| Library / Tipiṭaka / д̇ибидага • Tipiṭaka / вибхан̇г̇а-анудийгаа • Vibhaṅga-anuṭīkā |
13. аббаман̃н̃аавибхан̇г̇о
13. Appamaññāvibhaṅgo
1. суд̇д̇анд̇абхааж̇анийяаван̣н̣анаа
1. Suttantabhājanīyavaṇṇanā
642. д̣̇исаад̣̇зсод̇хинаад̇и ‘‘згам̣ д̣̇иса’’нд̇иаад̣̇ид̣̇исод̇хинаа, вихаараг̇ааманиг̇аманаг̇араж̇анабад̣̇араж̇ж̇аад̣̇ид̣̇зсод̇хинаа жа. сад̇д̇од̇хинаад̇и ‘‘саб̣б̣аа ид̇т̇ияо, саб̣б̣з бурисаа, арияаа, анарияаа’’д̇иаад̣̇ивасаббавад̇д̇зна сад̇д̇од̇хинаа. зд̇ассаад̇и зд̇асса бад̣̇асса, бад̣̇ад̇т̇асса ваа. анувад̇д̇аганд̇и ад̇хигааравасзна бавад̇д̇агам̣. д̇ам̣ д̣̇ваяанд̇и д̇ат̇аа-сад̣̇д̣̇о, ид̇и-сад̣̇д̣̇од̇и убхаяам̣. ‘‘д̇ат̇аа д̣̇уд̇ияа’’нд̇и хи вуд̇д̇з ‘‘д̇ат̇аа-сад̣̇д̣̇о яат̇аа мзд̇д̇аасахаг̇ад̇зна жзд̇асаа бурад̇т̇имаад̣̇ийсу згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияамби д̣̇исам̣ мзд̇д̇аасахаг̇ад̇зна жзд̇асаа парид̇ваа вихарад̇ий’’д̇и имамад̇т̇ам̣ д̣̇ийбзд̇и. сзсад̣̇ваязби зсзва наяо. яасмаа ид̇ийд̇и аяам̣ ид̇и-сад̣̇д̣̇о багаарад̇т̇з, званд̇и вуд̇д̇ам̣ ход̇и, д̇асмаа ‘‘яат̇аа мзд̇д̇аасахаг̇ад̇зна жзд̇асаа згам̣, д̣̇уд̇ияам̣, д̇ад̇ияам̣, жад̇уд̇т̇ам̣ д̣̇исам̣ парид̇ваа вихарад̇и, звам̣ уд̣̇д̇хам̣, ад̇хо, д̇ирияам̣ мзд̇д̇аасахаг̇ад̇зна жзд̇асаа парид̇ваа вихарад̇ий’’д̇и имамад̇т̇ам̣ д̣̇ийбзд̇и. д̇зна вуд̇д̇ам̣ ‘‘мзд̇д̇аа…бз… д̇ам̣ д̣̇ваяа’’нд̇и. д̇ассаад̇и д̣̇ваяасса. паран̣анд̇араад̣̇идтаананд̇и паран̣ад̇о ан̃н̃ам̣ паран̣анд̇арам̣, д̇ам̣ аад̣̇и яасса, д̇ам̣ паран̣анд̇араад̣̇и. паран̣анд̇аран̃хзд̇ам̣ мзд̇д̇аабхааванааяа, яад̣̇ид̣̇ам̣ вибулад̇аа. аад̣̇и-сад̣̇д̣̇зна бхумманд̇арабаг̇ун̣абхааваад̣̇и г̇аяхад̇и, д̇асса паран̣анд̇араад̣̇ино таанам̣ таанабхууд̇о ‘‘вибулзнаа’’д̇иаад̣̇инаа вужжамаано мзд̇д̇аабхааванаависзсо. вуд̇д̇аббагаарамад̇д̇абараамасанасса д̇асса д̣̇ваяасса адтаанам̣ аногаасод̇и. ид̇и гад̇ваа иминаа гааран̣зна на вуд̇д̇ам̣ д̇ам̣ д̣̇ваяанд̇и ад̇т̇о.
642. Disādesodhināti ‘‘ekaṃ disa’’ntiādidisodhinā, vihāragāmanigamanagarajanapadarajjādidesodhinā ca. Sattodhināti ‘‘sabbā itthiyo, sabbe purisā, ariyā, anariyā’’tiādivasappavattena sattodhinā. Etassāti etassa padassa, padatthassa vā. Anuvattakanti adhikāravasena pavattakaṃ. Taṃ dvayanti tathā-saddo, iti-saddoti ubhayaṃ. ‘‘Tathā dutiya’’nti hi vutte ‘‘tathā-saddo yathā mettāsahagatena cetasā puratthimādīsu ekaṃ disaṃ pharitvā viharati, tathā dutiyampi disaṃ mettāsahagatena cetasā pharitvā viharatī’’ti imamatthaṃ dīpeti. Sesadvayepi eseva nayo. Yasmā itīti ayaṃ iti-saddo pakāratthe, evanti vuttaṃ hoti, tasmā ‘‘yathā mettāsahagatena cetasā ekaṃ, dutiyaṃ, tatiyaṃ, catutthaṃ disaṃ pharitvā viharati, evaṃ uddhaṃ, adho, tiriyaṃ mettāsahagatena cetasā pharitvā viharatī’’ti imamatthaṃ dīpeti. Tena vuttaṃ ‘‘mettā…pe… taṃ dvaya’’nti. Tassāti dvayassa. Pharaṇantarādiṭṭhānanti pharaṇato aññaṃ pharaṇantaraṃ, taṃ ādi yassa, taṃ pharaṇantarādi. Pharaṇantarañhetaṃ mettābhāvanāya, yadidaṃ vipulatā. Ādi-saddena bhummantarapaguṇabhāvādi gayhati, tassa pharaṇantarādino ṭhānaṃ ṭhānabhūto ‘‘vipulenā’’tiādinā vuccamāno mettābhāvanāviseso. Vuttappakāramattaparāmasanassa tassa dvayassa aṭṭhānaṃ anokāsoti. Iti katvā iminā kāraṇena na vuttaṃ taṃ dvayanti attho.
643. рааг̇ассаад̇и гаамарааг̇асса. синзхассаад̇и буд̇д̇асинзхаад̣̇исинзхасса. вибад̇д̇ияаад̇и рааг̇асинзхасан̇каад̇ааяа мзд̇д̇аабхааванааяа вибад̇д̇ияаа винаасасса. ануббад̇д̇ид̇о хирод̇д̇аббаб̣алзна ануббаж̇ж̇анад̇о.
643. Rāgassāti kāmarāgassa. Sinehassāti puttasinehādisinehassa. Vipattiyāti rāgasinehasaṅkhātāya mettābhāvanāya vipattiyā vināsassa. Anuppattito hirottappabalena anuppajjanato.
645. ад̇химун̃жид̇ваад̇и бхааванаажид̇д̇ам̣ аарамман̣з судту виссаж̇ж̇зд̇ваа, д̇ам̣ банзд̇т̇а ад̇химужжанам̣ яасмаа паран̣авасзнзва ход̇и, д̇асмаа вуд̇д̇ам̣ ‘‘судту басаарзд̇ваа’’д̇и. яасмаа бана аарамман̣з судту асам̣саббанавасзнзва д̇ам̣ мзд̇д̇аабхааванааяа ад̇химужжанам̣ ход̇и, д̇асмаа ‘‘б̣алавад̇аа ваа ад̇химогкзна ад̇химужжид̇ваа’’д̇и жа вуд̇д̇ам̣.
645. Adhimuñcitvāti bhāvanācittaṃ ārammaṇe suṭṭhu vissajjetvā, taṃ panettha adhimuccanaṃ yasmā pharaṇavaseneva hoti, tasmā vuttaṃ ‘‘suṭṭhu pasāretvā’’ti. Yasmā pana ārammaṇe suṭṭhu asaṃsappanavaseneva taṃ mettābhāvanāya adhimuccanaṃ hoti, tasmā ‘‘balavatā vā adhimokkhena adhimuccitvā’’ti ca vuttaṃ.
648. зд̇зсам̣ бад̣̇аанам̣ саб̣б̣зна сагалзна д̣̇исаад̣̇зсаад̣̇ибхзд̣̇зна авад̇хинаа. саб̣б̣аавад̇хид̣̇исаад̣̇ипаран̣аагаарзхийд̇и саб̣б̣аавад̇хибхууд̇ад̣̇исаад̣̇зсабуг̇г̇алапаран̣аббагаарзхи.
648. Etesaṃ padānaṃ sabbena sakalena disādesādibhedena avadhinā. Sabbāvadhidisādipharaṇākārehīti sabbāvadhibhūtadisādesapuggalapharaṇappakārehi.
650. вигхаад̇авасзнаад̇и вигкамбханавасзна.
650. Vighātavasenāti vikkhambhanavasena.
суд̇д̇анд̇абхааж̇анийяаван̣н̣анаа нидтид̇аа.
Suttantabhājanīyavaṇṇanā niṭṭhitā.
3. бан̃хабужчагаван̣н̣анаа
3. Pañhapucchakavaṇṇanā
699. гат̇ид̇аанам̣ гусалаад̣̇ид̇хаммаанам̣. имасмим̣ бана аббаман̃н̃аавибхан̇г̇з гат̇ид̇аа аббаман̃н̃аа, д̇аа жа сабхаавад̇о логияаа зва, на канд̇хавибхан̇г̇аад̣̇ийсу гат̇ид̇аа канд̇хаад̣̇аяо вияа логуд̇д̇араабийд̇и згам̣сад̇о саб̣б̣аасам̣ аббаман̃н̃аанам̣ логияабхаавамзва д̣̇ийбзд̇ум̣ адтагат̇ааяам̣ ‘‘имасмим̣ банаа’’д̇иаад̣̇и вуд̇д̇анд̇и имамад̇т̇ам̣ д̣̇ассзнд̇о ааха ‘‘имасмим̣ бана…бз… ход̇ий’’д̇и.
699. Kathitānaṃ kusalādidhammānaṃ. Imasmiṃ pana appamaññāvibhaṅge kathitā appamaññā, tā ca sabhāvato lokiyā eva, na khandhavibhaṅgādīsu kathitā khandhādayo viya lokuttarāpīti ekaṃsato sabbāsaṃ appamaññānaṃ lokiyabhāvameva dīpetuṃ aṭṭhakathāyaṃ ‘‘imasmiṃ panā’’tiādi vuttanti imamatthaṃ dassento āha ‘‘imasmiṃ pana…pe… hotī’’ti.
бан̃хабужчагаван̣н̣анаа нидтид̇аа.
Pañhapucchakavaṇṇanā niṭṭhitā.
аббаман̃н̃аавибхан̇г̇аван̣н̣анаа нидтид̇аа.
Appamaññāvibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 13. аббаман̃н̃аавибхан̇г̇о • 13. Appamaññāvibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā / 1. суд̇д̇анд̇абхааж̇анийяаван̣н̣анаа • 1. Suttantabhājanīyavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 13. аббаман̃н̃аавибхан̇г̇о • 13. Appamaññāvibhaṅgo
