| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
262. аббадиниссаг̇г̇з угкзбанийяагаммавиваад̣̇агат̇аа
262. Appaṭinissagge ukkhepanīyakammavivādakathā
439. ид̇ха бана, бхигкавз, бхигку на ижчад̇и баабигам̣ д̣̇идтим̣ бадиниссаж̇ж̇ид̇ум̣. д̇ад̇ра жз бхигкуунам̣ звам̣ ход̇и – ‘‘аяам̣ ко, аавусо, бхигку на ижчад̇и баабигам̣ д̣̇идтим̣ бадиниссаж̇ж̇ид̇ум̣. ханд̣̇асса маяам̣ баабигааяа д̣̇идтияаа аббадиниссаг̇г̇з угкзбанийяагаммам̣ гаромаа’’д̇и. д̇з д̇асса баабигааяа д̣̇идтияаа аббадиниссаг̇г̇з угкзбанийяагаммам̣ гаронд̇и – ад̇хаммзна ваг̇г̇аа…бз… ад̇хаммзна самаг̇г̇аа… д̇хаммзна ваг̇г̇аа… д̇хаммабад̇ируубагзна ваг̇г̇аа… д̇хаммабад̇ируубагзна самаг̇г̇аа. д̇ад̇радто сан̇гхо вивад̣̇ад̇и – ‘‘ад̇хаммзна ваг̇г̇агаммам̣, ад̇хаммзна самаг̇г̇агаммам̣, д̇хаммзна ваг̇г̇агаммам̣, д̇хаммабад̇ируубагзна ваг̇г̇агаммам̣, д̇хаммабад̇ируубагзна самаг̇г̇агаммам̣, агад̇ам̣ гаммам̣ д̣̇уггадам̣ гаммам̣ буна гаад̇аб̣б̣ам̣ гамма’’нд̇и. д̇ад̇ра, бхигкавз, яз д̇з бхигкуу звамаахам̣су – ‘‘д̇хаммабад̇ируубагзна самаг̇г̇агамма’’нд̇и, яз жа д̇з бхигкуу звамаахам̣су – ‘‘агад̇ам̣ гаммам̣ д̣̇уггадам̣ гаммам̣ буна гаад̇аб̣б̣ам̣ гамма’’нд̇и, имз д̇ад̇т̇а бхигкуу д̇хаммаваад̣̇ино. имз бан̃жа ваараа сам̣кид̇д̇аа.
439. Idha pana, bhikkhave, bhikkhu na icchati pāpikaṃ diṭṭhiṃ paṭinissajjituṃ. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu na icchati pāpikaṃ diṭṭhiṃ paṭinissajjituṃ. Handassa mayaṃ pāpikāya diṭṭhiyā appaṭinissagge ukkhepanīyakammaṃ karomā’’ti. Te tassa pāpikāya diṭṭhiyā appaṭinissagge ukkhepanīyakammaṃ karonti – adhammena vaggā…pe… adhammena samaggā… dhammena vaggā… dhammapatirūpakena vaggā… dhammapatirūpakena samaggā. Tatraṭṭho saṅgho vivadati – ‘‘adhammena vaggakammaṃ, adhammena samaggakammaṃ, dhammena vaggakammaṃ, dhammapatirūpakena vaggakammaṃ, dhammapatirūpakena samaggakammaṃ, akataṃ kammaṃ dukkaṭaṃ kammaṃ puna kātabbaṃ kamma’’nti. Tatra, bhikkhave, ye te bhikkhū evamāhaṃsu – ‘‘dhammapatirūpakena samaggakamma’’nti, ye ca te bhikkhū evamāhaṃsu – ‘‘akataṃ kammaṃ dukkaṭaṃ kammaṃ puna kātabbaṃ kamma’’nti, ime tattha bhikkhū dhammavādino. Ime pañca vārā saṃkhittā.
аббадиниссаг̇г̇з угкзбанийяагаммавиваад̣̇агат̇аа нидтид̇аа.
Appaṭinissagge ukkhepanīyakammavivādakathā niṭṭhitā.
