| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਅਪ੍ਪਸ੍ਸੁਤਸੁਤ੍ਤવਣ੍ਣਨਾ
6. Appassutasuttavaṇṇanā
੬. ਛਟ੍ਠੇ ਅਨੁਪਪਨ੍ਨੋਤਿ ਅਨੁਪਾਗਤੋ। ਸੁਤ੍ਤਨ੍ਤਿਆਦੀਸੁ ਉਭਤੋવਿਭਙ੍ਗਨਿਦ੍ਦੇਸਖਨ੍ਧਕਪਰਿવਾਰਸੁਤ੍ਤਨਿਪਾਤਮਙ੍ਗਲਸੁਤ੍ਤਰਤਨਸੁਤ੍ਤ- ਨਾਲ਼ਕਸੁਤ੍ਤਤੁવਟਕਸੁਤ੍ਤਾਨਿ, ਅਞ੍ਞਮ੍ਪਿ ਚ ਸੁਤ੍ਤਨਾਮਕਂ ਤਥਾਗਤવਚਨਂ ਸੁਤ੍ਤਨ੍ਤਿ વੇਦਿਤਬ੍ਬਂ। ਸਬ੍ਬਮ੍ਪਿ ਸਗਾਥਕਂ ਸੁਤ੍ਤਂ ਗੇਯ੍ਯਨ੍ਤਿ વੇਦਿਤਬ੍ਬਂ, વਿਸੇਸੇਨ ਸਂਯੁਤ੍ਤਕੇ ਸਕਲੋਪਿ ਸਗਾਥਾવਗ੍ਗੋ। ਸਕਲਮ੍ਪਿ ਅਭਿਧਮ੍ਮਪਿਟਕਂ, ਨਿਗ੍ਗਾਥਕਸੁਤ੍ਤਂ, ਯਞ੍ਚ ਅਞ੍ਞਮ੍ਪਿ ਅਟ੍ਠਹਿ ਅਙ੍ਗੇਹਿ ਅਸਙ੍ਗਹਿਤਂ ਬੁਦ੍ਧવਚਨਂ, ਤਂ વੇਯ੍ਯਾਕਰਣਨ੍ਤਿ વੇਦਿਤਬ੍ਬਂ। ਧਮ੍ਮਪਦ-ਥੇਰਗਾਥਾ-ਥੇਰਿਗਾਥਾ ਸੁਤ੍ਤਨਿਪਾਤੇ ਨੋਸੁਤ੍ਤਨਾਮਿਕਾ ਸੁਦ੍ਧਿਕਗਾਥਾ ਚ ਗਾਥਾਤਿ વੇਦਿਤਬ੍ਬਾ। ਸੋਮਨਸ੍ਸਞਾਣਮਯਿਕਗਾਥਾਪਟਿਸਂਯੁਤ੍ਤਾ ਦ੍વੇਅਸੀਤਿ ਸੁਤ੍ਤਨ੍ਤਾ ਉਦਾਨਨ੍ਤਿ વੇਦਿਤਬ੍ਬਾ। ‘‘વੁਤ੍ਤਞ੍ਹੇਤਂ ਭਗવਤਾ’’ਤਿਆਦਿਨਯਪ੍ਪવਤ੍ਤਾ ਦਸੁਤ੍ਤਰਸਤਸੁਤ੍ਤਨ੍ਤਾ ਇਤਿવੁਤ੍ਤਕਨ੍ਤਿ વੇਦਿਤਬ੍ਬਾ। ਅਪਣ੍ਣਕਜਾਤਕਾਦੀਨਿ ਪਞ੍ਞਾਸਾਧਿਕਾਨਿ ਪਞ੍ਚ ਜਾਤਕਸਤਾਨਿ ਜਾਤਕਨ੍ਤਿ વੇਦਿਤਬ੍ਬਾਨਿ। ‘‘ਚਤ੍ਤਾਰੋਮੇ, ਭਿਕ੍ਖવੇ, ਅਚ੍ਛਰਿਯਾ ਅਬ੍ਭੁਤਾ ਧਮ੍ਮਾ ਆਨਨ੍ਦੇ’’ਤਿਆਦਿਨਯਪ੍ਪવਤ੍ਤਾ ਸਬ੍ਬੇਪਿ ਅਚ੍ਛਰਿਯਅਬ੍ਭੁਤਧਮ੍ਮਪਟਿਸਂਯੁਤ੍ਤਾ ਸੁਤ੍ਤਨ੍ਤਾ ਅਬ੍ਭੁਤਧਮ੍ਮਨ੍ਤਿ વੇਦਿਤਬ੍ਬਾ। ਚੂਲ਼વੇਦਲ੍ਲਮਹਾવੇਦਲ੍ਲਸਮ੍ਮਾਦਿਟ੍ਠਿਸਕ੍ਕਪਞ੍ਹਸਙ੍ਖਾਰਭਾਜਨਿਯਮਹਾਪੁਣ੍ਣਮਸੁਤ੍ਤਾਦਯੋ ਸਬ੍ਬੇਪਿ વੇਦਞ੍ਚ ਤੁਟ੍ਠਿਞ੍ਚ ਲਦ੍ਧਾ ਲਦ੍ਧਾ ਪੁਚ੍ਛਿਤਾ ਸੁਤ੍ਤਨ੍ਤਾ વੇਦਲ੍ਲਨ੍ਤਿ વੇਦਿਤਬ੍ਬਾ। ਨ ਅਤ੍ਥਮਞ੍ਞਾਯ ਨ ਧਮ੍ਮਮਞ੍ਞਾਯਾਤਿ ਅਟ੍ਠਕਥਞ੍ਚ ਪਾਲ਼ਿਞ੍ਚ ਅਜਾਨਿਤ੍વਾ। ਧਮ੍ਮਾਨੁਧਮ੍ਮਪ੍ਪਟਿਪਨ੍ਨੋਤਿ ਨવਲੋਕੁਤ੍ਤਰਧਮ੍ਮਸ੍ਸ ਅਨੁਰੂਪਧਮ੍ਮਂ ਸਹਸੀਲਂ ਪੁਬ੍ਬਭਾਗਪਟਿਪਦਂ ਨ ਪਟਿਪਨ੍ਨੋ ਹੋਤਿ। ਇਮਿਨਾ ਉਪਾਯੇਨ ਸਬ੍ਬવਾਰੇਸੁ ਅਤ੍ਥੋ વੇਦਿਤਬ੍ਬੋ। ਪਠਮવਾਰੇ ਪਨੇਤ੍ਥ ਅਪ੍ਪਸ੍ਸੁਤਦੁਸ੍ਸੀਲੋ ਕਥਿਤੋ, ਦੁਤਿਯੇ ਅਪ੍ਪਸ੍ਸੁਤਖੀਣਾਸવੋ, ਤਤਿਯੇ ਬਹੁਸ੍ਸੁਤਦੁਸ੍ਸੀਲੋ, ਚਤੁਤ੍ਥੇ ਬਹੁਸ੍ਸੁਤਖੀਣਾਸવੋ।
6. Chaṭṭhe anupapannoti anupāgato. Suttantiādīsu ubhatovibhaṅganiddesakhandhakaparivārasuttanipātamaṅgalasuttaratanasutta- nāḷakasuttatuvaṭakasuttāni, aññampi ca suttanāmakaṃ tathāgatavacanaṃ suttanti veditabbaṃ. Sabbampi sagāthakaṃ suttaṃ geyyanti veditabbaṃ, visesena saṃyuttake sakalopi sagāthāvaggo. Sakalampi abhidhammapiṭakaṃ, niggāthakasuttaṃ, yañca aññampi aṭṭhahi aṅgehi asaṅgahitaṃ buddhavacanaṃ, taṃ veyyākaraṇanti veditabbaṃ. Dhammapada-theragāthā-therigāthā suttanipāte nosuttanāmikā suddhikagāthā ca gāthāti veditabbā. Somanassañāṇamayikagāthāpaṭisaṃyuttā dveasīti suttantā udānanti veditabbā. ‘‘Vuttañhetaṃ bhagavatā’’tiādinayappavattā dasuttarasatasuttantā itivuttakanti veditabbā. Apaṇṇakajātakādīni paññāsādhikāni pañca jātakasatāni jātakanti veditabbāni. ‘‘Cattārome, bhikkhave, acchariyā abbhutā dhammā ānande’’tiādinayappavattā sabbepi acchariyaabbhutadhammapaṭisaṃyuttā suttantā abbhutadhammanti veditabbā. Cūḷavedallamahāvedallasammādiṭṭhisakkapañhasaṅkhārabhājaniyamahāpuṇṇamasuttādayo sabbepi vedañca tuṭṭhiñca laddhā laddhā pucchitā suttantā vedallanti veditabbā. Na atthamaññāya na dhammamaññāyāti aṭṭhakathañca pāḷiñca ajānitvā. Dhammānudhammappaṭipannoti navalokuttaradhammassa anurūpadhammaṃ sahasīlaṃ pubbabhāgapaṭipadaṃ na paṭipanno hoti. Iminā upāyena sabbavāresu attho veditabbo. Paṭhamavāre panettha appassutadussīlo kathito, dutiye appassutakhīṇāsavo, tatiye bahussutadussīlo, catutthe bahussutakhīṇāsavo.
ਸੀਲੇਸੁ ਅਸਮਾਹਿਤੋਤਿ ਸੀਲੇਸੁ ਅਪਰਿਪੂਰਕਾਰੀ। ਸੀਲਤੋ ਚ ਸੁਤੇਨ ਚਾਤਿ ਸੀਲਭਾਗੇਨ ਚ ਸੁਤਭਾਗੇਨ ਚ ‘‘ਅਯਂ ਦੁਸ੍ਸੀਲੋ ਅਪ੍ਪਸ੍ਸੁਤੋ’’ਤਿ ਏવਂ ਤਂ ਗਰਹਨ੍ਤੀਤਿ ਅਤ੍ਥੋ। ਤਸ੍ਸ ਸਮ੍ਪਜ੍ਜਤੇ ਸੁਤਨ੍ਤਿ ਤਸ੍ਸ ਪੁਗ੍ਗਲਸ੍ਸ ਯਸ੍ਮਾ ਤੇਨ ਸੁਤੇਨ ਸੁਤਕਿਚ੍ਚਂ ਕਤਂ, ਤਸ੍ਮਾ ਤਸ੍ਸ ਸੁਤਂ ਸਮ੍ਪਜ੍ਜਤਿ ਨਾਮ। ਨਾਸ੍ਸ ਸਮ੍ਪਜ੍ਜਤੇਤਿ ਸੁਤਕਿਚ੍ਚਸ੍ਸ ਅਕਤਤ੍ਤਾ ਨ ਸਮ੍ਪਜ੍ਜਤਿ। ਧਮ੍ਮਧਰਨ੍ਤਿ ਸੁਤਧਮ੍ਮਾਨਂ ਆਧਾਰਭੂਤਂ। ਸਪ੍ਪਞ੍ਞਨ੍ਤਿ ਸੁਪਞ੍ਞਂ। ਨੇਕ੍ਖਂ ਜਮ੍ਬੋਨਦਸ੍ਸੇવਾਤਿ ਜਮ੍ਬੁਨਦਂ વੁਚ੍ਚਤਿ ਜਾਤਿਸੁવਣ੍ਣਂ, ਤਸ੍ਸ ਜਮ੍ਬੁਨਦਸ੍ਸ ਨੇਕ੍ਖਂ વਿਯ, ਪਞ੍ਚਸੁવਣ੍ਣਪਰਿਮਾਣਂ ਸੁવਣ੍ਣਘਟਿਕਂ વਿਯਾਤਿ ਅਤ੍ਥੋ।
Sīlesuasamāhitoti sīlesu aparipūrakārī. Sīlato ca sutena cāti sīlabhāgena ca sutabhāgena ca ‘‘ayaṃ dussīlo appassuto’’ti evaṃ taṃ garahantīti attho. Tassa sampajjate sutanti tassa puggalassa yasmā tena sutena sutakiccaṃ kataṃ, tasmā tassa sutaṃ sampajjati nāma. Nāssa sampajjateti sutakiccassa akatattā na sampajjati. Dhammadharanti sutadhammānaṃ ādhārabhūtaṃ. Sappaññanti supaññaṃ. Nekkhaṃ jambonadassevāti jambunadaṃ vuccati jātisuvaṇṇaṃ, tassa jambunadassa nekkhaṃ viya, pañcasuvaṇṇaparimāṇaṃ suvaṇṇaghaṭikaṃ viyāti attho.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਅਪ੍ਪਸ੍ਸੁਤਸੁਤ੍ਤਂ • 6. Appassutasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਅਪ੍ਪਸ੍ਸੁਤਸੁਤ੍ਤવਣ੍ਣਨਾ • 6. Appassutasuttavaṇṇanā
