| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༣. ཨཔྤམེཡྻསུཏྟཾ
3. Appameyyasuttaṃ
༡༡༦. ‘‘ཏཡོམེ, བྷིཀྑཝེ, པུགྒལཱ སནྟོ སཾཝིཛྫམཱནཱ ལོཀསྨིཾ། ཀཏམེ ཏཡོ? སུཔྤམེཡྻོ, དུཔྤམེཡྻོ, ཨཔྤམེཡྻོ། ཀཏམོ ཙ, བྷིཀྑཝེ, པུགྒལོ སུཔྤམེཡྻོ? ཨིདྷ, བྷིཀྑཝེ, ཨེཀཙྩོ པུགྒལོ ཨུདྡྷཏོ ཧོཏི ཨུནྣལོ༹ ཙཔལོ མུཁརོ ཝིཀིཎྞཝཱཙོ མུཊྛསྶཏི ཨསམྤཛཱནོ ཨསམཱཧིཏོ ཝིབྦྷནྟཙིཏྟོ པཱཀཏིནྡྲིཡོ། ཨཡཾ ཝུཙྩཏི, བྷིཀྑཝེ, པུགྒལོ སུཔྤམེཡྻོ།
116. ‘‘Tayome, bhikkhave, puggalā santo saṃvijjamānā lokasmiṃ. Katame tayo? Suppameyyo, duppameyyo, appameyyo. Katamo ca, bhikkhave, puggalo suppameyyo? Idha, bhikkhave, ekacco puggalo uddhato hoti unnaḷo capalo mukharo vikiṇṇavāco muṭṭhassati asampajāno asamāhito vibbhantacitto pākatindriyo. Ayaṃ vuccati, bhikkhave, puggalo suppameyyo.
‘‘ཀཏམོ ཙ, བྷིཀྑཝེ, པུགྒལོ དུཔྤམེཡྻོ? ཨིདྷ, བྷིཀྑཝེ, ཨེཀཙྩོ པུགྒལོ ཨནུདྡྷཏོ ཧོཏི ཨནུནྣལོ༹ ཨཙཔལོ ཨམུཁརོ ཨཝིཀིཎྞཝཱཙོ ཨུཔཊྛིཏསྶཏི སམྤཛཱནོ སམཱཧིཏོ ཨེཀགྒཙིཏྟོ སཾཝུཏིནྡྲིཡོ། ཨཡཾ ཝུཙྩཏི, བྷིཀྑཝེ, པུགྒལོ དུཔྤམེཡྻོ།
‘‘Katamo ca, bhikkhave, puggalo duppameyyo? Idha, bhikkhave, ekacco puggalo anuddhato hoti anunnaḷo acapalo amukharo avikiṇṇavāco upaṭṭhitassati sampajāno samāhito ekaggacitto saṃvutindriyo. Ayaṃ vuccati, bhikkhave, puggalo duppameyyo.
‘‘ཀཏམོ ཙ, བྷིཀྑཝེ, པུགྒལོ ཨཔྤམེཡྻོ? ཨིདྷ, བྷིཀྑཝེ, བྷིཀྑུ ཨརཧཾ ཧོཏི ཁཱིཎཱསཝོ། ཨཡཾ ཝུཙྩཏི, བྷིཀྑཝེ, པུགྒལོ ཨཔྤམེཡྻོ། ཨིམེ ཁོ, བྷིཀྑཝེ, ཏཡོ པུགྒལཱ སནྟོ སཾཝིཛྫམཱནཱ ལོཀསྨི’’ནྟི། ཏཏིཡཾ།
‘‘Katamo ca, bhikkhave, puggalo appameyyo? Idha, bhikkhave, bhikkhu arahaṃ hoti khīṇāsavo. Ayaṃ vuccati, bhikkhave, puggalo appameyyo. Ime kho, bhikkhave, tayo puggalā santo saṃvijjamānā lokasmi’’nti. Tatiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༣. ཨཔྤམེཡྻསུཏྟཝཎྞནཱ • 3. Appameyyasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༣. ཨཔྤམེཡྻསུཏྟཝཎྞནཱ • 3. Appameyyasuttavaṇṇanā
