| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. அரஹந்தஸுத்தங்
4. Arahantasuttaṃ
1094. ஸாவத்தி²னிதா³னங். யே ஹி கேசி, பி⁴க்க²வே, அதீதமத்³தா⁴னங் அரஹந்தோ ஸம்மாஸம்பு³த்³தா⁴ யதா²பூ⁴தங் அபி⁴ஸம்பு³ஜ்ஜி²ங்ஸு, ஸப்³பே³ தே சத்தாரி அரியஸச்சானி யதா²பூ⁴தங் அபி⁴ஸம்பு³ஜ்ஜி²ங்ஸு. யே ஹி 1 கேசி, பி⁴க்க²வே, அனாக³தமத்³தா⁴னங் அரஹந்தோ ஸம்மாஸம்பு³த்³தா⁴ யதா²பூ⁴தங் அபி⁴ஸம்பு³ஜ்ஜி²ஸ்ஸந்தி, ஸப்³பே³ தே சத்தாரி அரியஸச்சானி யதா²பூ⁴தங் அபி⁴ஸம்பு³ஜ்ஜி²ஸ்ஸந்தி. யே ஹி கேசி, பி⁴க்க²வே, ஏதரஹி அரஹந்தோ ஸம்மாஸம்பு³த்³தா⁴ யதா²பூ⁴தங் அபி⁴ஸம்பு³ஜ்ஜ²ந்தி, ஸப்³பே³ தே சத்தாரி அரியஸச்சானி யதா²பூ⁴தங் அபி⁴ஸம்பு³ஜ்ஜ²ந்தி.
1094. Sāvatthinidānaṃ. Ye hi keci, bhikkhave, atītamaddhānaṃ arahanto sammāsambuddhā yathābhūtaṃ abhisambujjhiṃsu, sabbe te cattāri ariyasaccāni yathābhūtaṃ abhisambujjhiṃsu. Ye hi 2 keci, bhikkhave, anāgatamaddhānaṃ arahanto sammāsambuddhā yathābhūtaṃ abhisambujjhissanti, sabbe te cattāri ariyasaccāni yathābhūtaṃ abhisambujjhissanti. Ye hi keci, bhikkhave, etarahi arahanto sammāsambuddhā yathābhūtaṃ abhisambujjhanti, sabbe te cattāri ariyasaccāni yathābhūtaṃ abhisambujjhanti.
‘‘கதமானி சத்தாரி? து³க்க²ங் அரியஸச்சங், து³க்க²ஸமுத³யங் அரியஸச்சங், து³க்க²னிரோத⁴ங் அரியஸச்சங், து³க்க²னிரோத⁴கா³மினீ படிபதா³ அரியஸச்சங். யே ஹி, கேசி, பி⁴க்க²வே, அதீதமத்³தா⁴னங் அரஹந்தோ ஸம்மாஸம்பு³த்³தா⁴ யதா²பூ⁴தங் அபி⁴ஸம்பு³ஜ்ஜி²ங்ஸு…பே॰… அபி⁴ஸம்பு³ஜ்ஜி²ஸ்ஸந்தி…பே॰… அபி⁴ஸம்பு³ஜ்ஜ²ந்தி, ஸப்³பே³ தே இமானி சத்தாரி அரியஸச்சானி யதா²பூ⁴தங் அபி⁴ஸம்பு³ஜ்ஜ²ந்தி.
‘‘Katamāni cattāri? Dukkhaṃ ariyasaccaṃ, dukkhasamudayaṃ ariyasaccaṃ, dukkhanirodhaṃ ariyasaccaṃ, dukkhanirodhagāminī paṭipadā ariyasaccaṃ. Ye hi, keci, bhikkhave, atītamaddhānaṃ arahanto sammāsambuddhā yathābhūtaṃ abhisambujjhiṃsu…pe… abhisambujjhissanti…pe… abhisambujjhanti, sabbe te imāni cattāri ariyasaccāni yathābhūtaṃ abhisambujjhanti.
‘‘தஸ்மாதிஹ, பி⁴க்க²வே, ‘இத³ங் து³க்க²’ந்தி யோகோ³ கரணீயோ…பே॰… ‘அயங் து³க்க²னிரோத⁴கா³மினீ படிபதா³’தி யோகோ³ கரணீயோ’’தி. சதுத்த²ங்.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Catutthaṃ.
Footnotes:
