| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. ਅਪ੍ਪਟਿવਿਦਿਤਸੁਤ੍ਤવਣ੍ਣਨਾ
7. Appaṭividitasuttavaṇṇanā
੭. ਪવਤ੍ਤਿਨਿવਤ੍ਤਿਤਦੁਭਯਹੇਤੁવਿਭਾਗਸ੍ਸ ਧਮ੍ਮਸ੍ਸਪਿ ਚਤੁਸਚ੍ਚਨ੍ਤੋਗਧਤ੍ਤਾ ਆਹ ‘‘ਧਮ੍ਮਾਤਿ ਚਤੁਸਚ੍ਚਧਮ੍ਮਾ’’ਤਿ। ਚਤ੍ਤਾਰਿਪਿ ਹਿ ਅਰਿਯਸਚ੍ਚਾਨਿ ਚਤੁਸਚ੍ਚਨ੍ਤੋਗਧਾਨਿ। ਅਪ੍ਪਟਿવਿਦ੍ਧਾਤਿ ਪਰਿਞ੍ਞਾਭਿਸਮਯਾਦਿવਸੇਨ ਅਨਭਿਸਮਿਤਾ। ਦਿਟ੍ਠਿਗਤવਾਦੇਸੂਤਿ ਦਿਟ੍ਠਿਗਤਸਞ੍ਞਿਤੇਸੁ વਾਦੇਸੁ। ਦਿਟ੍ਠਿਗਤੇਹਿ ਤੇ ਪવਤ੍ਤਿਤਾ। ਇਤੋ ਪਰੇਸਨ੍ਤਿ ਇਤੋ ਸਾਸਨਿਕੇਹਿ ਪਰੇਸਂ ਅਞ੍ਞੇਸਂ। ਧਮ੍ਮਤਾਯਾਤਿ ਸਭਾવੇਨ, ਸਯਮੇવਾਤਿ ਅਤ੍ਥੋ। ਗਚ੍ਛਨ੍ਤੀਤਿ ਪવਤ੍ਤਨ੍ਤਿ ਦਿਟ੍ਠਿવਾਦਂ ਪਗ੍ਗਯ੍ਹ ਤਿਟ੍ਠਨ੍ਤਿ। ਪਰੇਨਾਤਿ ਦਿਟ੍ਠਿਗਤਿਕੇਨ। ਨੀਯਨ੍ਤੀਤਿ ਦਿਟ੍ਠਿવਾਦਸਙ੍ਗਣ੍ਹਨੇ ਉਯ੍ਯੋਜੀਯਨ੍ਤਿ। ਤੇਨਾਹ ‘‘ਤਤ੍ਥਾ’’ਤਿਆਦਿ। ਪਬੁਜ੍ਝਿਤੁਨ੍ਤਿ ਪਮਾਦਨਿਦ੍ਦਾਯ ਪਟਿਬੁਜ੍ਝਿਤੁਂ। ਪਟਿਪਦਾ ਯਥਾਦੇਸਿਤਸ੍ਸ ਧਮ੍ਮਸ੍ਸ ਕਥਿਤਤਾਯ, ਪਟਿਬੁਜ੍ਝਿਤੁਂ ਯੋਨਿਸੋ ਪવਤ੍ਤਿਯਮਾਨਤ੍ਤਾ ਭਦ੍ਦਿਕਾ।
7. Pavattinivattitadubhayahetuvibhāgassa dhammassapi catusaccantogadhattā āha ‘‘dhammāti catusaccadhammā’’ti. Cattāripi hi ariyasaccāni catusaccantogadhāni. Appaṭividdhāti pariññābhisamayādivasena anabhisamitā. Diṭṭhigatavādesūti diṭṭhigatasaññitesu vādesu. Diṭṭhigatehi te pavattitā. Ito paresanti ito sāsanikehi paresaṃ aññesaṃ. Dhammatāyāti sabhāvena, sayamevāti attho. Gacchantīti pavattanti diṭṭhivādaṃ paggayha tiṭṭhanti. Parenāti diṭṭhigatikena. Nīyantīti diṭṭhivādasaṅgaṇhane uyyojīyanti. Tenāha ‘‘tatthā’’tiādi. Pabujjhitunti pamādaniddāya paṭibujjhituṃ. Paṭipadā yathādesitassa dhammassa kathitatāya, paṭibujjhituṃ yoniso pavattiyamānattā bhaddikā.
ਹੇਤੁਨਾਤਿ ਞਾਯੇਨ। ਕਾਰਣੇਨਾਤਿ ਚਤੁਸਚ੍ਚਾਨਂ ਸਮ੍ਬੋਧਯੁਤ੍ਤਿਯਾ। ਹਤ੍ਥਤਲੇ ਆਮਲਕਂ વਿਯ ਸਬ੍ਬਂ ਞੇਯ੍ਯਂ ਜਾਨਾਤੀਤਿ ਸਬ੍ਬਞ੍ਞੂ, ਤੇਨੇવ ਸਬ੍ਬਞ੍ਞੁਤਾਭਿਸਮ੍ਬੋਧੇਨ ਬੁਦ੍ਧੋਤਿ ਸਬ੍ਬਞ੍ਞੁਬੁਦ੍ਧੋ। ਪਚ੍ਚੇਕਂ ਪਰੇਹਿ ਅਸਾਧਾਰਣਤਾਯ વਿਸੁਂ ਸਯਮ੍ਭੁਞਾਣੇਨ ਸਚ੍ਚਾਨਿ ਬੁਦ੍ਧવਾਤਿ ਪਚ੍ਚੇਕਬੁਦ੍ਧੋ। ਪਰੋਪਦੇਸੇਨ ਚਤੁਸਚ੍ਚਂ ਬੁਜ੍ਝਤੀਤਿ ਚਤੁਸਚ੍ਚਬੁਦ੍ਧੋ। ਤਥਾ ਹਿ ਸੋ ਸਯਮ੍ਭੁਤਾਯ ਅਭਾવਤੋ ਕੇવਲਂ ਚਤੁਸਚ੍ਚਬੁਦ੍ਧੋਤਿ વੁਚ੍ਚਤਿ। ਸੁਤੇਨ ਸੁਤਮਯਞਾਣੇਨ ਖਨ੍ਧਾਦਿਭੇਦਂ ਞੇਯ੍ਯਂ ਬੁਦ੍ਧવਾਤਿ ਸੁਤਬੁਦ੍ਧੋ। ਸਬ੍ਬਞ੍ਞੁਬੁਦ੍ਧਪਚ੍ਚੇਕਬੁਦ੍ਧੇ ਠਪੇਤ੍વਾ ਅવਸੇਸਾ ਅਗ੍ਗਸਾવਕਮਹਾਸਾવਕਾਪਿ ਪਕਤਿਸਾવਕਾਪਿ વੀਤਰਾਗਾ ਅવਸੇਸਾ ਖੀਣਾਸવਾ। ਤਯੋਪਿ ਪੁਰਿਮਾ વਟ੍ਟਨ੍ਤਿ ਸਮ੍ਬੁਦ੍ਧਾਤਿਆਦਿવਚਨਤੋ। ਸਨ੍ਨਿવਸਤਿ ਏਤੇਨਾਤਿ ਸਨ੍ਨਿવਾਸੋ, ਚਰਿਤਂ। ਲੋਕਸ੍ਸ ਸਨ੍ਨਿવਾਸੋ ਲੋਕਸਨ੍ਨਿવਾਸੋ, ਤਸ੍ਮਿਂ। ਕਾਯਦੁਚ੍ਚਰਿਤਾਦਿਭੇਦੇ વਿਸਮੇ। ਸਤਿਸਮ੍ਮੋਸੇਨ વਿਸਮੇ વਾ ਸਤ੍ਤਨਿਕਾਯੇ। ਸੋ ਹਿ વਿਸਮਯੋਗਤੋ વਿਸਮੋ। ਰਾਗવਿਸਮਾਦਿਕੇ વਿਸਮੇ વਾ ਕਿਲੇਸਜਾਤੇ। ਤਂ વਿਸਮਂ ਪਹਾਯ ਤਂ વਿਸਮਂ ਅਜ੍ਝੁਪੇਕ੍ਖਿਤ੍વਾ ਸਮਂ ਸਦਿਸਂ ਯੁਤ੍ਤਰੂਪਂ, ਪੁਰਿਮਕੇਹਿ વਾ ਸਮ੍ਬੁਦ੍ਧੇਹਿ ਸਮਂ ਸਦਿਸਂ ਚਰਨ੍ਤਿ વਤ੍ਤਨ੍ਤਿ।
Hetunāti ñāyena. Kāraṇenāti catusaccānaṃ sambodhayuttiyā. Hatthatale āmalakaṃ viya sabbaṃ ñeyyaṃ jānātīti sabbaññū, teneva sabbaññutābhisambodhena buddhoti sabbaññubuddho. Paccekaṃ parehi asādhāraṇatāya visuṃ sayambhuñāṇena saccāni buddhavāti paccekabuddho. Paropadesena catusaccaṃ bujjhatīti catusaccabuddho. Tathā hi so sayambhutāya abhāvato kevalaṃ catusaccabuddhoti vuccati. Sutena sutamayañāṇena khandhādibhedaṃ ñeyyaṃ buddhavāti sutabuddho. Sabbaññubuddhapaccekabuddhe ṭhapetvā avasesā aggasāvakamahāsāvakāpi pakatisāvakāpi vītarāgā avasesā khīṇāsavā. Tayopi purimā vaṭṭanti sambuddhātiādivacanato. Sannivasati etenāti sannivāso, caritaṃ. Lokassa sannivāso lokasannivāso, tasmiṃ. Kāyaduccaritādibhede visame. Satisammosena visame vā sattanikāye. So hi visamayogato visamo. Rāgavisamādike visame vā kilesajāte. Taṃ visamaṃ pahāya taṃ visamaṃ ajjhupekkhitvā samaṃ sadisaṃ yuttarūpaṃ, purimakehi vā sambuddhehi samaṃ sadisaṃ caranti vattanti.
ਅਪ੍ਪਟਿવਿਦਿਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Appaṭividitasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਅਪ੍ਪਟਿવਿਦਿਤਸੁਤ੍ਤਂ • 7. Appaṭividitasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਅਪ੍ਪਟਿવਿਦਿਤਸੁਤ੍ਤવਣ੍ਣਨਾ • 7. Appaṭividitasuttavaṇṇanā
