| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
ਅਪ੍ਪਮਤ੍ਤਕવਿਸ੍ਸਜ੍ਜਕਸਮ੍ਮੁਤਿ
Appamattakavissajjakasammuti
੩੨੮. ਤੇਨ ਖੋ ਪਨ ਸਮਯੇਨ ਸਙ੍ਘਸ੍ਸ ਭਣ੍ਡਾਗਾਰੇ ਅਪ੍ਪਮਤ੍ਤਕੋ ਪਰਿਕ੍ਖਾਰੋ ਉਪ੍ਪਨ੍ਨੋ 1 ਹੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਪਞ੍ਚਹਙ੍ਗੇਹਿ ਸਮਨ੍ਨਾਗਤਂ ਭਿਕ੍ਖੁਂ ਅਪ੍ਪਮਤ੍ਤਕવਿਸ੍ਸਜ੍ਜਕਂ ਸਮ੍ਮਨ੍ਨਿਤੁਂ – ਯੋ ਨ ਛਨ੍ਦਾਗਤਿਂ ਗਚ੍ਛੇਯ੍ਯ, ਨ ਦੋਸਾਗਤਿਂ ਗਚ੍ਛੇਯ੍ਯ, ਨ ਮੋਹਾਗਤਿਂ ਗਚ੍ਛੇਯ੍ਯ, ਨ ਭਯਾਗਤਿਂ ਗਚ੍ਛੇਯ੍ਯ, વਿਸ੍ਸਜ੍ਜਿਤਾવਿਸ੍ਸਜ੍ਜਿਤਞ੍ਚ ਜਾਨੇਯ੍ਯ। ਏવਞ੍ਚ ਪਨ, ਭਿਕ੍ਖવੇ, ਸਮ੍ਮਨ੍ਨਿਤਬ੍ਬੋ। ਪਠਮਂ ਭਿਕ੍ਖੁ ਯਾਚਿਤਬ੍ਬੋ, ਯਾਚਿਤ੍વਾ ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
328. Tena kho pana samayena saṅghassa bhaṇḍāgāre appamattako parikkhāro uppanno 2 hoti. Bhagavato etamatthaṃ ārocesuṃ. ‘‘Anujānāmi, bhikkhave, pañcahaṅgehi samannāgataṃ bhikkhuṃ appamattakavissajjakaṃ sammannituṃ – yo na chandāgatiṃ gaccheyya, na dosāgatiṃ gaccheyya, na mohāgatiṃ gaccheyya, na bhayāgatiṃ gaccheyya, vissajjitāvissajjitañca jāneyya. Evañca pana, bhikkhave, sammannitabbo. Paṭhamaṃ bhikkhu yācitabbo, yācitvā byattena bhikkhunā paṭibalena saṅgho ñāpetabbo –
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਅਪ੍ਪਮਤ੍ਤਕવਿਸ੍ਸਜ੍ਜਕਂ ਸਮ੍ਮਨ੍ਨੇਯ੍ਯ। ਏਸਾ ਞਤ੍ਤਿ।
‘‘Suṇātu me, bhante, saṅgho. Yadi saṅghassa pattakallaṃ, saṅgho itthannāmaṃ bhikkhuṃ appamattakavissajjakaṃ sammanneyya. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਅਪ੍ਪਮਤ੍ਤਕવਿਸ੍ਸਜ੍ਜਕਂ ਸਮ੍ਮਨ੍ਨਤਿ। ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਅਪ੍ਪਮਤ੍ਤਕવਿਸ੍ਸਜ੍ਜਕਸ੍ਸ ਸਮ੍ਮੁਤਿ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Suṇātu me, bhante, saṅgho. Saṅgho itthannāmaṃ bhikkhuṃ appamattakavissajjakaṃ sammannati. Yassāyasmato khamati itthannāmassa bhikkhuno appamattakavissajjakassa sammuti, so tuṇhassa; yassa nakkhamati, so bhāseyya.
‘‘ਸਮ੍ਮਤੋ ਸਙ੍ਘੇਨ ਇਤ੍ਥਨ੍ਨਾਮੋ ਭਿਕ੍ਖੁ ਅਪ੍ਪਮਤ੍ਤਕવਿਸ੍ਸਜ੍ਜਕੋ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ , ਏવਮੇਤਂ ਧਾਰਯਾਮੀ’’ਤਿ।
‘‘Sammato saṅghena itthannāmo bhikkhu appamattakavissajjako. Khamati saṅghassa, tasmā tuṇhī , evametaṃ dhārayāmī’’ti.
ਤੇਨ ਅਪ੍ਪਮਤ੍ਤਕવਿਸ੍ਸਜ੍ਜਕੇਨ ਭਿਕ੍ਖੁਨਾ ਏਕਾ 3 ਸੂਚਿ ਦਾਤਬ੍ਬਾ, ਸਤ੍ਥਕਂ ਦਾਤਬ੍ਬਂ, ਉਪਾਹਨਾ ਦਾਤਬ੍ਬਾ, ਕਾਯਬਨ੍ਧਨਂ ਦਾਤਬ੍ਬਂ, ਅਂਸਬਨ੍ਧਕੋ ਦਾਤਬ੍ਬੋ, ਪਰਿਸ੍ਸਾવਨਂ ਦਾਤਬ੍ਬਂ, ਧਮ੍ਮਕਰਣੋ ਦਾਤਬ੍ਬੋ, ਕੁਸਿ ਦਾਤਬ੍ਬਾ, ਅਡ੍ਢਕੁਸਿ ਦਾਤਬ੍ਬਾ, ਮਣ੍ਡਲਂ ਦਾਤਬ੍ਬਂ, ਅਡ੍ਢਮਣ੍ਡਲਂ ਦਾਤਬ੍ਬਂ, ਅਨੁવਾਤੋ ਦਾਤਬ੍ਬੋ, ਪਰਿਭਣ੍ਡਂ ਦਾਤਬ੍ਬਂ। ਸਚੇ ਹੋਤਿ ਸਙ੍ਘਸ੍ਸ ਸਪ੍ਪਿ વਾ ਤੇਲਂ વਾ ਮਧੁ વਾ ਫਾਣਿਤਂ વਾ, ਸਕਿਂ ਪਟਿਸਾਯਿਤੁਂ ਦਾਤਬ੍ਬਂ। ਸਚੇ ਪੁਨਪਿ ਅਤ੍ਥੋ ਹੋਤਿ, ਪੁਨਪਿ ਦਾਤਬ੍ਬਂ।
Tena appamattakavissajjakena bhikkhunā ekā 4 sūci dātabbā, satthakaṃ dātabbaṃ, upāhanā dātabbā, kāyabandhanaṃ dātabbaṃ, aṃsabandhako dātabbo, parissāvanaṃ dātabbaṃ, dhammakaraṇo dātabbo, kusi dātabbā, aḍḍhakusi dātabbā, maṇḍalaṃ dātabbaṃ, aḍḍhamaṇḍalaṃ dātabbaṃ, anuvāto dātabbo, paribhaṇḍaṃ dātabbaṃ. Sace hoti saṅghassa sappi vā telaṃ vā madhu vā phāṇitaṃ vā, sakiṃ paṭisāyituṃ dātabbaṃ. Sace punapi attho hoti, punapi dātabbaṃ.
Footnotes:
