| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
9. араханд̇аабхааяанабан̃хо
9. Arahantaabhāyanapañho
9. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа ‘виг̇ад̇абхаяасанд̇аасаа араханд̇о’д̇и. буна жа наг̇арз рааж̇аг̇ахз д̇ханабаалагам̣ хад̇т̇им̣ бхаг̇авад̇и обад̇анд̇ам̣ д̣̇исваа бан̃жа кийн̣аасавасад̇аани барижжаж̇ид̇ваа ж̇инаварам̣ багганд̇аани д̣̇исаавид̣̇исам̣ згам̣ табзд̇ваа т̇зрам̣ аананд̣̇ам̣. гим̣ ну ко, бханд̇з нааг̇асзна, д̇з араханд̇о бхаяаа багганд̇аа, бан̃н̃ааяиссад̇и сагзна гаммзнаад̇и д̣̇асаб̣алам̣ баад̇зд̇угаамаа багганд̇аа , уд̣̇ааху д̇ат̇ааг̇ад̇асса ад̇улам̣ вибуламасамам̣ баадихаарияам̣ д̣̇адтугаамаа багганд̇аа? яад̣̇и, бханд̇з нааг̇асзна, бхаг̇авад̇аа бхан̣ид̇ам̣ ‘виг̇ад̇абхаяасанд̇аасаа араханд̇о’д̇и, д̇зна хи ‘наг̇арз…бз… аананд̣̇а’нд̇и яам̣ важанам̣ д̇ам̣ мижчаа. яад̣̇и наг̇арз рааж̇аг̇ахз д̇ханабаалагам̣ хад̇т̇им̣ бхаг̇авад̇и обад̇анд̇ам̣ д̣̇исваа бан̃жа кийн̣аасавасад̇аани барижжаж̇ид̇ваа ж̇инаварам̣ багганд̇аани д̣̇исаавид̣̇исам̣ згам̣ табзд̇ваа т̇зрам̣ аананд̣̇ам̣, д̇зна хи ‘виг̇ад̇абхаяасанд̇аасаа араханд̇о’д̇и д̇амби важанам̣ мижчаа. аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
9. ‘‘Bhante nāgasena, bhāsitampetaṃ bhagavatā ‘vigatabhayasantāsā arahanto’ti. Puna ca nagare rājagahe dhanapālakaṃ hatthiṃ bhagavati opatantaṃ disvā pañca khīṇāsavasatāni pariccajitvā jinavaraṃ pakkantāni disāvidisaṃ ekaṃ ṭhapetvā theraṃ ānandaṃ. Kiṃ nu kho, bhante nāgasena, te arahanto bhayā pakkantā, paññāyissati sakena kammenāti dasabalaṃ pātetukāmā pakkantā , udāhu tathāgatassa atulaṃ vipulamasamaṃ pāṭihāriyaṃ daṭṭhukāmā pakkantā? Yadi, bhante nāgasena, bhagavatā bhaṇitaṃ ‘vigatabhayasantāsā arahanto’ti, tena hi ‘nagare…pe… ānanda’nti yaṃ vacanaṃ taṃ micchā. Yadi nagare rājagahe dhanapālakaṃ hatthiṃ bhagavati opatantaṃ disvā pañca khīṇāsavasatāni pariccajitvā jinavaraṃ pakkantāni disāvidisaṃ ekaṃ ṭhapetvā theraṃ ānandaṃ, tena hi ‘vigatabhayasantāsā arahanto’ti tampi vacanaṃ micchā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘бхаасид̇амбзд̇ам̣, махаарааж̇а, бхаг̇авад̇аа ‘виг̇ад̇абхаяасанд̇аасаа араханд̇о’д̇и, наг̇арз рааж̇аг̇ахз д̇ханабаалагам̣ хад̇т̇им̣ бхаг̇авад̇и обад̇анд̇ам̣ д̣̇исваа бан̃жа кийн̣аасавасад̇аани барижжаж̇ид̇ваа ж̇инаварам̣ багганд̇аани д̣̇исаавид̣̇исам̣ згам̣ табзд̇ваа т̇зрам̣ аананд̣̇ам̣, д̇ан̃жа бана на бхаяаа, нааби бхаг̇аванд̇ам̣ баад̇зд̇угаамад̇ааяа.
‘‘Bhāsitampetaṃ, mahārāja, bhagavatā ‘vigatabhayasantāsā arahanto’ti, nagare rājagahe dhanapālakaṃ hatthiṃ bhagavati opatantaṃ disvā pañca khīṇāsavasatāni pariccajitvā jinavaraṃ pakkantāni disāvidisaṃ ekaṃ ṭhapetvā theraṃ ānandaṃ, tañca pana na bhayā, nāpi bhagavantaṃ pātetukāmatāya.
‘‘язна бана, махаарааж̇а, хзд̇унаа араханд̇о бхааязяяум̣ ваа д̇аасзяяум̣ ваа, со хзд̇у араханд̇аанам̣ самужчинно, д̇асмаа виг̇ад̇абхаяасанд̇аасаа араханд̇о, бхааяад̇и ну, махаарааж̇а, махаабат̇авий кан̣анд̇зби бхинд̣̇анд̇зби д̇хаарзнд̇зби самуд̣̇д̣̇абаб̣б̣ад̇аг̇ирисикарзд̇и? ‘‘на хи, бханд̇з’’д̇и. ‘‘гзна гааран̣зна махаарааж̇аа’’д̇и? ‘‘над̇т̇и, бханд̇з, махаабат̇авияаа со хзд̇у, язна хзд̇унаа махаабат̇авий бхааязяяа ваа д̇аасзяяа ваа’’д̇и. ‘‘звамзва ко, махаарааж̇а, над̇т̇и араханд̇аанам̣ со хзд̇у, язна хзд̇унаа араханд̇о бхааязяяум̣ ваа д̇аасзяяум̣ ваа.
‘‘Yena pana, mahārāja, hetunā arahanto bhāyeyyuṃ vā tāseyyuṃ vā, so hetu arahantānaṃ samucchinno, tasmā vigatabhayasantāsā arahanto, bhāyati nu, mahārāja, mahāpathavī khaṇantepi bhindantepi dhārentepi samuddapabbatagirisikhareti? ‘‘Na hi, bhante’’ti. ‘‘Kena kāraṇena mahārājā’’ti? ‘‘Natthi, bhante, mahāpathaviyā so hetu, yena hetunā mahāpathavī bhāyeyya vā tāseyya vā’’ti. ‘‘Evameva kho, mahārāja, natthi arahantānaṃ so hetu, yena hetunā arahanto bhāyeyyuṃ vā tāseyyuṃ vā.
‘‘бхааяад̇и ну, махаарааж̇а, г̇ирисикарам̣ чинд̣̇анд̇з ваа бхинд̣̇анд̇з ваа бад̇анд̇з ваа аг̇г̇инаа д̣̇аханд̇з ваа’’д̇и? ‘‘на хи, бханд̇з’’д̇и. ‘‘гзна гааран̣зна махаарааж̇аа’’д̇и? ‘‘над̇т̇и, бханд̇з, г̇ирисикарасса со хзд̇у, язна хзд̇унаа г̇ирисикарам̣ бхааязяяа ваа д̇аасзяяа ваа’’д̇и. ‘‘звамзва ко, махаарааж̇а, над̇т̇и араханд̇аанам̣ со хзд̇у, язна хзд̇унаа араханд̇о бхааязяяум̣ ваа д̇аасзяяум̣ ваа.
‘‘Bhāyati nu, mahārāja, girisikharaṃ chindante vā bhindante vā patante vā agginā dahante vā’’ti? ‘‘Na hi, bhante’’ti. ‘‘Kena kāraṇena mahārājā’’ti? ‘‘Natthi, bhante, girisikharassa so hetu, yena hetunā girisikharaṃ bhāyeyya vā tāseyya vā’’ti. ‘‘Evameva kho, mahārāja, natthi arahantānaṃ so hetu, yena hetunā arahanto bhāyeyyuṃ vā tāseyyuṃ vā.
‘‘яад̣̇иби , махаарааж̇а, логад̇хаад̇усад̇асахассзсу яз гзжи сад̇д̇анигааяабарияаабаннаа саб̣б̣зби д̇з сад̇д̇ихад̇т̇аа згам̣ араханд̇ам̣ убад̇хаавид̇ваа д̇аасзяяум̣, на бхавзяяа арахад̇о жид̇д̇асса гин̃жи ан̃н̃ат̇ад̇д̇ам̣. гим̣ гааран̣ам̣? адтаанаманавагаасад̇ааяа.
‘‘Yadipi , mahārāja, lokadhātusatasahassesu ye keci sattanikāyapariyāpannā sabbepi te sattihatthā ekaṃ arahantaṃ upadhāvitvā tāseyyuṃ, na bhaveyya arahato cittassa kiñci aññathattaṃ. Kiṃ kāraṇaṃ? Aṭṭhānamanavakāsatāya.
‘‘аби жа, махаарааж̇а, д̇зсам̣ кийн̣аасаваанам̣ звам̣ жзд̇обаривид̇агго ахоси ‘аж̇ж̇а нараварабаварз ж̇инаваравасабхз наг̇араварамануббавидтз вийт̇ияаа д̇ханабаалаго хад̇т̇ий аабад̇иссад̇и, асам̣саяамад̇ид̣̇звад̣̇звам̣ убадтааго на барижжаж̇иссад̇и, яад̣̇и маяам̣ саб̣б̣зби бхаг̇аванд̇ам̣ на барижжаж̇иссаама, аананд̣̇асса г̇ун̣о баагадо на бхависсад̇и, на хзва жа д̇ат̇ааг̇ад̇ам̣ самубаг̇амиссад̇и хад̇т̇инааг̇о, ханд̣̇а маяам̣ абаг̇ажчаама, звамид̣̇ам̣ махад̇о ж̇анагааяасса гилзсаб̣анд̇ханамогко бхависсад̇и, аананд̣̇асса жа г̇ун̣о баагадо бхависсад̇ий’д̇и. звам̣ д̇з араханд̇о аанисам̣сам̣ д̣̇исваа д̣̇исаавид̣̇исам̣ багганд̇аа’’д̇и. ‘‘сувибхад̇д̇о, бханд̇з нааг̇асзна, бан̃хо, звамзд̇ам̣ над̇т̇и араханд̇аанам̣ бхаяам̣ ваа санд̇аасо ваа, аанисам̣сам̣ д̣̇исваа араханд̇о багганд̇аа д̣̇исаавид̣̇иса’’нд̇и.
‘‘Api ca, mahārāja, tesaṃ khīṇāsavānaṃ evaṃ cetoparivitakko ahosi ‘ajja naravarapavare jinavaravasabhe nagaravaramanuppaviṭṭhe vīthiyā dhanapālako hatthī āpatissati, asaṃsayamatidevadevaṃ upaṭṭhāko na pariccajissati, yadi mayaṃ sabbepi bhagavantaṃ na pariccajissāma, ānandassa guṇo pākaṭo na bhavissati, na heva ca tathāgataṃ samupagamissati hatthināgo, handa mayaṃ apagacchāma, evamidaṃ mahato janakāyassa kilesabandhanamokkho bhavissati, ānandassa ca guṇo pākaṭo bhavissatī’ti. Evaṃ te arahanto ānisaṃsaṃ disvā disāvidisaṃ pakkantā’’ti. ‘‘Suvibhatto, bhante nāgasena, pañho, evametaṃ natthi arahantānaṃ bhayaṃ vā santāso vā, ānisaṃsaṃ disvā arahanto pakkantā disāvidisa’’nti.
араханд̇аабхааяанабан̃хо навамо.
Arahantaabhāyanapañho navamo.
