| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. араханд̇асуд̇д̇аван̣н̣анаа
5. Arahantasuttavaṇṇanā
25. гад̇аавийд̇и гад̇аваа, барин̃н̃аад̣̇игижжам̣ гад̇ваа нидтабзд̇ваа тид̇од̇и ад̇т̇о. д̇знааха ‘‘жад̇уухи маг̇г̇зхи гад̇агижжо’’д̇и. свааяамад̇т̇о араханд̇иаад̣̇исад̣̇д̣̇асаннид̇хаанад̇о вин̃н̃ааяад̇и. звам̣ ‘‘ахам̣ вад̣̇аамий’’д̇иаад̣̇иаагаарзна бужчад̇и.
25.Katāvīti katavā, pariññādikiccaṃ katvā niṭṭhapetvā ṭhitoti attho. Tenāha ‘‘catūhi maggehi katakicco’’ti. Svāyamattho arahantiādisaddasannidhānato viññāyati. Evaṃ ‘‘ahaṃ vadāmī’’tiādiākārena pucchati.
канд̇хаад̣̇ийсу гусалод̇и канд̇хааяад̇анаад̣̇ийсу салагкан̣аад̣̇ийсу жа самуухаад̣̇ивасзна бавад̇д̇ияан̃жа чзго яат̇аабхууд̇авзд̣̇ий. убалад̣̇д̇хиниссид̇агат̇анд̇и ад̇д̇убалад̣̇д̇хиниссид̇агат̇ам̣ хид̇ваа. вохаарабхзд̣̇ам̣ агаронд̇од̇и ‘‘ахам̣ барамад̇т̇ам̣ ж̇аанаамий’’д̇и логавохаарам̣ бхинд̣̇анд̇о авинаасзнд̇о логз логасаман̃н̃амзва ниссааяа ‘‘ахам̣, мамаа’’д̇и вад̣̇зяяа. канд̇хаа бхун̃ж̇анд̇ийд̇иаад̣̇инаа вохаарабхзд̣̇ам̣, д̇ад̇т̇а жа аад̣̇ийнавам̣ д̣̇ассзд̇и.
Khandhādīsu kusaloti khandhāyatanādīsu salakkhaṇādīsu ca samūhādivasena pavattiyañca cheko yathābhūtavedī. Upaladdhinissitakathanti attupaladdhinissitakathaṃ hitvā. Vohārabhedaṃ akarontoti ‘‘ahaṃ paramatthaṃ jānāmī’’ti lokavohāraṃ bhindanto avināsento loke lokasamaññameva nissāya ‘‘ahaṃ, mamā’’ti vadeyya. Khandhā bhuñjantītiādinā vohārabhedaṃ, tattha ca ādīnavaṃ dasseti.
маано наама д̣̇идтияаа самад̇хуро. д̇ат̇аа хи д̣̇уд̇ияамаг̇г̇аад̣̇ийсу саммаад̣̇идтияаа бахаанаабхисамаяасса бадивибажжанийгз бадибад̇д̇исид̣̇д̇хи. д̇знааха ‘‘яад̣̇и д̣̇идтияаа васзна на вад̣̇ад̇и, маанавасзна ну ко вад̣̇ад̇ийд̇и жинд̇зд̇ваа’’д̇и. вид̇хуубид̇аад̇и санд̇аабид̇аа н̃аан̣аг̇г̇инаа д̣̇ад̣дхаа. д̇з бана вид̣̇д̇хам̣сид̇аа наама хонд̇ийд̇и ааха ‘‘вид̇хамид̇аа’’д̇и. маман̇гаараад̣̇аяо маяанд̇и сад̇д̇асанд̇аанз сад̇и бавад̇д̇анд̇и зд̇знаад̇и маяо, ман̃н̃анаа. маяо зва маяад̇аад̇и ааха ‘‘маяад̇анд̇и ман̃н̃ана’’нд̇и.
Māno nāma diṭṭhiyā samadhuro. Tathā hi dutiyamaggādīsu sammādiṭṭhiyā pahānābhisamayassa paṭivipaccanīke paṭipattisiddhi. Tenāha ‘‘yadi diṭṭhiyā vasena na vadati, mānavasena nu kho vadatīti cintetvā’’ti. Vidhūpitāti santāpitā ñāṇagginā daḍḍhā. Te pana viddhaṃsitā nāma hontīti āha ‘‘vidhamitā’’ti. Mamaṅkārādayo mayanti sattasantāne sati pavattanti etenāti mayo, maññanā. Mayo eva mayatāti āha ‘‘mayatanti maññana’’nti.
араханд̇асуд̇д̇аван̣н̣анаа нидтид̇аа.
Arahantasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. араханд̇асуд̇д̇ам̣ • 5. Arahantasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. араханд̇асуд̇д̇аван̣н̣анаа • 5. Arahantasuttavaṇṇanā
