| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. араханд̇асуд̇д̇аван̣н̣анаа
5. Arahantasuttavaṇṇanā
25. бан̃жамз гад̇аавийд̇и жад̇уухи маг̇г̇зхи гад̇агижжо. ахам̣ вад̣̇аамийд̇и аяам̣ д̣̇звад̇аа ванасан̣д̣аваасиний, саа ааран̃н̃агаанам̣ бхигкуунам̣ ‘‘ахам̣ бхун̃ж̇аами, ахам̣ нисийд̣̇аами, мама бад̇д̇о, мама жийвара’’нд̇иаад̣̇игат̇аавохаарам̣ суд̇ваа жинд̇зси – ‘‘ахам̣ имз бхигкуу ‘кийн̣аасаваа’д̇и ман̃н̃аами, кийн̣аасаваанан̃жа наама зваруубаа ад̇д̇убалад̣̇д̇хиниссид̇агат̇аа ход̇и, на ход̇и ну ко’’д̇и ж̇аананад̇т̇ам̣ звам̣ бужчад̇и.
25. Pañcame katāvīti catūhi maggehi katakicco. Ahaṃ vadāmīti ayaṃ devatā vanasaṇḍavāsinī, sā āraññakānaṃ bhikkhūnaṃ ‘‘ahaṃ bhuñjāmi, ahaṃ nisīdāmi, mama patto, mama cīvara’’ntiādikathāvohāraṃ sutvā cintesi – ‘‘ahaṃ ime bhikkhū ‘khīṇāsavā’ti maññāmi, khīṇāsavānañca nāma evarūpā attupaladdhinissitakathā hoti, na hoti nu kho’’ti jānanatthaṃ evaṃ pucchati.
сааман̃н̃анд̇и логанируд̇д̇им̣ логавохаарам̣. гусалод̇и канд̇хаад̣̇ийсу гусало. вохаарамад̇д̇знаад̇и убалад̣̇д̇хиниссид̇агат̇ам̣ хид̇ваа вохаарабхзд̣̇ам̣ агаронд̇о ‘‘ахам̣, мамаа’’д̇и вад̣̇зяяа. ‘‘канд̇хаа бхун̃ж̇анд̇и, канд̇хаа нисийд̣̇анд̇и, канд̇хаанам̣ бад̇д̇о, канд̇хаанам̣ жийвара’’нд̇и хи вуд̇д̇з вохаарабхзд̣̇о ход̇и, на гожи ж̇аанаад̇и. д̇асмаа звам̣ авад̇ваа логавохаарзна вохарад̇ийд̇и.
Sāmaññanti lokaniruttiṃ lokavohāraṃ. Kusaloti khandhādīsu kusalo. Vohāramattenāti upaladdhinissitakathaṃ hitvā vohārabhedaṃ akaronto ‘‘ahaṃ, mamā’’ti vadeyya. ‘‘Khandhā bhuñjanti, khandhā nisīdanti, khandhānaṃ patto, khandhānaṃ cīvara’’nti hi vutte vohārabhedo hoti, na koci jānāti. Tasmā evaṃ avatvā lokavohārena voharatīti.
ат̇а д̣̇звад̇аа – ‘‘яад̣̇и д̣̇идтияаа васзна на вад̣̇ад̇и, маанавасзна ну ко вад̣̇ад̇ий’’д̇и жинд̇зд̇ваа буна яо ход̇ийд̇и бужчи. д̇ад̇т̇а маанам̣ ну код̇и со бхигку маанам̣ убаг̇анд̇ваа маанавасзна вад̣̇зяяа ну код̇и. ат̇а бхаг̇аваа – ‘‘аяам̣ д̣̇звад̇аа кийн̣аасавам̣ самаанам̣ вияа гарод̇ий’’д̇и жинд̇зд̇ваа, ‘‘кийн̣аасавасса нававид̇хоби маано бахийно’’д̇и д̣̇ассзнд̇о бадиг̇аат̇ам̣ ааха. д̇ад̇т̇а вид̇хуубид̇аад̇и вид̇хамид̇аа. маанаг̇ант̇ассаад̇и маанаа жа г̇ант̇аа жа асса. ман̃н̃ад̇анд̇и ман̃н̃анам̣. д̇ивид̇хамби д̇ан̣хаа-д̣̇идти-маана-ман̃н̃анам̣ со вийд̇ивад̇д̇о, ад̇игганд̇од̇и ад̇т̇о. сзсам̣ уд̇д̇аанад̇т̇амзваад̇и. бан̃жамам̣.
Atha devatā – ‘‘yadi diṭṭhiyā vasena na vadati, mānavasena nu kho vadatī’’ti cintetvā puna yo hotīti pucchi. Tattha mānaṃ nu khoti so bhikkhu mānaṃ upagantvā mānavasena vadeyya nu khoti. Atha bhagavā – ‘‘ayaṃ devatā khīṇāsavaṃ samānaṃ viya karotī’’ti cintetvā, ‘‘khīṇāsavassa navavidhopi māno pahīno’’ti dassento paṭigāthaṃ āha. Tattha vidhūpitāti vidhamitā. Mānaganthassāti mānā ca ganthā ca assa. Maññatanti maññanaṃ. Tividhampi taṇhā-diṭṭhi-māna-maññanaṃ so vītivatto, atikkantoti attho. Sesaṃ uttānatthamevāti. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. араханд̇асуд̇д̇ам̣ • 5. Arahantasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. араханд̇асуд̇д̇аван̣н̣анаа • 5. Arahantasuttavaṇṇanā
