| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੨. ਆਰਭਤਿਸੁਤ੍ਤવਣ੍ਣਨਾ
2. Ārabhatisuttavaṇṇanā
੧੪੨. ਦੁਤਿਯੇ ਆਰਭਤਿ ਚ વਿਪ੍ਪਟਿਸਾਰੀ ਚ ਹੋਤੀਤਿ ਆਪਤ੍ਤਿવੀਤਿਕ੍ਕਮਨવਸੇਨ ਆਰਭਤਿ ਚੇવ, ਤਪ੍ਪਚ੍ਚਯਾ ਚ વਿਪ੍ਪਟਿਸਾਰੀ ਹੋਤਿ। ਚੇਤੋવਿਮੁਤ੍ਤਿਂ ਪਞ੍ਞਾવਿਮੁਤ੍ਤਿਨ੍ਤਿ ਅਰਹਤ੍ਤਸਮਾਧਿਞ੍ਚੇવ ਅਰਹਤ੍ਤਫਲਞਾਣਞ੍ਚ। ਨਪ੍ਪਜਾਨਾਤੀਤਿ ਅਨਧਿਗਤਤ੍ਤਾ ਨ ਜਾਨਾਤਿ। ਆਰਭਤਿ ਨ વਿਪ੍ਪਟਿਸਾਰੀ ਹੋਤੀਤਿ ਆਪਤ੍ਤਿਂ ਆਪਜ੍ਜਤਿ, વੁਟ੍ਠਿਤਤ੍ਤਾ ਪਨ ਨ વਿਪ੍ਪਟਿਸਾਰੀ ਹੋਤਿ। ਨਾਰਭਤਿ વਿਪ੍ਪਟਿਸਾਰੀ ਹੋਤੀਤਿ ਸਕਿਂ ਆਪਤ੍ਤਿਂ ਆਪਜ੍ਜਿਤ੍વਾ ਤਤੋ વੁਟ੍ਠਾਯ ਪਚ੍ਛਾ ਕਿਞ੍ਚਾਪਿ ਨਾਪਜ੍ਜਤਿ, વਿਪ੍ਪਟਿਸਾਰਂ ਪਨ વਿਨੋਦੇਤੁਂ ਨ ਸਕ੍ਕੋਤਿ। ਨਾਰਭਤਿ ਨ વਿਪ੍ਪਟਿਸਾਰੀ ਹੋਤੀਤਿ ਨ ਚੇવ ਆਪਤ੍ਤਿਂ ਆਪਜ੍ਜਤਿ, ਨ ਚ વਿਪ੍ਪਟਿਸਾਰੀ ਹੋਤਿ। ਤਞ੍ਚ ਚੇਤੋવਿਮੁਤ੍ਤਿਂ…ਪੇ॰… ਨਿਰੁਜ੍ਝਨ੍ਤੀਤਿ ਅਰਹਤ੍ਤਂ ਪਨ ਅਪ੍ਪਤ੍ਤੋ ਹੋਤਿ। ਪਞ੍ਚਮਨਯੇਨ ਖੀਣਾਸવੋ ਕਥਿਤੋ।
142. Dutiye ārabhati ca vippaṭisārī ca hotīti āpattivītikkamanavasena ārabhati ceva, tappaccayā ca vippaṭisārī hoti. Cetovimuttiṃ paññāvimuttinti arahattasamādhiñceva arahattaphalañāṇañca. Nappajānātīti anadhigatattā na jānāti. Ārabhati na vippaṭisārī hotīti āpattiṃ āpajjati, vuṭṭhitattā pana na vippaṭisārī hoti. Nārabhati vippaṭisārī hotīti sakiṃ āpattiṃ āpajjitvā tato vuṭṭhāya pacchā kiñcāpi nāpajjati, vippaṭisāraṃ pana vinodetuṃ na sakkoti. Nārabhati na vippaṭisārī hotīti na ceva āpattiṃ āpajjati, na ca vippaṭisārī hoti. Tañca cetovimuttiṃ…pe… nirujjhantīti arahattaṃ pana appatto hoti. Pañcamanayena khīṇāsavo kathito.
ਆਰਮ੍ਭਜਾਤਿ ਆਪਤ੍ਤਿવੀਤਿਕ੍ਕਮਸਮ੍ਭવਾ। વਿਪ੍ਪਟਿਸਾਰਜਾਤਿ વਿਪ੍ਪਟਿਸਾਰਤੋ ਜਾਤਾ। ਪવਡ੍ਢਨ੍ਤੀਤਿ ਪੁਨਪ੍ਪੁਨਂ ਉਪ੍ਪਜ੍ਜਨੇਨ વਡ੍ਢਨ੍ਤਿ। ਆਰਮ੍ਭਜੇ ਆਸવੇ ਪਹਾਯਾਤਿ વੀਤਿਕ੍ਕਮਸਮ੍ਭવੇ ਆਸવੇ ਆਪਤ੍ਤਿਦੇਸਨਾਯ વਾ ਆਪਤ੍ਤਿવੁਟ੍ਠਾਨੇਨ વਾ ਪਜਹਿਤ੍વਾ। ਪਟਿવਿਨੋਦੇਤ੍વਾਤਿ ਸੁਦ੍ਧਨ੍ਤੇ ਠਿਤਭਾવਪਚ੍ਚવੇਕ੍ਖਣੇਨ ਨੀਹਰਿਤ੍વਾ। ਚਿਤ੍ਤਂ ਪਞ੍ਞਞ੍ਚ ਭਾવੇਤੂਤਿ વਿਪਸ੍ਸਨਾਚਿਤ੍ਤਞ੍ਚ ਤਂਸਮ੍ਪਯੁਤ੍ਤਂ ਪਞ੍ਞਞ੍ਚ ਭਾવੇਤੁ। ਸੇਸਂ ਇਮਿਨਾ ਉਪਾਯੇਨੇવ વੇਦਿਤਬ੍ਬਨ੍ਤਿ।
Ārambhajāti āpattivītikkamasambhavā. Vippaṭisārajāti vippaṭisārato jātā. Pavaḍḍhantīti punappunaṃ uppajjanena vaḍḍhanti. Ārambhaje āsave pahāyāti vītikkamasambhave āsave āpattidesanāya vā āpattivuṭṭhānena vā pajahitvā. Paṭivinodetvāti suddhante ṭhitabhāvapaccavekkhaṇena nīharitvā. Cittaṃ paññañca bhāvetūti vipassanācittañca taṃsampayuttaṃ paññañca bhāvetu. Sesaṃ iminā upāyeneva veditabbanti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਆਰਭਤਿਸੁਤ੍ਤਂ • 2. Ārabhatisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨-੩. ਆਰਭਤਿਸੁਤ੍ਤਾਦਿવਣ੍ਣਨਾ • 2-3. Ārabhatisuttādivaṇṇanā
