| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੫. ਅਰਹਨ੍ਤਸੁਤ੍ਤવਣ੍ਣਨਾ
5. Arahantasuttavaṇṇanā
੨੫. ਪਞ੍ਚਮੇ ਕਤਾવੀਤਿ ਚਤੂਹਿ ਮਗ੍ਗੇਹਿ ਕਤਕਿਚ੍ਚੋ। ਅਹਂ વਦਾਮੀਤਿ ਅਯਂ ਦੇવਤਾ વਨਸਣ੍ਡવਾਸਿਨੀ, ਸਾ ਆਰਞ੍ਞਕਾਨਂ ਭਿਕ੍ਖੂਨਂ ‘‘ਅਹਂ ਭੁਞ੍ਜਾਮਿ, ਅਹਂ ਨਿਸੀਦਾਮਿ, ਮਮ ਪਤ੍ਤੋ, ਮਮ ਚੀવਰ’’ਨ੍ਤਿਆਦਿਕਥਾવੋਹਾਰਂ ਸੁਤ੍વਾ ਚਿਨ੍ਤੇਸਿ – ‘‘ਅਹਂ ਇਮੇ ਭਿਕ੍ਖੂ ‘ਖੀਣਾਸવਾ’ਤਿ ਮਞ੍ਞਾਮਿ, ਖੀਣਾਸવਾਨਞ੍ਚ ਨਾਮ ਏવਰੂਪਾ ਅਤ੍ਤੁਪਲਦ੍ਧਿਨਿਸ੍ਸਿਤਕਥਾ ਹੋਤਿ, ਨ ਹੋਤਿ ਨੁ ਖੋ’’ਤਿ ਜਾਨਨਤ੍ਥਂ ਏવਂ ਪੁਚ੍ਛਤਿ।
25. Pañcame katāvīti catūhi maggehi katakicco. Ahaṃ vadāmīti ayaṃ devatā vanasaṇḍavāsinī, sā āraññakānaṃ bhikkhūnaṃ ‘‘ahaṃ bhuñjāmi, ahaṃ nisīdāmi, mama patto, mama cīvara’’ntiādikathāvohāraṃ sutvā cintesi – ‘‘ahaṃ ime bhikkhū ‘khīṇāsavā’ti maññāmi, khīṇāsavānañca nāma evarūpā attupaladdhinissitakathā hoti, na hoti nu kho’’ti jānanatthaṃ evaṃ pucchati.
ਸਾਮਞ੍ਞਨ੍ਤਿ ਲੋਕਨਿਰੁਤ੍ਤਿਂ ਲੋਕવੋਹਾਰਂ। ਕੁਸਲੋਤਿ ਖਨ੍ਧਾਦੀਸੁ ਕੁਸਲੋ। વੋਹਾਰਮਤ੍ਤੇਨਾਤਿ ਉਪਲਦ੍ਧਿਨਿਸ੍ਸਿਤਕਥਂ ਹਿਤ੍વਾ વੋਹਾਰਭੇਦਂ ਅਕਰੋਨ੍ਤੋ ‘‘ਅਹਂ, ਮਮਾ’’ਤਿ વਦੇਯ੍ਯ। ‘‘ਖਨ੍ਧਾ ਭੁਞ੍ਜਨ੍ਤਿ, ਖਨ੍ਧਾ ਨਿਸੀਦਨ੍ਤਿ, ਖਨ੍ਧਾਨਂ ਪਤ੍ਤੋ, ਖਨ੍ਧਾਨਂ ਚੀવਰ’’ਨ੍ਤਿ ਹਿ વੁਤ੍ਤੇ વੋਹਾਰਭੇਦੋ ਹੋਤਿ, ਨ ਕੋਚਿ ਜਾਨਾਤਿ। ਤਸ੍ਮਾ ਏવਂ ਅવਤ੍વਾ ਲੋਕવੋਹਾਰੇਨ વੋਹਰਤੀਤਿ।
Sāmaññanti lokaniruttiṃ lokavohāraṃ. Kusaloti khandhādīsu kusalo. Vohāramattenāti upaladdhinissitakathaṃ hitvā vohārabhedaṃ akaronto ‘‘ahaṃ, mamā’’ti vadeyya. ‘‘Khandhā bhuñjanti, khandhā nisīdanti, khandhānaṃ patto, khandhānaṃ cīvara’’nti hi vutte vohārabhedo hoti, na koci jānāti. Tasmā evaṃ avatvā lokavohārena voharatīti.
ਅਥ ਦੇવਤਾ – ‘‘ਯਦਿ ਦਿਟ੍ਠਿਯਾ વਸੇਨ ਨ વਦਤਿ, ਮਾਨવਸੇਨ ਨੁ ਖੋ વਦਤੀ’’ਤਿ ਚਿਨ੍ਤੇਤ੍વਾ ਪੁਨ ਯੋ ਹੋਤੀਤਿ ਪੁਚ੍ਛਿ। ਤਤ੍ਥ ਮਾਨਂ ਨੁ ਖੋਤਿ ਸੋ ਭਿਕ੍ਖੁ ਮਾਨਂ ਉਪਗਨ੍ਤ੍વਾ ਮਾਨવਸੇਨ વਦੇਯ੍ਯ ਨੁ ਖੋਤਿ। ਅਥ ਭਗવਾ – ‘‘ਅਯਂ ਦੇવਤਾ ਖੀਣਾਸવਂ ਸਮਾਨਂ વਿਯ ਕਰੋਤੀ’’ਤਿ ਚਿਨ੍ਤੇਤ੍વਾ, ‘‘ਖੀਣਾਸવਸ੍ਸ ਨવવਿਧੋਪਿ ਮਾਨੋ ਪਹੀਨੋ’’ਤਿ ਦਸ੍ਸੇਨ੍ਤੋ ਪਟਿਗਾਥਂ ਆਹ। ਤਤ੍ਥ વਿਧੂਪਿਤਾਤਿ વਿਧਮਿਤਾ। ਮਾਨਗਨ੍ਥਸ੍ਸਾਤਿ ਮਾਨਾ ਚ ਗਨ੍ਥਾ ਚ ਅਸ੍ਸ। ਮਞ੍ਞਤਨ੍ਤਿ ਮਞ੍ਞਨਂ। ਤਿવਿਧਮ੍ਪਿ ਤਣ੍ਹਾ-ਦਿਟ੍ਠਿ-ਮਾਨ-ਮਞ੍ਞਨਂ ਸੋ વੀਤਿવਤ੍ਤੋ, ਅਤਿਕ੍ਕਨ੍ਤੋਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ। ਪਞ੍ਚਮਂ।
Atha devatā – ‘‘yadi diṭṭhiyā vasena na vadati, mānavasena nu kho vadatī’’ti cintetvā puna yo hotīti pucchi. Tattha mānaṃ nu khoti so bhikkhu mānaṃ upagantvā mānavasena vadeyya nu khoti. Atha bhagavā – ‘‘ayaṃ devatā khīṇāsavaṃ samānaṃ viya karotī’’ti cintetvā, ‘‘khīṇāsavassa navavidhopi māno pahīno’’ti dassento paṭigāthaṃ āha. Tattha vidhūpitāti vidhamitā. Mānaganthassāti mānā ca ganthā ca assa. Maññatanti maññanaṃ. Tividhampi taṇhā-diṭṭhi-māna-maññanaṃ so vītivatto, atikkantoti attho. Sesaṃ uttānatthamevāti. Pañcamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਅਰਹਨ੍ਤਸੁਤ੍ਤਂ • 5. Arahantasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਅਰਹਨ੍ਤਸੁਤ੍ਤવਣ੍ਣਨਾ • 5. Arahantasuttavaṇṇanā
