| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
268. аббадигаммз угкзбанийяагаммабадиббассад̣̇д̇хигат̇аа
268. Appaṭikamme ukkhepanīyakammapaṭippassaddhikathā
449. ид̇ха бана, бхигкавз, бхигку сан̇гхзна аабад̇д̇ияаа аббадигаммз угкзбанийяагаммагад̇о саммаа вад̇д̇ад̇и, ломам̣ баад̇зд̇и, нзд̇т̇аарам̣ вад̇д̇ад̇и, аабад̇д̇ияаа аббадигаммз угкзбанийяасса гаммасса бадиббассад̣̇д̇хим̣ яаажад̇и. д̇ад̇ра жз бхигкуунам̣ звам̣ ход̇и – ‘‘аяам̣ ко, аавусо, бхигку сан̇гхзна аабад̇д̇ияаа аббадигаммз угкзбанийяагаммагад̇о саммаа вад̇д̇ад̇и, ломам̣ баад̇зд̇и, нзд̇т̇аарам̣ вад̇д̇ад̇и, аабад̇д̇ияаа аббадигаммз угкзбанийяасса гаммасса бадиббассад̣̇д̇хим̣ яаажад̇и. ханд̣̇асса маяам̣ аабад̇д̇ияаа аббадигаммз угкзбанийяагаммам̣ бадиббассамбхзмаа’’д̇и. д̇з д̇асса аабад̇д̇ияаа аббадигаммз угкзбанийяагаммам̣ бадиббассамбхзнд̇и – ад̇хаммзна ваг̇г̇аа…бз… ад̇хаммзна самаг̇г̇аа… д̇хаммзна ваг̇г̇аа… д̇хаммабад̇ируубагзна ваг̇г̇аа… д̇хаммабад̇ируубагзна самаг̇г̇аа. д̇ад̇радто сан̇гхо вивад̣̇ад̇и – ‘‘ад̇хаммзна ваг̇г̇агаммам̣, ад̇хаммзна самаг̇г̇агаммам̣, д̇хаммзна ваг̇г̇агаммам̣, д̇хаммабад̇ируубагзна ваг̇г̇агаммам̣, д̇хаммабад̇ируубагзна самаг̇г̇агаммам̣, агад̇ам̣ гаммам̣ д̣̇уггадам̣ гаммам̣ буна гаад̇аб̣б̣ам̣ гамма’’нд̇и. д̇ад̇ра, бхигкавз, яз д̇з бхигкуу звамаахам̣су – ‘‘д̇хаммабад̇ируубагзна самаг̇г̇агамма’’нд̇и, яз жа д̇з бхигкуу звамаахам̣су – ‘‘агад̇ам̣ гаммам̣ д̣̇уггадам̣ гаммам̣ буна гаад̇аб̣б̣ам̣ гамма’’нд̇и, имз д̇ад̇т̇а бхигкуу д̇хаммаваад̣̇ино. имзби бан̃жа ваараа сам̣кид̇д̇аа.
449. Idha pana, bhikkhave, bhikkhu saṅghena āpattiyā appaṭikamme ukkhepanīyakammakato sammā vattati, lomaṃ pāteti, netthāraṃ vattati, āpattiyā appaṭikamme ukkhepanīyassa kammassa paṭippassaddhiṃ yācati. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena āpattiyā appaṭikamme ukkhepanīyakammakato sammā vattati, lomaṃ pāteti, netthāraṃ vattati, āpattiyā appaṭikamme ukkhepanīyassa kammassa paṭippassaddhiṃ yācati. Handassa mayaṃ āpattiyā appaṭikamme ukkhepanīyakammaṃ paṭippassambhemā’’ti. Te tassa āpattiyā appaṭikamme ukkhepanīyakammaṃ paṭippassambhenti – adhammena vaggā…pe… adhammena samaggā… dhammena vaggā… dhammapatirūpakena vaggā… dhammapatirūpakena samaggā. Tatraṭṭho saṅgho vivadati – ‘‘adhammena vaggakammaṃ, adhammena samaggakammaṃ, dhammena vaggakammaṃ, dhammapatirūpakena vaggakammaṃ, dhammapatirūpakena samaggakammaṃ, akataṃ kammaṃ dukkaṭaṃ kammaṃ puna kātabbaṃ kamma’’nti. Tatra, bhikkhave, ye te bhikkhū evamāhaṃsu – ‘‘dhammapatirūpakena samaggakamma’’nti, ye ca te bhikkhū evamāhaṃsu – ‘‘akataṃ kammaṃ dukkaṭaṃ kammaṃ puna kātabbaṃ kamma’’nti, ime tattha bhikkhū dhammavādino. Imepi pañca vārā saṃkhittā.
аббадигаммз угкзбанийяагаммабадиббассад̣̇д̇хигат̇аа нидтид̇аа.
Appaṭikamme ukkhepanīyakammapaṭippassaddhikathā niṭṭhitā.
