| Library / Tipiṭaka / တိပိဋက • Tipiṭaka / မဟာဝဂ္ဂပာဠိ • Mahāvaggapāḷi |
၂၄၇. အပ္ပဋိကမ္မေ ဥက္ခေပနီယကမ္မကထာ
247. Appaṭikamme ukkhepanīyakammakathā
၄၁၆. ဣဓ ပန, ဘိက္ခဝေ, ဘိက္ခု အာပတ္တိံ အာပဇ္ဇိတ္ဝာ န ဣစ္ဆတိ အာပတ္တိံ ပဋိကာတုံ။ တတ္ရ စေ ဘိက္ခူနံ ဧဝံ ဟောတိ – ‘‘အယံ ခော, အာဝုသော, ဘိက္ခု အာပတ္တိံ အာပဇ္ဇိတ္ဝာ န ဣစ္ဆတိ အာပတ္တိံ ပဋိကာတုံ။ ဟန္ဒသ္သ မယံ အာပတ္တိယာ အပ္ပဋိကမ္မေ ဥက္ခေပနီယကမ္မံ ကရောမာ’’တိ ။ တေ တသ္သ အာပတ္တိယာ အပ္ပဋိကမ္မေ ဥက္ခေပနီယကမ္မံ ကရောန္တိ – အဓမ္မေန ဝဂ္ဂာ။ သော တမ္ဟာ အာဝာသာ အညံ အာဝာသံ ဂစ္ဆတိ။ တတ္ထပိ ဘိက္ခူနံ ဧဝံ ဟောတိ – ‘‘အယံ ခော, အာဝုသော, ဘိက္ခု သင္ဃေန အာပတ္တိယာ အပ္ပဋိကမ္မေ ဥက္ခေပနီယကမ္မကတော အဓမ္မေန ဝဂ္ဂေဟိ။ ဟန္ဒသ္သ မယံ အာပတ္တိယာ အပ္ပဋိကမ္မေ ဥက္ခေပနီယကမ္မံ ကရောမာ’’တိ။ တေ တသ္သ အာပတ္တိယာ အပ္ပဋိကမ္မေ ဥက္ခေပနီယကမ္မံ ကရောန္တိ – အဓမ္မေန သမဂ္ဂာ။ပေ.။ ဓမ္မေန ဝဂ္ဂာ။ ဓမ္မပတိရူပကေန ဝဂ္ဂာ။ ဓမ္မပတိရူပကေန သမဂ္ဂာ။ပေ.။။
416. Idha pana, bhikkhave, bhikkhu āpattiṃ āpajjitvā na icchati āpattiṃ paṭikātuṃ. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu āpattiṃ āpajjitvā na icchati āpattiṃ paṭikātuṃ. Handassa mayaṃ āpattiyā appaṭikamme ukkhepanīyakammaṃ karomā’’ti . Te tassa āpattiyā appaṭikamme ukkhepanīyakammaṃ karonti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena āpattiyā appaṭikamme ukkhepanīyakammakato adhammena vaggehi. Handassa mayaṃ āpattiyā appaṭikamme ukkhepanīyakammaṃ karomā’’ti. Te tassa āpattiyā appaṭikamme ukkhepanīyakammaṃ karonti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
စက္ကံ ကာတဗ္ဗံ။
Cakkaṃ kātabbaṃ.
အပ္ပဋိကမ္မေ ဥက္ခေပနီယကမ္မကထာ နိဋ္ဌိတာ။
Appaṭikamme ukkhepanīyakammakathā niṭṭhitā.
