Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi

    2. аббааяугасуд̇д̇ам̣

    2. Appāyukasuttaṃ

    42. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ааяасмаа аананд̣̇о сааяанхасамаяам̣ бадисаллаанаа 1 вудтид̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘ажчарияам̣, бханд̇з, аб̣бхуд̇ам̣, бханд̇з! яаава аббааяугаа хи, бханд̇з, бхаг̇авад̇о маад̇аа ахоси, сад̇д̇аахаж̇аад̇з бхаг̇авад̇и бхаг̇авад̇о маад̇аа гааламагааси, д̇усид̇ам̣ гааяам̣ убабаж̇ж̇ий’’д̇и.

    42. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho āyasmā ānando sāyanhasamayaṃ paṭisallānā 2 vuṭṭhito yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘acchariyaṃ, bhante, abbhutaṃ, bhante! Yāva appāyukā hi, bhante, bhagavato mātā ahosi, sattāhajāte bhagavati bhagavato mātā kālamakāsi, tusitaṃ kāyaṃ upapajjī’’ti.

    ‘‘звамзд̇ам̣, аананд̣̇а 3, аббааяугаа хи, аананд̣̇а, б̣од̇хисад̇д̇амаад̇аро хонд̇и. сад̇д̇аахаж̇аад̇зсу б̣од̇хисад̇д̇зсу б̣од̇хисад̇д̇амаад̇аро гаалам̣ гаронд̇и, д̇усид̇ам̣ гааяам̣ убабаж̇ж̇анд̇ий’’д̇и.

    ‘‘Evametaṃ, ānanda 4, appāyukā hi, ānanda, bodhisattamātaro honti. Sattāhajātesu bodhisattesu bodhisattamātaro kālaṃ karonti, tusitaṃ kāyaṃ upapajjantī’’ti.

    ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –

    Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –

    ‘‘яз гзжи бхууд̇аа бхависсанд̇и яз вааби,

    ‘‘Ye keci bhūtā bhavissanti ye vāpi,

    саб̣б̣з г̇амиссанд̇и бахааяа д̣̇зхам̣;

    Sabbe gamissanti pahāya dehaṃ;

    д̇ам̣ саб̣б̣аж̇ааним̣ гусало вид̣̇ид̇ваа,

    Taṃ sabbajāniṃ kusalo viditvā,

    аад̇аабияо б̣рахмажарияам̣ жарзяяаа’’д̇и. д̣̇уд̇ияам̣;

    Ātāpiyo brahmacariyaṃ careyyā’’ti. dutiyaṃ;




    Next: 3. суббаб̣уд̣̇д̇хагудтисуд̇д̇ам̣ • 3. Suppabuddhakuṭṭhisuttaṃ




    Footnotes:
    1. бадисаллаан̣аа (сий.)
    2. paṭisallāṇā (sī.)
    3. звамзд̇ам̣ аананд̣̇а звамзд̇ам̣ аананд̣̇а (сяаа.)
    4. evametaṃ ānanda evametaṃ ānanda (syā.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 2. аббааяугасуд̇д̇аван̣н̣анаа • 2. Appāyukasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact