| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. араханд̇асуд̇д̇аван̣н̣анаа
4. Arahantasuttavaṇṇanā
76. яад̇д̇агаа сад̇д̇ааваасаад̇и д̇асмим̣ д̇асмим̣ сад̇д̇анигааяз аавасанадтзна сад̇д̇аа зва сад̇д̇ааваасаа. д̇зна яад̇д̇агаа сад̇д̇ааваасаа, д̇зхи саб̣б̣зхиби зд̇з аг̇г̇аа зд̇з сздтаа, яз имз араханд̇аад̇и д̣̇ассзд̇и. буриманаязнзваад̇и буримасмим̣ сад̇д̇адтаанагосалласуд̇д̇з вуд̇д̇анаязна.
76.Yattakā sattāvāsāti tasmiṃ tasmiṃ sattanikāye āvasanaṭṭhena sattā eva sattāvāsā. Tena yattakā sattāvāsā, tehi sabbehipi ete aggā ete seṭṭhā, ye ime arahantāti dasseti. Purimanayenevāti purimasmiṃ sattaṭṭhānakosallasutte vuttanayena.
д̇ад̣̇ад̇т̇абарид̣̇ийбанаахийд̇и ‘‘бан̃жагканд̇хз барин̃н̃ааяа. д̇ан̣хаа д̇зсам̣ на виж̇ж̇ад̇и. асмимаано самужчинно’’д̇иаад̣̇инаа д̇асса яат̇аанид̣̇д̣̇идтасса суд̇д̇асса ад̇т̇ад̣̇ийбанаахи жзва ‘‘анзж̇ам̣ д̇з ануббад̇д̇аа, жид̇д̇ам̣ д̇зсам̣ анаавила’’нд̇иаад̣̇инаа висзсад̇т̇абарид̣̇ийбанаахи жа. жхаанамаг̇г̇апалабарияаабаннам̣ ад̇исаяид̇асукам̣ зд̇зсамад̇т̇ийд̇и сукинод̇и ааха ‘‘жхаана…бз… сукид̇аа’’д̇и. д̇ан̣хаа д̇зсам̣ на виж̇ж̇ад̇ийд̇и зд̇т̇а д̇зсам̣ абааяад̣̇угкаж̇анигаа д̇ан̣хаа на виж̇ж̇ад̇ийд̇и вуд̇д̇ам̣. ваддамуулигааяа д̇ан̣хааяа абхааваа ‘‘нанд̣̇ий д̇зсам̣ на виж̇ж̇ад̇ий’’д̇и зд̇т̇а вужжад̇ийд̇и. имассабийд̇и би-сад̣̇д̣̇зна д̣̇угкассаабхаавзнабийд̇и д̣̇угкаабхааво вияа ваддамуулигад̇ан̣хаабхааво самбин̣д̣ийяад̇ийд̇и д̣̇адтаб̣б̣ам̣. д̇зна хи д̇з анубаад̣̇исзсаниб̣б̣аанаббад̇д̇ияаа ажжанд̇асукид̇аа зваад̇и вужжанд̇ийд̇и. ‘‘сзяяохамасмий’’д̇иаад̣̇инаяаббавад̇д̇ияаа нававид̇хо. н̃аан̣знаад̇и аг̇г̇амаг̇г̇ан̃н̃аан̣зна.
Tadatthaparidīpanāhīti ‘‘pañcakkhandhe pariññāya. Taṇhā tesaṃ na vijjati. Asmimāno samucchinno’’tiādinā tassa yathāniddiṭṭhassa suttassa atthadīpanāhi ceva ‘‘anejaṃ te anuppattā, cittaṃ tesaṃ anāvila’’ntiādinā visesatthaparidīpanāhi ca. Jhānamaggaphalapariyāpannaṃ atisayitasukhaṃ etesamatthīti sukhinoti āha ‘‘jhāna…pe… sukhitā’’ti. Taṇhā tesaṃ na vijjatīti ettha tesaṃ apāyadukkhajanikā taṇhā na vijjatīti vuttaṃ. Vaṭṭamūlikāya taṇhāya abhāvā ‘‘nandī tesaṃ na vijjatī’’ti ettha vuccatīti. Imassapīti pi-saddena dukkhassābhāvenapīti dukkhābhāvo viya vaṭṭamūlikataṇhābhāvo sampiṇḍīyatīti daṭṭhabbaṃ. Tena hi te anupādisesanibbānappattiyā accantasukhitā evāti vuccantīti. ‘‘Seyyohamasmī’’tiādinayappavattiyā navavidho. Ñāṇenāti aggamaggaññāṇena.
арахад̇д̇ам̣ ануббад̇д̇аа. алид̇д̇аад̇и амагкид̇аа. б̣рахмабхууд̇аад̇и б̣рахмабхаавам̣ бад̇д̇аа, б̣рахмад̇о ваа арияамаг̇г̇ан̃аан̣ад̇о бхууд̇аа арияааяа ж̇аад̇ияаа ж̇аад̇аа. сад̇д̇а сад̣̇д̇хаммаа г̇ожаро бавад̇д̇идтаанам̣ зд̇зсанд̇и сад̇д̇асад̣̇д̇хаммаг̇ожараа.
Arahattaṃ anuppattā. Alittāti amakkhitā. Brahmabhūtāti brahmabhāvaṃ pattā, brahmato vā ariyamaggañāṇato bhūtā ariyāya jātiyā jātā. Satta saddhammā gocaro pavattiṭṭhānaṃ etesanti sattasaddhammagocarā.
нираасан̇гажааро наама г̇ахид̇о гуд̇ожиби д̇зсам̣ аасан̇гааяа абхаавад̇о. саммаад̣̇идтиаад̣̇ийхи д̣̇асахи ан̇г̇зхи саммаавимуд̇д̇и-саммаан̃аан̣абарияосаанзхи. ‘‘ааг̇ум̣ на гарод̇ий’’д̇иаад̣̇ийхи жад̇уухи гааран̣зхи. д̇ан̣хаа д̇зсам̣ на виж̇ж̇ад̇ийд̇и ид̣̇амби д̇ан̣хаабахаанасса б̣ахуубагаарад̇аад̣̇ассанам̣. д̇знааха ‘‘д̣̇аасагааригаа д̇ан̣хааби д̇зсам̣ над̇т̇ий’’д̇и.
Nirāsaṅkacāro nāma gahito kutocipi tesaṃ āsaṅkāya abhāvato. Sammādiṭṭhiādīhi dasahi aṅgehi sammāvimutti-sammāñāṇapariyosānehi. ‘‘Āguṃ na karotī’’tiādīhi catūhi kāraṇehi. Taṇhā tesaṃ na vijjatīti idampi taṇhāpahānassa bahūpakāratādassanaṃ. Tenāha ‘‘dāsakārikā taṇhāpi tesaṃ natthī’’ti.
на вигамбанд̇и ‘‘сзяяохамасмий’’д̇иаад̣̇инаа.
Navikampanti ‘‘seyyohamasmī’’tiādinā.
уд̣̇д̇хам̣ д̇ирияам̣ абаажийнанд̇и зд̇т̇а ‘‘уд̣̇д̇хам̣ вужжад̇ий’’д̇иаад̣̇инаа руубамукзна ад̇д̇абхаавам̣ г̇ахзд̇ваа бавад̇д̇о батаманаяо. гаалад̇д̇аяавасзна д̇хаммаббавад̇д̇им̣ г̇ахзд̇ваа бавад̇д̇о д̣̇уд̇ияанаяо. таанавасзна сагалалогад̇хаад̇ум̣ г̇ахзд̇ваа бавад̇д̇о д̇ад̇ияанаяо. б̣уд̣̇д̇хаад̇и жад̇д̇аари сажжаани б̣уд̣̇д̇хаванд̇о.
Uddhaṃtiriyaṃ apācīnanti ettha ‘‘uddhaṃ vuccatī’’tiādinā rūpamukhena attabhāvaṃ gahetvā pavatto paṭhamanayo. Kālattayavasena dhammappavattiṃ gahetvā pavatto dutiyanayo. Ṭhānavasena sakalalokadhātuṃ gahetvā pavatto tatiyanayo. Buddhāti cattāri saccāni buddhavanto.
сийханаад̣̇асамод̇хаананд̇и сийханаад̣̇аанам̣ сам̣галанам̣. логз ад̇д̇ано уд̇д̇арид̇арассаабхааваа ануд̇д̇араа. уд̇д̇аро д̇аава д̇идтад̇у бурисо, сад̣̇исоби д̇аава над̇т̇ийд̇и асад̣̇исаа. сагаламби бхавам̣ уд̇д̇арид̇ваа бхавабидтз тад̇ваа вимуд̇д̇исукзна сукид̇ад̇д̇аад̣̇ивасзна згавийсад̇ияаагаарзхи сийханаад̣̇ам̣ над̣̇анд̇и.
Sīhanādasamodhānanti sīhanādānaṃ saṃkalanaṃ. Loke attano uttaritarassābhāvā anuttarā. Uttaro tāva tiṭṭhatu puriso, sadisopi tāva natthīti asadisā. Sakalampi bhavaṃ uttaritvā bhavapiṭṭhe ṭhatvā vimuttisukhena sukhitattādivasena ekavīsatiyākārehi sīhanādaṃ nadanti.
араханд̇асуд̇д̇аван̣н̣анаа нидтид̇аа.
Arahantasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. араханд̇асуд̇д̇ам̣ • 4. Arahantasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. араханд̇асуд̇д̇аван̣н̣анаа • 4. Arahantasuttavaṇṇanā
