| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
6. абун̃н̃абан̃хо
6. Apuññapañho
6. ‘‘бханд̇з нааг̇асзна, д̇умхз бхан̣ат̇а ‘яо аж̇аананд̇о баан̣аад̇ибаад̇ам̣ гарод̇и, со б̣алавад̇арам̣ абун̃н̃ам̣ басавад̇ий’д̇и. буна жа бхаг̇авад̇аа винаяабан̃н̃ад̇д̇ияаа бхан̣ид̇ам̣ ‘анаабад̇д̇и аж̇аананд̇ассаа’д̇и. яад̣̇и, бханд̇з нааг̇асзна, аж̇аанид̇ваа баан̣аад̇ибаад̇ам̣ гаронд̇о б̣алавад̇арам̣ абун̃н̃ам̣ басавад̇и, д̇зна хи ‘анаабад̇д̇и аж̇аананд̇ассаа’д̇и яам̣ важанам̣, д̇ам̣ мижчаа. яад̣̇и анаабад̇д̇и аж̇аананд̇асса, д̇зна хи ‘аж̇аанид̇ваа баан̣аад̇ибаад̇ам̣ гаронд̇о б̣алавад̇арам̣ абун̃н̃ам̣ басавад̇ий’д̇и д̇амби важанам̣ мижчаа. аяамби убхад̇о годиго бан̃хо д̣̇уруд̇д̇аро д̣̇урад̇иггамо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
6. ‘‘Bhante nāgasena, tumhe bhaṇatha ‘yo ajānanto pāṇātipātaṃ karoti, so balavataraṃ apuññaṃ pasavatī’ti. Puna ca bhagavatā vinayapaññattiyā bhaṇitaṃ ‘anāpatti ajānantassā’ti. Yadi, bhante nāgasena, ajānitvā pāṇātipātaṃ karonto balavataraṃ apuññaṃ pasavati, tena hi ‘anāpatti ajānantassā’ti yaṃ vacanaṃ, taṃ micchā. Yadi anāpatti ajānantassa, tena hi ‘ajānitvā pāṇātipātaṃ karonto balavataraṃ apuññaṃ pasavatī’ti tampi vacanaṃ micchā. Ayampi ubhato koṭiko pañho duruttaro duratikkamo tavānuppatto, so tayā nibbāhitabbo’’ti.
‘‘бхаасид̇амбзд̇ам̣, махаарааж̇а, бхаг̇авад̇аа ‘яо аж̇аананд̇о баан̣аад̇ибаад̇ам̣ гарод̇и, со б̣алавад̇арам̣ абун̃н̃ам̣ басавад̇ий’д̇и. буна жа винаяабан̃н̃ад̇д̇ияаа бхаг̇авад̇аа бхан̣ид̇ам̣ ‘анаабад̇д̇и аж̇аананд̇ассаа’д̇и. д̇ад̇т̇а ад̇т̇анд̇арам̣ ад̇т̇и. гад̇амам̣ ад̇т̇анд̇арам̣ ? ад̇т̇и, махаарааж̇а, аабад̇д̇и сан̃н̃аавимогкаа, ад̇т̇и аабад̇д̇и носан̃н̃аавимогкаа. яааяам̣, махаарааж̇а, аабад̇д̇и сан̃н̃аавимогкаа, д̇ам̣ аабад̇д̇им̣ аараб̣бха бхаг̇авад̇аа бхан̣ид̇ам̣ ‘анаабад̇д̇и аж̇аананд̇ассаа’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Bhāsitampetaṃ, mahārāja, bhagavatā ‘yo ajānanto pāṇātipātaṃ karoti, so balavataraṃ apuññaṃ pasavatī’ti. Puna ca vinayapaññattiyā bhagavatā bhaṇitaṃ ‘anāpatti ajānantassā’ti. Tattha atthantaraṃ atthi. Katamaṃ atthantaraṃ ? Atthi, mahārāja, āpatti saññāvimokkhā, atthi āpatti nosaññāvimokkhā. Yāyaṃ, mahārāja, āpatti saññāvimokkhā, taṃ āpattiṃ ārabbha bhagavatā bhaṇitaṃ ‘anāpatti ajānantassā’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
абун̃н̃абан̃хо чадто.
Apuññapañho chaṭṭho.
