| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੧੭. ਆਪੁਚ੍ਛਕਰਣਨਿਦ੍ਦੇਸવਣ੍ਣਨਾ
17. Āpucchakaraṇaniddesavaṇṇanā
੧੬੧. ਆਪੁਚ੍ਛਕਰਣਨ੍ਤਿ ਆਪੁਚ੍ਛਾਯ ਕਰਣਂ। ਅਨਜ੍ਝਿਟ੍ਠੋવਾਤਿ ਅਨਾਣਤ੍ਤੋવ, ਅਯਾਚਿਤੋ ਏવ વਾ। ਨ ਚ વਿਸ੍ਸਜੇਤਿ ਪੁਚ੍ਛਿਤਪਞ੍ਹਂ ਨ વਿਸ੍ਸਜ੍ਜੇਯ੍ਯ ਚ, ਆਪੁਚ੍ਛਿਤ੍વਾ વਾ ਯਾਚਿਤੋ વਾ ਯਥਾવੁਤ੍ਤਮੇਤਂ ਕਾਤੁਂ ਲਭਤੀਤਿ ਅਧਿਪ੍ਪਾਯੋ।
161.Āpucchakaraṇanti āpucchāya karaṇaṃ. Anajjhiṭṭhovāti anāṇattova, ayācito eva vā. Na ca vissajeti pucchitapañhaṃ na vissajjeyya ca, āpucchitvā vā yācito vā yathāvuttametaṃ kātuṃ labhatīti adhippāyo.
੧੬੨. ਆਪੁਚ੍ਛਿਤ੍વਾ ਕਥੇਨ੍ਤਸ੍ਸਾਤਿ ਅਤ੍ਤਨੋ વੁਡ੍ਢਂ ਆਪੁਚ੍ਛਿਤ੍વਾ ਧਮ੍ਮਾਦਿਕਂ ਭਾਸਨ੍ਤਸ੍ਸ। ਪੁਨ વੁਡ੍ਢਤਰਾਗਮੇਤਿ ਪੁਨ ਅਞ੍ਞਸ੍ਸ વੁਡ੍ਢਤਰਸ੍ਸ ਆਗਮਨੇ ਸਤੀਤਿ ਅਤ੍ਥੋ। ਪੁਨਆਪੁਚ੍ਛਨਂ ਨਤ੍ਥੀਤਿ ਭਾਸਿਤਬ੍ਬਂ ਠਪੇਤ੍વਾ ਪੁਨ ਆਪੁਚ੍ਛਨਕਿਚ੍ਚਂ ਨਤ੍ਥੀਤਿ ਅਤ੍ਥੋ। ਸਙ੍ਘਤ੍ਥੇਰੇ ਅਸਤਿ ਆਰਦ੍ਧਮ੍ਪਿ ਅਟ੍ਠਪੇਤ੍વਾ ਕਥੇਨ੍ਤਸ੍ਸਾਪਿ ਏਸੇવ ਨਯੋ। ਭਤ੍ਤਗ੍ਗੇ ਅਨੁਮੋਦਤੋ ਚ ਆਪੁਚ੍ਛਨਂ ਨਤ੍ਥੀਤਿ ਸਮ੍ਬਨ੍ਧੋ। ਅਨੁਮੋਦਤੋਤਿ ਦਾਯਕੇਹਿ ਯਾਚਿਤਸ੍ਸ ਤਂਤਂਪੁਞ੍ਞਾਨੁਮੋਦਨવਸੇਨ ਧਮ੍ਮਕਥਂ ਕਰੋਤੋ ਚ। ਅਨੁਮੋਦਨਞ੍ਚ ਥੇਰਾਧੇਯ੍ਯਂ। ‘‘ਅਨੁਜਾਨਾਮਿ, ਭਿਕ੍ਖવੇ ਥੇਰੇਨ ਭਿਕ੍ਖੁਨਾ ਭਤ੍ਤਗ੍ਗੇ ਅਨੁਮੋਦਿਤੁ’’ਨ੍ਤਿ (ਚੂਲ਼વ॰ ੩੬੨) ਹਿ વੁਤ੍ਤਂ। ‘‘ਸਚੇ ਮਨੁਸ੍ਸਾ ਅਤ੍ਤਨੋ ਅਭਿਰੁਚਿਕੇਨ ਏਕੇਨ ਅਨੁਮੋਦਨਂ ਕਾਰੇਨ੍ਤਿ, ਨੇવ ਤਸ੍ਸ ਅਨੁਮੋਦਤੋ ਆਪਤ੍ਤਿ, ਨ ਮਹਾਥੇਰਸ੍ਸ ਭਾਰੋ ਹੋਤਿ। ਉਪਨਿਸਿਨ੍ਨਕਥਾਯਮੇવ ਹਿ ਮਨੁਸ੍ਸੇਸੁ ਕਥਾਪੇਨ੍ਤੇਸੁ ਮਹਾਥੇਰੋ ਆਪੁਚ੍ਛਿਤਬ੍ਬੋ’’ਤਿ ਅਟ੍ਠਕਥਾਯਂ (ਚੁਲ਼વ॰ ਅਟ੍ਠ॰ ੩੬੨) વੁਤ੍ਤਂ।
162.Āpucchitvākathentassāti attano vuḍḍhaṃ āpucchitvā dhammādikaṃ bhāsantassa. Puna vuḍḍhatarāgameti puna aññassa vuḍḍhatarassa āgamane satīti attho. Punaāpucchanaṃ natthīti bhāsitabbaṃ ṭhapetvā puna āpucchanakiccaṃ natthīti attho. Saṅghatthere asati āraddhampi aṭṭhapetvā kathentassāpi eseva nayo. Bhattagge anumodato ca āpucchanaṃ natthīti sambandho. Anumodatoti dāyakehi yācitassa taṃtaṃpuññānumodanavasena dhammakathaṃ karoto ca. Anumodanañca therādheyyaṃ. ‘‘Anujānāmi, bhikkhave therena bhikkhunā bhattagge anumoditu’’nti (cūḷava. 362) hi vuttaṃ. ‘‘Sace manussā attano abhirucikena ekena anumodanaṃ kārenti, neva tassa anumodato āpatti, na mahātherassa bhāro hoti. Upanisinnakathāyameva hi manussesu kathāpentesu mahāthero āpucchitabbo’’ti aṭṭhakathāyaṃ (cuḷava. aṭṭha. 362) vuttaṃ.
੧੬੩. વੁਡ੍ਢੇਨ ਏਕવਿਹਾਰਕੇ વਸਨ੍ਤੋ ਚਾਤਿ ਸਮ੍ਬਨ੍ਧੋ। વੁਡ੍ਢੇਨਾਤਿ વੁਡ੍ਢੇਨ ਸਦ੍ਧਿਂ। ਏਕવਿਹਾਰਕੇਤਿ ਸવਨੂਪਚਾਰੇ ਖੁਦ੍ਦਕવਿਹਾਰੇ, ਨ ਮਹਾવਿਹਾਰੇ। ਕੁਚ੍ਛਿਤਤ੍ਥੇ ਹਿ ਕਪ੍ਪਚ੍ਚਯੋ। ਨ ਸਜ੍ਝਾਯੇਯ੍ਯਾਤਿ ਸਜ੍ਝਾਯਨਂ ਨ ਕਰੇਯ੍ਯ।
163. Vuḍḍhena ekavihārake vasanto cāti sambandho. Vuḍḍhenāti vuḍḍhena saddhiṃ. Ekavihāraketi savanūpacāre khuddakavihāre, na mahāvihāre. Kucchitatthe hi kappaccayo. Na sajjhāyeyyāti sajjhāyanaṃ na kareyya.
੧੬੪. ‘‘ਧਮ੍ਮਂ ਨ ਭਾਸਯੇ’’ਤਿਆਦੀਸੁ ਅਨਾਪੁਚ੍ਛਾਤਿ ਸਮ੍ਬਨ੍ਧਿਤਬ੍ਬਂ। ਨ ਚ વਿਜ੍ਝਪੇਤਿ ਨ ਚ ਨਿਬ੍ਬਾਯੇਯ੍ਯ। વਾਤਪਾਨਞ੍ਚ ਆਲੋਕਸਨ੍ਧਿਫਲਕਂ ਕવਾਟਞ੍ਚ ਦ੍વਾਰਫਲਕਂ વਾਤਪਾਨਕવਾਟਂ વਾ ਨ વਿવਰੇਯ੍ਯ ਨ ਥਕੇਯ੍ਯ ਚਾਤਿ ਨ-ਕਾਰੋ ਸਬ੍ਬਤ੍ਥ ਯੋਜੇਤਬ੍ਬੋ।
164.‘‘Dhammaṃ na bhāsaye’’tiādīsu anāpucchāti sambandhitabbaṃ. Na ca vijjhapeti na ca nibbāyeyya. Vātapānañca ālokasandhiphalakaṃ kavāṭañca dvāraphalakaṃ vātapānakavāṭaṃ vā na vivareyya na thakeyya cāti na-kāro sabbattha yojetabbo.
੧੬੫. ਏਕਚਙ੍ਕਮੇ વੁਡ੍ਢੇਨ ਚਙ੍ਕਮਨ੍ਤੋਪਿ ਯੇਨ વੁਡ੍ਢੋ, ਤੇਨ ਪਰਿવਤ੍ਤਯੇਤਿ ਯੋਜਨਾ। ਯੇਨ ਤੇਨਾਤਿ ਭੁਮ੍ਮਤ੍ਥੇ ਕਰਣવਚਨਂ, ਯਤ੍ਥ વੁਡ੍ਢੋ, ਤਤ੍ਥਾਤਿ ਅਤ੍ਥੋ, વੁਡ੍ਢਂ ਓਹਾਯ ਅਞ੍ਞਤੋ ਨ ਗਨ੍ਤਬ੍ਬਨ੍ਤਿ ਅਧਿਪ੍ਪਾਯੋ। ਸੋਤਿ ਨવਕੋ। ਏਨਨ੍ਤਿ વੁਡ੍ਢਂ। ਸਬ੍ਬਤ੍ਥ ਦੁਕ੍ਕਟਂ। ਅਯਞ੍ਹਿ ਖਨ੍ਧਕਧਮ੍ਮਤਾ ਯਤ੍ਥ ਨ-ਕਾਰੇਨ ਪਟਿਸੇਧੋ, ਤਤ੍ਥ ਦੁਕ੍ਕਟਨ੍ਤਿ।
165. Ekacaṅkame vuḍḍhena caṅkamantopi yena vuḍḍho, tena parivattayeti yojanā. Yena tenāti bhummatthe karaṇavacanaṃ, yattha vuḍḍho, tatthāti attho, vuḍḍhaṃ ohāya aññato na gantabbanti adhippāyo. Soti navako. Enanti vuḍḍhaṃ. Sabbattha dukkaṭaṃ. Ayañhi khandhakadhammatā yattha na-kārena paṭisedho, tattha dukkaṭanti.
ਆਪੁਚ੍ਛਕਰਣਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Āpucchakaraṇaniddesavaṇṇanā niṭṭhitā.
