| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
аббамад̇д̇агависсаж̇ж̇агасаммуд̇и
Appamattakavissajjakasammuti
328. д̇зна ко бана самаязна сан̇гхасса бхан̣д̣ааг̇аарз аббамад̇д̇аго баригкааро уббанно 1 ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бан̃жахан̇г̇зхи саманнааг̇ад̇ам̣ бхигкум̣ аббамад̇д̇агависсаж̇ж̇агам̣ самманнид̇ум̣ – яо на чанд̣̇ааг̇ад̇им̣ г̇ажчзяяа, на д̣̇осааг̇ад̇им̣ г̇ажчзяяа, на мохааг̇ад̇им̣ г̇ажчзяяа, на бхаяааг̇ад̇им̣ г̇ажчзяяа, виссаж̇ж̇ид̇аависсаж̇ж̇ид̇ан̃жа ж̇аанзяяа. зван̃жа бана, бхигкавз, самманнид̇аб̣б̣о. батамам̣ бхигку яаажид̇аб̣б̣о, яаажид̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
328. Tena kho pana samayena saṅghassa bhaṇḍāgāre appamattako parikkhāro uppanno 2 hoti. Bhagavato etamatthaṃ ārocesuṃ. ‘‘Anujānāmi, bhikkhave, pañcahaṅgehi samannāgataṃ bhikkhuṃ appamattakavissajjakaṃ sammannituṃ – yo na chandāgatiṃ gaccheyya, na dosāgatiṃ gaccheyya, na mohāgatiṃ gaccheyya, na bhayāgatiṃ gaccheyya, vissajjitāvissajjitañca jāneyya. Evañca pana, bhikkhave, sammannitabbo. Paṭhamaṃ bhikkhu yācitabbo, yācitvā byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ бхигкум̣ аббамад̇д̇агависсаж̇ж̇агам̣ самманнзяяа. зсаа н̃ад̇д̇и.
‘‘Suṇātu me, bhante, saṅgho. Yadi saṅghassa pattakallaṃ, saṅgho itthannāmaṃ bhikkhuṃ appamattakavissajjakaṃ sammanneyya. Esā ñatti.
‘‘сун̣аад̇у мз, бханд̇з, сан̇гхо. сан̇гхо ид̇т̇аннаамам̣ бхигкум̣ аббамад̇д̇агависсаж̇ж̇агам̣ самманнад̇и. яассааяасмад̇о камад̇и ид̇т̇аннаамасса бхигкуно аббамад̇д̇агависсаж̇ж̇агасса саммуд̇и, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Saṅgho itthannāmaṃ bhikkhuṃ appamattakavissajjakaṃ sammannati. Yassāyasmato khamati itthannāmassa bhikkhuno appamattakavissajjakassa sammuti, so tuṇhassa; yassa nakkhamati, so bhāseyya.
‘‘саммад̇о сан̇гхзна ид̇т̇аннаамо бхигку аббамад̇д̇агависсаж̇ж̇аго. камад̇и сан̇гхасса, д̇асмаа д̇ун̣хий , звамзд̇ам̣ д̇хаараяаамий’’д̇и.
‘‘Sammato saṅghena itthannāmo bhikkhu appamattakavissajjako. Khamati saṅghassa, tasmā tuṇhī , evametaṃ dhārayāmī’’ti.
д̇зна аббамад̇д̇агависсаж̇ж̇агзна бхигкунаа згаа 3 суужи д̣̇аад̇аб̣б̣аа, сад̇т̇агам̣ д̣̇аад̇аб̣б̣ам̣, убааханаа д̣̇аад̇аб̣б̣аа, гааяаб̣анд̇ханам̣ д̣̇аад̇аб̣б̣ам̣, ам̣саб̣анд̇хаго д̣̇аад̇аб̣б̣о, бариссааванам̣ д̣̇аад̇аб̣б̣ам̣, д̇хаммагаран̣о д̣̇аад̇аб̣б̣о, гуси д̣̇аад̇аб̣б̣аа, ад̣дхагуси д̣̇аад̇аб̣б̣аа, ман̣д̣алам̣ д̣̇аад̇аб̣б̣ам̣, ад̣дхаман̣д̣алам̣ д̣̇аад̇аб̣б̣ам̣, ануваад̇о д̣̇аад̇аб̣б̣о, барибхан̣д̣ам̣ д̣̇аад̇аб̣б̣ам̣. сажз ход̇и сан̇гхасса сабби ваа д̇злам̣ ваа мад̇ху ваа паан̣ид̇ам̣ ваа, сагим̣ бадисааяид̇ум̣ д̣̇аад̇аб̣б̣ам̣. сажз бунаби ад̇т̇о ход̇и, бунаби д̣̇аад̇аб̣б̣ам̣.
Tena appamattakavissajjakena bhikkhunā ekā 4 sūci dātabbā, satthakaṃ dātabbaṃ, upāhanā dātabbā, kāyabandhanaṃ dātabbaṃ, aṃsabandhako dātabbo, parissāvanaṃ dātabbaṃ, dhammakaraṇo dātabbo, kusi dātabbā, aḍḍhakusi dātabbā, maṇḍalaṃ dātabbaṃ, aḍḍhamaṇḍalaṃ dātabbaṃ, anuvāto dātabbo, paribhaṇḍaṃ dātabbaṃ. Sace hoti saṅghassa sappi vā telaṃ vā madhu vā phāṇitaṃ vā, sakiṃ paṭisāyituṃ dātabbaṃ. Sace punapi attho hoti, punapi dātabbaṃ.
Footnotes:
