д̣̇уссанд̇з б̣анд̇хид̇ваа вижарад̇и, сажз маяаа на д̣̇идтам̣ асса, над̇т̇исса ж̇ийвид̇а’’нд̇и д̇ам̣ бан̣н̣ам̣ паалзд̇ваа сздтисса важанзна абарам̣ бан̣н̣ам̣ лики – ‘‘аяам̣ мама буд̇д̇о гхосаго наама, г̇аамасад̇ад̇о бан̣н̣аагаарам̣ аахараабзд̇ваа имасса ж̇анабад̣̇асздтино д̇хийд̇араа сад̣̇д̇хим̣ ман̇г̇алам̣ гад̇ваа ад̇д̇ано васанаг̇аамасса маж̇жхз д̣̇вибхуумагам̣ г̇зхам̣ гаарзд̇ваа баагаарабаригкзбзна жзва бурисаг̇уд̇д̇ияаа жа сусам̣вихид̇аарагкам̣ гарод̇у, маяхан̃жа ‘ид̣̇ан̃жид̣̇ан̃жа маяаа гад̇а’нд̇и саасанам̣ бзсзд̇у, звам̣ гад̇з ахам̣ маад̇уласса гад̇д̇аб̣б̣аяуд̇д̇агам̣ бажчаа ж̇ааниссаамий’’д̇и, ликид̇ваа жа бана сан̇гхарид̇ваа од̇арид̇ваа д̣̇уссанд̇зязвасса б̣анд̇хи.

    Atha naṃ pucchi – ‘‘kuhiṃ so, ammā’’ti? ‘‘Sayane nipanno niddāyatī’’ti. ‘‘Atthi panassa hatthe kiñcī’’ti? ‘‘Dussante paṇṇaṃ atthī’’ti. Sā ‘‘kiṃ paṇṇaṃ nu kho eta’’nti tasmiṃ niddāyante mātāpitūnaṃ aññavihitatāya apassantānaṃ otaritvā samīpaṃ gantvā taṃ paṇṇaṃ mocetvā ādāya attano gabbhaṃ pavisitvā dvāraṃ pidhāya vātapānaṃ vivaritvā akkharasamaye kusalatāya paṇṇaṃ vācetvā, ‘‘aho vata bālo, attano maraṇapaṇṇaṃ dussante bandhitvā vicarati, sace mayā na diṭṭhaṃ assa, natthissa jīvita’’nti taṃ paṇṇaṃ phāletvā seṭṭhissa vacanena aparaṃ paṇṇaṃ likhi – ‘‘ayaṃ mama putto ghosako nāma, gāmasatato paṇṇākāraṃ āharāpetvā imassa janapadaseṭṭhino dhītarā saddhiṃ maṅgalaṃ katvā attano vasanagāmassa majjhe dvibhūmakaṃ gehaṃ kāretvā pākāraparikkhepena ceva purisaguttiyā ca susaṃvihitārakkhaṃ karotu, mayhañca ‘idañcidañca mayā kata’nti sāsanaṃ pesetu, evaṃ kate ahaṃ mātulassa kattabbayuttakaṃ pacchā jānissāmī’’ti, likhitvā ca pana saṅgharitvā otaritvā dussanteyevassa bandhi.

    со д̣̇ивасабхааг̇ам̣ нид̣̇д̣̇ааяид̇ваа удтааяа бхун̃ж̇ид̇ваа баггаами. бунад̣̇ивасз баад̇ова д̇ам̣ г̇аамам̣ г̇анд̇ваа ааяуд̇д̇агам̣ г̇аамагижжам̣ гаронд̇ам̣язва басси. со д̇ам̣ д̣̇исваа, ‘‘гим̣, д̇аад̇аа’’д̇и бужчи. ‘‘бид̇араа мз д̇умхаагам̣ бан̣н̣ам̣ бзсид̇а’’нд̇и. ‘‘гим̣ бан̣н̣ам̣, д̇аад̇а, аахараа’’д̇и бан̣н̣ам̣ г̇ахзд̇ваа ваажзд̇ваа д̇удтамаанасо ‘‘бассат̇а, бхо, мама саамино маяи синзхам̣ гад̇ваа ж̇здтабуд̇д̇асса мз ман̇г̇алам̣ гарод̇уу’’д̇и мама санд̇игам̣ бахин̣и. ‘‘сийгхам̣ д̣̇ааруаад̣̇ийни аахарат̇аа’’д̇и г̇ахабад̇игз вад̇ваа г̇аамамаж̇жхз вуд̇д̇абагаарам̣ г̇зхам̣ гаараабзд̇ваа г̇аамасад̇ад̇о бан̣н̣аагаарам̣ аахараабзд̇ваа ж̇анабад̣̇асздтино санд̇игаа д̇хийд̇арам̣ аанзд̇ваа ман̇г̇алам̣ гад̇ваа сздтисса саасанам̣ бахин̣и ‘‘ид̣̇ан̃жид̣̇ан̃жа маяаа гад̇а’’нд̇и.

    So divasabhāgaṃ niddāyitvā uṭṭhāya bhuñjitvā pakkāmi. Punadivase pātova taṃ gāmaṃ gantvā āyuttakaṃ gāmakiccaṃ karontaṃyeva passi. So taṃ disvā, ‘‘kiṃ, tātā’’ti pucchi. ‘‘Pitarā me tumhākaṃ paṇṇaṃ pesita’’nti. ‘‘Kiṃ paṇṇaṃ, tāta, āharā’’ti paṇṇaṃ gahetvā vācetvā tuṭṭhamānaso ‘‘passatha, bho, mama sāmino mayi sinehaṃ katvā jeṭṭhaputtassa me maṅgalaṃ karotū’’ti mama santikaṃ pahiṇi. ‘‘Sīghaṃ dāruādīni āharathā’’ti gahapatike vatvā gāmamajjhe vuttapakāraṃ gehaṃ kārāpetvā gāmasatato paṇṇākāraṃ āharāpetvā janapadaseṭṭhino santikā dhītaraṃ ānetvā maṅgalaṃ katvā seṭṭhissa sāsanaṃ pahiṇi ‘‘idañcidañca mayā kata’’nti.

    д̇ам̣ суд̇ваа сздтино ‘‘яам̣ гаарзми, д̇ам̣ на ход̇и; яам̣ на гаарзми, д̇ад̣̇зва ход̇ий’’д̇и маханд̇ам̣ д̣̇оманассам̣ уббаж̇ж̇и. буд̇д̇асогзна сад̣̇д̇хим̣ со сого згад̇о худ̇ваа гужчид̣аахам̣ уббаад̣̇зд̇ваа ад̇исаарам̣ ж̇анзси. сздтид̇хийд̇ааби ‘‘сажз гожи сздтино санд̇игаа ааг̇ажчад̇и, мама агат̇зд̇ваа сздтибуд̇д̇асса батамад̇арам̣ маа гат̇аяид̇т̇аа’’д̇и ж̇анз аан̣аабзси. сздтиби ко ‘‘д̣̇аани д̇ам̣ д̣̇удтабуд̇д̇ам̣ мама саабад̇зяяасса саамигам̣ на гариссаамий’’д̇и жинд̇зд̇ваа згам̣ ааяуд̇д̇агам̣ ааха – ‘‘маад̇ула, буд̇д̇ам̣ мз д̣̇адтугаамомхи, згам̣ баад̣̇амуулигам̣ бзсзд̇ваа мама буд̇д̇ам̣ баггосаабзхий’’д̇и. со ‘‘саад̇хуу’’д̇и вад̇ваа бан̣н̣ам̣ д̣̇ад̇ваа згам̣ бурисам̣ бзсзси. сздтид̇хийд̇ааби д̇асса ааг̇анд̇ваа д̣̇ваарз тид̇абхаавам̣ суд̇ваа д̇ам̣ баггосаабзд̇ваа, ‘‘гим̣, д̇аад̇аа’’д̇и бужчи. со ааха – ‘‘сздти г̇илаано, буд̇д̇ам̣ бассид̇ум̣ баггосаабзси, аяяз’’д̇и. ‘‘гим̣, д̇аад̇а, б̣алаваа, д̣̇уб̣б̣ало’’д̇и? ‘‘б̣алаваа д̇аава, аахаарам̣ бхун̃ж̇ад̇иязва, аяяз’’д̇и. саа сздтибуд̇д̇ам̣ аж̇аанаабзд̇ваава д̇асса нивзсанан̃жа бариб̣б̣аяан̃жа д̣̇аабзд̇ваа ‘‘маяаа бзсид̇агаалз г̇амиссаси, ажчассу д̇ааваа’’д̇и ааха. сздти буна ааяуд̇д̇агам̣ аважа, ‘‘гим̣, маад̇ула, на д̇з мама буд̇д̇асса санд̇игам̣ бахид̇а’’нд̇и? ‘‘бахид̇ам̣, саами, г̇ад̇абурисо на д̇аава зд̇ий’’д̇и. ‘‘д̇зна хи буна абарам̣ бзсзхий’’д̇и. со бзсзси. сздтид̇хийд̇аа д̇асмимби д̇ат̇зва бадибаж̇ж̇и. ат̇а сздтино рог̇о б̣алаваа ж̇аад̇о, згам̣ бхааж̇анам̣ бависад̇и, згам̣ нигкамад̇и. буна сздти ааяуд̇д̇агам̣ бужчи – ‘‘гим̣, маад̇ула, на д̇з мама буд̇д̇асса санд̇игам̣ бахид̇а’’нд̇и? ‘‘бахид̇ам̣, саами, г̇ад̇абурисо на д̇аава зд̇ий’’д̇и. ‘‘д̇зна хи буна абарам̣ бзсзхий’’д̇и. со бзсзси. сздтид̇хийд̇аа д̇ад̇ияаваарз ааг̇ад̇амби д̇ам̣ бавад̇д̇им̣ бужчи. со ‘‘б̣аал̣хаг̇илаано, аяяз, сздти аахаарам̣ бажчинд̣̇ид̇ваа мажжубарааяан̣о ж̇аад̇о, згам̣ бхааж̇анам̣ нигкамад̇и , згам̣ бависад̇ий’’д̇и ааха. сздтид̇хийд̇аа ‘‘ид̣̇аани г̇анд̇ум̣ гаало’’д̇и сздтибуд̇д̇асса ‘‘бид̇аа д̇з гира г̇илаано’’д̇и аарожзд̇ваа ‘‘гим̣ вад̣̇зси бхад̣̇д̣̇з’’д̇и вуд̇д̇з ‘‘апаасугамасса, саамий’’д̇и ааха. ‘‘ид̣̇аани гим̣ гаад̇аб̣б̣а’’нд̇и. саами? ‘‘г̇аамасад̇ад̇о вудтаанагабан̣н̣аагаарам̣ аад̣̇ааяа г̇анд̇ваа бассиссаама на’’нд̇и. со ‘‘саад̇хуу’’д̇и бан̣н̣аагаарам̣ аахараабзд̇ваа сагадзхи аад̣̇ааяа баггаами.

    Taṃ sutvā seṭṭhino ‘‘yaṃ kāremi, taṃ na hoti; yaṃ na kāremi, tadeva hotī’’ti mahantaṃ domanassaṃ uppajji. Puttasokena saddhiṃ so soko ekato hutvā kucchiḍāhaṃ uppādetvā atisāraṃ janesi. Seṭṭhidhītāpi ‘‘sace koci seṭṭhino santikā āgacchati, mama akathetvā seṭṭhiputtassa paṭhamataraṃ mā kathayitthā’’ti jane āṇāpesi. Seṭṭhipi kho ‘‘dāni taṃ duṭṭhaputtaṃ mama sāpateyyassa sāmikaṃ na karissāmī’’ti cintetvā ekaṃ āyuttakaṃ āha – ‘‘mātula, puttaṃ me daṭṭhukāmomhi, ekaṃ pādamūlikaṃ pesetvā mama puttaṃ pakkosāpehī’’ti. So ‘‘sādhū’’ti vatvā paṇṇaṃ datvā ekaṃ purisaṃ pesesi. Seṭṭhidhītāpi tassa āgantvā dvāre ṭhitabhāvaṃ sutvā taṃ pakkosāpetvā, ‘‘kiṃ, tātā’’ti pucchi. So āha – ‘‘seṭṭhi gilāno, puttaṃ passituṃ pakkosāpesi, ayye’’ti. ‘‘Kiṃ, tāta, balavā, dubbalo’’ti? ‘‘Balavā tāva, āhāraṃ bhuñjatiyeva, ayye’’ti. Sā seṭṭhiputtaṃ ajānāpetvāva tassa nivesanañca paribbayañca dāpetvā ‘‘mayā pesitakāle gamissasi, acchassu tāvā’’ti āha. Seṭṭhi puna āyuttakaṃ avaca, ‘‘kiṃ, mātula, na te mama puttassa santikaṃ pahita’’nti? ‘‘Pahitaṃ, sāmi, gatapuriso na tāva etī’’ti. ‘‘Tena hi puna aparaṃ pesehī’’ti. So pesesi. Seṭṭhidhītā tasmimpi tatheva paṭipajji. Atha seṭṭhino rogo balavā jāto, ekaṃ bhājanaṃ pavisati, ekaṃ nikkhamati. Puna seṭṭhi āyuttakaṃ pucchi – ‘‘kiṃ, mātula, na te mama puttassa santikaṃ pahita’’nti? ‘‘Pahitaṃ, sāmi, gatapuriso na tāva etī’’ti. ‘‘Tena hi puna aparaṃ pesehī’’ti. So pesesi. Seṭṭhidhītā tatiyavāre āgatampi taṃ pavattiṃ pucchi. So ‘‘bāḷhagilāno, ayye, seṭṭhi āhāraṃ pacchinditvā maccuparāyaṇo jāto, ekaṃ bhājanaṃ nikkhamati , ekaṃ pavisatī’’ti āha. Seṭṭhidhītā ‘‘idāni gantuṃ kālo’’ti seṭṭhiputtassa ‘‘pitā te kira gilāno’’ti ārocetvā ‘‘kiṃ vadesi bhadde’’ti vutte ‘‘aphāsukamassa, sāmī’’ti āha. ‘‘Idāni kiṃ kātabba’’nti. Sāmi? ‘‘Gāmasatato vuṭṭhānakapaṇṇākāraṃ ādāya gantvā passissāma na’’nti. So ‘‘sādhū’’ti paṇṇākāraṃ āharāpetvā sakaṭehi ādāya pakkāmi.

    ат̇а нам̣ саа ‘‘бид̇аа д̇з д̣̇уб̣б̣ало, зд̇д̇агам̣ бан̣н̣аагаарам̣ г̇ахзд̇ваа г̇ажчанд̇аанам̣ бабан̃жо бхависсад̇и, зд̇ам̣ нивад̇д̇аабзхий’’д̇и вад̇ваа д̇ам̣ саб̣б̣ам̣ ад̇д̇ано гулаг̇зхам̣ бзсзд̇ваа буна д̇ам̣ ааха – ‘‘саами, д̇вам̣ ад̇д̇ано бид̇у баад̣̇абассз д̇идтзяяааси, ахам̣ уссийсагабассз тассаамий’’д̇и. г̇зхам̣ бависамаанааязва жа ‘‘г̇зхасса бурад̇о жа бажчад̇о жа аарагкам̣ г̇ан̣хат̇аа’’д̇и ад̇д̇ано бурисз аан̣аабзси. бавидтагаалз бана сздтибуд̇д̇о бид̇у баад̣̇абассз адтааси, ид̇араа уссийсагабассз.

    Atha naṃ sā ‘‘pitā te dubbalo, ettakaṃ paṇṇākāraṃ gahetvā gacchantānaṃ papañco bhavissati, etaṃ nivattāpehī’’ti vatvā taṃ sabbaṃ attano kulagehaṃ pesetvā puna taṃ āha – ‘‘sāmi, tvaṃ attano pitu pādapasse tiṭṭheyyāsi, ahaṃ ussīsakapasse ṭhassāmī’’ti. Gehaṃ pavisamānāyeva ca ‘‘gehassa purato ca pacchato ca ārakkhaṃ gaṇhathā’’ti attano purise āṇāpesi. Paviṭṭhakāle pana seṭṭhiputto pitu pādapasse aṭṭhāsi, itarā ussīsakapasse.

    д̇асмим̣ кан̣з сздти уд̇д̇аанаго нибанно ход̇и. ааяуд̇д̇аго бана д̇асса баад̣̇з баримаж̇ж̇анд̇о ‘‘буд̇д̇о д̇з, саами, ааг̇ад̇о’’д̇и ааха. ‘‘гухим̣ со’’д̇и? ‘‘зса баад̣̇амуулз тид̇о’’д̇и. ат̇а нам̣ д̣̇исваа ааяагаммигам̣ баггосаабзд̇ваа, ‘‘мама г̇зхз гид̇д̇агам̣ д̇хана’’нд̇и бужчи. ‘‘саами, д̇ханассзва жад̇д̇аалийсагодияо, убабхог̇абарибхог̇абхан̣д̣аанам̣ бана ванаг̇аамагкзд̇д̇ад̣̇вибад̣̇ажад̇уббад̣̇аяаанавааханаанан̃жа аяан̃жа аяан̃жа барижчзд̣̇о’’д̇и вуд̇д̇з, ‘‘ахам̣ зд̇д̇агам̣ д̇ханам̣ мама буд̇д̇асса гхосагасса на д̣̇змий’’д̇и вад̇д̇угаамо ‘‘д̣̇змий’’д̇и ааха. д̇ам̣ суд̇ваа сздтид̇хийд̇аа ‘‘аяам̣ буна гат̇знд̇о ан̃н̃ам̣ гин̃жи гат̇зяяаа’’д̇и жинд̇зд̇ваа согаад̇ураа вияа гзсз вигирид̇ваа род̣̇амаанаа ‘‘гим̣ наамзд̇ам̣, д̇аад̇а, вад̣̇зт̇а, ид̣̇амби наама во важанам̣ сун̣ома, алагкигаа вад̇амхаа’’д̇и вад̇ваа мад̇т̇агзна нам̣ урамаж̇жхз бахаранд̇ий бад̇ид̇ваа яат̇аа буна вад̇д̇ум̣ на саггод̇и, д̇ат̇аасса урамаж̇жхз мад̇т̇агзна гхам̣сзнд̇ий аарод̣̇анам̣ д̣̇ассзси. сздти д̇ам̣кан̣ан̃н̃зва гааламагааси. ‘‘сздти мад̇о’’д̇и г̇анд̇ваа уд̇знасса ран̃н̃о аарожаяим̣су. рааж̇аа д̇асса сарийрагижжам̣ гаараабзд̇ваа, ‘‘ад̇т̇и банасса буд̇д̇о ваа д̇хийд̇аа ваа’’д̇и бужчи. ‘‘ад̇т̇и, д̣̇зва, гхосаго наама д̇асса буд̇д̇о, саб̣б̣ам̣ саабад̇зяяам̣ д̇асса нияяаад̣̇зд̇ваава мад̇о, д̣̇зваа’’д̇и.

    Tasmiṃ khaṇe seṭṭhi uttānako nipanno hoti. Āyuttako pana tassa pāde parimajjanto ‘‘putto te, sāmi, āgato’’ti āha. ‘‘Kuhiṃ so’’ti? ‘‘Esa pādamūle ṭhito’’ti. Atha naṃ disvā āyakammikaṃ pakkosāpetvā, ‘‘mama gehe kittakaṃ dhana’’nti pucchi. ‘‘Sāmi, dhanasseva cattālīsakoṭiyo, upabhogaparibhogabhaṇḍānaṃ pana vanagāmakkhettadvipadacatuppadayānavāhanānañca ayañca ayañca paricchedo’’ti vutte, ‘‘ahaṃ ettakaṃ dhanaṃ mama puttassa ghosakassa na demī’’ti vattukāmo ‘‘demī’’ti āha. Taṃ sutvā seṭṭhidhītā ‘‘ayaṃ puna kathento aññaṃ kiñci katheyyā’’ti cintetvā sokāturā viya kese vikiritvā rodamānā ‘‘kiṃ nāmetaṃ, tāta, vadetha, idampi nāma vo vacanaṃ suṇoma, alakkhikā vatamhā’’ti vatvā matthakena naṃ uramajjhe paharantī patitvā yathā puna vattuṃ na sakkoti, tathāssa uramajjhe matthakena ghaṃsentī ārodanaṃ dassesi. Seṭṭhi taṃkhaṇaññeva kālamakāsi. ‘‘Seṭṭhi mato’’ti gantvā utenassa rañño ārocayiṃsu. Rājā tassa sarīrakiccaṃ kārāpetvā, ‘‘atthi panassa putto vā dhītā vā’’ti pucchi. ‘‘Atthi, deva, ghosako nāma tassa putto, sabbaṃ sāpateyyaṃ tassa niyyādetvāva mato, devā’’ti.

    рааж̇аа абарабхааг̇з сздтибуд̇д̇ам̣ баггосаабзси. д̇асмин̃жа д̣̇ивасз д̣̇зво васси. рааж̇ан̇г̇ан̣з д̇ад̇т̇а д̇ад̇т̇а уд̣̇агам̣ сан̣таад̇и. сздтибуд̇д̇о ‘‘рааж̇аанам̣ бассиссаамий’’д̇и бааяааси. рааж̇аа ваад̇абаанам̣ виварид̇ваа д̇ам̣ ааг̇ажчанд̇ам̣ ологзнд̇о рааж̇ан̇г̇ан̣з уд̣̇агам̣ лан̇гхид̇ваа ааг̇ажчанд̇ам̣ д̣̇исваа ааг̇анд̇ваа ванд̣̇ид̇ваа тид̇ам̣ ‘‘д̇вам̣ гхосаго наама, д̇аад̇аа’’д̇и бужчид̇ваа ‘‘аама, д̣̇зваа’’д̇и вуд̇д̇з ‘‘бид̇аа мз мад̇од̇и маа сожи, д̇ава бзд̇д̇игам̣ сздтидтаанам̣ д̇уяхамзва д̣̇ассаамий’’д̇и д̇ам̣ самассаасзд̇ваа ‘‘г̇ажча, д̇аад̇аа’’д̇и уяяож̇зси. рааж̇аа г̇ажчанд̇ан̃жа нам̣ ологзнд̇ова адтааси. со ааг̇аманагаалз лан̇гхид̇ам̣ уд̣̇агам̣ г̇аманагаалз од̇арид̇ваа сан̣игам̣ аг̇амааси. ат̇а нам̣ рааж̇аа д̇ад̇ова баггосаабзд̇ваа, ‘‘гим̣ ну ко, д̇аад̇а, д̇вам̣ мама санд̇игам̣ ааг̇ажчанд̇о уд̣̇агам̣ лан̇гхид̇ваа ааг̇амма г̇ажчанд̇о од̇арид̇ваа сан̣игам̣ г̇ажчасий’’д̇и бужчи. ‘‘аама, д̣̇зва, ахам̣ д̇асмим̣ кан̣з гумаараго, гийл̣анагаало наама, со ид̣̇аани бана мз д̣̇звзна таананд̇арам̣ бадиссуд̇ам̣. д̇асмаа яат̇аа бурз ажарид̇ваа ид̣̇аани саннисиннзна худ̇ваа жарид̇ум̣ ваддад̇ий’’д̇и. д̇ам̣ суд̇ваа рааж̇аа ‘‘д̇хид̇имааяам̣ бурисо, ид̣̇аанзвасса таананд̇арам̣ д̣̇ассаамий’’д̇и бид̇араа бхуд̇д̇ам̣ бхог̇ам̣ д̣̇ад̇ваа саб̣б̣асад̇зна сздтидтаанам̣ ад̣̇ааси.

    Rājā aparabhāge seṭṭhiputtaṃ pakkosāpesi. Tasmiñca divase devo vassi. Rājaṅgaṇe tattha tattha udakaṃ saṇṭhāti. Seṭṭhiputto ‘‘rājānaṃ passissāmī’’ti pāyāsi. Rājā vātapānaṃ vivaritvā taṃ āgacchantaṃ olokento rājaṅgaṇe udakaṃ laṅghitvā āgacchantaṃ disvā āgantvā vanditvā ṭhitaṃ ‘‘tvaṃ ghosako nāma, tātā’’ti pucchitvā ‘‘āma, devā’’ti vutte ‘‘pitā me matoti mā soci, tava pettikaṃ seṭṭhiṭṭhānaṃ tuyhameva dassāmī’’ti taṃ samassāsetvā ‘‘gaccha, tātā’’ti uyyojesi. Rājā gacchantañca naṃ olokentova aṭṭhāsi. So āgamanakāle laṅghitaṃ udakaṃ gamanakāle otaritvā saṇikaṃ agamāsi. Atha naṃ rājā tatova pakkosāpetvā, ‘‘kiṃ nu kho, tāta, tvaṃ mama santikaṃ āgacchanto udakaṃ laṅghitvā āgamma gacchanto otaritvā saṇikaṃ gacchasī’’ti pucchi. ‘‘Āma, deva, ahaṃ tasmiṃ khaṇe kumārako, kīḷanakālo nāma, so idāni pana me devena ṭhānantaraṃ paṭissutaṃ. Tasmā yathā pure acaritvā idāni sannisinnena hutvā carituṃ vaṭṭatī’’ti. Taṃ sutvā rājā ‘‘dhitimāyaṃ puriso, idānevassa ṭhānantaraṃ dassāmī’’ti pitarā bhuttaṃ bhogaṃ datvā sabbasatena seṭṭhiṭṭhānaṃ adāsi.

    со рат̇з тад̇ваа наг̇арам̣ бад̣̇агкин̣ам̣ агааси. ологид̇ологид̇адтаанам̣ гамбад̇и. сздтид̇хийд̇аа гаал̣ид̣̇аасияаа сад̣̇д̇хим̣ манд̇аяамаанаа нисиннаа ‘‘амма гаал̣и, буд̇д̇асса д̇з зд̇д̇игаа самбад̇д̇и мам̣ ниссааяа уббаннаа’’д̇и ааха. ‘‘гим̣ гааран̣аа, аммаа’’д̇и? ‘‘аяан̃хи ад̇д̇ано маран̣абан̣н̣ам̣ д̣̇уссанд̇з б̣анд̇хид̇ваа амхаагам̣ гхарам̣ ааг̇ад̇о, ат̇асса маяаа д̇ам̣ бан̣н̣ам̣ паалзд̇ваа маяаа сад̣̇д̇хим̣ ман̇г̇алагаран̣ад̇т̇ааяа ан̃н̃ам̣ бан̣н̣ам̣ ликид̇ваа зд̇д̇агам̣ гаалам̣ д̇ад̇т̇а аарагко гад̇о’’д̇и. ‘‘амма, д̇вам̣ зд̇д̇агам̣ бассаси, имам̣ бана сздти д̣̇ахарагаалад̇о бадтааяа маарзд̇угаамо маарзд̇ум̣ наасагки, гзвалам̣ имам̣ ниссааяа б̣ахум̣ д̇ханам̣ кийяий’’д̇и. ‘‘амма, ад̇ибхаарияам̣ вад̇а сздтинаа гад̇а’’нд̇и. наг̇арам̣ бад̣̇агкин̣ам̣ гад̇ваа г̇зхам̣ бависанд̇ам̣ бана нам̣ д̣̇исваа, ‘‘аяам̣ зд̇д̇игаа самбад̇д̇и мам̣ ниссааяа уббаннаа’’д̇и хасид̇ам̣ агааси. ат̇а нам̣ сздтибуд̇д̇о д̣̇исваа, ‘‘гим̣ гааран̣аа хасий’’д̇и бужчи. ‘‘згам̣ гааран̣ам̣ ниссааяаа’’д̇и. ‘‘гат̇зхи на’’нд̇и? ‘‘саа на гат̇зси’’. со ‘‘сажз на гат̇зссаси, д̣̇вид̇хаа д̇ам̣ чинд̣̇иссаамий’’д̇и д̇аж̇ж̇зд̇ваа асим̣ ниггад̣дхи. саа ‘‘аяам̣ зд̇д̇игаа самбад̇д̇и д̇аяаа мам̣ ниссааяа лад̣̇д̇хаад̇и жинд̇зд̇ваа хасид̇а’’нд̇и ааха. ‘‘яад̣̇и мама бид̇араа ад̇д̇ано санд̇агам̣ маяхам̣ нияяаад̣̇ид̇ам̣, д̇вам̣ зд̇т̇а гим̣ хосий’’д̇и? со гира зд̇д̇агам̣ гаалам̣ гин̃жи на ж̇аанаад̇и, д̇знассаа важанам̣ на сад̣̇д̣̇ахи. ат̇асса саа ‘‘д̇умхаагам̣ бид̇араа маран̣абан̣н̣ам̣ д̣̇ад̇ваа бзсид̇аа, д̇умхз маяаа ид̣̇ан̃жид̣̇ан̃жа гад̇ваа рагкид̇аа’’д̇и саб̣б̣ам̣ гат̇зси. ‘‘д̇вам̣ абхууд̇ам̣ гат̇зсий’’д̇и асад̣̇д̣̇аханд̇о ‘‘маад̇арам̣ гаал̣им̣ бужчиссаамий’’д̇и жинд̇зд̇ваа ‘‘звам̣ гира, аммаа’’д̇и. ‘‘аама, д̇аад̇а, д̣̇ахарагаалад̇о бадтааяа д̇ам̣ маарзд̇угаамо маарзд̇ум̣ асаггонд̇о д̇ам̣ ниссааяа б̣ахум̣ д̇ханам̣ кийяи, сад̇д̇асу таанзсу д̇вам̣ маран̣ад̇о муд̇д̇о, ид̣̇аани бхог̇аг̇аамад̇о ааг̇амма саб̣б̣асад̇зна сад̣̇д̇хим̣ сздтидтаанам̣ бад̇д̇о’’д̇и. со д̇ам̣ суд̇ваа ‘‘бхаарияам̣ вад̇а гаммам̣, зваруубаа ко бана маран̣аа муд̇д̇асса мама бамаад̣̇аж̇ийвид̇ам̣ ж̇ийвид̇ум̣ аяуд̇д̇ам̣, аббамад̇д̇о бхависсаамий’’д̇и жинд̇зд̇ваа д̣̇звасигам̣ сахассам̣ виссаж̇ж̇зд̇ваа ад̣̇д̇хигагабан̣аад̣̇ийнам̣ д̣̇аанам̣ бадтабзси. мид̇д̇о наамасса гудумб̣иго д̣̇аанаб̣яаавадо ахоси. аяам̣ гхосагасздтино уббад̇д̇и.

    So rathe ṭhatvā nagaraṃ padakkhiṇaṃ akāsi. Olokitolokitaṭṭhānaṃ kampati. Seṭṭhidhītā kāḷidāsiyā saddhiṃ mantayamānā nisinnā ‘‘amma kāḷi, puttassa te ettikā sampatti maṃ nissāya uppannā’’ti āha. ‘‘Kiṃ kāraṇā, ammā’’ti? ‘‘Ayañhi attano maraṇapaṇṇaṃ dussante bandhitvā amhākaṃ gharaṃ āgato, athassa mayā taṃ paṇṇaṃ phāletvā mayā saddhiṃ maṅgalakaraṇatthāya aññaṃ paṇṇaṃ likhitvā ettakaṃ kālaṃ tattha ārakkho kato’’ti. ‘‘Amma, tvaṃ ettakaṃ passasi, imaṃ pana seṭṭhi daharakālato paṭṭhāya māretukāmo māretuṃ nāsakkhi, kevalaṃ imaṃ nissāya bahuṃ dhanaṃ khīyī’’ti. ‘‘Amma, atibhāriyaṃ vata seṭṭhinā kata’’nti. Nagaraṃ padakkhiṇaṃ katvā gehaṃ pavisantaṃ pana naṃ disvā, ‘‘ayaṃ ettikā sampatti maṃ nissāya uppannā’’ti hasitaṃ akāsi. Atha naṃ seṭṭhiputto disvā, ‘‘kiṃ kāraṇā hasī’’ti pucchi. ‘‘Ekaṃ kāraṇaṃ nissāyā’’ti. ‘‘Kathehi na’’nti? ‘‘Sā na kathesi’’. So ‘‘sace na kathessasi, dvidhā taṃ chindissāmī’’ti tajjetvā asiṃ nikkaḍḍhi. Sā ‘‘ayaṃ ettikā sampatti tayā maṃ nissāya laddhāti cintetvā hasita’’nti āha. ‘‘Yadi mama pitarā attano santakaṃ mayhaṃ niyyāditaṃ, tvaṃ ettha kiṃ hosī’’ti? So kira ettakaṃ kālaṃ kiñci na jānāti, tenassā vacanaṃ na saddahi. Athassa sā ‘‘tumhākaṃ pitarā maraṇapaṇṇaṃ datvā pesitā, tumhe mayā idañcidañca katvā rakkhitā’’ti sabbaṃ kathesi. ‘‘Tvaṃ abhūtaṃ kathesī’’ti asaddahanto ‘‘mātaraṃ kāḷiṃ pucchissāmī’’ti cintetvā ‘‘evaṃ kira, ammā’’ti. ‘‘Āma, tāta, daharakālato paṭṭhāya taṃ māretukāmo māretuṃ asakkonto taṃ nissāya bahuṃ dhanaṃ khīyi, sattasu ṭhānesu tvaṃ maraṇato mutto, idāni bhogagāmato āgamma sabbasatena saddhiṃ seṭṭhiṭṭhānaṃ patto’’ti. So taṃ sutvā ‘‘bhāriyaṃ vata kammaṃ, evarūpā kho pana maraṇā muttassa mama pamādajīvitaṃ jīvituṃ ayuttaṃ, appamatto bhavissāmī’’ti cintetvā devasikaṃ sahassaṃ vissajjetvā addhikakapaṇādīnaṃ dānaṃ paṭṭhapesi. Mitto nāmassa kuṭumbiko dānabyāvaṭo ahosi. Ayaṃ ghosakaseṭṭhino uppatti.

    д̇асмим̣ бана гаалз бхад̣̇д̣̇авад̇ийнаг̇арз бхад̣̇д̣̇авад̇ияасздти наама гхосагасздтино ад̣̇идтабуб̣б̣асахааяаго ахоси. бхад̣̇д̣̇авад̇ийнаг̇арад̇о ааг̇ад̇аанам̣ ваан̣иж̇аанам̣ санд̇игз гхосагасздти бхад̣̇д̣̇авад̇ияасздтино самбад̇д̇ин̃жа ваяаббад̣̇зсан̃жа суд̇ваа д̇зна сад̣̇д̇хим̣ сахааяагабхаавам̣ ижчанд̇о бан̣н̣аагаарам̣ бзсзси. бхад̣̇д̣̇авад̇ияасздтиби госамб̣ид̇о ааг̇ад̇аанам̣ ваан̣иж̇аанам̣ санд̇игз гхосагасздтино самбад̇д̇ин̃жа ваяаббад̣̇зсан̃жа суд̇ваа д̇зна сад̣̇д̇хим̣ сахааяагабхаавам̣ ижчанд̇о бан̣н̣аагаарам̣ бзсзси. звам̣ д̇з ан̃н̃аман̃н̃ам̣ ад̣̇идтабуб̣б̣асахааяагаа худ̇ваа васим̣су. абарабхааг̇з бхад̣̇д̣̇авад̇ияасздтино г̇зхз ахиваад̇арог̇о бад̇ид̇о. д̇асмим̣ бад̇ид̇з батамам̣ магкигаа маранд̇и, д̇ад̇о ануггамзнзва гийдаа муусигаа гуггудаа суугараа г̇ааво д̣̇аасий д̣̇аасаа саб̣б̣абажчаа гхарамаанусагааби маранд̇и. д̇зсу яз бхид̇д̇им̣ бхинд̣̇ид̇ваа балааяанд̇и, д̇з ж̇ийвид̇ам̣ лабханд̇и, д̇ад̣̇аа бана сздти жа бхарияаа жа д̇хийд̇аа жасса д̇ат̇аа балааяид̇ваа гхосагасздтим̣ бассид̇ум̣ бад̇т̇знд̇аа госамб̣имаг̇г̇ам̣ бадибаж̇ж̇им̣су. д̇з анд̇араамаг̇г̇зязва кийн̣абаат̇зяяаа ваад̇аад̇абзна жзва куббибаасаахи жа гиланд̇асарийраа гижчзна госамб̣им̣ бад̇ваа уд̣̇агапаасугадтаанз тад̇ваа нхад̇ваа наг̇арад̣̇ваарз згам̣ саалам̣ бависим̣су.

    Tasmiṃ pana kāle bhaddavatīnagare bhaddavatiyaseṭṭhi nāma ghosakaseṭṭhino adiṭṭhapubbasahāyako ahosi. Bhaddavatīnagarato āgatānaṃ vāṇijānaṃ santike ghosakaseṭṭhi bhaddavatiyaseṭṭhino sampattiñca vayappadesañca sutvā tena saddhiṃ sahāyakabhāvaṃ icchanto paṇṇākāraṃ pesesi. Bhaddavatiyaseṭṭhipi kosambito āgatānaṃ vāṇijānaṃ santike ghosakaseṭṭhino sampattiñca vayappadesañca sutvā tena saddhiṃ sahāyakabhāvaṃ icchanto paṇṇākāraṃ pesesi. Evaṃ te aññamaññaṃ adiṭṭhapubbasahāyakā hutvā vasiṃsu. Aparabhāge bhaddavatiyaseṭṭhino gehe ahivātarogo patito. Tasmiṃ patite paṭhamaṃ makkhikā maranti, tato anukkameneva kīṭā mūsikā kukkuṭā sūkarā gāvo dāsī dāsā sabbapacchā gharamānusakāpi maranti. Tesu ye bhittiṃ bhinditvā palāyanti, te jīvitaṃ labhanti, tadā pana seṭṭhi ca bhariyā ca dhītā cassa tathā palāyitvā ghosakaseṭṭhiṃ passituṃ patthentā kosambimaggaṃ paṭipajjiṃsu. Te antarāmaggeyeva khīṇapātheyyā vātātapena ceva khuppipāsāhi ca kilantasarīrā kicchena kosambiṃ patvā udakaphāsukaṭṭhāne ṭhatvā nhatvā nagaradvāre ekaṃ sālaṃ pavisiṃsu.

    д̇ад̇о сздти бхарияам̣ ааха – ‘‘бхад̣̇д̣̇з, иминаа нийхаарзна г̇ажчанд̇аа виж̇аад̇амаад̇уяааби аманаабаа хонд̇и, сахааяаго гира мз ад̣̇д̇хигагабан̣аад̣̇ийнам̣ д̣̇звасигам̣ сахассам̣ виссаж̇ж̇зд̇ваа д̣̇аанам̣ д̣̇аабзси. д̇ад̇т̇а д̇хийд̇арам̣ бзсзд̇ваа аахаарам̣ аахараабзд̇ваа згаахам̣ д̣̇вийхам̣ ид̇хзва сарийрам̣ санд̇аббзд̇ваа сахааяагам̣ бассиссаамаа’’д̇и. саа ‘‘саад̇ху, саамий’’д̇и. д̇з саалааяамзва васим̣су. бунад̣̇ивасз гаалз аарожид̇з габан̣ад̣̇д̇хигаад̣̇ийсу аахаарад̇т̇ааяа г̇ажчанд̇зсу маад̇аабид̇аро, ‘‘амма, г̇анд̇ваа амхаагам̣ аахаарам̣ аахараа’’д̇и д̇хийд̇арам̣ бзсаяим̣су. махаабхог̇агуласса д̇хийд̇аа вибад̇д̇ияаа ажчинналаж̇ж̇ид̇ааяа алаж̇ж̇амаанаа баад̇им̣ г̇ахзд̇ваа габан̣аж̇анзна сад̣̇д̇хим̣ аахаарад̇т̇ааяа г̇анд̇ваа ‘‘гад̇и бадивийсз г̇ан̣хиссаси, аммаа’’д̇и будтаа жа бана ‘‘д̇аяо’’д̇и ааха. ат̇ассаа д̇аяо бадивийсз ад̣̇ааси. д̇ааяа бхад̇д̇з аахадз д̇аяоби згад̇о бхун̃ж̇ид̇ум̣ нисийд̣̇им̣су.

    Tato seṭṭhi bhariyaṃ āha – ‘‘bhadde, iminā nīhārena gacchantā vijātamātuyāpi amanāpā honti, sahāyako kira me addhikakapaṇādīnaṃ devasikaṃ sahassaṃ vissajjetvā dānaṃ dāpesi. Tattha dhītaraṃ pesetvā āhāraṃ āharāpetvā ekāhaṃ dvīhaṃ idheva sarīraṃ santappetvā sahāyakaṃ passissāmā’’ti. Sā ‘‘sādhu, sāmī’’ti. Te sālāyameva vasiṃsu. Punadivase kāle ārocite kapaṇaddhikādīsu āhāratthāya gacchantesu mātāpitaro, ‘‘amma, gantvā amhākaṃ āhāraṃ āharā’’ti dhītaraṃ pesayiṃsu. Mahābhogakulassa dhītā vipattiyā acchinnalajjitāya alajjamānā pātiṃ gahetvā kapaṇajanena saddhiṃ āhāratthāya gantvā ‘‘kati paṭivīse gaṇhissasi, ammā’’ti puṭṭhā ca pana ‘‘tayo’’ti āha. Athassā tayo paṭivīse adāsi. Tāya bhatte āhaṭe tayopi ekato bhuñjituṃ nisīdiṃsu.

    ат̇а маад̇аад̇хийд̇аро сздтим̣ аахам̣су – ‘‘саами, вибад̇д̇и наама махаагулаанамби уббаж̇ж̇ад̇и, маа амхз ологзд̇ваа бхун̃ж̇а, маа жинд̇аяий’’д̇и. ид̇и нам̣ наанаббагаарзхи яаажид̇ваа бхож̇зсум̣. со бхун̃ж̇ид̇ваа аахаарам̣ ж̇ийраабзд̇ум̣ асаггонд̇о арун̣з уг̇г̇ажчанд̇з гааламагааси. маад̇аад̇хийд̇аро наанаббагаарзхи барид̣̇звид̇ваа род̣̇им̣су. гумааригаа бунад̣̇ивасз род̣̇амаанаа аахаарад̇т̇ааяа г̇анд̇ваа, ‘‘гад̇и бадивийсз г̇ан̣хиссасий’’д̇и вуд̇д̇аа, ‘‘д̣̇вз’’д̇и вад̇ваа аахаарам̣ аахарид̇ваа маад̇арам̣ яаажид̇ваа бхож̇зси. сааби д̇ааяа яаажияамаанаа бхун̃ж̇ид̇ваа аахаарам̣ ж̇ийраабзд̇ум̣ асаггонд̇ий д̇ам̣ д̣̇ивасамзва гааламагааси. гумааригаа згигаава род̣̇ид̇ваа барид̣̇звид̇ваа д̇ааяа д̣̇угкуббад̇д̇ияаа ад̇ивияа сан̃ж̇аад̇ачаад̇агад̣̇угкаа бунад̣̇ивасз яаажагзхи сад̣̇д̇хим̣ род̣̇анд̇ий аахаарад̇т̇ааяа г̇анд̇ваа, ‘‘гад̇и бадивийсз г̇ан̣хиссаси, аммаа’’д̇и вуд̇д̇аа ‘‘зга’’нд̇и ааха. мид̇д̇агудумб̣иго д̇ам̣ д̇аяо д̣̇ивасз бхад̇д̇ам̣ г̇ан̣ханд̇им̣ сан̃ж̇аанаад̇и, д̇зна д̇ам̣ ‘‘абзхи насса, васали, аж̇ж̇а д̇ава гужчиббамаан̣ам̣ ан̃н̃аасий’’д̇и ааха. хирод̇д̇аббасамбаннаа гулад̇хийд̇аа бажжорасмим̣ сад̇д̇ибахаарам̣ вияа ван̣з каарод̣̇агасзжанагам̣ вияа жа бад̇ваа ‘‘гим̣, саамий’’д̇и ааха. ‘‘д̇аяаа бурз д̇аяо годтаасаа г̇ахид̇аа, хияяо д̣̇вз, аж̇ж̇а згам̣ г̇ан̣хааси. аж̇ж̇а д̇з ад̇д̇ано гужчиббамаан̣ам̣ н̃аад̇а’’нд̇и. ‘‘маа мам̣, саами, ‘ад̇д̇анова ад̇т̇ааяа г̇ан̣хий’д̇и ман̃н̃ид̇т̇аа’’д̇и. ‘‘ат̇а гасмаа звам̣ г̇ан̣хий’’д̇и? ‘‘бурз д̇аяо ж̇анаа ахумха, саами, хияяо д̣̇вз, аж̇ж̇а згигаава ж̇аад̇аамхий’’д̇и. со ‘‘гзна гааран̣знаа’’д̇и бужчид̇ваа аад̣̇ид̇о бадтааяа д̇ааяа гат̇ид̇ам̣ саб̣б̣ам̣ бавад̇д̇им̣ суд̇ваа ассууни санд̇хаарзд̇ум̣ асаггонд̇о сан̃ж̇аад̇аб̣алавад̣̇оманассо худ̇ваа, ‘‘амма, звам̣ санд̇з маа жинд̇аяи, д̇вам̣ бхад̣̇д̣̇авад̇ияасздтино д̇хийд̇аа аж̇ж̇агаалад̇о бадтааяа мама д̇хийд̇ааязва наамаа’’д̇и вад̇ваа сийсз жумб̣ид̇ваа гхарам̣ нзд̇ваа ад̇д̇ано ж̇здтад̇хийд̇удтаанз табзси.

    Atha mātādhītaro seṭṭhiṃ āhaṃsu – ‘‘sāmi, vipatti nāma mahākulānampi uppajjati, mā amhe oloketvā bhuñja, mā cintayī’’ti. Iti naṃ nānappakārehi yācitvā bhojesuṃ. So bhuñjitvā āhāraṃ jīrāpetuṃ asakkonto aruṇe uggacchante kālamakāsi. Mātādhītaro nānappakārehi paridevitvā rodiṃsu. Kumārikā punadivase rodamānā āhāratthāya gantvā, ‘‘kati paṭivīse gaṇhissasī’’ti vuttā, ‘‘dve’’ti vatvā āhāraṃ āharitvā mātaraṃ yācitvā bhojesi. Sāpi tāya yāciyamānā bhuñjitvā āhāraṃ jīrāpetuṃ asakkontī taṃ divasameva kālamakāsi. Kumārikā ekikāva roditvā paridevitvā tāya dukkhuppattiyā ativiya sañjātachātakadukkhā punadivase yācakehi saddhiṃ rodantī āhāratthāya gantvā, ‘‘kati paṭivīse gaṇhissasi, ammā’’ti vuttā ‘‘eka’’nti āha. Mittakuṭumbiko taṃ tayo divase bhattaṃ gaṇhantiṃ sañjānāti, tena taṃ ‘‘apehi nassa, vasali, ajja tava kucchippamāṇaṃ aññāsī’’ti āha. Hirottappasampannā kuladhītā paccorasmiṃ sattipahāraṃ viya vaṇe khārodakasecanakaṃ viya ca patvā ‘‘kiṃ, sāmī’’ti āha. ‘‘Tayā pure tayo koṭṭhāsā gahitā, hiyyo dve, ajja ekaṃ gaṇhāsi. Ajja te attano kucchippamāṇaṃ ñāta’’nti. ‘‘Mā maṃ, sāmi, ‘attanova atthāya gaṇhī’ti maññitthā’’ti. ‘‘Atha kasmā evaṃ gaṇhī’’ti? ‘‘Pure tayo janā ahumha, sāmi, hiyyo dve, ajja ekikāva jātāmhī’’ti. So ‘‘kena kāraṇenā’’ti pucchitvā ādito paṭṭhāya tāya kathitaṃ sabbaṃ pavattiṃ sutvā assūni sandhāretuṃ asakkonto sañjātabalavadomanasso hutvā, ‘‘amma, evaṃ sante mā cintayi, tvaṃ bhaddavatiyaseṭṭhino dhītā ajjakālato paṭṭhāya mama dhītāyeva nāmā’’ti vatvā sīse cumbitvā gharaṃ netvā attano jeṭṭhadhītuṭṭhāne ṭhapesi.

    саа д̣̇аанаг̇г̇з ужжаасад̣̇д̣̇ам̣ махаасад̣̇д̣̇ам̣ суд̇ваа, ‘‘д̇аад̇а, гасмаа зд̇ам̣ ж̇анам̣ ниссад̣̇д̣̇ам̣ гад̇ваа д̣̇аанам̣ на д̣̇зт̇аа’’д̇и ааха. ‘‘на саггаа гаад̇ум̣, аммаа’’д̇и. ‘‘саггаа, д̇аад̇аа’’д̇и. ‘‘гат̇ам̣ саггаа, аммаа’’д̇и? ‘‘д̇аад̇а д̣̇аанаг̇г̇ам̣ баригкибид̇ваа згзгассзва бавзсанаббамаан̣зна д̣̇вз д̣̇ваараани яож̇зд̇ваа, ‘згзна д̣̇ваарзна бависид̇ваа згзна нигкамат̇аа’д̇и вад̣̇зт̇а, звам̣ ниссад̣̇д̣̇аа худ̇ваава г̇ан̣хиссанд̇ий’’д̇и. со д̇ам̣ суд̇ваа, ‘‘бхад̣̇д̣̇агова, амма, убааяо’’д̇и д̇ат̇аа гаарзси. сааби буб̣б̣з саамаа наама. вад̇ияаа бана гаарид̇ад̇д̇аа саамаавад̇ий наама ж̇аад̇аа. д̇ад̇о бадтааяа д̣̇аанаг̇г̇з голаахалам̣ бажчинд̣̇ий. гхосагасздти буб̣б̣з д̇ам̣ сад̣̇д̣̇ам̣ сун̣анд̇о ‘‘маяхам̣ д̣̇аанаг̇г̇з сад̣̇д̣̇о’’д̇и д̇уссад̇и. д̣̇вийхад̇ийхам̣ бана сад̣̇д̣̇ам̣ асун̣анд̇о мид̇д̇агудумб̣игам̣ ад̇д̇ано убадтаанам̣ ааг̇ад̇ам̣ бужчи – ‘‘д̣̇ияяад̇и габан̣ад̣̇д̇хигаад̣̇ийнам̣ д̣̇аана’’нд̇и? ‘‘аама, саамий’’д̇и. ‘‘ат̇а гим̣ д̣̇вийхад̇ийхам̣ сад̣̇д̣̇о на суяяад̇ий’’д̇и? ‘‘яат̇аа ниссад̣̇д̣̇аа худ̇ваа г̇ан̣ханд̇и, д̇ат̇аа мз убааяо гад̇о’’д̇и. ‘‘ат̇а буб̣б̣зва гасмаа наагаасий’’д̇и? ‘‘аж̇аананад̇ааяа, саамий’’д̇и. ‘‘ид̣̇аани гат̇ам̣ д̇з н̃аад̇о’’д̇и? ‘‘д̇хийд̇араа мз агкаад̇о, саамий’’д̇и. маяхам̣ авид̣̇ид̇аа ‘‘д̇ава д̇хийд̇аа наама ад̇т̇ий’’д̇и. со ахиваад̇арог̇уббад̇д̇ид̇о бадтааяа саб̣б̣ам̣ бхад̣̇д̣̇авад̇ияасздтино бавад̇д̇им̣ аажигкид̇ваа д̇ассаа ад̇д̇ано ж̇здтад̇хийд̇удтаанз табид̇абхаавам̣ аарожзси. ат̇а нам̣ сздти ‘‘звам̣ санд̇з мама гасмаа на гат̇зси, мама сахааяагасса д̇хийд̇аа мама д̇хийд̇аа наамаа’’д̇и д̇ам̣ баггосаабзд̇ваа бужчи – ‘‘амма, сздтино д̇хийд̇аасий’’д̇и? ‘‘аама, д̇аад̇аа’’д̇и. ‘‘д̇зна хи маа жинд̇аяи, д̇вам̣ мама д̇хийд̇аасий’’д̇и д̇ам̣ сийсз жумб̣ид̇ваа бариваарад̇т̇ааяа д̇ассаа бан̃жа ид̇т̇исад̇аани д̣̇ад̇ваа д̇ам̣ ад̇д̇ано ж̇здтад̇хийд̇удтаанз табзси.

    Sā dānagge uccāsaddaṃ mahāsaddaṃ sutvā, ‘‘tāta, kasmā etaṃ janaṃ nissaddaṃ katvā dānaṃ na dethā’’ti āha. ‘‘Na sakkā kātuṃ, ammā’’ti. ‘‘Sakkā, tātā’’ti. ‘‘Kathaṃ sakkā, ammā’’ti? ‘‘Tāta dānaggaṃ parikkhipitvā ekekasseva pavesanappamāṇena dve dvārāni yojetvā, ‘ekena dvārena pavisitvā ekena nikkhamathā’ti vadetha, evaṃ nissaddā hutvāva gaṇhissantī’’ti. So taṃ sutvā, ‘‘bhaddakova, amma, upāyo’’ti tathā kāresi. Sāpi pubbe sāmā nāma. Vatiyā pana kāritattā sāmāvatī nāma jātā. Tato paṭṭhāya dānagge kolāhalaṃ pacchindī. Ghosakaseṭṭhi pubbe taṃ saddaṃ suṇanto ‘‘mayhaṃ dānagge saddo’’ti tussati. Dvīhatīhaṃ pana saddaṃ asuṇanto mittakuṭumbikaṃ attano upaṭṭhānaṃ āgataṃ pucchi – ‘‘diyyati kapaṇaddhikādīnaṃ dāna’’nti? ‘‘Āma, sāmī’’ti. ‘‘Atha kiṃ dvīhatīhaṃ saddo na suyyatī’’ti? ‘‘Yathā nissaddā hutvā gaṇhanti, tathā me upāyo kato’’ti. ‘‘Atha pubbeva kasmā nākāsī’’ti? ‘‘Ajānanatāya, sāmī’’ti. ‘‘Idāni kathaṃ te ñāto’’ti? ‘‘Dhītarā me akkhāto, sāmī’’ti. Mayhaṃ aviditā ‘‘tava dhītā nāma atthī’’ti. So ahivātaroguppattito paṭṭhāya sabbaṃ bhaddavatiyaseṭṭhino pavattiṃ ācikkhitvā tassā attano jeṭṭhadhītuṭṭhāne ṭhapitabhāvaṃ ārocesi. Atha naṃ seṭṭhi ‘‘evaṃ sante mama kasmā na kathesi, mama sahāyakassa dhītā mama dhītā nāmā’’ti taṃ pakkosāpetvā pucchi – ‘‘amma, seṭṭhino dhītāsī’’ti? ‘‘Āma, tātā’’ti. ‘‘Tena hi mā cintayi, tvaṃ mama dhītāsī’’ti taṃ sīse cumbitvā parivāratthāya tassā pañca itthisatāni datvā taṃ attano jeṭṭhadhītuṭṭhāne ṭhapesi.

    ат̇згад̣̇ивасам̣ д̇асмим̣ наг̇арз нагкад̇д̇ам̣ сан̇гхудтам̣ ход̇и. д̇асмим̣ бана нагкад̇д̇з б̣ахи анигкаманагаа гулад̇хийд̇ароби ад̇д̇ано бариваарзна сад̣̇д̇хим̣ бад̣̇асаава над̣̇им̣ г̇анд̇ваа нхааяанд̇и. д̇асмаа д̇ам̣ д̣̇ивасам̣ саамаавад̇ийби бан̃жахи ид̇т̇исад̇зхи бариваарид̇аа рааж̇ан̇г̇ан̣знзва нхааяид̇ум̣ аг̇амааси. уд̇зно сийхабан̃ж̇арз тид̇о д̇ам̣ д̣̇исваа ‘‘гассимаа наадагид̇т̇ияо’’д̇и бужчи. ‘‘на гассажи наадагид̇т̇ияо, д̣̇зваа’’д̇и. ‘‘ат̇а гасса д̇хийд̇аро’’д̇и? ‘‘гхосагасздтино д̇хийд̇аа д̣̇зва, саамаавад̇ий наамзсаа’’д̇и. со д̣̇исваава уббаннасинзхо сздтино саасанам̣ баахзси – ‘‘д̇хийд̇арам̣ гира мз бзсзд̇уу’’д̇и. ‘‘на бзсзми, д̣̇зваа’’д̇и. ‘‘маа гира звам̣ гарод̇у, бзсзд̇уязваа’’д̇и. ‘‘маяам̣ г̇ахабад̇игаа наама гумааригаанам̣ бот̇зд̇ваа вихзтзд̇ваа гад̣дханабхаязна на д̣̇зма, д̣̇зваа’’д̇и. рааж̇аа гуж̇жхид̇ваа г̇зхам̣ лан̃чаабзд̇ваа сздтин̃жа бхарияан̃жа хад̇т̇з г̇ахзд̇ваа б̣ахи гаараабзси. саамаавад̇ий, нхааяид̇ваа ааг̇анд̇ваа г̇зхам̣ бависид̇ум̣ огаасам̣ алабханд̇ий, ‘‘гим̣ зд̇ам̣, д̇аад̇аа’’д̇и бужчи. ‘‘амма, рааж̇аа д̇ава гааран̣аа бахин̣и. ат̇а ‘на маяам̣ д̣̇ассаамаа’д̇и вуд̇д̇з гхарам̣ лан̃чаабзд̇ваа амхз б̣ахи гаараабзсий’’д̇и. ‘‘д̇аад̇а, бхаарияам̣ во гаммам̣ гад̇ам̣, ран̃н̃аа наама бахид̇з ‘на, д̣̇змаа’д̇и авад̇ваа ‘сажз мз д̇хийд̇арам̣ сабариваарам̣ г̇ан̣хат̇а, д̣̇змаа’д̇и вад̇д̇аб̣б̣ам̣ бхавзяяа, д̇аад̇аа’’д̇и. ‘‘саад̇ху, амма, д̇ава ружияаа сад̇и звам̣ гариссаамий’’д̇и ран̃н̃о д̇ат̇аа саасанам̣ баахзси. рааж̇аа ‘‘саад̇хуу’’д̇и самбадижчид̇ваа д̇ам̣ сабариваарам̣ аанзд̇ваа абхисин̃жид̇ваа аг̇г̇амахзсидтаанз табзси. сзсаа д̇ассааязва бариваарид̇т̇ияо ахзсум̣. аяам̣ саамаавад̇ияаа уббад̇д̇и.

    Athekadivasaṃ tasmiṃ nagare nakkhattaṃ saṅghuṭṭhaṃ hoti. Tasmiṃ pana nakkhatte bahi anikkhamanakā kuladhītaropi attano parivārena saddhiṃ padasāva nadiṃ gantvā nhāyanti. Tasmā taṃ divasaṃ sāmāvatīpi pañcahi itthisatehi parivāritā rājaṅgaṇeneva nhāyituṃ agamāsi. Uteno sīhapañjare ṭhito taṃ disvā ‘‘kassimā nāṭakitthiyo’’ti pucchi. ‘‘Na kassaci nāṭakitthiyo, devā’’ti. ‘‘Atha kassa dhītaro’’ti? ‘‘Ghosakaseṭṭhino dhītā deva, sāmāvatī nāmesā’’ti. So disvāva uppannasineho seṭṭhino sāsanaṃ pāhesi – ‘‘dhītaraṃ kira me pesetū’’ti. ‘‘Na pesemi, devā’’ti. ‘‘Mā kira evaṃ karotu, pesetuyevā’’ti. ‘‘Mayaṃ gahapatikā nāma kumārikānaṃ pothetvā viheṭhetvā kaḍḍhanabhayena na dema, devā’’ti. Rājā kujjhitvā gehaṃ lañchāpetvā seṭṭhiñca bhariyañca hatthe gahetvā bahi kārāpesi. Sāmāvatī, nhāyitvā āgantvā gehaṃ pavisituṃ okāsaṃ alabhantī, ‘‘kiṃ etaṃ, tātā’’ti pucchi. ‘‘Amma, rājā tava kāraṇā pahiṇi. Atha ‘na mayaṃ dassāmā’ti vutte gharaṃ lañchāpetvā amhe bahi kārāpesī’’ti. ‘‘Tāta, bhāriyaṃ vo kammaṃ kataṃ, raññā nāma pahite ‘na, demā’ti avatvā ‘sace me dhītaraṃ saparivāraṃ gaṇhatha, demā’ti vattabbaṃ bhaveyya, tātā’’ti. ‘‘Sādhu, amma, tava ruciyā sati evaṃ karissāmī’’ti rañño tathā sāsanaṃ pāhesi. Rājā ‘‘sādhū’’ti sampaṭicchitvā taṃ saparivāraṃ ānetvā abhisiñcitvā aggamahesiṭṭhāne ṭhapesi. Sesā tassāyeva parivāritthiyo ahesuṃ. Ayaṃ sāmāvatiyā uppatti.

    уд̇знасса бана абарааби ваасулад̣̇ад̇д̇аа наама д̣̇звий ахоси жан̣д̣абаж̇ж̇од̇асса д̇хийд̇аа. уж̇ж̇знияан̃хи жан̣д̣абаж̇ж̇од̇о наама рааж̇аа ахоси. со згад̣̇ивасам̣ уяяаанад̇о ааг̇ажчанд̇о ад̇д̇ано самбад̇д̇им̣ ологзд̇ваа, ‘‘ад̇т̇и ну ко ан̃н̃ассаби гассажи зваруубаа самбад̇д̇ий’’д̇и вад̇ваа д̇ам̣ суд̇ваа мануссзхи ‘‘гим̣ самбад̇д̇и наамзсаа, госамб̣ияам̣ уд̇знасса ран̃н̃о ад̇имахад̇ий самбад̇ий’’д̇и вуд̇д̇з рааж̇аа ааха – ‘‘д̇зна хи г̇ан̣хиссаама на’’нд̇и? ‘‘на саггаа со г̇ахзд̇у’’нд̇и. ‘‘гин̃жи гад̇ваа г̇ан̣хиссаамаязваа’’д̇и? ‘‘на саггаа д̣̇зваа’’д̇и. ‘‘гим̣ гааран̣аа’’д̇и? ‘‘со хад̇т̇иганд̇ам̣ наама сиббам̣ ж̇аанаад̇и, манд̇ам̣ баривад̇д̇зд̇ваа хад̇т̇иганд̇авийн̣ам̣ ваад̣̇знд̇о нааг̇з балаабзд̇иби г̇ан̣хаад̇иби. хад̇т̇ивааханасамбанно д̇зна сад̣̇исо наама над̇т̇ий’’д̇и. ‘‘на саггаа маяаа со г̇ахзд̇у’’нд̇и. ‘‘сажз д̇з, д̣̇зва, зганд̇зна аяам̣ нижчаяо, д̇зна хи д̣̇аарухад̇т̇им̣ гаарзд̇ваа д̇ассаасаннадтаанам̣ бзсзхи. со хад̇т̇ивааханам̣ ваа ассавааханам̣ ваа суд̇ваа д̣̇уурамби г̇ажчад̇и. д̇ад̇т̇а нам̣ ааг̇ад̇ам̣ г̇ахзд̇ум̣ саггаа бхависсад̇ий’’д̇и.

    Utenassa pana aparāpi vāsuladattā nāma devī ahosi caṇḍapajjotassa dhītā. Ujjeniyañhi caṇḍapajjoto nāma rājā ahosi. So ekadivasaṃ uyyānato āgacchanto attano sampattiṃ oloketvā, ‘‘atthi nu kho aññassapi kassaci evarūpā sampattī’’ti vatvā taṃ sutvā manussehi ‘‘kiṃ sampatti nāmesā, kosambiyaṃ utenassa rañño atimahatī sampatī’’ti vutte rājā āha – ‘‘tena hi gaṇhissāma na’’nti? ‘‘Na sakkā so gahetu’’nti. ‘‘Kiñci katvā gaṇhissāmayevā’’ti? ‘‘Na sakkā devā’’ti. ‘‘Kiṃ kāraṇā’’ti? ‘‘So hatthikantaṃ nāma sippaṃ jānāti, mantaṃ parivattetvā hatthikantavīṇaṃ vādento nāge palāpetipi gaṇhātipi. Hatthivāhanasampanno tena sadiso nāma natthī’’ti. ‘‘Na sakkā mayā so gahetu’’nti. ‘‘Sace te, deva, ekantena ayaṃ nicchayo, tena hi dāruhatthiṃ kāretvā tassāsannaṭṭhānaṃ pesehi. So hatthivāhanaṃ vā assavāhanaṃ vā sutvā dūrampi gacchati. Tattha naṃ āgataṃ gahetuṃ sakkā bhavissatī’’ti.

    рааж̇аа ‘‘ад̇т̇зсо убааяо’’д̇и д̣̇аарумаяам̣ яанд̇ахад̇т̇им̣ гаараабзд̇ваа б̣ахи билод̇игаахи взтзд̇ваа гад̇ажид̇д̇агаммам̣ гад̇ваа д̇асса виж̇ид̇з аасаннадтаанз згасмим̣ сарад̇ийрз виссаж̇ж̇аабзси. хад̇т̇ино анд̇огужчияам̣ садти бурисаа абараабарам̣ жан̇гаманд̇и, хад̇т̇илан̣д̣ам̣ аахарид̇ваа д̇ад̇т̇а д̇ад̇т̇а чад̣д̣зсум̣. зго ванажараго хад̇т̇им̣ д̣̇исваа, ‘‘амхаагам̣ ран̃н̃о анужчавиго’’д̇и жинд̇зд̇ваа, г̇анд̇ваа ран̃н̃о аарожзси – ‘‘д̣̇зва, маяаа саб̣б̣асзд̇о гзлаасагуудабадибхааг̇о д̇умхааган̃н̃зва анужчавиго варавааран̣о д̣̇идто’’д̇и. уд̇зно д̇амзва маг̇г̇ад̣̇зсагам̣ гад̇ваа хад̇т̇им̣ абхируяха сабаривааро нигками. д̇асса ааг̇аманам̣ н̃ад̇ваа жарабурисаа г̇анд̇ваа жан̣д̣абаж̇ж̇од̇асса аарожзсум̣. со ааг̇анд̇ваа маж̇жхз д̇ужчам̣ гад̇ваа убхосу бассзсу б̣алагааяам̣ баяож̇зси. уд̇зно д̇ассааг̇аманам̣ аж̇аананд̇о хад̇т̇им̣ ануб̣анд̇хи. анд̇о тид̇амануссаа взг̇зна балаабзсум̣. гадтахад̇т̇ий ран̃н̃о манд̇ам̣ баривад̇д̇зд̇ваа вийн̣ам̣ ваад̣̇знд̇асса д̇анд̇исад̣̇д̣̇ам̣ асун̣анд̇о вияа балааяад̇иязва. рааж̇аа хад̇т̇инааг̇ам̣ баабун̣ид̇ум̣ асаггонд̇о ассам̣ ааруяха ануб̣анд̇хи. д̇асмим̣ взг̇зна ануб̣анд̇ханд̇з б̣алагааяо охийяи. рааж̇аа згагова ахоси. ат̇а нам̣ убхосу бассзсу баяуд̇д̇аа жан̣д̣абаж̇ж̇од̇асса бурисаа г̇ан̣хид̇ваа ад̇д̇ано ран̃н̃о ад̣̇ам̣су. ат̇асса б̣алагааяо амид̇д̇авасам̣ г̇ад̇абхаавам̣ н̃ад̇ваа б̣ахинаг̇арзва канд̇хааваарам̣ нивзсзд̇ваа ажчи.

    Rājā ‘‘attheso upāyo’’ti dārumayaṃ yantahatthiṃ kārāpetvā bahi pilotikāhi veṭhetvā katacittakammaṃ katvā tassa vijite āsannaṭṭhāne ekasmiṃ saratīre vissajjāpesi. Hatthino antokucchiyaṃ saṭṭhi purisā aparāparaṃ caṅkamanti, hatthilaṇḍaṃ āharitvā tattha tattha chaḍḍesuṃ. Eko vanacarako hatthiṃ disvā, ‘‘amhākaṃ rañño anucchaviko’’ti cintetvā, gantvā rañño ārocesi – ‘‘deva, mayā sabbaseto kelāsakūṭapaṭibhāgo tumhākaññeva anucchaviko varavāraṇo diṭṭho’’ti. Uteno tameva maggadesakaṃ katvā hatthiṃ abhiruyha saparivāro nikkhami. Tassa āgamanaṃ ñatvā carapurisā gantvā caṇḍapajjotassa ārocesuṃ. So āgantvā majjhe tucchaṃ katvā ubhosu passesu balakāyaṃ payojesi. Uteno tassāgamanaṃ ajānanto hatthiṃ anubandhi. Anto ṭhitamanussā vegena palāpesuṃ. Kaṭṭhahatthī rañño mantaṃ parivattetvā vīṇaṃ vādentassa tantisaddaṃ asuṇanto viya palāyatiyeva. Rājā hatthināgaṃ pāpuṇituṃ asakkonto assaṃ āruyha anubandhi. Tasmiṃ vegena anubandhante balakāyo ohīyi. Rājā ekakova ahosi. Atha naṃ ubhosu passesu payuttā caṇḍapajjotassa purisā gaṇhitvā attano rañño adaṃsu. Athassa balakāyo amittavasaṃ gatabhāvaṃ ñatvā bahinagareva khandhāvāraṃ nivesetvā acchi.

    жан̣д̣абаж̇ж̇од̇оби уд̇знам̣ ж̇ийваг̇г̇аахамзва г̇аахаабзд̇ваа згасмим̣ жораг̇зхз багкибид̇ваа д̣̇ваарам̣ бид̣̇ахаабзд̇ваа д̇аяо д̣̇ивасз ж̇аяабаанам̣ биви. уд̇зно д̇ад̇ияад̣̇ивасз аарагкагз бужчи – ‘‘гахам̣ во, д̇аад̇а, рааж̇аа’’д̇и? ‘‘‘бажжаамид̇д̇о мз г̇ахид̇о’д̇и ж̇аяабаанам̣ бивад̇ий’’д̇и. ‘‘гаа наамзсаа маад̇уг̇аамасса вияа д̇умхаагам̣ ран̃н̃о гирияаа, нану бадирааж̇уунам̣ г̇ахзд̇ваа виссаж̇ж̇зд̇ум̣ ваа маарзд̇ум̣ ваа ваддад̇и, амхз д̣̇угкам̣ нисийд̣̇аабзд̇ваа ж̇аяабаанам̣ гира бивад̇ий’’д̇и. д̇з г̇анд̇ваа д̇амад̇т̇ам̣ ран̃н̃о аарожзсум̣. со ааг̇анд̇ваа ‘‘сажжам̣ гира д̇вам̣ звам̣ вад̣̇асий’’д̇и бужчи. ‘‘аама, махаарааж̇аа’’д̇и. ‘‘саад̇ху д̇ам̣ виссаж̇ж̇зссаами, зваруубо гира д̇з манд̇о ад̇т̇и, д̇ам̣ маяхам̣ д̣̇ассасий’’д̇и. ‘‘саад̇ху д̣̇ассаами, г̇ахан̣асамаяз мам̣ ванд̣̇ид̇ваа д̇ам̣ г̇ан̣хаахи. гим̣ бана д̇вам̣ ванд̣̇иссасий’’д̇и? ‘‘гяаахам̣ д̇ам̣ ванд̣̇иссаами, на ванд̣̇иссаамий’’д̇и? ‘‘ахамби д̇з на д̣̇ассаамий’’д̇и . ‘‘звам̣ санд̇з рааж̇аан̣ам̣ д̇з гариссаамий’’д̇и. ‘‘гарохи, сарийрасса мз иссаро, на бана жид̇д̇ассаа’’д̇и. рааж̇аа д̇асса суураг̇аж̇ж̇ид̇ам̣ суд̇ваа, ‘‘гат̇ам̣ ну ко имам̣ манд̇ам̣ г̇ан̣хиссаамий’’д̇и жинд̇зд̇ваа, ‘‘имам̣ манд̇ам̣ ан̃н̃ам̣ ж̇аанаабзд̇ум̣ на саггаа, мама д̇хийд̇арам̣ зд̇асса санд̇игз уг̇г̇ан̣хаабзд̇ваа ахам̣ д̇ассаа санд̇игз г̇ан̣хиссаамий’’д̇и. ат̇а нам̣ ааха – ‘‘ан̃н̃асса ванд̣̇ид̇ваа г̇ан̣ханд̇асса д̣̇ассасий’’д̇и. ‘‘аама, махаарааж̇аа’’д̇и. ‘‘д̇зна хи амхаагам̣ гхарз згаа куж̇ж̇аа ад̇т̇и д̇ассаа анд̇осаан̣ияам̣ ванд̣̇ид̇ваа нисиннааяа д̇вам̣ б̣ахисаан̣ияам̣ тид̇ова манд̇ам̣ ваажзхий’’д̇и. ‘‘саад̇ху, махаарааж̇а, куж̇ж̇аа ваа ход̇у бийтасабби ваа, ванд̣̇анд̇ияаа д̣̇ассаамий’’д̇и. д̇ад̇о рааж̇аа г̇анд̇ваа д̇хийд̇арам̣ ваасулад̣̇ад̇д̇ам̣ ааха – ‘‘амма, зго сан̇кагудтий анаг̇гхаманд̇ам̣ ж̇аанаад̇и, д̇ам̣ ан̃н̃ам̣ ж̇аанаабзд̇ум̣ на саггаа. д̇вам̣ анд̇осаан̣ияам̣ нисийд̣̇ид̇ваа д̇ам̣ ванд̣̇ид̇ваа манд̇ам̣ г̇ан̣ха, со б̣ахисаан̣ияам̣ тад̇ваа д̇уяхам̣ ваажзссад̇и. д̇ава санд̇игаа ахам̣ д̇ам̣ г̇ан̣хиссаамий’’д̇и.

    Caṇḍapajjotopi utenaṃ jīvaggāhameva gāhāpetvā ekasmiṃ coragehe pakkhipitvā dvāraṃ pidahāpetvā tayo divase jayapānaṃ pivi. Uteno tatiyadivase ārakkhake pucchi – ‘‘kahaṃ vo, tāta, rājā’’ti? ‘‘‘Paccāmitto me gahito’ti jayapānaṃ pivatī’’ti. ‘‘Kā nāmesā mātugāmassa viya tumhākaṃ rañño kiriyā, nanu paṭirājūnaṃ gahetvā vissajjetuṃ vā māretuṃ vā vaṭṭati, amhe dukkhaṃ nisīdāpetvā jayapānaṃ kira pivatī’’ti. Te gantvā tamatthaṃ rañño ārocesuṃ. So āgantvā ‘‘saccaṃ kira tvaṃ evaṃ vadasī’’ti pucchi. ‘‘Āma, mahārājā’’ti. ‘‘Sādhu taṃ vissajjessāmi, evarūpo kira te manto atthi, taṃ mayhaṃ dassasī’’ti. ‘‘Sādhu dassāmi, gahaṇasamaye maṃ vanditvā taṃ gaṇhāhi. Kiṃ pana tvaṃ vandissasī’’ti? ‘‘Kyāhaṃ taṃ vandissāmi, na vandissāmī’’ti? ‘‘Ahampi te na dassāmī’’ti . ‘‘Evaṃ sante rājāṇaṃ te karissāmī’’ti. ‘‘Karohi, sarīrassa me issaro, na pana cittassā’’ti. Rājā tassa sūragajjitaṃ sutvā, ‘‘kathaṃ nu kho imaṃ mantaṃ gaṇhissāmī’’ti cintetvā, ‘‘imaṃ mantaṃ aññaṃ jānāpetuṃ na sakkā, mama dhītaraṃ etassa santike uggaṇhāpetvā ahaṃ tassā santike gaṇhissāmī’’ti. Atha naṃ āha – ‘‘aññassa vanditvā gaṇhantassa dassasī’’ti. ‘‘Āma, mahārājā’’ti. ‘‘Tena hi amhākaṃ ghare ekā khujjā atthi tassā antosāṇiyaṃ vanditvā nisinnāya tvaṃ bahisāṇiyaṃ ṭhitova mantaṃ vācehī’’ti. ‘‘Sādhu, mahārāja, khujjā vā hotu pīṭhasappi vā, vandantiyā dassāmī’’ti. Tato rājā gantvā dhītaraṃ vāsuladattaṃ āha – ‘‘amma, eko saṅkhakuṭṭhī anagghamantaṃ jānāti, taṃ aññaṃ jānāpetuṃ na sakkā. Tvaṃ antosāṇiyaṃ nisīditvā taṃ vanditvā mantaṃ gaṇha, so bahisāṇiyaṃ ṭhatvā tuyhaṃ vācessati. Tava santikā ahaṃ taṃ gaṇhissāmī’’ti.

    звам̣ со д̇зсам̣ ан̃н̃аман̃н̃ам̣ сант̇авагаран̣абхаязна д̇хийд̇арам̣ куж̇ж̇ам̣, ид̇арам̣ сан̇кагудтим̣ гад̇ваа гат̇зси. со д̇ассаа анд̇осаан̣ияам̣ ванд̣̇ид̇ваа нисиннааяа б̣ахи тид̇о манд̇ам̣ ваажзси. ат̇а нам̣ згад̣̇ивасам̣ бунаббунам̣ вужжамаанамби манд̇абад̣̇ам̣ вад̇д̇ум̣ асаггонд̇им̣ ‘‘арз куж̇ж̇з ад̇иб̣ахалодтагаболам̣ д̇з мукам̣, звам̣ наама вад̣̇зхий’’д̇и ааха. ‘‘саа гуж̇жхид̇ваа арз д̣̇удтасан̇кагудти гим̣ вад̣̇зси, гим̣ маад̣̇исаа куж̇ж̇аа наама ход̇ий’’д̇и? саан̣иган̣н̣ам̣ угкибид̇ваа ‘‘гааси д̇ва’’нд̇и вуд̇д̇з, ‘‘ран̃н̃о д̇хийд̇аа ваасулад̣̇ад̇д̇аа наамааха’’нд̇и ааха. ‘‘бид̇аа д̇з д̇ам̣ маяхам̣ гат̇знд̇о ‘куж̇ж̇аа’д̇и гат̇зсий’’д̇и. ‘‘маяхамби гат̇знд̇о д̇ам̣ сан̇кагудтим̣ гад̇ваа гат̇зсий’’д̇и. д̇з убхоби ‘‘д̇зна хи амхаагам̣ сант̇авагаран̣абхаязна гат̇ид̇ам̣ бхависсад̇ий’’д̇и анд̇осаан̣ияан̃н̃зва сант̇авам̣ гарим̣су.

    Evaṃ so tesaṃ aññamaññaṃ santhavakaraṇabhayena dhītaraṃ khujjaṃ, itaraṃ saṅkhakuṭṭhiṃ katvā kathesi. So tassā antosāṇiyaṃ vanditvā nisinnāya bahi ṭhito mantaṃ vācesi. Atha naṃ ekadivasaṃ punappunaṃ vuccamānampi mantapadaṃ vattuṃ asakkontiṃ ‘‘are khujje atibahaloṭṭhakapolaṃ te mukhaṃ, evaṃ nāma vadehī’’ti āha. ‘‘Sā kujjhitvā are duṭṭhasaṅkhakuṭṭhi kiṃ vadesi, kiṃ mādisā khujjā nāma hotī’’ti? Sāṇikaṇṇaṃ ukkhipitvā ‘‘kāsi tva’’nti vutte, ‘‘rañño dhītā vāsuladattā nāmāha’’nti āha. ‘‘Pitā te taṃ mayhaṃ kathento ‘khujjā’ti kathesī’’ti. ‘‘Mayhampi kathento taṃ saṅkhakuṭṭhiṃ katvā kathesī’’ti. Te ubhopi ‘‘tena hi amhākaṃ santhavakaraṇabhayena kathitaṃ bhavissatī’’ti antosāṇiyaññeva santhavaṃ kariṃsu.

    д̇ад̇о бадтааяа манд̇аг̇г̇ахан̣ам̣ ваа сиббаг̇г̇ахан̣ам̣ ваа над̇т̇и. рааж̇ааби д̇хийд̇арам̣ нижжам̣ бужчад̇и – ‘‘сиббам̣ г̇ан̣хаси, аммаа’’д̇и? ‘‘г̇ан̣хаами, д̇аад̇аа’’д̇и. ат̇а нам̣ згад̣̇ивасам̣ уд̇зно ааха – ‘‘бхад̣̇д̣̇з, саамигзна гад̇д̇аб̣б̣ам̣ наама нзва маад̇аабид̇аро на бхаад̇убхаг̇инияо гаад̇ум̣ саггонд̇и, сажз маяхам̣ ж̇ийвид̇ам̣ д̣̇ассаси, бан̃жа д̇з ид̇т̇исад̇аани бариваарам̣ д̣̇ад̇ваа аг̇г̇амахзсидтаанам̣ д̣̇ассаамий’’д̇и. ‘‘сажз имасмим̣ важанз бад̇идтаад̇ум̣ сагкиссат̇а, д̣̇ассаами во ж̇ийвид̇а’’нд̇и. ‘‘сагкиссаами, бхад̣̇д̣̇з’’д̇и. саа ‘‘саад̇ху, саамий’’д̇и бид̇у санд̇игам̣ г̇анд̇ваа ванд̣̇ид̇ваа згаманд̇ам̣ адтааси. ат̇а нам̣ со бужчи – ‘‘амма, нидтид̇ам̣ сибба’’нд̇и? ‘‘на д̇аава нидтид̇ам̣, д̇аад̇а, сибба’’нд̇и. ат̇а нам̣ со бужчи – ‘‘гим̣, аммаа’’д̇и? ‘‘амхаагам̣ згам̣ д̣̇вааран̃жа згам̣ вааханан̃жа лад̣̇д̇хум̣ ваддад̇и, д̇аад̇аа’’д̇и. ‘‘ид̣̇ам̣ гим̣, аммаа’’д̇и? ‘‘д̇аад̇а, рад̇д̇им̣ гира д̇аарагасан̃н̃ааяа манд̇асса убажаарад̇т̇ааяа згам̣ осад̇хам̣ г̇ахзд̇аб̣б̣ам̣ ад̇т̇и. д̇асмаа амхаагам̣ взлааяа ваа авзлааяа ваа нигкаманагаалз згам̣ д̣̇вааран̃жзва згам̣ вааханан̃жа лад̣̇д̇хум̣ ваддад̇ий’’д̇и. рааж̇аа ‘‘саад̇хуу’’д̇и самбадижчи. д̇з ад̇д̇ано абхиружид̇ам̣ згам̣ д̣̇ваарам̣ хад̇т̇аг̇ад̇ам̣ гарим̣су. ран̃н̃о бана бан̃жа вааханаани ахзсум̣. бхад̣̇д̣̇авад̇ий наама гарзн̣угаа згад̣̇ивасам̣ бан̃н̃ааса яож̇анаани г̇ажчад̇и, гааго наама д̣̇аасо садти яож̇анаани г̇ажчад̇и, жзлагадти жа мун̃жагзсий жаад̇и д̣̇вз ассаа яож̇анасад̇ам̣ г̇ажчанд̇и, наал̣ааг̇ири хад̇т̇ий вийсад̇и яож̇анасад̇анд̇и.

    Tato paṭṭhāya mantaggahaṇaṃ vā sippaggahaṇaṃ vā natthi. Rājāpi dhītaraṃ niccaṃ pucchati – ‘‘sippaṃ gaṇhasi, ammā’’ti? ‘‘Gaṇhāmi, tātā’’ti. Atha naṃ ekadivasaṃ uteno āha – ‘‘bhadde, sāmikena kattabbaṃ nāma neva mātāpitaro na bhātubhaginiyo kātuṃ sakkonti, sace mayhaṃ jīvitaṃ dassasi, pañca te itthisatāni parivāraṃ datvā aggamahesiṭṭhānaṃ dassāmī’’ti. ‘‘Sace imasmiṃ vacane patiṭṭhātuṃ sakkhissatha, dassāmi vo jīvita’’nti. ‘‘Sakkhissāmi, bhadde’’ti. Sā ‘‘sādhu, sāmī’’ti pitu santikaṃ gantvā vanditvā ekamantaṃ aṭṭhāsi. Atha naṃ so pucchi – ‘‘amma, niṭṭhitaṃ sippa’’nti? ‘‘Na tāva niṭṭhitaṃ, tāta, sippa’’nti. Atha naṃ so pucchi – ‘‘kiṃ, ammā’’ti? ‘‘Amhākaṃ ekaṃ dvārañca ekaṃ vāhanañca laddhuṃ vaṭṭati, tātā’’ti. ‘‘Idaṃ kiṃ, ammā’’ti? ‘‘Tāta, rattiṃ kira tārakasaññāya mantassa upacāratthāya ekaṃ osadhaṃ gahetabbaṃ atthi. Tasmā amhākaṃ velāya vā avelāya vā nikkhamanakāle ekaṃ dvārañceva ekaṃ vāhanañca laddhuṃ vaṭṭatī’’ti. Rājā ‘‘sādhū’’ti sampaṭicchi. Te attano abhirucitaṃ ekaṃ dvāraṃ hatthagataṃ kariṃsu. Rañño pana pañca vāhanāni ahesuṃ. Bhaddavatī nāma kareṇukā ekadivasaṃ paññāsa yojanāni gacchati, kāko nāma dāso saṭṭhi yojanāni gacchati, celakaṭṭhi ca muñcakesī cāti dve assā yojanasataṃ gacchanti, nāḷāgiri hatthī vīsati yojanasatanti.

    со гира рааж̇аа ануббаннз б̣уд̣̇д̇хз згасса иссарасса убадтааго ахоси. ат̇згад̣̇ивасам̣ иссарз б̣ахинаг̇арам̣ г̇анд̇ваа нхад̇ваа ааг̇ажчанд̇з зго бажжзгаб̣уд̣̇д̇хо наг̇арам̣ бин̣д̣ааяа бависид̇ваа сагаланаг̇араваасийнам̣ маарзна ааваддид̇ад̇д̇аа згам̣ бхигкаамби алабхид̇ваа яат̇аад̇ход̇зна бад̇д̇зна нигками. ат̇а нам̣ наг̇арад̣̇ваарам̣ бад̇д̇агаалз мааро ан̃н̃аад̇агавзсзна убасан̇гамид̇ваа, ‘‘аби, бханд̇з, во гин̃жи лад̣̇д̇ха’’нд̇и бужчи. ‘‘гим̣ бана мз д̇вам̣ алабханаагаарам̣ гарий’’д̇и? ‘‘д̇зна хи нивад̇д̇ид̇ваа буна бависат̇а, ид̣̇аани на гариссаамий’’д̇и. ‘‘наахам̣ буна нивад̇д̇иссаамий’’д̇и. сажз хи нивад̇д̇зяяа, буна со сагаланаг̇араваасийнам̣ сарийрз ад̇химун̃жид̇ваа баан̣им̣ бахарид̇ваа хасанагзл̣им̣ гарзяяа. бажжзгаб̣уд̣̇д̇хз анивад̇д̇ид̇ваа г̇ад̇з мааро д̇ад̇т̇зва анд̇арад̇хааяи. ат̇а со иссаро яат̇аад̇ход̇знзва бад̇д̇зна ааг̇ажчанд̇ам̣ бажжзгаб̣уд̣̇д̇хам̣ д̣̇исваа ванд̣̇ид̇ваа, ‘‘аби, бханд̇з, гин̃жи лад̣̇д̇ха’’нд̇и бужчи. ‘‘жарид̇ваа нигканд̇амхаавусо’’д̇и. со жинд̇зси – ‘‘аяяо, маяаа бужчид̇ам̣ агат̇зд̇ваа ан̃н̃ам̣ вад̣̇ад̇и, на гин̃жи лад̣̇д̇хам̣ бхависсад̇ий’’д̇и. ат̇асса бад̇д̇ам̣ ологзнд̇о д̇ужчам̣ д̣̇исваа г̇зхз бхад̇д̇асса нидтид̇аанидтид̇абхаавам̣ аж̇аананад̇ааяа сууро худ̇ваа бад̇д̇ам̣ г̇ахзд̇ум̣ ависаханд̇о ‘‘т̇огам̣, бханд̇з, ад̇хиваасзт̇аа’’д̇и вад̇ваа взг̇зна гхарам̣ г̇анд̇ваа ‘‘амхаагам̣ бхад̇д̇ам̣ нидтид̇а’’нд̇и бужчид̇ваа, ‘‘нидтид̇а’’нд̇и вуд̇д̇з д̇ам̣ убадтаагам̣ ааха – ‘‘д̇аад̇а, ан̃н̃о д̇аяаа самбаннавзг̇ад̇аро наама над̇т̇и, сийгхзна ж̇авзна бхад̣̇анд̇ам̣ бад̇ваа ‘бад̇д̇ам̣ мз, бханд̇з, д̣̇зт̇аа’д̇и вад̇ваа бад̇д̇ам̣ г̇ахзд̇ваа взг̇зна зхий’’д̇и. со згаважанзнзва багканд̣̇ид̇ваа бад̇д̇ам̣ г̇ахзд̇ваа аахари. иссароби ад̇д̇ано бхож̇анасса бад̇д̇ам̣ буурзд̇ваа ‘‘имам̣ сийгхам̣ г̇анд̇ваа аяяасса самбаад̣̇зхи, ахам̣ д̇з ид̇о бад̇д̇им̣ д̣̇аммий’’д̇и ааха.

    So kira rājā anuppanne buddhe ekassa issarassa upaṭṭhāko ahosi. Athekadivasaṃ issare bahinagaraṃ gantvā nhatvā āgacchante eko paccekabuddho nagaraṃ piṇḍāya pavisitvā sakalanagaravāsīnaṃ mārena āvaṭṭitattā ekaṃ bhikkhāmpi alabhitvā yathādhotena pattena nikkhami. Atha naṃ nagaradvāraṃ pattakāle māro aññātakavesena upasaṅkamitvā, ‘‘api, bhante, vo kiñci laddha’’nti pucchi. ‘‘Kiṃ pana me tvaṃ alabhanākāraṃ karī’’ti? ‘‘Tena hi nivattitvā puna pavisatha, idāni na karissāmī’’ti. ‘‘Nāhaṃ puna nivattissāmī’’ti. Sace hi nivatteyya, puna so sakalanagaravāsīnaṃ sarīre adhimuñcitvā pāṇiṃ paharitvā hasanakeḷiṃ kareyya. Paccekabuddhe anivattitvā gate māro tattheva antaradhāyi. Atha so issaro yathādhoteneva pattena āgacchantaṃ paccekabuddhaṃ disvā vanditvā, ‘‘api, bhante, kiñci laddha’’nti pucchi. ‘‘Caritvā nikkhantamhāvuso’’ti. So cintesi – ‘‘ayyo, mayā pucchitaṃ akathetvā aññaṃ vadati, na kiñci laddhaṃ bhavissatī’’ti. Athassa pattaṃ olokento tucchaṃ disvā gehe bhattassa niṭṭhitāniṭṭhitabhāvaṃ ajānanatāya sūro hutvā pattaṃ gahetuṃ avisahanto ‘‘thokaṃ, bhante, adhivāsethā’’ti vatvā vegena gharaṃ gantvā ‘‘amhākaṃ bhattaṃ niṭṭhita’’nti pucchitvā, ‘‘niṭṭhita’’nti vutte taṃ upaṭṭhākaṃ āha – ‘‘tāta, añño tayā sampannavegataro nāma natthi, sīghena javena bhadantaṃ patvā ‘pattaṃ me, bhante, dethā’ti vatvā pattaṃ gahetvā vegena ehī’’ti. So ekavacaneneva pakkhanditvā pattaṃ gahetvā āhari. Issaropi attano bhojanassa pattaṃ pūretvā ‘‘imaṃ sīghaṃ gantvā ayyassa sampādehi, ahaṃ te ito pattiṃ dammī’’ti āha.

    соби д̇ам̣ г̇ахзд̇ваа ж̇авзна г̇анд̇ваа бажжзгаб̣уд̣̇д̇хасса бад̇д̇ам̣ д̣̇ад̇ваа бан̃жабад̇идтид̇зна ванд̣̇ид̇ваа, ‘‘бханд̇з, ‘взлаа убагадтаа’д̇и ахам̣ ад̇исийгхзна ж̇авзна ааг̇ад̇о жа г̇ад̇о жа, зд̇асса мз ж̇авасса палзна яож̇анаанам̣ бан̣н̣аасасадтисад̇авийсасад̇аг̇аманасамад̇т̇аани бан̃жа вааханаани ниб̣б̣ад̇д̇анд̇у, ааг̇ажчанд̇асса жа мз г̇ажчанд̇асса жа сарийрам̣ суурияад̇зж̇зна д̇ад̇т̇ам̣, д̇асса мз палзна ниб̣б̣ад̇д̇аниб̣б̣ад̇д̇адтаанз аан̣аа суурияад̇зж̇асад̣̇исаа ход̇у, имасмим̣ мз бин̣д̣абаад̇з сааминаа бад̇д̇и д̣̇иннаа, д̇ассаа мз ниссанд̣̇зна д̇умхзхи д̣̇идтад̇хаммасса бхааг̇ий хомий’’д̇и ааха. бажжзгаб̣уд̣̇д̇хо ‘‘звам̣ ход̇уу’’д̇и вад̇ваа –

    Sopi taṃ gahetvā javena gantvā paccekabuddhassa pattaṃ datvā pañcapatiṭṭhitena vanditvā, ‘‘bhante, ‘velā upakaṭṭhā’ti ahaṃ atisīghena javena āgato ca gato ca, etassa me javassa phalena yojanānaṃ paṇṇāsasaṭṭhisatavīsasatagamanasamatthāni pañca vāhanāni nibbattantu, āgacchantassa ca me gacchantassa ca sarīraṃ sūriyatejena tatthaṃ, tassa me phalena nibbattanibbattaṭṭhāne āṇā sūriyatejasadisā hotu, imasmiṃ me piṇḍapāte sāminā patti dinnā, tassā me nissandena tumhehi diṭṭhadhammassa bhāgī homī’’ti āha. Paccekabuddho ‘‘evaṃ hotū’’ti vatvā –

    ‘‘ижчид̇ам̣ бад̇т̇ид̇ам̣ д̇уяхам̣, саб̣б̣амзва самиж̇жхад̇у;

    ‘‘Icchitaṃ patthitaṃ tuyhaṃ, sabbameva samijjhatu;

    саб̣б̣з буурзнд̇у сан̇габбаа, жанд̣̇о баннарасо яат̇аа. (д̣̇ий. ни. адта. 2.95 буб̣б̣уубаниссаяасамбад̇д̇игат̇аа; а. ни. адта. 1.1. 192);

    Sabbe pūrentu saṅkappā, cando pannaraso yathā. (dī. ni. aṭṭha. 2.95 pubbūpanissayasampattikathā; a. ni. aṭṭha. 1.1. 192);

    ‘‘ижчид̇ам̣ бад̇т̇ид̇ам̣ д̇уяхам̣, киббамзва самиж̇жхад̇у;

    ‘‘Icchitaṃ patthitaṃ tuyhaṃ, khippameva samijjhatu;

    саб̣б̣з буурзнд̇у сан̇габбаа, ман̣иж̇од̇ирасо яат̇аа’’д̇и. –

    Sabbe pūrentu saṅkappā, maṇijotiraso yathā’’ti. –

    анумод̣̇анам̣ агааси. бажжзгаб̣уд̣̇д̇хаанам̣ гира ид̇хаава д̣̇вз г̇аат̇аа анумод̣̇анаг̇аат̇аа наама хонд̇и. д̇ад̇т̇а ж̇од̇ирасод̇и саб̣б̣агаамад̣̇ад̣̇ам̣ ман̣ирад̇анам̣ вужжад̇и. ид̣̇ам̣ д̇асса буб̣б̣ажарид̇ам̣. со зд̇арахи жан̣д̣абаж̇ж̇од̇о ахоси. д̇асса жа гаммасса ниссанд̣̇зна имаани бан̃жа вааханаани ниб̣б̣ад̇д̇им̣су. ат̇згад̣̇ивасам̣ рааж̇аа уяяаанагийл̣ааяа нигками. уд̇зно ‘‘аж̇ж̇а балааяид̇аб̣б̣а’’нд̇и маханд̇аамаханд̇з жаммабасиб̣б̣агз хиран̃н̃асуван̣н̣асса буурзд̇ваа гарзн̣угаабидтз табзд̇ваа ваасулад̣̇ад̇д̇ам̣ аад̣̇ааяа балааяи. анд̇збурабаалагаа балааяанд̇ам̣ д̇ам̣ д̣̇исваа г̇анд̇ваа ран̃н̃о аарожзсум̣. рааж̇аа ‘‘сийгхам̣ г̇ажчат̇аа’’д̇и б̣алам̣ бахин̣и. уд̇зно б̣аласса багканд̣̇абхаавам̣ н̃ад̇ваа гахаабан̣абасиб̣б̣агам̣ можзд̇ваа баад̇зси, мануссаа гахаабан̣з ужжинид̇ваа буна багканд̣̇им̣су. ид̇аро суван̣н̣абасиб̣б̣агам̣ можзд̇ваа баад̇зд̇ваа нзсам̣ суван̣н̣алобхзна бабан̃жзнд̇аанан̃н̃зва б̣ахи нивудтам̣ ад̇д̇ано канд̇хааваарам̣ баабун̣и. ат̇а нам̣ ааг̇ажчанд̇ам̣ д̣̇исваава ад̇д̇ано б̣алагааяо бариваарзд̇ваа наг̇арам̣ бавзсзси. со бад̇ваава ваасулад̣̇ад̇д̇ам̣ абхисин̃жид̇ваа аг̇г̇амахзсидтаанз табзсийд̇и. аяам̣ ваасулад̣̇ад̇д̇ааяа уббад̇д̇и.

    Anumodanaṃ akāsi. Paccekabuddhānaṃ kira idhāva dve gāthā anumodanagāthā nāma honti. Tattha jotirasoti sabbakāmadadaṃ maṇiratanaṃ vuccati. Idaṃ tassa pubbacaritaṃ. So etarahi caṇḍapajjoto ahosi. Tassa ca kammassa nissandena imāni pañca vāhanāni nibbattiṃsu. Athekadivasaṃ rājā uyyānakīḷāya nikkhami. Uteno ‘‘ajja palāyitabba’’nti mahantāmahante cammapasibbake hiraññasuvaṇṇassa pūretvā kareṇukāpiṭṭhe ṭhapetvā vāsuladattaṃ ādāya palāyi. Antepurapālakā palāyantaṃ taṃ disvā gantvā rañño ārocesuṃ. Rājā ‘‘sīghaṃ gacchathā’’ti balaṃ pahiṇi. Uteno balassa pakkhandabhāvaṃ ñatvā kahāpaṇapasibbakaṃ mocetvā pātesi, manussā kahāpaṇe uccinitvā puna pakkhandiṃsu. Itaro suvaṇṇapasibbakaṃ mocetvā pātetvā nesaṃ suvaṇṇalobhena papañcentānaññeva bahi nivuṭṭhaṃ attano khandhāvāraṃ pāpuṇi. Atha naṃ āgacchantaṃ disvāva attano balakāyo parivāretvā nagaraṃ pavesesi. So patvāva vāsuladattaṃ abhisiñcitvā aggamahesiṭṭhāne ṭhapesīti. Ayaṃ vāsuladattāya uppatti.

    абараа бана мааг̇ан̣д̣ияаа наама ран̃н̃о санд̇игаа аг̇г̇амахзсидтаанам̣ лабхи. саа гира гурурадтз мааг̇ан̣д̣ияаб̣раахман̣асса д̇хийд̇аа. маад̇аабиссаа мааг̇ан̣д̣ияааязва наамам̣. жуул̣абид̇аабиссаа мааг̇ан̣д̣ияова, саа абхируубаа ахоси д̣̇зважчарабадибхааг̇аа. бид̇аа банассаа анужчавигам̣ саамигам̣ алабханд̇о маханд̇зхи маханд̇зхи гулзхи яаажид̇оби ‘‘на маяхам̣ д̇хийд̇у д̇умхз анужчавигаа’’д̇и д̇аж̇ж̇зд̇ваа уяяож̇зси. ат̇згад̣̇ивасам̣ сад̇т̇аа бажжуусасамаяз логам̣ вологзнд̇о мааг̇ан̣д̣ияаб̣раахман̣асса сабаж̇аабад̇игасса анааг̇аамипалуубаниссаяам̣ д̣̇исваа ад̇д̇ано бад̇д̇ажийварамаад̣̇ааяа д̇асса б̣ахиниг̇амз аг̇г̇ибарижаран̣адтаанам̣ аг̇амааси. со д̇ат̇ааг̇ад̇асса руубасобхаг̇г̇аббад̇д̇ам̣ ад̇д̇абхаавам̣ ологзд̇ваа, ‘‘имасмим̣ логз иминаа бурисзна сад̣̇исо ан̃н̃о бурисо наама над̇т̇и, аяам̣ маяхам̣ д̇хийд̇у анужчавиго, имасса босаабанад̇т̇ааяа д̇хийд̇арам̣ д̣̇ассаамий’’д̇и жинд̇зд̇ваа, ‘‘саман̣а, згаа мз д̇хийд̇аа ад̇т̇и, ахам̣ зд̇д̇агам̣ гаалам̣ д̇ассаа анужчавигам̣ бурисам̣ на бассаами, д̇умхз д̇ассаа анужчавигаа, саа жа д̇умхааган̃н̃зва анужчавигаа. д̇умхааган̃хи баад̣̇абарижааригаа, д̇ассаа жа бхад̇д̇аа лад̣̇д̇хум̣ ваддад̇и, д̇ам̣ во ахам̣ д̣̇ассаами, яаава мамааг̇аманаа ид̇хзва д̇идтат̇аа’’д̇и ааха. сад̇т̇аа гин̃жи авад̇ваа д̇ун̣хий ахоси. б̣раахман̣о взг̇зна гхарам̣ г̇анд̇ваа, ‘‘бход̇и, бход̇и д̇хийд̇у мз анужчавиго бурисо д̣̇идто, сийгхам̣ сийгхам̣ нам̣ алан̇гарохий’’д̇и д̇ам̣ алан̇гаараабзд̇ваа сад̣̇д̇хим̣ б̣раахман̣ияаа аад̣̇ааяа сад̇т̇у санд̇игам̣ бааяааси. сагаланаг̇арам̣ сан̇кубхи. аяам̣ ‘‘зд̇д̇агам̣ гаалам̣ маяхам̣ д̇хийд̇у анужчавиго над̇т̇ий’’д̇и гассажи ад̣̇ад̇ваа ‘‘аж̇ж̇а мз д̇хийд̇у анужчавиго д̣̇идто’’д̇и гира вад̣̇зд̇и, ‘‘гийд̣̇исо ну ко со бурисо, бассиссаама на’’нд̇и махааж̇ано д̇знзва сад̣̇д̇хим̣ нигками.

    Aparā pana māgaṇḍiyā nāma rañño santikā aggamahesiṭṭhānaṃ labhi. Sā kira kururaṭṭhe māgaṇḍiyabrāhmaṇassa dhītā. Mātāpissā māgaṇḍiyāyeva nāmaṃ. Cūḷapitāpissā māgaṇḍiyova, sā abhirūpā ahosi devaccharapaṭibhāgā. Pitā panassā anucchavikaṃ sāmikaṃ alabhanto mahantehi mahantehi kulehi yācitopi ‘‘na mayhaṃ dhītu tumhe anucchavikā’’ti tajjetvā uyyojesi. Athekadivasaṃ satthā paccūsasamaye lokaṃ volokento māgaṇḍiyabrāhmaṇassa sapajāpatikassa anāgāmiphalūpanissayaṃ disvā attano pattacīvaramādāya tassa bahinigame aggiparicaraṇaṭṭhānaṃ agamāsi. So tathāgatassa rūpasobhaggappattaṃ attabhāvaṃ oloketvā, ‘‘imasmiṃ loke iminā purisena sadiso añño puriso nāma natthi, ayaṃ mayhaṃ dhītu anucchaviko, imassa posāpanatthāya dhītaraṃ dassāmī’’ti cintetvā, ‘‘samaṇa, ekā me dhītā atthi, ahaṃ ettakaṃ kālaṃ tassā anucchavikaṃ purisaṃ na passāmi, tumhe tassā anucchavikā, sā ca tumhākaññeva anucchavikā. Tumhākañhi pādaparicārikā, tassā ca bhattā laddhuṃ vaṭṭati, taṃ vo ahaṃ dassāmi, yāva mamāgamanā idheva tiṭṭhathā’’ti āha. Satthā kiñci avatvā tuṇhī ahosi. Brāhmaṇo vegena gharaṃ gantvā, ‘‘bhoti, bhoti dhītu me anucchaviko puriso diṭṭho, sīghaṃ sīghaṃ naṃ alaṅkarohī’’ti taṃ alaṅkārāpetvā saddhiṃ brāhmaṇiyā ādāya satthu santikaṃ pāyāsi. Sakalanagaraṃ saṅkhubhi. Ayaṃ ‘‘ettakaṃ kālaṃ mayhaṃ dhītu anucchaviko natthī’’ti kassaci adatvā ‘‘ajja me dhītu anucchaviko diṭṭho’’ti kira vadeti, ‘‘kīdiso nu kho so puriso, passissāma na’’nti mahājano teneva saddhiṃ nikkhami.

    д̇асмим̣ д̇хийд̇арам̣ г̇ахзд̇ваа ааг̇ажчанд̇з сад̇т̇аа д̇зна вуд̇д̇адтаанз адтад̇ваа д̇ад̇т̇а бад̣̇ажзд̇ияам̣ д̣̇ассзд̇ваа г̇анд̇ваа ан̃н̃асмим̣ таанз адтааси. б̣уд̣̇д̇хаанан̃хи бад̣̇ажзд̇ияам̣ ад̇хидтахид̇ваа агганд̇адтаанзязва бан̃н̃ааяад̇и, на ан̃н̃ад̇т̇а. язсан̃жад̇т̇ааяа ад̇хидтид̇ам̣ ход̇и, д̇зязва нам̣ бассанд̇и. д̇зсам̣ бана ад̣̇ассанагаран̣ад̇т̇ам̣ хад̇т̇иаад̣̇аяо ваа аггаманд̇у, махаамзгхо ваа бавассад̇у, взрамбхаваад̇аа ваа бахаранд̇у, на д̇ам̣ гожи магкзд̇ум̣ саггод̇и. ат̇а б̣раахман̣ий б̣раахман̣ам̣ ааха – ‘‘гухим̣ со бурисо’’д̇и. ‘‘‘имасмим̣ таанз д̇идтаахий’д̇и нам̣ аважам̣, гухим̣ ну ко со г̇ад̇о’’д̇и ид̇о жид̇о ологзнд̇о бад̣̇ажзд̇ияам̣ д̣̇исваа ‘‘аяамасса бад̣̇авалан̃ж̇о’’д̇и ааха. б̣раахман̣ий салагкан̣аманд̇аанам̣ д̇ин̣н̣ам̣ взд̣̇аанам̣ баг̇ун̣ад̇ааяа лагкан̣аманд̇з баривад̇д̇зд̇ваа бад̣̇алагкан̣ам̣ убад̇хаарзд̇ваа, ‘‘наяид̣̇ам̣, б̣раахман̣а, бан̃жагаамаг̇ун̣асзвино бад̣̇а’’нд̇и вад̇ваа имам̣ г̇аат̇амааха –

    Tasmiṃ dhītaraṃ gahetvā āgacchante satthā tena vuttaṭṭhāne aṭṭhatvā tattha padacetiyaṃ dassetvā gantvā aññasmiṃ ṭhāne aṭṭhāsi. Buddhānañhi padacetiyaṃ adhiṭṭhahitvā akkantaṭṭhāneyeva paññāyati, na aññattha. Yesañcatthāya adhiṭṭhitaṃ hoti, teyeva naṃ passanti. Tesaṃ pana adassanakaraṇatthaṃ hatthiādayo vā akkamantu, mahāmegho vā pavassatu, verambhavātā vā paharantu, na taṃ koci makkhetuṃ sakkoti. Atha brāhmaṇī brāhmaṇaṃ āha – ‘‘kuhiṃ so puriso’’ti. ‘‘‘Imasmiṃ ṭhāne tiṭṭhāhī’ti naṃ avacaṃ, kuhiṃ nu kho so gato’’ti ito cito olokento padacetiyaṃ disvā ‘‘ayamassa padavalañjo’’ti āha. Brāhmaṇī salakkhaṇamantānaṃ tiṇṇaṃ vedānaṃ paguṇatāya lakkhaṇamante parivattetvā padalakkhaṇaṃ upadhāretvā, ‘‘nayidaṃ, brāhmaṇa, pañcakāmaguṇasevino pada’’nti vatvā imaṃ gāthamāha –

    ‘‘рад̇д̇асса хи уггудигам̣ бад̣̇ам̣ бхавз,

    ‘‘Rattassa hi ukkuṭikaṃ padaṃ bhave,

    д̣̇удтасса ход̇и сахасаанубийл̣ид̇ам̣;

    Duṭṭhassa hoti sahasānupīḷitaṃ;

    муул̣хасса ход̇и авагад̣дхид̇ам̣ бад̣̇ам̣,

    Mūḷhassa hoti avakaḍḍhitaṃ padaṃ,

    виваддажчад̣̇асса ид̣̇амийд̣̇исам̣ бад̣̇а’’нд̇и. (а. ни. адта. 1.1.260-261; висуд̣̇д̇хи. 1.45);

    Vivaṭṭacchadassa idamīdisaṃ pada’’nti. (a. ni. aṭṭha. 1.1.260-261; visuddhi. 1.45);

    ат̇а нам̣ б̣раахман̣о звамааха – ‘‘бход̇и д̇вам̣ уд̣̇агабаад̇ияам̣ гумбхийлам̣, г̇зхамаж̇жхз жа бана жорам̣ вияа манд̇з бассанасийлаа, д̇ун̣хий хохий’’д̇и. б̣раахман̣а, яам̣ ижчаси, д̇ам̣ вад̣̇зхи, наяид̣̇ам̣ бан̃жагаамаг̇ун̣асзвино бад̣̇анд̇и. д̇ад̇о ид̇о жид̇о жа ологзнд̇о сад̇т̇аарам̣ д̣̇исваа, ‘‘аяам̣ со бурисо’’д̇и вад̇ваа б̣раахман̣о г̇анд̇ваа, ‘‘саман̣а, д̇хийд̇арам̣ мз д̇ава босаабанад̇т̇ааяа д̣̇змий’’д̇и ааха. сад̇т̇аа ‘‘д̇хийд̇араа д̇з маяхам̣ ад̇т̇о ад̇т̇и ваа над̇т̇и ваа’’д̇и авад̇ваава, ‘‘б̣раахман̣а, згам̣ д̇з гааран̣ам̣ гат̇змий’’д̇и вад̇ваа, ‘‘гат̇зхи саман̣аа’’д̇и вуд̇д̇з махаабхинигкаманад̇о бадтааяа яаава аж̇абааланиг̇род̇хамуулаа маарзна ануб̣ад̣̇д̇хабхаавам̣ аж̇абааланиг̇род̇хамуулз жа бана ‘‘ад̇ийд̇о д̣̇аани мз зса висаяа’’нд̇и д̇асса согаад̇урасса согавуубасаманад̇т̇ам̣ ааг̇ад̇аахи маарад̇хийд̇аахи гумааригаван̣н̣аад̣̇ивасзна баяож̇ид̇ам̣ балобханам̣ аажигкид̇ваа, ‘‘д̇ад̣̇ааби маяхам̣ чанд̣̇о наахосий’’д̇и вад̇ваа –

    Atha naṃ brāhmaṇo evamāha – ‘‘bhoti tvaṃ udakapātiyaṃ kumbhīlaṃ, gehamajjhe ca pana coraṃ viya mante passanasīlā, tuṇhī hohī’’ti. Brāhmaṇa, yaṃ icchasi, taṃ vadehi, nayidaṃ pañcakāmaguṇasevino padanti. Tato ito cito ca olokento satthāraṃ disvā, ‘‘ayaṃ so puriso’’ti vatvā brāhmaṇo gantvā, ‘‘samaṇa, dhītaraṃ me tava posāpanatthāya demī’’ti āha. Satthā ‘‘dhītarā te mayhaṃ attho atthi vā natthi vā’’ti avatvāva, ‘‘brāhmaṇa, ekaṃ te kāraṇaṃ kathemī’’ti vatvā, ‘‘kathehi samaṇā’’ti vutte mahābhinikkhamanato paṭṭhāya yāva ajapālanigrodhamūlā mārena anubaddhabhāvaṃ ajapālanigrodhamūle ca pana ‘‘atīto dāni me esa visaya’’nti tassa sokāturassa sokavūpasamanatthaṃ āgatāhi māradhītāhi kumārikavaṇṇādivasena payojitaṃ palobhanaṃ ācikkhitvā, ‘‘tadāpi mayhaṃ chando nāhosī’’ti vatvā –

    ‘‘д̣̇исваана д̇ан̣хам̣ арад̇им̣ раг̇ан̃жа,

    ‘‘Disvāna taṇhaṃ aratiṃ ragañca,

    наахоси чанд̣̇о аби мзт̇унасмим̣;

    Nāhosi chando api methunasmiṃ;

    гимзвид̣̇ам̣ муд̇д̇агарийсабун̣н̣ам̣,

    Kimevidaṃ muttakarīsapuṇṇaṃ,

    баад̣̇ааби нам̣ сампусид̇ум̣ на ижчз’’д̇и. (а. ни. адта. 1.1.260-261; су. ни. 841) –

    Pādāpi naṃ samphusituṃ na icche’’ti. (a. ni. aṭṭha. 1.1.260-261; su. ni. 841) –

    имам̣ г̇аат̇амааха. г̇аат̇аабарияосаанз б̣раахман̣о жа б̣раахман̣ий жа анааг̇аамипалз бад̇идтахим̣су. мааг̇ан̣д̣ияааби ко ‘‘сажасса маяаа ад̇т̇о над̇т̇и, анад̇т̇игабхаавова вад̇д̇аб̣б̣о, аяам̣ бана мам̣ муд̇д̇агарийсабун̣н̣ам̣ гарод̇и, баад̣̇ааби нам̣ сампусид̇ум̣ на ижчзд̇и, ход̇у, ад̇д̇ано ж̇аад̇игулабад̣̇зсабхог̇аяасаваяасамбад̇д̇им̣ ааг̇амма д̇ат̇ааруубам̣ бхад̇д̇аарам̣ лабхид̇ваа саман̣асса г̇од̇амасса гад̇д̇аб̣б̣аяуд̇д̇агам̣ ж̇ааниссаамий’’д̇и сад̇т̇ари аагхаад̇ам̣ б̣анд̇хи. ‘‘гим̣ бана сад̇т̇аа д̇ааяа ад̇д̇ани аагхаад̇уббад̇д̇им̣ ж̇аанаад̇и, но’’д̇и? ‘‘ж̇аанаад̇иязва. ж̇аананд̇о гасмаа г̇аат̇амаахаа’’д̇и? ид̇арзсам̣ д̣̇виннам̣ васзна. б̣уд̣̇д̇хаа хи аагхаад̇ам̣ аг̇ан̣зд̇ваа маг̇г̇апалаад̇хиг̇амаарахаанам̣ васзна д̇хаммам̣ д̣̇зсзнд̇иязва. маад̇аабид̇аро д̇ам̣ нзд̇ваа жуул̣амааг̇ан̣д̣ияам̣ ганидтам̣ бадижчаабзд̇ваа баб̣б̣аж̇ид̇ваа арахад̇д̇ам̣ баабун̣им̣су. жуул̣амааг̇ан̣д̣ияоби жинд̇зси – ‘‘мама д̇хийд̇аа омагасад̇д̇асса на анужчавигаа, згасса ран̃н̃ова анужчавигаа’’д̇и. д̇ам̣ аад̣̇ааяа госамб̣им̣ г̇анд̇ваа саб̣б̣аалан̇гаарзхи алан̇гарид̇ваа, ‘‘имам̣ ид̇т̇ирад̇анам̣ д̣̇звасса анужчавига’’нд̇и уд̇знасса ран̃н̃о ад̣̇ааси. со д̇ам̣ д̣̇исваава уббаннаб̣алавасинзхо абхисзгам̣ гад̇ваа бан̃жасад̇амаад̇уг̇аамабариваарам̣ д̣̇ад̇ваа аг̇г̇амахзсидтаанз табзси. аяам̣ мааг̇ан̣д̣ияааяа уббад̇д̇и.

    Imaṃ gāthamāha. Gāthāpariyosāne brāhmaṇo ca brāhmaṇī ca anāgāmiphale patiṭṭhahiṃsu. Māgaṇḍiyāpi kho ‘‘sacassa mayā attho natthi, anatthikabhāvova vattabbo, ayaṃ pana maṃ muttakarīsapuṇṇaṃ karoti, pādāpi naṃ samphusituṃ na iccheti, hotu, attano jātikulapadesabhogayasavayasampattiṃ āgamma tathārūpaṃ bhattāraṃ labhitvā samaṇassa gotamassa kattabbayuttakaṃ jānissāmī’’ti satthari āghātaṃ bandhi. ‘‘Kiṃ pana satthā tāya attani āghātuppattiṃ jānāti, no’’ti? ‘‘Jānātiyeva. Jānanto kasmā gāthamāhā’’ti? Itaresaṃ dvinnaṃ vasena. Buddhā hi āghātaṃ agaṇetvā maggaphalādhigamārahānaṃ vasena dhammaṃ desentiyeva. Mātāpitaro taṃ netvā cūḷamāgaṇḍiyaṃ kaniṭṭhaṃ paṭicchāpetvā pabbajitvā arahattaṃ pāpuṇiṃsu. Cūḷamāgaṇḍiyopi cintesi – ‘‘mama dhītā omakasattassa na anucchavikā, ekassa raññova anucchavikā’’ti. Taṃ ādāya kosambiṃ gantvā sabbālaṅkārehi alaṅkaritvā, ‘‘imaṃ itthiratanaṃ devassa anucchavika’’nti utenassa rañño adāsi. So taṃ disvāva uppannabalavasineho abhisekaṃ katvā pañcasatamātugāmaparivāraṃ datvā aggamahesiṭṭhāne ṭhapesi. Ayaṃ māgaṇḍiyāya uppatti.

    звамасса д̣̇ияад̣дхасахассанаадагид̇т̇ибариваараа д̇иссо аг̇г̇амахзсияо ахзсум̣. д̇асмим̣ ко бана самаяз гхосагасздти гуггудасздти баавааригасздтийд̇и госамб̣ияам̣ д̇аяо сздтино хонд̇и. д̇з убагадтааяа вассуубанааяигааяа бан̃жасад̇ад̇аабасз химаванд̇ад̇о ааг̇анд̇ваа наг̇арз бхигкааяа жаранд̇з д̣̇исваа басийд̣̇ид̇ваа нисийд̣̇аабзд̇ваа бхож̇зд̇ваа бадин̃н̃ам̣ г̇ахзд̇ваа жад̇д̇ааро маасз ад̇д̇ано санд̇игз васаабзд̇ваа буна вассаарад̇д̇з ааг̇аманад̇т̇ааяа бадиж̇аанаабзд̇ваа уяяож̇зсум̣. д̇аабасааби д̇ад̇о бадтааяа адта маасз химаванд̇з васид̇ваа жад̇д̇ааро маасз д̇зсам̣ санд̇игз васим̣су. д̇з абарабхааг̇з химаванд̇ад̇о ааг̇ажчанд̇аа аран̃н̃ааяад̇анз згам̣ махааниг̇род̇хам̣ д̣̇исваа д̇асса муулз нисийд̣̇им̣су. д̇зсу ж̇здтагад̇аабасо жинд̇зси – ‘‘имасмим̣ ругкз ад̇хивад̇т̇аа д̣̇звад̇аа орамад̇д̇игаа на бхависсад̇и, махзсагкзнзвзд̇т̇а д̣̇зварааж̇зна бхавид̇аб̣б̣ам̣ , саад̇ху вад̇а сажааяам̣ исиг̇ан̣асса баанийяам̣ д̣̇ад̣̇зяяаа’’д̇и. соби баанийяам̣ ад̣̇ааси. д̇аабасо нхаанод̣̇агам̣ жинд̇зси, д̇амби ад̣̇ааси. д̇ад̇о бхож̇анам̣ жинд̇зси, д̇амби ад̣̇ааси. ат̇асса зд̇ад̣̇ахоси – ‘‘аяам̣ д̣̇зварааж̇аа амхзхи жинд̇ид̇ам̣ жинд̇ид̇ам̣ саб̣б̣ам̣ д̣̇зд̇и, ахо вад̇а нам̣ бассзяяаамаа’’д̇и. со ругкагканд̇хам̣ бад̣̇аалзд̇ваа ад̇д̇аанам̣ д̣̇ассзси. ат̇а нам̣ д̇аабасаа, ‘‘д̣̇зварааж̇а, махад̇ий д̇з самбад̇д̇и, гим̣ ну ко гад̇ваа аяам̣ д̇з лад̣̇д̇хаа’’д̇и бужчим̣су. ‘‘маа бужчат̇а, аяяаа’’д̇и. ‘‘аажигка, д̣̇зварааж̇аа’’д̇и. со ад̇д̇анаа гад̇агаммасса барид̇д̇агад̇д̇аа лаж̇ж̇амаано гат̇зд̇ум̣ на висахи. д̇зхи бунаббунам̣ ниббийл̣ияамаано бана ‘‘д̇зна хи сун̣аат̇аа’’д̇и вад̇ваа гат̇зси.

    Evamassa diyaḍḍhasahassanāṭakitthiparivārā tisso aggamahesiyo ahesuṃ. Tasmiṃ kho pana samaye ghosakaseṭṭhi kukkuṭaseṭṭhi pāvārikaseṭṭhīti kosambiyaṃ tayo seṭṭhino honti. Te upakaṭṭhāya vassūpanāyikāya pañcasatatāpase himavantato āgantvā nagare bhikkhāya carante disvā pasīditvā nisīdāpetvā bhojetvā paṭiññaṃ gahetvā cattāro māse attano santike vasāpetvā puna vassāratte āgamanatthāya paṭijānāpetvā uyyojesuṃ. Tāpasāpi tato paṭṭhāya aṭṭha māse himavante vasitvā cattāro māse tesaṃ santike vasiṃsu. Te aparabhāge himavantato āgacchantā araññāyatane ekaṃ mahānigrodhaṃ disvā tassa mūle nisīdiṃsu. Tesu jeṭṭhakatāpaso cintesi – ‘‘imasmiṃ rukkhe adhivatthā devatā oramattikā na bhavissati, mahesakkhenevettha devarājena bhavitabbaṃ , sādhu vata sacāyaṃ isigaṇassa pānīyaṃ dadeyyā’’ti. Sopi pānīyaṃ adāsi. Tāpaso nhānodakaṃ cintesi, tampi adāsi. Tato bhojanaṃ cintesi, tampi adāsi. Athassa etadahosi – ‘‘ayaṃ devarājā amhehi cintitaṃ cintitaṃ sabbaṃ deti, aho vata naṃ passeyyāmā’’ti. So rukkhakkhandhaṃ padāletvā attānaṃ dassesi. Atha naṃ tāpasā, ‘‘devarāja, mahatī te sampatti, kiṃ nu kho katvā ayaṃ te laddhā’’ti pucchiṃsu. ‘‘Mā pucchatha, ayyā’’ti. ‘‘Ācikkha, devarājā’’ti. So attanā katakammassa parittakattā lajjamāno kathetuṃ na visahi. Tehi punappunaṃ nippīḷiyamāno pana ‘‘tena hi suṇāthā’’ti vatvā kathesi.

    со гирзго д̣̇уг̇г̇ад̇амануссо худ̇ваа бхад̇им̣ бариязсанд̇о анаат̇абин̣д̣игасса санд̇игз бхад̇игаммам̣ лабхид̇ваа д̇ам̣ ниссааяа ж̇ийвигам̣ габбзси. ат̇згасмим̣ убосат̇ад̣̇ивасз самбад̇д̇з анаат̇абин̣д̣иго вихаарад̇о ааг̇анд̇ваа бужчи – ‘‘д̇асса бхад̇игасса аж̇ж̇убосат̇ад̣̇ивасабхааво гзнажи гат̇ид̇о’’д̇и? ‘‘на гат̇ид̇о, саамий’’д̇и. ‘‘д̇зна хисса сааяамаасам̣ бажат̇аа’’д̇и. ат̇асса бад̇т̇од̣̇анам̣ бажим̣су. со д̣̇ивасам̣ аран̃н̃з гаммам̣ гад̇ваа сааяам̣ ааг̇анд̇ваа бхад̇д̇з вад̣дхзд̇ваа д̣̇иннз ‘‘чаад̇омхий’’д̇и сахасаа абхун̃ж̇ид̇ваава ‘‘ан̃н̃зсу д̣̇ивасзсу имасмим̣ г̇зхз ‘бхад̇д̇ам̣ д̣̇зт̇а, суубам̣ д̣̇зт̇а, б̣яан̃ж̇анам̣ д̣̇зт̇аа’д̇и махааголаахалам̣ ахоси, аж̇ж̇а д̇з саб̣б̣з ниссад̣̇д̣̇аа нибаж̇ж̇им̣су, маяхамзва згассаахаарам̣ вад̣дхаяим̣су, гим̣ ну ко зд̇а’’нд̇и жинд̇зд̇ваа бужчи – ‘‘авасзсаа бхун̃ж̇им̣су, на бхун̃ж̇им̣суу’’д̇и? ‘‘на бхун̃ж̇им̣су, д̇аад̇аа’’д̇и. ‘‘гим̣ гааран̣аа’’д̇и? имасмим̣ г̇зхз убосат̇ад̣̇ивасзсу сааяамаасам̣ на бхун̃ж̇анд̇и, саб̣б̣зва убосат̇игаа хонд̇и. анд̇амасо т̇анабааяиноби д̣̇аарагз мукам̣ вигкаалаабзд̇ваа жад̇умад̇хурам̣ мукз багкибаабзд̇ваа махаасздти убосат̇игз гаарзд̇и. г̇анд̇хад̇злаббад̣̇ийбз ж̇ааланд̇з куд̣̇д̣̇агамахаллагад̣̇аарагаа саяанаг̇ад̇аа д̣̇вад̇д̇им̣саагаарам̣ саж̇жхааяанд̇и. д̇уяхам̣ бана убосат̇ад̣̇ивасабхаавам̣ гат̇зд̇ум̣ сад̇им̣ на гаримхаа. д̇асмаа д̇авзва бхад̇д̇ам̣ баггам̣, нам̣ бхун̃ж̇ассууд̇и. сажз ид̣̇аани убосат̇игзна бхавид̇ум̣ ваддад̇и, ахамби бхавзяяанд̇и. ‘‘ид̣̇ам̣ сздти ж̇аанаад̇ий’’д̇и. ‘‘д̇зна хи нам̣ бужчат̇аа’’д̇и. д̇з г̇анд̇ваа сздтим̣ бужчим̣су. со звамааха – ‘‘ид̣̇аани бана абхун̃ж̇ид̇ваа мукам̣ вигкаалзд̇ваа убосат̇ан̇г̇аани ад̇хидтаханд̇о убад̣дхам̣ убосат̇агаммам̣ лабхиссад̇ий’’д̇и. ид̇аро д̇ам̣ суд̇ваа д̇ат̇аа агааси.

    So kireko duggatamanusso hutvā bhatiṃ pariyesanto anāthapiṇḍikassa santike bhatikammaṃ labhitvā taṃ nissāya jīvikaṃ kappesi. Athekasmiṃ uposathadivase sampatte anāthapiṇḍiko vihārato āgantvā pucchi – ‘‘tassa bhatikassa ajjuposathadivasabhāvo kenaci kathito’’ti? ‘‘Na kathito, sāmī’’ti. ‘‘Tena hissa sāyamāsaṃ pacathā’’ti. Athassa patthodanaṃ paciṃsu. So divasaṃ araññe kammaṃ katvā sāyaṃ āgantvā bhatte vaḍḍhetvā dinne ‘‘chātomhī’’ti sahasā abhuñjitvāva ‘‘aññesu divasesu imasmiṃ gehe ‘bhattaṃ detha, sūpaṃ detha, byañjanaṃ dethā’ti mahākolāhalaṃ ahosi, ajja te sabbe nissaddā nipajjiṃsu, mayhameva ekassāhāraṃ vaḍḍhayiṃsu, kiṃ nu kho eta’’nti cintetvā pucchi – ‘‘avasesā bhuñjiṃsu, na bhuñjiṃsū’’ti? ‘‘Na bhuñjiṃsu, tātā’’ti. ‘‘Kiṃ kāraṇā’’ti? Imasmiṃ gehe uposathadivasesu sāyamāsaṃ na bhuñjanti, sabbeva uposathikā honti. Antamaso thanapāyinopi dārake mukhaṃ vikkhālāpetvā catumadhuraṃ mukhe pakkhipāpetvā mahāseṭṭhi uposathike kāreti. Gandhatelappadīpe jālante khuddakamahallakadārakā sayanagatā dvattiṃsākāraṃ sajjhāyanti. Tuyhaṃ pana uposathadivasabhāvaṃ kathetuṃ satiṃ na karimhā. Tasmā taveva bhattaṃ pakkaṃ, naṃ bhuñjassūti. Sace idāni uposathikena bhavituṃ vaṭṭati, ahampi bhaveyyanti. ‘‘Idaṃ seṭṭhi jānātī’’ti. ‘‘Tena hi naṃ pucchathā’’ti. Te gantvā seṭṭhiṃ pucchiṃsu. So evamāha – ‘‘idāni pana abhuñjitvā mukhaṃ vikkhāletvā uposathaṅgāni adhiṭṭhahanto upaḍḍhaṃ uposathakammaṃ labhissatī’’ti. Itaro taṃ sutvā tathā akāsi.

    д̇асса сагалад̣̇ивасам̣ гаммам̣ гад̇ваа чаад̇асса сарийрз ваад̇аа губбим̣су. со яод̇д̇зна урам̣ б̣анд̇хид̇ваа яод̇д̇агодияам̣ г̇ахзд̇ваа баривад̇д̇ад̇и. сздти д̇ам̣ бавад̇д̇им̣ суд̇ваа уггаахи д̇хаарияамаанаахи жад̇умад̇хурам̣ г̇аахаабзд̇ваа д̇асса санд̇игам̣ ааг̇анд̇ваа, ‘‘гим̣, д̇аад̇аа’’д̇и бужчи. ‘‘саами, ваад̇аа мз губбид̇аа’’д̇и. ‘‘д̇зна хи удтааяа ид̣̇ам̣ бхзсаж̇ж̇ам̣ каад̣̇аахий’’д̇и. ‘‘д̇умхзби каад̣̇ат̇а, саамий’’д̇и. ‘‘амхаагам̣ апаасугам̣ над̇т̇и, д̇вам̣ каад̣̇аахий’’д̇и. ‘‘саами, ахам̣ убосат̇агаммам̣ гаронд̇о сагалам̣ гаад̇ум̣ наасагким̣, убад̣дхагаммамби мз вигалам̣ маа ахосий’’д̇и на ижчи. ‘‘маа звам̣ гари, д̇аад̇аа’’д̇и вужжамааноби анижчид̇ваа арун̣з удтаханд̇з милаад̇амаалаа вияа гаалам̣ гад̇ваа д̇асмим̣ ниг̇род̇харугкз д̣̇звад̇аа худ̇ваа ниб̣б̣ад̇д̇и. д̇асмаа имамад̇т̇ам̣ гат̇зд̇ваа ‘‘со сздти б̣уд̣̇д̇хамаамаго, д̇хаммамаамаго, сан̇гхамаамаго, д̇ам̣ ниссааяа гад̇асса убад̣дхубосат̇агаммасса ниссанд̣̇знзсаа самбад̇д̇и маяаа лад̣̇д̇хаа’’д̇и ааха.

    Tassa sakaladivasaṃ kammaṃ katvā chātassa sarīre vātā kuppiṃsu. So yottena uraṃ bandhitvā yottakoṭiyaṃ gahetvā parivattati. Seṭṭhi taṃ pavattiṃ sutvā ukkāhi dhāriyamānāhi catumadhuraṃ gāhāpetvā tassa santikaṃ āgantvā, ‘‘kiṃ, tātā’’ti pucchi. ‘‘Sāmi, vātā me kuppitā’’ti. ‘‘Tena hi uṭṭhāya idaṃ bhesajjaṃ khādāhī’’ti. ‘‘Tumhepi khādatha, sāmī’’ti. ‘‘Amhākaṃ aphāsukaṃ natthi, tvaṃ khādāhī’’ti. ‘‘Sāmi, ahaṃ uposathakammaṃ karonto sakalaṃ kātuṃ nāsakkhiṃ, upaḍḍhakammampi me vikalaṃ mā ahosī’’ti na icchi. ‘‘Mā evaṃ kari, tātā’’ti vuccamānopi anicchitvā aruṇe uṭṭhahante milātamālā viya kālaṃ katvā tasmiṃ nigrodharukkhe devatā hutvā nibbatti. Tasmā imamatthaṃ kathetvā ‘‘so seṭṭhi buddhamāmako, dhammamāmako, saṅghamāmako, taṃ nissāya katassa upaḍḍhuposathakammassa nissandenesā sampatti mayā laddhā’’ti āha.

    ‘‘б̣уд̣̇д̇хо’’д̇и важанам̣ суд̇ваава бан̃жасад̇аа д̇аабасаа удтааяа д̣̇звад̇ааяа ан̃ж̇алим̣ баг̇г̇аяха ‘‘б̣уд̣̇д̇ход̇и вад̣̇зси, б̣уд̣̇д̇ход̇и вад̣̇зсий’’д̇и бужчид̇ваа, ‘‘б̣уд̣̇д̇ход̇и вад̣̇аами, б̣уд̣̇д̇ход̇и вад̣̇аамий’’д̇и д̇игкад̇д̇ум̣ бадиж̇аанаабзд̇ваа ‘‘гхособи ко зсо д̣̇уллабхо логасми’’нд̇и уд̣̇аанам̣ уд̣̇аанзд̇ваа ‘‘д̣̇звад̇з анзгзсу габбасад̇асахассзсу асуд̇абуб̣б̣ам̣ сад̣̇д̣̇ам̣ д̇аяаа сун̣аабид̇амхаа’’д̇и аахам̣су. ат̇а анд̇зваасино аажарияам̣ зд̇ад̣̇авожум̣ – ‘‘д̇зна хи сад̇т̇у санд̇игам̣ г̇ажчаамаа’’д̇и. ‘‘д̇аад̇аа, д̇аяо сздтино амхаагам̣ б̣ахуубагаараа, свз д̇зсам̣ нивзсанз бхигкам̣ г̇ан̣хид̇ваа д̇зсамби аажигкид̇ваа г̇амиссаама, ад̇хиваасзт̇а, д̇аад̇аа’’д̇и. д̇з ад̇хиваасаяим̣су. бунад̣̇ивасз сздтино яааг̇убхад̇д̇ам̣ самбаад̣̇зд̇ваа аасанаани бан̃н̃аабзд̇ваа ‘‘аж̇ж̇а но аяяаанам̣ ааг̇аманад̣̇ивасо’’д̇и н̃ад̇ваа бажжуг̇г̇аманам̣ гад̇ваа д̇з аад̣̇ааяа нивзсанам̣ г̇анд̇ваа нисийд̣̇аабзд̇ваа бхигкам̣ ад̣̇ам̣су. д̇з гад̇абхад̇д̇агижжаа махаасздтино ‘‘маяам̣ г̇амиссаамаа’’д̇и вад̣̇им̣су. ‘‘нану, бханд̇з, д̇умхзхи жад̇д̇ааро вассигз маасз амхаагам̣ г̇ахид̇аава бадин̃н̃аа, ид̣̇аани гухим̣ г̇ажчат̇аа’’д̇и? ‘‘логз гира б̣уд̣̇д̇хо уббанно, д̇хаммо уббанно, сан̇гхо уббанно, д̇асмаа сад̇т̇у санд̇игам̣ г̇амиссаамаа’’д̇и. ‘‘гим̣ бана д̇асса сад̇т̇уно санд̇игам̣ д̇умхааган̃н̃зва г̇анд̇ум̣ ваддад̇ий’’д̇и? ‘‘ан̃н̃зсамби аваарид̇ам̣, аавусо’’д̇и. ‘‘д̇зна хи, бханд̇з, ааг̇амзт̇а, маяамби г̇аманабариважчам̣ гад̇ваа г̇ажчаамаа’’д̇и. ‘‘д̇умхзсу бариважчам̣ гаронд̇зсу амхаагам̣ бабан̃жо ход̇и, маяам̣ бурад̇о г̇ажчаама, д̇умхз бажчаа ааг̇ажчзяяаат̇аа’’д̇и вад̇ваа д̇з бурзд̇арам̣ г̇анд̇ваа саммаасамб̣уд̣̇д̇хам̣ д̣̇исваа абхид̇т̇авид̇ваа ванд̣̇ид̇ваа згаманд̇ам̣ нисийд̣̇им̣су. ат̇а нзсам̣ сад̇т̇аа анубуб̣б̣им̣ гат̇ам̣ гат̇зд̇ваа д̇хаммам̣ д̣̇зсзси. д̣̇зсанаабарияосаанз саб̣б̣зби саха бадисамбхид̣̇аахи арахад̇д̇ам̣ бад̇ваа баб̣б̣аж̇ж̇ам̣ яаажид̇ваа ‘‘зт̇а, бхигкаво’’д̇и важанасамананд̇арам̣язва ид̣̇д̇химаяабад̇д̇ажийварад̇хараа зхибхигкуу ахзсум̣.

    ‘‘Buddho’’ti vacanaṃ sutvāva pañcasatā tāpasā uṭṭhāya devatāya añjaliṃ paggayha ‘‘buddhoti vadesi, buddhoti vadesī’’ti pucchitvā, ‘‘buddhoti vadāmi, buddhoti vadāmī’’ti tikkhattuṃ paṭijānāpetvā ‘‘ghosopi kho eso dullabho lokasmi’’nti udānaṃ udānetvā ‘‘devate anekesu kappasatasahassesu asutapubbaṃ saddaṃ tayā suṇāpitamhā’’ti āhaṃsu. Atha antevāsino ācariyaṃ etadavocuṃ – ‘‘tena hi satthu santikaṃ gacchāmā’’ti. ‘‘Tātā, tayo seṭṭhino amhākaṃ bahūpakārā, sve tesaṃ nivesane bhikkhaṃ gaṇhitvā tesampi ācikkhitvā gamissāma, adhivāsetha, tātā’’ti. Te adhivāsayiṃsu. Punadivase seṭṭhino yāgubhattaṃ sampādetvā āsanāni paññāpetvā ‘‘ajja no ayyānaṃ āgamanadivaso’’ti ñatvā paccuggamanaṃ katvā te ādāya nivesanaṃ gantvā nisīdāpetvā bhikkhaṃ adaṃsu. Te katabhattakiccā mahāseṭṭhino ‘‘mayaṃ gamissāmā’’ti vadiṃsu. ‘‘Nanu, bhante, tumhehi cattāro vassike māse amhākaṃ gahitāva paṭiññā, idāni kuhiṃ gacchathā’’ti? ‘‘Loke kira buddho uppanno, dhammo uppanno, saṅgho uppanno, tasmā satthu santikaṃ gamissāmā’’ti. ‘‘Kiṃ pana tassa satthuno santikaṃ tumhākaññeva gantuṃ vaṭṭatī’’ti? ‘‘Aññesampi avāritaṃ, āvuso’’ti. ‘‘Tena hi, bhante, āgametha, mayampi gamanaparivacchaṃ katvā gacchāmā’’ti. ‘‘Tumhesu parivacchaṃ karontesu amhākaṃ papañco hoti, mayaṃ purato gacchāma, tumhe pacchā āgaccheyyāthā’’ti vatvā te puretaraṃ gantvā sammāsambuddhaṃ disvā abhitthavitvā vanditvā ekamantaṃ nisīdiṃsu. Atha nesaṃ satthā anupubbiṃ kathaṃ kathetvā dhammaṃ desesi. Desanāpariyosāne sabbepi saha paṭisambhidāhi arahattaṃ patvā pabbajjaṃ yācitvā ‘‘etha, bhikkhavo’’ti vacanasamanantaraṃyeva iddhimayapattacīvaradharā ehibhikkhū ahesuṃ.

    д̇зби ко д̇аяо сздтино бан̃жахи бан̃жахи сагадасад̇зхи бхад̇д̇ажчаад̣̇анасаббимад̇хупаан̣ид̇аад̣̇ийни д̣̇аануубагаран̣аани аад̣̇ааяа саавад̇т̇им̣ бад̇ваа сад̇т̇аарам̣ ванд̣̇ид̇ваа д̇хаммагат̇ам̣ суд̇ваа гат̇аабарияосаанз сод̇аабад̇д̇ипалз бад̇идтааяа ад̣̇д̇хамаасамад̇д̇амби д̣̇аанам̣ д̣̇ад̣̇амаанаа сад̇т̇у санд̇игз васид̇ваа госамб̣им̣ ааг̇аманад̇т̇ааяа сад̇т̇аарам̣ яаажид̇ваа сад̇т̇аараа бадин̃н̃ам̣ д̣̇ад̣̇анд̇зна ‘‘сун̃н̃ааг̇аарз ко г̇ахабад̇аяо д̇ат̇ааг̇ад̇аа абхираманд̇ий’’д̇и вуд̇д̇з, ‘‘ан̃н̃аад̇ам̣, бханд̇з, амхзхи бахид̇асаасанзна ааг̇анд̇ум̣ ваддад̇ий’’д̇и вад̇ваа госамб̣им̣ г̇анд̇ваа гхосагасздти гхосид̇аараамам̣, гуггудасздти гуггудаараамам̣, баавааригасздти баавааригаарааманд̇и д̇аяо махаавихаарз гаарзд̇ваа сад̇т̇у ааг̇аманад̇т̇ааяа саасанам̣ бахин̣им̣су. сад̇т̇аа д̇зсам̣ саасанам̣ суд̇ваа д̇ад̇т̇а аг̇амааси. д̇з бажжуг̇г̇анд̇ваа сад̇т̇аарам̣ вихаарам̣ бавзсзд̇ваа ваарзна ваарзна бадиж̇аг̇г̇анд̇и. сад̇т̇аа д̣̇звасигам̣ згзгасмим̣ вихаарз васад̇и. яасса вихаарз вудто ход̇и, д̇ассзва гхарад̣̇ваарз бин̣д̣ааяа жарад̇и. д̇зсам̣ бана д̇ин̣н̣ам̣ сздтийнам̣ убадтааго сумано наама маалаагааро ахоси. со д̇з сздтино звамааха – ‘‘ахам̣ д̇умхаагам̣ д̣̇ийгхарад̇д̇ам̣ убагаараго, сад̇т̇аарам̣ бхож̇зд̇угаамомхи, маяхамби згад̣̇ивасам̣ сад̇т̇аарам̣ д̣̇зт̇аа’’д̇и. ‘‘д̇зна хи бхан̣з свз бхож̇зхий’’д̇и. ‘‘саад̇ху, саамий’’д̇и со сад̇т̇аарам̣ ниманд̇зд̇ваа саггаарам̣ бадияаад̣̇зси.

    Tepi kho tayo seṭṭhino pañcahi pañcahi sakaṭasatehi bhattacchādanasappimadhuphāṇitādīni dānūpakaraṇāni ādāya sāvatthiṃ patvā satthāraṃ vanditvā dhammakathaṃ sutvā kathāpariyosāne sotāpattiphale patiṭṭhāya addhamāsamattampi dānaṃ dadamānā satthu santike vasitvā kosambiṃ āgamanatthāya satthāraṃ yācitvā satthārā paṭiññaṃ dadantena ‘‘suññāgāre kho gahapatayo tathāgatā abhiramantī’’ti vutte, ‘‘aññātaṃ, bhante, amhehi pahitasāsanena āgantuṃ vaṭṭatī’’ti vatvā kosambiṃ gantvā ghosakaseṭṭhi ghositārāmaṃ, kukkuṭaseṭṭhi kukkuṭārāmaṃ, pāvārikaseṭṭhi pāvārikārāmanti tayo mahāvihāre kāretvā satthu āgamanatthāya sāsanaṃ pahiṇiṃsu. Satthā tesaṃ sāsanaṃ sutvā tattha agamāsi. Te paccuggantvā satthāraṃ vihāraṃ pavesetvā vārena vārena paṭijagganti. Satthā devasikaṃ ekekasmiṃ vihāre vasati. Yassa vihāre vuṭṭho hoti, tasseva gharadvāre piṇḍāya carati. Tesaṃ pana tiṇṇaṃ seṭṭhīnaṃ upaṭṭhāko sumano nāma mālākāro ahosi. So te seṭṭhino evamāha – ‘‘ahaṃ tumhākaṃ dīgharattaṃ upakārako, satthāraṃ bhojetukāmomhi, mayhampi ekadivasaṃ satthāraṃ dethā’’ti. ‘‘Tena hi bhaṇe sve bhojehī’’ti. ‘‘Sādhu, sāmī’’ti so satthāraṃ nimantetvā sakkāraṃ paṭiyādesi.

    д̇ад̣̇аа рааж̇аа саамаавад̇ияаа д̣̇звасигам̣ бубпамуулз адта гахаабан̣з д̣̇зд̇и. д̇ассаа куж̇ж̇уд̇д̇араа наама д̣̇аасий суманамаалаагаарасса санд̇игам̣ г̇анд̇ваа ниб̣ад̣̇д̇хам̣ бубпаани г̇ан̣хаад̇и. ат̇а нам̣ д̇асмим̣ д̣̇ивасз ааг̇ад̇ам̣ маалаагааро ааха – ‘‘маяаа сад̇т̇аа ниманд̇ид̇о, аж̇ж̇а бубпзхи сад̇т̇аарам̣ бууж̇зссаами, д̇идта д̇аава, д̇вам̣ баривзсанааяа сахааяигаа худ̇ваа д̇хаммам̣ суд̇ваа авасзсаани бубпаани г̇ахзд̇ваа г̇амиссасий’’д̇и . саа ‘‘саад̇хуу’’д̇и ад̇хиваасзси. сумано б̣уд̣̇д̇хаббамукам̣ бхигкусан̇гхам̣ баривисид̇ваа анумод̣̇анагаран̣ад̇т̇ааяа бад̇д̇ам̣ аг̇г̇ахзси. сад̇т̇аа анумод̣̇анад̇хаммад̣̇зсанам̣ аарабхи. куж̇ж̇уд̇д̇арааби сад̇т̇у д̇хаммагат̇ам̣ сун̣анд̇ийязва сод̇аабад̇д̇ипалз бад̇идтахи. саа ан̃н̃зсу д̣̇ивасзсу жад̇д̇ааро гахаабан̣з ад̇д̇ано г̇ахзд̇ваа жад̇уухи бубпаани г̇ахзд̇ваа г̇ажчад̇и, д̇ам̣ д̣̇ивасам̣ адтахиби бубпаани г̇ахзд̇ваа г̇ад̇аа. ат̇а нам̣ саамаавад̇ий ааха – ‘‘гим̣ ну ко, амма, аж̇ж̇а амхаагам̣ ран̃н̃аа д̣̇виг̇ун̣ам̣ бубпамуулам̣ д̣̇инна’’нд̇и? ‘‘но, аяяз’’д̇и. ‘‘ат̇а гасмаа б̣ахууни бубпааний’’д̇и? ‘‘ан̃н̃зсу д̣̇ивасзсу ахам̣ жад̇д̇ааро гахаабан̣з ад̇д̇ано г̇ахзд̇ваа жад̇уухи бубпаани аахараамий’’д̇и. ‘‘аж̇ж̇а гасмаа на г̇ан̣хий’’д̇и? ‘‘саммаасамб̣уд̣̇д̇хасса д̇хаммагат̇ам̣ суд̇ваа д̇хаммасса ад̇хиг̇ад̇ад̇д̇аа’’д̇и. ат̇а нам̣ ‘‘арз, д̣̇удтад̣̇ааси зд̇д̇агам̣ гаалам̣ д̇аяаа г̇ахид̇агахаабан̣з мз д̣̇зхий’’д̇и ад̇аж̇ж̇зд̇ваа, ‘‘амма, д̇аяаа бивид̇ам̣ амад̇ам̣ амхзби бааязхий’’д̇и вад̇ваа ‘‘д̇зна хи мам̣ нхаабзхий’’д̇и вуд̇д̇з сол̣асахи г̇анд̇ход̣̇агагхадзхи нхаабзд̇ваа д̣̇вз мадтасаадагз д̣̇аабзси. саа згам̣ ниваасзд̇ваа згам̣ згам̣сам̣ баарубид̇ваа аасанам̣ бан̃н̃аабзд̇ваа згам̣ б̣ийж̇аним̣ аахараабзд̇ваа аасанз нисийд̣̇ид̇ваа жид̇раб̣ийж̇аним̣ аад̣̇ааяа бан̃жа маад̇уг̇аамасад̇аани ааманд̇зд̇ваа д̇аасам̣ сад̇т̇аараа д̣̇зсид̇анияаамзнзва д̇хаммам̣ д̣̇зсзси. д̇ассаа д̇хаммагат̇ам̣ суд̇ваа д̇аа саб̣б̣ааби сод̇аабад̇д̇ипалз бад̇идтахим̣су.

    Tadā rājā sāmāvatiyā devasikaṃ pupphamūle aṭṭha kahāpaṇe deti. Tassā khujjuttarā nāma dāsī sumanamālākārassa santikaṃ gantvā nibaddhaṃ pupphāni gaṇhāti. Atha naṃ tasmiṃ divase āgataṃ mālākāro āha – ‘‘mayā satthā nimantito, ajja pupphehi satthāraṃ pūjessāmi, tiṭṭha tāva, tvaṃ parivesanāya sahāyikā hutvā dhammaṃ sutvā avasesāni pupphāni gahetvā gamissasī’’ti . Sā ‘‘sādhū’’ti adhivāsesi. Sumano buddhappamukhaṃ bhikkhusaṅghaṃ parivisitvā anumodanakaraṇatthāya pattaṃ aggahesi. Satthā anumodanadhammadesanaṃ ārabhi. Khujjuttarāpi satthu dhammakathaṃ suṇantīyeva sotāpattiphale patiṭṭhahi. Sā aññesu divasesu cattāro kahāpaṇe attano gahetvā catūhi pupphāni gahetvā gacchati, taṃ divasaṃ aṭṭhahipi pupphāni gahetvā gatā. Atha naṃ sāmāvatī āha – ‘‘kiṃ nu kho, amma, ajja amhākaṃ raññā dviguṇaṃ pupphamūlaṃ dinna’’nti? ‘‘No, ayye’’ti. ‘‘Atha kasmā bahūni pupphānī’’ti? ‘‘Aññesu divasesu ahaṃ cattāro kahāpaṇe attano gahetvā catūhi pupphāni āharāmī’’ti. ‘‘Ajja kasmā na gaṇhī’’ti? ‘‘Sammāsambuddhassa dhammakathaṃ sutvā dhammassa adhigatattā’’ti. Atha naṃ ‘‘are, duṭṭhadāsi ettakaṃ kālaṃ tayā gahitakahāpaṇe me dehī’’ti atajjetvā, ‘‘amma, tayā pivitaṃ amataṃ amhepi pāyehī’’ti vatvā ‘‘tena hi maṃ nhāpehī’’ti vutte soḷasahi gandhodakaghaṭehi nhāpetvā dve maṭṭhasāṭake dāpesi. Sā ekaṃ nivāsetvā ekaṃ ekaṃsaṃ pārupitvā āsanaṃ paññāpetvā ekaṃ bījaniṃ āharāpetvā āsane nisīditvā citrabījaniṃ ādāya pañca mātugāmasatāni āmantetvā tāsaṃ satthārā desitaniyāmeneva dhammaṃ desesi. Tassā dhammakathaṃ sutvā tā sabbāpi sotāpattiphale patiṭṭhahiṃsu.

    д̇аа саб̣б̣ааби куж̇ж̇уд̇д̇арам̣ ванд̣̇ид̇ваа, ‘‘амма , аж̇ж̇ад̇о бадтааяа д̇вам̣ гилидтагаммам̣ маа гари, амхаагам̣ маад̇удтаанз жа аажарияадтаанз жа тад̇ваа сад̇т̇у санд̇игам̣ г̇анд̇ваа сад̇т̇аараа д̣̇зсид̇ам̣ д̇хаммам̣ суд̇ваа амхаагам̣ гат̇зхий’’д̇и вад̣̇им̣су. саа д̇ат̇аа гаронд̇ий абарабхааг̇з д̇ибидагад̇хараа ж̇аад̇аа. ат̇а нам̣ сад̇т̇аа ‘‘зд̇ад̣̇аг̇г̇ам̣, бхигкавз, мама саавигаанам̣ убаасигаанам̣ б̣ахуссуд̇аанам̣ д̇хаммагат̇игаанам̣ яад̣̇ид̣̇ам̣ куж̇ж̇уд̇д̇араа’’д̇и зд̇ад̣̇аг̇г̇з табзси. д̇ааби ко бан̃жасад̇аа ид̇т̇ияо д̇ам̣ звамаахам̣су – ‘‘амма, сад̇т̇аарам̣ д̣̇адтугаамаамхаа, д̇ам̣ но д̣̇ассзхи, г̇анд̇хамаалаад̣̇ийхи д̇ам̣ бууж̇зссаамаа’’д̇и. ‘‘аяяз, рааж̇агулам̣ наама бхаарияам̣, д̇умхз г̇ахзд̇ваа б̣ахи г̇анд̇ум̣ на саггаа’’д̇и. ‘‘амма, но маа наасзхи, д̣̇ассзхзва амхаагам̣ сад̇т̇аара’’нд̇и. ‘‘д̇зна хи д̇умхаагам̣ васанаг̇аб̣бхаанам̣ бхид̇д̇ийсу яад̇д̇агзна ологзд̇ум̣ саггаа ход̇и, д̇ад̇д̇агам̣ чид̣̇д̣̇ам̣ гад̇ваа г̇анд̇хамаалаад̣̇ийни аахараабзд̇ваа сад̇т̇аарам̣ д̇ин̣н̣ам̣ сздтийнам̣ гхарад̣̇ваарам̣ г̇ажчанд̇ам̣ д̇умхз д̇зсу д̇зсу таанзсу тад̇ваа ологзт̇а жзва, хад̇т̇з жа басаарзд̇ваа ванд̣̇ат̇а, бууж̇зт̇а жаа’’д̇и. д̇аа д̇ат̇аа гад̇ваа сад̇т̇аарам̣ г̇ажчанд̇ан̃жа ааг̇ажчанд̇ан̃жа ологзд̇ваа ванд̣̇им̣су жзва бууж̇зсун̃жа.

    Tā sabbāpi khujjuttaraṃ vanditvā, ‘‘amma , ajjato paṭṭhāya tvaṃ kiliṭṭhakammaṃ mā kari, amhākaṃ mātuṭṭhāne ca ācariyaṭṭhāne ca ṭhatvā satthu santikaṃ gantvā satthārā desitaṃ dhammaṃ sutvā amhākaṃ kathehī’’ti vadiṃsu. Sā tathā karontī aparabhāge tipiṭakadharā jātā. Atha naṃ satthā ‘‘etadaggaṃ, bhikkhave, mama sāvikānaṃ upāsikānaṃ bahussutānaṃ dhammakathikānaṃ yadidaṃ khujjuttarā’’ti etadagge ṭhapesi. Tāpi kho pañcasatā itthiyo taṃ evamāhaṃsu – ‘‘amma, satthāraṃ daṭṭhukāmāmhā, taṃ no dassehi, gandhamālādīhi taṃ pūjessāmā’’ti. ‘‘Ayye, rājakulaṃ nāma bhāriyaṃ, tumhe gahetvā bahi gantuṃ na sakkā’’ti. ‘‘Amma, no mā nāsehi, dasseheva amhākaṃ satthāra’’nti. ‘‘Tena hi tumhākaṃ vasanagabbhānaṃ bhittīsu yattakena oloketuṃ sakkā hoti, tattakaṃ chiddaṃ katvā gandhamālādīni āharāpetvā satthāraṃ tiṇṇaṃ seṭṭhīnaṃ gharadvāraṃ gacchantaṃ tumhe tesu tesu ṭhānesu ṭhatvā oloketha ceva, hatthe ca pasāretvā vandatha, pūjetha cā’’ti. Tā tathā katvā satthāraṃ gacchantañca āgacchantañca oloketvā vandiṃsu ceva pūjesuñca.

    ат̇згад̣̇ивасам̣ мааг̇ан̣д̣ияаа ад̇д̇ано баасаад̣̇ад̇алад̇о нигкамид̇ваа жан̇гамамаанаа д̇аасам̣ васанадтаанам̣ г̇анд̇ваа г̇аб̣бхзсу чид̣̇д̣̇ам̣ д̣̇исваа, ‘‘ид̣̇ам̣ ги’’нд̇и бужчид̇ваа, д̇аахи д̇ассаа сад̇т̇ари аагхаад̇аб̣ад̣̇д̇хабхаавам̣ аж̇аананд̇ийхи ‘‘сад̇т̇аа имам̣ наг̇арам̣ ааг̇ад̇о, маяам̣ зд̇т̇а тад̇ваа сад̇т̇аарам̣ ванд̣̇аама жзва бууж̇зма жаа’’д̇и вуд̇д̇з, ‘‘ааг̇ад̇о наама имам̣ наг̇арам̣ саман̣о г̇од̇амо, ид̣̇аанисса гад̇д̇аб̣б̣ам̣ ж̇ааниссаами, имааби д̇асса убадтааяигаа, имаасамби гад̇д̇аб̣б̣ам̣ ж̇ааниссаамий’’д̇и жинд̇зд̇ваа г̇анд̇ваа ран̃н̃о аарожзси – ‘‘махаарааж̇а, саамаавад̇имиссигаанам̣ б̣ахид̣̇д̇хаа бад̇т̇анаа ад̇т̇и, гад̇ибаахзнзва д̇з ж̇ийвид̇ам̣ маарзссанд̇ий’’д̇и. рааж̇аа ‘‘на д̇аа зваруубам̣ гариссанд̇ий’’д̇и на сад̣̇д̣̇ахи. бунаббунам̣ вуд̇д̇зби на сад̣̇д̣̇ахи зва. ат̇а нам̣ звам̣ д̇игкад̇д̇ум̣ вуд̇д̇зби асад̣̇д̣̇аханд̇ам̣ ‘‘сажз мз на сад̣̇д̣̇ахаси, д̇аасам̣ васанадтаанам̣ г̇анд̇ваа убажаарзхи, махаарааж̇аа’’д̇и ааха. рааж̇аа г̇анд̇ваа г̇аб̣бхзсу чид̣̇д̣̇ам̣ д̣̇исваа, ‘‘ид̣̇ам̣ ги’’нд̇и бужчид̇ваа, д̇асмим̣ ад̇т̇з аарожид̇з д̇аасам̣ агуж̇жхид̇ваа, гин̃жи авад̇ваава чид̣̇д̣̇аани бид̣̇ахаабзд̇ваа саб̣б̣аг̇аб̣бхзсу уд̣̇д̇хажчид̣̇д̣̇агаваад̇абаанаани гаарзси. уд̣̇д̇хажчид̣̇д̣̇агаваад̇абаанаани гира д̇асмим̣ гаалз уббаннаани. мааг̇ан̣д̣ияаа д̇аасам̣ гин̃жи гаад̇ум̣ асаггун̣ид̇ваа, ‘‘саман̣асса г̇од̇амассзва гад̇д̇аб̣б̣ам̣ гариссаамий’’д̇и нааг̇араанам̣ лан̃ж̇ам̣ д̣̇ад̇ваа, ‘‘саман̣ам̣ г̇од̇амам̣ анд̇онаг̇арам̣ бависид̇ваа вижаранд̇ам̣ д̣̇аасагаммагараборисзхи аггосзд̇ваа барибхаасзд̇ваа балаабзт̇аа’’д̇и аан̣аабзси. мижчаад̣̇идтигаа д̇ийсу рад̇анзсу аббасаннаа анд̇онаг̇арам̣ бавидтам̣ сад̇т̇аарам̣ ануб̣анд̇хид̇ваа , ‘‘жороси , б̣аалоси, муул̣хоси, одтоси, г̇он̣оси, г̇ад̣̇рабхоси, нзраяигоси, д̇иражчаанаг̇ад̇оси, над̇т̇и д̇уяхам̣ суг̇ад̇и, д̣̇уг̇г̇ад̇иязва д̇уяхам̣ баадиган̇каа’’д̇и д̣̇асахи аггосавад̇т̇уухи аггосанд̇и барибхаасанд̇и.

    Athekadivasaṃ māgaṇḍiyā attano pāsādatalato nikkhamitvā caṅkamamānā tāsaṃ vasanaṭṭhānaṃ gantvā gabbhesu chiddaṃ disvā, ‘‘idaṃ ki’’nti pucchitvā, tāhi tassā satthari āghātabaddhabhāvaṃ ajānantīhi ‘‘satthā imaṃ nagaraṃ āgato, mayaṃ ettha ṭhatvā satthāraṃ vandāma ceva pūjema cā’’ti vutte, ‘‘āgato nāma imaṃ nagaraṃ samaṇo gotamo, idānissa kattabbaṃ jānissāmi, imāpi tassa upaṭṭhāyikā, imāsampi kattabbaṃ jānissāmī’’ti cintetvā gantvā rañño ārocesi – ‘‘mahārāja, sāmāvatimissikānaṃ bahiddhā patthanā atthi, katipāheneva te jīvitaṃ māressantī’’ti. Rājā ‘‘na tā evarūpaṃ karissantī’’ti na saddahi. Punappunaṃ vuttepi na saddahi eva. Atha naṃ evaṃ tikkhattuṃ vuttepi asaddahantaṃ ‘‘sace me na saddahasi, tāsaṃ vasanaṭṭhānaṃ gantvā upacārehi, mahārājā’’ti āha. Rājā gantvā gabbhesu chiddaṃ disvā, ‘‘idaṃ ki’’nti pucchitvā, tasmiṃ atthe ārocite tāsaṃ akujjhitvā, kiñci avatvāva chiddāni pidahāpetvā sabbagabbhesu uddhacchiddakavātapānāni kāresi. Uddhacchiddakavātapānāni kira tasmiṃ kāle uppannāni. Māgaṇḍiyā tāsaṃ kiñci kātuṃ asakkuṇitvā, ‘‘samaṇassa gotamasseva kattabbaṃ karissāmī’’ti nāgarānaṃ lañjaṃ datvā, ‘‘samaṇaṃ gotamaṃ antonagaraṃ pavisitvā vicarantaṃ dāsakammakaraporisehi akkosetvā paribhāsetvā palāpethā’’ti āṇāpesi. Micchādiṭṭhikā tīsu ratanesu appasannā antonagaraṃ paviṭṭhaṃ satthāraṃ anubandhitvā , ‘‘corosi , bālosi, mūḷhosi, oṭṭhosi, goṇosi, gadrabhosi, nerayikosi, tiracchānagatosi, natthi tuyhaṃ sugati, duggatiyeva tuyhaṃ pāṭikaṅkhā’’ti dasahi akkosavatthūhi akkosanti paribhāsanti.

    д̇ам̣ суд̇ваа ааяасмаа аананд̣̇о сад̇т̇аарам̣ зд̇ад̣̇авожа – ‘‘бханд̇з, имз нааг̇араа амхз аггосанд̇и барибхаасанд̇и, ид̇о ан̃н̃ад̇т̇а г̇ажчаамаа’’д̇и. ‘‘гухим̣, аананд̣̇од̇и’’? ‘‘ан̃н̃ам̣ наг̇арам̣, бханд̇з’’д̇и. ‘‘д̇ад̇т̇а мануссзсу аггосанд̇зсу буна гад̇т̇а г̇амиссаама, аананд̣̇о’’д̇и? ‘‘д̇ад̇оби ан̃н̃ам̣ наг̇арам̣, бханд̇з’’д̇и. ‘‘д̇ад̇т̇ааби мануссзсу аггосанд̇зсу гухим̣ г̇амиссаамаа’’д̇и? ‘‘д̇ад̇оби ан̃н̃ам̣ наг̇арам̣, бханд̇з’’д̇и. ‘‘аананд̣̇а, звам̣ гаад̇ум̣ на ваддад̇и. яад̇т̇а ад̇хигаран̣ам̣ уббаннам̣, д̇ад̇т̇зва д̇асмим̣ вуубасанд̇з ан̃н̃ад̇т̇а г̇анд̇ум̣ ваддад̇и. гз бана д̇з, аананд̣̇а, аггосанд̇ий’’д̇и? ‘‘бханд̇з, д̣̇аасагаммагарз убаад̣̇ааяа саб̣б̣з аггосанд̇ий’’д̇и. ‘‘ахам̣, аананд̣̇а, сан̇г̇аамам̣ од̇ин̣н̣ахад̇т̇исад̣̇исо, сан̇г̇аамам̣ од̇ин̣н̣ахад̇т̇ино хи жад̇уухи д̣̇исаахи ааг̇ад̇з сарз сахид̇ум̣ бхааро, д̇ат̇зва б̣ахуухи д̣̇уссийлзхи гат̇ид̇агат̇аанам̣ саханам̣ наама маяхам̣ бхааро’’д̇и вад̇ваа ад̇д̇аанам̣ аараб̣бха д̇хаммам̣ д̣̇зсзнд̇о имаа нааг̇аваг̇г̇з д̇иссо г̇аат̇аа абхааси –

    Taṃ sutvā āyasmā ānando satthāraṃ etadavoca – ‘‘bhante, ime nāgarā amhe akkosanti paribhāsanti, ito aññattha gacchāmā’’ti. ‘‘Kuhiṃ, ānandoti’’? ‘‘Aññaṃ nagaraṃ, bhante’’ti. ‘‘Tattha manussesu akkosantesu puna kattha gamissāma, ānando’’ti? ‘‘Tatopi aññaṃ nagaraṃ, bhante’’ti. ‘‘Tatthāpi manussesu akkosantesu kuhiṃ gamissāmā’’ti? ‘‘Tatopi aññaṃ nagaraṃ, bhante’’ti. ‘‘Ānanda, evaṃ kātuṃ na vaṭṭati. Yattha adhikaraṇaṃ uppannaṃ, tattheva tasmiṃ vūpasante aññattha gantuṃ vaṭṭati. Ke pana te, ānanda, akkosantī’’ti? ‘‘Bhante, dāsakammakare upādāya sabbe akkosantī’’ti. ‘‘Ahaṃ, ānanda, saṅgāmaṃ otiṇṇahatthisadiso, saṅgāmaṃ otiṇṇahatthino hi catūhi disāhi āgate sare sahituṃ bhāro, tatheva bahūhi dussīlehi kathitakathānaṃ sahanaṃ nāma mayhaṃ bhāro’’ti vatvā attānaṃ ārabbha dhammaṃ desento imā nāgavagge tisso gāthā abhāsi –

    ‘‘ахам̣ нааг̇ова сан̇г̇аамз, жаабад̇о бад̇ид̇ам̣ сарам̣;

    ‘‘Ahaṃ nāgova saṅgāme, cāpato patitaṃ saraṃ;

    ад̇иваагяам̣ д̇ид̇игкиссам̣, д̣̇уссийло хи б̣ахуж̇ж̇ано.

    Ativākyaṃ titikkhissaṃ, dussīlo hi bahujjano.

    ‘‘д̣̇анд̇ам̣ наяанд̇и самид̇им̣, д̣̇анд̇ам̣ рааж̇аабхируухад̇и;

    ‘‘Dantaṃ nayanti samitiṃ, dantaṃ rājābhirūhati;

    д̣̇анд̇о сздто мануссзсу, яод̇иваагяам̣ д̇ид̇игкад̇и.

    Danto seṭṭho manussesu, yotivākyaṃ titikkhati.

    ‘‘варамассад̇араа д̣̇анд̇аа, ааж̇аанийяаа жа синд̇хаваа;

    ‘‘Varamassatarā dantā, ājānīyā ca sindhavā;

    гун̃ж̇араа жа махаанааг̇аа, ад̇д̇ад̣̇анд̇о д̇ад̇о вара’’нд̇и. (д̇ха. ба. 320-322);

    Kuñjarā ca mahānāgā, attadanto tato vara’’nti. (dha. pa. 320-322);

    д̇хаммагат̇аа самбад̇д̇амахааж̇анасса саад̇т̇игаа ахоси. звам̣ д̇хаммам̣ д̣̇зсзд̇ваа маа жинд̇аяи, аананд̣̇а, зд̇з сад̇д̇аахамад̇д̇амзва аггосиссанд̇и, адтамз д̣̇ивасз д̇ун̣хий бхависсанд̇и, б̣уд̣̇д̇хаанан̃хи уббаннам̣ ад̇хигаран̣ам̣ сад̇д̇аахад̇о уд̇д̇ари на г̇ажчад̇и. мааг̇ан̣д̣ияаа сад̇т̇аарам̣ аггосаабзд̇ваа балаабзд̇ум̣ асаггонд̇ий, ‘‘гим̣ ну ко гариссаамий’’д̇и жинд̇зд̇ваа, ‘‘имаа зд̇асса убад̇т̇амбхабхууд̇аа, зд̇аасамби б̣яасанам̣ гариссаамий’’д̇и згад̣̇ивасам̣ ран̃н̃о сураабаанадтаанз убадтаанам̣ гаронд̇ий жуул̣абид̇у саасанам̣ бахин̣и ‘‘ад̇т̇о мз гира гуггудзхи , адта мад̇агуггудз, адта саж̇ийвагуггудз жа г̇ахзд̇ваа ааг̇ажчад̇у, ааг̇анд̇ваа жа собаанамад̇т̇агз тад̇ваа ааг̇ад̇абхаавам̣ нивзд̣̇зд̇ваа ‘бависад̇уу’д̇и вуд̇д̇зби абависид̇ваа батамам̣ адта саж̇ийвагуггудз бахин̣ад̇у, ‘бажчаа ид̇арз’’’д̇и. жуул̣аабадтаагасса жа ‘‘мама важанам̣ гарзяяаасий’’д̇и лан̃ж̇ам̣ ад̣̇ааси. мааг̇ан̣д̣ияо ааг̇анд̇ваа, ран̃н̃о нивзд̣̇аабзд̇ваа, ‘‘бависад̇уу’’д̇и вуд̇д̇з, ‘‘ран̃н̃о аабаанабхуумим̣ на бависиссаамий’’д̇и ааха. ид̇араа жуул̣убадтаагам̣ бахин̣и – ‘‘г̇ажча, д̇аад̇а, мама жуул̣абид̇у санд̇ига’’нд̇и. со г̇анд̇ваа д̇зна д̣̇иннз адта саж̇ийвагуггудз аанзд̇ваа, ‘‘д̣̇зва, бурохид̇зна бан̣н̣аагааро бахид̇о’’д̇и ааха. рааж̇аа ‘‘бхад̣̇д̣̇аго вад̇а но уд̇д̇арибхан̇г̇о уббанно, го ну ко бажзяяаа’’д̇и ааха. мааг̇ан̣д̣ияаа, ‘‘махаарааж̇а, саамаавад̇иббамукаа бан̃жасад̇аа ид̇т̇ияо ниггаммигаа вижаранд̇и, д̇аасам̣ бзсзхи, д̇аа бажид̇ваа аахариссанд̇ий’’д̇и ааха. рааж̇аа ‘‘г̇ажча, д̇аасам̣ д̣̇ад̇ваа ан̃н̃асса гира хад̇т̇з ад̣̇ад̇ваа саяамзва маарзд̇ваа бажанд̇уу’’д̇и бзсзси. жуул̣убадтааго ‘‘саад̇ху д̣̇зваа’’д̇и г̇анд̇ваа д̇ат̇аа вад̇ваа д̇аахи ‘‘маяам̣ баан̣аад̇ибаад̇ам̣ на гаромаа’’д̇и бадигкид̇д̇о ааг̇анд̇ваа д̇амад̇т̇ам̣ ран̃н̃о аарожзси. мааг̇ан̣д̣ияаа ‘‘д̣̇идтам̣ д̇з, махаарааж̇а, ид̣̇аани д̇аасам̣ баан̣аад̇ибаад̇асса гаран̣ам̣ ваа агаран̣ам̣ ваа ж̇ааниссаси, ‘саман̣асса г̇од̇амасса бажид̇ваа бзсзнд̇уу’д̇и вад̣̇зхи д̣̇зваа’’д̇и ааха. рааж̇аа д̇ат̇аа вад̇ваа бзсзси. ид̇аро д̇з г̇ахзд̇ваа г̇ажчанд̇о вияа худ̇ваа г̇анд̇ваа д̇з гуггудз бурохид̇асса д̣̇ад̇ваа мад̇агуггудз д̇аасам̣ санд̇игам̣ нзд̇ваа, ‘‘имз гира гуггудз бажид̇ваа сад̇т̇у санд̇игам̣ бахин̣ат̇аа’’д̇и ааха. д̇аа, ‘‘саами, аахара, ид̣̇ам̣ наама амхаагам̣ гижжа’’нд̇и бажжуг̇г̇анд̇ваа г̇ан̣хим̣су. со ран̃н̃о санд̇игам̣ г̇анд̇ваа, ‘‘гим̣, д̇аад̇аа’’д̇и будто, ‘‘саман̣асса г̇од̇амасса бажид̇ваа бзсзт̇аад̇и вуд̇д̇амад̇д̇зязва бадимаг̇г̇ам̣ ааг̇анд̇ваа г̇ан̣хим̣суу’’д̇и аажигки. мааг̇ан̣д̣ияаа ‘‘басса, махаарааж̇а, на д̇аа д̇умхаад̣̇исаанам̣ гаронд̇и, б̣ахид̣̇д̇хаа бад̇т̇анаа д̇аасам̣ ад̇т̇ийд̇и вуд̇д̇з на сад̣̇д̣̇ахасий’’д̇и ааха. рааж̇аа д̇ам̣ суд̇вааби ад̇хиваасзд̇ваа д̇ун̣хийязва ахоси. мааг̇ан̣д̣ияаа ‘‘гим̣ ну ко гариссаамий’’д̇и жинд̇зси.

    Dhammakathā sampattamahājanassa sātthikā ahosi. Evaṃ dhammaṃ desetvā mā cintayi, ānanda, ete sattāhamattameva akkosissanti, aṭṭhame divase tuṇhī bhavissanti, buddhānañhi uppannaṃ adhikaraṇaṃ sattāhato uttari na gacchati. Māgaṇḍiyā satthāraṃ akkosāpetvā palāpetuṃ asakkontī, ‘‘kiṃ nu kho karissāmī’’ti cintetvā, ‘‘imā etassa upatthambhabhūtā, etāsampi byasanaṃ karissāmī’’ti ekadivasaṃ rañño surāpānaṭṭhāne upaṭṭhānaṃ karontī cūḷapitu sāsanaṃ pahiṇi ‘‘attho me kira kukkuṭehi , aṭṭha matakukkuṭe, aṭṭha sajīvakukkuṭe ca gahetvā āgacchatu, āgantvā ca sopānamatthake ṭhatvā āgatabhāvaṃ nivedetvā ‘pavisatū’ti vuttepi apavisitvā paṭhamaṃ aṭṭha sajīvakukkuṭe pahiṇatu, ‘pacchā itare’’’ti. Cūḷāpaṭṭhākassa ca ‘‘mama vacanaṃ kareyyāsī’’ti lañjaṃ adāsi. Māgaṇḍiyo āgantvā, rañño nivedāpetvā, ‘‘pavisatū’’ti vutte, ‘‘rañño āpānabhūmiṃ na pavisissāmī’’ti āha. Itarā cūḷupaṭṭhākaṃ pahiṇi – ‘‘gaccha, tāta, mama cūḷapitu santika’’nti. So gantvā tena dinne aṭṭha sajīvakukkuṭe ānetvā, ‘‘deva, purohitena paṇṇākāro pahito’’ti āha. Rājā ‘‘bhaddako vata no uttaribhaṅgo uppanno, ko nu kho paceyyā’’ti āha. Māgaṇḍiyā, ‘‘mahārāja, sāmāvatippamukhā pañcasatā itthiyo nikkammikā vicaranti, tāsaṃ pesehi, tā pacitvā āharissantī’’ti āha. Rājā ‘‘gaccha, tāsaṃ datvā aññassa kira hatthe adatvā sayameva māretvā pacantū’’ti pesesi. Cūḷupaṭṭhāko ‘‘sādhu devā’’ti gantvā tathā vatvā tāhi ‘‘mayaṃ pāṇātipātaṃ na karomā’’ti paṭikkhitto āgantvā tamatthaṃ rañño ārocesi. Māgaṇḍiyā ‘‘diṭṭhaṃ te, mahārāja, idāni tāsaṃ pāṇātipātassa karaṇaṃ vā akaraṇaṃ vā jānissasi, ‘samaṇassa gotamassa pacitvā pesentū’ti vadehi devā’’ti āha. Rājā tathā vatvā pesesi. Itaro te gahetvā gacchanto viya hutvā gantvā te kukkuṭe purohitassa datvā matakukkuṭe tāsaṃ santikaṃ netvā, ‘‘ime kira kukkuṭe pacitvā satthu santikaṃ pahiṇathā’’ti āha. Tā, ‘‘sāmi, āhara, idaṃ nāma amhākaṃ kicca’’nti paccuggantvā gaṇhiṃsu. So rañño santikaṃ gantvā, ‘‘kiṃ, tātā’’ti puṭṭho, ‘‘samaṇassa gotamassa pacitvā pesethāti vuttamatteyeva paṭimaggaṃ āgantvā gaṇhiṃsū’’ti ācikkhi. Māgaṇḍiyā ‘‘passa, mahārāja, na tā tumhādisānaṃ karonti, bahiddhā patthanā tāsaṃ atthīti vutte na saddahasī’’ti āha. Rājā taṃ sutvāpi adhivāsetvā tuṇhīyeva ahosi. Māgaṇḍiyā ‘‘kiṃ nu kho karissāmī’’ti cintesi.

    д̇ад̣̇аа бана рааж̇аа ‘‘саамаавад̇ияаа ваасулад̣̇ад̇д̇ааяа мааг̇ан̣д̣ияааяа жаа’’д̇и д̇иссаннамби зд̇аасам̣ баасаад̣̇ад̇алз ваарзна ваарзна сад̇д̇аахам̣ сад̇д̇аахам̣ вийд̇инаамзд̇и . ат̇а нам̣ ‘‘свз ваа барасувз ваа саамаавад̇ияаа баасаад̣̇ад̇алам̣ г̇амиссад̇ий’’д̇и н̃ад̇ваа мааг̇ан̣д̣ияаа жуул̣абид̇у саасанам̣ бахин̣и – ‘‘аг̇ад̣̇зна гира д̣̇аатаа д̇ховид̇ваа згам̣ саббам̣ бзсзд̇уу’’д̇и. со д̇ат̇аа гад̇ваа бзсзси. рааж̇аа ад̇д̇ано г̇аманадтаанам̣ хад̇т̇иганд̇авийн̣ам̣ аад̣̇ааяаязва г̇ажчад̇и, д̇ассаа богкарз згам̣ чид̣̇д̣̇ам̣ ад̇т̇и. мааг̇ан̣д̣ияаа д̇зна чид̣̇д̣̇зна саббам̣ бавзсзд̇ваа чид̣̇д̣̇ам̣ маалааг̇ул̣зна т̇агзси. саббо д̣̇вийхад̇ийхам̣ анд̇овийн̣ааяамзва ахоси. мааг̇ан̣д̣ияаа ран̃н̃о г̇аманад̣̇ивасз ‘‘аж̇ж̇а гад̇ариссид̇т̇ияаа баасаад̣̇ам̣ г̇амиссаси д̣̇зваа’’д̇и бужчид̇ваа ‘‘саамаавад̇ияаа’’д̇и вуд̇д̇з, ‘‘аж̇ж̇а маяаа, махаарааж̇а, аманаабо субино д̣̇идто. на саггаа д̇ад̇т̇а г̇анд̇ум̣, д̣̇зваа’’д̇и? ‘‘г̇ажчаамзваа’’д̇и. саа яаава д̇ад̇ияам̣ ваарзд̇ваа, ‘‘звам̣ санд̇з ахамби д̇умхзхи сад̣̇д̇хим̣ г̇амиссаами, д̣̇зваа’’д̇и вад̇ваа нивад̇д̇ияамаанааби анивад̇д̇ид̇ваа, ‘‘на ж̇аанаами, гим̣ бхависсад̇и д̣̇зваа’’д̇и ран̃н̃аа сад̣̇д̇хим̣язва аг̇амааси.

    Tadā pana rājā ‘‘sāmāvatiyā vāsuladattāya māgaṇḍiyāya cā’’ti tissannampi etāsaṃ pāsādatale vārena vārena sattāhaṃ sattāhaṃ vītināmeti . Atha naṃ ‘‘sve vā parasuve vā sāmāvatiyā pāsādatalaṃ gamissatī’’ti ñatvā māgaṇḍiyā cūḷapitu sāsanaṃ pahiṇi – ‘‘agadena kira dāṭhā dhovitvā ekaṃ sappaṃ pesetū’’ti. So tathā katvā pesesi. Rājā attano gamanaṭṭhānaṃ hatthikantavīṇaṃ ādāyayeva gacchati, tassā pokkhare ekaṃ chiddaṃ atthi. Māgaṇḍiyā tena chiddena sappaṃ pavesetvā chiddaṃ mālāguḷena thakesi. Sappo dvīhatīhaṃ antovīṇāyameva ahosi. Māgaṇḍiyā rañño gamanadivase ‘‘ajja katarissitthiyā pāsādaṃ gamissasi devā’’ti pucchitvā ‘‘sāmāvatiyā’’ti vutte, ‘‘ajja mayā, mahārāja, amanāpo supino diṭṭho. Na sakkā tattha gantuṃ, devā’’ti? ‘‘Gacchāmevā’’ti. Sā yāva tatiyaṃ vāretvā, ‘‘evaṃ sante ahampi tumhehi saddhiṃ gamissāmi, devā’’ti vatvā nivattiyamānāpi anivattitvā, ‘‘na jānāmi, kiṃ bhavissati devā’’ti raññā saddhiṃyeva agamāsi.

    рааж̇аа саамаавад̇имиссигаахи д̣̇иннаани вад̇т̇абубпаг̇анд̇хаабхаран̣аани д̇хаарзд̇ваа субхож̇анам̣ бхун̃ж̇ид̇ваа вийн̣ам̣ уссийсагз табзд̇ваа саяанз нибаж̇ж̇и. мааг̇ан̣д̣ияаа абараабарам̣ вижаранд̇ий вияа худ̇ваа вийн̣аачид̣̇д̣̇ад̇о бубпаг̇ул̣ам̣ абанзси. саббо д̣̇вийхад̇ийхам̣ нираахааро д̇зна чид̣̇д̣̇зна нигкамид̇ваа бассасанд̇о пан̣ам̣ гад̇ваа саяанабидтз нибаж̇ж̇и . мааг̇ан̣д̣ияаа д̇ам̣ д̣̇исваа, ‘‘д̇хий д̇хий, д̣̇зва, саббо’’д̇и махаасад̣̇д̣̇ам̣ гад̇ваа рааж̇аанан̃жа д̇аа жа аггосанд̇ий, ‘‘аяам̣ анд̇хаб̣ааларааж̇аа алагкиго маяхам̣ важанам̣ на сун̣аад̇и, имааби ниссирийгаа д̣̇уб̣б̣инийд̇аа, гим̣ наама ран̃н̃о санд̇игаа на лабханд̇и, гим̣ ну д̇умхз имасмим̣ мад̇зязва сукам̣ ж̇ийвиссат̇а, ж̇ийванд̇з д̣̇угкам̣ ж̇ийват̇а, ‘аж̇ж̇а маяаа баабасубино д̣̇идто, саамаавад̇ияаа баасаад̣̇ам̣ г̇анд̇ум̣ на ваддад̇ий’д̇и ваарзнд̇ияааби мз важанам̣ на сун̣аси, д̣̇зваа’’д̇и ааха. рааж̇аа саббам̣ д̣̇исваа маран̣абхаяад̇аж̇ж̇ид̇о ‘‘зваруубамби наама имаа гариссанд̇и, ахо баабаа, ахам̣ имаасам̣ баабабхаавам̣ аажигканд̇ияааби имиссаа важанам̣ на сад̣̇д̣̇ахим̣, батамам̣ ад̇д̇ано г̇аб̣бхзсу чид̣̇д̣̇аани гад̇ваа нисиннаа, буна маяаа бзсид̇з гуггудз бадибахин̣им̣су, аж̇ж̇а саяанз саббам̣ виссаж̇ж̇им̣суу’’д̇и год̇хзна самбаж̇ж̇алид̇о вияа ахоси.

    Rājā sāmāvatimissikāhi dinnāni vatthapupphagandhābharaṇāni dhāretvā subhojanaṃ bhuñjitvā vīṇaṃ ussīsake ṭhapetvā sayane nipajji. Māgaṇḍiyā aparāparaṃ vicarantī viya hutvā vīṇāchiddato pupphaguḷaṃ apanesi. Sappo dvīhatīhaṃ nirāhāro tena chiddena nikkhamitvā passasanto phaṇaṃ katvā sayanapiṭṭhe nipajji . Māgaṇḍiyā taṃ disvā, ‘‘dhī dhī, deva, sappo’’ti mahāsaddaṃ katvā rājānañca tā ca akkosantī, ‘‘ayaṃ andhabālarājā alakkhiko mayhaṃ vacanaṃ na suṇāti, imāpi nissirīkā dubbinītā, kiṃ nāma rañño santikā na labhanti, kiṃ nu tumhe imasmiṃ mateyeva sukhaṃ jīvissatha, jīvante dukkhaṃ jīvatha, ‘ajja mayā pāpasupino diṭṭho, sāmāvatiyā pāsādaṃ gantuṃ na vaṭṭatī’ti vārentiyāpi me vacanaṃ na suṇasi, devā’’ti āha. Rājā sappaṃ disvā maraṇabhayatajjito ‘‘evarūpampi nāma imā karissanti, aho pāpā, ahaṃ imāsaṃ pāpabhāvaṃ ācikkhantiyāpi imissā vacanaṃ na saddahiṃ, paṭhamaṃ attano gabbhesu chiddāni katvā nisinnā, puna mayā pesite kukkuṭe paṭipahiṇiṃsu, ajja sayane sappaṃ vissajjiṃsū’’ti kodhena sampajjalito viya ahosi.

    саамаавад̇ийби бан̃жаннам̣ ид̇т̇исад̇аанам̣ оваад̣̇ам̣ ад̣̇ааси – ‘‘аммаа, амхаагам̣ ан̃н̃ам̣ бадисаран̣ам̣ над̇т̇и, наринд̣̇з жа д̣̇звияаа жа ад̇д̇ани жа самамзва мзд̇д̇ажид̇д̇ам̣ бавад̇д̇зт̇а, маа гассажи гобам̣ гарид̇т̇аа’’д̇и. рааж̇аа сахассат̇аамам̣ син̇г̇ад̇ханум̣ аад̣̇ааяа ж̇ияам̣ бот̇зд̇ваа висабийд̇ам̣ сарам̣ саннаяхид̇ваа саамаавад̇им̣ д̇хурз гад̇ваа саб̣б̣аа д̇аа бадибаадияаа табаабзд̇ваа саамаавад̇ияаа урз сарам̣ виссаж̇ж̇зси. со д̇ассаа мзд̇д̇аанубхаавзна бадинивад̇д̇ид̇ваа ааг̇ад̇амаг̇г̇аабхимукова худ̇ваа ран̃н̃о хад̣̇аяам̣ бависанд̇о вияа адтааси. рааж̇аа жинд̇зси – ‘‘маяаа кид̇д̇о саро силамби винивиж̇жхид̇ваа г̇ажчад̇и, аагаасз бадихананагадтаанам̣ над̇т̇и, ат̇а жа банзса нивад̇д̇ид̇ваа мама хад̣̇аяаабхимуко ж̇аад̇о, аяан̃хи наама ниссад̇д̇о ниж̇ж̇ийво сароби зд̇иссаа г̇ун̣ам̣ ж̇аанаад̇и, ахам̣ мануссабхууд̇оби на ж̇аанаамий’’д̇и, со д̇ханум̣ чад̣д̣зд̇ваа ан̃ж̇алим̣ баг̇г̇аяха саамаавад̇ияаа баад̣̇амуулз уггудигам̣ нисийд̣̇ид̇ваа имам̣ г̇аат̇амааха –

    Sāmāvatīpi pañcannaṃ itthisatānaṃ ovādaṃ adāsi – ‘‘ammā, amhākaṃ aññaṃ paṭisaraṇaṃ natthi, narinde ca deviyā ca attani ca samameva mettacittaṃ pavattetha, mā kassaci kopaṃ karitthā’’ti. Rājā sahassathāmaṃ siṅgadhanuṃ ādāya jiyaṃ pothetvā visapītaṃ saraṃ sannayhitvā sāmāvatiṃ dhure katvā sabbā tā paṭipāṭiyā ṭhapāpetvā sāmāvatiyā ure saraṃ vissajjesi. So tassā mettānubhāvena paṭinivattitvā āgatamaggābhimukhova hutvā rañño hadayaṃ pavisanto viya aṭṭhāsi. Rājā cintesi – ‘‘mayā khitto saro silampi vinivijjhitvā gacchati, ākāse paṭihananakaṭṭhānaṃ natthi, atha ca panesa nivattitvā mama hadayābhimukho jāto, ayañhi nāma nissatto nijjīvo saropi etissā guṇaṃ jānāti, ahaṃ manussabhūtopi na jānāmī’’ti, so dhanuṃ chaḍḍetvā añjaliṃ paggayha sāmāvatiyā pādamūle ukkuṭikaṃ nisīditvā imaṃ gāthamāha –

    ‘‘саммуяхаами бамуяхаами, саб̣б̣аа муяханд̇и мз д̣̇исаа;

    ‘‘Sammuyhāmi pamuyhāmi, sabbā muyhanti me disā;

    саамаавад̇и мам̣ д̇ааяассу, д̇ван̃жа мз саран̣ам̣ бхаваа’’д̇и.

    Sāmāvati maṃ tāyassu, tvañca me saraṇaṃ bhavā’’ti.

    саа д̇асса важанам̣ суд̇ваа, ‘‘саад̇ху, д̣̇зва, мам̣ саран̣ам̣ г̇ажчаа’’д̇и авад̇ваа, ‘‘яамахам̣, махаарааж̇а, саран̣ам̣ г̇ад̇аа, д̇амзва д̇вамби саран̣ам̣ г̇ажчаахий’’д̇и ид̣̇ам̣ вад̇ваа саамаавад̇ий саммаасамб̣уд̣̇д̇хасаавигаа –

    Sā tassa vacanaṃ sutvā, ‘‘sādhu, deva, maṃ saraṇaṃ gacchā’’ti avatvā, ‘‘yamahaṃ, mahārāja, saraṇaṃ gatā, tameva tvampi saraṇaṃ gacchāhī’’ti idaṃ vatvā sāmāvatī sammāsambuddhasāvikā –

    ‘‘маа мам̣ д̇вам̣ саран̣ам̣ г̇ажча, яамахам̣ саран̣ам̣ г̇ад̇аа;

    ‘‘Mā maṃ tvaṃ saraṇaṃ gaccha, yamahaṃ saraṇaṃ gatā;

    зса б̣уд̣̇д̇хо махаарааж̇а, зса б̣уд̣̇д̇хо ануд̇д̇аро;

    Esa buddho mahārāja, esa buddho anuttaro;

    саран̣ам̣ г̇ажча д̇ам̣ б̣уд̣̇д̇хам̣, д̇ван̃жа мз саран̣ам̣ бхаваа’’д̇и. –

    Saraṇaṃ gaccha taṃ buddhaṃ, tvañca me saraṇaṃ bhavā’’ti. –

    ааха . рааж̇аа д̇асса важанам̣ суд̇ваа, ‘‘ид̣̇аанаахам̣ ад̇ирзгад̇арам̣ бхааяаамий’’д̇и вад̇ваа имам̣ г̇аат̇амааха –

    Āha . Rājā tassa vacanaṃ sutvā, ‘‘idānāhaṃ atirekataraṃ bhāyāmī’’ti vatvā imaṃ gāthamāha –

    ‘‘зса бхияяо бамуяхаами, саб̣б̣аа муяханд̇и мз д̣̇исаа;

    ‘‘Esa bhiyyo pamuyhāmi, sabbā muyhanti me disā;

    саамаавад̇и мам̣ д̇ааяассу, д̇ван̃жа мз саран̣ам̣ бхаваа’’д̇и.

    Sāmāvati maṃ tāyassu, tvañca me saraṇaṃ bhavā’’ti.

    ат̇а нам̣ саа буриманаязнзва буна бадигкибид̇ваа, ‘‘д̇зна хи д̇ван̃жа саран̣ам̣ г̇ажчаами, сад̇т̇ааран̃жа саран̣ам̣ г̇ажчаами, варан̃жа д̇з д̣̇аммий’’д̇и вуд̇д̇з, ‘‘варо г̇ахид̇о ход̇у, махаарааж̇аа’’д̇и ааха. со сад̇т̇аарам̣ убасан̇гамид̇ваа саран̣ам̣ г̇анд̇ваа ниманд̇зд̇ваа б̣уд̣̇д̇хаббамукасса бхигкусан̇гхасса сад̇д̇аахам̣ махаад̣̇аанам̣ д̣̇ад̇ваа саамаавад̇им̣ ааманд̇зд̇ваа, ‘‘удтзхи, варам̣ г̇ан̣хаа’’д̇и ааха. ‘‘махаарааж̇а, маяхам̣ хиран̃н̃аад̣̇ийхи ад̇т̇о над̇т̇и, имам̣ бана мз варам̣ д̣̇зхи, д̇ат̇аа гарохи, яат̇аа сад̇т̇аа ниб̣ад̣̇д̇хам̣ бан̃жахи бхигкусад̇зхи сад̣̇д̇хим̣ ид̇хааг̇ажчад̇и, д̇хаммам̣ сун̣иссаамий’’д̇и. рааж̇аа сад̇т̇аарам̣ ванд̣̇ид̇ваа, ‘‘бханд̇з, бан̃жахи бхигкусад̇зхи сад̣̇д̇хим̣ ниб̣ад̣̇д̇хам̣ ид̇хааг̇ажчат̇а, саамаавад̇имиссигаа ‘д̇хаммам̣ сун̣иссаамаа’д̇и вад̣̇анд̇ий’’д̇и ааха. ‘‘махаарааж̇а, б̣уд̣̇д̇хаанам̣ наама згасмим̣ таанз ниб̣ад̣̇д̇хам̣ г̇анд̇ум̣ на ваддад̇и, махааж̇ано сад̇т̇аарам̣ ааг̇аманад̇т̇ааяа бажжаасийсад̇ий’’д̇и. ‘‘д̇зна хи, бханд̇з, згам̣ бхигкум̣ аан̣аабзт̇аа’’д̇и. сад̇т̇аа аананд̣̇ад̇т̇зрам̣ аан̣аабзси. со д̇ад̇о бадтааяа бан̃жа бхигкусад̇аани аад̣̇ааяа ниб̣ад̣̇д̇хам̣ рааж̇агулам̣ г̇ажчад̇и. д̇ааби д̣̇звияо ниб̣ад̣̇д̇хам̣ т̇зрам̣ сабариваарам̣ бхож̇знд̇и, д̇хаммам̣ сун̣анд̇и. д̇аа згад̣̇ивасам̣ т̇зрасса д̇хаммагат̇ам̣ суд̇ваа басийд̣̇ид̇ваа, бан̃жахи уд̇д̇араасан̇г̇асад̇зхи д̇хаммабууж̇ам̣ агам̣су . згзго уд̇д̇араасан̇г̇о бан̃жа сад̇аани бан̃жа сад̇аани аг̇гхад̇и.

    Atha naṃ sā purimanayeneva puna paṭikkhipitvā, ‘‘tena hi tvañca saraṇaṃ gacchāmi, satthārañca saraṇaṃ gacchāmi, varañca te dammī’’ti vutte, ‘‘varo gahito hotu, mahārājā’’ti āha. So satthāraṃ upasaṅkamitvā saraṇaṃ gantvā nimantetvā buddhappamukhassa bhikkhusaṅghassa sattāhaṃ mahādānaṃ datvā sāmāvatiṃ āmantetvā, ‘‘uṭṭhehi, varaṃ gaṇhā’’ti āha. ‘‘Mahārāja, mayhaṃ hiraññādīhi attho natthi, imaṃ pana me varaṃ dehi, tathā karohi, yathā satthā nibaddhaṃ pañcahi bhikkhusatehi saddhiṃ idhāgacchati, dhammaṃ suṇissāmī’’ti. Rājā satthāraṃ vanditvā, ‘‘bhante, pañcahi bhikkhusatehi saddhiṃ nibaddhaṃ idhāgacchatha, sāmāvatimissikā ‘dhammaṃ suṇissāmā’ti vadantī’’ti āha. ‘‘Mahārāja, buddhānaṃ nāma ekasmiṃ ṭhāne nibaddhaṃ gantuṃ na vaṭṭati, mahājano satthāraṃ āgamanatthāya paccāsīsatī’’ti. ‘‘Tena hi, bhante, ekaṃ bhikkhuṃ āṇāpethā’’ti. Satthā ānandattheraṃ āṇāpesi. So tato paṭṭhāya pañca bhikkhusatāni ādāya nibaddhaṃ rājakulaṃ gacchati. Tāpi deviyo nibaddhaṃ theraṃ saparivāraṃ bhojenti, dhammaṃ suṇanti. Tā ekadivasaṃ therassa dhammakathaṃ sutvā pasīditvā, pañcahi uttarāsaṅgasatehi dhammapūjaṃ akaṃsu . Ekeko uttarāsaṅgo pañca satāni pañca satāni agghati.

    д̇аа згавад̇т̇аа д̣̇исваа рааж̇аа бужчи – ‘‘гухим̣ во уд̇д̇араасан̇г̇о’’д̇и. ‘‘аяяасса но д̣̇иннаа’’д̇и. ‘‘д̇зна саб̣б̣з г̇ахид̇аа’’д̇и? ‘‘аама, г̇ахид̇аа’’д̇и. рааж̇аа т̇зрам̣ убасан̇гамид̇ваа ванд̣̇ид̇ваа д̇аахи уд̇д̇араасан̇г̇аанам̣ д̣̇иннабхаавам̣ бужчид̇ваа д̇аахи д̣̇иннабхааван̃жа т̇зрзна г̇ахид̇абхааван̃жа суд̇ваа, ‘‘нану, бханд̇з, ад̇иб̣ахууни вад̇т̇аани, зд̇д̇агзхи гим̣ гариссат̇аа’’д̇и бужчи. ‘‘амхаагам̣ бахонагаани вад̇т̇аани г̇ан̣хид̇ваа сзсаани ж̇ин̣н̣ажийваригаанам̣ бхигкуунам̣ д̣̇ассаами, махаарааж̇аа’’д̇и. ‘‘д̇з ад̇д̇ано ж̇ин̣н̣ажийвараани гим̣ гариссанд̇ий’’д̇и? ‘‘ж̇ин̣н̣ад̇аражийваригаанам̣ д̣̇ассанд̇ий’’д̇и. ‘‘д̇з ад̇д̇ано ж̇ин̣н̣ад̇аражийвараани гим̣ гариссанд̇ий’’д̇и? ‘‘бажжад̇т̇аран̣аани гариссанд̇ий’’д̇и. ‘‘бураан̣абажжад̇т̇аран̣аани гим̣ гариссанд̇ий’’д̇и? ‘‘бхуумад̇т̇аран̣аани гариссанд̇ий’’д̇и. ‘‘бураан̣абхуумад̇т̇аран̣аани гим̣ гариссанд̇ий’’д̇и? ‘‘баад̣̇абун̃чанаани гариссанд̇и, махаарааж̇аа’’д̇и. ‘‘бураан̣абаад̣̇абун̃чанаани гим̣ гариссанд̇ий’’д̇и? ‘‘кан̣д̣аакан̣д̣игам̣ годдзд̇ваа мад̇д̇игааяа мад̣̇д̣̇ид̇ваа бхид̇д̇им̣ лимбиссанд̇ий’’д̇и. ‘‘бханд̇з, зд̇д̇агаани гад̇вааби аяяаанам̣ д̣̇иннаани на нассанд̇ий’’д̇и? ‘‘аама, махаарааж̇аа’’д̇и. рааж̇аа басанно абарааниби бан̃жа вад̇т̇асад̇аани аахараабзд̇ваа т̇зрасса баад̣̇амуулз табаабзси. т̇зро гира бан̃жасад̇аг̇гханагаанзва вад̇т̇аани бан̃жасад̇абхааг̇зна баад̣̇амуулз табзд̇ваа д̣̇иннаани бан̃жасад̇агкад̇д̇ум̣ лабхи, сахассаг̇гханагаани сахассабхааг̇зна баад̣̇амуулз табзд̇ваа д̣̇иннаани сахассагкад̇д̇ум̣ лабхи, сад̇асахассаг̇гханагаани сад̇асахассабхааг̇зна баад̣̇амуулз табзд̇ваа д̣̇иннаани сад̇асахассагкад̇д̇ум̣ лабхи. згам̣ д̣̇вз д̇ийн̣и жад̇д̇аари бан̃жа д̣̇асаад̇иаад̣̇инаа наязна лад̣̇д̇хаанам̣ бана г̇ан̣анаа наама над̇т̇и. д̇ат̇ааг̇ад̇з гира бариниб̣б̣уд̇з т̇зро сагалаж̇амб̣уд̣̇ийбам̣ вижарид̇ваа саб̣б̣авихаарзсу бхигкуунам̣ ад̇д̇ано санд̇агаанзва бад̇д̇ажийвараани ад̣̇ааси.

    Tā ekavatthā disvā rājā pucchi – ‘‘kuhiṃ vo uttarāsaṅgo’’ti. ‘‘Ayyassa no dinnā’’ti. ‘‘Tena sabbe gahitā’’ti? ‘‘Āma, gahitā’’ti. Rājā theraṃ upasaṅkamitvā vanditvā tāhi uttarāsaṅgānaṃ dinnabhāvaṃ pucchitvā tāhi dinnabhāvañca therena gahitabhāvañca sutvā, ‘‘nanu, bhante, atibahūni vatthāni, ettakehi kiṃ karissathā’’ti pucchi. ‘‘Amhākaṃ pahonakāni vatthāni gaṇhitvā sesāni jiṇṇacīvarikānaṃ bhikkhūnaṃ dassāmi, mahārājā’’ti. ‘‘Te attano jiṇṇacīvarāni kiṃ karissantī’’ti? ‘‘Jiṇṇataracīvarikānaṃ dassantī’’ti. ‘‘Te attano jiṇṇataracīvarāni kiṃ karissantī’’ti? ‘‘Paccattharaṇāni karissantī’’ti. ‘‘Purāṇapaccattharaṇāni kiṃ karissantī’’ti? ‘‘Bhūmattharaṇāni karissantī’’ti. ‘‘Purāṇabhūmattharaṇāni kiṃ karissantī’’ti? ‘‘Pādapuñchanāni karissanti, mahārājā’’ti. ‘‘Purāṇapādapuñchanāni kiṃ karissantī’’ti? ‘‘Khaṇḍākhaṇḍikaṃ koṭṭetvā mattikāya madditvā bhittiṃ limpissantī’’ti. ‘‘Bhante, ettakāni katvāpi ayyānaṃ dinnāni na nassantī’’ti? ‘‘Āma, mahārājā’’ti. Rājā pasanno aparānipi pañca vatthasatāni āharāpetvā therassa pādamūle ṭhapāpesi. Thero kira pañcasatagghanakāneva vatthāni pañcasatabhāgena pādamūle ṭhapetvā dinnāni pañcasatakkhattuṃ labhi, sahassagghanakāni sahassabhāgena pādamūle ṭhapetvā dinnāni sahassakkhattuṃ labhi, satasahassagghanakāni satasahassabhāgena pādamūle ṭhapetvā dinnāni satasahassakkhattuṃ labhi. Ekaṃ dve tīṇi cattāri pañca dasātiādinā nayena laddhānaṃ pana gaṇanā nāma natthi. Tathāgate kira parinibbute thero sakalajambudīpaṃ vicaritvā sabbavihāresu bhikkhūnaṃ attano santakāneva pattacīvarāni adāsi.

    д̇ад̣̇аа мааг̇ан̣д̣ияааби ‘‘яамахам̣ гароми. д̇ам̣ д̇ат̇аа ахуд̇ваа ан̃н̃ат̇аава ход̇и, ид̣̇аани гим̣ ну ко гариссаамий’’д̇и жинд̇зд̇ваа, ‘‘ад̇т̇зсо убааяо’’д̇и ран̃н̃з уяяаанагийл̣ам̣ г̇ажчанд̇з жуул̣абид̇у саасанам̣ бахин̣и – ‘‘саамаавад̇ияаа баасаад̣̇ам̣ г̇анд̇ваа, д̣̇уссагодтааг̇аараани жа д̇злагодтааг̇аараани жа вивараабзд̇ваа, д̣̇уссаани д̇злажаадийсу д̇змзд̇ваа д̇змзд̇ваа т̇амбхз взтзд̇ваа д̇аа саб̣б̣ааби згад̇о гад̇ваа д̣̇ваарам̣ бид̣̇ахид̇ваа б̣ахи яанд̇агам̣ д̣̇ад̇ваа д̣̇ан̣д̣ад̣̇ийбигаахи г̇зхз аг̇г̇им̣ д̣̇ад̣̇амаано од̇арид̇ваа г̇ажчад̇уу’’д̇и. со баасаад̣̇ам̣ абхируяха годтааг̇аараани виварид̇ваа вад̇т̇аани д̇злажаадийсу д̇змзд̇ваа д̇змзд̇ваа т̇амбхз взтзд̇ум̣ аарабхи. ат̇а нам̣ саамаавад̇иббамукаа ид̇т̇ияо ‘‘гим̣ зд̇ам̣ жуул̣абид̇аа’’д̇и вад̣̇анд̇ияо убасан̇гамим̣су. ‘‘аммаа, рааж̇аа д̣̇ал̣хигаммад̇т̇ааяа имз т̇амбхз д̇злабилод̇игаахи взтаабзд̇и, рааж̇аг̇зхз наама суяуд̇д̇ам̣ д̣̇уяуд̇д̇ам̣ д̣̇уж̇ж̇аанам̣, маа мз санд̇игз хот̇а, аммаа’’д̇и звам̣ вад̇ваа д̇аа ааг̇ад̇аа г̇аб̣бхз бавзсзд̇ваа д̣̇ваараани бид̣̇ахид̇ваа б̣ахи яанд̇агам̣ д̣̇ад̇ваа аад̣̇ид̇о бадтааяа аг̇г̇им̣ д̣̇знд̇о од̇ари. саамаавад̇ий д̇аасам̣ оваад̣̇ам̣ ад̣̇ааси – ‘‘амхаагам̣ анамад̇аг̇г̇з сам̣саарз вижаранд̇ийнам̣ звамзва аг̇г̇инаа жхааяамаанаанам̣ ад̇д̇абхааваанам̣ барижчзд̣̇о б̣уд̣̇д̇хан̃аан̣знаби на сугаро, аббамад̇д̇аа хот̇аа’’д̇и. д̇аа г̇зхз жхааяанд̇з взд̣̇анаабариг̇г̇ахагаммадтаанам̣ манасигаронд̇ияо гаажи д̣̇уд̇ияапалам̣, гаажи д̇ад̇ияапалам̣ баабун̣им̣су. д̇зна вуд̇д̇ам̣ – ‘‘ат̇а ко самб̣ахулаа бхигкуу бажчаабхад̇д̇ам̣ бин̣д̣абаад̇абадигганд̇аа язна бхаг̇аваа д̇знубасан̇гамим̣су, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су, згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘ид̇ха, бханд̇з, ран̃н̃о уд̇знасса уяяаанаг̇ад̇асса анд̇збурам̣ д̣̇ад̣дхам̣, бан̃жа жа ид̇т̇исад̇аани гаалагад̇аани саамаавад̇иббамукаани. д̇аасам̣, бханд̇з, убаасигаанам̣ гаа г̇ад̇и, го абхисамбарааяо’д̇и? санд̇зд̇т̇а, бхигкавз, убаасигааяо сод̇аабаннаа , санд̇и сагад̣̇ааг̇аамияо, санд̇и анааг̇аамияо, саб̣б̣аа д̇аа, бхигкавз , убаасигааяо анибпалаа гаалагад̇аа’’д̇и. ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –

    Tadā māgaṇḍiyāpi ‘‘yamahaṃ karomi. Taṃ tathā ahutvā aññathāva hoti, idāni kiṃ nu kho karissāmī’’ti cintetvā, ‘‘attheso upāyo’’ti raññe uyyānakīḷaṃ gacchante cūḷapitu sāsanaṃ pahiṇi – ‘‘sāmāvatiyā pāsādaṃ gantvā, dussakoṭṭhāgārāni ca telakoṭṭhāgārāni ca vivarāpetvā, dussāni telacāṭīsu temetvā temetvā thambhe veṭhetvā tā sabbāpi ekato katvā dvāraṃ pidahitvā bahi yantakaṃ datvā daṇḍadīpikāhi gehe aggiṃ dadamāno otaritvā gacchatū’’ti. So pāsādaṃ abhiruyha koṭṭhāgārāni vivaritvā vatthāni telacāṭīsu temetvā temetvā thambhe veṭhetuṃ ārabhi. Atha naṃ sāmāvatippamukhā itthiyo ‘‘kiṃ etaṃ cūḷapitā’’ti vadantiyo upasaṅkamiṃsu. ‘‘Ammā, rājā daḷhikammatthāya ime thambhe telapilotikāhi veṭhāpeti, rājagehe nāma suyuttaṃ duyuttaṃ dujjānaṃ, mā me santike hotha, ammā’’ti evaṃ vatvā tā āgatā gabbhe pavesetvā dvārāni pidahitvā bahi yantakaṃ datvā ādito paṭṭhāya aggiṃ dento otari. Sāmāvatī tāsaṃ ovādaṃ adāsi – ‘‘amhākaṃ anamatagge saṃsāre vicarantīnaṃ evameva agginā jhāyamānānaṃ attabhāvānaṃ paricchedo buddhañāṇenapi na sukaro, appamattā hothā’’ti. Tā gehe jhāyante vedanāpariggahakammaṭṭhānaṃ manasikarontiyo kāci dutiyaphalaṃ, kāci tatiyaphalaṃ pāpuṇiṃsu. Tena vuttaṃ – ‘‘atha kho sambahulā bhikkhū pacchābhattaṃ piṇḍapātapaṭikkantā yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ nisīdiṃsu, ekamantaṃ nisinnā kho te bhikkhū bhagavantaṃ etadavocuṃ – ‘idha, bhante, rañño utenassa uyyānagatassa antepuraṃ daḍḍhaṃ, pañca ca itthisatāni kālakatāni sāmāvatippamukhāni. Tāsaṃ, bhante, upāsikānaṃ kā gati, ko abhisamparāyo’ti? Santettha, bhikkhave, upāsikāyo sotāpannā , santi sakadāgāmiyo, santi anāgāmiyo, sabbā tā, bhikkhave , upāsikāyo anipphalā kālakatā’’ti. Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –

    ‘‘мохасамб̣анд̇хано лого, бхаб̣б̣аруубова д̣̇иссад̇и;

    ‘‘Mohasambandhano loko, bhabbarūpova dissati;

    убад̇хийб̣анд̇хано б̣аало, д̇амасаа бариваарид̇о;

    Upadhībandhano bālo, tamasā parivārito;

    сассад̇орива кааяад̇и, бассад̇о над̇т̇и гин̃жана’’нд̇и. (уд̣̇аа. 70);

    Sassatoriva khāyati, passato natthi kiñcana’’nti. (udā. 70);

    зван̃жа бана вад̇ваа, ‘‘бхигкавз, сад̇д̇аа наама ваддз вижаранд̇аа нижжагаалам̣ аббамад̇д̇аа худ̇ваа бун̃н̃агаммамзва на гаронд̇и, бамаад̣̇ино худ̇ваа баабагаммамби гаронд̇и. д̇асмаа ваддз вижаранд̇аа сукамби д̣̇угкамби анубхаванд̇ий’’д̇и д̇хаммам̣ д̣̇зсзси.

    Evañca pana vatvā, ‘‘bhikkhave, sattā nāma vaṭṭe vicarantā niccakālaṃ appamattā hutvā puññakammameva na karonti, pamādino hutvā pāpakammampi karonti. Tasmā vaṭṭe vicarantā sukhampi dukkhampi anubhavantī’’ti dhammaṃ desesi.

    рааж̇аа ‘‘саамаавад̇ияаа г̇зхам̣ гира жхааяад̇ий’’д̇и суд̇ваа взг̇знааг̇ажчанд̇оби ад̣̇ад̣дхз самбаабун̣ид̇ум̣ наасагки. ааг̇анд̇ваа бана г̇зхам̣ ниб̣б̣аабзнд̇о уббаннаб̣алавад̣̇оманассо амажжаг̇ан̣абаривуд̇о нисийд̣̇ид̇ваа саамаавад̇ияаа г̇ун̣з ануссаранд̇о, ‘‘гасса ну ко ид̣̇ам̣ гамма’’нд̇и жинд̇зд̇ваа – ‘‘мааг̇ан̣д̣ияааяа гаарид̇ам̣ бхависсад̇ий’’д̇и н̃ад̇ваа, ‘‘д̇аасзд̇ваа бужчияамаанаа на гат̇зссад̇и, сан̣игам̣ убааязна бужчиссаамий’’д̇и жинд̇зд̇ваа амажжз ааха – ‘‘амбхо, ахам̣ ид̇о буб̣б̣з удтааяа самудтааяа аасан̇гид̇абарисан̇гид̇ова хоми, саамаавад̇ий мз нижжам̣ од̇аарамзва г̇авзсад̇и, ид̣̇аани бана мз жид̇д̇ам̣ ниб̣б̣уд̇ам̣ бхависсад̇и, сукзна жа васид̇ум̣ лабхиссаамий’’д̇и, д̇з ‘‘гзна ну ко, д̣̇зва, ид̣̇ам̣ гад̇а’’нд̇и аахам̣су. ‘‘маяи синзхзна гзнажи гад̇ам̣ бхависсад̇ий’’д̇и. мааг̇ан̣д̣ияааби самийбз тид̇аа д̇ам̣ суд̇ваа, ‘‘наан̃н̃о гожи гаад̇ум̣ сагкиссад̇и, маяаа гад̇ам̣, д̣̇зва, ахам̣ жуул̣абид̇арам̣ аан̣аабзд̇ваа гаарзси’’нд̇и ааха. ‘‘д̇ам̣ табзд̇ваа ан̃н̃о маяи синзхо сад̇д̇о наама над̇т̇и, басанносми, варам̣ д̇з д̣̇амми, ад̇д̇ано н̃аад̇иг̇ан̣ам̣ баггосаабзхий’’д̇и. саа н̃аад̇агаанам̣ саасанам̣ бахин̣и – ‘‘рааж̇аа мз басанно варам̣ д̣̇зд̇и, сийгхам̣ ааг̇ажчанд̇уу’’д̇и. рааж̇аа ааг̇ад̇ааг̇ад̇аанам̣ маханд̇ам̣ саггаарам̣ гаарзси. д̇ам̣ д̣̇исваа д̇ассаа ан̃н̃аад̇агааби лан̃ж̇ам̣ д̣̇ад̇ваа ‘‘маяам̣ мааг̇ан̣д̣ияааяа н̃аад̇агаа’’д̇и ааг̇ажчим̣су. рааж̇аа д̇з саб̣б̣з г̇аахаабзд̇ваа рааж̇ан̇г̇ан̣з наабхиббамаан̣з ааваадз кан̣аабзд̇ваа д̇з д̇ад̇т̇а нисийд̣̇аабзд̇ваа бам̣суухи буурзд̇ваа убари балаалз вигираабзд̇ваа аг̇г̇им̣ д̣̇аабзси. жаммасса д̣̇ад̣дхагаалз аяанан̇г̇алзна гасаабзд̇ваа кан̣д̣аакан̣д̣ам̣ хийраахийрам̣ гаарзси. мааг̇ан̣д̣ияааяа сарийрад̇оби д̇икин̣зна сад̇т̇зна гханагханадтаанзсу мам̣сам̣ уббаадзд̇ваа д̇злагабаалам̣ уд̣̇д̇ханам̣ ааробзд̇ваа буувз вияа бажаабзд̇ваа д̇амзва каад̣̇аабзси.

    Rājā ‘‘sāmāvatiyā gehaṃ kira jhāyatī’’ti sutvā vegenāgacchantopi adaḍḍhe sampāpuṇituṃ nāsakkhi. Āgantvā pana gehaṃ nibbāpento uppannabalavadomanasso amaccagaṇaparivuto nisīditvā sāmāvatiyā guṇe anussaranto, ‘‘kassa nu kho idaṃ kamma’’nti cintetvā – ‘‘māgaṇḍiyāya kāritaṃ bhavissatī’’ti ñatvā, ‘‘tāsetvā pucchiyamānā na kathessati, saṇikaṃ upāyena pucchissāmī’’ti cintetvā amacce āha – ‘‘ambho, ahaṃ ito pubbe uṭṭhāya samuṭṭhāya āsaṅkitaparisaṅkitova homi, sāmāvatī me niccaṃ otārameva gavesati, idāni pana me cittaṃ nibbutaṃ bhavissati, sukhena ca vasituṃ labhissāmī’’ti, te ‘‘kena nu kho, deva, idaṃ kata’’nti āhaṃsu. ‘‘Mayi sinehena kenaci kataṃ bhavissatī’’ti. Māgaṇḍiyāpi samīpe ṭhitā taṃ sutvā, ‘‘nāñño koci kātuṃ sakkhissati, mayā kataṃ, deva, ahaṃ cūḷapitaraṃ āṇāpetvā kāresi’’nti āha. ‘‘Taṃ ṭhapetvā añño mayi sineho satto nāma natthi, pasannosmi, varaṃ te dammi, attano ñātigaṇaṃ pakkosāpehī’’ti. Sā ñātakānaṃ sāsanaṃ pahiṇi – ‘‘rājā me pasanno varaṃ deti, sīghaṃ āgacchantū’’ti. Rājā āgatāgatānaṃ mahantaṃ sakkāraṃ kāresi. Taṃ disvā tassā aññātakāpi lañjaṃ datvā ‘‘mayaṃ māgaṇḍiyāya ñātakā’’ti āgacchiṃsu. Rājā te sabbe gāhāpetvā rājaṅgaṇe nābhippamāṇe āvāṭe khaṇāpetvā te tattha nisīdāpetvā paṃsūhi pūretvā upari palāle vikirāpetvā aggiṃ dāpesi. Cammassa daḍḍhakāle ayanaṅgalena kasāpetvā khaṇḍākhaṇḍaṃ hīrāhīraṃ kāresi. Māgaṇḍiyāya sarīratopi tikhiṇena satthena ghanaghanaṭṭhānesu maṃsaṃ uppāṭetvā telakapālaṃ uddhanaṃ āropetvā pūve viya pacāpetvā tameva khādāpesi.

    д̇хаммасабхааяамби бхигкуу гат̇ам̣ самудтаабзсум̣, ‘‘ананужчавигам̣ вад̇а, аавусо, зваруубааяа сад̣̇д̇хааяа басаннааяа убаасигааяа зваруубам̣ маран̣а’’нд̇и. сад̇т̇аа ааг̇анд̇ваа, ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа, ‘‘имааяа наамаа’’д̇и вуд̇д̇з ‘‘бхигкавз, имасмим̣ ад̇д̇абхаавз саамаавад̇иббамукаанам̣ ид̇т̇ийнам̣ зд̇ам̣ аяуд̇д̇ам̣ самбад̇д̇ам̣. буб̣б̣з гад̇агаммасса бана яуд̇д̇амзва зд̇аахи лад̣̇д̇ха’’нд̇и вад̇ваа, ‘‘гим̣, бханд̇з, зд̇аахи буб̣б̣з гад̇ам̣, д̇ам̣ аажигкат̇аа’’д̇и д̇зхи яаажид̇о ад̇ийд̇ам̣ аахари –

    Dhammasabhāyampi bhikkhū kathaṃ samuṭṭhāpesuṃ, ‘‘ananucchavikaṃ vata, āvuso, evarūpāya saddhāya pasannāya upāsikāya evarūpaṃ maraṇa’’nti. Satthā āgantvā, ‘‘kāya nuttha, bhikkhave, etarahi kathāya sannisinnā’’ti pucchitvā, ‘‘imāya nāmā’’ti vutte ‘‘bhikkhave, imasmiṃ attabhāve sāmāvatippamukhānaṃ itthīnaṃ etaṃ ayuttaṃ sampattaṃ. Pubbe katakammassa pana yuttameva etāhi laddha’’nti vatvā, ‘‘kiṃ, bhante, etāhi pubbe kataṃ, taṃ ācikkhathā’’ti tehi yācito atītaṃ āhari –

    ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з рааж̇аг̇зхз ниб̣ад̣̇д̇хам̣ адта бажжзгаб̣уд̣̇д̇хаа бхун̃ж̇анд̇и. бан̃жасад̇аа ид̇т̇ияо д̇з убадтаханд̇и. д̇зсу сад̇д̇а бажжзгаб̣уд̣̇д̇хаа химаванд̇ам̣ г̇ажчанд̇и, зго над̣̇ийд̇ийрз згам̣ д̇ин̣аг̇аханам̣ ад̇т̇и, д̇ад̇т̇а жхаанам̣ самаабаж̇ж̇ид̇ваа нисийд̣̇и. ат̇згад̣̇ивасам̣ рааж̇аа бажжзгаб̣уд̣̇д̇хзсу г̇ад̇зсу д̇аа ид̇т̇ияо аад̣̇ааяа над̣̇ияам̣ уд̣̇агагийл̣ам̣ гийл̣ид̇ум̣ г̇ад̇о. д̇ад̇т̇а д̇аа ид̇т̇ияо д̣̇ивасабхааг̇ам̣ уд̣̇агз гийл̣ид̇ваа уд̇д̇арид̇ваа сийд̇абийл̣ид̇аа аг̇г̇им̣ висиб̣б̣зд̇угаамаа ‘‘амхаагам̣ аг̇г̇игаран̣адтаанам̣ ологзт̇аа’’д̇и абараабарам̣ вижаранд̇ияо д̇ам̣ д̇ин̣аг̇аханам̣ д̣̇исваа, ‘‘д̇ин̣араасий’’д̇и сан̃н̃ааяа д̇ам̣ бариваарзд̇ваа тид̇аа аг̇г̇им̣ ад̣̇ам̣су. д̇ин̣зсу жхааяид̇ваа бад̇анд̇зсу бажжзгаб̣уд̣̇д̇хам̣ д̣̇исваа, ‘‘надтаамхаа, амхаагам̣ ран̃н̃о бажжзгаб̣уд̣̇д̇хо жхааяад̇и, рааж̇аа н̃ад̇ваа амхз наасзссад̇и, суд̣̇ад̣дхам̣ нам̣ гариссаамаа’’д̇и саб̣б̣аа д̇аа ид̇т̇ияо ид̇о жид̇о жа д̣̇аарууни аахарид̇ваа д̇асса убари д̣̇аарураасим̣ гарим̣су. махаад̣̇аарурааси ахоси. ат̇а нам̣ аалимбзд̇ваа, ‘‘ид̣̇аани жхааяиссад̇ий’’д̇и баггамим̣су. д̇аа батамам̣ асан̃жзд̇анигаа худ̇ваа гаммунаа на б̣аж̇жхим̣су, ид̣̇аани бажчаа сан̃жзд̇анааяа гаммунаа б̣аж̇жхим̣су. бажжзгаб̣уд̣̇д̇хам̣ бана анд̇осамаабад̇д̇ияам̣ сагадасахассзхи д̣̇аарууни аахарид̇ваа аалимбзнд̇ааби усмаагаарамад̇д̇амби г̇ахзд̇ум̣ на саггонд̇и. д̇асмаа со сад̇д̇амз д̣̇ивасз удтааяа яат̇аасукам̣ аг̇амааси. д̇аа д̇асса гаммасса гад̇ад̇д̇аа б̣ахууни вассасад̇асахассаани нираяз бажжид̇ваа д̇ассзва гаммасса вибаагаавасзсзна ад̇д̇абхаавасад̇з иминаава нияаамзна г̇зхз жхааяамаанз жхааяим̣су. ид̣̇ам̣ зд̇аасам̣ буб̣б̣агамманд̇и.

    Atīte bārāṇasiyaṃ brahmadatte rajjaṃ kārente rājagehe nibaddhaṃ aṭṭha paccekabuddhā bhuñjanti. Pañcasatā itthiyo te upaṭṭhahanti. Tesu satta paccekabuddhā himavantaṃ gacchanti, eko nadītīre ekaṃ tiṇagahanaṃ atthi, tattha jhānaṃ samāpajjitvā nisīdi. Athekadivasaṃ rājā paccekabuddhesu gatesu tā itthiyo ādāya nadiyaṃ udakakīḷaṃ kīḷituṃ gato. Tattha tā itthiyo divasabhāgaṃ udake kīḷitvā uttaritvā sītapīḷitā aggiṃ visibbetukāmā ‘‘amhākaṃ aggikaraṇaṭṭhānaṃ olokethā’’ti aparāparaṃ vicarantiyo taṃ tiṇagahanaṃ disvā, ‘‘tiṇarāsī’’ti saññāya taṃ parivāretvā ṭhitā aggiṃ adaṃsu. Tiṇesu jhāyitvā patantesu paccekabuddhaṃ disvā, ‘‘naṭṭhāmhā, amhākaṃ rañño paccekabuddho jhāyati, rājā ñatvā amhe nāsessati, sudaḍḍhaṃ naṃ karissāmā’’ti sabbā tā itthiyo ito cito ca dārūni āharitvā tassa upari dārurāsiṃ kariṃsu. Mahādārurāsi ahosi. Atha naṃ ālimpetvā, ‘‘idāni jhāyissatī’’ti pakkamiṃsu. Tā paṭhamaṃ asañcetanikā hutvā kammunā na bajjhiṃsu, idāni pacchā sañcetanāya kammunā bajjhiṃsu. Paccekabuddhaṃ pana antosamāpattiyaṃ sakaṭasahassehi dārūni āharitvā ālimpentāpi usmākāramattampi gahetuṃ na sakkonti. Tasmā so sattame divase uṭṭhāya yathāsukhaṃ agamāsi. Tā tassa kammassa katattā bahūni vassasatasahassāni niraye paccitvā tasseva kammassa vipākāvasesena attabhāvasate imināva niyāmena gehe jhāyamāne jhāyiṃsu. Idaṃ etāsaṃ pubbakammanti.

    звам̣ вуд̇д̇з бхигкуу сад̇т̇аарам̣ бадибужчим̣су – ‘‘куж̇ж̇уд̇д̇араа бана, бханд̇з, гзна гаммзна куж̇ж̇аа ж̇аад̇аа, гзна гаммзна махаабан̃н̃аа, гзна гаммзна сод̇аабад̇д̇ипалам̣ ад̇хиг̇ад̇аа, гзна гаммзна барзсам̣ бзсанагаарид̇аа ж̇аад̇аа’’д̇и? бхигкавз, д̇ассзва ран̃н̃о б̣аараан̣асияам̣ раж̇ж̇ам̣ гаран̣агаалз свзва бажжзгаб̣уд̣̇д̇хо т̇огам̣ куж̇ж̇ад̇хаад̇уго ахоси. ат̇згаа убадтааяигаа ид̇т̇ий гамб̣алам̣ баарубид̇ваа суван̣н̣асаран̣ам̣ г̇ахзд̇ваа, ‘‘амхаагам̣ бажжзгаб̣уд̣̇д̇хо зван̃жа зван̃жа вижарад̇ий’’д̇и куж̇ж̇аа худ̇ваа д̇асса вижаран̣аагаарам̣ д̣̇ассзси. д̇асса ниссанд̣̇зна куж̇ж̇аа ж̇аад̇аа. д̇з бана бажжзгаб̣уд̣̇д̇хз батамад̣̇ивасз рааж̇аг̇зхз нисийд̣̇аабзд̇ваа бад̇д̇з г̇аахаабзд̇ваа бааяаасасса буурзд̇ваа д̣̇аабзси. ун̣хабааяаасасса буурз бад̇д̇з бажжзгаб̣уд̣̇д̇хаа баривад̇д̇зд̇ваа баривад̇д̇зд̇ваа г̇ан̣ханд̇и. саа ид̇т̇ий д̇з д̇ат̇аа гаронд̇з д̣̇исваа ад̇д̇ано санд̇агаани адта д̣̇анд̇авалаяаани д̣̇ад̇ваа, ‘‘ид̇ха табзд̇ваа г̇ан̣хат̇аа’’д̇и ааха. д̇зсу д̇ат̇аа гад̇ваа д̇ам̣ ологзд̇ваа тид̇зсу д̇зсам̣ ад̇хиббааяам̣ н̃ад̇ваа, ‘‘над̇т̇и, бханд̇з, амхаагам̣ зд̇зхи ад̇т̇о. д̇умхааган̃н̃зва зд̇аани барижжад̇д̇аани, г̇ахзд̇ваа г̇ажчат̇аа’’д̇и ааха. д̇з г̇ахзд̇ваа нанд̣̇амуулагабаб̣бхаарам̣ аг̇амам̣су. аж̇ж̇ад̇анааби д̇аани валаяаани арог̇аанзва. саа д̇асса гаммасса ниссанд̣̇зна ид̣̇аани д̇ибидагад̇хараа махаабан̃н̃аа ж̇аад̇аа. бажжзгаб̣уд̣̇д̇хаанам̣ гад̇аубадтаанасса ниссанд̣̇зна бана сод̇аабад̇д̇ипалам̣ бад̇д̇аа. ид̣̇амассаа б̣уд̣̇д̇ханд̇арз буб̣б̣агаммам̣.

    Evaṃ vutte bhikkhū satthāraṃ paṭipucchiṃsu – ‘‘khujjuttarā pana, bhante, kena kammena khujjā jātā, kena kammena mahāpaññā, kena kammena sotāpattiphalaṃ adhigatā, kena kammena paresaṃ pesanakāritā jātā’’ti? Bhikkhave, tasseva rañño bārāṇasiyaṃ rajjaṃ karaṇakāle sveva paccekabuddho thokaṃ khujjadhātuko ahosi. Athekā upaṭṭhāyikā itthī kambalaṃ pārupitvā suvaṇṇasaraṇaṃ gahetvā, ‘‘amhākaṃ paccekabuddho evañca evañca vicaratī’’ti khujjā hutvā tassa vicaraṇākāraṃ dassesi. Tassa nissandena khujjā jātā. Te pana paccekabuddhe paṭhamadivase rājagehe nisīdāpetvā patte gāhāpetvā pāyāsassa pūretvā dāpesi. Uṇhapāyāsassa pūre patte paccekabuddhā parivattetvā parivattetvā gaṇhanti. Sā itthī te tathā karonte disvā attano santakāni aṭṭha dantavalayāni datvā, ‘‘idha ṭhapetvā gaṇhathā’’ti āha. Tesu tathā katvā taṃ oloketvā ṭhitesu tesaṃ adhippāyaṃ ñatvā, ‘‘natthi, bhante, amhākaṃ etehi attho. Tumhākaññeva etāni pariccattāni, gahetvā gacchathā’’ti āha. Te gahetvā nandamūlakapabbhāraṃ agamaṃsu. Ajjatanāpi tāni valayāni arogāneva. Sā tassa kammassa nissandena idāni tipiṭakadharā mahāpaññā jātā. Paccekabuddhānaṃ kataupaṭṭhānassa nissandena pana sotāpattiphalaṃ pattā. Idamassā buddhantare pubbakammaṃ.

    гассабасаммаасамб̣уд̣̇д̇хагаалз бана згаа б̣аараан̣асисздтино д̇хийд̇аа вад̣дхамаанагажчааяааяа аад̣̇аасам̣ г̇ахзд̇ваа ад̇д̇аанам̣ алан̇гаронд̇ий нисийд̣̇и. ат̇ассаа виссаасигаа згаа кийн̣аасаваа бхигкуний д̇ам̣ д̣̇адтум̣ аг̇амааси. бхигкунияо хи кийн̣аасавааби сааяанхасамаяз убадтаагагулаани д̣̇адтугаамаа хонд̇и. д̇асмим̣ бана кан̣з сздтид̇хийд̇ааяа санд̇игз гаажи бзсанагааригаа над̇т̇и, саа ‘‘ванд̣̇аами, аяяз, зд̇ам̣ д̇аава мз басаад̇ханабзл̣агам̣ г̇ахзд̇ваа д̣̇зт̇аа’’д̇и ааха. т̇зрий жинд̇зси – ‘‘сажассаа имам̣ г̇ан̣хид̇ваа на д̣̇ассаами, маяи аагхаад̇ам̣ гад̇ваа нираяз ниб̣б̣ад̇д̇иссад̇и. сажз бана д̣̇ассаами, барасса бзсанагааригаа худ̇ваа ниб̣б̣ад̇д̇иссад̇и. нираяасанд̇аабад̇о ко бана барасса бзсанабхаавова сзяяо’’д̇и. ‘‘саа ануд̣̇аяам̣ бадижжа д̇ам̣ г̇ахзд̇ваа д̇ассаа ад̣̇ааси. д̇асса гаммасса ниссанд̣̇зна барзсам̣ бзсанагааригаа ж̇аад̇аа’’д̇и.

    Kassapasammāsambuddhakāle pana ekā bārāṇasiseṭṭhino dhītā vaḍḍhamānakacchāyāya ādāsaṃ gahetvā attānaṃ alaṅkarontī nisīdi. Athassā vissāsikā ekā khīṇāsavā bhikkhunī taṃ daṭṭhuṃ agamāsi. Bhikkhuniyo hi khīṇāsavāpi sāyanhasamaye upaṭṭhākakulāni daṭṭhukāmā honti. Tasmiṃ pana khaṇe seṭṭhidhītāya santike kāci pesanakārikā natthi, sā ‘‘vandāmi, ayye, etaṃ tāva me pasādhanapeḷakaṃ gahetvā dethā’’ti āha. Therī cintesi – ‘‘sacassā imaṃ gaṇhitvā na dassāmi, mayi āghātaṃ katvā niraye nibbattissati. Sace pana dassāmi, parassa pesanakārikā hutvā nibbattissati. Nirayasantāpato kho pana parassa pesanabhāvova seyyo’’ti. ‘‘Sā anudayaṃ paṭicca taṃ gahetvā tassā adāsi. Tassa kammassa nissandena paresaṃ pesanakārikā jātā’’ti.

    ат̇а бунзгад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ ‘‘саамаавад̇иббамукаа бан̃жасад̇аа ид̇т̇ияо г̇зхз аг̇г̇инаа жхааяим̣су, мааг̇ан̣д̣ияааяа н̃аад̇агаа убари балаалаг̇г̇им̣ д̣̇ад̇ваа аяанан̇г̇алзхи бхиннаа, мааг̇ан̣д̣ияаа баггут̇ид̇ад̇злз баггаа, гз ну ко зд̇т̇а ж̇ийванд̇и наама, гз мад̇аа наамаа’’д̇и. сад̇т̇аа ааг̇анд̇ваа, ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа, ‘‘имааяа наамаа’’д̇и вуд̇д̇з, ‘‘бхигкавз, яз гзжи бамад̇д̇аа, д̇з вассасад̇ам̣ ж̇ийванд̇ааби мад̇ааязва наама. яз аббамад̇д̇аа, д̇з мад̇ааби ж̇ийванд̇иязва. д̇асмаа мааг̇ан̣д̣ияаа ж̇ийванд̇ийби мад̇ааязва наама, саамаавад̇иббамукаа бан̃жасад̇аа ид̇т̇ияо мад̇ааби ж̇ийванд̇иязва наама. на хи, бхигкавз, аббамад̇д̇аа маранд̇и наамаа’’д̇и вад̇ваа имаа г̇аат̇аа абхааси –

    Atha punekadivasaṃ bhikkhū dhammasabhāyaṃ kathaṃ samuṭṭhāpesuṃ ‘‘sāmāvatippamukhā pañcasatā itthiyo gehe agginā jhāyiṃsu, māgaṇḍiyāya ñātakā upari palālaggiṃ datvā ayanaṅgalehi bhinnā, māgaṇḍiyā pakkuthitatele pakkā, ke nu kho ettha jīvanti nāma, ke matā nāmā’’ti. Satthā āgantvā, ‘‘kāya nuttha, bhikkhave, etarahi kathāya sannisinnā’’ti pucchitvā, ‘‘imāya nāmā’’ti vutte, ‘‘bhikkhave, ye keci pamattā, te vassasataṃ jīvantāpi matāyeva nāma. Ye appamattā, te matāpi jīvantiyeva. Tasmā māgaṇḍiyā jīvantīpi matāyeva nāma, sāmāvatippamukhā pañcasatā itthiyo matāpi jīvantiyeva nāma. Na hi, bhikkhave, appamattā maranti nāmā’’ti vatvā imā gāthā abhāsi –

    21.

    21.

    ‘‘аббамаад̣̇о амад̇абад̣̇ам̣, бамаад̣̇о мажжуно бад̣̇ам̣;

    ‘‘Appamādo amatapadaṃ, pamādo maccuno padaṃ;

    аббамад̇д̇аа на мийяанд̇и, яз бамад̇д̇аа яат̇аа мад̇аа.

    Appamattā na mīyanti, ye pamattā yathā matā.

    22.

    22.

    ‘‘звам̣ висзсад̇о н̃ад̇ваа, аббамаад̣̇амхи бан̣д̣ид̇аа;

    ‘‘Evaṃ visesato ñatvā, appamādamhi paṇḍitā;

    аббамаад̣̇з бамод̣̇анд̇и, арияаанам̣ г̇ожарз рад̇аа.

    Appamāde pamodanti, ariyānaṃ gocare ratā.

    23.

    23.

    ‘‘д̇з жхааяино саад̇ад̇игаа, нижжам̣ д̣̇ал̣хабараггамаа;

    ‘‘Te jhāyino sātatikā, niccaṃ daḷhaparakkamā;

    пусанд̇и д̇хийраа ниб̣б̣аанам̣, яог̇агкзмам̣ ануд̇д̇ара’’нд̇и.

    Phusanti dhīrā nibbānaṃ, yogakkhemaṃ anuttara’’nti.

    д̇ад̇т̇а аббамаад̣̇од̇и бад̣̇ам̣ маханд̇ам̣ ад̇т̇ам̣ д̣̇ийбзд̇и, маханд̇ам̣ ад̇т̇ам̣ г̇ахзд̇ваа д̇идтад̇и. сагаламби хи д̇збидагам̣ б̣уд̣̇д̇хаважанам̣ аахарид̇ваа гат̇ияамаанам̣ аббамаад̣̇абад̣̇амзва од̇арад̇и. д̇зна вуд̇д̇ам̣ –

    Tattha appamādoti padaṃ mahantaṃ atthaṃ dīpeti, mahantaṃ atthaṃ gahetvā tiṭṭhati. Sakalampi hi tepiṭakaṃ buddhavacanaṃ āharitvā kathiyamānaṃ appamādapadameva otarati. Tena vuttaṃ –

    ‘‘сзяяат̇ааби, бхигкавз, яаани гаанижи ж̇ан̇г̇алаанам̣ баан̣аанам̣ бад̣̇аж̇аад̇аани, саб̣б̣аани д̇аани хад̇т̇ибад̣̇з самод̇хаанам̣ г̇ажчанд̇и, хад̇т̇ибад̣̇ам̣ д̇зсам̣ аг̇г̇амагкааяад̇и яад̣̇ид̣̇ам̣ маханд̇ад̇д̇зна. звамзва ко, бхигкавз, яз гзжи гусалаа д̇хаммаа, саб̣б̣зд̇з аббамаад̣̇амуулагаа аббамаад̣̇асамосаран̣аа, аббамаад̣̇о д̇зсам̣ д̇хаммаанам̣ аг̇г̇амагкааяад̇ий’’д̇и (сам̣. ни. 5.140).

    ‘‘Seyyathāpi, bhikkhave, yāni kānici jaṅgalānaṃ pāṇānaṃ padajātāni, sabbāni tāni hatthipade samodhānaṃ gacchanti, hatthipadaṃ tesaṃ aggamakkhāyati yadidaṃ mahantattena. Evameva kho, bhikkhave, ye keci kusalā dhammā, sabbete appamādamūlakā appamādasamosaraṇā, appamādo tesaṃ dhammānaṃ aggamakkhāyatī’’ti (saṃ. ni. 5.140).

    со банзса ад̇т̇ад̇о сад̇ияаа авиббаваасо наама. нижжам̣ убадтид̇ааяа сад̇ияаа жзд̇ам̣ наамам̣. амад̇абад̣̇анд̇и амад̇ам̣ вужжад̇и ниб̣б̣аанам̣. д̇ан̃хи аж̇аад̇ад̇д̇аа ну ж̇ийяад̇и на мийяад̇и, д̇асмаа амад̇анд̇и вужжад̇и. баж̇ж̇анд̇и иминаад̇и бад̣̇ам̣, амад̇ам̣ баабун̣анд̇ийд̇и ад̇т̇о. амад̇асса бад̣̇ам̣ амад̇абад̣̇ам̣, амад̇асса ад̇хиг̇амуубааяод̇и вуд̇д̇ам̣ ход̇и, бамаад̣̇од̇и бамаж̇ж̇анабхааво, мудтассад̇исан̇каад̇асса сад̇ияаа восаг̇г̇ассзд̇ам̣ наамам̣. мажжунод̇и маран̣асса. бад̣̇анд̇и убааяо маг̇г̇о. бамад̇д̇о хи ж̇аад̇им̣ наад̇ивад̇д̇ад̇и, ж̇аад̇о ж̇ийяад̇и жзва мийяад̇и жаад̇и бамаад̣̇о мажжуно бад̣̇ам̣ наама ход̇и, маран̣ам̣ убзд̇и. аббамад̇д̇аа на мийяанд̇ийд̇и сад̇ияаа саманнааг̇ад̇аа хи аббамад̇д̇аа на маранд̇и. аж̇араа амараа хонд̇ийд̇и на саллагкзд̇аб̣б̣ам̣. на хи гожи сад̇д̇о аж̇аро амаро наама ад̇т̇и, бамад̇д̇асса бана ваддам̣ наама абарижчиннам̣, аббамад̇д̇асса барижчиннам̣. д̇асмаа бамад̇д̇аа ж̇аад̇иаад̣̇ийхи абаримуд̇д̇ад̇д̇аа ж̇ийванд̇ааби мад̇ааязва наама. аббамад̇д̇аа бана аббамаад̣̇алагкан̣ам̣ вад̣дхзд̇ваа киббам̣ маг̇г̇апалаани сажчигад̇ваа д̣̇уд̇ияад̇ад̇ияаад̇д̇абхаавзсу на ниб̣б̣ад̇д̇анд̇и. д̇асмаа д̇з ж̇ийванд̇ааби мад̇ааби на мийяанд̇иязва наама. яз бамад̇д̇аа яат̇аа мад̇аад̇и яз бана сад̇д̇аа бамад̇д̇аа, д̇з бамаад̣̇амаран̣зна мад̇ад̇д̇аа, яат̇аа хи ж̇ийвид̇инд̣̇рияубажчзд̣̇зна мад̇аа д̣̇ааругканд̇хасад̣̇исаа абаг̇ад̇авин̃н̃аан̣аа , д̇ат̇зва хонд̇и. д̇зсамби хи мад̇аанам̣ вияа г̇ахадтаанам̣ д̇аава ‘‘д̣̇аанам̣ д̣̇ассаама, сийлам̣ рагкиссаама, убосат̇агаммам̣ гариссаамаа’’д̇и згажид̇д̇амби на уббаж̇ж̇ад̇и, баб̣б̣аж̇ид̇аанамби ‘‘аажарияубаж̇жхааяавад̇д̇аад̣̇ийни буурзссаама, д̇худ̇ан̇г̇аани самаад̣̇ияиссаама, бхааванам̣ вад̣дхзссаамаа’’д̇и на уббаж̇ж̇ад̇ийд̇и мад̇зна д̇з гим̣ наанаагаран̣аава хонд̇и. д̇зна вуд̇д̇ам̣ – ‘‘яз бамад̇д̇аа яат̇аа мад̇аа’’д̇и.

    So panesa atthato satiyā avippavāso nāma. Niccaṃ upaṭṭhitāya satiyā cetaṃ nāmaṃ. Amatapadanti amataṃ vuccati nibbānaṃ. Tañhi ajātattā nu jīyati na mīyati, tasmā amatanti vuccati. Pajjanti imināti padaṃ, amataṃ pāpuṇantīti attho. Amatassa padaṃ amatapadaṃ, amatassa adhigamūpāyoti vuttaṃ hoti, pamādoti pamajjanabhāvo, muṭṭhassatisaṅkhātassa satiyā vosaggassetaṃ nāmaṃ. Maccunoti maraṇassa. Padanti upāyo maggo. Pamatto hi jātiṃ nātivattati, jāto jīyati ceva mīyati cāti pamādo maccuno padaṃ nāma hoti, maraṇaṃ upeti. Appamattā na mīyantīti satiyā samannāgatā hi appamattā na maranti. Ajarā amarā hontīti na sallakkhetabbaṃ. Na hi koci satto ajaro amaro nāma atthi, pamattassa pana vaṭṭaṃ nāma aparicchinnaṃ, appamattassa paricchinnaṃ. Tasmā pamattā jātiādīhi aparimuttattā jīvantāpi matāyeva nāma. Appamattā pana appamādalakkhaṇaṃ vaḍḍhetvā khippaṃ maggaphalāni sacchikatvā dutiyatatiyaattabhāvesu na nibbattanti. Tasmā te jīvantāpi matāpi na mīyantiyeva nāma. Ye pamattā yathā matāti ye pana sattā pamattā, te pamādamaraṇena matattā, yathā hi jīvitindriyupacchedena matā dārukkhandhasadisā apagataviññāṇā , tatheva honti. Tesampi hi matānaṃ viya gahaṭṭhānaṃ tāva ‘‘dānaṃ dassāma, sīlaṃ rakkhissāma, uposathakammaṃ karissāmā’’ti ekacittampi na uppajjati, pabbajitānampi ‘‘ācariyupajjhāyavattādīni pūressāma, dhutaṅgāni samādiyissāma, bhāvanaṃ vaḍḍhessāmā’’ti na uppajjatīti matena te kiṃ nānākaraṇāva honti. Tena vuttaṃ – ‘‘ye pamattā yathā matā’’ti.

    звам̣ висзсад̇о н̃ад̇ваад̇и бамад̇д̇асса ваддад̇о ниссаран̣ам̣ над̇т̇и, аббамад̇д̇асса ад̇т̇ийд̇и звам̣ висзсад̇ова ж̇аанид̇ваа. гз банзд̇ам̣ висзсам̣ ж̇аананд̇ийд̇и? аббамаад̣̇амхи бан̣д̣ид̇аад̇и яз бан̣д̣ид̇аа мзд̇хаавино саббан̃н̃аа ад̇д̇ано аббамаад̣̇з тад̇ваа аббамаад̣̇ам̣ вад̣дхзнд̇и, д̇з звам̣ висзсагааран̣ам̣ ж̇аананд̇и. аббамаад̣̇з бамод̣̇анд̇ийд̇и д̇з звам̣ н̃ад̇ваа д̇асмим̣ ад̇д̇ано аббамаад̣̇з бамод̣̇анд̇и, бахам̣сид̇амукаа д̇удтабахадтаа хонд̇и. арияаанам̣ г̇ожарз рад̇аад̇и д̇з звам̣ аббамаад̣̇з бамод̣̇анд̇аа д̇ам̣ аббамаад̣̇ам̣ вад̣дхзд̇ваа арияаанам̣ б̣уд̣̇д̇хабажжзгаб̣уд̣̇д̇хаб̣уд̣̇д̇хасаавагаанам̣ г̇ожарасан̇каад̇з жад̇усад̇ибадтаанаад̣̇ибхзд̣̇з сад̇д̇ад̇им̣са б̣од̇хибагкияад̇хаммз нававид̇халогуд̇д̇арад̇хаммз жа рад̇аа нирад̇аа, абхирад̇аа хонд̇ийд̇и ад̇т̇о.

    Evaṃ visesato ñatvāti pamattassa vaṭṭato nissaraṇaṃ natthi, appamattassa atthīti evaṃ visesatova jānitvā. Ke panetaṃ visesaṃ jānantīti? Appamādamhi paṇḍitāti ye paṇḍitā medhāvino sappaññā attano appamāde ṭhatvā appamādaṃ vaḍḍhenti, te evaṃ visesakāraṇaṃ jānanti. Appamāde pamodantīti te evaṃ ñatvā tasmiṃ attano appamāde pamodanti, pahaṃsitamukhā tuṭṭhapahaṭṭhā honti. Ariyānaṃ gocare ratāti te evaṃ appamāde pamodantā taṃ appamādaṃ vaḍḍhetvā ariyānaṃ buddhapaccekabuddhabuddhasāvakānaṃ gocarasaṅkhāte catusatipaṭṭhānādibhede sattatiṃsa bodhipakkhiyadhamme navavidhalokuttaradhamme ca ratā niratā, abhiratā hontīti attho.

    д̇з жхааяинод̇и д̇з аббамад̇д̇аа бан̣д̣ид̇аа адтасамаабад̇д̇исан̇каад̇зна аарамман̣уубаниж̇жхаанзна вибассанаамаг̇г̇апаласан̇каад̇зна лагкан̣уубаниж̇жхаанзна жаад̇и д̣̇увид̇хзнаби жхаанзна жхааяино. саад̇ад̇игаад̇и абхинигкаманагаалад̇о бадтааяа яаава арахад̇д̇амаг̇г̇аа сад̇ад̇ам̣ бавад̇д̇агааяигажзд̇асигавийрияаа. нижжам̣ д̣̇ал̣хабараггамаад̇и яам̣ д̇ам̣ бурисат̇аамзна бурисавийриязна бурисабараггамзна бад̇д̇аб̣б̣ам̣, на д̇ам̣ абаабун̣ид̇ваа вийрияасса сан̣таанам̣ бхависсад̇ийд̇и зваруубзна вийриязна анд̇араа аносаггид̇ваа нижжаббавад̇д̇зна д̣̇ал̣хабараггамзна саманнааг̇ад̇аа. пусанд̇ийд̇и зд̇т̇а д̣̇вз пусанаа н̃аан̣апусанаа жа, вибаагапусанаа жа. д̇ад̇т̇а жад̇д̇ааро маг̇г̇аа н̃аан̣апусанаа наама, жад̇д̇аари палаани вибаагапусанаа наама. д̇зсу ид̇ха вибаагапусанаа ад̇хиббзд̇аа. арияапалзна ниб̣б̣аанам̣ сажчигаронд̇о д̇хийраа бан̣д̣ид̇аа д̇ааяа вибаагапусанааяа пусанд̇и, ниб̣б̣аанам̣ сажчигаронд̇и. яог̇агкзмам̣ ануд̇д̇аранд̇и яз жад̇д̇ааро яог̇аа махааж̇анам̣ ваддз осийд̣̇аабзнд̇и, д̇зхи кзмам̣ ниб̣бхаяам̣ саб̣б̣зхи логияалогуд̇д̇арад̇хаммзхи сздтад̇д̇аа ануд̇д̇аранд̇и.

    Tejhāyinoti te appamattā paṇḍitā aṭṭhasamāpattisaṅkhātena ārammaṇūpanijjhānena vipassanāmaggaphalasaṅkhātena lakkhaṇūpanijjhānena cāti duvidhenapi jhānena jhāyino. Sātatikāti abhinikkhamanakālato paṭṭhāya yāva arahattamaggā satataṃ pavattakāyikacetasikavīriyā. Niccaṃ daḷhaparakkamāti yaṃ taṃ purisathāmena purisavīriyena purisaparakkamena pattabbaṃ, na taṃ apāpuṇitvā vīriyassa saṇṭhānaṃ bhavissatīti evarūpena vīriyena antarā anosakkitvā niccappavattena daḷhaparakkamena samannāgatā. Phusantīti ettha dve phusanā ñāṇaphusanā ca, vipākaphusanā ca. Tattha cattāro maggā ñāṇaphusanā nāma, cattāri phalāni vipākaphusanā nāma. Tesu idha vipākaphusanā adhippetā. Ariyaphalena nibbānaṃ sacchikaronto dhīrā paṇḍitā tāya vipākaphusanāya phusanti, nibbānaṃ sacchikaronti. Yogakkhemaṃ anuttaranti ye cattāro yogā mahājanaṃ vaṭṭe osīdāpenti, tehi khemaṃ nibbhayaṃ sabbehi lokiyalokuttaradhammehi seṭṭhattā anuttaranti.

    д̣̇зсанаабарияосаанз б̣ахуу сод̇аабаннаад̣̇аяо ахзсум̣. д̣̇зсанаа махааж̇анасса саад̇т̇игаа ж̇аад̇аад̇и.

    Desanāpariyosāne bahū sotāpannādayo ahesuṃ. Desanā mahājanassa sātthikā jātāti.

    саамаавад̇ийвад̇т̇у батамам̣.

    Sāmāvatīvatthu paṭhamaṃ.

    2. гумбхагхосагасздтивад̇т̇у

    2. Kumbhaghosakaseṭṭhivatthu

    удтаанавад̇од̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о гумбхагхосагам̣ аараб̣бха гат̇зси. рааж̇аг̇аханаг̇арасмин̃хи рааж̇аг̇ахасздтино г̇зхз ахиваад̇арог̇о уббаж̇ж̇и, д̇асмим̣ уббаннз магкигаа аад̣̇им̣ гад̇ваа яаава г̇ааваа батамам̣ д̇иражчаанаг̇ад̇аа маранд̇и, д̇ад̇о д̣̇аасагаммагаро, саб̣б̣абажчаа г̇зхасаамигаа, д̇асмаа со рог̇о саб̣б̣абажчаа сздтин̃жа ж̇ааяан̃жа г̇ан̣хи. д̇з рог̇зна пудтаа буд̇д̇ам̣ санд̇игз тид̇ам̣ ологзд̇ваа ассубун̣н̣зхи нзд̇д̇зхи д̇ам̣ аахам̣су – ‘‘д̇аад̇а, имасмим̣ гира рог̇з уббаннз бхид̇д̇им̣ бхинд̣̇ид̇ваа балааяанд̇аава ж̇ийвид̇ам̣ лабханд̇и, д̇вам̣ амхз анологзд̇ваа балааяид̇ваа ж̇ийванд̇о бунааг̇анд̇ваа амхаагам̣ асугадтаанз наама жад̇д̇аалийса д̇ханагодияо нид̣̇ахид̇ваа табид̇аа, д̇аа уд̣̇д̇харид̇ваа ж̇ийвигам̣ габбзяяаасий’’д̇и. со д̇зсам̣ важанам̣ суд̇ваа руд̣̇амаано маад̇аабид̇аро ванд̣̇ид̇ваа маран̣абхаяабхийд̇о бхид̇д̇им̣ бхинд̣̇ид̇ваа балааяид̇ваа баб̣б̣ад̇аг̇аханам̣ г̇анд̇ваа д̣̇ваад̣̇аса вассаани д̇ад̇т̇а васид̇ваа маад̇аабид̇увасанадтаанам̣ бажжааг̇ан̃чи.

    Uṭṭhānavatoti imaṃ dhammadesanaṃ satthā veḷuvane viharanto kumbhaghosakaṃ ārabbha kathesi. Rājagahanagarasmiñhi rājagahaseṭṭhino gehe ahivātarogo uppajji, tasmiṃ uppanne makkhikā ādiṃ katvā yāva gāvā paṭhamaṃ tiracchānagatā maranti, tato dāsakammakaro, sabbapacchā gehasāmikā, tasmā so rogo sabbapacchā seṭṭhiñca jāyañca gaṇhi. Te rogena phuṭṭhā puttaṃ santike ṭhitaṃ oloketvā assupuṇṇehi nettehi taṃ āhaṃsu – ‘‘tāta, imasmiṃ kira roge uppanne bhittiṃ bhinditvā palāyantāva jīvitaṃ labhanti, tvaṃ amhe anoloketvā palāyitvā jīvanto punāgantvā amhākaṃ asukaṭṭhāne nāma cattālīsa dhanakoṭiyo nidahitvā ṭhapitā, tā uddharitvā jīvikaṃ kappeyyāsī’’ti. So tesaṃ vacanaṃ sutvā rudamāno mātāpitaro vanditvā maraṇabhayabhīto bhittiṃ bhinditvā palāyitvā pabbatagahanaṃ gantvā dvādasa vassāni tattha vasitvā mātāpituvasanaṭṭhānaṃ paccāgañchi.

    ат̇а нам̣ д̣̇ахарагаалз г̇анд̇ваа баруул̣хагзсамассугаалз ааг̇ад̇ад̇д̇аа на гожи сан̃ж̇аани. со маад̇аабид̇уухи д̣̇иннасан̃н̃аавасзна д̇ханадтаанам̣ г̇анд̇ваа д̇ханасса арог̇абхаавам̣ н̃ад̇ваа жинд̇зси – ‘‘мам̣ на гожи сан̃ж̇аанаад̇и, сажаахам̣ д̇ханам̣ уд̣̇д̇харид̇ваа валан̃ж̇иссаами, ‘згзна д̣̇уг̇г̇ад̇зна нид̇хи уд̣̇д̇хадо’д̇и мам̣ г̇ахзд̇ваа вихзтзяяум̣, яам̣нуунаахам̣ бхад̇им̣ гад̇ваа ж̇ийвзяяа’’нд̇и. ат̇згам̣ билод̇игам̣ ниваасзд̇ваа, ‘‘ад̇т̇и гожи бхад̇агзна ад̇т̇иго’’д̇и бужчанд̇о бхад̇агавийт̇им̣ баабун̣и. ат̇а нам̣ бхад̇агаа д̣̇исваа, ‘‘сажз амхаагам̣ згам̣ гаммам̣ гариссаси, бхад̇д̇авзд̇анам̣ д̇з д̣̇ассаамаа’’д̇и аахам̣су. ‘‘гим̣ гаммам̣ наамаа’’д̇и? ‘‘баб̣од̇ханажод̣̇анагаммам̣. сажз уссахаси, баад̇ова удтааяа ‘д̇аад̇аа, удтахат̇а, сагадаани саннаяхат̇а, г̇он̣з яож̇зт̇а, хад̇т̇иассаанам̣ д̇ин̣ад̇т̇ааяа г̇аманавзлаа; аммаа, д̇умхзби удтахат̇а, яааг̇ум̣ бажат̇а, бхад̇д̇ам̣ бажат̇аа’д̇и вижарид̇ваа аарожзхий’’д̇и. со ‘‘саад̇хуу’’д̇и самбадижчи. ат̇асса васанад̇т̇ааяа згам̣ гхарам̣ ад̣̇ам̣су. со д̣̇звасигам̣ д̇ам̣ гаммам̣ агааси.

    Atha naṃ daharakāle gantvā parūḷhakesamassukāle āgatattā na koci sañjāni. So mātāpitūhi dinnasaññāvasena dhanaṭṭhānaṃ gantvā dhanassa arogabhāvaṃ ñatvā cintesi – ‘‘maṃ na koci sañjānāti, sacāhaṃ dhanaṃ uddharitvā valañjissāmi, ‘ekena duggatena nidhi uddhaṭo’ti maṃ gahetvā viheṭheyyuṃ, yaṃnūnāhaṃ bhatiṃ katvā jīveyya’’nti. Athekaṃ pilotikaṃ nivāsetvā, ‘‘atthi koci bhatakena atthiko’’ti pucchanto bhatakavīthiṃ pāpuṇi. Atha naṃ bhatakā disvā, ‘‘sace amhākaṃ ekaṃ kammaṃ karissasi, bhattavetanaṃ te dassāmā’’ti āhaṃsu. ‘‘Kiṃ kammaṃ nāmā’’ti? ‘‘Pabodhanacodanakammaṃ. Sace ussahasi, pātova uṭṭhāya ‘tātā, uṭṭhahatha, sakaṭāni sannayhatha, goṇe yojetha, hatthiassānaṃ tiṇatthāya gamanavelā; ammā, tumhepi uṭṭhahatha, yāguṃ pacatha, bhattaṃ pacathā’ti vicaritvā ārocehī’’ti. So ‘‘sādhū’’ti sampaṭicchi. Athassa vasanatthāya ekaṃ gharaṃ adaṃsu. So devasikaṃ taṃ kammaṃ akāsi.

    ат̇асса згад̣̇ивасам̣ рааж̇аа б̣имб̣исааро сад̣̇д̣̇амассоси. со бана саб̣б̣араван̃н̃уу ахоси. д̇асмаа ‘‘махаад̇ханасса бурисассзса сад̣̇д̣̇о’’д̇и ааха. ат̇асса санд̇игз тид̇аа згаа барижааригаа ‘‘рааж̇аа яам̣ ваа д̇ам̣ ваа на гат̇зссад̇и, ид̣̇ам̣ маяаа н̃аад̇ум̣ ваддад̇ий’’д̇и жинд̇зд̇ваа – ‘‘г̇ажча, д̇аад̇а, зд̇ам̣ ж̇аанаахий’’д̇и згам̣ бурисам̣ бахин̣и. со взг̇зна г̇анд̇ваа д̇ам̣ д̣̇исваа ааг̇анд̇ваа, ‘‘зго бхад̇агаанам̣ бхад̇игаараго габан̣амануссо зсо’’д̇и аарожзси. рааж̇аа д̇асса важанам̣ суд̇ваа д̇ун̣хий худ̇ваа д̣̇уд̇ияад̣̇ивасзби д̇ад̇ияад̣̇ивасзби д̇ам̣ д̇асса сад̣̇д̣̇ам̣ суд̇ваа д̇ат̇зва ааха. сааби барижааригаа д̇ат̇зва жинд̇зд̇ваа бунаббунам̣ бзсзд̇ваа, ‘‘габан̣амануссо зсо’’д̇и вуд̇д̇з жинд̇зси – ‘‘рааж̇аа ‘габан̣амануссо зсо’д̇и важанам̣ суд̇вааби на сад̣̇д̣̇ахад̇и, бунаббунам̣ ‘махаад̇ханасса бурисассзса сад̣̇д̣̇о’д̇и вад̣̇ад̇и, бхавид̇аб̣б̣амзд̇т̇а гааран̣зна, яат̇аасабхаавад̇о зд̇ам̣ н̃аад̇ум̣ ваддад̇ий’’д̇и. саа рааж̇аанам̣ ааха, ‘‘д̣̇зва , ахам̣ сахассам̣ лабхамаанаа д̇хийд̇арам̣ аад̣̇ааяа г̇анд̇ваа зд̇ам̣ д̇ханам̣ рааж̇агулам̣ бавзсзссаамий’’д̇и. рааж̇аа д̇ассаа сахассам̣ д̣̇аабзси.

    Athassa ekadivasaṃ rājā bimbisāro saddamassosi. So pana sabbaravaññū ahosi. Tasmā ‘‘mahādhanassa purisassesa saddo’’ti āha. Athassa santike ṭhitā ekā paricārikā ‘‘rājā yaṃ vā taṃ vā na kathessati, idaṃ mayā ñātuṃ vaṭṭatī’’ti cintetvā – ‘‘gaccha, tāta, etaṃ jānāhī’’ti ekaṃ purisaṃ pahiṇi. So vegena gantvā taṃ disvā āgantvā, ‘‘eko bhatakānaṃ bhatikārako kapaṇamanusso eso’’ti ārocesi. Rājā tassa vacanaṃ sutvā tuṇhī hutvā dutiyadivasepi tatiyadivasepi taṃ tassa saddaṃ sutvā tatheva āha. Sāpi paricārikā tatheva cintetvā punappunaṃ pesetvā, ‘‘kapaṇamanusso eso’’ti vutte cintesi – ‘‘rājā ‘kapaṇamanusso eso’ti vacanaṃ sutvāpi na saddahati, punappunaṃ ‘mahādhanassa purisassesa saddo’ti vadati, bhavitabbamettha kāraṇena, yathāsabhāvato etaṃ ñātuṃ vaṭṭatī’’ti. Sā rājānaṃ āha, ‘‘deva , ahaṃ sahassaṃ labhamānā dhītaraṃ ādāya gantvā etaṃ dhanaṃ rājakulaṃ pavesessāmī’’ti. Rājā tassā sahassaṃ dāpesi.

    саа д̇ам̣ г̇ахзд̇ваа д̇хийд̇арам̣ згам̣ малинад̇хаад̇угам̣ вад̇т̇ам̣ ниваасаабзд̇ваа д̇ааяа сад̣̇д̇хим̣ рааж̇аг̇зхад̇о нигкамид̇ваа маг̇г̇абадибаннаа вияа бхад̇агавийт̇им̣ г̇анд̇ваа згам̣ гхарам̣ бависид̇ваа, ‘‘амма, маяам̣ маг̇г̇абадибаннаа, згаахад̣̇вийхам̣ ид̇ха виссамид̇ваа г̇амиссаамаа’’д̇и ааха. ‘‘амма, б̣ахууни гхарамаанусагаани, на саггаа ид̇ха васид̇ум̣, зд̇ам̣ гумбхагхосагасса г̇зхам̣ д̇ужчам̣, д̇ад̇т̇а г̇ажчат̇аа’’д̇и. саа д̇ад̇т̇а г̇анд̇ваа, ‘‘саами, маяам̣ маг̇г̇абадибаннагаа, згаахад̣̇вийхам̣ ид̇ха васиссаамаа’’д̇и вад̇ваа д̇зна бунаббунам̣ бадигкид̇д̇ааби, ‘‘саами, аж̇ж̇згад̣̇ивасамад̇д̇ам̣ васид̇ваа баад̇ова г̇амиссаамаа’’д̇и нигкамид̇ум̣ на ижчи. саа д̇ад̇т̇зва васид̇ваа бунад̣̇ивасз д̇асса аран̃н̃аг̇аманавзлааяа, ‘‘саами, д̇ава ниваабам̣ д̣̇ад̇ваа яаахи , аахаарам̣ д̇з бажиссаамий’’д̇и вад̇ваа, ‘‘алам̣, амма, ахамзва бажид̇ваа бхун̃ж̇иссаамий’’д̇и вуд̇д̇з бунаббунам̣ ниб̣анд̇хид̇ваа д̇зна д̣̇иннз г̇ахид̇амад̇д̇агзязва гад̇ваа анд̇араабан̣ад̇о бхааж̇анаани жзва барисуд̣̇д̇хад̇ан̣д̣улаад̣̇ийни жа аахараабзд̇ваа рааж̇агулз бажананияаамзна субарисуд̣̇д̇хам̣ од̣̇анам̣, саад̇хурасаани жа д̣̇вз д̇ийн̣и суубаб̣яан̃ж̇анаани бажид̇ваа д̇асса аран̃н̃ад̇о ааг̇ад̇асса ад̣̇ааси. ат̇а нам̣ бхун̃ж̇ид̇ваа муд̣̇ужид̇д̇ад̇ам̣ аабаннам̣ н̃ад̇ваа, ‘‘саами, гиланд̇амха, згаахад̣̇вийхам̣ ид̇хзва хомаа’’д̇и ааха. со ‘‘саад̇хуу’’д̇и самбадижчи.

    Sā taṃ gahetvā dhītaraṃ ekaṃ malinadhātukaṃ vatthaṃ nivāsāpetvā tāya saddhiṃ rājagehato nikkhamitvā maggapaṭipannā viya bhatakavīthiṃ gantvā ekaṃ gharaṃ pavisitvā, ‘‘amma, mayaṃ maggapaṭipannā, ekāhadvīhaṃ idha vissamitvā gamissāmā’’ti āha. ‘‘Amma, bahūni gharamānusakāni, na sakkā idha vasituṃ, etaṃ kumbhaghosakassa gehaṃ tucchaṃ, tattha gacchathā’’ti. Sā tattha gantvā, ‘‘sāmi, mayaṃ maggapaṭipannakā, ekāhadvīhaṃ idha vasissāmā’’ti vatvā tena punappunaṃ paṭikkhittāpi, ‘‘sāmi, ajjekadivasamattaṃ vasitvā pātova gamissāmā’’ti nikkhamituṃ na icchi. Sā tattheva vasitvā punadivase tassa araññagamanavelāya, ‘‘sāmi, tava nivāpaṃ datvā yāhi , āhāraṃ te pacissāmī’’ti vatvā, ‘‘alaṃ, amma, ahameva pacitvā bhuñjissāmī’’ti vutte punappunaṃ nibandhitvā tena dinne gahitamattakeyeva katvā antarāpaṇato bhājanāni ceva parisuddhataṇḍulādīni ca āharāpetvā rājakule pacananiyāmena suparisuddhaṃ odanaṃ, sādhurasāni ca dve tīṇi sūpabyañjanāni pacitvā tassa araññato āgatassa adāsi. Atha naṃ bhuñjitvā muducittataṃ āpannaṃ ñatvā, ‘‘sāmi, kilantamha, ekāhadvīhaṃ idheva homā’’ti āha. So ‘‘sādhū’’ti sampaṭicchi.

    ат̇асса сааяамби бунад̣̇ивасзби мад̇хурабхад̇д̇ам̣ бажид̇ваа ад̣̇ааси. ат̇а муд̣̇ужид̇д̇ад̇ам̣ д̇асса н̃ад̇ваа ‘‘саами, гад̇ибаахам̣ ид̇хзва васиссаамаа’’д̇и. д̇ад̇т̇а васамаанаа д̇икин̣зна сад̇т̇зна д̇асса ман̃жаваан̣ам̣ хздтаааданияам̣ д̇ахам̣ д̇ахам̣ чинд̣̇и. ман̃жо д̇асмим̣ ааг̇анд̇ваа нисиннамад̇д̇зязва хздтаа оламб̣и. со ‘‘гасмаа аяам̣ ман̃жо звам̣ чиж̇ж̇ид̇ваа г̇ад̇о’’д̇и ааха. ‘‘саами, д̣̇ахарад̣̇аарагз ваарзд̇ум̣ на саггоми, зд̇т̇зва саннибад̇анд̇ий’’д̇и. ‘‘амма, ид̣̇ам̣ мз д̣̇угкам̣ д̇умхз ниссааяа ж̇аад̇ам̣. ахан̃хи буб̣б̣з гад̇т̇ажи г̇ажчанд̇о д̣̇ваарам̣ бид̣̇ахид̇ваа г̇ажчаамий’’д̇и. ‘‘гим̣ гароми, д̇аад̇а, ваарзд̇ум̣ на саггомий’’д̇и. саа иминаава нияаамзна д̣̇вз д̇аяо д̣̇ивасз чинд̣̇ид̇ваа д̇зна уж̇жхааяид̇ваа кийяид̇ваа вужжамаанааби д̇ат̇зва вад̇ваа буна згам̣ д̣̇вз раж̇ж̇угз табзд̇ваа сзсз чинд̣̇и. д̇ам̣ д̣̇ивасам̣ д̇асмим̣ нисиннамад̇д̇зязва саб̣б̣ам̣ ваан̣ам̣ бхуумияам̣ бад̇и, сийсам̣ ж̇ан̣н̣угзхи сад̣̇д̇хим̣ згад̇о ахоси, со удтааяа, ‘‘гим̣ гароми, ид̣̇аани гухим̣ г̇амиссаами , нибаж̇ж̇анаман̃жассаби д̇умхзхи асаамиго вияа гад̇омхий’’д̇и ааха. ‘‘д̇аад̇а, гим̣ гароми, бадивиссагад̣̇аарагз ваарзд̇ум̣ на саггоми, ход̇у, маа жинд̇аяи, имааяа наама взлааяа гухим̣ г̇амиссасий’’д̇и д̇хийд̇арам̣ ааманд̇зд̇ваа, ‘‘амма, д̇ава бхаад̇игасса нибаж̇ж̇аногаасам̣ гарохий’’д̇и ааха. саа згабассз саяид̇ваа ‘‘ид̇хааг̇ажча, саамий’’д̇и ааха. ид̇ароби нам̣ ‘‘г̇ажча, д̇аад̇а, бхаг̇инияаа сад̣̇д̇хим̣ нибаж̇ж̇аа’’д̇и вад̣̇зси. со д̇ааяа сад̣̇д̇хим̣ згаман̃жз нибаж̇ж̇ид̇ваа д̇ам̣ д̣̇ивасан̃н̃зва сант̇авам̣ агааси, гумааригаа барод̣̇и. ат̇а нам̣ маад̇аа бужчи – ‘‘гим̣, амма, род̣̇асий’’д̇и? ‘‘амма, ид̣̇ам̣ наама ж̇аад̇а’’нд̇и. ‘‘ход̇у, амма, гим̣ саггаа гаад̇ум̣, д̇аяааби згам̣ бхад̇д̇аарам̣ иминаабзгам̣ баад̣̇абарижааригам̣ лад̣̇д̇хум̣ ваддад̇ий’’д̇и д̇ам̣ ж̇аамаад̇арам̣ агааси. д̇з самаг̇г̇аваасам̣ васим̣су.

    Athassa sāyampi punadivasepi madhurabhattaṃ pacitvā adāsi. Atha muducittataṃ tassa ñatvā ‘‘sāmi, katipāhaṃ idheva vasissāmā’’ti. Tattha vasamānā tikhiṇena satthena tassa mañcavāṇaṃ heṭṭhāaṭaniyaṃ tahaṃ tahaṃ chindi. Mañco tasmiṃ āgantvā nisinnamatteyeva heṭṭhā olambi. So ‘‘kasmā ayaṃ mañco evaṃ chijjitvā gato’’ti āha. ‘‘Sāmi, daharadārake vāretuṃ na sakkomi, ettheva sannipatantī’’ti. ‘‘Amma, idaṃ me dukkhaṃ tumhe nissāya jātaṃ. Ahañhi pubbe katthaci gacchanto dvāraṃ pidahitvā gacchāmī’’ti. ‘‘Kiṃ karomi, tāta, vāretuṃ na sakkomī’’ti. Sā imināva niyāmena dve tayo divase chinditvā tena ujjhāyitvā khīyitvā vuccamānāpi tatheva vatvā puna ekaṃ dve rajjuke ṭhapetvā sese chindi. Taṃ divasaṃ tasmiṃ nisinnamatteyeva sabbaṃ vāṇaṃ bhūmiyaṃ pati, sīsaṃ jaṇṇukehi saddhiṃ ekato ahosi, so uṭṭhāya, ‘‘kiṃ karomi, idāni kuhiṃ gamissāmi , nipajjanamañcassapi tumhehi asāmiko viya katomhī’’ti āha. ‘‘Tāta, kiṃ karomi, paṭivissakadārake vāretuṃ na sakkomi, hotu, mā cintayi, imāya nāma velāya kuhiṃ gamissasī’’ti dhītaraṃ āmantetvā, ‘‘amma, tava bhātikassa nipajjanokāsaṃ karohī’’ti āha. Sā ekapasse sayitvā ‘‘idhāgaccha, sāmī’’ti āha. Itaropi naṃ ‘‘gaccha, tāta, bhaginiyā saddhiṃ nipajjā’’ti vadesi. So tāya saddhiṃ ekamañce nipajjitvā taṃ divasaññeva santhavaṃ akāsi, kumārikā parodi. Atha naṃ mātā pucchi – ‘‘kiṃ, amma, rodasī’’ti? ‘‘Amma, idaṃ nāma jāta’’nti. ‘‘Hotu, amma, kiṃ sakkā kātuṃ, tayāpi ekaṃ bhattāraṃ imināpekaṃ pādaparicārikaṃ laddhuṃ vaṭṭatī’’ti taṃ jāmātaraṃ akāsi. Te samaggavāsaṃ vasiṃsu.

    саа гад̇ибаахажжаязна ран̃н̃о саасанам̣ бзсзси – ‘‘бхад̇агавийт̇ияам̣ чан̣ам̣ гаронд̇у. яасса бана гхарз чан̣о на гарийяад̇и, д̇асса зд̇д̇аго наама д̣̇ан̣д̣од̇и гхосанам̣ гаарзд̇уу’’д̇и. рааж̇аа д̇ат̇аа гаарзси. ат̇а нам̣ сассу ааха – ‘‘д̇аад̇а, бхад̇агавийт̇ияам̣ рааж̇аан̣ааяа чан̣о гад̇д̇аб̣б̣о ж̇аад̇о, гим̣ гаромаа’’д̇и? ‘‘амма, ахам̣ бхад̇им̣ гаронд̇оби ж̇ийвид̇ум̣ на саггоми, гим̣ гариссаамий’’д̇и? ‘‘д̇аад̇а, гхарааваасам̣ васанд̇аа наама ин̣амби г̇ан̣ханд̇и, ран̃н̃о аан̣аа агаад̇ум̣ на лаб̣бхаа. ин̣ад̇о наама язна гзнажи убааязна мужжид̇ум̣ саггаа, г̇ажча, гуд̇ожи згам̣ ваа д̣̇вз ваа гахаабан̣з аахараа’’д̇и ааха. со уж̇жхааяанд̇о кийяанд̇о г̇анд̇ваа жад̇д̇аалийсагодид̇ханадтаанад̇о згамзва гахаабан̣ам̣ аахари. саа д̇ам̣ гахаабан̣ам̣ ран̃н̃о бзсзд̇ваа ад̇д̇ано гахаабан̣зна чан̣ам̣ гад̇ваа буна гад̇ибаахажжаязна д̇ат̇зва саасанам̣ бахин̣и. буна рааж̇аа д̇ат̇зва ‘‘чан̣ам̣ гаронд̇у, агаронд̇аанам̣ зд̇д̇аго д̣̇ан̣д̣о’’д̇и аан̣аабзси. бунаби со д̇ааяа д̇ат̇зва вад̇ваа ниббийл̣ияамаано г̇анд̇ваа д̇аяо гахаабан̣з аахари. саа д̇зби гахаабан̣з ран̃н̃о бзсзд̇ваа буна гад̇ибаахажжаязна д̇ат̇зва саасанам̣ бахин̣и – ‘‘ид̣̇аани бурисз бзсзд̇ваа имам̣ баггосаабзд̇уу’’д̇и. рааж̇аа бзсзси. бурисаа г̇анд̇ваа, ‘‘гумбхагхосаго наама гад̇аро’’д̇и бужчид̇ваа бариязсанд̇аа д̇ам̣ д̣̇исваа ‘‘зхи, бхо рааж̇аа, д̇ам̣ баггосад̇ий’’д̇и аахам̣су. со бхийд̇о ‘‘на мам̣ рааж̇аа ж̇аанаад̇ий’’д̇иаад̣̇ийни вад̇ваа г̇анд̇ум̣ на ижчи. ат̇а нам̣ б̣алаггаарзна хад̇т̇аад̣̇ийсу г̇ахзд̇ваа аагад̣дхим̣су. саа ид̇т̇ий д̇з д̣̇исваа, ‘‘арз, д̣̇уб̣б̣инийд̇аа, д̇умхз мама ж̇аамаад̇арам̣ хад̇т̇аад̣̇ийсу г̇ахзд̇ум̣ ананужчавигаа’’д̇и д̇аж̇ж̇зд̇ваа, ‘‘зхи, д̇аад̇а, маа бхааяи, рааж̇аанам̣ д̣̇исваа д̇ава хад̇т̇аад̣̇иг̇аахагаанам̣ хад̇т̇зязва чинд̣̇аабзссаамий’’д̇и д̇хийд̇арам̣ аад̣̇ааяа бурад̇о худ̇ваа рааж̇аг̇зхам̣ бад̇ваа взсам̣ баривад̇д̇зд̇ваа саб̣б̣аалан̇гаарабадиман̣д̣ид̇аа згаманд̇ам̣ адтааси. ид̇арамби баригад̣дхид̇ваа аанаяим̣суязва.

    Sā katipāhaccayena rañño sāsanaṃ pesesi – ‘‘bhatakavīthiyaṃ chaṇaṃ karontu. Yassa pana ghare chaṇo na karīyati, tassa ettako nāma daṇḍoti ghosanaṃ kāretū’’ti. Rājā tathā kāresi. Atha naṃ sassu āha – ‘‘tāta, bhatakavīthiyaṃ rājāṇāya chaṇo kattabbo jāto, kiṃ karomā’’ti? ‘‘Amma, ahaṃ bhatiṃ karontopi jīvituṃ na sakkomi, kiṃ karissāmī’’ti? ‘‘Tāta, gharāvāsaṃ vasantā nāma iṇampi gaṇhanti, rañño āṇā akātuṃ na labbhā. Iṇato nāma yena kenaci upāyena muccituṃ sakkā, gaccha, kutoci ekaṃ vā dve vā kahāpaṇe āharā’’ti āha. So ujjhāyanto khīyanto gantvā cattālīsakoṭidhanaṭṭhānato ekameva kahāpaṇaṃ āhari. Sā taṃ kahāpaṇaṃ rañño pesetvā attano kahāpaṇena chaṇaṃ katvā puna katipāhaccayena tatheva sāsanaṃ pahiṇi. Puna rājā tatheva ‘‘chaṇaṃ karontu, akarontānaṃ ettako daṇḍo’’ti āṇāpesi. Punapi so tāya tatheva vatvā nippīḷiyamāno gantvā tayo kahāpaṇe āhari. Sā tepi kahāpaṇe rañño pesetvā puna katipāhaccayena tatheva sāsanaṃ pahiṇi – ‘‘idāni purise pesetvā imaṃ pakkosāpetū’’ti. Rājā pesesi. Purisā gantvā, ‘‘kumbhaghosako nāma kataro’’ti pucchitvā pariyesantā taṃ disvā ‘‘ehi, bho rājā, taṃ pakkosatī’’ti āhaṃsu. So bhīto ‘‘na maṃ rājā jānātī’’tiādīni vatvā gantuṃ na icchi. Atha naṃ balakkārena hatthādīsu gahetvā ākaḍḍhiṃsu. Sā itthī te disvā, ‘‘are, dubbinītā, tumhe mama jāmātaraṃ hatthādīsu gahetuṃ ananucchavikā’’ti tajjetvā, ‘‘ehi, tāta, mā bhāyi, rājānaṃ disvā tava hatthādigāhakānaṃ hattheyeva chindāpessāmī’’ti dhītaraṃ ādāya purato hutvā rājagehaṃ patvā vesaṃ parivattetvā sabbālaṅkārapaṭimaṇḍitā ekamantaṃ aṭṭhāsi. Itarampi parikaḍḍhitvā ānayiṃsuyeva.

    ат̇а нам̣ ванд̣̇ид̇ваа тид̇ам̣ рааж̇аа ааха – ‘‘д̇вам̣ гумбхагхосаго наамаа’’д̇и? ‘‘аама, д̣̇зваа’’д̇и . ‘‘гим̣ гааран̣аа махаад̇ханам̣ ван̃жзд̇ваа каад̣̇асий’’д̇и ? ‘‘гуд̇о мз, д̣̇зва, д̇ханам̣ бхад̇им̣ гад̇ваа ж̇ийванд̇ассаа’’д̇и? ‘‘маа звам̣ гари, гим̣ амхз ван̃жзсий’’д̇и? ‘‘на ван̃жзми, д̣̇зва, над̇т̇и мз д̇хана’’нд̇и. ат̇асса рааж̇аа д̇з гахаабан̣з д̣̇ассзд̇ваа, ‘‘имз гасса гахаабан̣аа’’д̇и ааха. со сан̃ж̇аанид̇ваа, ‘‘ахо б̣ааломхи, гат̇ам̣ ну ко имз ран̃н̃о хад̇т̇ам̣ бад̇д̇аа’’д̇и ид̇о жид̇о жа ологзнд̇о д̇аа д̣̇взби бадиман̣д̣ид̇абасаад̇ханаа г̇аб̣бхад̣̇ваарамуулз тид̇аа д̣̇исваа, ‘‘бхаарияам̣ вад̇ид̣̇ам̣ гаммам̣, имаахи ран̃н̃аа баяож̇ид̇аахи бхавид̇аб̣б̣а’’нд̇и жинд̇зси. ат̇а нам̣ рааж̇аа ‘‘вад̣̇зхи, бхо, гасмаа звам̣ гаросий’’д̇и ааха. ‘‘ниссаяо мз над̇т̇и, д̣̇зваа’’д̇и. ‘‘маад̣̇исо ниссаяо бхавид̇ум̣ на ваддад̇ий’’д̇и. ‘‘галяаан̣ам̣, д̣̇зва, сажз мз д̣̇зво авассаяо ход̇ий’’д̇и. ‘‘хоми, бхо, гид̇д̇агам̣ д̇з д̇хана’’нд̇и? ‘‘жад̇д̇аалийсагодияо, д̣̇зваа’’д̇и. ‘‘гим̣ лад̣̇д̇хум̣ ваддад̇ий’’д̇и? ‘‘сагадаани д̣̇зваа’’д̇и? рааж̇аа анзгасад̇аани сагадаани яож̇аабзд̇ваа бахин̣ид̇ваа д̇ам̣ д̇ханам̣ аахараабзд̇ваа рааж̇ан̇г̇ан̣з раасим̣ гаараабзд̇ваа рааж̇аг̇ахаваасино саннибаад̇аабзд̇ваа, ‘‘ад̇т̇и гассажи имасмим̣ наг̇арз ‘‘зд̇д̇агам̣ д̇хана’’нд̇и бужчид̇ваа ‘‘над̇т̇и, д̣̇зваа’’д̇и. ‘‘гим̣ банасса гаад̇ум̣ ваддад̇ий’’д̇и? ‘‘саггаарам̣, д̣̇зваа’’д̇и вуд̇д̇з маханд̇зна саггаарзна д̇ам̣ сздтидтаанз табзд̇ваа д̇хийд̇арам̣ д̇ассзва д̣̇ад̇ваа д̇зна сад̣̇д̇хим̣ сад̇т̇у санд̇игам̣ г̇анд̇ваа ванд̣̇ид̇ваа ‘‘бханд̇з, бассат̇имам̣ бурисам̣, зваруубо д̇хид̇имаа наама над̇т̇и, жад̇д̇аалийсагодивибхаво хонд̇оби уббилаавид̇аагаарам̣ ваа асмимаанамад̇д̇ам̣ ваа на гарод̇и, габан̣о вияа билод̇игам̣ ниваасзд̇ваа бхад̇агавийт̇ияам̣ бхад̇им̣ гад̇ваа ж̇ийванд̇о маяаа иминаа наама убааязна н̃аад̇о. ж̇аанид̇ваа жа бана баггосаабзд̇ваа сад̇ханабхаавам̣ самбадижчаабзд̇ваа д̇ам̣ д̇ханам̣ аахараабзд̇ваа сздтидтаанз табид̇о, д̇хийд̇аа жасса маяаа д̣̇иннаа. бханд̇з, маяаа жа зваруубо д̇хид̇имаа на д̣̇идтабуб̣б̣о’’д̇и ааха.

    Atha naṃ vanditvā ṭhitaṃ rājā āha – ‘‘tvaṃ kumbhaghosako nāmā’’ti? ‘‘Āma, devā’’ti . ‘‘Kiṃ kāraṇā mahādhanaṃ vañcetvā khādasī’’ti ? ‘‘Kuto me, deva, dhanaṃ bhatiṃ katvā jīvantassā’’ti? ‘‘Mā evaṃ kari, kiṃ amhe vañcesī’’ti? ‘‘Na vañcemi, deva, natthi me dhana’’nti. Athassa rājā te kahāpaṇe dassetvā, ‘‘ime kassa kahāpaṇā’’ti āha. So sañjānitvā, ‘‘aho bālomhi, kathaṃ nu kho ime rañño hatthaṃ pattā’’ti ito cito ca olokento tā dvepi paṭimaṇḍitapasādhanā gabbhadvāramūle ṭhitā disvā, ‘‘bhāriyaṃ vatidaṃ kammaṃ, imāhi raññā payojitāhi bhavitabba’’nti cintesi. Atha naṃ rājā ‘‘vadehi, bho, kasmā evaṃ karosī’’ti āha. ‘‘Nissayo me natthi, devā’’ti. ‘‘Mādiso nissayo bhavituṃ na vaṭṭatī’’ti. ‘‘Kalyāṇaṃ, deva, sace me devo avassayo hotī’’ti. ‘‘Homi, bho, kittakaṃ te dhana’’nti? ‘‘Cattālīsakoṭiyo, devā’’ti. ‘‘Kiṃ laddhuṃ vaṭṭatī’’ti? ‘‘Sakaṭāni devā’’ti? Rājā anekasatāni sakaṭāni yojāpetvā pahiṇitvā taṃ dhanaṃ āharāpetvā rājaṅgaṇe rāsiṃ kārāpetvā rājagahavāsino sannipātāpetvā, ‘‘atthi kassaci imasmiṃ nagare ‘‘ettakaṃ dhana’’nti pucchitvā ‘‘natthi, devā’’ti. ‘‘Kiṃ panassa kātuṃ vaṭṭatī’’ti? ‘‘Sakkāraṃ, devā’’ti vutte mahantena sakkārena taṃ seṭṭhiṭṭhāne ṭhapetvā dhītaraṃ tasseva datvā tena saddhiṃ satthu santikaṃ gantvā vanditvā ‘‘bhante, passathimaṃ purisaṃ, evarūpo dhitimā nāma natthi, cattālīsakoṭivibhavo hontopi uppilāvitākāraṃ vā asmimānamattaṃ vā na karoti, kapaṇo viya pilotikaṃ nivāsetvā bhatakavīthiyaṃ bhatiṃ katvā jīvanto mayā iminā nāma upāyena ñāto. Jānitvā ca pana pakkosāpetvā sadhanabhāvaṃ sampaṭicchāpetvā taṃ dhanaṃ āharāpetvā seṭṭhiṭṭhāne ṭhapito, dhītā cassa mayā dinnā. Bhante, mayā ca evarūpo dhitimā na diṭṭhapubbo’’ti āha.

    д̇ам̣ суд̇ваа сад̇т̇аа ‘‘звам̣ ж̇ийванд̇асса ж̇ийвигам̣ д̇хаммигаж̇ийвигам̣ наама, махаарааж̇а, жоригаад̣̇игаммам̣ бана ид̇халогз жзва бийл̣зд̇и хим̣сзд̇и, баралогз жа, д̇ад̇онид̣̇аанам̣ сукам̣ наама над̇т̇и. бурисасса хи д̇ханабаариж̇ун̃н̃агаалз гасим̣ ваа бхад̇им̣ ваа гад̇ваа ж̇ийвигамзва д̇хаммигаж̇ийвигам̣ наама. зваруубасса хи вийрияасамбаннасса сад̇исамбаннасса гааяаваажаахи барисуд̣̇д̇хагаммасса бан̃н̃ааяа нисаммагаарино гааяаад̣̇ийхи сан̃н̃ад̇асса д̇хаммаж̇ийвигам̣ ж̇ийванд̇асса сад̇иавиббаваасз тид̇асса иссарияам̣ вад̣дхад̇иязваа’’д̇и вад̇ваа имам̣ г̇аат̇амааха –

    Taṃ sutvā satthā ‘‘evaṃ jīvantassa jīvikaṃ dhammikajīvikaṃ nāma, mahārāja, corikādikammaṃ pana idhaloke ceva pīḷeti hiṃseti, paraloke ca, tatonidānaṃ sukhaṃ nāma natthi. Purisassa hi dhanapārijuññakāle kasiṃ vā bhatiṃ vā katvā jīvikameva dhammikajīvikaṃ nāma. Evarūpassa hi vīriyasampannassa satisampannassa kāyavācāhi parisuddhakammassa paññāya nisammakārino kāyādīhi saññatassa dhammajīvikaṃ jīvantassa satiavippavāse ṭhitassa issariyaṃ vaḍḍhatiyevā’’ti vatvā imaṃ gāthamāha –

    24.

    24.

    ‘‘удтаанавад̇о сад̇иймад̇о,

    ‘‘Uṭṭhānavato satīmato,

    сужигаммасса нисаммагаарино;

    Sucikammassa nisammakārino;

    сан̃н̃ад̇асса д̇хаммаж̇ийвино,

    Saññatassa dhammajīvino,

    аббамад̇д̇асса яасобхивад̣дхад̇ий’’д̇и.

    Appamattassa yasobhivaḍḍhatī’’ti.

    д̇ад̇т̇а удтаанавад̇од̇и удтаанавийрияаванд̇асса. сад̇имад̇од̇и сад̇исамбаннасса. сужигаммассаад̇и нид̣̇д̣̇осзхи нирабараад̇хзхи гааяагаммаад̣̇ийхи саманнааг̇ад̇асса. нисаммагааринод̇и зван̃жз бхависсад̇и, звам̣ гариссаамийд̇и ваа, имасмим̣ гаммз звам̣ гад̇з ид̣̇ам̣ наама бхависсад̇ийд̇и ваа звам̣ нид̣̇аанам̣ саллагкзд̇ваа рог̇ад̇игижчанам̣ вияа саб̣б̣агаммаани нисаамзд̇ваа убад̇хаарзд̇ваа гаронд̇асса. сан̃н̃ад̇ассаад̇и гааяаад̣̇ийхи сан̃н̃ад̇асса нижчид̣̇д̣̇асса. д̇хаммаж̇ийвинод̇и аг̇ааригасса д̇улаагуудаад̣̇ийни важ̇ж̇зд̇ваа гасиг̇орагкаад̣̇ийхи, анаг̇ааригасса взж̇ж̇агаммад̣̇ууд̇агаммаад̣̇ийни важ̇ж̇зд̇ваа д̇хаммзна самзна бхигкаажарияааяа ж̇ийвигам̣ габбзнд̇асса. аббамад̇д̇ассаад̇и авиббавуд̇т̇асад̇ино. яасобхивад̣дхад̇ийд̇и иссарияабхог̇асамбаннасан̇каад̇о жзва гид̇д̇иван̣н̣абхан̣анасан̇каад̇о жа яасо абхивад̣дхад̇ийд̇и.

    Tattha uṭṭhānavatoti uṭṭhānavīriyavantassa. Satimatoti satisampannassa. Sucikammassāti niddosehi niraparādhehi kāyakammādīhi samannāgatassa. Nisammakārinoti evañce bhavissati, evaṃ karissāmīti vā, imasmiṃ kamme evaṃ kate idaṃ nāma bhavissatīti vā evaṃ nidānaṃ sallakkhetvā rogatikicchanaṃ viya sabbakammāni nisāmetvā upadhāretvā karontassa. Saññatassāti kāyādīhi saññatassa nicchiddassa. Dhammajīvinoti agārikassa tulākūṭādīni vajjetvā kasigorakkhādīhi, anagārikassa vejjakammadūtakammādīni vajjetvā dhammena samena bhikkhācariyāya jīvikaṃ kappentassa. Appamattassāti avippavutthasatino. Yasobhivaḍḍhatīti issariyabhogasampannasaṅkhāto ceva kittivaṇṇabhaṇanasaṅkhāto ca yaso abhivaḍḍhatīti.

    г̇аат̇аабарияосаанз гумбхагхосаго сод̇аабад̇д̇ипалз бад̇идтахи. ан̃н̃зби б̣ахуу сод̇аабад̇д̇ипалаад̣̇ийни баабун̣им̣су. звам̣ махааж̇анасса саад̇т̇игаа д̇хаммад̣̇зсанаа ж̇аад̇аад̇и.

    Gāthāpariyosāne kumbhaghosako sotāpattiphale patiṭṭhahi. Aññepi bahū sotāpattiphalādīni pāpuṇiṃsu. Evaṃ mahājanassa sātthikā dhammadesanā jātāti.

    гумбхагхосагасздтивад̇т̇у д̣̇уд̇ияам̣.

    Kumbhaghosakaseṭṭhivatthu dutiyaṃ.

    3. жуул̣абант̇агад̇т̇зравад̇т̇у

    3. Cūḷapanthakattheravatthu

    удтаанзнаббамаад̣̇знаад̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о жуул̣абант̇агад̇т̇зрам̣ аараб̣бха гат̇зси.

    Uṭṭhānenappamādenāti imaṃ dhammadesanaṃ satthā veḷuvane viharanto cūḷapanthakattheraṃ ārabbha kathesi.

    рааж̇аг̇ахз гира д̇ханасздтигуласса д̇хийд̇аа ваяаббад̇д̇агаалз маад̇аабид̇уухи сад̇д̇абхуумигасса баасаад̣̇асса убаримад̇алз ад̇ивияа рагкияамаанаа яоб̣б̣анамад̣̇амад̇д̇ад̇ааяа бурисалолаа худ̇ваа ад̇д̇ано д̣̇аасзнзва сад̣̇д̇хим̣ сант̇авам̣ гад̇ваа, ‘‘ан̃н̃зби мз ид̣̇ам̣ гаммам̣ ж̇аанзяяу’’нд̇и бхийд̇аа звамааха – ‘‘амхзхи имасмим̣ таанз на саггаа васид̇ум̣. сажз мз маад̇аабид̇аро имам̣ д̣̇осам̣ ж̇ааниссанд̇и, кан̣д̣аакан̣д̣игам̣ мам̣ гариссанд̇и. вид̣̇зсам̣ г̇анд̇ваа васиссаамаа’’д̇и. д̇з хад̇т̇асаарам̣ г̇ахзд̇ваа аг̇г̇ад̣̇ваарзна нигкамид̇ваа, ‘‘яад̇т̇а ваа д̇ад̇т̇а ваа ан̃н̃зхи аж̇аананадтаанам̣ г̇анд̇ваа васиссаамаа’’д̇и убхоби аг̇амам̣су. д̇зсам̣ згасмим̣ таанз васанд̇аанам̣ сам̣ваасаманвааяа д̇ассаа гужчисмим̣ г̇аб̣бхо бад̇идтааси. саа г̇аб̣бхабарибаагам̣ ааг̇амма д̇зна сад̣̇д̇хим̣ манд̇зси, ‘‘г̇аб̣бхо мз барибаагам̣ г̇ад̇о, н̃аад̇иб̣анд̇хувирахид̇з таанз г̇аб̣бхавудтаанам̣ наама убхиннамби амхаагам̣ д̣̇угкаавахам̣, гулаг̇зхамзва г̇ажчаамаа’’д̇и. со ‘‘сажаахам̣ д̇ад̇т̇а г̇амиссаами, ж̇ийвид̇ам̣ мз над̇т̇ий’’д̇и бхаязна ‘‘аж̇ж̇а г̇ажчаама, свз г̇ажчаамаа’’д̇и д̣̇ивасз ад̇иггаамзси. саа жинд̇зси – ‘‘аяам̣ б̣аало ад̇д̇ано д̣̇осамаханд̇ад̇ааяа г̇анд̇ум̣ на уссахад̇и, маад̇аабид̇аро наама зганд̇ахид̇аава, аяам̣ г̇ажчад̇у ваа, маа ваа, ахам̣ г̇амиссаамий’’д̇и. саа д̇асмим̣ г̇зхаа нигканд̇з г̇зхабаригкаарам̣ бадисаамзд̇ваа ад̇д̇ано гулагхарам̣ г̇ад̇абхаавам̣ ананд̇араг̇зхаваасийнам̣ аарожзд̇ваа маг̇г̇ам̣ бадибаж̇ж̇и.

    Rājagahe kira dhanaseṭṭhikulassa dhītā vayappattakāle mātāpitūhi sattabhūmikassa pāsādassa uparimatale ativiya rakkhiyamānā yobbanamadamattatāya purisalolā hutvā attano dāseneva saddhiṃ santhavaṃ katvā, ‘‘aññepi me idaṃ kammaṃ jāneyyu’’nti bhītā evamāha – ‘‘amhehi imasmiṃ ṭhāne na sakkā vasituṃ. Sace me mātāpitaro imaṃ dosaṃ jānissanti, khaṇḍākhaṇḍikaṃ maṃ karissanti. Videsaṃ gantvā vasissāmā’’ti. Te hatthasāraṃ gahetvā aggadvārena nikkhamitvā, ‘‘yattha vā tattha vā aññehi ajānanaṭṭhānaṃ gantvā vasissāmā’’ti ubhopi agamaṃsu. Tesaṃ ekasmiṃ ṭhāne vasantānaṃ saṃvāsamanvāya tassā kucchismiṃ gabbho patiṭṭhāsi. Sā gabbhaparipākaṃ āgamma tena saddhiṃ mantesi, ‘‘gabbho me paripākaṃ gato, ñātibandhuvirahite ṭhāne gabbhavuṭṭhānaṃ nāma ubhinnampi amhākaṃ dukkhāvahaṃ, kulagehameva gacchāmā’’ti. So ‘‘sacāhaṃ tattha gamissāmi, jīvitaṃ me natthī’’ti bhayena ‘‘ajja gacchāma, sve gacchāmā’’ti divase atikkāmesi. Sā cintesi – ‘‘ayaṃ bālo attano dosamahantatāya gantuṃ na ussahati, mātāpitaro nāma ekantahitāva, ayaṃ gacchatu vā, mā vā, ahaṃ gamissāmī’’ti. Sā tasmiṃ gehā nikkhante gehaparikkhāraṃ paṭisāmetvā attano kulagharaṃ gatabhāvaṃ anantaragehavāsīnaṃ ārocetvā maggaṃ paṭipajji.

    соби гхарам̣ ааг̇анд̇ваа д̇ам̣ ад̣̇исваа бадивиссагз бужчид̇ваа, ‘‘саа гулагхарам̣ г̇ад̇аа’’д̇и суд̇ваа взг̇зна ануб̣анд̇хид̇ваа анд̇араамаг̇г̇з самбаабун̣и. д̇ассааби д̇ад̇т̇зва г̇аб̣бхавудтаанам̣ ахоси. со ‘‘гим̣ ид̣̇ам̣, бхад̣̇д̣̇з’’д̇и бужчи. ‘‘саами, мз зго буд̇д̇о ж̇аад̇о’’д̇и. ‘‘ид̣̇аани гим̣ гариссаамаа’’д̇и? ‘‘яассад̇т̇ааяа маяам̣ гулагхарам̣ г̇ажчзяяаама, д̇ам̣ гаммам̣ анд̇араамаг̇г̇зва нибпаннам̣, д̇ад̇т̇а г̇анд̇ваа гим̣ гариссаама, нивад̇д̇иссаамаа’’д̇и д̣̇взби згажид̇д̇аа худ̇ваа нивад̇д̇им̣су. д̇асса жа д̣̇аарагасса бант̇з ж̇аад̇ад̇д̇аа бант̇агод̇и наамам̣ гарим̣су. д̇ассаа нажирассзва абароби г̇аб̣бхо бад̇идтахи. саб̣б̣ам̣ буриманаязнзва вид̇т̇аарзд̇аб̣б̣ам̣. д̇ассаби д̣̇аарагасса бант̇з ж̇аад̇ад̇д̇аа батамаж̇аад̇асса махаабант̇агод̇и наамам̣ гад̇ваа ид̇арасса жуул̣абант̇агод̇и наамам̣ гарим̣су. д̇з д̣̇взби д̣̇аарагз г̇ахзд̇ваа ад̇д̇ано васанадтаанамзва г̇ад̇аа. д̇зсам̣ д̇ад̇т̇а васанд̇аанам̣ махаабант̇агад̣̇аараго ан̃н̃з д̣̇аарагз ‘‘жуул̣абид̇аа махаабид̇аад̇и, аяяаго аяяигаа’’д̇и жа вад̣̇анд̇з суд̇ваа маад̇арам̣ бужчи – ‘‘амма, ан̃н̃з д̣̇аарагаа ‘аяяаго аяяигаа’д̇иби, ‘махаабид̇аа жуул̣абид̇аа’д̇иби вад̣̇анд̇и, гажжи амхааган̃н̃зва н̃аад̇агаа над̇т̇ий’’д̇и? ‘‘аама, д̇аад̇а, амхаагам̣ зд̇т̇а н̃аад̇агаа над̇т̇и. рааж̇аг̇аханаг̇арз бана во д̇ханасздти наама аяяаго, д̇ад̇т̇а амхаагам̣ б̣ахуу н̃аад̇агаа’’д̇и. ‘‘гасмаа д̇ад̇т̇а на г̇ажчат̇а, аммаа’’д̇и? саа ад̇д̇ано аг̇аманагааран̣ам̣ буд̇д̇асса агат̇зд̇ваа буд̇д̇зсу бунаббунам̣ гат̇знд̇зсу саамигам̣ ааха – ‘‘имз д̣̇аарагаа мам̣ ад̇ивияа гиламзнд̇и, гим̣ но маад̇аабид̇аро д̣̇исваа мам̣сам̣ каад̣̇иссанд̇и, зхи, д̣̇аарагаанам̣ аяяагагулам̣ д̣̇ассзссаамаа’’д̇и? ‘‘ахам̣ саммукаа бхавид̇ум̣ на сагкиссаами, д̇з бана наяиссаамий’’д̇и. ‘‘саад̇ху язна гзнажи убааязна д̣̇аарагаанам̣ аяяагагуламзва д̣̇адтум̣ ваддад̇ий’’д̇и. д̣̇взби ж̇анаа д̣̇аарагз аад̣̇ааяа анубуб̣б̣зна рааж̇аг̇ахам̣ бад̇ваа наг̇арад̣̇ваарз згиссаа саалааяа бависид̇ваа д̣̇аарагамаад̇аа д̣̇вз д̣̇аарагз г̇ахзд̇ваа ад̇д̇ано ааг̇ад̇абхаавам̣ маад̇аабид̇уунам̣ аарожаабзси. д̇з д̇ам̣ саасанам̣ суд̇ваа, ‘‘сам̣саарз вижаранд̇аанам̣ на буд̇д̇о на д̇хийд̇аа бхууд̇абуб̣б̣аа наама над̇т̇и, д̇з амхаагам̣ махаабараад̇хигаа, на саггаа д̇зхи амхаагам̣ жагкубат̇з таад̇ум̣, зд̇д̇агам̣ наама д̇ханам̣ г̇ахзд̇ваа д̣̇взби ж̇анаа паасугадтаанам̣ г̇анд̇ваа ж̇ийванд̇у, д̣̇аарагз бана ид̇ха бзсзнд̇уу’’д̇и д̇ханам̣ д̣̇ад̇ваа д̣̇ууд̇ам̣ баахзсум̣.

    Sopi gharaṃ āgantvā taṃ adisvā paṭivissake pucchitvā, ‘‘sā kulagharaṃ gatā’’ti sutvā vegena anubandhitvā antarāmagge sampāpuṇi. Tassāpi tattheva gabbhavuṭṭhānaṃ ahosi. So ‘‘kiṃ idaṃ, bhadde’’ti pucchi. ‘‘Sāmi, me eko putto jāto’’ti. ‘‘Idāni kiṃ karissāmā’’ti? ‘‘Yassatthāya mayaṃ kulagharaṃ gaccheyyāma, taṃ kammaṃ antarāmaggeva nipphannaṃ, tattha gantvā kiṃ karissāma, nivattissāmā’’ti dvepi ekacittā hutvā nivattiṃsu. Tassa ca dārakassa panthe jātattā panthakoti nāmaṃ kariṃsu. Tassā nacirasseva aparopi gabbho patiṭṭhahi. Sabbaṃ purimanayeneva vitthāretabbaṃ. Tassapi dārakassa panthe jātattā paṭhamajātassa mahāpanthakoti nāmaṃ katvā itarassa cūḷapanthakoti nāmaṃ kariṃsu. Te dvepi dārake gahetvā attano vasanaṭṭhānameva gatā. Tesaṃ tattha vasantānaṃ mahāpanthakadārako aññe dārake ‘‘cūḷapitā mahāpitāti, ayyako ayyikā’’ti ca vadante sutvā mātaraṃ pucchi – ‘‘amma, aññe dārakā ‘ayyako ayyikā’tipi, ‘mahāpitā cūḷapitā’tipi vadanti, kacci amhākaññeva ñātakā natthī’’ti? ‘‘Āma, tāta, amhākaṃ ettha ñātakā natthi. Rājagahanagare pana vo dhanaseṭṭhi nāma ayyako, tattha amhākaṃ bahū ñātakā’’ti. ‘‘Kasmā tattha na gacchatha, ammā’’ti? Sā attano agamanakāraṇaṃ puttassa akathetvā puttesu punappunaṃ kathentesu sāmikaṃ āha – ‘‘ime dārakā maṃ ativiya kilamenti, kiṃ no mātāpitaro disvā maṃsaṃ khādissanti, ehi, dārakānaṃ ayyakakulaṃ dassessāmā’’ti? ‘‘Ahaṃ sammukhā bhavituṃ na sakkhissāmi, te pana nayissāmī’’ti. ‘‘Sādhu yena kenaci upāyena dārakānaṃ ayyakakulameva daṭṭhuṃ vaṭṭatī’’ti. Dvepi janā dārake ādāya anupubbena rājagahaṃ patvā nagaradvāre ekissā sālāya pavisitvā dārakamātā dve dārake gahetvā attano āgatabhāvaṃ mātāpitūnaṃ ārocāpesi. Te taṃ sāsanaṃ sutvā, ‘‘saṃsāre vicarantānaṃ na putto na dhītā bhūtapubbā nāma natthi, te amhākaṃ mahāparādhikā, na sakkā tehi amhākaṃ cakkhupathe ṭhātuṃ, ettakaṃ nāma dhanaṃ gahetvā dvepi janā phāsukaṭṭhānaṃ gantvā jīvantu, dārake pana idha pesentū’’ti dhanaṃ datvā dūtaṃ pāhesuṃ.

    д̇зхи бзсид̇ам̣ д̇ханам̣ г̇ахзд̇ваа д̣̇аарагз ааг̇ад̇ад̣̇ууд̇аанан̃н̃зва хад̇т̇з д̣̇ад̇ваа бахин̣им̣су. д̣̇аарагаа аяяагагулз вад̣дханд̇и. д̇зсу жуул̣абант̇аго ад̇ид̣̇ахаро, махаабант̇аго бана аяяагзна сад̣̇д̇хим̣ д̣̇асаб̣аласса д̇хаммагат̇ам̣ сод̇ум̣ г̇ажчад̇и. д̇асса нижжам̣ сад̇т̇у санд̇игам̣ г̇ажчанд̇асса баб̣б̣аж̇ж̇ааяа жид̇д̇ам̣ нами. со аяяагам̣ ааха – ‘‘сажз мам̣ ануж̇аанзяяаат̇а, ахам̣ баб̣б̣аж̇зяяа’’нд̇и . ‘‘гим̣ вад̣̇зси, д̇аад̇а, сагаласса логассаби мз баб̣б̣аж̇ж̇аад̇о д̇ава баб̣б̣аж̇ж̇аа бхад̣̇д̣̇игаа. сажз саггоси баб̣б̣аж̇аахий’’д̇и. д̇ам̣ сад̇т̇у санд̇игам̣ нзд̇ваа, ‘‘гим̣, г̇ахабад̇и, д̣̇аараго д̇з лад̣̇д̇хо’’д̇и вуд̇д̇з, ‘‘аама, бханд̇з, аяам̣ мз над̇д̇аа д̇умхаагам̣ санд̇игз баб̣б̣аж̇ид̇угаамо’’д̇и ааха. сад̇т̇аа ан̃н̃ад̇арам̣ бин̣д̣абаад̇ажааригам̣ бхигкум̣ ‘‘имам̣ д̣̇аарагам̣ баб̣б̣ааж̇зхий’’д̇и аан̣аабзси. т̇зро д̇асса д̇ажабан̃жагагаммадтаанам̣ аажигкид̇ваа баб̣б̣ааж̇зси. со б̣ахум̣ б̣уд̣̇д̇хаважанам̣ уг̇г̇ан̣хид̇ваа барибун̣н̣авассо убасамбад̣̇ам̣ лабхид̇ваа яонисоманасигаарзна гаммадтаанам̣ гаронд̇о арахад̇д̇ам̣ баабун̣и. со жхаанасукзна паласукзна вийд̇инаамзнд̇о жинд̇зси – ‘‘саггаа ну ко ид̣̇ам̣ сукам̣ жуул̣абант̇агасса д̣̇аад̇у’’нд̇и! д̇ад̇о аяяагасздтисса санд̇игам̣ г̇анд̇ваа звамааха – ‘‘махаасздти, сажз ануж̇аанзяяаат̇а, ахам̣ жуул̣абант̇агам̣ баб̣б̣ааж̇зяяа’’нд̇и. ‘‘баб̣б̣ааж̇зт̇а, бханд̇з’’д̇и. сздти гира саасанз жа суббасанно, ‘‘гад̇арад̇хийд̇ааяа во зд̇з буд̇д̇аа’’д̇и бужчияамаано жа ‘‘балаад̇ад̇хийд̇ааяаа’’д̇и вад̇д̇ум̣ лаж̇ж̇ад̇и, д̇асмаа сукзнзва д̇зсам̣ баб̣б̣аж̇ж̇ам̣ ануж̇аани. т̇зро жуул̣абант̇агам̣ баб̣б̣ааж̇зд̇ваа сийлзсу бад̇идтаабзси. со баб̣б̣аж̇ид̇ваава д̣̇анд̇хо ахоси.

    Tehi pesitaṃ dhanaṃ gahetvā dārake āgatadūtānaññeva hatthe datvā pahiṇiṃsu. Dārakā ayyakakule vaḍḍhanti. Tesu cūḷapanthako atidaharo, mahāpanthako pana ayyakena saddhiṃ dasabalassa dhammakathaṃ sotuṃ gacchati. Tassa niccaṃ satthu santikaṃ gacchantassa pabbajjāya cittaṃ nami. So ayyakaṃ āha – ‘‘sace maṃ anujāneyyātha, ahaṃ pabbajeyya’’nti . ‘‘Kiṃ vadesi, tāta, sakalassa lokassapi me pabbajjāto tava pabbajjā bhaddikā. Sace sakkosi pabbajāhī’’ti. Taṃ satthu santikaṃ netvā, ‘‘kiṃ, gahapati, dārako te laddho’’ti vutte, ‘‘āma, bhante, ayaṃ me nattā tumhākaṃ santike pabbajitukāmo’’ti āha. Satthā aññataraṃ piṇḍapātacārikaṃ bhikkhuṃ ‘‘imaṃ dārakaṃ pabbājehī’’ti āṇāpesi. Thero tassa tacapañcakakammaṭṭhānaṃ ācikkhitvā pabbājesi. So bahuṃ buddhavacanaṃ uggaṇhitvā paripuṇṇavasso upasampadaṃ labhitvā yonisomanasikārena kammaṭṭhānaṃ karonto arahattaṃ pāpuṇi. So jhānasukhena phalasukhena vītināmento cintesi – ‘‘sakkā nu kho idaṃ sukhaṃ cūḷapanthakassa dātu’’nti! Tato ayyakaseṭṭhissa santikaṃ gantvā evamāha – ‘‘mahāseṭṭhi, sace anujāneyyātha, ahaṃ cūḷapanthakaṃ pabbājeyya’’nti. ‘‘Pabbājetha, bhante’’ti. Seṭṭhi kira sāsane ca suppasanno, ‘‘kataradhītāya vo ete puttā’’ti pucchiyamāno ca ‘‘palātadhītāyā’’ti vattuṃ lajjati, tasmā sukheneva tesaṃ pabbajjaṃ anujāni. Thero cūḷapanthakaṃ pabbājetvā sīlesu patiṭṭhāpesi. So pabbajitvāva dandho ahosi.

    ‘‘бад̣̇мам̣ яат̇аа гоганад̣̇ам̣ суг̇анд̇хам̣,

    ‘‘Padmaṃ yathā kokanadaṃ sugandhaṃ,

    баад̇о сияаа пулламавийд̇аг̇анд̇хам̣;

    Pāto siyā phullamavītagandhaṃ;

    ан̇г̇ийрасам̣ басса вирожамаанам̣,

    Aṅgīrasaṃ passa virocamānaṃ,

    д̇абанд̇амаад̣̇ижжамиванд̇алигкз’’д̇и. (сам̣. ни. 1.123; а. ни. 5.195) –

    Tapantamādiccamivantalikkhe’’ti. (saṃ. ni. 1.123; a. ni. 5.195) –

    имам̣ згам̣ г̇аат̇ам̣ жад̇уухи маасзхи уг̇г̇ан̣хид̇ум̣ наасагки. со гира гассабасаммаасамб̣уд̣̇д̇хагаалз баб̣б̣аж̇ид̇ваа бан̃н̃аваа худ̇ваа ан̃н̃ад̇арасса д̣̇анд̇хабхигкуно уд̣̇д̣̇зсаг̇г̇ахан̣агаалз барихаасагзл̣им̣ агааси. со бхигку д̇зна барихаасзна лаж̇ж̇ид̇о нзва уд̣̇д̣̇зсам̣ г̇ан̣хи, на саж̇жхааяамагааси. д̇зна гаммзна аяам̣ баб̣б̣аж̇ид̇ваава д̣̇анд̇хо ж̇аад̇о, г̇ахид̇аг̇ахид̇ам̣ бад̣̇ам̣ убаруубарибад̣̇ам̣ г̇ан̣ханд̇асса нассад̇и. д̇асса имамзва г̇аат̇ам̣ уг̇г̇ахзд̇ум̣ вааяаманд̇асса жад̇д̇ааро маасаа ад̇игганд̇аа. ат̇а нам̣ махаабант̇аго, ‘‘жуул̣абант̇ага, д̇вам̣ имасмим̣ саасанз абхаб̣б̣о, жад̇уухи маасзхи згам̣ г̇аат̇амби г̇ан̣хид̇ум̣ на саггоси, баб̣б̣аж̇ид̇агижжам̣ бана гат̇ам̣ мад̇т̇агам̣ баабзссаси, нигкама ид̇о’’д̇и вихаараа ниггад̣дхи. жуул̣абант̇аго б̣уд̣̇д̇хасаасанз синзхзна г̇ихибхаавам̣ на бад̇т̇зд̇и.

    Imaṃ ekaṃ gāthaṃ catūhi māsehi uggaṇhituṃ nāsakkhi. So kira kassapasammāsambuddhakāle pabbajitvā paññavā hutvā aññatarassa dandhabhikkhuno uddesaggahaṇakāle parihāsakeḷiṃ akāsi. So bhikkhu tena parihāsena lajjito neva uddesaṃ gaṇhi, na sajjhāyamakāsi. Tena kammena ayaṃ pabbajitvāva dandho jāto, gahitagahitaṃ padaṃ uparūparipadaṃ gaṇhantassa nassati. Tassa imameva gāthaṃ uggahetuṃ vāyamantassa cattāro māsā atikkantā. Atha naṃ mahāpanthako, ‘‘cūḷapanthaka, tvaṃ imasmiṃ sāsane abhabbo, catūhi māsehi ekaṃ gāthampi gaṇhituṃ na sakkosi, pabbajitakiccaṃ pana kathaṃ matthakaṃ pāpessasi, nikkhama ito’’ti vihārā nikkaḍḍhi. Cūḷapanthako buddhasāsane sinehena gihibhāvaṃ na pattheti.

    д̇асмин̃жа гаалз махаабант̇аго бхад̇д̇уд̣̇д̣̇зсаго ахоси. ж̇ийваго гомаарабхажжо б̣ахум̣ маалааг̇анд̇хавилзбанам̣ аад̣̇ааяа ад̇д̇ано амб̣аванам̣ г̇анд̇ваа сад̇т̇аарам̣ бууж̇зд̇ваа д̇хаммам̣ суд̇ваа удтааяаасанаа д̣̇асаб̣алам̣ ванд̣̇ид̇ваа махаабант̇агам̣ убасан̇гамид̇ваа, ‘‘гид̇д̇агаа , бханд̇з, сад̇т̇у санд̇игз бхигкуу’’д̇и бужчи. ‘‘бан̃жамад̇д̇аани бхигкусад̇ааний’’д̇и. ‘‘свз, бханд̇з, б̣уд̣̇д̇хаббамукаани бан̃жа бхигкусад̇аани аад̣̇ааяа амхаагам̣ нивзсанз бхигкам̣ г̇ан̣хат̇аа’’д̇и. ‘‘убаасага, жуул̣абант̇аго наама бхигку д̣̇анд̇хо авирул̣хид̇хаммо, д̇ам̣ табзд̇ваа сзсаанам̣ ниманд̇анам̣ самбадижчаамий’’д̇и т̇зро ааха. д̇ам̣ суд̇ваа жуул̣абант̇аго жинд̇зси – ‘‘т̇зро зд̇д̇агаанам̣ бхигкуунам̣ ниманд̇анам̣ самбадижчанд̇о мам̣ б̣аахирам̣ гад̇ваа самбадижчад̇и, ниссам̣саяам̣ маяхам̣ бхаад̇игасса маяи жид̇д̇ам̣ бхиннам̣ бхависсад̇и, гим̣ д̣̇аани маяхам̣ иминаа саасанзна, г̇ихий худ̇ваа д̣̇аанаад̣̇ийни бун̃н̃аани гаронд̇о ж̇ийвиссаамий’’д̇и? со бунад̣̇ивасз баад̇ова виб̣бхамид̇ум̣ бааяааси.

    Tasmiñca kāle mahāpanthako bhattuddesako ahosi. Jīvako komārabhacco bahuṃ mālāgandhavilepanaṃ ādāya attano ambavanaṃ gantvā satthāraṃ pūjetvā dhammaṃ sutvā uṭṭhāyāsanā dasabalaṃ vanditvā mahāpanthakaṃ upasaṅkamitvā, ‘‘kittakā , bhante, satthu santike bhikkhū’’ti pucchi. ‘‘Pañcamattāni bhikkhusatānī’’ti. ‘‘Sve, bhante, buddhappamukhāni pañca bhikkhusatāni ādāya amhākaṃ nivesane bhikkhaṃ gaṇhathā’’ti. ‘‘Upāsaka, cūḷapanthako nāma bhikkhu dandho aviruḷhidhammo, taṃ ṭhapetvā sesānaṃ nimantanaṃ sampaṭicchāmī’’ti thero āha. Taṃ sutvā cūḷapanthako cintesi – ‘‘thero ettakānaṃ bhikkhūnaṃ nimantanaṃ sampaṭicchanto maṃ bāhiraṃ katvā sampaṭicchati, nissaṃsayaṃ mayhaṃ bhātikassa mayi cittaṃ bhinnaṃ bhavissati, kiṃ dāni mayhaṃ iminā sāsanena, gihī hutvā dānādīni puññāni karonto jīvissāmī’’ti? So punadivase pātova vibbhamituṃ pāyāsi.

    сад̇т̇аа бажжуусагаалзязва логам̣ вологзнд̇о имам̣ гааран̣ам̣ д̣̇исваа батамад̇арам̣ г̇анд̇ваа жуул̣абант̇агасса г̇аманамаг̇г̇з д̣̇ваарагодтагз жан̇гаманд̇о адтааси. жуул̣абант̇аго г̇ажчанд̇о сад̇т̇аарам̣ д̣̇исваа убасан̇гамид̇ваа ванд̣̇ид̇ваа адтааси. ат̇а нам̣ сад̇т̇аа ‘‘гухим̣ бана д̇вам̣, жуул̣абант̇ага, имааяа взлааяа г̇ажчасий’’д̇и ааха. ‘‘бхаад̇аа мам̣, бханд̇з, ниггад̣дхад̇и, д̇знаахам̣ виб̣бхамид̇ум̣ г̇ажчаамий’’д̇и. ‘‘жуул̣абант̇ага, д̇ава баб̣б̣аж̇ж̇аа наама мама санд̇агаа, бхаад̇араа ниггад̣дхид̇о гасмаа мама санд̇игам̣ нааг̇ан̃чи, зхи, гим̣ д̇з г̇ихибхаавзна, мама санд̇игз бхависсасий’’д̇и жагган̇гид̇ад̇алзна баан̣инаа д̇ам̣ сираси бараамасид̇ваа аад̣̇ааяа г̇анд̇ваа г̇анд̇хагудиббамукз нисийд̣̇аабзд̇ваа, ‘‘жуул̣абант̇ага, бурад̇т̇аабхимуко худ̇ваа имам̣ билод̇игам̣ ‘раж̇охаран̣ам̣ раж̇охаран̣а’нд̇и баримаж̇ж̇анд̇о ид̇хзва хохий’’д̇и ид̣̇д̇хияаа абхисан̇кад̇ам̣ барисуд̣̇д̇хам̣ билод̇игам̣ д̣̇ад̇ваа гаалз аарожид̇з бхигкусан̇гхабаривуд̇о ж̇ийвагасса г̇зхам̣ г̇анд̇ваа бан̃н̃ад̇д̇аасанз нисийд̣̇и. жуул̣абант̇агоби суурияам̣ ологзнд̇о д̇ам̣ билод̇игам̣ ‘‘раж̇охаран̣ам̣ раж̇охаран̣а’’нд̇и баримаж̇ж̇анд̇о нисийд̣̇и. д̇асса д̇ам̣ билод̇игакан̣д̣ам̣ баримаж̇ж̇анд̇асса гилидтам̣ ахоси. д̇ад̇о жинд̇зси – ‘‘ид̣̇ам̣ билод̇игакан̣д̣ам̣ ад̇ивияа барисуд̣̇д̇хам̣, имам̣ бана ад̇д̇абхаавам̣ ниссааяа буримабагад̇им̣ виж̇ахид̇ваа звам̣ гилидтам̣ ж̇аад̇ам̣, анижжаа вад̇а сан̇каараа’’д̇и каяаваяам̣ бадтабзнд̇о вибассанам̣ вад̣дхзси. сад̇т̇аа ‘‘жуул̣абант̇агасса жид̇д̇ам̣ вибассанам̣ аарул̣ха’’нд̇и н̃ад̇ваа, ‘‘жуул̣абант̇ага, д̇вам̣ билод̇игакан̣д̣амзва сам̣гилидтам̣ ‘раж̇ам̣ раж̇а’нд̇и маа сан̃н̃ам̣ гари, аб̣бханд̇арз бана д̇з рааг̇араж̇аад̣̇аяо ад̇т̇и, д̇з хараахий’’д̇и вад̇ваа обхаасам̣ виссаж̇ж̇зд̇ваа бурад̇о нисинно вияа бан̃н̃ааяамаанаруубо худ̇ваа имаа г̇аат̇аа абхааси –

    Satthā paccūsakāleyeva lokaṃ volokento imaṃ kāraṇaṃ disvā paṭhamataraṃ gantvā cūḷapanthakassa gamanamagge dvārakoṭṭhake caṅkamanto aṭṭhāsi. Cūḷapanthako gacchanto satthāraṃ disvā upasaṅkamitvā vanditvā aṭṭhāsi. Atha naṃ satthā ‘‘kuhiṃ pana tvaṃ, cūḷapanthaka, imāya velāya gacchasī’’ti āha. ‘‘Bhātā maṃ, bhante, nikkaḍḍhati, tenāhaṃ vibbhamituṃ gacchāmī’’ti. ‘‘Cūḷapanthaka, tava pabbajjā nāma mama santakā, bhātarā nikkaḍḍhito kasmā mama santikaṃ nāgañchi, ehi, kiṃ te gihibhāvena, mama santike bhavissasī’’ti cakkaṅkitatalena pāṇinā taṃ sirasi parāmasitvā ādāya gantvā gandhakuṭippamukhe nisīdāpetvā, ‘‘cūḷapanthaka, puratthābhimukho hutvā imaṃ pilotikaṃ ‘rajoharaṇaṃ rajoharaṇa’nti parimajjanto idheva hohī’’ti iddhiyā abhisaṅkhataṃ parisuddhaṃ pilotikaṃ datvā kāle ārocite bhikkhusaṅghaparivuto jīvakassa gehaṃ gantvā paññattāsane nisīdi. Cūḷapanthakopi sūriyaṃ olokento taṃ pilotikaṃ ‘‘rajoharaṇaṃ rajoharaṇa’’nti parimajjanto nisīdi. Tassa taṃ pilotikakhaṇḍaṃ parimajjantassa kiliṭṭhaṃ ahosi. Tato cintesi – ‘‘idaṃ pilotikakhaṇḍaṃ ativiya parisuddhaṃ, imaṃ pana attabhāvaṃ nissāya purimapakatiṃ vijahitvā evaṃ kiliṭṭhaṃ jātaṃ, aniccā vata saṅkhārā’’ti khayavayaṃ paṭṭhapento vipassanaṃ vaḍḍhesi. Satthā ‘‘cūḷapanthakassa cittaṃ vipassanaṃ āruḷha’’nti ñatvā, ‘‘cūḷapanthaka, tvaṃ pilotikakhaṇḍameva saṃkiliṭṭhaṃ ‘rajaṃ raja’nti mā saññaṃ kari, abbhantare pana te rāgarajādayo atthi, te harāhī’’ti vatvā obhāsaṃ vissajjetvā purato nisinno viya paññāyamānarūpo hutvā imā gāthā abhāsi –

    ‘‘рааг̇о раж̇о на жа бана рзн̣у вужжад̇и,

    ‘‘Rāgo rajo na ca pana reṇu vuccati,

    рааг̇ассзд̇ам̣ ад̇хиважанам̣ раж̇од̇и;

    Rāgassetaṃ adhivacanaṃ rajoti;

    зд̇ам̣ раж̇ж̇ам̣ виббаж̇ахид̇ва бхигкаво,

    Etaṃ rajjaṃ vippajahitva bhikkhavo,

    вихаранд̇и д̇з виг̇ад̇араж̇асса саасанз.

    Viharanti te vigatarajassa sāsane.

    ‘‘д̣̇осо раж̇о на жа бана рзн̣у вужжад̇и,

    ‘‘Doso rajo na ca pana reṇu vuccati,

    д̣̇осассзд̇ам̣ ад̇хиважанам̣ раж̇од̇и;

    Dosassetaṃ adhivacanaṃ rajoti;

    зд̇ам̣ раж̇ам̣ виббаж̇ахид̇ва бхигкаво,

    Etaṃ rajaṃ vippajahitva bhikkhavo,

    вихаранд̇и д̇з виг̇ад̇араж̇асса саасанз.

    Viharanti te vigatarajassa sāsane.

    ‘‘мохо раж̇о на жа бана рзн̣у вужжад̇и,

    ‘‘Moho rajo na ca pana reṇu vuccati,

    мохассзд̇ам̣ ад̇хиважанам̣ раж̇од̇и;

    Mohassetaṃ adhivacanaṃ rajoti;

    зд̇ам̣ раж̇ам̣ виббаж̇ахид̇ва бхигкаво,

    Etaṃ rajaṃ vippajahitva bhikkhavo,

    вихаранд̇и д̇з виг̇ад̇араж̇асса саасанз’’д̇и. (махаани. 209);

    Viharanti te vigatarajassa sāsane’’ti. (mahāni. 209);

    г̇аат̇аабарияосаанз жуул̣абант̇аго саха бадисамбхид̣̇аахи арахад̇д̇ам̣ баабун̣и. саха бадисамбхид̣̇аахиязвасса д̇ийн̣и бидагаани ааг̇амим̣су.

    Gāthāpariyosāne cūḷapanthako saha paṭisambhidāhi arahattaṃ pāpuṇi. Saha paṭisambhidāhiyevassa tīṇi piṭakāni āgamiṃsu.

    со гира буб̣б̣з рааж̇аа худ̇ваа наг̇арам̣ бад̣̇агкин̣ам̣ гаронд̇о налаадад̇о сзд̣̇з мужжанд̇з барисуд̣̇д̇хзна саадагзна налааданд̇ам̣ бун̃чи, саадаго гилидто ахоси. со ‘‘имам̣ сарийрам̣ ниссааяа зваруубо барисуд̣̇д̇хо саадаго багад̇им̣ ж̇ахид̇ваа гилидто ж̇аад̇о, анижжаа вад̇а сан̇каараа’’д̇и анижжасан̃н̃ам̣ бадилабхи. д̇з гааран̣знасса раж̇охаран̣амзва бажжаяо ж̇аад̇о.

    So kira pubbe rājā hutvā nagaraṃ padakkhiṇaṃ karonto nalāṭato sede muccante parisuddhena sāṭakena nalāṭantaṃ puñchi, sāṭako kiliṭṭho ahosi. So ‘‘imaṃ sarīraṃ nissāya evarūpo parisuddho sāṭako pakatiṃ jahitvā kiliṭṭho jāto, aniccā vata saṅkhārā’’ti aniccasaññaṃ paṭilabhi. Te kāraṇenassa rajoharaṇameva paccayo jāto.

    ж̇ийвагоби ко гомаарабхажжо д̣̇асаб̣аласса д̣̇агкин̣од̣̇агам̣ убанаамзси. сад̇т̇аа ‘‘нану, ж̇ийвага, вихаарз бхигкуу ад̇т̇ий’’д̇и хад̇т̇зна бад̇д̇ам̣ бид̣̇ахи. махаабант̇аго ‘‘нану, бханд̇з, вихаарз бхигкуу над̇т̇ий’’д̇и ааха. сад̇т̇аа ‘‘ад̇т̇и, ж̇ийвагаа’’д̇и ааха. ж̇ийваго ‘‘д̇зна хи бхан̣з г̇ажча, вихаарз бхигкуунам̣ ад̇т̇ибхаавам̣ ваа над̇т̇ибхаавам̣ ваа д̇ван̃н̃зва ж̇аанаахий’’д̇и бурисам̣ бзсзси. д̇асмим̣ кан̣з жуул̣абант̇аго ‘‘маяхам̣ бхаад̇иго ‘вихаарз бхигкуу над̇т̇ий’д̇и бхан̣ад̇и , вихаарз бхигкуунам̣ ад̇т̇ибхаавамасса багаасзссаамий’’д̇и сагалам̣ амб̣аванам̣ бхигкуунан̃н̃зва буурзси. згажжз бхигкуу жийварагаммам̣ гаронд̇и, згажжз раж̇анагаммам̣ гаронд̇и, згажжз саж̇жхааяам̣ гаронд̇и. звам̣ ан̃н̃аман̃н̃аасад̣̇исам̣ бхигкусахассам̣ маабзси. со бурисо вихаарз б̣ахуу бхигкуу д̣̇исваа нивад̇д̇ид̇ваа, ‘‘аяяа, сагалам̣ амб̣аванам̣ бхигкуухи барибун̣н̣а’’нд̇и ж̇ийвагасса аарожзси. т̇зроби ко д̇ад̇т̇зва –

    Jīvakopi kho komārabhacco dasabalassa dakkhiṇodakaṃ upanāmesi. Satthā ‘‘nanu, jīvaka, vihāre bhikkhū atthī’’ti hatthena pattaṃ pidahi. Mahāpanthako ‘‘nanu, bhante, vihāre bhikkhū natthī’’ti āha. Satthā ‘‘atthi, jīvakā’’ti āha. Jīvako ‘‘tena hi bhaṇe gaccha, vihāre bhikkhūnaṃ atthibhāvaṃ vā natthibhāvaṃ vā tvaññeva jānāhī’’ti purisaṃ pesesi. Tasmiṃ khaṇe cūḷapanthako ‘‘mayhaṃ bhātiko ‘vihāre bhikkhū natthī’ti bhaṇati , vihāre bhikkhūnaṃ atthibhāvamassa pakāsessāmī’’ti sakalaṃ ambavanaṃ bhikkhūnaññeva pūresi. Ekacce bhikkhū cīvarakammaṃ karonti, ekacce rajanakammaṃ karonti, ekacce sajjhāyaṃ karonti. Evaṃ aññamaññaasadisaṃ bhikkhusahassaṃ māpesi. So puriso vihāre bahū bhikkhū disvā nivattitvā, ‘‘ayya, sakalaṃ ambavanaṃ bhikkhūhi paripuṇṇa’’nti jīvakassa ārocesi. Theropi kho tattheva –

    ‘‘сахассагкад̇д̇умад̇д̇аанам̣ , нимминид̇ваана бант̇аго;

    ‘‘Sahassakkhattumattānaṃ , nimminitvāna panthako;

    нисийд̣̇амб̣аванз раммз, яаава гаалаббавзд̣̇анаа’’д̇и.

    Nisīdambavane ramme, yāva kālappavedanā’’ti.

    ат̇а сад̇т̇аа д̇ам̣ бурисам̣ ааха – ‘‘вихаарам̣ г̇анд̇ваа ‘сад̇т̇аа жуул̣абант̇агам̣ наама баггосад̇ий’д̇и вад̣̇зхий’’д̇и. д̇зна г̇анд̇ваа д̇ат̇аа вуд̇д̇з, ‘‘ахам̣ жуул̣абант̇аго, ахам̣ жуул̣абант̇аго’’д̇и мукасахассам̣ удтахи. со бурисо буна г̇анд̇ваа, ‘‘саб̣б̣зби гира, бханд̇з, жуул̣абант̇агааязва наамаа’’д̇и ааха. ‘‘д̇зна хи г̇анд̇ваа яо ‘ахам̣ жуул̣абант̇аго’д̇и батамам̣ вад̣̇ад̇и, д̇ам̣ хад̇т̇з г̇ан̣ха, авасзсаа анд̇арад̇хааяиссанд̇ий’’д̇и. со д̇ат̇аа агааси. д̇аавад̣̇зва сахассамад̇д̇аа бхигкуу анд̇арад̇хааяим̣су. т̇зроби д̇зна бурисзна сад̣̇д̇хим̣ аг̇амааси. сад̇т̇аа бхад̇д̇агижжабарияосаанз ж̇ийвагам̣ ааманд̇зси – ‘‘ж̇ийвага, жуул̣абант̇агасса бад̇д̇ам̣ г̇ан̣хаахи, аяам̣ д̇з анумод̣̇анам̣ гариссад̇ий’’д̇и. ж̇ийваго д̇ат̇аа агааси. т̇зро сийханаад̣̇ам̣ над̣̇анд̇о д̇арун̣асийхо вияа д̇ийхи бидагзхи сан̇кобхзд̇ваа анумод̣̇анамагааси. сад̇т̇аа удтааяаасанаа бхигкусан̇гхабаривуд̇о вихаарам̣ г̇анд̇ваа бхигкуухи вад̇д̇з д̣̇ассид̇з г̇анд̇хагудиббамукз тад̇ваа бхигкусан̇гхасса суг̇ад̇оваад̣̇ам̣ д̣̇ад̇ваа гаммадтаанам̣ гат̇зд̇ваа бхигкусан̇гхам̣ уяяож̇зд̇ваа сурабхиг̇анд̇хаваасид̇ам̣ г̇анд̇хагудим̣ бависид̇ваа д̣̇агкин̣зна бассзна сийхасзяяам̣ убаг̇ад̇о. ат̇а сааяанхасамаяз бхигкуу ид̇о жид̇о жа самосарид̇ваа рад̇д̇агамб̣аласаан̣ияаа баригкид̇д̇аа вияа нисийд̣̇ид̇ваа сад̇т̇у г̇ун̣агат̇ам̣ аарабхим̣су, ‘‘аавусо, махаабант̇аго жуул̣абант̇агасса аж̇жхаасаяам̣ аж̇аананд̇о жад̇уухи маасзхи згам̣ г̇аат̇ам̣ уг̇г̇ан̣хаабзд̇ум̣ на саггод̇и, ‘д̣̇анд̇хо аяа’нд̇и вихаараа ниггад̣дхи, саммаасамб̣уд̣̇д̇хо бана ад̇д̇ано ануд̇д̇арад̇хаммарааж̇ад̇ааяа згасмим̣язвасса анд̇арабхад̇д̇з саха бадисамбхид̣̇аахи арахад̇д̇ам̣ ад̣̇ааси, д̇ийн̣и бидагаани саха бадисамбхид̣̇аахиязва ааг̇ад̇аани, ахо б̣уд̣̇д̇хаанам̣ б̣алам̣ наама маханд̇а’’нд̇и.

    Atha satthā taṃ purisaṃ āha – ‘‘vihāraṃ gantvā ‘satthā cūḷapanthakaṃ nāma pakkosatī’ti vadehī’’ti. Tena gantvā tathā vutte, ‘‘ahaṃ cūḷapanthako, ahaṃ cūḷapanthako’’ti mukhasahassaṃ uṭṭhahi. So puriso puna gantvā, ‘‘sabbepi kira, bhante, cūḷapanthakāyeva nāmā’’ti āha. ‘‘Tena hi gantvā yo ‘ahaṃ cūḷapanthako’ti paṭhamaṃ vadati, taṃ hatthe gaṇha, avasesā antaradhāyissantī’’ti. So tathā akāsi. Tāvadeva sahassamattā bhikkhū antaradhāyiṃsu. Theropi tena purisena saddhiṃ agamāsi. Satthā bhattakiccapariyosāne jīvakaṃ āmantesi – ‘‘jīvaka, cūḷapanthakassa pattaṃ gaṇhāhi, ayaṃ te anumodanaṃ karissatī’’ti. Jīvako tathā akāsi. Thero sīhanādaṃ nadanto taruṇasīho viya tīhi piṭakehi saṅkhobhetvā anumodanamakāsi. Satthā uṭṭhāyāsanā bhikkhusaṅghaparivuto vihāraṃ gantvā bhikkhūhi vatte dassite gandhakuṭippamukhe ṭhatvā bhikkhusaṅghassa sugatovādaṃ datvā kammaṭṭhānaṃ kathetvā bhikkhusaṅghaṃ uyyojetvā surabhigandhavāsitaṃ gandhakuṭiṃ pavisitvā dakkhiṇena passena sīhaseyyaṃ upagato. Atha sāyanhasamaye bhikkhū ito cito ca samosaritvā rattakambalasāṇiyā parikkhittā viya nisīditvā satthu guṇakathaṃ ārabhiṃsu, ‘‘āvuso, mahāpanthako cūḷapanthakassa ajjhāsayaṃ ajānanto catūhi māsehi ekaṃ gāthaṃ uggaṇhāpetuṃ na sakkoti, ‘dandho aya’nti vihārā nikkaḍḍhi, sammāsambuddho pana attano anuttaradhammarājatāya ekasmiṃyevassa antarabhatte saha paṭisambhidāhi arahattaṃ adāsi, tīṇi piṭakāni saha paṭisambhidāhiyeva āgatāni, aho buddhānaṃ balaṃ nāma mahanta’’nti.

    ат̇а бхаг̇аваа д̇хаммасабхааяам̣ имам̣ гат̇аабавад̇д̇им̣ н̃ад̇ваа, ‘‘аж̇ж̇а маяаа г̇анд̇ум̣ ваддад̇ий’’д̇и б̣уд̣̇д̇хасзяяааяа удтааяа сурад̇д̇ад̣̇убаддам̣ ниваасзд̇ваа виж̇ж̇улад̇ам̣ вияа гааяаб̣анд̇ханам̣ б̣анд̇хид̇ваа рад̇д̇агамб̣аласад̣̇исам̣ суг̇ад̇амахаажийварам̣ баарубид̇ваа сурабхиг̇анд̇хагудид̇о нигкамма мад̇д̇аваравааран̣асийхавиж̇амбхид̇авилаасзна ананд̇ааяа б̣уд̣̇д̇халийл̣ааяа д̇хаммасабхам̣ г̇анд̇ваа алан̇гад̇аман̣д̣аламаал̣амаж̇жхз субан̃н̃ад̇д̇авараб̣уд̣̇д̇хаасанам̣ абхируяха чаб̣б̣ан̣н̣аб̣уд̣̇д̇харам̣сияо виссаж̇ж̇знд̇о ан̣н̣авагужчим̣ кобхаяамаано яуг̇анд̇харамад̇т̇агз б̣ааласуурияо вияа аасанамаж̇жхз нисийд̣̇и. саммаасамб̣уд̣̇д̇хз бана ааг̇ад̇амад̇д̇з бхигкусан̇гхо гат̇ам̣ бажчинд̣̇ид̇ваа д̇ун̣хий ахоси. сад̇т̇аа муд̣̇угзна мзд̇д̇ажид̇д̇зна барисам̣ ологзд̇ваа, ‘‘аяам̣ барисаа ад̇ивияа собхад̇и, згассаби хад̇т̇агуггужжам̣ ваа баад̣̇агуггужжам̣ ваа уггаасид̇асад̣̇д̣̇о ваа кибид̇асад̣̇д̣̇о ваа над̇т̇и, саб̣б̣зби имз б̣уд̣̇д̇хаг̇ааравзна саг̇аараваа, б̣уд̣̇д̇хад̇зж̇зна д̇аж̇ж̇ид̇аа. маяи ааяугаббамби агат̇зд̇ваа нисиннз батамам̣ гат̇ам̣ самудтаабзд̇ваа на гат̇зссанд̇и. гат̇аасамудтаабанавад̇д̇ам̣ наама маяаава ж̇аанид̇аб̣б̣ам̣, ахамзва батамам̣ гат̇зссаамий’’д̇и мад̇хурзна б̣рахмассарзна бхигкуу ааманд̇зд̇ваа, ‘‘гааяа нуд̇т̇а, бхигкавз, зд̇арахи гат̇ааяа саннисиннаа, гаа жа бана во анд̇араагат̇аа виббагад̇аа’’д̇и бужчид̇ваа, ‘‘имааяа наамаа’’д̇и вуд̇д̇з, ‘‘на, бхигкавз, жуул̣абант̇аго ид̣̇аанзва д̣̇анд̇хо, буб̣б̣зби д̣̇анд̇хоязва. на гзвалан̃жассаахам̣ ид̣̇аанзва авассаяо ж̇аад̇о, буб̣б̣зби авассаяо ахосимзва. буб̣б̣з банаахам̣ имам̣ логияагудумб̣асса саамигам̣ агаасим̣, ид̣̇аани логуд̇д̇арагудумб̣ассаа’’д̇и вад̇ваа д̇амад̇т̇ам̣ вид̇т̇аарад̇о сод̇угаамзхи бхигкуухи ааяаажид̇о ад̇ийд̇ам̣ аахари –

    Atha bhagavā dhammasabhāyaṃ imaṃ kathāpavattiṃ ñatvā, ‘‘ajja mayā gantuṃ vaṭṭatī’’ti buddhaseyyāya uṭṭhāya surattadupaṭṭaṃ nivāsetvā vijjulataṃ viya kāyabandhanaṃ bandhitvā rattakambalasadisaṃ sugatamahācīvaraṃ pārupitvā surabhigandhakuṭito nikkhamma mattavaravāraṇasīhavijambhitavilāsena anantāya buddhalīḷāya dhammasabhaṃ gantvā alaṅkatamaṇḍalamāḷamajjhe supaññattavarabuddhāsanaṃ abhiruyha chabbaṇṇabuddharaṃsiyo vissajjento aṇṇavakucchiṃ khobhayamāno yugandharamatthake bālasūriyo viya āsanamajjhe nisīdi. Sammāsambuddhe pana āgatamatte bhikkhusaṅgho kathaṃ pacchinditvā tuṇhī ahosi. Satthā mudukena mettacittena parisaṃ oloketvā, ‘‘ayaṃ parisā ativiya sobhati, ekassapi hatthakukkuccaṃ vā pādakukkuccaṃ vā ukkāsitasaddo vā khipitasaddo vā natthi, sabbepi ime buddhagāravena sagāravā, buddhatejena tajjitā. Mayi āyukappampi akathetvā nisinne paṭhamaṃ kathaṃ samuṭṭhāpetvā na kathessanti. Kathāsamuṭṭhāpanavattaṃ nāma mayāva jānitabbaṃ, ahameva paṭhamaṃ kathessāmī’’ti madhurena brahmassarena bhikkhū āmantetvā, ‘‘kāya nuttha, bhikkhave, etarahi kathāya sannisinnā, kā ca pana vo antarākathā vippakatā’’ti pucchitvā, ‘‘imāya nāmā’’ti vutte, ‘‘na, bhikkhave, cūḷapanthako idāneva dandho, pubbepi dandhoyeva. Na kevalañcassāhaṃ idāneva avassayo jāto, pubbepi avassayo ahosimeva. Pubbe panāhaṃ imaṃ lokiyakuṭumbassa sāmikaṃ akāsiṃ, idāni lokuttarakuṭumbassā’’ti vatvā tamatthaṃ vitthārato sotukāmehi bhikkhūhi āyācito atītaṃ āhari –

    ‘‘ад̇ийд̇з, бхигкавз, б̣аараан̣асинаг̇араваасий зго маан̣аво д̇аггасилам̣ г̇анд̇ваа сиббуг̇г̇ахан̣ад̇т̇ааяа д̣̇исаабаамогкасса аажарияасса д̇хамманд̇зваасиго худ̇ваа бан̃жаннам̣ маан̣авагасад̇аанам̣ анд̇арз ад̇ивияа аажарияасса убагаараго ахоси, баад̣̇абаригаммаад̣̇ийни саб̣б̣агижжаани гарод̇и. д̣̇анд̇хад̇ааяа бана гин̃жи уг̇г̇ан̣хид̇ум̣ на сагго’’д̇и. аажарияо ‘‘аяам̣ мама б̣ахуубагааро, сигкаабзссаами на’’нд̇и вааяаманд̇оби гин̃жи сигкаабзд̇ум̣ на саггод̇и. со жирам̣ васид̇ваа згаг̇аат̇амби уг̇г̇ан̣хид̇ум̣ асаггонд̇о угган̣тид̇ваа ‘‘г̇амиссаамий’’д̇и аажарияам̣ аабужчи. аажарияо жинд̇зси – ‘‘аяам̣ маяхам̣ убагаараго, бан̣д̣ид̇абхаавамасса бажжаасийсаами, на нам̣ гаад̇ум̣ саггоми , авассам̣ маяаа имасса бажжубагааро гаад̇аб̣б̣о, згамасса манд̇ам̣ б̣анд̇хид̇ваа д̣̇ассаамий’’д̇и со д̇ам̣ аран̃н̃ам̣ нзд̇ваа ‘‘гхаддзси гхаддзси, гим̣ гааран̣аа гхаддзси? ахамби д̇ам̣ ж̇аанаами ж̇аанаамий’’д̇и имам̣ манд̇ам̣ б̣анд̇хид̇ваа уг̇г̇ан̣хаабзнд̇о анзгасад̇агкад̇д̇ум̣ баривад̇д̇аабзд̇ваа, ‘‘бан̃н̃ааяад̇и д̇з’’д̇и бужчид̇ваа, ‘‘аама, бан̃н̃ааяад̇ий’’д̇и вуд̇д̇з ‘‘д̣̇анд̇хзна наама вааяаамам̣ гад̇ваа баг̇ун̣ам̣ гад̇ам̣ сиббам̣ на балааяад̇ий’’д̇и жинд̇зд̇ваа маг̇г̇абариб̣б̣аяам̣ д̣̇ад̇ваа, ‘‘г̇ажча, имам̣ манд̇ам̣ ниссааяа ж̇ийвиссаси, абалааяанад̇т̇ааяа банасса нижжам̣ саж̇жхааяам̣ гарзяяаасий’’д̇и вад̇ваа д̇ам̣ уяяож̇зси. ат̇асса маад̇аа б̣аараан̣асияам̣ самбад̇д̇агаалз ‘‘буд̇д̇о мз сиббам̣ сигкид̇ваа ааг̇ад̇о’’д̇и махаасаггаарасаммаанам̣ агааси.

    ‘‘Atīte, bhikkhave, bārāṇasinagaravāsī eko māṇavo takkasilaṃ gantvā sippuggahaṇatthāya disāpāmokkhassa ācariyassa dhammantevāsiko hutvā pañcannaṃ māṇavakasatānaṃ antare ativiya ācariyassa upakārako ahosi, pādaparikammādīni sabbakiccāni karoti. Dandhatāya pana kiñci uggaṇhituṃ na sakko’’ti. Ācariyo ‘‘ayaṃ mama bahūpakāro, sikkhāpessāmi na’’nti vāyamantopi kiñci sikkhāpetuṃ na sakkoti. So ciraṃ vasitvā ekagāthampi uggaṇhituṃ asakkonto ukkaṇṭhitvā ‘‘gamissāmī’’ti ācariyaṃ āpucchi. Ācariyo cintesi – ‘‘ayaṃ mayhaṃ upakārako, paṇḍitabhāvamassa paccāsīsāmi, na naṃ kātuṃ sakkomi , avassaṃ mayā imassa paccupakāro kātabbo, ekamassa mantaṃ bandhitvā dassāmī’’ti so taṃ araññaṃ netvā ‘‘ghaṭṭesi ghaṭṭesi, kiṃ kāraṇā ghaṭṭesi? Ahampi taṃ jānāmi jānāmī’’ti imaṃ mantaṃ bandhitvā uggaṇhāpento anekasatakkhattuṃ parivattāpetvā, ‘‘paññāyati te’’ti pucchitvā, ‘‘āma, paññāyatī’’ti vutte ‘‘dandhena nāma vāyāmaṃ katvā paguṇaṃ kataṃ sippaṃ na palāyatī’’ti cintetvā maggaparibbayaṃ datvā, ‘‘gaccha, imaṃ mantaṃ nissāya jīvissasi, apalāyanatthāya panassa niccaṃ sajjhāyaṃ kareyyāsī’’ti vatvā taṃ uyyojesi. Athassa mātā bārāṇasiyaṃ sampattakāle ‘‘putto me sippaṃ sikkhitvā āgato’’ti mahāsakkārasammānaṃ akāsi.

    д̇ад̣̇аа б̣аараан̣асирааж̇аа ‘‘ад̇т̇и ну ко мз гааяагаммаад̣̇ийсу гожи д̣̇осо’’д̇и бажжавзгканд̇о ад̇д̇ано аружжанагам̣ гин̃жи гаммам̣ ад̣̇исваа ‘‘ад̇д̇ано важ̇ж̇ам̣ наама ад̇д̇ано на бан̃н̃ааяад̇и, барзсам̣ бан̃н̃ааяад̇и, нааг̇араанам̣ бариг̇г̇ан̣хиссаамий’’д̇и жинд̇зд̇ваа сааяам̣ ан̃н̃аад̇агавзсзна нигкамид̇ваа, ‘‘сааяамаасам̣ бхун̃ж̇ид̇ваа нисиннамануссаанам̣ гат̇аасаллаабо наама наанаббагаараго ход̇и, ‘сажаахам̣ ад̇хаммзна раж̇ж̇ам̣ гаарзми, баабзна ад̇хаммигзна ран̃н̃аа д̣̇ан̣д̣аб̣алиаад̣̇ийхи хад̇амхаа’д̇и вагканд̇и. ‘сажз д̇хаммзна раж̇ж̇ам̣ гаарзми, д̣̇ийгхааяуго ход̇у но рааж̇аа’д̇иаад̣̇ийни вад̇ваа мама г̇ун̣ам̣ гат̇зссанд̇ий’’д̇и д̇зсам̣ д̇зсам̣ г̇зхаанам̣ бхид̇д̇ианусаарзнзва вижарад̇и.

    Tadā bārāṇasirājā ‘‘atthi nu kho me kāyakammādīsu koci doso’’ti paccavekkhanto attano aruccanakaṃ kiñci kammaṃ adisvā ‘‘attano vajjaṃ nāma attano na paññāyati, paresaṃ paññāyati, nāgarānaṃ pariggaṇhissāmī’’ti cintetvā sāyaṃ aññātakavesena nikkhamitvā, ‘‘sāyamāsaṃ bhuñjitvā nisinnamanussānaṃ kathāsallāpo nāma nānappakārako hoti, ‘sacāhaṃ adhammena rajjaṃ kāremi, pāpena adhammikena raññā daṇḍabaliādīhi hatamhā’ti vakkhanti. ‘Sace dhammena rajjaṃ kāremi, dīghāyuko hotu no rājā’tiādīni vatvā mama guṇaṃ kathessantī’’ti tesaṃ tesaṃ gehānaṃ bhittianusāreneva vicarati.

    д̇асмим̣ кан̣з уман̇г̇ажораа д̣̇виннам̣ г̇зхаанам̣ анд̇арз уман̇г̇ам̣ бхинд̣̇анд̇и згауман̇г̇знзва д̣̇вз г̇зхаани бависанад̇т̇ааяа. рааж̇аа д̇з д̣̇исваа г̇зхажчааяааяа адтааси. д̇зсам̣ уман̇г̇ам̣ бхинд̣̇ид̇ваа г̇зхам̣ бависид̇ваа бхан̣д̣агам̣ ологид̇агаалз маан̣аво баб̣уж̇жхид̇ваа д̇ам̣ манд̇ам̣ саж̇жхааяанд̇о ‘‘гхаддзси гхаддзси, гим̣ гааран̣аа гхаддзси? ахамби д̇ам̣ ж̇аанаами ж̇аанаамий’’д̇и ааха. д̇з д̇ам̣ суд̇ваа, ‘‘иминаа гирамхаа н̃аад̇аа, ид̣̇аани но наасзссад̇ий’’д̇и нивад̇т̇авад̇т̇ааниби чад̣д̣зд̇ваа бхийд̇аа саммукасаммукадтаанзнзва балааяим̣су. рааж̇аа д̇з балааяанд̇з д̣̇исваа ид̇арасса жа манд̇асаж̇жхааяанасад̣̇д̣̇ам̣ суд̇ваа г̇зхан̃н̃зва вавад̇т̇абзд̇ваа нааг̇араанам̣ бариг̇г̇ан̣хид̇ваа нивзсанам̣ баависи. со вибхаад̇ааяа бана рад̇д̇ияаа баад̇овзгам̣ бурисам̣ баггосид̇ваа ааха – ‘‘г̇ажча бхан̣з, асугавийт̇ияам̣ наама яасмим̣ г̇зхз уман̇г̇о бхинно, д̇ад̇т̇а д̇аггасилад̇о сиббам̣ уг̇г̇ан̣хид̇ваа ааг̇ад̇амаан̣аво ад̇т̇и, д̇ам̣ аанзхий’’д̇и. со г̇анд̇ваа ‘‘рааж̇аа д̇ам̣ баггосад̇ий’’д̇и вад̇ваа маан̣авам̣ аанзси. ат̇а нам̣ рааж̇аа ааха – ‘‘д̇вам̣, д̇аад̇а, д̇аггасилад̇о сиббам̣ уг̇г̇ан̣хид̇ваа ааг̇ад̇амаан̣аво’’д̇и? ‘‘аама, д̣̇зваа’’д̇и. ‘‘амхаагамби д̇ам̣ сиббам̣ д̣̇зхий’’д̇и. ‘‘саад̇ху, д̣̇зва, самаанаасанз нисийд̣̇ид̇ваа г̇ан̣хаахий’’д̇и. рааж̇ааби д̇ат̇аа гад̇ваа манд̇ам̣ г̇ахзд̇ваа ‘‘аяам̣ д̇з аажарияабхааг̇о’’д̇и сахассам̣ ад̣̇ааси.

    Tasmiṃ khaṇe umaṅgacorā dvinnaṃ gehānaṃ antare umaṅgaṃ bhindanti ekaumaṅgeneva dve gehāni pavisanatthāya. Rājā te disvā gehacchāyāya aṭṭhāsi. Tesaṃ umaṅgaṃ bhinditvā gehaṃ pavisitvā bhaṇḍakaṃ olokitakāle māṇavo pabujjhitvā taṃ mantaṃ sajjhāyanto ‘‘ghaṭṭesi ghaṭṭesi, kiṃ kāraṇā ghaṭṭesi? Ahampi taṃ jānāmi jānāmī’’ti āha. Te taṃ sutvā, ‘‘iminā kiramhā ñātā, idāni no nāsessatī’’ti nivatthavatthānipi chaḍḍetvā bhītā sammukhasammukhaṭṭhāneneva palāyiṃsu. Rājā te palāyante disvā itarassa ca mantasajjhāyanasaddaṃ sutvā gehaññeva vavatthapetvā nāgarānaṃ pariggaṇhitvā nivesanaṃ pāvisi. So vibhātāya pana rattiyā pātovekaṃ purisaṃ pakkositvā āha – ‘‘gaccha bhaṇe, asukavīthiyaṃ nāma yasmiṃ gehe umaṅgo bhinno, tattha takkasilato sippaṃ uggaṇhitvā āgatamāṇavo atthi, taṃ ānehī’’ti. So gantvā ‘‘rājā taṃ pakkosatī’’ti vatvā māṇavaṃ ānesi. Atha naṃ rājā āha – ‘‘tvaṃ, tāta, takkasilato sippaṃ uggaṇhitvā āgatamāṇavo’’ti? ‘‘Āma, devā’’ti. ‘‘Amhākampi taṃ sippaṃ dehī’’ti. ‘‘Sādhu, deva, samānāsane nisīditvā gaṇhāhī’’ti. Rājāpi tathā katvā mantaṃ gahetvā ‘‘ayaṃ te ācariyabhāgo’’ti sahassaṃ adāsi.

    д̇ад̣̇аа сзнаабад̇и ран̃н̃о габбагам̣ ааха – ‘‘гад̣̇аа ран̃н̃о массум̣ гариссасий’’д̇и? ‘‘свз ваа барасувз ваа’’д̇и. со д̇асса сахассам̣ д̣̇ад̇ваа ‘‘гижжам̣ мз ад̇т̇ий’’д̇и вад̇ваа, ‘‘гим̣, саамий’’д̇и вуд̇д̇з ‘‘ран̃н̃о массугаммам̣ гаронд̇о вияа худ̇ваа курам̣ ад̇ивияа бахам̣сид̇ваа г̇аланаал̣им̣ чинд̣̇а, д̇вам̣ сзнаабад̇и бхависсаси, ахам̣ рааж̇аа’’д̇и. со ‘‘саад̇хуу’’д̇и самбадижчид̇ваа ран̃н̃о массугаммагаран̣ад̣̇ивасз г̇анд̇ход̣̇агзна массум̣ д̇змзд̇ваа курам̣ бахам̣сид̇ваа налааданд̇з г̇ахзд̇ваа, ‘‘куро т̇огам̣ гун̣тад̇хааро, згаббахаарзнзва г̇аланаал̣им̣ чинд̣̇ид̇ум̣ ваддад̇ий’’д̇и буна згаманд̇ам̣ тад̇ваа курам̣ бахам̣си. д̇асмим̣ кан̣з рааж̇аа ад̇д̇ано манд̇ам̣ сарид̇ваа саж̇жхааяам̣ гаронд̇о ‘‘гхаддзси гхаддзси, гим̣ гааран̣аа гхаддзси? ахамби д̇ам̣ ж̇аанаами ж̇аанаамий’’д̇и ааха. нхаабид̇асса налаадад̇о сзд̣̇аа мужжим̣су. со ‘‘ж̇аанаад̇и мама гааран̣ам̣ рааж̇аа’’д̇и бхийд̇о курам̣ бхуумияам̣ кибид̇ваа баад̣̇амуулз урзна нибаж̇ж̇и. рааж̇аано наама чзгаа хонд̇и, д̇зна д̇ам̣ звамааха – ‘‘арз, д̣̇удта, нхаабид̇а, ‘на мам̣ рааж̇аа ж̇аанаад̇ий’д̇и сан̃н̃ам̣ гаросий’’д̇и. ‘‘абхаяам̣ мз д̣̇зхи, д̣̇зваа’’д̇и. ‘‘ход̇у, маа бхааяи, гат̇зхий’’д̇и. сзнаабад̇и мз, д̣̇зва, сахассам̣ д̣̇ад̇ваа, ‘‘ран̃н̃о массум̣ гаронд̇о вияа г̇аланаал̣им̣ чинд̣̇а, ахам̣ рааж̇аа худ̇ваа д̇ам̣ сзнаабад̇им̣ гариссаамий’’д̇и аахаад̇и. рааж̇аа д̇ам̣ суд̇ваа ‘‘аажарияам̣ мз ниссааяа ж̇ийвид̇ам̣ лад̣̇д̇ха’’нд̇и жинд̇зд̇ваа сзнаабад̇им̣ баггосаабзд̇ваа, ‘‘амбхо, сзнаабад̇и, гим̣ наама д̇аяаа мама санд̇игаа на лад̣̇д̇хам̣, ид̣̇аани д̇ам̣ д̣̇адтум̣ на саггоми, мама радтаа нигкамаахий’’д̇и д̇ам̣ радтаа баб̣б̣ааж̇зд̇ваа аажарияам̣ баггосаабзд̇ваа, ‘‘аажарияа, д̇ам̣ ниссааяа маяаа ж̇ийвид̇ам̣ лад̣̇д̇ха’’нд̇и вад̇ваа маханд̇ам̣ саггаарам̣ гарид̇ваа д̇асса сзнаабад̇идтаанам̣ ад̣̇ааси. ‘‘со д̇ад̣̇аа жуул̣абант̇аго ахоси, сад̇т̇аа д̣̇исаабаамогко аажарияо’’д̇и.

    Tadā senāpati rañño kappakaṃ āha – ‘‘kadā rañño massuṃ karissasī’’ti? ‘‘Sve vā parasuve vā’’ti. So tassa sahassaṃ datvā ‘‘kiccaṃ me atthī’’ti vatvā, ‘‘kiṃ, sāmī’’ti vutte ‘‘rañño massukammaṃ karonto viya hutvā khuraṃ ativiya pahaṃsitvā galanāḷiṃ chinda, tvaṃ senāpati bhavissasi, ahaṃ rājā’’ti. So ‘‘sādhū’’ti sampaṭicchitvā rañño massukammakaraṇadivase gandhodakena massuṃ temetvā khuraṃ pahaṃsitvā nalāṭante gahetvā, ‘‘khuro thokaṃ kuṇṭhadhāro, ekappahāreneva galanāḷiṃ chindituṃ vaṭṭatī’’ti puna ekamantaṃ ṭhatvā khuraṃ pahaṃsi. Tasmiṃ khaṇe rājā attano mantaṃ saritvā sajjhāyaṃ karonto ‘‘ghaṭṭesi ghaṭṭesi, kiṃ kāraṇā ghaṭṭesi? Ahampi taṃ jānāmi jānāmī’’ti āha. Nhāpitassa nalāṭato sedā mucciṃsu. So ‘‘jānāti mama kāraṇaṃ rājā’’ti bhīto khuraṃ bhūmiyaṃ khipitvā pādamūle urena nipajji. Rājāno nāma chekā honti, tena taṃ evamāha – ‘‘are, duṭṭha, nhāpita, ‘na maṃ rājā jānātī’ti saññaṃ karosī’’ti. ‘‘Abhayaṃ me dehi, devā’’ti. ‘‘Hotu, mā bhāyi, kathehī’’ti. Senāpati me, deva, sahassaṃ datvā, ‘‘rañño massuṃ karonto viya galanāḷiṃ chinda, ahaṃ rājā hutvā taṃ senāpatiṃ karissāmī’’ti āhāti. Rājā taṃ sutvā ‘‘ācariyaṃ me nissāya jīvitaṃ laddha’’nti cintetvā senāpatiṃ pakkosāpetvā, ‘‘ambho, senāpati, kiṃ nāma tayā mama santikā na laddhaṃ, idāni taṃ daṭṭhuṃ na sakkomi, mama raṭṭhā nikkhamāhī’’ti taṃ raṭṭhā pabbājetvā ācariyaṃ pakkosāpetvā, ‘‘ācariya, taṃ nissāya mayā jīvitaṃ laddha’’nti vatvā mahantaṃ sakkāraṃ karitvā tassa senāpatiṭṭhānaṃ adāsi. ‘‘So tadā cūḷapanthako ahosi, satthā disāpāmokkho ācariyo’’ti.

    сад̇т̇аа имам̣ ад̇ийд̇ам̣ аахарид̇ваа, ‘‘звам̣, бхигкавз, буб̣б̣зби жуул̣абант̇аго д̣̇анд̇хоязва ахоси, д̇ад̣̇аабиссаахам̣ авассаяо худ̇ваа д̇ам̣ логияагудумб̣з бад̇идтаабзси’’нд̇и вад̇ваа буна згад̣̇ивасам̣ ‘‘ахо сад̇т̇аа жуул̣абант̇агасса авассаяо ж̇аад̇о’’д̇и гат̇ааяа самудтид̇ааяа жуул̣асздтиж̇аад̇агз ад̇ийд̇авад̇т̇ум̣ гат̇зд̇ваа –

    Satthā imaṃ atītaṃ āharitvā, ‘‘evaṃ, bhikkhave, pubbepi cūḷapanthako dandhoyeva ahosi, tadāpissāhaṃ avassayo hutvā taṃ lokiyakuṭumbe patiṭṭhāpesi’’nti vatvā puna ekadivasaṃ ‘‘aho satthā cūḷapanthakassa avassayo jāto’’ti kathāya samuṭṭhitāya cūḷaseṭṭhijātake atītavatthuṃ kathetvā –

    ‘‘аббагзнааби мзд̇хаавий, баабхад̇зна вижагкан̣о;

    ‘‘Appakenāpi medhāvī, pābhatena vicakkhaṇo;

    самудтаабзд̇и ад̇д̇аанам̣, ан̣ум̣ аг̇г̇им̣ва санд̇хама’’нд̇и. (ж̇аа. 1.1.4) –

    Samuṭṭhāpeti attānaṃ, aṇuṃ aggiṃva sandhama’’nti. (jā. 1.1.4) –

    г̇аат̇ам̣ вад̇ваа, ‘‘на, бхигкавз, ид̣̇аанзваахам̣ имасса авассаяо ж̇аад̇о, буб̣б̣зби авассаяо ахосимзва. буб̣б̣з банаахам̣ имам̣ логияагудумб̣асса саамигам̣ агаасим̣, ид̣̇аани логуд̇д̇арагудумб̣асса. д̇ад̣̇аа хи жуул̣анд̇зваасиго жуул̣абант̇аго ахоси, жуул̣асздти бана бан̣д̣ид̇о б̣яад̇д̇о нагкад̇д̇аговид̣̇о ахамзваа’’д̇и ж̇аад̇агам̣ самод̇хаанзси.

    Gāthaṃ vatvā, ‘‘na, bhikkhave, idānevāhaṃ imassa avassayo jāto, pubbepi avassayo ahosimeva. Pubbe panāhaṃ imaṃ lokiyakuṭumbassa sāmikaṃ akāsiṃ, idāni lokuttarakuṭumbassa. Tadā hi cūḷantevāsiko cūḷapanthako ahosi, cūḷaseṭṭhi pana paṇḍito byatto nakkhattakovido ahamevā’’ti jātakaṃ samodhānesi.

    бунзгад̣̇ивасам̣ д̇хаммасабхааяам̣ гат̇ам̣ самудтаабзсум̣, ‘‘аавусо, жуул̣абант̇аго жад̇уухи маасзхи жад̇уббад̣̇ам̣ г̇аат̇ам̣ г̇ахзд̇ум̣ асаггонд̇оби вийрияам̣ аноссаж̇ж̇ид̇ваава арахад̇д̇з бад̇идтид̇о , ид̣̇аани логуд̇д̇арад̇хаммагудумб̣асса саамиго ж̇аад̇о’’д̇и. сад̇т̇аа ааг̇анд̇ваа, ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа, ‘‘имааяа наамаа’’д̇и вуд̇д̇з, ‘‘бхигкавз, мама саасанз аарад̣̇д̇хавийрияо бхигку логуд̇д̇арад̇хаммасса саамиго ход̇иязваа’’д̇и вад̇ваа имам̣ г̇аат̇амааха –

    Punekadivasaṃ dhammasabhāyaṃ kathaṃ samuṭṭhāpesuṃ, ‘‘āvuso, cūḷapanthako catūhi māsehi catuppadaṃ gāthaṃ gahetuṃ asakkontopi vīriyaṃ anossajjitvāva arahatte patiṭṭhito , idāni lokuttaradhammakuṭumbassa sāmiko jāto’’ti. Satthā āgantvā, ‘‘kāya nuttha, bhikkhave, etarahi kathāya sannisinnā’’ti pucchitvā, ‘‘imāya nāmā’’ti vutte, ‘‘bhikkhave, mama sāsane āraddhavīriyo bhikkhu lokuttaradhammassa sāmiko hotiyevā’’ti vatvā imaṃ gāthamāha –

    25.

    25.

    ‘‘удтаанзнаббамаад̣̇зна , сам̣яамзна д̣̇амзна жа;

    ‘‘Uṭṭhānenappamādena , saṃyamena damena ca;

    д̣̇ийбам̣ гаяираат̇а мзд̇хаавий, яам̣ огхо наабхигийрад̇ий’’д̇и.

    Dīpaṃ kayirātha medhāvī, yaṃ ogho nābhikīratī’’ti.

    д̇ад̇т̇а д̣̇ийбам̣ гаяираат̇аад̇и вийрияасан̇каад̇зна удтаанзна, сад̇ияаа авиббаваасаагаарасан̇каад̇зна аббамаад̣̇зна, жад̇убаарисуд̣̇д̇хисийласан̇каад̇зна сам̣яамзна, инд̣̇рияад̣̇амзна жаад̇и имзхи гааран̣абхууд̇зхи жад̇уухи д̇хаммзхи д̇хаммож̇абан̃н̃ааяа саманнааг̇ад̇о мзд̇хаавий имасмим̣ ад̇ивияа д̣̇уллабхабад̇идтад̇ааяа ад̇иг̇амбхийрз сам̣саарасааг̇арз ад̇д̇ано бад̇идтаанабхууд̇ам̣ арахад̇д̇апалам̣ д̣̇ийбам̣ гаяираат̇а гарзяяа, гаад̇ум̣ саггун̣зяяаад̇и ад̇т̇о. гийд̣̇исам̣? яам̣ огхо наабхигийрад̇ийд̇и яам̣ жад̇уб̣б̣ид̇хоби гилзсогхо абхигирид̇ум̣ вид̣̇д̇хам̣сзд̇ум̣ на саггод̇и. на хи саггаа арахад̇д̇ам̣ огхзна абхигирид̇унд̇и.

    Tattha dīpaṃ kayirāthāti vīriyasaṅkhātena uṭṭhānena, satiyā avippavāsākārasaṅkhātena appamādena, catupārisuddhisīlasaṅkhātena saṃyamena, indriyadamena cāti imehi kāraṇabhūtehi catūhi dhammehi dhammojapaññāya samannāgato medhāvī imasmiṃ ativiya dullabhapatiṭṭhatāya atigambhīre saṃsārasāgare attano patiṭṭhānabhūtaṃ arahattaphalaṃ dīpaṃ kayirātha kareyya, kātuṃ sakkuṇeyyāti attho. Kīdisaṃ? Yaṃ ogho nābhikīratīti yaṃ catubbidhopi kilesogho abhikirituṃ viddhaṃsetuṃ na sakkoti. Na hi sakkā arahattaṃ oghena abhikiritunti.

    г̇аат̇аабарияосаанз б̣ахуу сод̇аабаннаад̣̇аяо ахзсум̣. звам̣ д̣̇зсанаа самбад̇д̇абарисааяа саад̇т̇игаа ж̇аад̇аад̇и.

    Gāthāpariyosāne bahū sotāpannādayo ahesuṃ. Evaṃ desanā sampattaparisāya sātthikā jātāti.

    жуул̣абант̇агад̇т̇зравад̇т̇у д̇ад̇ияам̣.

    Cūḷapanthakattheravatthu tatiyaṃ.

    4. б̣ааланагкад̇д̇асан̇гхудтавад̇т̇у

    4. Bālanakkhattasaṅghuṭṭhavatthu

    бамаад̣̇амануяун̃ж̇анд̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о б̣ааланагкад̇д̇ам̣ аараб̣бха гат̇зси.

    Pamādamanuyuñjantīti imaṃ dhammadesanaṃ satthā jetavane viharanto bālanakkhattaṃ ārabbha kathesi.

    згасмин̃хи самаяз саавад̇т̇ияам̣ б̣ааланагкад̇д̇ам̣ наама сан̇гхудтам̣. д̇асмим̣ нагкад̇д̇з б̣аалаа д̣̇уммзд̇хино ж̇анаа чааригааяа жзва г̇омаязна жа сарийрам̣ магкзд̇ваа сад̇д̇аахам̣ асаб̣бхам̣ бхан̣анд̇аа вижаранд̇и. гин̃жи н̃аад̇и сухаж̇ж̇ам̣ ваа баб̣б̣аж̇ид̇ам̣ ваа д̣̇исваа лаж̇ж̇анд̇аа наама над̇т̇и. д̣̇ваарз д̣̇ваарз тад̇ваа асаб̣бхам̣ бхан̣анд̇и. мануссаа д̇зсам̣ асаб̣бхам̣ сод̇ум̣ асаггонд̇аа яат̇ааб̣алам̣ ад̣дхам̣ ваа баад̣̇ам̣ ваа гахаабан̣ам̣ ваа бзсзнд̇и. д̇з д̇зсам̣ д̣̇ваарз лад̣̇д̇хам̣ лад̣̇д̇хам̣ г̇ахзд̇ваа баггаманд̇и. д̇ад̣̇аа бана саавад̇т̇ияам̣ бан̃жа годимад̇д̇аа арияасаавагаа васанд̇и, д̇з сад̇т̇у санд̇игам̣ саасанам̣ бзсаяим̣су – ‘‘бхаг̇аваа, бханд̇з, сад̇д̇аахам̣ бхигкусан̇гхзна сад̣̇д̇хим̣ наг̇арам̣ аббависид̇ваа вихаарзязва ход̇уу’’д̇и. д̇ан̃жа бана сад̇д̇аахам̣ бхигкусан̇гхасса вихаарзязва яааг̇убхад̇д̇аад̣̇ийни самбаад̣̇зд̇ваа бахин̣им̣су, саяамби г̇зхаа на нигкамим̣су. д̇з нагкад̇д̇з бана барияосид̇з адтамз д̣̇ивасз б̣уд̣̇д̇хаббамукам̣ бхигкусан̇гхам̣ ниманд̇зд̇ваа наг̇арам̣ бавзсзд̇ваа махаад̣̇аанам̣ д̣̇ад̇ваа згаманд̇ам̣ нисиннаа, ‘‘бханд̇з, ад̇ид̣̇угкзна но сад̇д̇а д̣̇ивасаани ад̇игганд̇аани, б̣аалаанам̣ асаб̣бхаани сун̣анд̇аанам̣ ган̣н̣аа бхиж̇ж̇анаагаараббад̇д̇аа хонд̇и, гожи гассажи на лаж̇ж̇ад̇и, д̇зна маяам̣ д̇умхаагам̣ анд̇онаг̇арам̣ бависид̇ум̣ наад̣̇амха, маяамби г̇зхад̇о на нигкамимхаа’’д̇и аахам̣су. сад̇т̇аа д̇зсам̣ гат̇ам̣ суд̇ваа, ‘‘б̣аалаанам̣ д̣̇уммзд̇хаанам̣ гирияаа наама зваруубаа ход̇и, мзд̇хаавино бана д̇ханасаарам̣ вияа аббамаад̣̇ам̣ рагкид̇ваа амад̇амахааниб̣б̣аанасамбад̇д̇им̣ баабун̣анд̇ий’’д̇и вад̇ваа имаа г̇аат̇аа абхааси –

    Ekasmiñhi samaye sāvatthiyaṃ bālanakkhattaṃ nāma saṅghuṭṭhaṃ. Tasmiṃ nakkhatte bālā dummedhino janā chārikāya ceva gomayena ca sarīraṃ makkhetvā sattāhaṃ asabbhaṃ bhaṇantā vicaranti. Kiñci ñāti suhajjaṃ vā pabbajitaṃ vā disvā lajjantā nāma natthi. Dvāre dvāre ṭhatvā asabbhaṃ bhaṇanti. Manussā tesaṃ asabbhaṃ sotuṃ asakkontā yathābalaṃ aḍḍhaṃ vā pādaṃ vā kahāpaṇaṃ vā pesenti. Te tesaṃ dvāre laddhaṃ laddhaṃ gahetvā pakkamanti. Tadā pana sāvatthiyaṃ pañca koṭimattā ariyasāvakā vasanti, te satthu santikaṃ sāsanaṃ pesayiṃsu – ‘‘bhagavā, bhante, sattāhaṃ bhikkhusaṅghena saddhiṃ nagaraṃ appavisitvā vihāreyeva hotū’’ti. Tañca pana sattāhaṃ bhikkhusaṅghassa vihāreyeva yāgubhattādīni sampādetvā pahiṇiṃsu, sayampi gehā na nikkhamiṃsu. Te nakkhatte pana pariyosite aṭṭhame divase buddhappamukhaṃ bhikkhusaṅghaṃ nimantetvā nagaraṃ pavesetvā mahādānaṃ datvā ekamantaṃ nisinnā, ‘‘bhante, atidukkhena no satta divasāni atikkantāni, bālānaṃ asabbhāni suṇantānaṃ kaṇṇā bhijjanākārappattā honti, koci kassaci na lajjati, tena mayaṃ tumhākaṃ antonagaraṃ pavisituṃ nādamha, mayampi gehato na nikkhamimhā’’ti āhaṃsu. Satthā tesaṃ kathaṃ sutvā, ‘‘bālānaṃ dummedhānaṃ kiriyā nāma evarūpā hoti, medhāvino pana dhanasāraṃ viya appamādaṃ rakkhitvā amatamahānibbānasampattiṃ pāpuṇantī’’ti vatvā imā gāthā abhāsi –

    26.

    26.

    ‘‘бамаад̣̇амануяун̃ж̇анд̇и, б̣аалаа д̣̇уммзд̇хино ж̇анаа;

    ‘‘Pamādamanuyuñjanti, bālā dummedhino janā;

    аббамаад̣̇ан̃жа мзд̇хаавий, д̇ханам̣ сздтам̣ва рагкад̇и.

    Appamādañca medhāvī, dhanaṃ seṭṭhaṃva rakkhati.

    27.

    27.

    ‘‘маа бамаад̣̇амануяун̃ж̇зт̇а, маа гаамарад̇исант̇авам̣;

    ‘‘Mā pamādamanuyuñjetha, mā kāmaratisanthavaṃ;

    аббамад̇д̇о хи жхааяанд̇о, баббод̇и вибулам̣ сука’’нд̇и.

    Appamatto hi jhāyanto, pappoti vipulaṃ sukha’’nti.

    д̇ад̇т̇а б̣аалаад̇и б̣аалязна саманнааг̇ад̇аа ид̇халогабаралогад̇т̇ам̣ аж̇аананд̇аа. д̣̇уммзд̇хинод̇и ниббан̃н̃аа. д̇з бамаад̣̇з аад̣̇ийнавам̣ абассанд̇аа бамаад̣̇ам̣ ануяун̃ж̇анд̇и бавад̇д̇знд̇и, бамаад̣̇зна гаалам̣ вийд̇инаамзнд̇и. мзд̇хаавийд̇и д̇хаммож̇абан̃н̃ааяа саманнааг̇ад̇о бана бан̣д̣ид̇о гулавам̣сааг̇ад̇ам̣ сздтам̣ уд̇д̇амам̣ сад̇д̇арад̇анад̇ханам̣ вияа аббамаад̣̇ам̣ рагкад̇и. яат̇аа хи уд̇д̇амам̣ д̇ханам̣ ниссааяа ‘‘гаамаг̇ун̣асамбад̇д̇им̣ баабун̣иссаама, буд̇д̇ад̣̇аарам̣ босзссаама, баралогаг̇аманамаг̇г̇ам̣ сод̇хзссаамаа’’д̇и д̇ханз аанисам̣сам̣ бассанд̇аа д̇ам̣ рагканд̇и, звам̣ бан̣д̣ид̇оби аббамад̇д̇о ‘‘батамаж̇жхаанаад̣̇ийни бадилабхиссаами, маг̇г̇апалаад̣̇ийни баабун̣иссаами, д̇иссо виж̇ж̇аа, ча абхин̃н̃аа самбаад̣̇зссаамий’’д̇и аббамаад̣̇з аанисам̣сам̣ бассанд̇о д̇ханам̣ сздтам̣ва аббамаад̣̇ам̣ рагкад̇ийд̇и ад̇т̇о. маа бамаад̣̇анд̇и д̇асмаа д̇умхз маа бамаад̣̇амануяун̃ж̇зт̇а маа бамаад̣̇зна гаалам̣ вийд̇инаамаяид̇т̇а. маа гаамарад̇исант̇аванд̇и вад̇т̇угаамагилзсагаамзсу рад̇исан̇каад̇ам̣ д̇ан̣хаасант̇авамби маа ануяун̃ж̇зт̇а маа жинд̇аяид̇т̇а маа бадилабхид̇т̇а. аббамад̇д̇о хийд̇и убадтид̇ассад̇ид̇ааяа хи аббамад̇д̇о жхааяанд̇о буг̇г̇ало вибулам̣ ул̣аарам̣ ниб̣б̣аанасукам̣ баабун̣аад̇ийд̇и.

    Tattha bālāti bālyena samannāgatā idhalokaparalokatthaṃ ajānantā. Dummedhinoti nippaññā. Te pamāde ādīnavaṃ apassantā pamādaṃ anuyuñjanti pavattenti, pamādena kālaṃ vītināmenti. Medhāvīti dhammojapaññāya samannāgato pana paṇḍito kulavaṃsāgataṃ seṭṭhaṃ uttamaṃ sattaratanadhanaṃ viya appamādaṃ rakkhati. Yathā hi uttamaṃ dhanaṃ nissāya ‘‘kāmaguṇasampattiṃ pāpuṇissāma, puttadāraṃ posessāma, paralokagamanamaggaṃ sodhessāmā’’ti dhane ānisaṃsaṃ passantā taṃ rakkhanti, evaṃ paṇḍitopi appamatto ‘‘paṭhamajjhānādīni paṭilabhissāmi, maggaphalādīni pāpuṇissāmi, tisso vijjā, cha abhiññā sampādessāmī’’ti appamāde ānisaṃsaṃ passanto dhanaṃ seṭṭhaṃva appamādaṃ rakkhatīti attho. Mā pamādanti tasmā tumhe mā pamādamanuyuñjetha mā pamādena kālaṃ vītināmayittha. Mā kāmaratisanthavanti vatthukāmakilesakāmesu ratisaṅkhātaṃ taṇhāsanthavampi mā anuyuñjetha mā cintayittha mā paṭilabhittha. Appamatto hīti upaṭṭhitassatitāya hi appamatto jhāyanto puggalo vipulaṃ uḷāraṃ nibbānasukhaṃ pāpuṇātīti.

    г̇аат̇аабарияосаанз б̣ахуу сод̇аабаннаад̣̇аяо ахзсум̣. махааж̇анасса саад̇т̇игаа д̇хаммад̣̇зсанаа ж̇аад̇аад̇и.

    Gāthāpariyosāne bahū sotāpannādayo ahesuṃ. Mahājanassa sātthikā dhammadesanā jātāti.

    б̣ааланагкад̇д̇асан̇гхудтавад̇т̇у жад̇уд̇т̇ам̣.

    Bālanakkhattasaṅghuṭṭhavatthu catutthaṃ.

    5. махаагассабад̇т̇зравад̇т̇у

    5. Mahākassapattheravatthu

    бамаад̣̇ам̣ аббамаад̣̇знаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о махаагассабад̇т̇зрам̣ аараб̣бха гат̇зси.

    Pamādaṃappamādenāti imaṃ dhammadesanaṃ satthā jetavane viharanto mahākassapattheraṃ ārabbha kathesi.

    згасмин̃хи д̣̇ивасз т̇зро бибпалиг̇ухааяам̣ вихаранд̇о рааж̇аг̇ахз бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о аалогам̣ вад̣дхзд̇ваа бамад̇д̇з жа аббамад̇д̇з жа уд̣̇агабат̇авийбаб̣б̣ад̇аад̣̇ийсу жаванагз убабаж̇ж̇анагз жа сад̇д̇з д̣̇иб̣б̣зна жагкунаа ологзнд̇о нисийд̣̇и. сад̇т̇аа ж̇зд̇аванз нисиннагова ‘‘гзна ну ко вихаарзна аж̇ж̇а мама буд̇д̇о гассабо вихарад̇ий’’д̇и д̣̇иб̣б̣зна жагкунаа убад̇хаарзнд̇о ‘‘сад̇д̇аанам̣ жуд̇уубабаад̇ам̣ ологзнд̇о вихарад̇ий’’д̇и н̃ад̇ваа ‘‘сад̇д̇аанам̣ жуд̇уубабаад̇о наама б̣уд̣̇д̇хан̃аан̣знаби абарижчинно, маад̇угужчияам̣ бадисанд̇хим̣ г̇ахзд̇ваа маад̇аабид̇аро аж̇аанаабзд̇ваа жаванасад̇д̇аанам̣ барижчзд̣̇о гаад̇ум̣ на саггаа, д̇з ж̇аанид̇ум̣ д̇ава ависаяо, гассаба, аббамад̇д̇аго д̇ава висаяо, саб̣б̣асо бана жаванд̇з жа убабаж̇ж̇анд̇з жа ж̇аанид̇ум̣ бассид̇ум̣ б̣уд̣̇д̇хаанамзва висаяо’’д̇и вад̇ваа обхаасам̣ парид̇ваа саммукз нисинно вияа худ̇ваа имам̣ г̇аат̇амааха –

    Ekasmiñhi divase thero pipphaliguhāyaṃ viharanto rājagahe piṇḍāya caritvā pacchābhattaṃ piṇḍapātapaṭikkanto ālokaṃ vaḍḍhetvā pamatte ca appamatte ca udakapathavīpabbatādīsu cavanake upapajjanake ca satte dibbena cakkhunā olokento nisīdi. Satthā jetavane nisinnakova ‘‘kena nu kho vihārena ajja mama putto kassapo viharatī’’ti dibbena cakkhunā upadhārento ‘‘sattānaṃ cutūpapātaṃ olokento viharatī’’ti ñatvā ‘‘sattānaṃ cutūpapāto nāma buddhañāṇenapi aparicchinno, mātukucchiyaṃ paṭisandhiṃ gahetvā mātāpitaro ajānāpetvā cavanasattānaṃ paricchedo kātuṃ na sakkā, te jānituṃ tava avisayo, kassapa, appamattako tava visayo, sabbaso pana cavante ca upapajjante ca jānituṃ passituṃ buddhānameva visayo’’ti vatvā obhāsaṃ pharitvā sammukhe nisinno viya hutvā imaṃ gāthamāha –

    28.

    28.

    ‘‘бамаад̣̇ам̣ аббамаад̣̇зна, яад̣̇аа нуд̣̇ад̇и бан̣д̣ид̇о;

    ‘‘Pamādaṃ appamādena, yadā nudati paṇḍito;

    бан̃н̃аабаасаад̣̇амааруяха, асого согиним̣ баж̇ам̣;

    Paññāpāsādamāruyha, asoko sokiniṃ pajaṃ;

    баб̣б̣ад̇адтова бхуумадтз, д̇хийро б̣аалз авзгкад̇ий’’д̇и.

    Pabbataṭṭhova bhūmaṭṭhe, dhīro bāle avekkhatī’’ti.

    д̇ад̇т̇а нуд̣̇ад̇ийд̇и яат̇аа наама богкаран̣им̣ бависанд̇ам̣ навод̣̇агам̣ бураан̣од̣̇агам̣ кобхзд̇ваа д̇ассогаасам̣ ад̣̇ад̇ваа д̇ам̣ ад̇д̇ано мад̇т̇агамад̇т̇агзна балааяанд̇ам̣ нуд̣̇ад̇и нийхарад̇и, звамзва бан̣д̣ид̇о аббамаад̣̇алагкан̣ам̣ б̣руухзнд̇о бамаад̣̇ассогаасам̣ ад̣̇ад̇ваа яад̣̇аа аббамаад̣̇авзг̇зна д̇ам̣ нуд̣̇ад̇и нийхарад̇и, ат̇а со бануннабамаад̣̇о ажжуг̇г̇ад̇ад̇т̇зна барисуд̣̇д̇хам̣ д̣̇иб̣б̣ажагкусан̇каад̇ам̣ бан̃н̃аабаасаад̣̇ам̣ д̇асса анужчавигам̣ бадибад̣̇ам̣ буурзнд̇о д̇ааяа бадибад̣̇ааяа ниссзн̣ияаа баасаад̣̇ам̣ вияа ааруяха бахийнасогасаллад̇ааяа асого, аббахийнасогасаллад̇ааяа согиним̣ баж̇ам̣ сад̇д̇анигааяам̣ жавамаанан̃жзва убабаж̇ж̇амаанан̃жа д̣̇иб̣б̣ажагкунаа авзгкад̇и бассад̇и. яат̇аа гим̣? баб̣б̣ад̇адтова бхуумадтзд̇и баб̣б̣ад̇амуд̣̇д̇хани тид̇о бхуумияам̣ тид̇з, убарибаасаад̣̇з ваа бана тид̇о баасаад̣̇абаривзн̣з тид̇з агижчзна авзгкад̇и, д̇ат̇аа соби д̇хийро бан̣д̣ид̇о махаакийн̣аасаво асамужчиннаваддаб̣ийж̇з б̣аалз жаванд̇з жа убабаж̇ж̇анд̇з жа агижчзна авзгкад̇ийд̇и.

    Tattha nudatīti yathā nāma pokkharaṇiṃ pavisantaṃ navodakaṃ purāṇodakaṃ khobhetvā tassokāsaṃ adatvā taṃ attano matthakamatthakena palāyantaṃ nudati nīharati, evameva paṇḍito appamādalakkhaṇaṃ brūhento pamādassokāsaṃ adatvā yadā appamādavegena taṃ nudati nīharati, atha so panunnapamādo accuggatatthena parisuddhaṃ dibbacakkhusaṅkhātaṃ paññāpāsādaṃ tassa anucchavikaṃ paṭipadaṃ pūrento tāya paṭipadāya nisseṇiyā pāsādaṃ viya āruyha pahīnasokasallatāya asoko, appahīnasokasallatāya sokiniṃ pajaṃ sattanikāyaṃ cavamānañceva upapajjamānañca dibbacakkhunā avekkhati passati. Yathā kiṃ? Pabbataṭṭhovabhūmaṭṭheti pabbatamuddhani ṭhito bhūmiyaṃ ṭhite, uparipāsāde vā pana ṭhito pāsādapariveṇe ṭhite akicchena avekkhati, tathā sopi dhīro paṇḍito mahākhīṇāsavo asamucchinnavaṭṭabīje bāle cavante ca upapajjante ca akicchena avekkhatīti.

    г̇аат̇аабарияосаанз б̣ахуу сод̇аабад̇д̇ипалаад̣̇ийни сажчигарим̣сууд̇и.

    Gāthāpariyosāne bahū sotāpattiphalādīni sacchikariṃsūti.

    махаагассабад̇т̇зравад̇т̇у бан̃жамам̣.

    Mahākassapattheravatthu pañcamaṃ.

    6. бамад̇д̇аабамад̇д̇ад̣̇взсахааяагавад̇т̇у

    6. Pamattāpamattadvesahāyakavatthu

    аббамад̇д̇о бамад̇д̇зсууд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о д̣̇вз сахааяагз бхигкуу аараб̣бха гат̇зси.

    Appamattopamattesūti imaṃ dhammadesanaṃ satthā jetavane viharanto dve sahāyake bhikkhū ārabbha kathesi.

    д̇з гира сад̇т̇у санд̇игз гаммадтаанам̣ г̇ахзд̇ваа ааран̃н̃агавихаарам̣ бависим̣су. д̇зсу зго гира гаалассзва д̣̇аарууни аахарид̇ваа ан̇г̇аарагабаллам̣ саж̇ж̇зд̇ваа д̣̇ахарасааман̣зрзхи сад̣̇д̇хим̣ саллабанд̇о батамаяаамам̣ висиб̣б̣амаано нисийд̣̇ад̇и. зго аббамад̇д̇о саман̣ад̇хаммам̣ гаронд̇о ид̇арам̣ овад̣̇ад̇и, ‘‘аавусо, маа звам̣ гари, бамад̇д̇асса хи жад̇д̇ааро абааяаа сагагхарасад̣̇исаа. б̣уд̣̇д̇хаа наама саатзяязна аараад̇хзд̇ум̣ на саггаа’’д̇и со д̇ассоваад̣̇ам̣ на сун̣аад̇и. ид̇аро ‘‘нааяам̣ важанагкамо’’д̇и д̇ам̣ авад̇ваа аббамад̇д̇ова саман̣ад̇хаммамагааси. аласад̇т̇зроби батамаяаамз висиб̣б̣зд̇ваа ид̇арасса жан̇гамид̇ваа г̇аб̣бхам̣ бавидтагаалз бависид̇ваа, ‘‘махаагусийд̇а, д̇вам̣ нибаж̇ж̇ид̇ваа саяанад̇т̇ааяа аран̃н̃ам̣ бавидтоси, гим̣ б̣уд̣̇д̇хаанам̣ санд̇игз гаммадтаанам̣ г̇ахзд̇ваа удтааяа саман̣ад̇хаммам̣ гаад̇ум̣ ваддад̇ий’’д̇и вад̇ваа ад̇д̇ано васанадтаанам̣ бависид̇ваа нибаж̇ж̇ид̇ваа субад̇и. ид̇ароби маж̇жхимаяаамз виссамид̇ваа бажчимаяаамз бажжудтааяа саман̣ад̇хаммам̣ гарод̇и. со звам̣ аббамад̇д̇о вихаранд̇о на жирассзва саха бадисамбхид̣̇аахи арахад̇д̇ам̣ баабун̣и. ид̇аро бамаад̣̇знзва гаалам̣ вийд̇инаамзси. д̇з вудтавассаа сад̇т̇у санд̇игам̣ г̇анд̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇им̣су. сад̇т̇аа д̇зхи сад̣̇д̇хим̣ бадисант̇аарам̣ гад̇ваа, ‘‘гажжи, бхигкавз, аббамад̇д̇аа саман̣ад̇хаммам̣ гарид̇т̇а, гажжи во баб̣б̣аж̇ид̇агижжам̣ мад̇т̇агам̣ бад̇д̇а’’нд̇и бужчи. батамам̣ бамад̇д̇о бхигку ааха – ‘‘гуд̇о, бханд̇з, зд̇асса аббамаад̣̇о, г̇ад̇агаалад̇о бадтааяа нибаж̇ж̇ид̇ваа нид̣̇д̣̇ааяанд̇о гаалам̣ вийд̇инаамзсий’’д̇и. ‘‘д̇вам̣ бана бхигкуу’’д̇и. ‘‘ахам̣, бханд̇з, гаалассзва д̣̇аарууни аахарид̇ваа ан̇г̇аарагабаллам̣ саж̇ж̇зд̇ваа батамаяаамз висиб̣б̣знд̇о нисийд̣̇ид̇ваа анид̣̇д̣̇ааяанд̇ова гаалам̣ вийд̇инаамзси’’нд̇и. ат̇а нам̣ сад̇т̇аа ‘‘д̇вам̣ бамад̇д̇о гаалам̣ вийд̇инаамзд̇ваа ‘аббамад̇д̇омхий’д̇и вад̣̇аси, аббамад̇д̇ам̣ бана бамад̇д̇ам̣ гаросий’’д̇и ааха. буна бамаад̣̇з д̣̇осз, аббамаад̣̇з аанисам̣сз багаасзд̇ум̣, ‘‘д̇вам̣ мама буд̇д̇асса санд̇игз ж̇аважчинно д̣̇уб̣б̣алассо вияа, зса бана д̇ава санд̇игз сийгхаж̇авассо вияаа’’д̇и вад̇ваа имам̣ г̇аат̇амааха –

    Te kira satthu santike kammaṭṭhānaṃ gahetvā āraññakavihāraṃ pavisiṃsu. Tesu eko kira kālasseva dārūni āharitvā aṅgārakapallaṃ sajjetvā daharasāmaṇerehi saddhiṃ sallapanto paṭhamayāmaṃ visibbamāno nisīdati. Eko appamatto samaṇadhammaṃ karonto itaraṃ ovadati, ‘‘āvuso, mā evaṃ kari, pamattassa hi cattāro apāyā sakagharasadisā. Buddhā nāma sāṭheyyena ārādhetuṃ na sakkā’’ti so tassovādaṃ na suṇāti. Itaro ‘‘nāyaṃ vacanakkhamo’’ti taṃ avatvā appamattova samaṇadhammamakāsi. Alasattheropi paṭhamayāme visibbetvā itarassa caṅkamitvā gabbhaṃ paviṭṭhakāle pavisitvā, ‘‘mahākusīta, tvaṃ nipajjitvā sayanatthāya araññaṃ paviṭṭhosi, kiṃ buddhānaṃ santike kammaṭṭhānaṃ gahetvā uṭṭhāya samaṇadhammaṃ kātuṃ vaṭṭatī’’ti vatvā attano vasanaṭṭhānaṃ pavisitvā nipajjitvā supati. Itaropi majjhimayāme vissamitvā pacchimayāme paccuṭṭhāya samaṇadhammaṃ karoti. So evaṃ appamatto viharanto na cirasseva saha paṭisambhidāhi arahattaṃ pāpuṇi. Itaro pamādeneva kālaṃ vītināmesi. Te vuṭṭhavassā satthu santikaṃ gantvā satthāraṃ vanditvā ekamantaṃ nisīdiṃsu. Satthā tehi saddhiṃ paṭisanthāraṃ katvā, ‘‘kacci, bhikkhave, appamattā samaṇadhammaṃ karittha, kacci vo pabbajitakiccaṃ matthakaṃ patta’’nti pucchi. Paṭhamaṃ pamatto bhikkhu āha – ‘‘kuto, bhante, etassa appamādo, gatakālato paṭṭhāya nipajjitvā niddāyanto kālaṃ vītināmesī’’ti. ‘‘Tvaṃ pana bhikkhū’’ti. ‘‘Ahaṃ, bhante, kālasseva dārūni āharitvā aṅgārakapallaṃ sajjetvā paṭhamayāme visibbento nisīditvā aniddāyantova kālaṃ vītināmesi’’nti. Atha naṃ satthā ‘‘tvaṃ pamatto kālaṃ vītināmetvā ‘appamattomhī’ti vadasi, appamattaṃ pana pamattaṃ karosī’’ti āha. Puna pamāde dose, appamāde ānisaṃse pakāsetuṃ, ‘‘tvaṃ mama puttassa santike javacchinno dubbalasso viya, esa pana tava santike sīghajavasso viyā’’ti vatvā imaṃ gāthamāha –

    29.

    29.

    ‘‘аббамад̇д̇о бамад̇д̇зсу, суд̇д̇зсу б̣ахуж̇ааг̇аро;

    ‘‘Appamatto pamattesu, suttesu bahujāgaro;

    аб̣алассам̣ва сийгхассо, хид̇ваа яаад̇и сумзд̇хасо’’д̇и.

    Abalassaṃva sīghasso, hitvā yāti sumedhaso’’ti.

    д̇ад̇т̇а аббамад̇д̇од̇и сад̇ивзбуллаббад̇д̇ад̇ааяа аббамаад̣̇асамбаннз кийн̣аасаво. бамад̇д̇зсууд̇и сад̇ивосаг̇г̇з тид̇зсу сад̇д̇зсу. суд̇д̇зсууд̇и сад̇иж̇ааг̇арияаабхаавзна саб̣б̣ирияаабат̇зсу нид̣̇д̣̇ааяанд̇зсу. б̣ахуж̇ааг̇арод̇и маханд̇з сад̇ивзбуллз ж̇ааг̇арияз тид̇о. аб̣алассам̣ваад̇и гун̣табаад̣̇ам̣ чиннаж̇авам̣ д̣̇уб̣б̣алассам̣ сийгхаж̇аво синд̇хавааж̇аанийяо вияа. сумзд̇хасод̇и уд̇д̇амабан̃н̃о. д̇ат̇ааруубам̣ буг̇г̇алам̣ ааг̇амзнаби ад̇хиг̇амзнаби хид̇ваа яаад̇и. манд̣̇абан̃н̃асмин̃хи згам̣ суд̇д̇ам̣ г̇ахзд̇ум̣ вааяаманд̇зязва сумзд̇хасо згам̣ ваг̇г̇ам̣ г̇ан̣хаад̇и, звам̣ д̇аава ааг̇амзна хид̇ваа яаад̇и. манд̣̇абан̃н̃з бана рад̇д̇идтаанад̣̇иваадтаанаани гаад̇ум̣ вааяаманд̇зязва гаммадтаанам̣ уг̇г̇ахзд̇ваа саж̇жхааяанд̇зязва жа сумзд̇хасо буб̣б̣абхааг̇зби барзна гад̇ам̣ рад̇д̇идтаанам̣ ваа д̣̇иваадтаанам̣ ваа бависид̇ваа гаммадтаанам̣ саммасанд̇о саб̣б̣агилзсз кзбзд̇ваа нзва логуд̇д̇арад̇хаммз хад̇т̇аг̇ад̇з гарод̇и, звам̣ ад̇хиг̇амзнаби хид̇ваа яаад̇и. ваддз бана нам̣ хид̇ваа чад̣д̣зд̇ваа ваддад̇о ниссаранд̇о яаад̇иязваад̇и.

    Tattha appamattoti sativepullappattatāya appamādasampanne khīṇāsavo. Pamattesūti sativosagge ṭhitesu sattesu. Suttesūti satijāgariyābhāvena sabbiriyāpathesu niddāyantesu. Bahujāgaroti mahante sativepulle jāgariye ṭhito. Abalassaṃvāti kuṇṭhapādaṃ chinnajavaṃ dubbalassaṃ sīghajavo sindhavājānīyo viya. Sumedhasoti uttamapañño. Tathārūpaṃ puggalaṃ āgamenapi adhigamenapi hitvā yāti. Mandapaññasmiñhi ekaṃ suttaṃ gahetuṃ vāyamanteyeva sumedhaso ekaṃ vaggaṃ gaṇhāti, evaṃ tāva āgamena hitvā yāti. Mandapaññe pana rattiṭṭhānadivāṭṭhānāni kātuṃ vāyamanteyeva kammaṭṭhānaṃ uggahetvā sajjhāyanteyeva ca sumedhaso pubbabhāgepi parena kataṃ rattiṭṭhānaṃ vā divāṭṭhānaṃ vā pavisitvā kammaṭṭhānaṃ sammasanto sabbakilese khepetvā neva lokuttaradhamme hatthagate karoti, evaṃ adhigamenapi hitvā yāti. Vaṭṭe pana naṃ hitvā chaḍḍetvā vaṭṭato nissaranto yātiyevāti.

    г̇аат̇аабарияосаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Gāthāpariyosāne bahū sotāpattiphalādīni pāpuṇiṃsūti.

    бамад̇д̇аабамад̇д̇ад̣̇взсахааяагавад̇т̇у чадтам̣.

    Pamattāpamattadvesahāyakavatthu chaṭṭhaṃ.

    7. магхавад̇т̇у

    7. Maghavatthu

    аббамаад̣̇зна магхаваад̇и имам̣ д̇хаммад̣̇зсанам̣ сад̇т̇аа взсаалияам̣ убаниссааяа гуудааг̇аарасаалааяам̣ вихаранд̇о саггам̣ д̣̇зварааж̇аанам̣ аараб̣бха гат̇зси.

    Appamādena maghavāti imaṃ dhammadesanaṃ satthā vesāliyaṃ upanissāya kūṭāgārasālāyaṃ viharanto sakkaṃ devarājānaṃ ārabbha kathesi.

    взсаалияан̃хи махаали наама лижчавий васад̇и, со д̇ат̇ааг̇ад̇асса саггабан̃хасуд̇д̇анд̇ад̣̇зсанам̣ (д̣̇ий. ни. 2.344 аад̣̇аяо) суд̇ваа ‘‘саммаасамб̣уд̣̇д̇хо саггасамбад̇д̇им̣ махад̇им̣ гад̇ваа гат̇зси, ‘д̣̇исваа ну ко гат̇зси, уд̣̇ааху ад̣̇исваа. ж̇аанаад̇и ну ко саггам̣, уд̣̇ааху но’д̇и бужчиссаами на’’нд̇и жинд̇зси. ат̇а ко, махаали, лижчавий язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и, згаманд̇ам̣ нисинно ко, махаали, лижчавий бхаг̇аванд̇ам̣ зд̇ад̣̇авожа – ‘‘д̣̇идто ко, бханд̇з, бхаг̇авад̇аа сагго д̣̇зваанаминд̣̇о’’д̇и? ‘‘д̣̇идто ко мз , махаали, сагго д̣̇зваанаминд̣̇о’’д̇и. ‘‘со хи нуна, бханд̇з, саггабад̇ируубаго бхависсад̇и . д̣̇уд̣̇д̣̇асо хи, бханд̇з, сагго д̣̇зваанаминд̣̇о’’д̇и. ‘‘сагган̃жа кваахам̣, махаали, баж̇аанаами саггагаран̣з жа д̇хаммз, язсам̣ д̇хаммаанам̣ самаад̣̇иннад̇д̇аа сагго саггад̇д̇ам̣ аж̇жхаг̇аа, д̇ан̃жа баж̇аанаами’’.

    Vesāliyañhi mahāli nāma licchavī vasati, so tathāgatassa sakkapañhasuttantadesanaṃ (dī. ni. 2.344 ādayo) sutvā ‘‘sammāsambuddho sakkasampattiṃ mahatiṃ katvā kathesi, ‘disvā nu kho kathesi, udāhu adisvā. Jānāti nu kho sakkaṃ, udāhu no’ti pucchissāmi na’’nti cintesi. Atha kho, mahāli, licchavī yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi, ekamantaṃ nisinno kho, mahāli, licchavī bhagavantaṃ etadavoca – ‘‘diṭṭho kho, bhante, bhagavatā sakko devānamindo’’ti? ‘‘Diṭṭho kho me , mahāli, sakko devānamindo’’ti. ‘‘So hi nuna, bhante, sakkapatirūpako bhavissati . Duddaso hi, bhante, sakko devānamindo’’ti. ‘‘Sakkañca khvāhaṃ, mahāli, pajānāmi sakkakaraṇe ca dhamme, yesaṃ dhammānaṃ samādinnattā sakko sakkattaṃ ajjhagā, tañca pajānāmi’’.

    сагго, махаали, д̣̇зваанаминд̣̇о буб̣б̣з мануссабхууд̇о самаано магхо наама маан̣аво ахоси, д̇асмаа ‘‘магхаваа’’д̇и вужжад̇и.

    Sakko, mahāli, devānamindo pubbe manussabhūto samāno magho nāma māṇavo ahosi, tasmā ‘‘maghavā’’ti vuccati.

    сагго, махаали, д̣̇зваанаминд̣̇о буб̣б̣з мануссабхууд̇о самаано бурз д̣̇аанам̣ ад̣̇ааси, д̇асмаа ‘‘буринд̣̇ад̣̇о’’д̇и вужжад̇и.

    Sakko, mahāli, devānamindo pubbe manussabhūto samāno pure dānaṃ adāsi, tasmā ‘‘purindado’’ti vuccati.

    сагго, махаали, д̣̇зваанаминд̣̇о буб̣б̣з мануссабхууд̇о самаано саггажжам̣ д̣̇аанам̣ ад̣̇ааси, д̇асмаа ‘‘сагго’’д̇и вужжад̇и.

    Sakko, mahāli, devānamindo pubbe manussabhūto samāno sakkaccaṃ dānaṃ adāsi, tasmā ‘‘sakko’’ti vuccati.

    сагго, махаали, д̣̇зваанаминд̣̇о буб̣б̣з мануссабхууд̇о самаано аавасат̇ам̣ ад̣̇ааси, д̇асмаа ‘‘ваасаво’’д̇и вужжад̇и.

    Sakko, mahāli, devānamindo pubbe manussabhūto samāno āvasathaṃ adāsi, tasmā ‘‘vāsavo’’ti vuccati.

    сагго, махаали, д̣̇зваанаминд̣̇о сахассамби ад̇т̇ам̣ мухуд̇д̇зна жинд̇зд̇и, д̇асмаа ‘‘сахассагко’’д̇и вужжад̇и.

    Sakko, mahāli, devānamindo sahassampi atthaṃ muhuttena cinteti, tasmā ‘‘sahassakkho’’ti vuccati.

    саггасса, махаали, д̣̇зваанаминд̣̇асса суж̇аа наама асураган̃н̃аа, баж̇аабад̇и, д̇асмаа ‘‘суж̇амбад̇ий’’д̇и вужжад̇и.

    Sakkassa, mahāli, devānamindassa sujā nāma asurakaññā, pajāpati, tasmā ‘‘sujampatī’’ti vuccati.

    сагго, махаали, д̣̇зваанаминд̣̇о д̣̇зваанам̣ д̇аавад̇им̣саанам̣ иссарияаад̇хибажжам̣ раж̇ж̇ам̣ гаарзд̇и, д̇асмаа ‘‘д̣̇зваанаминд̣̇о’’д̇и вужжад̇и.

    Sakko, mahāli, devānamindo devānaṃ tāvatiṃsānaṃ issariyādhipaccaṃ rajjaṃ kāreti, tasmā ‘‘devānamindo’’ti vuccati.

    саггасса, махаали, д̣̇зваанаминд̣̇асса буб̣б̣з мануссабхууд̇асса сад̇д̇а вад̇абад̣̇аани самад̇д̇аани самаад̣̇иннаани ахзсум̣, язсам̣ самаад̣̇иннад̇д̇аа сагго саггад̇д̇ам̣ аж̇жхаг̇аа. гад̇амаани сад̇д̇а вад̇абад̣̇аани? яааваж̇ийвам̣ маад̇аабзд̇д̇ибхаро ассам̣, яааваж̇ийвам̣ гулз ж̇здтаабажааяий ассам̣, яааваж̇ийвам̣ сан̣хаваажо ассам̣, яааваж̇ийвам̣ абисун̣аваажо ассам̣, яааваж̇ийвам̣ виг̇ад̇амаламажчзрзна жзд̇асаа аг̇аарам̣ аж̇жхаавасзяяам̣, муд̇д̇ажааг̇о баяад̇абаан̣и восаг̇г̇арад̇о яаажаяог̇о д̣̇аанасам̣вибхааг̇арад̇о ассам̣. яааваж̇ийвам̣ сажжаваажо ассам̣, яааваж̇ийвам̣ аггод̇хано ассам̣, ‘‘сажзби мз год̇хо уббаж̇ж̇зяяа, киббамзва на бадивинзяяа’’нд̇и. саггасса, махаали, д̣̇зваанаминд̣̇асса буб̣б̣з мануссабхууд̇асса имаани сад̇д̇а вад̇абад̣̇аани самад̇д̇аани самаад̣̇иннаани ахзсум̣, язсам̣ самаад̣̇иннад̇д̇аа сагго саггад̇д̇ам̣ аж̇жхаг̇аад̇и.

    Sakkassa, mahāli, devānamindassa pubbe manussabhūtassa satta vatapadāni samattāni samādinnāni ahesuṃ, yesaṃ samādinnattā sakko sakkattaṃ ajjhagā. Katamāni satta vatapadāni? Yāvajīvaṃ mātāpettibharo assaṃ, yāvajīvaṃ kule jeṭṭhāpacāyī assaṃ, yāvajīvaṃ saṇhavāco assaṃ, yāvajīvaṃ apisuṇavāco assaṃ, yāvajīvaṃ vigatamalamaccherena cetasā agāraṃ ajjhāvaseyyaṃ, muttacāgo payatapāṇi vosaggarato yācayogo dānasaṃvibhāgarato assaṃ. Yāvajīvaṃ saccavāco assaṃ, yāvajīvaṃ akkodhano assaṃ, ‘‘sacepi me kodho uppajjeyya, khippameva na paṭivineyya’’nti. Sakkassa, mahāli, devānamindassa pubbe manussabhūtassa imāni satta vatapadāni samattāni samādinnāni ahesuṃ, yesaṃ samādinnattā sakko sakkattaṃ ajjhagāti.

    ‘‘маад̇аабзд̇д̇ибхарам̣ ж̇анд̇ум̣, гулз ж̇здтаабажааяинам̣;

    ‘‘Mātāpettibharaṃ jantuṃ, kule jeṭṭhāpacāyinaṃ;

    сан̣хам̣ сакиласамбхаасам̣, бзсун̣зяяаббахааяинам̣.

    Saṇhaṃ sakhilasambhāsaṃ, pesuṇeyyappahāyinaṃ.

    ‘‘мажчзравинаяз яуд̇д̇ам̣, сажжам̣ год̇хаабхибхум̣ нарам̣;

    ‘‘Maccheravinaye yuttaṃ, saccaṃ kodhābhibhuṃ naraṃ;

    д̇ам̣ вз д̣̇зваа д̇аавад̇им̣саа, ааху саббурисо ид̇ий’’д̇и. (сам̣. ни. 1.257) –

    Taṃ ve devā tāvatiṃsā, āhu sappuriso itī’’ti. (saṃ. ni. 1.257) –

    ид̣̇ам̣, махаали, саггзна магхамаан̣авагаалз гад̇агамманд̇и вад̇ваа буна д̇зна ‘‘гат̇ам̣, бханд̇з, магхамаан̣аво бадибаж̇ж̇ий’’д̇и? д̇асса бадибад̇д̇им̣ вид̇т̇аарад̇о сод̇угаамзна будто ‘‘д̇зна хи, махаали, сун̣аахий’’д̇и вад̇ваа ад̇ийд̇ам̣ аахари –

    Idaṃ, mahāli, sakkena maghamāṇavakāle katakammanti vatvā puna tena ‘‘kathaṃ, bhante, maghamāṇavo paṭipajjī’’ti? Tassa paṭipattiṃ vitthārato sotukāmena puṭṭho ‘‘tena hi, mahāli, suṇāhī’’ti vatvā atītaṃ āhari –

    ад̇ийд̇з маг̇ад̇харадтз мажалаг̇аамз магхо наама маан̣аво г̇аамагаммагаран̣адтаанам̣ г̇анд̇ваа ад̇д̇ано тид̇адтаанам̣ баад̣̇анд̇зна бам̣сум̣ вияуухид̇ваа раман̣ийяам̣ гад̇ваа адтааси. абаро д̇ам̣ б̣аахунаа бахарид̇ваа д̇ад̇о абанзд̇ваа саяам̣ д̇ад̇т̇а адтааси. со д̇асса агуж̇жхид̇ваава ан̃н̃ам̣ таанам̣ раман̣ийяам̣ гад̇ваа тид̇о. д̇ад̇оби нам̣ ан̃н̃о ааг̇анд̇ваа б̣аахунаа бахарид̇ваа абанзд̇ваа саяам̣ адтааси. со д̇ассаби агуж̇жхид̇ваава ан̃н̃ам̣ таанам̣ раман̣ийяам̣ гад̇ваа тид̇о, ид̇и д̇ам̣ г̇зхад̇о нигканд̇аа нигканд̇аа бурисаа б̣аахунаа бахарид̇ваа тид̇атид̇адтаанад̇о абанзсум̣. со ‘‘саб̣б̣збзд̇з мам̣ ниссааяа сукид̇аа ж̇аад̇аа, иминаа гаммзна маяхам̣ сукад̣̇ааяагзна бун̃н̃агаммзна бхавид̇аб̣б̣а’’нд̇и жинд̇зд̇ваа, бунад̣̇ивасз гуд̣̇аалам̣ аад̣̇ааяа каламан̣д̣аламад̇д̇ам̣ таанам̣ раман̣ийяам̣ агааси. саб̣б̣з г̇анд̇ваа д̇ад̇т̇зва адтам̣су. ат̇а нзсам̣ сийд̇асамаяз аг̇г̇им̣ гад̇ваа ад̣̇ааси, г̇имхагаалз уд̣̇агам̣. д̇ад̇о ‘‘раман̣ийяам̣ таанам̣ наама саб̣б̣зсам̣ бияам̣, гассажи аббияам̣ наама над̇т̇и, ид̇о бадтааяа маяаа маг̇г̇ам̣ самам̣ гаронд̇зна вижарид̇ум̣ ваддад̇ий’’д̇и жинд̇зд̇ваа, баад̇ова нигкамид̇ваа, маг̇г̇ам̣ самам̣ гаронд̇о чинд̣̇ид̇ваа, харид̇аб̣б̣аяуд̇д̇агаа ругкасаакаа харанд̇о вижарад̇и. ат̇а нам̣ абаро д̣̇исваа ааха – ‘‘самма, гим̣ гаросий’’д̇и? ‘‘маяхам̣ саг̇г̇аг̇ааминам̣ маг̇г̇ам̣ гароми, саммаа’’д̇и. ‘‘д̇зна хи ахамби д̇з сахааяо хомий’’д̇и. ‘‘хохи, самма, саг̇г̇о наама б̣ахуунамби манаабо сукаб̣ахуло’’д̇и. д̇ад̇о бадтааяа д̣̇вз ж̇анаа ахзсум̣. д̇з д̣̇исваа д̇ат̇зва бужчид̇ваа жа суд̇ваа жа абароби д̇зсам̣ сахааяо ж̇аад̇о, звам̣ абароби абаробийд̇и саб̣б̣зби д̇зд̇д̇им̣са ж̇анаа ж̇аад̇аа. д̇з саб̣б̣зби гуд̣̇аалаад̣̇ихад̇т̇аа маг̇г̇ам̣ самам̣ гаронд̇аа згаяож̇анад̣̇вияож̇анамад̇д̇адтаанам̣ г̇ажчанд̇и.

    Atīte magadharaṭṭhe macalagāme magho nāma māṇavo gāmakammakaraṇaṭṭhānaṃ gantvā attano ṭhitaṭṭhānaṃ pādantena paṃsuṃ viyūhitvā ramaṇīyaṃ katvā aṭṭhāsi. Aparo taṃ bāhunā paharitvā tato apanetvā sayaṃ tattha aṭṭhāsi. So tassa akujjhitvāva aññaṃ ṭhānaṃ ramaṇīyaṃ katvā ṭhito. Tatopi naṃ añño āgantvā bāhunā paharitvā apanetvā sayaṃ aṭṭhāsi. So tassapi akujjhitvāva aññaṃ ṭhānaṃ ramaṇīyaṃ katvā ṭhito, iti taṃ gehato nikkhantā nikkhantā purisā bāhunā paharitvā ṭhitaṭhitaṭṭhānato apanesuṃ. So ‘‘sabbepete maṃ nissāya sukhitā jātā, iminā kammena mayhaṃ sukhadāyakena puññakammena bhavitabba’’nti cintetvā, punadivase kudālaṃ ādāya khalamaṇḍalamattaṃ ṭhānaṃ ramaṇīyaṃ akāsi. Sabbe gantvā tattheva aṭṭhaṃsu. Atha nesaṃ sītasamaye aggiṃ katvā adāsi, gimhakāle udakaṃ. Tato ‘‘ramaṇīyaṃ ṭhānaṃ nāma sabbesaṃ piyaṃ, kassaci appiyaṃ nāma natthi, ito paṭṭhāya mayā maggaṃ samaṃ karontena vicarituṃ vaṭṭatī’’ti cintetvā, pātova nikkhamitvā, maggaṃ samaṃ karonto chinditvā, haritabbayuttakā rukkhasākhā haranto vicarati. Atha naṃ aparo disvā āha – ‘‘samma, kiṃ karosī’’ti? ‘‘Mayhaṃ saggagāminaṃ maggaṃ karomi, sammā’’ti. ‘‘Tena hi ahampi te sahāyo homī’’ti. ‘‘Hohi, samma, saggo nāma bahūnampi manāpo sukhabahulo’’ti. Tato paṭṭhāya dve janā ahesuṃ. Te disvā tatheva pucchitvā ca sutvā ca aparopi tesaṃ sahāyo jāto, evaṃ aparopi aparopīti sabbepi tettiṃsa janā jātā. Te sabbepi kudālādihatthā maggaṃ samaṃ karontā ekayojanadviyojanamattaṭṭhānaṃ gacchanti.

    д̇з д̣̇исваа г̇аамабхож̇аго жинд̇зси – ‘‘имз мануссаа аяог̇з яуд̇д̇аа, сажз имз аран̃н̃ад̇о мажчамам̣саад̣̇ийни ваа аахарзяяум̣. сурам̣ ваа гад̇ваа бивзяяум̣, ан̃н̃ам̣ ваа д̇аад̣̇исам̣ гаммам̣ гарзяяум̣, ахамби гин̃жи гин̃жи лабхзяяа’’нд̇и. ат̇а нз баггосаабзд̇ваа бужчи – ‘‘гим̣ гаронд̇аа вижарат̇аа’’д̇и? ‘‘саг̇г̇амаг̇г̇ам̣, саамий’’д̇и. ‘‘гхарааваасам̣ васанд̇зхи наама звам̣ гаад̇ум̣ на ваддад̇и, аран̃н̃ад̇о мажчамам̣саад̣̇ийни аахарид̇ум̣, сурам̣ гад̇ваа баад̇ум̣, наанаббагаарз жа гамманд̇з гаад̇ум̣ ваддад̇ий’’д̇и. д̇з д̇асса важанам̣ бадигкибим̣су, звам̣ бунаббунам̣ вужжамаанааби бадигкибим̣суязва. со гуж̇жхид̇ваа ‘‘наасзссаами нз’’д̇и ран̃н̃о санд̇игам̣ г̇анд̇ваа, ‘‘жорз д̇з, д̣̇зва, ваг̇г̇аб̣анд̇ханзна вижаранд̇з бассаамий’’д̇и вад̇ваа, ‘‘г̇ажча, д̇з г̇ахзд̇ваа аанзхий’’д̇и вуд̇д̇з д̇ат̇аа гад̇ваа саб̣б̣з д̇з б̣анд̇хид̇ваа аанзд̇ваа ран̃н̃о д̣̇ассзси. рааж̇аа авиймам̣сид̇ваава ‘‘хад̇т̇инаа мад̣̇д̣̇аабзт̇аа’’д̇и аан̣аабзси. магхо сзсаанам̣ оваад̣̇амад̣̇ааси – ‘‘саммаа, табзд̇ваа мзд̇д̇ам̣ ан̃н̃о амхаагам̣ авассаяо над̇т̇и, д̇умхз гад̇т̇ажи гобам̣ агад̇ваа ран̃н̃з жа г̇аамабхож̇агз жа мад̣̇д̣̇анахад̇т̇имхи жа ад̇д̇ани жа мзд̇д̇ажид̇д̇зна самажид̇д̇аава хот̇аа’’д̇и. д̇з д̇ат̇аа гарим̣су. ат̇а нзсам̣ мзд̇д̇аанубхаавзна хад̇т̇ий уббасан̇гамид̇умби на висахи. рааж̇аа д̇амад̇т̇ам̣ суд̇ваа б̣ахуу мануссз д̣̇исваа мад̣̇д̣̇ид̇ум̣ на висахиссад̇и? ‘‘г̇ажчат̇а, нз гилан̃ж̇зна бадижчаад̣̇зд̇ваа мад̣̇д̣̇аабзт̇аа’’д̇и ааха. д̇з гилан̃ж̇зна бадижчаад̣̇зд̇ваа мад̣̇д̣̇ид̇ум̣ бзсияамааноби хад̇т̇ий д̣̇уурад̇ова бадиггами.

    Te disvā gāmabhojako cintesi – ‘‘ime manussā ayoge yuttā, sace ime araññato macchamaṃsādīni vā āhareyyuṃ. Suraṃ vā katvā piveyyuṃ, aññaṃ vā tādisaṃ kammaṃ kareyyuṃ, ahampi kiñci kiñci labheyya’’nti. Atha ne pakkosāpetvā pucchi – ‘‘kiṃ karontā vicarathā’’ti? ‘‘Saggamaggaṃ, sāmī’’ti. ‘‘Gharāvāsaṃ vasantehi nāma evaṃ kātuṃ na vaṭṭati, araññato macchamaṃsādīni āharituṃ, suraṃ katvā pātuṃ, nānappakāre ca kammante kātuṃ vaṭṭatī’’ti. Te tassa vacanaṃ paṭikkhipiṃsu, evaṃ punappunaṃ vuccamānāpi paṭikkhipiṃsuyeva. So kujjhitvā ‘‘nāsessāmi ne’’ti rañño santikaṃ gantvā, ‘‘core te, deva, vaggabandhanena vicarante passāmī’’ti vatvā, ‘‘gaccha, te gahetvā ānehī’’ti vutte tathā katvā sabbe te bandhitvā ānetvā rañño dassesi. Rājā avīmaṃsitvāva ‘‘hatthinā maddāpethā’’ti āṇāpesi. Magho sesānaṃ ovādamadāsi – ‘‘sammā, ṭhapetvā mettaṃ añño amhākaṃ avassayo natthi, tumhe katthaci kopaṃ akatvā raññe ca gāmabhojake ca maddanahatthimhi ca attani ca mettacittena samacittāva hothā’’ti. Te tathā kariṃsu. Atha nesaṃ mettānubhāvena hatthī uppasaṅkamitumpi na visahi. Rājā tamatthaṃ sutvā bahū manusse disvā maddituṃ na visahissati? ‘‘Gacchatha, ne kilañjena paṭicchādetvā maddāpethā’’ti āha. Te kilañjena paṭicchādetvā maddituṃ pesiyamānopi hatthī dūratova paṭikkami.

    рааж̇аа д̇ам̣ бавад̇д̇им̣ суд̇ваа ‘‘гааран̣знзд̇т̇а бхавид̇аб̣б̣а’’нд̇и д̇з баггосаабзд̇ваа бужчи – ‘‘д̇аад̇аа, мам̣ ниссааяа д̇умхз гим̣ на лабхат̇аа’’д̇и? ‘‘гим̣ наамзд̇ам̣, д̣̇зваа’’д̇и? ‘‘д̇умхз гира ваг̇г̇аб̣анд̇ханзна жораа худ̇ваа аран̃н̃з вижарат̇аа’’д̇и? ‘‘го звамааха, д̣̇зваа’’д̇и? ‘‘г̇аамабхож̇аго, д̇аад̇аа’’д̇и. ‘‘на маяам̣, д̣̇зва, жораа, маяам̣ бана ад̇д̇ано саг̇г̇амаг̇г̇ам̣ сод̇хзнд̇аа ид̣̇ан̃жид̣̇ан̃жа гарома, г̇аамабхож̇аго амхз агусалагирияааяа нияож̇зд̇ваа ад̇д̇ано важанам̣ агаронд̇з наасзд̇угаамо гуж̇жхид̇ваа звамаахаа’’д̇и. ат̇а рааж̇аа д̇зсам̣ гат̇ам̣ суд̇ваа соманассаббад̇д̇о худ̇ваа, ‘‘д̇аад̇аа, аяам̣ д̇иражчаано д̇умхаагам̣ г̇ун̣з ж̇аанаад̇и, ахам̣ мануссабхууд̇о ж̇аанид̇ум̣ наасагким̣, камат̇а мз’’д̇и. зван̃жа бана вад̇ваа сабуд̇д̇ад̣̇аарам̣ г̇аамабхож̇агам̣ д̇зсам̣ д̣̇аасам̣, хад̇т̇им̣ аароханияам̣, д̇ан̃жа г̇аамам̣ яат̇аасукам̣ барибхог̇ам̣ гад̇ваа ад̣̇ааси. д̇з ‘‘ид̇хзва но гад̇абун̃н̃ассаанисам̣со д̣̇идто’’д̇и бхияяосомад̇д̇ааяа басаннамаанасаа худ̇ваа д̇ам̣ хад̇т̇им̣ ваарзна ваарзна абхируяха г̇ажчанд̇аа манд̇аяим̣су ‘‘ид̣̇аани амхзхи ад̇ирзгад̇арам̣ бун̃н̃ам̣ гаад̇аб̣б̣ам̣, гим̣ гарома? жад̇умахаабат̇з т̇ааварам̣ гад̇ваа махааж̇анасса виссаманасаалам̣ гариссаамаа’’д̇и. д̇з вад̣дхагим̣ баггосаабзд̇ваа саалам̣ бадтабзсум̣. маад̇уг̇аамзсу бана виг̇ад̇ажчанд̣̇ад̇ааяа д̇ассаа саалааяа маад̇уг̇аамаанам̣ бад̇д̇им̣ наад̣̇ам̣су.

    Rājā taṃ pavattiṃ sutvā ‘‘kāraṇenettha bhavitabba’’nti te pakkosāpetvā pucchi – ‘‘tātā, maṃ nissāya tumhe kiṃ na labhathā’’ti? ‘‘Kiṃ nāmetaṃ, devā’’ti? ‘‘Tumhe kira vaggabandhanena corā hutvā araññe vicarathā’’ti? ‘‘Ko evamāha, devā’’ti? ‘‘Gāmabhojako, tātā’’ti. ‘‘Na mayaṃ, deva, corā, mayaṃ pana attano saggamaggaṃ sodhentā idañcidañca karoma, gāmabhojako amhe akusalakiriyāya niyojetvā attano vacanaṃ akaronte nāsetukāmo kujjhitvā evamāhā’’ti. Atha rājā tesaṃ kathaṃ sutvā somanassappatto hutvā, ‘‘tātā, ayaṃ tiracchāno tumhākaṃ guṇe jānāti, ahaṃ manussabhūto jānituṃ nāsakkhiṃ, khamatha me’’ti. Evañca pana vatvā saputtadāraṃ gāmabhojakaṃ tesaṃ dāsaṃ, hatthiṃ ārohaniyaṃ, tañca gāmaṃ yathāsukhaṃ paribhogaṃ katvā adāsi. Te ‘‘idheva no katapuññassānisaṃso diṭṭho’’ti bhiyyosomattāya pasannamānasā hutvā taṃ hatthiṃ vārena vārena abhiruyha gacchantā mantayiṃsu ‘‘idāni amhehi atirekataraṃ puññaṃ kātabbaṃ, kiṃ karoma? Catumahāpathe thāvaraṃ katvā mahājanassa vissamanasālaṃ karissāmā’’ti. Te vaḍḍhakiṃ pakkosāpetvā sālaṃ paṭṭhapesuṃ. Mātugāmesu pana vigatacchandatāya tassā sālāya mātugāmānaṃ pattiṃ nādaṃsu.

    магхасса бана г̇зхз нанд̣̇аа, жид̇д̇аа, суд̇хаммаа, суж̇аад̇и жад̇ассо ид̇т̇ияо хонд̇и. д̇аасу суд̇хаммаа вад̣дхагинаа сад̣̇д̇хим̣ згад̇о худ̇ваа, ‘‘бхаад̇ига, имиссаа саалааяа мам̣ ж̇здтигам̣ гарохий’’д̇и вад̇ваа лан̃ж̇ам̣ ад̣̇ааси. со ‘‘саад̇хуу’’д̇и самбадижчид̇ваа батамамзва ган̣н̣игад̇т̇ааяа ругкам̣ сугкаабзд̇ваа д̇ажчзд̇ваа виж̇жхид̇ваа ган̣н̣игам̣ нидтаабзд̇ваа, ‘‘суд̇хаммаа наама аяам̣ саалаа’’д̇и агкараани чинд̣̇ид̇ваа вад̇т̇зна баливзтзд̇ваа табзси. ат̇а нз вад̣дхагий саалам̣ нидтаабзд̇ваа ган̣н̣игааробанад̣̇ивасз ‘‘ахо, аяяаа, згам̣ гаран̣ийяам̣ на саримхаа’’д̇и ааха. ‘‘гим̣ наама, бхо’’д̇и? ‘‘ган̣н̣ига’’нд̇и. ‘‘ход̇у д̇ам̣ аахариссаамаа’’д̇и. ‘‘ид̣̇аани чиннаругкзна гаад̇ум̣ на саггаа, буб̣б̣зязва д̇ам̣ чинд̣̇ид̇ваа д̇ажчзд̇ваа виж̇жхид̇ваа табид̇аган̣н̣игаа лад̣̇д̇хум̣ ваддад̇ий’’д̇и. ‘‘ид̣̇аани гим̣ гаад̇аб̣б̣а’’нд̇и? ‘‘сажз гассажи г̇зхз нидтаабзд̇ваа табид̇аа виггааяигаган̣н̣игаа ад̇т̇и, саа бариязсид̇аб̣б̣аа’’д̇и. д̇з бариязсанд̇аа суд̇хаммааяа г̇зхз д̣̇исваа сахассам̣ д̣̇ад̇вааби муулзна на лабхим̣су. ‘‘сажз мам̣ саалааяа бад̇д̇им̣ гарот̇а, д̣̇ассаамий’’д̇и вуд̇д̇з бана ‘‘маяам̣ маад̇уг̇аамаанам̣ бад̇д̇им̣ на д̣̇аммаа’’д̇и аахам̣су.

    Maghassa pana gehe nandā, cittā, sudhammā, sujāti catasso itthiyo honti. Tāsu sudhammā vaḍḍhakinā saddhiṃ ekato hutvā, ‘‘bhātika, imissā sālāya maṃ jeṭṭhikaṃ karohī’’ti vatvā lañjaṃ adāsi. So ‘‘sādhū’’ti sampaṭicchitvā paṭhamameva kaṇṇikatthāya rukkhaṃ sukkhāpetvā tacchetvā vijjhitvā kaṇṇikaṃ niṭṭhāpetvā, ‘‘sudhammā nāma ayaṃ sālā’’ti akkharāni chinditvā vatthena paliveṭhetvā ṭhapesi. Atha ne vaḍḍhakī sālaṃ niṭṭhāpetvā kaṇṇikāropanadivase ‘‘aho, ayyā, ekaṃ karaṇīyaṃ na sarimhā’’ti āha. ‘‘Kiṃ nāma, bho’’ti? ‘‘Kaṇṇika’’nti. ‘‘Hotu taṃ āharissāmā’’ti. ‘‘Idāni chinnarukkhena kātuṃ na sakkā, pubbeyeva taṃ chinditvā tacchetvā vijjhitvā ṭhapitakaṇṇikā laddhuṃ vaṭṭatī’’ti. ‘‘Idāni kiṃ kātabba’’nti? ‘‘Sace kassaci gehe niṭṭhāpetvā ṭhapitā vikkāyikakaṇṇikā atthi, sā pariyesitabbā’’ti. Te pariyesantā sudhammāya gehe disvā sahassaṃ datvāpi mūlena na labhiṃsu. ‘‘Sace maṃ sālāya pattiṃ karotha, dassāmī’’ti vutte pana ‘‘mayaṃ mātugāmānaṃ pattiṃ na dammā’’ti āhaṃsu.

    ат̇а нз вад̣дхагий ааха – ‘‘аяяаа, д̇умхз гим̣ гат̇зт̇а, табзд̇ваа б̣рахмалогам̣ ан̃н̃ам̣ маад̇уг̇аамарахид̇адтаанам̣ наама над̇т̇и, г̇ан̣хат̇а ган̣н̣игам̣. звам̣ санд̇з амхаагам̣ гаммам̣ нидтам̣ г̇амиссад̇ий’’д̇и. д̇з ‘‘саад̇хуу’’д̇и ган̣н̣игам̣ г̇ахзд̇ваа саалам̣ нидтаабзд̇ваа д̇ид̇хаа вибхаж̇им̣су. згасмим̣ годтаасз иссараанам̣ васанадтаанам̣ гарим̣су, згасмим̣ д̣̇уг̇г̇ад̇аанам̣, згасмим̣ г̇илаанаанам̣. д̇зд̇д̇им̣са ж̇анаа д̇зд̇д̇им̣са палагаани бан̃н̃абзд̇ваа хад̇т̇исса сан̃н̃ам̣ ад̣̇ам̣су – ‘‘ааг̇анд̇уго ааг̇анд̇ваа яасса ад̇т̇ад̇апалагз нисийд̣̇ад̇и, д̇ам̣ г̇ахзд̇ваа палагасаамигассзва г̇зхз бад̇идтабзхи, д̇асса баад̣̇абаригаммабидтибаригаммабаанийяакаад̣̇анийяабхож̇анийяасаяанаани саб̣б̣аани палагасаамигассзва бхааро бхависсад̇ий’’д̇и. хад̇т̇ий ааг̇ад̇ааг̇ад̇ам̣ г̇ахзд̇ваа палагасаамигассзва гхарам̣ нзд̇и. со д̇асса д̇ам̣ д̣̇ивасам̣ гад̇д̇аб̣б̣ам̣ гарод̇и. магхо саалааяа авид̣̇уурз говил̣аараругкам̣ робзд̇ваа д̇асса муулз баасаан̣апалагам̣ ад̇т̇ари. саалам̣ бавидтабавидтаа ж̇анаа ган̣н̣игам̣ ологзд̇ваа агкараани ваажзд̇ваа, ‘‘суд̇хаммаа наамзсаа саалаа’’д̇и вад̣̇анд̇и. д̇зд̇д̇им̣саж̇анаанам̣ наамам̣ на бан̃н̃ааяад̇и. нанд̣̇аа жинд̇зси – ‘‘имз саалам̣ гаронд̇аа амхз абад̇д̇игаа гарим̣су, суд̇хаммаа бана ад̇д̇ано б̣яад̇д̇ад̇ааяа ган̣н̣игам̣ гад̇ваа бад̇д̇игаа ж̇аад̇аа, маяааби гин̃жи гаад̇ум̣ ваддад̇и, гим̣ ну ко гариссаамий’’д̇и? ат̇ассаа зд̇ад̣̇ахоси – ‘‘саалам̣ ааг̇ад̇ааг̇ад̇аанам̣ баанийяан̃жзва нхаанод̣̇аган̃жа лад̣̇д̇хум̣ ваддад̇и, богкаран̣им̣ кан̣аабзссаамий’’д̇и. саа богкаран̣им̣ гаарзси. жид̇д̇аа жинд̇зси – ‘‘суд̇хаммааяа ган̣н̣игаа д̣̇иннаа, нанд̣̇ааяа богкаран̣ий гаарид̇аа, маяааби гин̃жи гаад̇ум̣ ваддад̇и, гим̣ ну ко гариссаамий’’д̇и? ат̇ассаа зд̇ад̣̇ахоси – ‘‘саалам̣ ааг̇ад̇ааг̇ад̇зхи баанийяам̣ бивид̇ваа нхад̇ваа г̇аманагаалзби маалам̣ биланд̇хид̇ваа г̇анд̇ум̣ ваддад̇и, бубпаараамам̣ гаараабзссаамий’’д̇и. саа раман̣ийяам̣ бубпаараамам̣ гаарзси. язбхуяязна д̇асмим̣ аараамз ‘‘асуго наама бубпуубаг̇апалуубаг̇аругко над̇т̇ий’’д̇и наахоси.

    Atha ne vaḍḍhakī āha – ‘‘ayyā, tumhe kiṃ kathetha, ṭhapetvā brahmalokaṃ aññaṃ mātugāmarahitaṭṭhānaṃ nāma natthi, gaṇhatha kaṇṇikaṃ. Evaṃ sante amhākaṃ kammaṃ niṭṭhaṃ gamissatī’’ti. Te ‘‘sādhū’’ti kaṇṇikaṃ gahetvā sālaṃ niṭṭhāpetvā tidhā vibhajiṃsu. Ekasmiṃ koṭṭhāse issarānaṃ vasanaṭṭhānaṃ kariṃsu, ekasmiṃ duggatānaṃ, ekasmiṃ gilānānaṃ. Tettiṃsa janā tettiṃsa phalakāni paññapetvā hatthissa saññaṃ adaṃsu – ‘‘āgantuko āgantvā yassa atthataphalake nisīdati, taṃ gahetvā phalakasāmikasseva gehe patiṭṭhapehi, tassa pādaparikammapiṭṭhiparikammapānīyakhādanīyabhojanīyasayanāni sabbāni phalakasāmikasseva bhāro bhavissatī’’ti. Hatthī āgatāgataṃ gahetvā phalakasāmikasseva gharaṃ neti. So tassa taṃ divasaṃ kattabbaṃ karoti. Magho sālāya avidūre koviḷārarukkhaṃ ropetvā tassa mūle pāsāṇaphalakaṃ atthari. Sālaṃ paviṭṭhapaviṭṭhā janā kaṇṇikaṃ oloketvā akkharāni vācetvā, ‘‘sudhammā nāmesā sālā’’ti vadanti. Tettiṃsajanānaṃ nāmaṃ na paññāyati. Nandā cintesi – ‘‘ime sālaṃ karontā amhe apattikā kariṃsu, sudhammā pana attano byattatāya kaṇṇikaṃ katvā pattikā jātā, mayāpi kiñci kātuṃ vaṭṭati, kiṃ nu kho karissāmī’’ti? Athassā etadahosi – ‘‘sālaṃ āgatāgatānaṃ pānīyañceva nhānodakañca laddhuṃ vaṭṭati, pokkharaṇiṃ khaṇāpessāmī’’ti. Sā pokkharaṇiṃ kāresi. Cittā cintesi – ‘‘sudhammāya kaṇṇikā dinnā, nandāya pokkharaṇī kāritā, mayāpi kiñci kātuṃ vaṭṭati, kiṃ nu kho karissāmī’’ti? Athassā etadahosi – ‘‘sālaṃ āgatāgatehi pānīyaṃ pivitvā nhatvā gamanakālepi mālaṃ pilandhitvā gantuṃ vaṭṭati, pupphārāmaṃ kārāpessāmī’’ti. Sā ramaṇīyaṃ pupphārāmaṃ kāresi. Yebhuyyena tasmiṃ ārāme ‘‘asuko nāma pupphūpagaphalūpagarukkho natthī’’ti nāhosi.

    суж̇аа бана ‘‘ахам̣ магхасса маад̇улад̇хийд̇аа жзва баад̣̇абарижааригаа жа, зд̇зна гад̇ам̣ гаммам̣ маяхамзва, маяаа гад̇ам̣ зд̇ассзваа’’д̇и жинд̇зд̇ваа, гин̃жи агад̇ваа ад̇д̇абхаавамзва ман̣д̣аяамаанаа гаалам̣ вийд̇инаамзси. магхоби маад̇аабид̇уубадтаанам̣ гулз ж̇здтаабажааяанагаммам̣ сажжаваажам̣ апарусаваажам̣ аби, сун̣аваажам̣ мажчзравинаяам̣ аггод̇хананд̇и имаани сад̇д̇а вад̇абад̣̇аани буурзд̇ваа –

    Sujā pana ‘‘ahaṃ maghassa mātuladhītā ceva pādaparicārikā ca, etena kataṃ kammaṃ mayhameva, mayā kataṃ etassevā’’ti cintetvā, kiñci akatvā attabhāvameva maṇḍayamānā kālaṃ vītināmesi. Maghopi mātāpituupaṭṭhānaṃ kule jeṭṭhāpacāyanakammaṃ saccavācaṃ apharusavācaṃ api, suṇavācaṃ maccheravinayaṃ akkodhananti imāni satta vatapadāni pūretvā –

    ‘‘маад̇аабзд̇д̇ибхарам̣ ж̇анд̇ум̣, гулз ж̇здтаабажааяинам̣;

    ‘‘Mātāpettibharaṃ jantuṃ, kule jeṭṭhāpacāyinaṃ;

    сан̣хам̣ сакиласамбхаасам̣, бзсун̣зяяаббахааяинам̣.

    Saṇhaṃ sakhilasambhāsaṃ, pesuṇeyyappahāyinaṃ.

    ‘‘мажчзравинаяз яуд̇д̇ам̣, сажжам̣ год̇хаабхибхум̣ нарам̣;

    ‘‘Maccheravinaye yuttaṃ, saccaṃ kodhābhibhuṃ naraṃ;

    д̇ам̣ вз д̣̇зваа д̇аавад̇им̣саа, ааху ‘саббурисо’ид̇ий’’д̇и. (сам̣. ни. 1.257) –

    Taṃ ve devā tāvatiṃsā, āhu ‘sappuriso’itī’’ti. (saṃ. ni. 1.257) –

    звам̣ басам̣сияабхаавам̣ аабаж̇ж̇ид̇ваа ж̇ийвид̇абарияосаанз д̇аавад̇им̣сабхаванз сагго д̣̇зварааж̇аа худ̇ваа ниб̣б̣ад̇д̇и, д̇збисса сахааяагаа д̇ад̇т̇зва ниб̣б̣ад̇д̇им̣су, вад̣дхагий виссагаммад̣̇звабуд̇д̇о худ̇ваа ниб̣б̣ад̇д̇и. д̇ад̣̇аа д̇аавад̇им̣сабхаванз асураа васанд̇и. д̇з ‘‘абхинаваа д̣̇звабуд̇д̇аа ниб̣б̣ад̇д̇аа’’д̇и д̣̇иб̣б̣абаанам̣ саж̇ж̇аяим̣су. сагго ад̇д̇ано барисааяа гассажи абиванад̇т̇ааяа сан̃н̃амад̣̇ааси. асураа д̣̇иб̣б̣абаанам̣ бивид̇ваа маж̇ж̇им̣су. сагго ‘‘гим̣ мз имзхи саад̇хааран̣зна раж̇ж̇знаа’’д̇и ад̇д̇ано барисааяа сан̃н̃ам̣ д̣̇ад̇ваа д̇з баад̣̇зсу г̇аахаабзд̇ваа махаасамуд̣̇д̣̇з кибаабзси. д̇з авам̣сираа самуд̣̇д̣̇з бад̇им̣су. ат̇а нзсам̣ бун̃н̃аанубхаавзна синзруно хздтимад̇алз асуравимаанам̣ наама ниб̣б̣ад̇д̇и, жид̇д̇абаадали наама ниб̣б̣ад̇д̇и.

    Evaṃ pasaṃsiyabhāvaṃ āpajjitvā jīvitapariyosāne tāvatiṃsabhavane sakko devarājā hutvā nibbatti, tepissa sahāyakā tattheva nibbattiṃsu, vaḍḍhakī vissakammadevaputto hutvā nibbatti. Tadā tāvatiṃsabhavane asurā vasanti. Te ‘‘abhinavā devaputtā nibbattā’’ti dibbapānaṃ sajjayiṃsu. Sakko attano parisāya kassaci apivanatthāya saññamadāsi. Asurā dibbapānaṃ pivitvā majjiṃsu. Sakko ‘‘kiṃ me imehi sādhāraṇena rajjenā’’ti attano parisāya saññaṃ datvā te pādesu gāhāpetvā mahāsamudde khipāpesi. Te avaṃsirā samudde patiṃsu. Atha nesaṃ puññānubhāvena sineruno heṭṭhimatale asuravimānaṃ nāma nibbatti, cittapāṭali nāma nibbatti.

    д̣̇зваасурасан̇г̇аамз бана асурзсу барааж̇ид̇зсу д̣̇асаяож̇анасахассам̣ д̇аавад̇им̣сад̣̇званаг̇арам̣ наама ниб̣б̣ад̇д̇и. д̇асса бана наг̇арасса баажийнабажчимад̣̇ваараанам̣ анд̇араа д̣̇асаяож̇анасахассам̣ ход̇и, д̇ат̇аа д̣̇агкин̣уд̇д̇арад̣̇ваараанам̣. д̇ам̣ ко бана наг̇арам̣ д̣̇ваарасахассаяуд̇д̇ам̣ ахоси аараамабогкаран̣ибадиман̣д̣ид̇ам̣. д̇асса маж̇жхз саалааяа ниссанд̣̇зна д̇ияож̇анасад̇уб̣б̣зд̇хзхи д̇хаж̇зхи бадиман̣д̣ид̇о сад̇д̇арад̇анамаяо сад̇д̇аяож̇анасад̇уб̣б̣зд̇хо взж̇аяанд̇о наама баасаад̣̇о уг̇г̇ан̃чи. суван̣н̣аяадтийсу ман̣ид̇хаж̇аа ахзсум̣, ман̣ияадтийсу суван̣н̣ад̇хаж̇аа; баваал̣аяадтийсу муд̇д̇ад̇хаж̇аа, муд̇д̇аяадтийсу баваал̣ад̇хаж̇аа; сад̇д̇арад̇анамаяаасу яадтийсу сад̇д̇арад̇анад̇хаж̇аа, маж̇жхз тид̇о д̇хаж̇о д̇ияож̇анасад̇уб̣б̣зд̇хо ахоси. ид̇и саалааяа ниссанд̣̇зна яож̇анасахассуб̣б̣зд̇хо баасаад̣̇о сад̇д̇арад̇анамаяова худ̇ваа ниб̣б̣ад̇д̇и, говил̣аараругкасса ниссанд̣̇зна саманд̇аа д̇ияож̇анасад̇абариман̣д̣ало баарижчад̇д̇аго ниб̣б̣ад̇д̇и, баасаан̣апалагасса ниссанд̣̇зна баарижчад̇д̇агамуулз д̣̇ийгхад̇о садтияож̇анаа бут̇улад̇о бан̣н̣аасаяож̇анаа б̣ахалад̇о бан̃жад̣̇асаяож̇анаа ж̇аяасуманарад̇д̇агамб̣алаван̣н̣аа бан̣д̣угамб̣аласилаа ниб̣б̣ад̇д̇и. д̇ад̇т̇а нисиннагаалз убад̣дхагааяо бависад̇и, удтид̇агаалз уунам̣ барибуурад̇и.

    Devāsurasaṅgāme pana asuresu parājitesu dasayojanasahassaṃ tāvatiṃsadevanagaraṃ nāma nibbatti. Tassa pana nagarassa pācīnapacchimadvārānaṃ antarā dasayojanasahassaṃ hoti, tathā dakkhiṇuttaradvārānaṃ. Taṃ kho pana nagaraṃ dvārasahassayuttaṃ ahosi ārāmapokkharaṇipaṭimaṇḍitaṃ. Tassa majjhe sālāya nissandena tiyojanasatubbedhehi dhajehi paṭimaṇḍito sattaratanamayo sattayojanasatubbedho vejayanto nāma pāsādo uggañchi. Suvaṇṇayaṭṭhīsu maṇidhajā ahesuṃ, maṇiyaṭṭhīsu suvaṇṇadhajā; pavāḷayaṭṭhīsu muttadhajā, muttayaṭṭhīsu pavāḷadhajā; sattaratanamayāsu yaṭṭhīsu sattaratanadhajā, majjhe ṭhito dhajo tiyojanasatubbedho ahosi. Iti sālāya nissandena yojanasahassubbedho pāsādo sattaratanamayova hutvā nibbatti, koviḷārarukkhassa nissandena samantā tiyojanasataparimaṇḍalo pāricchattako nibbatti, pāsāṇaphalakassa nissandena pāricchattakamūle dīghato saṭṭhiyojanā puthulato paṇṇāsayojanā bahalato pañcadasayojanā jayasumanarattakambalavaṇṇā paṇḍukambalasilā nibbatti. Tattha nisinnakāle upaḍḍhakāyo pavisati, uṭṭhitakāle ūnaṃ paripūrati.

    хад̇т̇ий бана зрааван̣о наама д̣̇звабуд̇д̇о худ̇ваа ниб̣б̣ад̇д̇и. д̣̇звалогасмин̃хи д̇иражчаанаг̇ад̇аа на хонд̇и. д̇асмаа со уяяаанагийл̣ааяа нигкаманагаалз ад̇д̇абхаавам̣ виж̇ахид̇ваа д̣̇ияад̣дхаяож̇анасад̇иго зрааван̣о наама хад̇т̇ий ахоси. со д̇зд̇д̇им̣саж̇анаанам̣ ад̇т̇ааяа д̇зд̇д̇им̣са гумбхз маабзси ааваддзна д̇иг̇аавуд̇аад̣дхаяож̇анаббамаан̣з, саб̣б̣зсам̣ маж̇жхз саггасса ад̇т̇ааяа суд̣̇ассанам̣ наама д̇им̣саяож̇анигам̣ гумбхам̣ маабзси. д̇асса убари д̣̇ваад̣̇асаяож̇аниго рад̇анаман̣д̣або ход̇и. д̇ад̇т̇а анд̇аранд̇араа сад̇д̇арад̇анамаяаа яож̇ануб̣б̣зд̇хаа д̇хаж̇аа удтаханд̇и. барияанд̇з гин̇гин̣игаж̇аалам̣ оламб̣ад̇и. яасса манд̣̇аваад̇зрид̇асса бан̃жан̇г̇игад̇уурияасад̣̇д̣̇асам̣миссо д̣̇иб̣б̣аг̇ийд̇асад̣̇д̣̇о вияа раво нижчарад̇и. ман̣д̣абамаж̇жхз саггассад̇т̇ааяа яож̇аниго ман̣ибаллан̇го бан̃н̃ад̇д̇о ход̇и, д̇ад̇т̇а сагго нисийд̣̇и. д̇зд̇д̇им̣са д̣̇звабуд̇д̇аа ад̇д̇ано гумбхз рад̇анабаллан̇гз нисийд̣̇им̣су. д̇зд̇д̇им̣сааяа гумбхаанам̣ згзгасмим̣ гумбхз сад̇д̇а сад̇д̇а д̣̇анд̇з маабзси. д̇зсу згзго бан̣н̣аасаяож̇анааяаамо, згзгасмин̃жзд̇т̇а д̣̇анд̇з сад̇д̇а сад̇д̇а богкаран̣ияо хонд̇и, згзгааяа богкаран̣ияаа сад̇д̇а сад̇д̇а бад̣̇уминийг̇ажчаани, згзгасмим̣ г̇ажчз сад̇д̇а сад̇д̇а бубпаани хонд̇и, згзгасмим̣ бубпз сад̇д̇а сад̇д̇а бад̇д̇аани, згзгасмим̣ бад̇д̇з сад̇д̇а сад̇д̇а д̣̇звад̇хийд̇аро нажжанд̇и. звам̣ саманд̇аа бан̣н̣аасаяож̇анатаанзсу хад̇т̇ид̣̇анд̇зсуязва надасамаж̇ж̇аа хонд̇и. звам̣ маханд̇ам̣ яасам̣ анубхаванд̇о сагго д̣̇зварааж̇аа вижарад̇и.

    Hatthī pana erāvaṇo nāma devaputto hutvā nibbatti. Devalokasmiñhi tiracchānagatā na honti. Tasmā so uyyānakīḷāya nikkhamanakāle attabhāvaṃ vijahitvā diyaḍḍhayojanasatiko erāvaṇo nāma hatthī ahosi. So tettiṃsajanānaṃ atthāya tettiṃsa kumbhe māpesi āvaṭṭena tigāvutaaḍḍhayojanappamāṇe, sabbesaṃ majjhe sakkassa atthāya sudassanaṃ nāma tiṃsayojanikaṃ kumbhaṃ māpesi. Tassa upari dvādasayojaniko ratanamaṇḍapo hoti. Tattha antarantarā sattaratanamayā yojanubbedhā dhajā uṭṭhahanti. Pariyante kiṅkiṇikajālaṃ olambati. Yassa mandavāteritassa pañcaṅgikatūriyasaddasaṃmisso dibbagītasaddo viya ravo niccharati. Maṇḍapamajjhe sakkassatthāya yojaniko maṇipallaṅko paññatto hoti, tattha sakko nisīdi. Tettiṃsa devaputtā attano kumbhe ratanapallaṅke nisīdiṃsu. Tettiṃsāya kumbhānaṃ ekekasmiṃ kumbhe satta satta dante māpesi. Tesu ekeko paṇṇāsayojanāyāmo, ekekasmiñcettha dante satta satta pokkharaṇiyo honti, ekekāya pokkharaṇiyā satta satta paduminīgacchāni, ekekasmiṃ gacche satta satta pupphāni honti, ekekasmiṃ pupphe satta satta pattāni, ekekasmiṃ patte satta satta devadhītaro naccanti. Evaṃ samantā paṇṇāsayojanaṭhānesu hatthidantesuyeva naṭasamajjā honti. Evaṃ mahantaṃ yasaṃ anubhavanto sakko devarājā vicarati.

    суд̇хаммааби гаалам̣ гад̇ваа г̇анд̇ваа д̇ад̇т̇зва ниб̣б̣ад̇д̇и. д̇ассаа суд̇хаммаа наама нава яож̇анасад̇игаа д̣̇звасабхаа ниб̣б̣ад̇д̇и. д̇ад̇о раман̣ийяад̇арам̣ гира ан̃н̃ам̣ таанам̣ наама над̇т̇и , маасасса адта д̣̇ивасз д̇хаммассаванам̣ д̇ад̇т̇зва ход̇и. яааваж̇ж̇ад̇анаа ан̃н̃ад̇арам̣ раман̣ийяам̣ таанам̣ д̣̇исваа, ‘‘суд̇хаммаа д̣̇звасабхаа вияаа’’д̇и вад̣̇анд̇и. нанд̣̇ааби гаалам̣ гад̇ваа г̇анд̇ваа д̇ад̇т̇зва ниб̣б̣ад̇д̇и, д̇ассаа бан̃жаяож̇анасад̇игаа нанд̣̇аа наама богкаран̣ий ниб̣б̣ад̇д̇и. жид̇д̇ааби гаалам̣ гад̇ваа г̇анд̇ваа д̇ад̇т̇зва ниб̣б̣ад̇д̇и , д̇ассааби бан̃жаяож̇анасад̇игам̣ жид̇д̇алад̇ааванам̣ наама ниб̣б̣ад̇д̇и, д̇ад̇т̇а уббаннабуб̣б̣анимид̇д̇з д̣̇звабуд̇д̇з нзд̇ваа мохаяамаанаа вижаранд̇и. суж̇аа бана гаалам̣ гад̇ваа згиссаа г̇ириганд̣̇арааяа згаа б̣агасагун̣игаа худ̇ваа ниб̣б̣ад̇д̇и. сагго ад̇д̇ано барижааригаа ологзнд̇о ‘‘суд̇хаммаа ид̇хзва ниб̣б̣ад̇д̇аа, д̇ат̇аа нанд̣̇аа жа жид̇д̇аа жа, суж̇аа ну ко гухим̣ ниб̣б̣ад̇д̇аа’’д̇и жинд̇знд̇о д̇ам̣ д̇ад̇т̇а ниб̣б̣ад̇д̇ам̣ д̣̇исваа, ‘‘б̣аалаа гин̃жи бун̃н̃ам̣ агад̇ваа ид̣̇аани д̇иражчаанаяонияам̣ ниб̣б̣ад̇д̇аа, ид̣̇аани бана д̇ам̣ бун̃н̃ам̣ гаарзд̇ваа ид̇хаанзд̇ум̣ ваддад̇ий’’д̇и ад̇д̇абхаавам̣ виж̇ахид̇ваа ан̃н̃аад̇агавзсзна д̇ассаа санд̇игам̣ г̇анд̇ваа, ‘‘гим̣ гаронд̇ий ид̇ха вижарасий’’д̇и бужчи. ‘‘го бана д̇вам̣, саамий’’д̇и? ‘‘ахам̣ д̇з саамиго магхо’’д̇и. ‘‘гухим̣ ниб̣б̣ад̇д̇оси, саамий’’д̇и? ‘‘ахам̣ д̇аавад̇им̣сад̣̇звалогз ниб̣б̣ад̇д̇о’’. ‘‘д̇ава сахааяигаанам̣ бана ниб̣б̣ад̇д̇адтаанам̣ ж̇аанаасий’’д̇и? ‘‘на ж̇аанаами, саамий’’д̇и. ‘‘д̇ааби мамзва санд̇игз ниб̣б̣ад̇д̇аа, бассиссаси д̇аа сахааяигаа’’д̇и. ‘‘гат̇аахам̣ д̇ад̇т̇а г̇амиссаамий’’д̇и? сагго ‘‘ахам̣ д̇ам̣ д̇ад̇т̇а нзссаамий’’д̇и вад̇ваа хад̇т̇ад̇алз табзд̇ваа д̣̇звалогам̣ нзд̇ваа нанд̣̇ааяа богкаран̣ияаа д̇ийрз виссаж̇ж̇зд̇ваа ид̇араасам̣ д̇иссаннам̣ аарожзси – ‘‘д̇умхаагам̣ сахааяигам̣ суж̇ам̣ бассиссат̇аа’’д̇и. ‘‘гухим̣ саа, д̣̇зваа’’д̇и ? ‘‘нанд̣̇ааяа богкаран̣ияаа д̇ийрз тид̇аа’’д̇и ааха. д̇аа д̇иссоби г̇анд̇ваа, ‘‘ахо аяяааяа зваруубам̣ ад̇д̇абхааваман̣д̣анасса палам̣, ид̣̇ааниссаа д̇ун̣д̣ам̣ бассат̇а, баад̣̇з бассат̇а, ж̇ан̇гхаа бассат̇а, собхад̇и вад̇ассаа ад̇д̇абхааво’’д̇и гзл̣им̣ гад̇ваа баггамим̣су.

    Sudhammāpi kālaṃ katvā gantvā tattheva nibbatti. Tassā sudhammā nāma nava yojanasatikā devasabhā nibbatti. Tato ramaṇīyataraṃ kira aññaṃ ṭhānaṃ nāma natthi , māsassa aṭṭha divase dhammassavanaṃ tattheva hoti. Yāvajjatanā aññataraṃ ramaṇīyaṃ ṭhānaṃ disvā, ‘‘sudhammā devasabhā viyā’’ti vadanti. Nandāpi kālaṃ katvā gantvā tattheva nibbatti, tassā pañcayojanasatikā nandā nāma pokkharaṇī nibbatti. Cittāpi kālaṃ katvā gantvā tattheva nibbatti , tassāpi pañcayojanasatikaṃ cittalatāvanaṃ nāma nibbatti, tattha uppannapubbanimitte devaputte netvā mohayamānā vicaranti. Sujā pana kālaṃ katvā ekissā girikandarāya ekā bakasakuṇikā hutvā nibbatti. Sakko attano paricārikā olokento ‘‘sudhammā idheva nibbattā, tathā nandā ca cittā ca, sujā nu kho kuhiṃ nibbattā’’ti cintento taṃ tattha nibbattaṃ disvā, ‘‘bālā kiñci puññaṃ akatvā idāni tiracchānayoniyaṃ nibbattā, idāni pana taṃ puññaṃ kāretvā idhānetuṃ vaṭṭatī’’ti attabhāvaṃ vijahitvā aññātakavesena tassā santikaṃ gantvā, ‘‘kiṃ karontī idha vicarasī’’ti pucchi. ‘‘Ko pana tvaṃ, sāmī’’ti? ‘‘Ahaṃ te sāmiko magho’’ti. ‘‘Kuhiṃ nibbattosi, sāmī’’ti? ‘‘Ahaṃ tāvatiṃsadevaloke nibbatto’’. ‘‘Tava sahāyikānaṃ pana nibbattaṭṭhānaṃ jānāsī’’ti? ‘‘Na jānāmi, sāmī’’ti. ‘‘Tāpi mameva santike nibbattā, passissasi tā sahāyikā’’ti. ‘‘Kathāhaṃ tattha gamissāmī’’ti? Sakko ‘‘ahaṃ taṃ tattha nessāmī’’ti vatvā hatthatale ṭhapetvā devalokaṃ netvā nandāya pokkharaṇiyā tīre vissajjetvā itarāsaṃ tissannaṃ ārocesi – ‘‘tumhākaṃ sahāyikaṃ sujaṃ passissathā’’ti. ‘‘Kuhiṃ sā, devā’’ti ? ‘‘Nandāya pokkharaṇiyā tīre ṭhitā’’ti āha. Tā tissopi gantvā, ‘‘aho ayyāya evarūpaṃ attabhāvamaṇḍanassa phalaṃ, idānissā tuṇḍaṃ passatha, pāde passatha, jaṅghā passatha, sobhati vatassā attabhāvo’’ti keḷiṃ katvā pakkamiṃsu.

    буна сагго д̇ассаа санд̇игам̣ г̇анд̇ваа, ‘‘д̣̇идтаа д̇з сахааяигаа’’д̇и вад̇ваа ‘‘д̣̇идтаа мам̣ уббан̣д̣зд̇ваа г̇ад̇аа, д̇ад̇т̇зва мам̣ нзхий’’д̇и вуд̇д̇з д̇ам̣ д̇ад̇т̇зва нзд̇ваа уд̣̇агз виссаж̇ж̇зд̇ваа, ‘‘д̣̇идтаа д̇з д̇аасам̣ самбад̇д̇ий’’д̇и бужчи. ‘‘д̣̇идтаа, д̣̇зваа’’д̇и? ‘‘д̇аяааби д̇ад̇т̇а ниб̣б̣ад̇д̇ануубааяам̣ гаад̇ум̣ ваддад̇ий’’д̇и. ‘‘гим̣ гароми, д̣̇зваа’’д̇и? ‘‘маяаа д̣̇иннам̣ оваад̣̇ам̣ рагкиссасий’’д̇и. ‘‘рагкиссаами, д̣̇зваа’’д̇и. ат̇ассаа бан̃жа сийлаани д̣̇ад̇ваа, ‘‘аббамад̇д̇аа рагкаахий’’д̇и вад̇ваа баггаами. саа д̇ад̇о бадтааяа саяам̣мад̇амажчагзязва бариязсид̇ваа каад̣̇ад̇и. сагго гад̇ибаахажжаязна д̇ассаа виймам̣санад̇т̇ааяа г̇анд̇ваа, ваалугаабидтз мад̇амажчаго вияа худ̇ваа уд̇д̇аано нибаж̇ж̇и. саа д̇ам̣ д̣̇исваа ‘‘мад̇амажчаго’’д̇и сан̃н̃ааяа аг̇г̇ахзси. мажчо г̇иланагаалз нан̇г̇удтам̣ жаалзси. саа ‘‘саж̇ийвамажчаго’’д̇и уд̣̇агз виссаж̇ж̇зси. со т̇огам̣ вийд̇инаамзд̇ваа буна д̇ассаа бурад̇о уд̇д̇аано худ̇ваа нибаж̇ж̇и. буна саа ‘‘мад̇амажчаго’’д̇и сан̃н̃ааяа г̇ахзд̇ваа г̇иланагаалз аг̇г̇анан̇г̇удтам̣ жаалзси. д̇ам̣ д̣̇исваа ‘‘саж̇ийвамажчо’’д̇и виссаж̇ж̇зси. звам̣ д̇игкад̇д̇ум̣ виймам̣сид̇ваа ‘‘саад̇хугам̣ сийлам̣ рагкад̇ий’’д̇и ад̇д̇аанам̣ ж̇аанаабзд̇ваа ‘‘ахам̣ д̇ава виймам̣санад̇т̇ааяа ааг̇ад̇о, саад̇хугам̣ сийлам̣ рагкаси, звам̣ рагкамаанаа на жирассзва мама санд̇игз ниб̣б̣ад̇д̇иссаси, аббамад̇д̇аа хохий’’д̇и вад̇ваа баггаами.

    Puna sakko tassā santikaṃ gantvā, ‘‘diṭṭhā te sahāyikā’’ti vatvā ‘‘diṭṭhā maṃ uppaṇḍetvā gatā, tattheva maṃ nehī’’ti vutte taṃ tattheva netvā udake vissajjetvā, ‘‘diṭṭhā te tāsaṃ sampattī’’ti pucchi. ‘‘Diṭṭhā, devā’’ti? ‘‘Tayāpi tattha nibbattanūpāyaṃ kātuṃ vaṭṭatī’’ti. ‘‘Kiṃ karomi, devā’’ti? ‘‘Mayā dinnaṃ ovādaṃ rakkhissasī’’ti. ‘‘Rakkhissāmi, devā’’ti. Athassā pañca sīlāni datvā, ‘‘appamattā rakkhāhī’’ti vatvā pakkāmi. Sā tato paṭṭhāya sayaṃmatamacchakeyeva pariyesitvā khādati. Sakko katipāhaccayena tassā vīmaṃsanatthāya gantvā, vālukāpiṭṭhe matamacchako viya hutvā uttāno nipajji. Sā taṃ disvā ‘‘matamacchako’’ti saññāya aggahesi. Maccho gilanakāle naṅguṭṭhaṃ cālesi. Sā ‘‘sajīvamacchako’’ti udake vissajjesi. So thokaṃ vītināmetvā puna tassā purato uttāno hutvā nipajji. Puna sā ‘‘matamacchako’’ti saññāya gahetvā gilanakāle agganaṅguṭṭhaṃ cālesi. Taṃ disvā ‘‘sajīvamaccho’’ti vissajjesi. Evaṃ tikkhattuṃ vīmaṃsitvā ‘‘sādhukaṃ sīlaṃ rakkhatī’’ti attānaṃ jānāpetvā ‘‘ahaṃ tava vīmaṃsanatthāya āgato, sādhukaṃ sīlaṃ rakkhasi, evaṃ rakkhamānā na cirasseva mama santike nibbattissasi, appamattā hohī’’ti vatvā pakkāmi.

    саа д̇ад̇о бадтааяа бана саяам̣мад̇амажчам̣ лабхад̇и ваа, на ваа. алабхамаанаа гад̇ибаахажжаязнзва суссид̇ваа гаалам̣ гад̇ваа д̇асса сийласса палзна б̣аараан̣асияам̣ гумбхагаарасса д̇хийд̇аа худ̇ваа ниб̣б̣ад̇д̇и. ат̇ассаа баннарасасол̣асавассуд̣̇д̣̇зсигагаалз сагго ‘‘гухим̣ ну ко саа ниб̣б̣ад̇д̇аа’’д̇и ааваж̇ж̇знд̇о д̣̇исваа, ‘‘ид̣̇аани маяаа д̇ад̇т̇а г̇анд̇ум̣ ваддад̇ий’’д̇и зл̣аалугаван̣н̣зна бан̃н̃ааяамаанзхи сад̇д̇ахи рад̇анзхи яаанагам̣ буурзд̇ваа д̇ам̣ бааж̇знд̇о б̣аараан̣асим̣ бависид̇ваа, ‘‘аммад̇аад̇аа, зл̣аалугаани г̇ан̣хат̇а г̇ан̣хат̇аа’’д̇и уг̇гхосзнд̇о вийт̇им̣ бадибаж̇ж̇и. муг̇г̇амаасаад̣̇ийни г̇ахзд̇ваа ааг̇ад̇з бана ‘‘муулзна на д̣̇змий’’д̇и вад̇ваа, ‘‘гат̇ам̣ д̣̇зсий’’д̇и вуд̇д̇з, ‘‘сийларагкигааяа ид̇т̇ияаа д̣̇аммий’’д̇и ааха. ‘‘сийлам̣ наама, саами, гийд̣̇исам̣, гим̣ гаал̣ам̣, уд̣̇ааху нийлаад̣̇иван̣н̣а’’нд̇и? ‘‘д̇умхз ‘сийлам̣ гийд̣̇иса’нд̇иби на ж̇аанаат̇а, гимзва нам̣ рагкиссат̇а, сийларагкигааяа бана д̣̇ассаамий’’д̇и. ‘‘саами, зсаа гумбхагаарасса д̇хийд̇аа ‘сийлам̣ рагкаамий’д̇и вижарад̇и, зд̇иссаа д̣̇зхий’’д̇и. сааби нам̣ ‘‘д̇зна хи маяхам̣ д̣̇зхи, саамий’’д̇и ааха. ‘‘гааси д̇ва’’нд̇и? ‘‘ахам̣ авиж̇ахид̇абан̃жасийлаа’’д̇и. ‘‘д̇уяхамзвзд̇аани маяаа аанийд̇ааний’’д̇и яаанагам̣ бааж̇знд̇о д̇ассаа гхарам̣ г̇анд̇ваа ан̃н̃зхи анаахарияам̣ гад̇ваа зл̣аалугаван̣н̣зна д̣̇звад̣̇ад̇д̇ияам̣ д̇ханам̣ д̣̇ад̇ваа ад̇д̇аанам̣ ж̇аанаабзд̇ваа, ‘‘ид̣̇ам̣ д̇з ж̇ийвид̇авуд̇д̇ияаа д̇ханам̣, бан̃жасийлаани акан̣д̣аад̣̇ийни гад̇ваа рагкаахий’’д̇и вад̇ваа баггаами.

    Sā tato paṭṭhāya pana sayaṃmatamacchaṃ labhati vā, na vā. Alabhamānā katipāhaccayeneva sussitvā kālaṃ katvā tassa sīlassa phalena bārāṇasiyaṃ kumbhakārassa dhītā hutvā nibbatti. Athassā pannarasasoḷasavassuddesikakāle sakko ‘‘kuhiṃ nu kho sā nibbattā’’ti āvajjento disvā, ‘‘idāni mayā tattha gantuṃ vaṭṭatī’’ti eḷālukavaṇṇena paññāyamānehi sattahi ratanehi yānakaṃ pūretvā taṃ pājento bārāṇasiṃ pavisitvā, ‘‘ammatātā, eḷālukāni gaṇhatha gaṇhathā’’ti ugghosento vīthiṃ paṭipajji. Muggamāsādīni gahetvā āgate pana ‘‘mūlena na demī’’ti vatvā, ‘‘kathaṃ desī’’ti vutte, ‘‘sīlarakkhikāya itthiyā dammī’’ti āha. ‘‘Sīlaṃ nāma, sāmi, kīdisaṃ, kiṃ kāḷaṃ, udāhu nīlādivaṇṇa’’nti? ‘‘Tumhe ‘sīlaṃ kīdisa’ntipi na jānātha, kimeva naṃ rakkhissatha, sīlarakkhikāya pana dassāmī’’ti. ‘‘Sāmi, esā kumbhakārassa dhītā ‘sīlaṃ rakkhāmī’ti vicarati, etissā dehī’’ti. Sāpi naṃ ‘‘tena hi mayhaṃ dehi, sāmī’’ti āha. ‘‘Kāsi tva’’nti? ‘‘Ahaṃ avijahitapañcasīlā’’ti. ‘‘Tuyhamevetāni mayā ānītānī’’ti yānakaṃ pājento tassā gharaṃ gantvā aññehi anāhariyaṃ katvā eḷālukavaṇṇena devadattiyaṃ dhanaṃ datvā attānaṃ jānāpetvā, ‘‘idaṃ te jīvitavuttiyā dhanaṃ, pañcasīlāni akhaṇḍādīni katvā rakkhāhī’’ti vatvā pakkāmi.

    сааби д̇ад̇о жавид̇ваа асурабхаванз асураж̇здтагасса д̇хийд̇аа худ̇ваа саггасса взригхарз ниб̣б̣ад̇д̇и. д̣̇вийсу бана ад̇д̇абхаавзсу сийласса сурагкид̇ад̇д̇аа абхируубаа ахоси суван̣н̣аван̣н̣аа асаад̇хааран̣ааяа руубасирияаа саманнааг̇ад̇аа. взбажид̇д̇иасуринд̣̇о ааг̇ад̇ааг̇ад̇аанам̣ асураанам̣ ‘‘д̇умхз мама д̇хийд̇у анужчавигаа на хот̇аа’’д̇и д̇ам̣ гассажи ад̣̇ад̇ваа, ‘‘мама д̇хийд̇аа ад̇д̇анаава ад̇д̇ано анужчавигам̣ саамигам̣ г̇ахзссад̇ий’’д̇и асураб̣алам̣ саннибаад̇аабзд̇ваа, ‘‘д̇уяхам̣ анужчавигам̣ саамигам̣ г̇ан̣хаа’’д̇и д̇ассаа, хад̇т̇з бубпад̣̇аамам̣ ад̣̇ааси. д̇асмим̣ кан̣з сагго д̇ассаа ниб̣б̣ад̇д̇адтаанам̣ ологзнд̇о д̇ам̣ бавад̇д̇им̣ н̃ад̇ваа, ‘‘ид̣̇аани маяаа г̇анд̇ваа д̇ам̣ аанзд̇ум̣ ваддад̇ий’’д̇и махаллагаасураван̣н̣ам̣ нимминид̇ваа г̇анд̇ваа барисабарияанд̇з адтааси. сааби ид̇о жид̇о жа ологзнд̇ий д̇ам̣ д̣̇идтамад̇д̇аава буб̣б̣асанниваасавасзна уббаннзна бзмзна махогхзнзва аж̇жход̇т̇адахад̣̇аяаа худ̇ваа, ‘‘зсо мз саамиго’’д̇и д̇асса убари бубпад̣̇аамам̣ киби . асураа ‘‘амхаагам̣ рааж̇аа зд̇д̇агам̣ гаалам̣ д̇хийд̇у анужчавигам̣ алабхид̇ваа ид̣̇аани лабхи, аяамзвасса д̇хийд̇у бид̇аамахад̇о махаллаго анужчавиго’’д̇и лаж̇ж̇амаанаа абаггамим̣су. саггоби д̇ам̣ хад̇т̇з г̇ахзд̇ваа ‘‘саггохамасмий’’д̇и над̣̇ид̇ваа аагаасз багканд̣̇и. асураа ‘‘ван̃жид̇амхаа ж̇арасаггзнаа’’д̇и д̇ам̣ ануб̣анд̇хим̣су. маад̇али, сан̇г̇аахаго взж̇аяанд̇арат̇ам̣ аахарид̇ваа анд̇араамаг̇г̇з адтааси. сагго д̇ам̣ д̇ад̇т̇а ааробзд̇ваа д̣̇званаг̇араабхимуко бааяааси. ат̇асса сиббаливанам̣ самбад̇д̇агаалз рат̇асад̣̇д̣̇ам̣ суд̇ваа бхийд̇аа г̇арул̣абод̇агаа виравим̣су. д̇зсам̣ сад̣̇д̣̇ам̣ суд̇ваа сагго маад̇алим̣ бужчи – ‘‘гз зд̇з вираванд̇ий’’д̇и? ‘‘г̇арул̣абод̇агаа, д̣̇зваа’’д̇и. ‘‘гим̣ гааран̣аа’’д̇и? ‘‘рат̇асад̣̇д̣̇ам̣ суд̇ваа маран̣абхаязнаа’’д̇и. ‘‘мам̣ згам̣ ниссааяа зд̇д̇аго д̣̇иж̇о рат̇авзг̇зна вижун̣н̣ид̇о маа насси, нивад̇д̇зхи рат̇а’’нд̇и. соби синд̇хавасахассасса д̣̇ан̣д̣агасан̃н̃ам̣ д̣̇ад̇ваа рат̇ам̣ нивад̇д̇зси. д̇ам̣ д̣̇исваа асураа ‘‘ж̇арасагго асурабурад̇о бадтааяа балааяанд̇о ид̣̇аани рат̇ам̣ нивад̇д̇зси, ад̣̇д̇хаа д̇зна убад̇т̇амбхо лад̣̇д̇хо бхависсад̇ий’’д̇и нивад̇д̇зд̇ваа ааг̇аманамаг̇г̇знзва асурабурам̣ бависид̇ваа буна сийсам̣ на угкибим̣су.

    Sāpi tato cavitvā asurabhavane asurajeṭṭhakassa dhītā hutvā sakkassa verighare nibbatti. Dvīsu pana attabhāvesu sīlassa surakkhitattā abhirūpā ahosi suvaṇṇavaṇṇā asādhāraṇāya rūpasiriyā samannāgatā. Vepacittiasurindo āgatāgatānaṃ asurānaṃ ‘‘tumhe mama dhītu anucchavikā na hothā’’ti taṃ kassaci adatvā, ‘‘mama dhītā attanāva attano anucchavikaṃ sāmikaṃ gahessatī’’ti asurabalaṃ sannipātāpetvā, ‘‘tuyhaṃ anucchavikaṃ sāmikaṃ gaṇhā’’ti tassā, hatthe pupphadāmaṃ adāsi. Tasmiṃ khaṇe sakko tassā nibbattaṭṭhānaṃ olokento taṃ pavattiṃ ñatvā, ‘‘idāni mayā gantvā taṃ ānetuṃ vaṭṭatī’’ti mahallakaasuravaṇṇaṃ nimminitvā gantvā parisapariyante aṭṭhāsi. Sāpi ito cito ca olokentī taṃ diṭṭhamattāva pubbasannivāsavasena uppannena pemena mahogheneva ajjhotthaṭahadayā hutvā, ‘‘eso me sāmiko’’ti tassa upari pupphadāmaṃ khipi . Asurā ‘‘amhākaṃ rājā ettakaṃ kālaṃ dhītu anucchavikaṃ alabhitvā idāni labhi, ayamevassa dhītu pitāmahato mahallako anucchaviko’’ti lajjamānā apakkamiṃsu. Sakkopi taṃ hatthe gahetvā ‘‘sakkohamasmī’’ti naditvā ākāse pakkhandi. Asurā ‘‘vañcitamhā jarasakkenā’’ti taṃ anubandhiṃsu. Mātali, saṅgāhako vejayantarathaṃ āharitvā antarāmagge aṭṭhāsi. Sakko taṃ tattha āropetvā devanagarābhimukho pāyāsi. Athassa sippalivanaṃ sampattakāle rathasaddaṃ sutvā bhītā garuḷapotakā viraviṃsu. Tesaṃ saddaṃ sutvā sakko mātaliṃ pucchi – ‘‘ke ete viravantī’’ti? ‘‘Garuḷapotakā, devā’’ti. ‘‘Kiṃ kāraṇā’’ti? ‘‘Rathasaddaṃ sutvā maraṇabhayenā’’ti. ‘‘Maṃ ekaṃ nissāya ettako dijo rathavegena vicuṇṇito mā nassi, nivattehi ratha’’nti. Sopi sindhavasahassassa daṇḍakasaññaṃ datvā rathaṃ nivattesi. Taṃ disvā asurā ‘‘jarasakko asurapurato paṭṭhāya palāyanto idāni rathaṃ nivattesi, addhā tena upatthambho laddho bhavissatī’’ti nivattetvā āgamanamaggeneva asurapuraṃ pavisitvā puna sīsaṃ na ukkhipiṃsu.

    саггоби суж̇ам̣ асураган̃н̃ам̣ д̣̇званаг̇арам̣ нзд̇ваа ад̣дхад̇зяяаанам̣ ажчараагодийнам̣ ж̇здтигадтаанз табзси. саа саггам̣ варам̣ яаажи – ‘‘махаарааж̇а, мама имасмим̣ д̣̇звалогз маад̇аабид̇аро ваа бхаад̇игабхаг̇инияо ваа над̇т̇и, яад̇т̇а яад̇т̇а г̇ажчаси, д̇ад̇т̇а д̇ад̇т̇а мам̣ г̇ахзд̇ваава г̇ажчзяяаасий’’д̇и. со ‘‘саад̇хуу’’д̇и д̇ассаа бадин̃н̃ам̣ ад̣̇ааси. д̇ад̇о бадтааяа жид̇д̇абаадалияаа бубпид̇ааяа асураа ‘‘амхаагам̣ ниб̣б̣ад̇д̇адтаанз д̣̇иб̣б̣абаарижчад̇д̇агасса бубпанагаало’’д̇и яуд̣̇д̇хад̇т̇ааяа саг̇г̇ам̣ абхируханд̇и. сагго хздтаасамуд̣̇д̣̇з нааг̇аанам̣ аарагкам̣ ад̣̇ааси, д̇ад̇о субан̣н̣аанам̣, д̇ад̇о гумбхан̣д̣аанам̣, д̇ад̇о яагкаанам̣. д̇ад̇о жад̇уннам̣ махаарааж̇аанам̣. саб̣б̣уубари бана убад̣̇д̣̇аванивад̇д̇анад̇т̇ааяа д̣̇званаг̇арад̣̇ваарзсу важ̇ирахад̇т̇аа инд̣̇абадимаа табзси. асураа нааг̇аад̣̇аяо ж̇инид̇ваа ааг̇ад̇ааби инд̣̇абадимаа д̣̇уурад̇о д̣̇исваа ‘‘сагго нигканд̇о’’д̇и балааяанд̇и. звам̣, махаали, магхо маан̣аво аббамаад̣̇абадибад̣̇ам̣ бадибаж̇ж̇и. звам̣ аббамад̇д̇о банзса зваруубам̣ иссарияам̣ бад̇ваа д̣̇вийсу д̣̇звалогзсу раж̇ж̇ам̣ гаарзси. аббамаад̣̇о наамзса б̣уд̣̇д̇хаад̣̇ийхи басад̇т̇о. аббамаад̣̇ан̃хи ниссааяа саб̣б̣зсамби логияалогуд̇д̇араанам̣ висзсаанам̣ ад̇хиг̇амо ход̇ийд̇и вад̇ваа имам̣ г̇аат̇амааха –

    Sakkopi sujaṃ asurakaññaṃ devanagaraṃ netvā aḍḍhateyyānaṃ accharākoṭīnaṃ jeṭṭhikaṭṭhāne ṭhapesi. Sā sakkaṃ varaṃ yāci – ‘‘mahārāja, mama imasmiṃ devaloke mātāpitaro vā bhātikabhaginiyo vā natthi, yattha yattha gacchasi, tattha tattha maṃ gahetvāva gaccheyyāsī’’ti. So ‘‘sādhū’’ti tassā paṭiññaṃ adāsi. Tato paṭṭhāya cittapāṭaliyā pupphitāya asurā ‘‘amhākaṃ nibbattaṭṭhāne dibbapāricchattakassa pupphanakālo’’ti yuddhatthāya saggaṃ abhiruhanti. Sakko heṭṭhāsamudde nāgānaṃ ārakkhaṃ adāsi, tato supaṇṇānaṃ, tato kumbhaṇḍānaṃ, tato yakkhānaṃ. Tato catunnaṃ mahārājānaṃ. Sabbūpari pana upaddavanivattanatthāya devanagaradvāresu vajirahatthā indapaṭimā ṭhapesi. Asurā nāgādayo jinitvā āgatāpi indapaṭimā dūrato disvā ‘‘sakko nikkhanto’’ti palāyanti. Evaṃ, mahāli, magho māṇavo appamādapaṭipadaṃ paṭipajji. Evaṃ appamatto panesa evarūpaṃ issariyaṃ patvā dvīsu devalokesu rajjaṃ kāresi. Appamādo nāmesa buddhādīhi pasattho. Appamādañhi nissāya sabbesampi lokiyalokuttarānaṃ visesānaṃ adhigamo hotīti vatvā imaṃ gāthamāha –

    30.

    30.

    ‘‘аббамаад̣̇зна магхаваа, д̣̇зваанам̣ сздтад̇ам̣ г̇ад̇о;

    ‘‘Appamādena maghavā, devānaṃ seṭṭhataṃ gato;

    аббамаад̣̇ам̣ басам̣санд̇и, бамаад̣̇о г̇арахид̇о сад̣̇аа’’д̇и.

    Appamādaṃ pasaṃsanti, pamādo garahito sadā’’ti.

    д̇ад̇т̇а аббамаад̣̇знаад̇и мажалаг̇аамз бхуумиббад̣̇зсасод̇ханам̣ аад̣̇им̣ гад̇ваа гад̇зна аббамаад̣̇зна. магхаваад̇и ид̣̇аани ‘‘магхаваа’’д̇ибан̃н̃аад̇о магхо маан̣аво д̣̇виннам̣ д̣̇звалогаанам̣ рааж̇абхаавзна д̣̇зваанам̣ сздтад̇ам̣ г̇ад̇о. басам̣санд̇ийд̇и б̣уд̣̇д̇хаад̣̇аяо бан̣д̣ид̇аа аббамаад̣̇амзва т̇омзнд̇и ван̣н̣аяанд̇и. гим̣ гааран̣аа? саб̣б̣зсам̣ логияалогуд̇д̇араанам̣ висзсаанам̣ бадилаабхагааран̣ад̇д̇аа. бамаад̣̇о г̇арахид̇о сад̣̇аад̇и бамаад̣̇о бана д̇зхи ариязхи нижжам̣ г̇арахид̇о нинд̣̇ид̇о. гим̣ гааран̣аа? саб̣б̣авибад̇д̇ийнам̣ муулабхаавад̇о. мануссад̣̇обхаг̇г̇ам̣ ваа хи абааяуббад̇д̇и ваа саб̣б̣аа бамаад̣̇амуулигааязваад̇и.

    Tattha appamādenāti macalagāme bhūmippadesasodhanaṃ ādiṃ katvā katena appamādena. Maghavāti idāni ‘‘maghavā’’tipaññāto magho māṇavo dvinnaṃ devalokānaṃ rājabhāvena devānaṃ seṭṭhataṃ gato. Pasaṃsantīti buddhādayo paṇḍitā appamādameva thomenti vaṇṇayanti. Kiṃ kāraṇā? Sabbesaṃ lokiyalokuttarānaṃ visesānaṃ paṭilābhakāraṇattā. Pamādo garahito sadāti pamādo pana tehi ariyehi niccaṃ garahito nindito. Kiṃ kāraṇā? Sabbavipattīnaṃ mūlabhāvato. Manussadobhaggaṃ vā hi apāyuppatti vā sabbā pamādamūlikāyevāti.

    г̇аат̇аабарияосаанз махаали лижчавий сод̇аабад̇д̇ипалз бад̇идтахи, самбад̇д̇абарисааяаби б̣ахуу сод̇аабаннаад̣̇аяо ж̇аад̇аад̇и.

    Gāthāpariyosāne mahāli licchavī sotāpattiphale patiṭṭhahi, sampattaparisāyapi bahū sotāpannādayo jātāti.

    магхавад̇т̇у сад̇д̇амам̣.

    Maghavatthu sattamaṃ.

    8. ан̃н̃ад̇арабхигкувад̇т̇у

    8. Aññatarabhikkhuvatthu

    аббамаад̣̇арад̇о бхигкууд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ан̃н̃ад̇арам̣ бхигкум̣ аараб̣бха гат̇зси.

    Appamādarato bhikkhūti imaṃ dhammadesanaṃ satthā jetavane viharanto aññataraṃ bhikkhuṃ ārabbha kathesi.

    со гира сад̇т̇у санд̇игз яаава арахад̇д̇аа гаммадтаанам̣ гат̇аабзд̇ваа аран̃н̃ам̣ бависид̇ваа гхадзнд̇о вааяаманд̇о арахад̇д̇ам̣ бад̇д̇ум̣ наасагки. со ‘‘висзсзд̇ваа гаммадтаанам̣ гат̇аабзссаамий’’д̇и д̇ад̇о нигкамид̇ваа сад̇т̇у санд̇игам̣ ааг̇ажчанд̇о анд̇араамаг̇г̇з маханд̇ам̣ д̣̇ааваг̇г̇им̣ удтид̇ам̣ д̣̇исваа взг̇зна згам̣ мун̣д̣абаб̣б̣ад̇амад̇т̇агам̣ абхируяха нисинно аран̃н̃ам̣ д̣аяхамаанам̣ аг̇г̇им̣ д̣̇исваа аарамман̣ам̣ г̇ан̣хи – ‘‘яат̇аа аяам̣ аг̇г̇и маханд̇аани жа куд̣̇д̣̇агаани жа убаад̣̇аанаани д̣аханд̇о г̇ажчад̇и, звам̣ арияамаг̇г̇ан̃аан̣аг̇г̇инааби маханд̇аани жа куд̣̇д̣̇агаани жа сам̣яож̇анаани д̣аханд̇зна г̇анд̇аб̣б̣ам̣ бхависсад̇ий’’д̇и. сад̇т̇аа г̇анд̇хагудияам̣ нисиннова д̇асса жид̇д̇аажаарам̣ н̃ад̇ваа, ‘‘звамзва, бхигку, маханд̇ааниби куд̣̇д̣̇агааниби убаад̣̇аанаани вияа имзсам̣ сад̇д̇аанам̣ аб̣бханд̇арз уббаж̇ж̇амаанаани ан̣ум̣т̇уулаани сам̣яож̇анаани, д̇аани н̃аан̣аг̇г̇инаа жхаабзд̇ваа абхаб̣б̣уббад̇д̇игаани гаад̇ум̣ ваддад̇ий’’д̇и вад̇ваа обхаасам̣ виссаж̇ж̇зд̇ваа д̇асса бхигкуно абхимукз нисинно вияа бан̃н̃ааяамаано имам̣ обхаасаг̇аат̇амааха –

    So kira satthu santike yāva arahattā kammaṭṭhānaṃ kathāpetvā araññaṃ pavisitvā ghaṭento vāyamanto arahattaṃ pattuṃ nāsakkhi. So ‘‘visesetvā kammaṭṭhānaṃ kathāpessāmī’’ti tato nikkhamitvā satthu santikaṃ āgacchanto antarāmagge mahantaṃ dāvaggiṃ uṭṭhitaṃ disvā vegena ekaṃ muṇḍapabbatamatthakaṃ abhiruyha nisinno araññaṃ ḍayhamānaṃ aggiṃ disvā ārammaṇaṃ gaṇhi – ‘‘yathā ayaṃ aggi mahantāni ca khuddakāni ca upādānāni ḍahanto gacchati, evaṃ ariyamaggañāṇaggināpi mahantāni ca khuddakāni ca saṃyojanāni ḍahantena gantabbaṃ bhavissatī’’ti. Satthā gandhakuṭiyaṃ nisinnova tassa cittācāraṃ ñatvā, ‘‘evameva, bhikkhu, mahantānipi khuddakānipi upādānāni viya imesaṃ sattānaṃ abbhantare uppajjamānāni aṇuṃthūlāni saṃyojanāni, tāni ñāṇagginā jhāpetvā abhabbuppattikāni kātuṃ vaṭṭatī’’ti vatvā obhāsaṃ vissajjetvā tassa bhikkhuno abhimukhe nisinno viya paññāyamāno imaṃ obhāsagāthamāha –

    31.

    31.

    ‘‘аббамаад̣̇арад̇о бхигку, бамаад̣̇з бхаяад̣̇асси ваа;

    ‘‘Appamādarato bhikkhu, pamāde bhayadassi vā;

    сам̣яож̇анам̣ ан̣ум̣ т̇уулам̣, д̣ахам̣ аг̇г̇ийва г̇ажчад̇ий’’д̇и.

    Saṃyojanaṃ aṇuṃ thūlaṃ, ḍahaṃ aggīva gacchatī’’ti.

    д̇ад̇т̇а аббамаад̣̇арад̇од̇и аббамаад̣̇з рад̇о абхирад̇о, аббамаад̣̇зна вийд̇инаамзнд̇од̇и ад̇т̇о. бамаад̣̇з бхаяад̣̇асси ваад̇и нираяуббад̇д̇иаад̣̇игам̣ бамаад̣̇з бхаяам̣ бхаяад̇о бассанд̇о, д̇аасам̣ ваа уббад̇д̇ийнам̣ муулад̇д̇аа бамаад̣̇ам̣ бхаяад̇о бассанд̇о. сам̣яож̇ананд̇и ваддад̣̇угкзна сад̣̇д̇хим̣ яож̇анам̣ б̣анд̇ханам̣ баж̇аанам̣ ваддз осийд̣̇аабанасамад̇т̇ам̣ д̣̇асавид̇хам̣ сам̣яож̇анам̣. ан̣ум̣ т̇ууланд̇и маханд̇ан̃жа куд̣̇д̣̇аган̃жа. д̣ахам̣ аг̇г̇ийва г̇ажчад̇ийд̇и яат̇аа аяам̣ аг̇г̇ий зд̇ам̣ маханд̇ан̃жа куд̣̇д̣̇аган̃жа убаад̣̇аанам̣ д̣аханд̇ова г̇ажчад̇и. звамзсо аббамаад̣̇арад̇о бхигку аббамаад̣̇аад̇хиг̇ад̇зна н̃аан̣аг̇г̇инаа зд̇ам̣ сам̣яож̇анам̣ д̣аханд̇о абхаб̣б̣уббад̇д̇игам̣ гаронд̇о г̇ажчад̇ийд̇и ад̇т̇о.

    Tattha appamādaratoti appamāde rato abhirato, appamādena vītināmentoti attho. Pamāde bhayadassi vāti nirayuppattiādikaṃ pamāde bhayaṃ bhayato passanto, tāsaṃ vā uppattīnaṃ mūlattā pamādaṃ bhayato passanto. Saṃyojananti vaṭṭadukkhena saddhiṃ yojanaṃ bandhanaṃ pajānaṃ vaṭṭe osīdāpanasamatthaṃ dasavidhaṃ saṃyojanaṃ. Aṇuṃ thūlanti mahantañca khuddakañca. Ḍahaṃ aggīva gacchatīti yathā ayaṃ aggī etaṃ mahantañca khuddakañca upādānaṃ ḍahantova gacchati. Evameso appamādarato bhikkhu appamādādhigatena ñāṇagginā etaṃ saṃyojanaṃ ḍahanto abhabbuppattikaṃ karonto gacchatīti attho.

    г̇аат̇аабарияосаанз со бхигку яат̇аанисиннова саб̣б̣асам̣яож̇анаани жхаабзд̇ваа саха бадисамбхид̣̇аахи арахад̇д̇ам̣ бад̇ваа аагаасзнааг̇анд̇ваа д̇ат̇ааг̇ад̇асса суван̣н̣аван̣н̣ам̣ сарийрам̣ т̇омзд̇ваа ван̣н̣зд̇ваа ванд̣̇амаанова баггаамийд̇и.

    Gāthāpariyosāne so bhikkhu yathānisinnova sabbasaṃyojanāni jhāpetvā saha paṭisambhidāhi arahattaṃ patvā ākāsenāgantvā tathāgatassa suvaṇṇavaṇṇaṃ sarīraṃ thometvā vaṇṇetvā vandamānova pakkāmīti.

    ан̃н̃ад̇арабхигкувад̇т̇у адтамам̣.

    Aññatarabhikkhuvatthu aṭṭhamaṃ.

    9. ниг̇амаваасид̇иссад̇т̇зравад̇т̇у

    9. Nigamavāsitissattheravatthu

    аббамаад̣̇арад̇од̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ниг̇амаваасид̇иссад̇т̇зрам̣ наама аараб̣бха гат̇зси.

    Appamādaratoti imaṃ dhammadesanaṃ satthā jetavane viharanto nigamavāsitissattheraṃ nāma ārabbha kathesi.

    згасмин̃хи саавад̇т̇ид̇о авид̣̇уурз ниг̇амаг̇аамз ж̇аад̇асам̣вад̣дхо зго гулабуд̇д̇о сад̇т̇у саасанз баб̣б̣аж̇ид̇ваа лад̣̇д̇хуубасамбад̣̇о ‘‘ниг̇амаваасид̇иссад̇т̇зро наама аббижчо санд̇удто бавивид̇д̇о аарад̣̇д̇хавийрияо’’д̇и бан̃н̃ааяи. со ниб̣ад̣̇д̇хам̣ н̃аад̇иг̇аамзязва бин̣д̣ааяа вижарад̇и. анаат̇абин̣д̣игаад̣̇ийсу махаад̣̇аанаани гаронд̇зсу, басзнад̣̇игосалз асад̣̇исад̣̇аанам̣ гаронд̇зби саавад̇т̇им̣ нааг̇ажчад̇и. бхигкуу ‘‘аяам̣ ниг̇амаваасид̇иссад̇т̇зро удтааяа самудтааяа н̃аад̇исам̣садто вихарад̇и, анаат̇абин̣д̣игаад̣̇ийсу махаад̣̇аанаад̣̇ийни гаронд̇зсу, басзнад̣̇игосалз асад̣̇исад̣̇аанам̣ гаронд̇зби нзва ааг̇ажчад̇ий’’д̇и гат̇ам̣ самудтаабзд̇ваа сад̇т̇у аарожаяим̣су. сад̇т̇аа д̇ам̣ баггосаабзд̇ваа, ‘‘сажжам̣ гира д̇вам̣, бхигку, звам̣ гаросий’’д̇и бужчид̇ваа, ‘‘над̇т̇и, бханд̇з, маяхам̣ н̃аад̇исам̣саг̇г̇о, ахам̣ зд̇з мануссз ниссааяа аж̇жхохаран̣ийяамад̇д̇ам̣ аахаарам̣ лабхаами луукз ваа бан̣ийд̇з ваа. яаабанамад̇д̇з лад̣̇д̇хз буна гим̣ аахаарабариязсанзнаад̇и на г̇ажчаами, н̃аад̇ийхи бана мз сам̣саг̇г̇о наама над̇т̇и, бханд̇з’’д̇и вуд̇д̇з сад̇т̇аа багад̇ияааби д̇асса аж̇жхаасаяам̣ виж̇аананд̇о – ‘‘саад̇ху саад̇ху, бхигкуу’’д̇и д̇асса саад̇хугаарам̣ д̣̇ад̇ваа, ‘‘анажчарияам̣ ко банзд̇ам̣ бхигку, яам̣ д̇вам̣ маад̣̇исам̣ аажарияам̣ лабхид̇ваа аббижчо ахоси. аяан̃хи аббижчад̇аа наама мама д̇анд̇и, мама бавзн̣ий’’д̇и вад̇ваа бхигкуухи яаажид̇о ад̇ийд̇ам̣ аахари –

    Ekasmiñhi sāvatthito avidūre nigamagāme jātasaṃvaḍḍho eko kulaputto satthu sāsane pabbajitvā laddhūpasampado ‘‘nigamavāsitissatthero nāma appiccho santuṭṭho pavivitto āraddhavīriyo’’ti paññāyi. So nibaddhaṃ ñātigāmeyeva piṇḍāya vicarati. Anāthapiṇḍikādīsu mahādānāni karontesu, pasenadikosale asadisadānaṃ karontepi sāvatthiṃ nāgacchati. Bhikkhū ‘‘ayaṃ nigamavāsitissatthero uṭṭhāya samuṭṭhāya ñātisaṃsaṭṭho viharati, anāthapiṇḍikādīsu mahādānādīni karontesu, pasenadikosale asadisadānaṃ karontepi neva āgacchatī’’ti kathaṃ samuṭṭhāpetvā satthu ārocayiṃsu. Satthā taṃ pakkosāpetvā, ‘‘saccaṃ kira tvaṃ, bhikkhu, evaṃ karosī’’ti pucchitvā, ‘‘natthi, bhante, mayhaṃ ñātisaṃsaggo, ahaṃ ete manusse nissāya ajjhoharaṇīyamattaṃ āhāraṃ labhāmi lūkhe vā paṇīte vā. Yāpanamatte laddhe puna kiṃ āhārapariyesanenāti na gacchāmi, ñātīhi pana me saṃsaggo nāma natthi, bhante’’ti vutte satthā pakatiyāpi tassa ajjhāsayaṃ vijānanto – ‘‘sādhu sādhu, bhikkhū’’ti tassa sādhukāraṃ datvā, ‘‘anacchariyaṃ kho panetaṃ bhikkhu, yaṃ tvaṃ mādisaṃ ācariyaṃ labhitvā appiccho ahosi. Ayañhi appicchatā nāma mama tanti, mama paveṇī’’ti vatvā bhikkhūhi yācito atītaṃ āhari –

    ад̇ийд̇з химаванд̇з г̇ан̇г̇аад̇ийрз згасмим̣ уд̣̇умб̣араванз анзгасахассаа суваа васим̣су. д̇ад̇рзго суварааж̇аа ад̇д̇ано ниваасаругкасса палзсу кийн̣зсу яам̣ яад̣̇зва авасидтам̣ ход̇и ан̇гуро ваа бад̇д̇ам̣ ваа д̇ажо ваа, д̇ам̣ д̇ам̣ каад̣̇ид̇ваа г̇ан̇г̇ааяам̣ баанийяам̣ бивид̇ваа барамаббижчо санд̇удто худ̇ваа ан̃н̃ад̇т̇а на г̇ажчад̇и. д̇асса аббижчасанд̇удтабхааваг̇ун̣зна саггасса бхаванам̣ гамби. сагго ааваж̇ж̇амаано д̇ам̣ д̣̇исваа д̇асса виймам̣санад̇т̇ам̣ ад̇д̇ано аанубхаавзна д̇ам̣ ругкам̣ сугкаабзси. ругко обхаг̇г̇о каан̣умад̇д̇о чид̣̇д̣̇аавачид̣̇д̣̇ова худ̇ваа ваад̇з бахаранд̇з аагодид̇о вияа сад̣̇д̣̇ам̣ нижчаарзнд̇о адтааси. д̇асса чид̣̇д̣̇зхи жун̣н̣аани нигкаманд̇и. суварааж̇аа д̇аани каад̣̇ид̇ваа г̇ан̇г̇ааяам̣ баанийяам̣ бивид̇ваа ан̃н̃ад̇т̇а аг̇анд̇ваа ваад̇аад̇абам̣ аг̇ан̣зд̇ваа уд̣̇умб̣аракаан̣умад̇т̇агз нисийд̣̇ад̇и. сагго д̇асса барамаббижчабхаавам̣ н̃ад̇ваа, ‘‘мид̇д̇ад̇хаммаг̇ун̣ам̣ гат̇аабзд̇ваа варамасса д̣̇ад̇ваа уд̣̇умб̣арам̣ амад̇апалам̣ гад̇ваа ааг̇амиссаамий’’д̇и зго хам̣сарааж̇аа худ̇ваа суж̇ам̣ асураган̃н̃ам̣ бурад̇о гад̇ваа уд̣̇умб̣араванам̣ г̇анд̇ваа авид̣̇уурз згасса ругкасса саакааяа нисийд̣̇ид̇ваа д̇зна сад̣̇д̇хим̣ гат̇знд̇о имам̣ г̇аат̇амааха –

    Atīte himavante gaṅgātīre ekasmiṃ udumbaravane anekasahassā suvā vasiṃsu. Tatreko suvarājā attano nivāsarukkhassa phalesu khīṇesu yaṃ yadeva avasiṭṭhaṃ hoti aṅkuro vā pattaṃ vā taco vā, taṃ taṃ khāditvā gaṅgāyaṃ pānīyaṃ pivitvā paramappiccho santuṭṭho hutvā aññattha na gacchati. Tassa appicchasantuṭṭhabhāvaguṇena sakkassa bhavanaṃ kampi. Sakko āvajjamāno taṃ disvā tassa vīmaṃsanatthaṃ attano ānubhāvena taṃ rukkhaṃ sukkhāpesi. Rukkho obhaggo khāṇumatto chiddāvachiddova hutvā vāte paharante ākoṭito viya saddaṃ nicchārento aṭṭhāsi. Tassa chiddehi cuṇṇāni nikkhamanti. Suvarājā tāni khāditvā gaṅgāyaṃ pānīyaṃ pivitvā aññattha agantvā vātātapaṃ agaṇetvā udumbarakhāṇumatthake nisīdati. Sakko tassa paramappicchabhāvaṃ ñatvā, ‘‘mittadhammaguṇaṃ kathāpetvā varamassa datvā udumbaraṃ amataphalaṃ katvā āgamissāmī’’ti eko haṃsarājā hutvā sujaṃ asurakaññaṃ purato katvā udumbaravanaṃ gantvā avidūre ekassa rukkhassa sākhāya nisīditvā tena saddhiṃ kathento imaṃ gāthamāha –

    ‘‘санд̇и ругкаа харибад̇д̇аа, д̣̇умаанзгапалаа б̣ахуу;

    ‘‘Santi rukkhā haripattā, dumānekaphalā bahū;

    гасмаа ну сугкз гол̣аабз, сувасса нирад̇о мано’’д̇и. (ж̇аа. 1.9.30);

    Kasmā nu sukkhe koḷāpe, suvassa nirato mano’’ti. (jā. 1.9.30);

    саб̣б̣ам̣ суваж̇аад̇агам̣ наваганибаад̇з ааг̇ад̇анаязнзва вид̇т̇аарзд̇аб̣б̣ам̣. адтуббад̇д̇иязва хи д̇ад̇т̇а жа ид̇ха жа наанаа, сзсам̣ д̇аад̣̇исамзва. сад̇т̇аа имам̣ д̇хаммад̣̇зсанам̣ аахарид̇ваа, ‘‘д̇ад̣̇аа сагго аананд̣̇о ахоси, суварааж̇аа ахамзваа’’д̇и вад̇ваа, ‘‘звам̣, бхигкавз, аббижчад̇аа наамзсаа мама д̇анд̇и, мама бавзн̣ий, анажчарияаа мама буд̇д̇асса ниг̇амаваасид̇иссасса маад̣̇исам̣ аажарияам̣ лабхид̇ваа аббижчад̇аа, бхигкунаа наама ниг̇амаваасид̇иссзна вияа аббижчзнзва бхавид̇аб̣б̣ам̣. зваруубо хи бхигку абхаб̣б̣о самат̇авибассанаад̇хаммзхи ваа маг̇г̇апалзхи ваа барихаанааяа, ан̃н̃ад̣̇ад̇т̇у ниб̣б̣аанассзва санд̇игз ход̇ий’’д̇и вад̇ваа имам̣ г̇аат̇амааха –

    Sabbaṃ suvajātakaṃ navakanipāte āgatanayeneva vitthāretabbaṃ. Aṭṭhuppattiyeva hi tattha ca idha ca nānā, sesaṃ tādisameva. Satthā imaṃ dhammadesanaṃ āharitvā, ‘‘tadā sakko ānando ahosi, suvarājā ahamevā’’ti vatvā, ‘‘evaṃ, bhikkhave, appicchatā nāmesā mama tanti, mama paveṇī, anacchariyā mama puttassa nigamavāsitissassa mādisaṃ ācariyaṃ labhitvā appicchatā, bhikkhunā nāma nigamavāsitissena viya appiccheneva bhavitabbaṃ. Evarūpo hi bhikkhu abhabbo samathavipassanādhammehi vā maggaphalehi vā parihānāya, aññadatthu nibbānasseva santike hotī’’ti vatvā imaṃ gāthamāha –

    32.

    32.

    ‘‘аббамаад̣̇арад̇о бхигку, бамаад̣̇з бхаяад̣̇асси ваа;

    ‘‘Appamādarato bhikkhu, pamāde bhayadassi vā;

    абхаб̣б̣о барихаанааяа, ниб̣б̣аанассзва санд̇игз’’д̇и.

    Abhabbo parihānāya, nibbānasseva santike’’ti.

    д̇ад̇т̇а абхаб̣б̣о барихаанааяаад̇и со зваруубо бхигку самат̇авибассанаад̇хаммзхи ваа маг̇г̇апалзхи ваа барихаанааяа абхаб̣б̣о, нааби бад̇д̇зхи барихааяад̇и, на аббад̇д̇аани на баабун̣аад̇и. ниб̣б̣аанассзва санд̇игзд̇и гилзсабариниб̣б̣аанассаби анубаад̣̇аабариниб̣б̣аанассааби санд̇игзязваад̇и.

    Tattha abhabbo parihānāyāti so evarūpo bhikkhu samathavipassanādhammehi vā maggaphalehi vā parihānāya abhabbo, nāpi pattehi parihāyati, na appattāni na pāpuṇāti. Nibbānasseva santiketi kilesaparinibbānassapi anupādāparinibbānassāpi santikeyevāti.

    г̇аат̇аабарияосаанз ниг̇амаваасид̇иссад̇т̇зро саха бадисамбхид̣̇аахи арахад̇д̇ам̣ баабун̣и. ан̃н̃зби б̣ахуу сод̇аабаннаад̣̇аяо ахзсум̣. махааж̇анасса саад̇т̇игаа д̇хаммад̣̇зсанаа ж̇аад̇аад̇и.

    Gāthāpariyosāne nigamavāsitissatthero saha paṭisambhidāhi arahattaṃ pāpuṇi. Aññepi bahū sotāpannādayo ahesuṃ. Mahājanassa sātthikā dhammadesanā jātāti.

    ниг̇амаваасид̇иссад̇т̇зравад̇т̇у навамам̣.

    Nigamavāsitissattheravatthu navamaṃ.

    аббамаад̣̇аваг̇г̇аван̣н̣анаа нидтид̇аа. д̣̇уд̇ияо ваг̇г̇о.

    Appamādavaggavaṇṇanā niṭṭhitā. Dutiyo vaggo.




    Next: 3. жид̇д̇аваг̇г̇о • 3. Cittavaggo




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / д̇хаммабад̣̇абаал̣и • Dhammapadapāḷi / 2. аббамаад̣̇аваг̇г̇о • 2. Appamādavaggo


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact