| Library / Tipiṭaka / д̇ибидага • Tipiṭaka / д̇хаммабад̣̇абаал̣и • Dhammapadapāḷi |
2. аббамаад̣̇аваг̇г̇о
2. Appamādavaggo
21.
21.
аббамаад̣̇о амад̇абад̣̇ам̣ 1, бамаад̣̇о мажжуно бад̣̇ам̣;
Appamādo amatapadaṃ 2, pamādo maccuno padaṃ;
аббамад̇д̇аа на мийяанд̇и, яз бамад̇д̇аа яат̇аа мад̇аа.
Appamattā na mīyanti, ye pamattā yathā matā.
22.
22.
аббамаад̣̇з бамод̣̇анд̇и, арияаанам̣ г̇ожарз рад̇аа.
Appamāde pamodanti, ariyānaṃ gocare ratā.
23.
23.
д̇з жхааяино саад̇ад̇игаа, нижжам̣ д̣̇ал̣хабараггамаа;
Te jhāyino sātatikā, niccaṃ daḷhaparakkamā;
пусанд̇и д̇хийраа ниб̣б̣аанам̣, яог̇агкзмам̣ ануд̇д̇арам̣.
Phusanti dhīrā nibbānaṃ, yogakkhemaṃ anuttaraṃ.
24.
24.
удтаанавад̇о сад̇иймад̇о 5, сужигаммасса нисаммагаарино;
Uṭṭhānavato satīmato 6, sucikammassa nisammakārino;
сан̃н̃ад̇асса д̇хаммаж̇ийвино, аббамад̇д̇асса 7 яасобхивад̣дхад̇и.
Saññatassa dhammajīvino, appamattassa 8 yasobhivaḍḍhati.
25.
25.
удтаанзнаббамаад̣̇зна , сам̣яамзна д̣̇амзна жа;
Uṭṭhānenappamādena , saṃyamena damena ca;
д̣̇ийбам̣ гаяираат̇а мзд̇хаавий, яам̣ огхо наабхигийрад̇и.
Dīpaṃ kayirātha medhāvī, yaṃ ogho nābhikīrati.
26.
26.
бамаад̣̇амануяун̃ж̇анд̇и, б̣аалаа д̣̇уммзд̇хино ж̇анаа;
Pamādamanuyuñjanti, bālā dummedhino janā;
аббамаад̣̇ан̃жа мзд̇хаавий, д̇ханам̣ сздтам̣ва рагкад̇и.
Appamādañca medhāvī, dhanaṃ seṭṭhaṃva rakkhati.
27.
27.
маа бамаад̣̇амануяун̃ж̇зт̇а, маа гаамарад̇исант̇авам̣ 9;
Mā pamādamanuyuñjetha, mā kāmaratisanthavaṃ 10;
аббамад̇д̇о хи жхааяанд̇о, баббод̇и вибулам̣ сукам̣.
Appamatto hi jhāyanto, pappoti vipulaṃ sukhaṃ.
28.
28.
бамаад̣̇ам̣ аббамаад̣̇зна, яад̣̇аа нуд̣̇ад̇и бан̣д̣ид̇о;
Pamādaṃ appamādena, yadā nudati paṇḍito;
бан̃н̃аабаасаад̣̇амааруяха, асого согиним̣ баж̇ам̣;
Paññāpāsādamāruyha, asoko sokiniṃ pajaṃ;
баб̣б̣ад̇адтова бхуумадтз 11, д̇хийро б̣аалз авзгкад̇и.
Pabbataṭṭhova bhūmaṭṭhe 12, dhīro bāle avekkhati.
29.
29.
аббамад̇д̇о бамад̇д̇зсу, суд̇д̇зсу б̣ахуж̇ааг̇аро;
Appamatto pamattesu, suttesu bahujāgaro;
аб̣алассам̣ва сийгхассо, хид̇ваа яаад̇и сумзд̇хасо.
Abalassaṃva sīghasso, hitvā yāti sumedhaso.
30.
30.
аббамаад̣̇зна магхаваа, д̣̇зваанам̣ сздтад̇ам̣ г̇ад̇о;
Appamādena maghavā, devānaṃ seṭṭhataṃ gato;
аббамаад̣̇ам̣ басам̣санд̇и, бамаад̣̇о г̇арахид̇о сад̣̇аа.
Appamādaṃ pasaṃsanti, pamādo garahito sadā.
31.
31.
аббамаад̣̇арад̇о бхигку, бамаад̣̇з бхаяад̣̇асси ваа;
Appamādarato bhikkhu, pamāde bhayadassi vā;
сам̣яож̇анам̣ ан̣ум̣ т̇уулам̣, д̣ахам̣ аг̇г̇ийва г̇ажчад̇и.
Saṃyojanaṃ aṇuṃ thūlaṃ, ḍahaṃ aggīva gacchati.
32.
32.
аббамаад̣̇арад̇о бхигку, бамаад̣̇з бхаяад̣̇асси ваа;
Appamādarato bhikkhu, pamāde bhayadassi vā;
абхаб̣б̣о барихаанааяа, ниб̣б̣аанассзва санд̇игз.
Abhabbo parihānāya, nibbānasseva santike.
аббамаад̣̇аваг̇г̇о д̣̇уд̇ияо нидтид̇о.
Appamādavaggo dutiyo niṭṭhito.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / д̇хаммабад̣̇а-адтагат̇аа • Dhammapada-aṭṭhakathā / 2. аббамаад̣̇аваг̇г̇о • 2. Appamādavaggo
