| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫. ਅਰਹਨ੍ਤਸੁਤ੍ਤવਣ੍ਣਨਾ
5. Arahantasuttavaṇṇanā
੨੫. ਕਤਾવੀਤਿ ਕਤવਾ, ਪਰਿਞ੍ਞਾਦਿਕਿਚ੍ਚਂ ਕਤ੍વਾ ਨਿਟ੍ਠਪੇਤ੍વਾ ਠਿਤੋਤਿ ਅਤ੍ਥੋ। ਤੇਨਾਹ ‘‘ਚਤੂਹਿ ਮਗ੍ਗੇਹਿ ਕਤਕਿਚ੍ਚੋ’’ਤਿ। ਸ੍વਾਯਮਤ੍ਥੋ ਅਰਹਨ੍ਤਿਆਦਿਸਦ੍ਦਸਨ੍ਨਿਧਾਨਤੋ વਿਞ੍ਞਾਯਤਿ। ਏવਂ ‘‘ਅਹਂ વਦਾਮੀ’’ਤਿਆਦਿਆਕਾਰੇਨ ਪੁਚ੍ਛਤਿ।
25.Katāvīti katavā, pariññādikiccaṃ katvā niṭṭhapetvā ṭhitoti attho. Tenāha ‘‘catūhi maggehi katakicco’’ti. Svāyamattho arahantiādisaddasannidhānato viññāyati. Evaṃ ‘‘ahaṃ vadāmī’’tiādiākārena pucchati.
ਖਨ੍ਧਾਦੀਸੁ ਕੁਸਲੋਤਿ ਖਨ੍ਧਾਯਤਨਾਦੀਸੁ ਸਲਕ੍ਖਣਾਦੀਸੁ ਚ ਸਮੂਹਾਦਿવਸੇਨ ਪવਤ੍ਤਿਯਞ੍ਚ ਛੇਕੋ ਯਥਾਭੂਤવੇਦੀ। ਉਪਲਦ੍ਧਿਨਿਸ੍ਸਿਤਕਥਨ੍ਤਿ ਅਤ੍ਤੁਪਲਦ੍ਧਿਨਿਸ੍ਸਿਤਕਥਂ ਹਿਤ੍વਾ। વੋਹਾਰਭੇਦਂ ਅਕਰੋਨ੍ਤੋਤਿ ‘‘ਅਹਂ ਪਰਮਤ੍ਥਂ ਜਾਨਾਮੀ’’ਤਿ ਲੋਕવੋਹਾਰਂ ਭਿਨ੍ਦਨ੍ਤੋ ਅવਿਨਾਸੇਨ੍ਤੋ ਲੋਕੇ ਲੋਕਸਮਞ੍ਞਮੇવ ਨਿਸ੍ਸਾਯ ‘‘ਅਹਂ, ਮਮਾ’’ਤਿ વਦੇਯ੍ਯ। ਖਨ੍ਧਾ ਭੁਞ੍ਜਨ੍ਤੀਤਿਆਦਿਨਾ વੋਹਾਰਭੇਦਂ, ਤਤ੍ਥ ਚ ਆਦੀਨવਂ ਦਸ੍ਸੇਤਿ।
Khandhādīsu kusaloti khandhāyatanādīsu salakkhaṇādīsu ca samūhādivasena pavattiyañca cheko yathābhūtavedī. Upaladdhinissitakathanti attupaladdhinissitakathaṃ hitvā. Vohārabhedaṃ akarontoti ‘‘ahaṃ paramatthaṃ jānāmī’’ti lokavohāraṃ bhindanto avināsento loke lokasamaññameva nissāya ‘‘ahaṃ, mamā’’ti vadeyya. Khandhā bhuñjantītiādinā vohārabhedaṃ, tattha ca ādīnavaṃ dasseti.
ਮਾਨੋ ਨਾਮ ਦਿਟ੍ਠਿਯਾ ਸਮਧੁਰੋ। ਤਥਾ ਹਿ ਦੁਤਿਯਮਗ੍ਗਾਦੀਸੁ ਸਮ੍ਮਾਦਿਟ੍ਠਿਯਾ ਪਹਾਨਾਭਿਸਮਯਸ੍ਸ ਪਟਿવਿਪਚ੍ਚਨੀਕੇ ਪਟਿਪਤ੍ਤਿਸਿਦ੍ਧਿ। ਤੇਨਾਹ ‘‘ਯਦਿ ਦਿਟ੍ਠਿਯਾ વਸੇਨ ਨ વਦਤਿ, ਮਾਨવਸੇਨ ਨੁ ਖੋ વਦਤੀਤਿ ਚਿਨ੍ਤੇਤ੍વਾ’’ਤਿ। વਿਧੂਪਿਤਾਤਿ ਸਨ੍ਤਾਪਿਤਾ ਞਾਣਗ੍ਗਿਨਾ ਦਡ੍ਢਾ। ਤੇ ਪਨ વਿਦ੍ਧਂਸਿਤਾ ਨਾਮ ਹੋਨ੍ਤੀਤਿ ਆਹ ‘‘વਿਧਮਿਤਾ’’ਤਿ। ਮਮਙ੍ਕਾਰਾਦਯੋ ਮਯਨ੍ਤਿ ਸਤ੍ਤਸਨ੍ਤਾਨੇ ਸਤਿ ਪવਤ੍ਤਨ੍ਤਿ ਏਤੇਨਾਤਿ ਮਯੋ, ਮਞ੍ਞਨਾ। ਮਯੋ ਏવ ਮਯਤਾਤਿ ਆਹ ‘‘ਮਯਤਨ੍ਤਿ ਮਞ੍ਞਨ’’ਨ੍ਤਿ।
Māno nāma diṭṭhiyā samadhuro. Tathā hi dutiyamaggādīsu sammādiṭṭhiyā pahānābhisamayassa paṭivipaccanīke paṭipattisiddhi. Tenāha ‘‘yadi diṭṭhiyā vasena na vadati, mānavasena nu kho vadatīti cintetvā’’ti. Vidhūpitāti santāpitā ñāṇagginā daḍḍhā. Te pana viddhaṃsitā nāma hontīti āha ‘‘vidhamitā’’ti. Mamaṅkārādayo mayanti sattasantāne sati pavattanti etenāti mayo, maññanā. Mayo eva mayatāti āha ‘‘mayatanti maññana’’nti.
ਅਰਹਨ੍ਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Arahantasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਅਰਹਨ੍ਤਸੁਤ੍ਤਂ • 5. Arahantasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਅਰਹਨ੍ਤਸੁਤ੍ਤવਣ੍ਣਨਾ • 5. Arahantasuttavaṇṇanā
