| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2-3. аарабхад̇исуд̇д̇аад̣̇иван̣н̣анаа
2-3. Ārabhatisuttādivaṇṇanā
142-3. д̣̇уд̇ияз аарабхад̇ийд̇и зд̇т̇а аарамбха-сад̣̇д̣̇о гаммагирияахим̣санавийрияагобанаабад̇д̇ивийд̇иггамзсу вад̇д̇ад̇и. д̇ат̇аа хзса ‘‘яам̣ гин̃жи д̣̇угкам̣ самбход̇и, саб̣б̣ам̣ аарамбхабажжаяаа’’д̇и (су. ни. 749) гаммз ааг̇ад̇о. ‘‘махаарамбхаа махааяан̃н̃аа, на д̇з хонд̇и махабпалаа’’д̇и (сам̣. ни. 1.120; а. ни. 4.39) гирияааяа. ‘‘саман̣ам̣ г̇од̇амам̣ уд̣̇д̣̇исса баан̣ам̣ аарабханд̇ий’’д̇и (ма. ни. 2.51) хим̣санз. ‘‘аарамбхат̇а нигкамат̇а, яун̃ж̇ат̇а б̣уд̣̇д̇хасаасанз’’д̇и (сам̣. ни. 1.185; нзд̇д̇и. 29; бздаго. 38; ми. ба. 5.1.4) вийрияз. ‘‘б̣ийж̇аг̇аамабхууд̇аг̇аамасамаарамбхаа бадивирад̇о ход̇ий’’д̇и (д̣̇ий. ни. 1.10, 195; ма. ни. 1.293) гобанз. ‘‘аарабхад̇и жа виббадисаарий жа ход̇ий’’д̇и (а. ни. 5.142; бу. ба. 191) аяам̣ бана аабад̇д̇ивийд̇иггамз ааг̇ад̇о, д̇асмаа аабад̇д̇ивийд̇иггамавасзна аарабхад̇и жзва, д̇аббажжаяаа жа виббадисаарий ход̇ийд̇и аяамзд̇т̇а ад̇т̇о. яат̇аабхууд̇ам̣ наббаж̇аанаад̇ийд̇и анад̇хиг̇ад̇ад̇д̇аа яат̇аасабхаавад̇о на ж̇аанаад̇и. яад̇т̇ассаад̇и яасмим̣ асса, яам̣ таанам̣ бад̇ваа зд̇асса буг̇г̇аласса уббаннаа баабагаа агусалаа д̇хаммаа абарисзсаа нируж̇жханд̇ийд̇и ад̇т̇о. гим̣ бана бад̇ваа д̇з нируж̇жханд̇ийд̇и? арахад̇д̇амаг̇г̇ам̣, палаббад̇д̇асса бана нируд̣̇д̇хаа наама хонд̇и. звам̣ санд̇зби ид̇ха маг̇г̇агижжавасзна бана паламзва вуд̇д̇анд̇и взд̣̇ид̇аб̣б̣ам̣.
142-3. Dutiye ārabhatīti ettha ārambha-saddo kammakiriyahiṃsanavīriyakopanāpattivītikkamesu vattati. Tathā hesa ‘‘yaṃ kiñci dukkhaṃ sambhoti, sabbaṃ ārambhapaccayā’’ti (su. ni. 749) kamme āgato. ‘‘Mahārambhā mahāyaññā, na te honti mahapphalā’’ti (saṃ. ni. 1.120; a. ni. 4.39) kiriyāya. ‘‘Samaṇaṃ gotamaṃ uddissa pāṇaṃ ārabhantī’’ti (ma. ni. 2.51) hiṃsane. ‘‘Ārambhatha nikkhamatha, yuñjatha buddhasāsane’’ti (saṃ. ni. 1.185; netti. 29; peṭako. 38; mi. pa. 5.1.4) vīriye. ‘‘Bījagāmabhūtagāmasamārambhā paṭivirato hotī’’ti (dī. ni. 1.10, 195; ma. ni. 1.293) kopane. ‘‘Ārabhati ca vippaṭisārī ca hotī’’ti (a. ni. 5.142; pu. pa. 191) ayaṃ pana āpattivītikkame āgato, tasmā āpattivītikkamavasena ārabhati ceva, tappaccayā ca vippaṭisārī hotīti ayamettha attho. Yathābhūtaṃ nappajānātīti anadhigatattā yathāsabhāvato na jānāti. Yatthassāti yasmiṃ assa, yaṃ ṭhānaṃ patvā etassa puggalassa uppannā pāpakā akusalā dhammā aparisesā nirujjhantīti attho. Kiṃ pana patvā te nirujjhantīti? Arahattamaggaṃ, phalappattassa pana niruddhā nāma honti. Evaṃ santepi idha maggakiccavasena pana phalameva vuttanti veditabbaṃ.
аарабхад̇ий на виббадисаарий ход̇ийд̇и аабад̇д̇им̣ аабаж̇ж̇ад̇и, д̇ам̣ банзса д̣̇зсзд̇ум̣ сабхааг̇абуг̇г̇алам̣ бариязсад̇и, д̇асмаа на виббадисаарий ход̇и. на аарабхад̇и виббадисаарий ход̇ийд̇и аабад̇д̇им̣ на аабаж̇ж̇ад̇и, винаяабан̃н̃ад̇д̇ияам̣ бана аговид̣̇ад̇д̇аа анаабад̇д̇ияаа аабад̇д̇исан̃н̃ий худ̇ваа виббадисаарий ход̇ийд̇и звамзд̇т̇а ад̇т̇о д̣̇адтаб̣б̣о. ‘‘на аарабхад̇и на виббадисаарий ход̇ий’’д̇и яо вуд̇д̇о, гад̇аро со буг̇г̇ало? оссадтавийрияабуг̇г̇ало. со хи ‘‘гим̣ мз имасмим̣ гаалз бариниб̣б̣аанзна, анааг̇ад̇з мзд̇д̇зяяасаммаасамб̣уд̣̇д̇хагаалз бариниб̣б̣ааяиссаамий’’д̇и висуд̣̇д̇хасийлоби бадибад̇д̇им̣ на буурзд̇и. со хи ‘‘гимад̇т̇ам̣ ааяасмаа бамад̇д̇о вихарад̇и, бут̇уж̇ж̇анасса наама г̇ад̇и аниб̣ад̣̇д̇хаа, д̇асмаа хи мзд̇д̇зяяасаммаасамб̣уд̣̇д̇хасса саммукийбхаавам̣ лабхзяяааси, арахад̇д̇ад̇т̇ааяа вибассанам̣ бхаавзхий’’д̇и овад̣̇ид̇аб̣б̣ова.
Ārabhatī na vippaṭisārī hotīti āpattiṃ āpajjati, taṃ panesa desetuṃ sabhāgapuggalaṃ pariyesati, tasmā na vippaṭisārī hoti. Na ārabhati vippaṭisārī hotīti āpattiṃ na āpajjati, vinayapaññattiyaṃ pana akovidattā anāpattiyā āpattisaññī hutvā vippaṭisārī hotīti evamettha attho daṭṭhabbo. ‘‘Na ārabhati na vippaṭisārī hotī’’ti yo vutto, kataro so puggalo? Ossaṭṭhavīriyapuggalo. So hi ‘‘kiṃ me imasmiṃ kāle parinibbānena, anāgate metteyyasammāsambuddhakāle parinibbāyissāmī’’ti visuddhasīlopi paṭipattiṃ na pūreti. So hi ‘‘kimatthaṃ āyasmā pamatto viharati, puthujjanassa nāma gati anibaddhā, tasmā hi metteyyasammāsambuddhassa sammukhībhāvaṃ labheyyāsi, arahattatthāya vipassanaṃ bhāvehī’’ti ovaditabbova.
саад̇хууд̇и ааяаажанад̇т̇з нибаад̇о. ид̣̇ам̣ вуд̇д̇ам̣ ход̇и – яаава абарад̣̇д̇хам̣ вад̇а ааяасмад̇аа, звам̣ санд̇зби маяам̣ ааяасманд̇ам̣ яаажаама, д̣̇зсзд̇аб̣б̣аяуд̇д̇агасса д̣̇зсанааяа, вудтаад̇аб̣б̣аяуд̇д̇агасса вудтаанзна, аавигаад̇аб̣б̣аяуд̇д̇агасса аавигирияааяа аарамбхаж̇з аасавз бахааяа суд̣̇д̇ханд̇з тид̇абхаавабажжавзгкан̣зна виббадисаараж̇з аасавз бадивинод̣̇зд̇ваа нийхарид̇ваа вибассанаажид̇д̇ан̃жзва вибассанаабан̃н̃ан̃жа вад̣дхзд̇ууд̇и. амунаа бан̃жамзна буг̇г̇алзнаад̇и зд̇зна бан̃жамзна кийн̣аасавабуг̇г̇алзна. самасамо бхависсад̇ийд̇и логуд̇д̇араг̇ун̣зхи самабхаавзнзва само бхависсад̇ийд̇и звам̣ кийн̣аасавзна овад̣̇ид̇аб̣б̣од̇и ад̇т̇о. д̇ад̇ияам̣ уд̇д̇аанамзва.
Sādhūti āyācanatthe nipāto. Idaṃ vuttaṃ hoti – yāva aparaddhaṃ vata āyasmatā, evaṃ santepi mayaṃ āyasmantaṃ yācāma, desetabbayuttakassa desanāya, vuṭṭhātabbayuttakassa vuṭṭhānena, āvikātabbayuttakassa āvikiriyāya ārambhaje āsave pahāya suddhante ṭhitabhāvapaccavekkhaṇena vippaṭisāraje āsave paṭivinodetvā nīharitvā vipassanācittañceva vipassanāpaññañca vaḍḍhetūti. Amunā pañcamena puggalenāti etena pañcamena khīṇāsavapuggalena. Samasamo bhavissatīti lokuttaraguṇehi samabhāveneva samo bhavissatīti evaṃ khīṇāsavena ovaditabboti attho. Tatiyaṃ uttānameva.
аарабхад̇исуд̇д̇аад̣̇иван̣н̣анаа нидтид̇аа.
Ārabhatisuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
2. аарабхад̇исуд̇д̇ам̣ • 2. Ārabhatisuttaṃ
3. сааранд̣̇ад̣̇асуд̇д̇ам̣ • 3. Sārandadasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
2. аарабхад̇исуд̇д̇аван̣н̣анаа • 2. Ārabhatisuttavaṇṇanā
3. сааранд̣̇ад̣̇асуд̇д̇аван̣н̣анаа • 3. Sārandadasuttavaṇṇanā
