| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੬. ਅਪੁਞ੍ਞਪਞ੍ਹੋ
6. Apuññapañho
੬. ‘‘ਭਨ੍ਤੇ ਨਾਗਸੇਨ, ਤੁਮ੍ਹੇ ਭਣਥ ‘ਯੋ ਅਜਾਨਨ੍ਤੋ ਪਾਣਾਤਿਪਾਤਂ ਕਰੋਤਿ, ਸੋ ਬਲવਤਰਂ ਅਪੁਞ੍ਞਂ ਪਸવਤੀ’ਤਿ। ਪੁਨ ਚ ਭਗવਤਾ વਿਨਯਪਞ੍ਞਤ੍ਤਿਯਾ ਭਣਿਤਂ ‘ਅਨਾਪਤ੍ਤਿ ਅਜਾਨਨ੍ਤਸ੍ਸਾ’ਤਿ। ਯਦਿ, ਭਨ੍ਤੇ ਨਾਗਸੇਨ, ਅਜਾਨਿਤ੍વਾ ਪਾਣਾਤਿਪਾਤਂ ਕਰੋਨ੍ਤੋ ਬਲવਤਰਂ ਅਪੁਞ੍ਞਂ ਪਸવਤਿ, ਤੇਨ ਹਿ ‘ਅਨਾਪਤ੍ਤਿ ਅਜਾਨਨ੍ਤਸ੍ਸਾ’ਤਿ ਯਂ વਚਨਂ, ਤਂ ਮਿਚ੍ਛਾ। ਯਦਿ ਅਨਾਪਤ੍ਤਿ ਅਜਾਨਨ੍ਤਸ੍ਸ, ਤੇਨ ਹਿ ‘ਅਜਾਨਿਤ੍વਾ ਪਾਣਾਤਿਪਾਤਂ ਕਰੋਨ੍ਤੋ ਬਲવਤਰਂ ਅਪੁਞ੍ਞਂ ਪਸવਤੀ’ਤਿ ਤਮ੍ਪਿ વਚਨਂ ਮਿਚ੍ਛਾ। ਅਯਮ੍ਪਿ ਉਭਤੋ ਕੋਟਿਕੋ ਪਞ੍ਹੋ ਦੁਰੁਤ੍ਤਰੋ ਦੁਰਤਿਕ੍ਕਮੋ ਤવਾਨੁਪ੍ਪਤ੍ਤੋ, ਸੋ ਤਯਾ ਨਿਬ੍ਬਾਹਿਤਬ੍ਬੋ’’ਤਿ।
6. ‘‘Bhante nāgasena, tumhe bhaṇatha ‘yo ajānanto pāṇātipātaṃ karoti, so balavataraṃ apuññaṃ pasavatī’ti. Puna ca bhagavatā vinayapaññattiyā bhaṇitaṃ ‘anāpatti ajānantassā’ti. Yadi, bhante nāgasena, ajānitvā pāṇātipātaṃ karonto balavataraṃ apuññaṃ pasavati, tena hi ‘anāpatti ajānantassā’ti yaṃ vacanaṃ, taṃ micchā. Yadi anāpatti ajānantassa, tena hi ‘ajānitvā pāṇātipātaṃ karonto balavataraṃ apuññaṃ pasavatī’ti tampi vacanaṃ micchā. Ayampi ubhato koṭiko pañho duruttaro duratikkamo tavānuppatto, so tayā nibbāhitabbo’’ti.
‘‘ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ‘ਯੋ ਅਜਾਨਨ੍ਤੋ ਪਾਣਾਤਿਪਾਤਂ ਕਰੋਤਿ, ਸੋ ਬਲવਤਰਂ ਅਪੁਞ੍ਞਂ ਪਸવਤੀ’ਤਿ। ਪੁਨ ਚ વਿਨਯਪਞ੍ਞਤ੍ਤਿਯਾ ਭਗવਤਾ ਭਣਿਤਂ ‘ਅਨਾਪਤ੍ਤਿ ਅਜਾਨਨ੍ਤਸ੍ਸਾ’ਤਿ। ਤਤ੍ਥ ਅਤ੍ਥਨ੍ਤਰਂ ਅਤ੍ਥਿ। ਕਤਮਂ ਅਤ੍ਥਨ੍ਤਰਂ ? ਅਤ੍ਥਿ, ਮਹਾਰਾਜ, ਆਪਤ੍ਤਿ ਸਞ੍ਞਾવਿਮੋਕ੍ਖਾ, ਅਤ੍ਥਿ ਆਪਤ੍ਤਿ ਨੋਸਞ੍ਞਾવਿਮੋਕ੍ਖਾ। ਯਾਯਂ, ਮਹਾਰਾਜ, ਆਪਤ੍ਤਿ ਸਞ੍ਞਾવਿਮੋਕ੍ਖਾ, ਤਂ ਆਪਤ੍ਤਿਂ ਆਰਬ੍ਭ ਭਗવਤਾ ਭਣਿਤਂ ‘ਅਨਾਪਤ੍ਤਿ ਅਜਾਨਨ੍ਤਸ੍ਸਾ’’ਤਿ। ‘‘ਸਾਧੁ, ਭਨ੍ਤੇ ਨਾਗਸੇਨ, ਏવਮੇਤਂ ਤਥਾ ਸਮ੍ਪਟਿਚ੍ਛਾਮੀ’’ਤਿ।
‘‘Bhāsitampetaṃ, mahārāja, bhagavatā ‘yo ajānanto pāṇātipātaṃ karoti, so balavataraṃ apuññaṃ pasavatī’ti. Puna ca vinayapaññattiyā bhagavatā bhaṇitaṃ ‘anāpatti ajānantassā’ti. Tattha atthantaraṃ atthi. Katamaṃ atthantaraṃ ? Atthi, mahārāja, āpatti saññāvimokkhā, atthi āpatti nosaññāvimokkhā. Yāyaṃ, mahārāja, āpatti saññāvimokkhā, taṃ āpattiṃ ārabbha bhagavatā bhaṇitaṃ ‘anāpatti ajānantassā’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
ਅਪੁਞ੍ਞਪਞ੍ਹੋ ਛਟ੍ਠੋ।
Apuññapañho chaṭṭho.
