| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
2. ஆரப⁴திஸுத்தவண்ணனா
2. Ārabhatisuttavaṇṇanā
142. து³தியே ஆரப⁴தி ச விப்படிஸாரீ ச ஹோதீதி ஆபத்திவீதிக்கமனவஸேன ஆரப⁴தி சேவ, தப்பச்சயா ச விப்படிஸாரீ ஹோதி. சேதோவிமுத்திங் பஞ்ஞாவிமுத்திந்தி அரஹத்தஸமாதி⁴ஞ்சேவ அரஹத்தப²லஞாணஞ்ச. நப்பஜானாதீதி அனதி⁴க³தத்தா ந ஜானாதி. ஆரப⁴தி ந விப்படிஸாரீ ஹோதீதி ஆபத்திங் ஆபஜ்ஜதி, வுட்டி²தத்தா பன ந விப்படிஸாரீ ஹோதி. நாரப⁴தி விப்படிஸாரீ ஹோதீதி ஸகிங் ஆபத்திங் ஆபஜ்ஜித்வா ததோ வுட்டா²ய பச்சா² கிஞ்சாபி நாபஜ்ஜதி, விப்படிஸாரங் பன வினோதே³துங் ந ஸக்கோதி. நாரப⁴தி ந விப்படிஸாரீ ஹோதீதி ந சேவ ஆபத்திங் ஆபஜ்ஜதி, ந ச விப்படிஸாரீ ஹோதி. தஞ்ச சேதோவிமுத்திங்…பே॰… நிருஜ்ஜ²ந்தீதி அரஹத்தங் பன அப்பத்தோ ஹோதி. பஞ்சமனயேன கீ²ணாஸவோ கதி²தோ.
142. Dutiye ārabhati ca vippaṭisārī ca hotīti āpattivītikkamanavasena ārabhati ceva, tappaccayā ca vippaṭisārī hoti. Cetovimuttiṃ paññāvimuttinti arahattasamādhiñceva arahattaphalañāṇañca. Nappajānātīti anadhigatattā na jānāti. Ārabhati na vippaṭisārī hotīti āpattiṃ āpajjati, vuṭṭhitattā pana na vippaṭisārī hoti. Nārabhati vippaṭisārī hotīti sakiṃ āpattiṃ āpajjitvā tato vuṭṭhāya pacchā kiñcāpi nāpajjati, vippaṭisāraṃ pana vinodetuṃ na sakkoti. Nārabhati na vippaṭisārī hotīti na ceva āpattiṃ āpajjati, na ca vippaṭisārī hoti. Tañca cetovimuttiṃ…pe… nirujjhantīti arahattaṃ pana appatto hoti. Pañcamanayena khīṇāsavo kathito.
ஆரம்ப⁴ஜாதி ஆபத்திவீதிக்கமஸம்ப⁴வா. விப்படிஸாரஜாதி விப்படிஸாரதோ ஜாதா. பவட்³ட⁴ந்தீதி புனப்புனங் உப்பஜ்ஜனேன வட்³ட⁴ந்தி. ஆரம்ப⁴ஜே ஆஸவே பஹாயாதி வீதிக்கமஸம்ப⁴வே ஆஸவே ஆபத்திதே³ஸனாய வா ஆபத்திவுட்டா²னேன வா பஜஹித்வா. படிவினோதெ³த்வாதி ஸுத்³த⁴ந்தே டி²தபா⁴வபச்சவெக்க²ணேன நீஹரித்வா. சித்தங் பஞ்ஞஞ்ச பா⁴வேதூதி விபஸ்ஸனாசித்தஞ்ச தங்ஸம்பயுத்தங் பஞ்ஞஞ்ச பா⁴வேது. ஸேஸங் இமினா உபாயேனேவ வேதி³தப்³ப³ந்தி.
Ārambhajāti āpattivītikkamasambhavā. Vippaṭisārajāti vippaṭisārato jātā. Pavaḍḍhantīti punappunaṃ uppajjanena vaḍḍhanti. Ārambhaje āsave pahāyāti vītikkamasambhave āsave āpattidesanāya vā āpattivuṭṭhānena vā pajahitvā. Paṭivinodetvāti suddhante ṭhitabhāvapaccavekkhaṇena nīharitvā. Cittaṃ paññañca bhāvetūti vipassanācittañca taṃsampayuttaṃ paññañca bhāvetu. Sesaṃ iminā upāyeneva veditabbanti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 2. ஆரப⁴திஸுத்தங் • 2. Ārabhatisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 2-3. ஆரப⁴திஸுத்தாதி³வண்ணனா • 2-3. Ārabhatisuttādivaṇṇanā
