| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. аббамзяяасуд̇д̇аван̣н̣анаа
3. Appameyyasuttavaṇṇanā
116. д̇ад̇ияз сукзна мзд̇аб̣б̣од̇и яат̇аа барид̇д̇асса уд̣̇агасса сукзна бамаан̣ам̣ г̇аяхад̇и, звамзва ‘‘уд̣̇д̇хад̇о’’д̇иаад̣̇инаа яат̇аавуд̇д̇зхи аг̇ун̣ан̇г̇зхи саманнааг̇ад̇асса сукзна бамаан̣ам̣ г̇аяхад̇ийд̇и, сукзна мзд̇аб̣б̣о. д̣̇угкзна мзд̇аб̣б̣од̇и яат̇аа махаасамуд̣̇д̣̇асса д̣̇угкзна бамаан̣ам̣ г̇аяхад̇и, звамзва ‘‘ануд̣̇д̇хад̇о’’д̇иаад̣̇инаа д̣̇ассид̇зхи г̇ун̣ан̇г̇зхи саманнааг̇ад̇асса д̣̇угкзна бамаан̣ам̣ г̇аяхад̇и, ‘‘анааг̇аамий ну ко кийн̣аасаво ну ко’’д̇и вад̇д̇аб̣б̣ад̇ам̣ г̇ажчад̇и, д̇знзса д̣̇угкзна мзд̇аб̣б̣о. бамзд̇ум̣ на саггод̇ийд̇и яат̇аа аагаасасса на саггаа бамаан̣ам̣ г̇ахзд̇ум̣, звам̣ кийн̣аасавасса, д̇знзса бамзд̇ум̣ на саггаад̇и аббамзяяо.
116. Tatiye sukhena metabboti yathā parittassa udakassa sukhena pamāṇaṃ gayhati, evameva ‘‘uddhato’’tiādinā yathāvuttehi aguṇaṅgehi samannāgatassa sukhena pamāṇaṃ gayhatīti, sukhena metabbo. Dukkhena metabboti yathā mahāsamuddassa dukkhena pamāṇaṃ gayhati, evameva ‘‘anuddhato’’tiādinā dassitehi guṇaṅgehi samannāgatassa dukkhena pamāṇaṃ gayhati, ‘‘anāgāmī nu kho khīṇāsavo nu kho’’ti vattabbataṃ gacchati, tenesa dukkhena metabbo. Pametuṃ na sakkotīti yathā ākāsassa na sakkā pamāṇaṃ gahetuṃ, evaṃ khīṇāsavassa, tenesa pametuṃ na sakkāti appameyyo.
саараабхаавзна д̇ужчад̇д̇аа нал̣о вияа нал̣о, маанод̇и ааха ‘‘уннал̣од̇и уг̇г̇ад̇анал̣о’’д̇и, удтид̇ад̇ужчамаанод̇и вуд̇д̇ам̣ ход̇и. д̇знааха ‘‘д̇ужчамаанам̣ угкибид̇ваа тид̇од̇и ад̇т̇о’’д̇и. мано хи сзяяасса сзяяод̇и сад̣̇исод̇и жа бавад̇д̇ияаа висзсад̇о д̇ужчо. жаабаллзнаад̇и жабалабхаавзна, д̇ан̣хаалолуббзнаад̇и ад̇т̇о. мукарод̇и мукзна парусо, парусаваажод̇и ад̇т̇о. вигин̣н̣аваажод̇и висадаважано сампаббалаабид̇ааяа абарияанд̇аважано. д̇знааха ‘‘асан̃н̃ад̇аважано’’д̇и, д̣̇ивасамби нирад̇т̇агаважанам̣ балаабийд̇и вуд̇д̇ам̣ ход̇и. жид̇д̇згаг̇г̇ад̇аарахид̇од̇и убажаараббанаасамаад̇хирахид̇о жан̣д̣асод̇з б̣ад̣̇д̇ханааваа вияа анавадтид̇агирияо. бханд̇ажид̇д̇од̇и анавадтид̇ажид̇д̇о бан̣н̣аарул̣хавааламиг̇асад̣̇исо. вивадинд̣̇рияод̇и сам̣вараабхаавзна г̇ихигаалз вияа асам̣вуд̇ажагкаад̣̇иинд̣̇рияо.
Sārābhāvena tucchattā naḷo viya naḷo, mānoti āha ‘‘unnaḷoti uggatanaḷo’’ti, uṭṭhitatucchamānoti vuttaṃ hoti. Tenāha ‘‘tucchamānaṃ ukkhipitvā ṭhitoti attho’’ti. Mano hi seyyassa seyyoti sadisoti ca pavattiyā visesato tuccho. Cāpallenāti capalabhāvena, taṇhāloluppenāti attho. Mukharoti mukhena pharuso, pharusavācoti attho. Vikiṇṇavācoti visaṭavacano samphappalāpitāya apariyantavacano. Tenāha ‘‘asaññatavacano’’ti, divasampi niratthakavacanaṃ palāpīti vuttaṃ hoti. Cittekaggatārahitoti upacārappanāsamādhirahito caṇḍasote baddhanāvā viya anavaṭṭhitakiriyo. Bhantacittoti anavaṭṭhitacitto paṇṇāruḷhavālamigasadiso. Vivaṭindriyoti saṃvarābhāvena gihikāle viya asaṃvutacakkhādiindriyo.
аббамзяяасуд̇д̇аван̣н̣анаа нидтид̇аа.
Appameyyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. аббамзяяасуд̇д̇ам̣ • 3. Appameyyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. аббамзяяасуд̇д̇аван̣н̣анаа • 3. Appameyyasuttavaṇṇanā
