| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. араханд̇асуд̇д̇аван̣н̣анаа
4. Arahantasuttavaṇṇanā
76. жад̇уд̇т̇з яаавад̇аа, бхигкавз, сад̇д̇ааваасаад̇и, бхигкавз, яад̇д̇агаа сад̇д̇ааваасаа наама ад̇т̇и. яаавад̇аа бхаваг̇г̇анд̇и яад̇д̇агам̣ бхаваг̇г̇ам̣ наама ад̇т̇и. зд̇з аг̇г̇аа зд̇з сздтаад̇и зд̇з аг̇г̇абхууд̇аа жзва сздтабхууд̇аа жа. яад̣̇ид̣̇ам̣ араханд̇од̇и яз имз араханд̇о наама. ид̣̇амби суд̇д̇ам̣ буриманаязнзва уссад̣̇ананд̣̇ияан̃жа балобханийяан̃жаад̇и взд̣̇ид̇аб̣б̣ам̣.
76. Catutthe yāvatā, bhikkhave, sattāvāsāti, bhikkhave, yattakā sattāvāsā nāma atthi. Yāvatā bhavagganti yattakaṃ bhavaggaṃ nāma atthi. Ete aggā ete seṭṭhāti ete aggabhūtā ceva seṭṭhabhūtā ca. Yadidaṃ arahantoti ye ime arahanto nāma. Idampi suttaṃ purimanayeneva ussadanandiyañca palobhanīyañcāti veditabbaṃ.
ат̇аабарам̣ зд̇ад̣̇авожаад̇и д̇ад̣̇ад̇т̇абарид̣̇ийбанаахи жзва висзсад̇т̇абарид̣̇ийбанаахи жа г̇аат̇аахи зд̇ам̣ ‘‘сукино вад̇а араханд̇о’’д̇иаад̣̇иважанам̣ авожа. д̇ад̇т̇а сукинод̇и жхаанасукзна маг̇г̇асукзна паласукзна жа сукид̇аа. д̇ан̣хаа д̇зсам̣ на виж̇ж̇ад̇ийд̇и д̇зсам̣ абааяад̣̇угкаж̇анигаа д̇ан̣хаа на важ̇ж̇ад̇и. звам̣ д̇з имассаби д̇ан̣хаамуулагасса абхаавзна сукид̇аава. асмимаано самужчиннод̇и нававид̇хо асмимаано арахад̇д̇амаг̇г̇зна самужчинно. мохаж̇аалам̣ бад̣̇аалид̇анд̇и н̃аан̣зна авиж̇ж̇ааж̇аалам̣ паалид̇ам̣.
Athāparaṃ etadavocāti tadatthaparidīpanāhi ceva visesatthaparidīpanāhi ca gāthāhi etaṃ ‘‘sukhino vata arahanto’’tiādivacanaṃ avoca. Tattha sukhinoti jhānasukhena maggasukhena phalasukhena ca sukhitā. Taṇhā tesaṃ na vijjatīti tesaṃ apāyadukkhajanikā taṇhā na vajjati. Evaṃ te imassapi taṇhāmūlakassa abhāvena sukhitāva. Asmimāno samucchinnoti navavidho asmimāno arahattamaggena samucchinno. Mohajālaṃ padālitanti ñāṇena avijjājālaṃ phālitaṃ.
анзж̇анд̇и зж̇аасан̇каад̇ааяа д̇ан̣хааяа бахаанабхууд̇ам̣ арахад̇д̇ам̣. анубалид̇д̇аад̇и д̇ан̣хаад̣̇идтилзбзхи алид̇д̇аа. б̣рахмабхууд̇аад̇и сздтабхууд̇аа. барин̃н̃ааяаад̇и д̇ийхи барин̃н̃аахи бариж̇аанид̇ваа. сад̇д̇асад̣̇д̇хаммаг̇ожараад̇и сад̣̇д̇хаа хирий од̇д̇аббам̣ б̣аахусажжам̣ аарад̣̇д̇хавийрияад̇аа убадтид̇ассад̇ид̇аа бан̃н̃аад̇и имз сад̇д̇а сад̣̇д̇хаммаа г̇ожаро зд̇зсанд̇и сад̇д̇асад̣̇д̇хаммаг̇ожараа.
Anejanti ejāsaṅkhātāya taṇhāya pahānabhūtaṃ arahattaṃ. Anupalittāti taṇhādiṭṭhilepehi alittā. Brahmabhūtāti seṭṭhabhūtā. Pariññāyāti tīhi pariññāhi parijānitvā. Sattasaddhammagocarāti saddhā hirī ottappaṃ bāhusaccaṃ āraddhavīriyatā upaṭṭhitassatitā paññāti ime satta saddhammā gocaro etesanti sattasaddhammagocarā.
сад̇д̇арад̇анасамбаннаад̇и сад̇д̇ахи б̣ож̇жхан̇г̇арад̇анзхи саманнааг̇ад̇аа. анувижаранд̇ийд̇и логияамахааж̇анааби анувижаранд̇иязва. ид̇ха бана кийн̣аасаваанам̣ нираасан̇гажааро наама г̇ахид̇о. д̇знзвааха ‘‘бахийнабхаяабхзраваа’’д̇и. д̇ад̇т̇а бхаяам̣ бхаяамзва, бхзравам̣ б̣алавабхаяам̣. д̣̇асахан̇г̇зхи самбаннаад̇и асзгкзхи д̣̇асахи ан̇г̇зхи саманнааг̇ад̇аа. махаанааг̇аад̇и жад̇уухи гааран̣зхи махаанааг̇аа. самаахид̇аад̇и убажаараббанаахи самаахид̇аа. д̇ан̣хаа д̇зсам̣ на виж̇ж̇ад̇ийд̇и ‘‘ууно лого ад̇ид̇д̇о д̇ан̣хаад̣̇аасод̇и ко, махаарааж̇а, д̇зна бхаг̇авад̇аа’’д̇и (ма. ни. 2.305) звам̣ вуд̇д̇аа д̣̇аасагааригаа д̇ан̣хааби д̇зсам̣ над̇т̇и. иминаа кийн̣аасаваанам̣ бхуж̇иссабхаавам̣ д̣̇ассзд̇и.
Sattaratanasampannāti sattahi bojjhaṅgaratanehi samannāgatā. Anuvicarantīti lokiyamahājanāpi anuvicarantiyeva. Idha pana khīṇāsavānaṃ nirāsaṅkacāro nāma gahito. Tenevāha ‘‘pahīnabhayabheravā’’ti. Tattha bhayaṃ bhayameva, bheravaṃ balavabhayaṃ. Dasahaṅgehi sampannāti asekkhehi dasahi aṅgehi samannāgatā. Mahānāgāti catūhi kāraṇehi mahānāgā. Samāhitāti upacārappanāhi samāhitā. Taṇhā tesaṃ na vijjatīti ‘‘ūno loko atitto taṇhādāsoti kho, mahārāja, tena bhagavatā’’ti (ma. ni. 2.305) evaṃ vuttā dāsakārikā taṇhāpi tesaṃ natthi. Iminā khīṇāsavānaṃ bhujissabhāvaṃ dasseti.
асзкан̃аан̣анд̇и арахад̇д̇апалан̃аан̣ам̣. анд̇имояам̣ самуссаяод̇и бажчимо аяам̣ ад̇д̇абхааво. яо сааро б̣рахмажарияассаад̇и сааро наама палам̣. д̇асмим̣ абарабажжаяаад̇и д̇асмим̣ арияапалз, на ан̃н̃ам̣ бад̇д̇ияааяанд̇и, бажжагкад̇ова бадивиж̇жхид̇ваа тид̇аа. вид̇хаасу на вигамбанд̇ийд̇и д̇ийсу маанагодтаасзсу на вигамбанд̇и. д̣̇анд̇абхууминд̇и арахад̇д̇ам̣. виж̇ид̇аавинод̇и рааг̇аад̣̇аяо виж̇зд̇ваа тид̇аа.
Asekhañāṇanti arahattaphalañāṇaṃ. Antimoyaṃ samussayoti pacchimo ayaṃ attabhāvo. Yo sāro brahmacariyassāti sāro nāma phalaṃ. Tasmiṃ aparapaccayāti tasmiṃ ariyaphale, na aññaṃ pattiyāyanti, paccakkhatova paṭivijjhitvā ṭhitā. Vidhāsu na vikampantīti tīsu mānakoṭṭhāsesu na vikampanti. Dantabhūminti arahattaṃ. Vijitāvinoti rāgādayo vijetvā ṭhitā.
уд̣̇д̇ханд̇иаад̣̇ийсу уд̣̇д̇хам̣ вужжад̇и гзсамад̇т̇аго, абаажийнам̣ баад̣̇ад̇алам̣, д̇ирияам̣ взмаж̇жхам̣. уд̣̇д̇хам̣ ваа ад̇ийд̇ам̣, абаажийнам̣ анааг̇ад̇ам̣, д̇ирияам̣ бажжуббаннам̣. уд̣̇д̇хам̣ ваа вужжад̇и д̣̇звалого, абаажийнам̣ абааяалого, д̇ирияам̣ мануссалого. нанд̣̇ий д̇зсам̣ на виж̇ж̇ад̇ийд̇и зд̇зсу таанзсу сан̇кзбад̇о ваа ад̇ийд̇аанааг̇ад̇абажжуббаннзсу канд̇хзсу д̇зсам̣ д̇ан̣хаа над̇т̇и. ид̇ха ваддамуулагад̇ан̣хааяа абхааво д̣̇ассид̇о. б̣уд̣̇д̇хаад̇и жад̇уннам̣ сажжаанам̣ б̣уд̣̇д̇хад̇д̇аа б̣уд̣̇д̇хаа.
Uddhantiādīsu uddhaṃ vuccati kesamatthako, apācīnaṃ pādatalaṃ, tiriyaṃ vemajjhaṃ. Uddhaṃ vā atītaṃ, apācīnaṃ anāgataṃ, tiriyaṃ paccuppannaṃ. Uddhaṃ vā vuccati devaloko, apācīnaṃ apāyaloko, tiriyaṃ manussaloko. Nandī tesaṃ na vijjatīti etesu ṭhānesu saṅkhepato vā atītānāgatapaccuppannesu khandhesu tesaṃ taṇhā natthi. Idha vaṭṭamūlakataṇhāya abhāvo dassito. Buddhāti catunnaṃ saccānaṃ buddhattā buddhā.
ид̣̇ам̣ банзд̇т̇а сийханаад̣̇асамод̇хаанам̣ – ‘‘вимуд̇д̇исукзнамхаа сукид̇аа, д̣̇угкаж̇анигаа но д̇ан̣хаа бахийнаа, бан̃жагканд̇хаа барин̃н̃аад̇аа, д̣̇аасагааригад̇ан̣хаа жзва ваддамуулигад̇ан̣хаа жа бахийнаа, ануд̇д̇арамхаа асад̣̇исаа, жад̇уннам̣ сажжаанам̣ б̣уд̣̇д̇хад̇д̇аа б̣уд̣̇д̇хаа’’д̇и бхавабидтз тад̇ваа абхийд̇анаад̣̇асан̇каад̇ам̣ сийханаад̣̇ам̣ над̣̇анд̇и кийн̣аасаваад̇и. жад̇уд̇т̇ам̣.
Idaṃ panettha sīhanādasamodhānaṃ – ‘‘vimuttisukhenamhā sukhitā, dukkhajanikā no taṇhā pahīnā, pañcakkhandhā pariññātā, dāsakārikataṇhā ceva vaṭṭamūlikataṇhā ca pahīnā, anuttaramhā asadisā, catunnaṃ saccānaṃ buddhattā buddhā’’ti bhavapiṭṭhe ṭhatvā abhītanādasaṅkhātaṃ sīhanādaṃ nadanti khīṇāsavāti. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. араханд̇асуд̇д̇ам̣ • 4. Arahantasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. араханд̇асуд̇д̇аван̣н̣анаа • 4. Arahantasuttavaṇṇanā
