| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. அப்படிவிதி³தஸுத்தவண்ணனா
7. Appaṭividitasuttavaṇṇanā
7. ஸத்தமே த⁴ம்மாதி சதுஸச்சத⁴ம்மா. அப்படிவிதி³தாதி ஞாணேன அப்படிவித்³தா⁴. பரவாதே³ஸூதி த்³வாஸட்டி²தி³ட்டி²க³தவாதே³ஸு. தே ஹி இதோ பரேஸங் தித்தி²யானங் வாத³த்தா பரவாதா³ நாம. நீயரேதி அத்தனோ த⁴ம்மதாயபி க³ச்ச²ந்தி, பரேனபி நீயந்தி. தத்த² ஸயமேவ ஸஸ்ஸதாதீ³னி க³ண்ஹந்தா க³ச்ச²ந்தி நாம, பரஸ்ஸ வசனேன தானி க³ண்ஹந்தா நீயந்தி நாம. காலோ தேஸங் பபு³ஜ்ஜி²துந்தி தேஸங் புக்³க³லானங் பபு³ஜ்ஜி²துங் அயங் காலோ. லோகஸ்மிஞ்ஹி பு³த்³தோ⁴ உப்பன்னோ, த⁴ம்மோ தே³ஸியதி, ஸங்கோ⁴ ஸுப்படிபன்னோ, படிபதா³ ப⁴த்³தி³கா, இமே ச பன மஹாஜனா வட்டே ஸுத்தா நப்பபு³ஜ்ஜ²ந்தீதி தே³வதா ஆஹ. ஸம்பு³த்³தா⁴தி ஸம்மா ஹேதுனா காரணேன பு³த்³தா⁴. சத்தாரோ ஹி பு³த்³தா⁴ – ஸப்³ப³ஞ்ஞுபு³த்³தோ⁴, பச்சேகபு³த்³தோ⁴, சதுஸச்சபு³த்³தோ⁴, ஸுதபு³த்³தோ⁴தி. தத்த² ஸமதிங்ஸபாரமியோ பூரெத்வா ஸம்மாஸம்போ³தி⁴ங் பத்தோ ஸப்³ப³ஞ்ஞுபு³த்³தோ⁴ நாம. கப்பஸதஸஹஸ்ஸாதி⁴கானி த்³வே அஸங்க்²யெய்யானி பாரமியோ பூரெத்வா ஸயம்பு⁴தங் பத்தோ பச்சேகபு³த்³தோ⁴ நாம. அவஸேஸா கீ²ணாஸவா சதுஸச்சபு³த்³தா⁴ நாம. ப³ஹுஸ்ஸுதோ ஸுதபு³த்³தோ⁴ நாம. இமஸ்மிங் அத்தே² தயோபி புரிமா வட்டந்தி. ஸம்மத³ஞ்ஞாதி ஸம்மா ஹேதுனா காரணேன ஜானித்வா. சரந்தி விஸமே ஸமந்தி விஸமே வா லோகஸன்னிவாஸே விஸமே வா ஸத்தனிகாயே விஸமே வா கிலேஸஜாதே ஸமங் சரந்தீதி.
7. Sattame dhammāti catusaccadhammā. Appaṭividitāti ñāṇena appaṭividdhā. Paravādesūti dvāsaṭṭhidiṭṭhigatavādesu. Te hi ito paresaṃ titthiyānaṃ vādattā paravādā nāma. Nīyareti attano dhammatāyapi gacchanti, parenapi nīyanti. Tattha sayameva sassatādīni gaṇhantā gacchanti nāma, parassa vacanena tāni gaṇhantā nīyanti nāma. Kālo tesaṃ pabujjhitunti tesaṃ puggalānaṃ pabujjhituṃ ayaṃ kālo. Lokasmiñhi buddho uppanno, dhammo desiyati, saṅgho suppaṭipanno, paṭipadā bhaddikā, ime ca pana mahājanā vaṭṭe suttā nappabujjhantīti devatā āha. Sambuddhāti sammā hetunā kāraṇena buddhā. Cattāro hi buddhā – sabbaññubuddho, paccekabuddho, catusaccabuddho, sutabuddhoti. Tattha samatiṃsapāramiyo pūretvā sammāsambodhiṃ patto sabbaññubuddho nāma. Kappasatasahassādhikāni dve asaṅkhyeyyāni pāramiyo pūretvā sayambhutaṃ patto paccekabuddho nāma. Avasesā khīṇāsavā catusaccabuddhā nāma. Bahussuto sutabuddho nāma. Imasmiṃ atthe tayopi purimā vaṭṭanti. Sammadaññāti sammā hetunā kāraṇena jānitvā. Caranti visame samanti visame vā lokasannivāse visame vā sattanikāye visame vā kilesajāte samaṃ carantīti.
அப்படிவிதி³தஸுத்தவண்ணனா நிட்டி²தா.
Appaṭividitasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. அப்படிவிதி³தஸுத்தங் • 7. Appaṭividitasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. அப்படிவிதி³தஸுத்தவண்ணனா • 7. Appaṭividitasuttavaṇṇanā
