| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਅਪ੍ਪਟਿવਿਦਿਤਸੁਤ੍ਤવਣ੍ਣਨਾ
7. Appaṭividitasuttavaṇṇanā
੭. ਸਤ੍ਤਮੇ ਧਮ੍ਮਾਤਿ ਚਤੁਸਚ੍ਚਧਮ੍ਮਾ। ਅਪ੍ਪਟਿવਿਦਿਤਾਤਿ ਞਾਣੇਨ ਅਪ੍ਪਟਿવਿਦ੍ਧਾ। ਪਰવਾਦੇਸੂਤਿ ਦ੍વਾਸਟ੍ਠਿਦਿਟ੍ਠਿਗਤવਾਦੇਸੁ। ਤੇ ਹਿ ਇਤੋ ਪਰੇਸਂ ਤਿਤ੍ਥਿਯਾਨਂ વਾਦਤ੍ਤਾ ਪਰવਾਦਾ ਨਾਮ। ਨੀਯਰੇਤਿ ਅਤ੍ਤਨੋ ਧਮ੍ਮਤਾਯਪਿ ਗਚ੍ਛਨ੍ਤਿ, ਪਰੇਨਪਿ ਨੀਯਨ੍ਤਿ। ਤਤ੍ਥ ਸਯਮੇવ ਸਸ੍ਸਤਾਦੀਨਿ ਗਣ੍ਹਨ੍ਤਾ ਗਚ੍ਛਨ੍ਤਿ ਨਾਮ, ਪਰਸ੍ਸ વਚਨੇਨ ਤਾਨਿ ਗਣ੍ਹਨ੍ਤਾ ਨੀਯਨ੍ਤਿ ਨਾਮ। ਕਾਲੋ ਤੇਸਂ ਪਬੁਜ੍ਝਿਤੁਨ੍ਤਿ ਤੇਸਂ ਪੁਗ੍ਗਲਾਨਂ ਪਬੁਜ੍ਝਿਤੁਂ ਅਯਂ ਕਾਲੋ। ਲੋਕਸ੍ਮਿਞ੍ਹਿ ਬੁਦ੍ਧੋ ਉਪ੍ਪਨ੍ਨੋ, ਧਮ੍ਮੋ ਦੇਸਿਯਤਿ, ਸਙ੍ਘੋ ਸੁਪ੍ਪਟਿਪਨ੍ਨੋ, ਪਟਿਪਦਾ ਭਦ੍ਦਿਕਾ, ਇਮੇ ਚ ਪਨ ਮਹਾਜਨਾ વਟ੍ਟੇ ਸੁਤ੍ਤਾ ਨਪ੍ਪਬੁਜ੍ਝਨ੍ਤੀਤਿ ਦੇવਤਾ ਆਹ। ਸਮ੍ਬੁਦ੍ਧਾਤਿ ਸਮ੍ਮਾ ਹੇਤੁਨਾ ਕਾਰਣੇਨ ਬੁਦ੍ਧਾ। ਚਤ੍ਤਾਰੋ ਹਿ ਬੁਦ੍ਧਾ – ਸਬ੍ਬਞ੍ਞੁਬੁਦ੍ਧੋ, ਪਚ੍ਚੇਕਬੁਦ੍ਧੋ, ਚਤੁਸਚ੍ਚਬੁਦ੍ਧੋ, ਸੁਤਬੁਦ੍ਧੋਤਿ। ਤਤ੍ਥ ਸਮਤਿਂਸਪਾਰਮਿਯੋ ਪੂਰੇਤ੍વਾ ਸਮ੍ਮਾਸਮ੍ਬੋਧਿਂ ਪਤ੍ਤੋ ਸਬ੍ਬਞ੍ਞੁਬੁਦ੍ਧੋ ਨਾਮ। ਕਪ੍ਪਸਤਸਹਸ੍ਸਾਧਿਕਾਨਿ ਦ੍વੇ ਅਸਙ੍ਖ੍ਯੇਯ੍ਯਾਨਿ ਪਾਰਮਿਯੋ ਪੂਰੇਤ੍વਾ ਸਯਮ੍ਭੁਤਂ ਪਤ੍ਤੋ ਪਚ੍ਚੇਕਬੁਦ੍ਧੋ ਨਾਮ। ਅવਸੇਸਾ ਖੀਣਾਸવਾ ਚਤੁਸਚ੍ਚਬੁਦ੍ਧਾ ਨਾਮ। ਬਹੁਸ੍ਸੁਤੋ ਸੁਤਬੁਦ੍ਧੋ ਨਾਮ। ਇਮਸ੍ਮਿਂ ਅਤ੍ਥੇ ਤਯੋਪਿ ਪੁਰਿਮਾ વਟ੍ਟਨ੍ਤਿ। ਸਮ੍ਮਦਞ੍ਞਾਤਿ ਸਮ੍ਮਾ ਹੇਤੁਨਾ ਕਾਰਣੇਨ ਜਾਨਿਤ੍વਾ। ਚਰਨ੍ਤਿ વਿਸਮੇ ਸਮਨ੍ਤਿ વਿਸਮੇ વਾ ਲੋਕਸਨ੍ਨਿવਾਸੇ વਿਸਮੇ વਾ ਸਤ੍ਤਨਿਕਾਯੇ વਿਸਮੇ વਾ ਕਿਲੇਸਜਾਤੇ ਸਮਂ ਚਰਨ੍ਤੀਤਿ।
7. Sattame dhammāti catusaccadhammā. Appaṭividitāti ñāṇena appaṭividdhā. Paravādesūti dvāsaṭṭhidiṭṭhigatavādesu. Te hi ito paresaṃ titthiyānaṃ vādattā paravādā nāma. Nīyareti attano dhammatāyapi gacchanti, parenapi nīyanti. Tattha sayameva sassatādīni gaṇhantā gacchanti nāma, parassa vacanena tāni gaṇhantā nīyanti nāma. Kālo tesaṃ pabujjhitunti tesaṃ puggalānaṃ pabujjhituṃ ayaṃ kālo. Lokasmiñhi buddho uppanno, dhammo desiyati, saṅgho suppaṭipanno, paṭipadā bhaddikā, ime ca pana mahājanā vaṭṭe suttā nappabujjhantīti devatā āha. Sambuddhāti sammā hetunā kāraṇena buddhā. Cattāro hi buddhā – sabbaññubuddho, paccekabuddho, catusaccabuddho, sutabuddhoti. Tattha samatiṃsapāramiyo pūretvā sammāsambodhiṃ patto sabbaññubuddho nāma. Kappasatasahassādhikāni dve asaṅkhyeyyāni pāramiyo pūretvā sayambhutaṃ patto paccekabuddho nāma. Avasesā khīṇāsavā catusaccabuddhā nāma. Bahussuto sutabuddho nāma. Imasmiṃ atthe tayopi purimā vaṭṭanti. Sammadaññāti sammā hetunā kāraṇena jānitvā. Caranti visame samanti visame vā lokasannivāse visame vā sattanikāye visame vā kilesajāte samaṃ carantīti.
ਅਪ੍ਪਟਿવਿਦਿਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Appaṭividitasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਅਪ੍ਪਟਿવਿਦਿਤਸੁਤ੍ਤਂ • 7. Appaṭividitasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਅਪ੍ਪਟਿવਿਦਿਤਸੁਤ੍ਤવਣ੍ਣਨਾ • 7. Appaṭividitasuttavaṇṇanā
