| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
7. අප්‌පංසුපතිසුත්‌තං
7. Appaṃsupatisuttaṃ
137. ‘‘පඤ්‌චිමෙ , භික්‌ඛවෙ, අප්‌පං රත්‌තියා සුපන්‌ති, බහුං ජග්‌ගන්‌ති. කතමෙ පඤ්‌ච? ඉත්‌ථී, භික්‌ඛවෙ, පුරිසාධිප්‌පායා අප්‌පං රත්‌තියා සුපති, බහුං ජග්‌ගති. පුරිසො, භික්‌ඛවෙ, ඉත්‌ථාධිප්‌පායො අප්‌පං රත්‌තියා සුපති, බහුං ජග්‌ගති. චොරො, භික්‌ඛවෙ, ආදානාධිප්‌පායො අප්‌පං රත්‌තියා සුපති, බහුං ජග්‌ගති. රාජා 1, භික්‌ඛවෙ, රාජකරණීයෙසු යුත්‌තො අප්‌පං රත්‌තියා සුපති, බහුං ජග්‌ගති. භික්‌ඛු, භික්‌ඛවෙ, විසංයොගාධිප්‌පායො අප්‌පං රත්‌තියා සුපති, බහුං ජග්‌ගති. ඉමෙ ඛො, භික්‌ඛවෙ, පඤ්‌ච අප්‌පං රත්‌තියා සුපන්‌ති, බහුං ජග්‌ගන්‌තී’’ති. සත්‌තමං.
137. ‘‘Pañcime , bhikkhave, appaṃ rattiyā supanti, bahuṃ jagganti. Katame pañca? Itthī, bhikkhave, purisādhippāyā appaṃ rattiyā supati, bahuṃ jaggati. Puriso, bhikkhave, itthādhippāyo appaṃ rattiyā supati, bahuṃ jaggati. Coro, bhikkhave, ādānādhippāyo appaṃ rattiyā supati, bahuṃ jaggati. Rājā 2, bhikkhave, rājakaraṇīyesu yutto appaṃ rattiyā supati, bahuṃ jaggati. Bhikkhu, bhikkhave, visaṃyogādhippāyo appaṃ rattiyā supati, bahuṃ jaggati. Ime kho, bhikkhave, pañca appaṃ rattiyā supanti, bahuṃ jaggantī’’ti. Sattamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 7. අප්‌පංසුපතිසුත්‌තවණ්‌ණනා • 7. Appaṃsupatisuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5-9. පත්‌ථනාසුත්‌තාදිවණ්‌ණනා • 5-9. Patthanāsuttādivaṇṇanā
