| Library / Tipiṭaka / तिपिटक • Tipiṭaka / उदानपाळि • Udānapāḷi |
२. अप्पायुकसुत्तं
2. Appāyukasuttaṃ
४२. एवं मे सुतं – एकं समयं भगवा सावत्थियं विहरति जेतवने अनाथपिण्डिकस्स आरामे। अथ खो आयस्मा आनन्दो सायन्हसमयं पटिसल्लाना 1 वुट्ठितो येन भगवा तेनुपसङ्कमि; उपसङ्कमित्वा भगवन्तं अभिवादेत्वा एकमन्तं निसीदि। एकमन्तं निसिन्नो खो आयस्मा आनन्दो भगवन्तं एतदवोच – ‘‘अच्छरियं, भन्ते, अब्भुतं, भन्ते! याव अप्पायुका हि, भन्ते, भगवतो माता अहोसि, सत्ताहजाते भगवति भगवतो माता कालमकासि, तुसितं कायं उपपज्जी’’ति।
42. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho āyasmā ānando sāyanhasamayaṃ paṭisallānā 2 vuṭṭhito yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘acchariyaṃ, bhante, abbhutaṃ, bhante! Yāva appāyukā hi, bhante, bhagavato mātā ahosi, sattāhajāte bhagavati bhagavato mātā kālamakāsi, tusitaṃ kāyaṃ upapajjī’’ti.
‘‘एवमेतं, आनन्द 3, अप्पायुका हि, आनन्द, बोधिसत्तमातरो होन्ति। सत्ताहजातेसु बोधिसत्तेसु बोधिसत्तमातरो कालं करोन्ति, तुसितं कायं उपपज्जन्ती’’ति।
‘‘Evametaṃ, ānanda 4, appāyukā hi, ānanda, bodhisattamātaro honti. Sattāhajātesu bodhisattesu bodhisattamātaro kālaṃ karonti, tusitaṃ kāyaṃ upapajjantī’’ti.
अथ खो भगवा एतमत्थं विदित्वा तायं वेलायं इमं उदानं उदानेसि –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘ये केचि भूता भविस्सन्ति ये वापि,
‘‘Ye keci bhūtā bhavissanti ye vāpi,
सब्बे गमिस्सन्ति पहाय देहं।
Sabbe gamissanti pahāya dehaṃ;
तं सब्बजानिं कुसलो विदित्वा,
Taṃ sabbajāniṃ kusalo viditvā,
आतापियो ब्रह्मचरियं चरेय्या’’ति॥ दुतियं।
Ātāpiyo brahmacariyaṃ careyyā’’ti. dutiyaṃ;
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / उदान-अट्ठकथा • Udāna-aṭṭhakathā / २. अप्पायुकसुत्तवण्णना • 2. Appāyukasuttavaṇṇanā
