| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
३. अप्पमेय्यसुत्तवण्णना
3. Appameyyasuttavaṇṇanā
११६. ततिये सुखेन मेतब्बोति सुप्पमेय्यो। दुक्खेन मेतब्बोति दुप्पमेय्यो। पमेतुं न सक्कोतीति अप्पमेय्यो। उन्नळोति उग्गतनळो, तुच्छमानं उक्खिपित्वा ठितोति अत्थो। चपलोति पत्तमण्डनादिना चापल्लेन समन्नागतो। मुखरोति मुखखरो। विकिण्णवाचोति असञ्ञतवचनो। असमाहितोति चित्तेकग्गतारहितो। विब्भन्तचित्तोति भन्तचित्तो भन्तगाविभन्तमिगसप्पटिभागो। पाकतिन्द्रियोति विवटिन्द्रियो। सेसमेत्थ उत्तानमेवाति।
116. Tatiye sukhena metabboti suppameyyo. Dukkhena metabboti duppameyyo. Pametuṃ na sakkotīti appameyyo. Unnaḷoti uggatanaḷo, tucchamānaṃ ukkhipitvā ṭhitoti attho. Capaloti pattamaṇḍanādinā cāpallena samannāgato. Mukharoti mukhakharo. Vikiṇṇavācoti asaññatavacano. Asamāhitoti cittekaggatārahito. Vibbhantacittoti bhantacitto bhantagāvibhantamigasappaṭibhāgo. Pākatindriyoti vivaṭindriyo. Sesamettha uttānamevāti.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ३. अप्पमेय्यसुत्तं • 3. Appameyyasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ३. अप्पमेय्यसुत्तवण्णना • 3. Appameyyasuttavaṇṇanā
