| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. аарабхад̇исуд̇д̇аван̣н̣анаа
2. Ārabhatisuttavaṇṇanā
142. д̣̇уд̇ияз аарабхад̇и жа виббадисаарий жа ход̇ийд̇и аабад̇д̇ивийд̇иггаманавасзна аарабхад̇и жзва, д̇аббажжаяаа жа виббадисаарий ход̇и. жзд̇овимуд̇д̇им̣ бан̃н̃аавимуд̇д̇инд̇и арахад̇д̇асамаад̇хин̃жзва арахад̇д̇апалан̃аан̣ан̃жа. наббаж̇аанаад̇ийд̇и анад̇хиг̇ад̇ад̇д̇аа на ж̇аанаад̇и. аарабхад̇и на виббадисаарий ход̇ийд̇и аабад̇д̇им̣ аабаж̇ж̇ад̇и, вудтид̇ад̇д̇аа бана на виббадисаарий ход̇и. наарабхад̇и виббадисаарий ход̇ийд̇и сагим̣ аабад̇д̇им̣ аабаж̇ж̇ид̇ваа д̇ад̇о вудтааяа бажчаа гин̃жааби наабаж̇ж̇ад̇и, виббадисаарам̣ бана винод̣̇зд̇ум̣ на саггод̇и. наарабхад̇и на виббадисаарий ход̇ийд̇и на жзва аабад̇д̇им̣ аабаж̇ж̇ад̇и, на жа виббадисаарий ход̇и. д̇ан̃жа жзд̇овимуд̇д̇им̣…бз… нируж̇жханд̇ийд̇и арахад̇д̇ам̣ бана аббад̇д̇о ход̇и. бан̃жаманаязна кийн̣аасаво гат̇ид̇о.
142. Dutiye ārabhati ca vippaṭisārī ca hotīti āpattivītikkamanavasena ārabhati ceva, tappaccayā ca vippaṭisārī hoti. Cetovimuttiṃ paññāvimuttinti arahattasamādhiñceva arahattaphalañāṇañca. Nappajānātīti anadhigatattā na jānāti. Ārabhati na vippaṭisārī hotīti āpattiṃ āpajjati, vuṭṭhitattā pana na vippaṭisārī hoti. Nārabhati vippaṭisārī hotīti sakiṃ āpattiṃ āpajjitvā tato vuṭṭhāya pacchā kiñcāpi nāpajjati, vippaṭisāraṃ pana vinodetuṃ na sakkoti. Nārabhati na vippaṭisārī hotīti na ceva āpattiṃ āpajjati, na ca vippaṭisārī hoti. Tañca cetovimuttiṃ…pe… nirujjhantīti arahattaṃ pana appatto hoti. Pañcamanayena khīṇāsavo kathito.
аарамбхаж̇аад̇и аабад̇д̇ивийд̇иггамасамбхаваа. виббадисаараж̇аад̇и виббадисаарад̇о ж̇аад̇аа. бавад̣дханд̇ийд̇и бунаббунам̣ уббаж̇ж̇анзна вад̣дханд̇и. аарамбхаж̇з аасавз бахааяаад̇и вийд̇иггамасамбхавз аасавз аабад̇д̇ид̣̇зсанааяа ваа аабад̇д̇ивудтаанзна ваа баж̇ахид̇ваа. бадивинод̣̇зд̇ваад̇и суд̣̇д̇ханд̇з тид̇абхаавабажжавзгкан̣зна нийхарид̇ваа. жид̇д̇ам̣ бан̃н̃ан̃жа бхаавзд̇ууд̇и вибассанаажид̇д̇ан̃жа д̇ам̣самбаяуд̇д̇ам̣ бан̃н̃ан̃жа бхаавзд̇у. сзсам̣ иминаа убааязнзва взд̣̇ид̇аб̣б̣анд̇и.
Ārambhajāti āpattivītikkamasambhavā. Vippaṭisārajāti vippaṭisārato jātā. Pavaḍḍhantīti punappunaṃ uppajjanena vaḍḍhanti. Ārambhaje āsave pahāyāti vītikkamasambhave āsave āpattidesanāya vā āpattivuṭṭhānena vā pajahitvā. Paṭivinodetvāti suddhante ṭhitabhāvapaccavekkhaṇena nīharitvā. Cittaṃ paññañca bhāvetūti vipassanācittañca taṃsampayuttaṃ paññañca bhāvetu. Sesaṃ iminā upāyeneva veditabbanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. аарабхад̇исуд̇д̇ам̣ • 2. Ārabhatisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2-3. аарабхад̇исуд̇д̇аад̣̇иван̣н̣анаа • 2-3. Ārabhatisuttādivaṇṇanā
