| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. аббадивид̣̇ид̇асуд̇д̇аван̣н̣анаа
7. Appaṭividitasuttavaṇṇanā
7. бавад̇д̇инивад̇д̇ид̇ад̣̇убхаяахзд̇увибхааг̇асса д̇хаммассаби жад̇усажжанд̇ог̇ад̇хад̇д̇аа ааха ‘‘д̇хаммаад̇и жад̇усажжад̇хаммаа’’д̇и. жад̇д̇аариби хи арияасажжаани жад̇усажжанд̇ог̇ад̇хаани. аббадивид̣̇д̇хаад̇и барин̃н̃аабхисамаяаад̣̇ивасзна анабхисамид̇аа. д̣̇идтиг̇ад̇аваад̣̇зсууд̇и д̣̇идтиг̇ад̇асан̃н̃ид̇зсу ваад̣̇зсу. д̣̇идтиг̇ад̇зхи д̇з бавад̇д̇ид̇аа. ид̇о барзсанд̇и ид̇о саасанигзхи барзсам̣ ан̃н̃зсам̣. д̇хаммад̇ааяаад̇и сабхаавзна, саяамзваад̇и ад̇т̇о. г̇ажчанд̇ийд̇и бавад̇д̇анд̇и д̣̇идтиваад̣̇ам̣ баг̇г̇аяха д̇идтанд̇и. барзнаад̇и д̣̇идтиг̇ад̇игзна. нийяанд̇ийд̇и д̣̇идтиваад̣̇асан̇г̇ан̣ханз уяяож̇ийяанд̇и. д̇знааха ‘‘д̇ад̇т̇аа’’д̇иаад̣̇и. баб̣уж̇жхид̇унд̇и бамаад̣̇анид̣̇д̣̇ааяа бадиб̣уж̇жхид̇ум̣. бадибад̣̇аа яат̇аад̣̇зсид̇асса д̇хаммасса гат̇ид̇ад̇ааяа, бадиб̣уж̇жхид̇ум̣ яонисо бавад̇д̇ияамаанад̇д̇аа бхад̣̇д̣̇игаа.
7. Pavattinivattitadubhayahetuvibhāgassa dhammassapi catusaccantogadhattā āha ‘‘dhammāti catusaccadhammā’’ti. Cattāripi hi ariyasaccāni catusaccantogadhāni. Appaṭividdhāti pariññābhisamayādivasena anabhisamitā. Diṭṭhigatavādesūti diṭṭhigatasaññitesu vādesu. Diṭṭhigatehi te pavattitā. Ito paresanti ito sāsanikehi paresaṃ aññesaṃ. Dhammatāyāti sabhāvena, sayamevāti attho. Gacchantīti pavattanti diṭṭhivādaṃ paggayha tiṭṭhanti. Parenāti diṭṭhigatikena. Nīyantīti diṭṭhivādasaṅgaṇhane uyyojīyanti. Tenāha ‘‘tatthā’’tiādi. Pabujjhitunti pamādaniddāya paṭibujjhituṃ. Paṭipadā yathādesitassa dhammassa kathitatāya, paṭibujjhituṃ yoniso pavattiyamānattā bhaddikā.
хзд̇унаад̇и н̃ааязна. гааран̣знаад̇и жад̇усажжаанам̣ самб̣од̇хаяуд̇д̇ияаа. хад̇т̇ад̇алз аамалагам̣ вияа саб̣б̣ам̣ н̃зяяам̣ ж̇аанаад̇ийд̇и саб̣б̣ан̃н̃уу, д̇знзва саб̣б̣ан̃н̃уд̇аабхисамб̣од̇хзна б̣уд̣̇д̇ход̇и саб̣б̣ан̃н̃уб̣уд̣̇д̇хо. бажжзгам̣ барзхи асаад̇хааран̣ад̇ааяа висум̣ саяамбхун̃аан̣зна сажжаани б̣уд̣̇д̇хаваад̇и бажжзгаб̣уд̣̇д̇хо. баробад̣̇зсзна жад̇усажжам̣ б̣уж̇жхад̇ийд̇и жад̇усажжаб̣уд̣̇д̇хо. д̇ат̇аа хи со саяамбхуд̇ааяа абхаавад̇о гзвалам̣ жад̇усажжаб̣уд̣̇д̇ход̇и вужжад̇и. суд̇зна суд̇амаяан̃аан̣зна канд̇хаад̣̇ибхзд̣̇ам̣ н̃зяяам̣ б̣уд̣̇д̇хаваад̇и суд̇аб̣уд̣̇д̇хо. саб̣б̣ан̃н̃уб̣уд̣̇д̇хабажжзгаб̣уд̣̇д̇хз табзд̇ваа авасзсаа аг̇г̇асаавагамахаасаавагааби багад̇исаавагааби вийд̇арааг̇аа авасзсаа кийн̣аасаваа. д̇аяоби буримаа вадданд̇и самб̣уд̣̇д̇хаад̇иаад̣̇иважанад̇о. саннивасад̇и зд̇знаад̇и санниваасо, жарид̇ам̣. логасса санниваасо логасанниваасо, д̇асмим̣. гааяад̣̇ужжарид̇аад̣̇ибхзд̣̇з висамз. сад̇исаммосзна висамз ваа сад̇д̇анигааяз. со хи висамаяог̇ад̇о висамо. рааг̇ависамаад̣̇игз висамз ваа гилзсаж̇аад̇з. д̇ам̣ висамам̣ бахааяа д̇ам̣ висамам̣ аж̇жхубзгкид̇ваа самам̣ сад̣̇исам̣ яуд̇д̇аруубам̣, буримагзхи ваа самб̣уд̣̇д̇хзхи самам̣ сад̣̇исам̣ жаранд̇и вад̇д̇анд̇и.
Hetunāti ñāyena. Kāraṇenāti catusaccānaṃ sambodhayuttiyā. Hatthatale āmalakaṃ viya sabbaṃ ñeyyaṃ jānātīti sabbaññū, teneva sabbaññutābhisambodhena buddhoti sabbaññubuddho. Paccekaṃ parehi asādhāraṇatāya visuṃ sayambhuñāṇena saccāni buddhavāti paccekabuddho. Paropadesena catusaccaṃ bujjhatīti catusaccabuddho. Tathā hi so sayambhutāya abhāvato kevalaṃ catusaccabuddhoti vuccati. Sutena sutamayañāṇena khandhādibhedaṃ ñeyyaṃ buddhavāti sutabuddho. Sabbaññubuddhapaccekabuddhe ṭhapetvā avasesā aggasāvakamahāsāvakāpi pakatisāvakāpi vītarāgā avasesā khīṇāsavā. Tayopi purimā vaṭṭanti sambuddhātiādivacanato. Sannivasati etenāti sannivāso, caritaṃ. Lokassa sannivāso lokasannivāso, tasmiṃ. Kāyaduccaritādibhede visame. Satisammosena visame vā sattanikāye. So hi visamayogato visamo. Rāgavisamādike visame vā kilesajāte. Taṃ visamaṃ pahāya taṃ visamaṃ ajjhupekkhitvā samaṃ sadisaṃ yuttarūpaṃ, purimakehi vā sambuddhehi samaṃ sadisaṃ caranti vattanti.
аббадивид̣̇ид̇асуд̇д̇аван̣н̣анаа нидтид̇аа.
Appaṭividitasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. аббадивид̣̇ид̇асуд̇д̇ам̣ • 7. Appaṭividitasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. аббадивид̣̇ид̇асуд̇д̇аван̣н̣анаа • 7. Appaṭividitasuttavaṇṇanā
