| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਅਰਹਨ੍ਤਸੁਤ੍ਤવਣ੍ਣਨਾ
4. Arahantasuttavaṇṇanā
੭੬. ਯਤ੍ਤਕਾ ਸਤ੍ਤਾવਾਸਾਤਿ ਤਸ੍ਮਿਂ ਤਸ੍ਮਿਂ ਸਤ੍ਤਨਿਕਾਯੇ ਆવਸਨਟ੍ਠੇਨ ਸਤ੍ਤਾ ਏવ ਸਤ੍ਤਾવਾਸਾ। ਤੇਨ ਯਤ੍ਤਕਾ ਸਤ੍ਤਾવਾਸਾ, ਤੇਹਿ ਸਬ੍ਬੇਹਿਪਿ ਏਤੇ ਅਗ੍ਗਾ ਏਤੇ ਸੇਟ੍ਠਾ, ਯੇ ਇਮੇ ਅਰਹਨ੍ਤਾਤਿ ਦਸ੍ਸੇਤਿ। ਪੁਰਿਮਨਯੇਨੇવਾਤਿ ਪੁਰਿਮਸ੍ਮਿਂ ਸਤ੍ਤਟ੍ਠਾਨਕੋਸਲ੍ਲਸੁਤ੍ਤੇ વੁਤ੍ਤਨਯੇਨ।
76.Yattakā sattāvāsāti tasmiṃ tasmiṃ sattanikāye āvasanaṭṭhena sattā eva sattāvāsā. Tena yattakā sattāvāsā, tehi sabbehipi ete aggā ete seṭṭhā, ye ime arahantāti dasseti. Purimanayenevāti purimasmiṃ sattaṭṭhānakosallasutte vuttanayena.
ਤਦਤ੍ਥਪਰਿਦੀਪਨਾਹੀਤਿ ‘‘ਪਞ੍ਚਕ੍ਖਨ੍ਧੇ ਪਰਿਞ੍ਞਾਯ। ਤਣ੍ਹਾ ਤੇਸਂ ਨ વਿਜ੍ਜਤਿ। ਅਸ੍ਮਿਮਾਨੋ ਸਮੁਚ੍ਛਿਨ੍ਨੋ’’ਤਿਆਦਿਨਾ ਤਸ੍ਸ ਯਥਾਨਿਦ੍ਦਿਟ੍ਠਸ੍ਸ ਸੁਤ੍ਤਸ੍ਸ ਅਤ੍ਥਦੀਪਨਾਹਿ ਚੇવ ‘‘ਅਨੇਜਂ ਤੇ ਅਨੁਪ੍ਪਤ੍ਤਾ, ਚਿਤ੍ਤਂ ਤੇਸਂ ਅਨਾવਿਲ’’ਨ੍ਤਿਆਦਿਨਾ વਿਸੇਸਤ੍ਥਪਰਿਦੀਪਨਾਹਿ ਚ। ਝਾਨਮਗ੍ਗਫਲਪਰਿਯਾਪਨ੍ਨਂ ਅਤਿਸਯਿਤਸੁਖਂ ਏਤੇਸਮਤ੍ਥੀਤਿ ਸੁਖਿਨੋਤਿ ਆਹ ‘‘ਝਾਨ…ਪੇ॰… ਸੁਖਿਤਾ’’ਤਿ। ਤਣ੍ਹਾ ਤੇਸਂ ਨ વਿਜ੍ਜਤੀਤਿ ਏਤ੍ਥ ਤੇਸਂ ਅਪਾਯਦੁਕ੍ਖਜਨਿਕਾ ਤਣ੍ਹਾ ਨ વਿਜ੍ਜਤੀਤਿ વੁਤ੍ਤਂ। વਟ੍ਟਮੂਲਿਕਾਯ ਤਣ੍ਹਾਯ ਅਭਾવਾ ‘‘ਨਨ੍ਦੀ ਤੇਸਂ ਨ વਿਜ੍ਜਤੀ’’ਤਿ ਏਤ੍ਥ વੁਚ੍ਚਤੀਤਿ। ਇਮਸ੍ਸਪੀਤਿ ਪਿ-ਸਦ੍ਦੇਨ ਦੁਕ੍ਖਸ੍ਸਾਭਾવੇਨਪੀਤਿ ਦੁਕ੍ਖਾਭਾવੋ વਿਯ વਟ੍ਟਮੂਲਿਕਤਣ੍ਹਾਭਾવੋ ਸਮ੍ਪਿਣ੍ਡੀਯਤੀਤਿ ਦਟ੍ਠਬ੍ਬਂ। ਤੇਨ ਹਿ ਤੇ ਅਨੁਪਾਦਿਸੇਸਨਿਬ੍ਬਾਨਪ੍ਪਤ੍ਤਿਯਾ ਅਚ੍ਚਨ੍ਤਸੁਖਿਤਾ ਏવਾਤਿ વੁਚ੍ਚਨ੍ਤੀਤਿ। ‘‘ਸੇਯ੍ਯੋਹਮਸ੍ਮੀ’’ਤਿਆਦਿਨਯਪ੍ਪવਤ੍ਤਿਯਾ ਨવવਿਧੋ। ਞਾਣੇਨਾਤਿ ਅਗ੍ਗਮਗ੍ਗਞ੍ਞਾਣੇਨ।
Tadatthaparidīpanāhīti ‘‘pañcakkhandhe pariññāya. Taṇhā tesaṃ na vijjati. Asmimāno samucchinno’’tiādinā tassa yathāniddiṭṭhassa suttassa atthadīpanāhi ceva ‘‘anejaṃ te anuppattā, cittaṃ tesaṃ anāvila’’ntiādinā visesatthaparidīpanāhi ca. Jhānamaggaphalapariyāpannaṃ atisayitasukhaṃ etesamatthīti sukhinoti āha ‘‘jhāna…pe… sukhitā’’ti. Taṇhā tesaṃ na vijjatīti ettha tesaṃ apāyadukkhajanikā taṇhā na vijjatīti vuttaṃ. Vaṭṭamūlikāya taṇhāya abhāvā ‘‘nandī tesaṃ na vijjatī’’ti ettha vuccatīti. Imassapīti pi-saddena dukkhassābhāvenapīti dukkhābhāvo viya vaṭṭamūlikataṇhābhāvo sampiṇḍīyatīti daṭṭhabbaṃ. Tena hi te anupādisesanibbānappattiyā accantasukhitā evāti vuccantīti. ‘‘Seyyohamasmī’’tiādinayappavattiyā navavidho. Ñāṇenāti aggamaggaññāṇena.
ਅਰਹਤ੍ਤਂ ਅਨੁਪ੍ਪਤ੍ਤਾ। ਅਲਿਤ੍ਤਾਤਿ ਅਮਕ੍ਖਿਤਾ। ਬ੍ਰਹ੍ਮਭੂਤਾਤਿ ਬ੍ਰਹ੍ਮਭਾવਂ ਪਤ੍ਤਾ, ਬ੍ਰਹ੍ਮਤੋ વਾ ਅਰਿਯਮਗ੍ਗਞਾਣਤੋ ਭੂਤਾ ਅਰਿਯਾਯ ਜਾਤਿਯਾ ਜਾਤਾ। ਸਤ੍ਤ ਸਦ੍ਧਮ੍ਮਾ ਗੋਚਰੋ ਪવਤ੍ਤਿਟ੍ਠਾਨਂ ਏਤੇਸਨ੍ਤਿ ਸਤ੍ਤਸਦ੍ਧਮ੍ਮਗੋਚਰਾ।
Arahattaṃ anuppattā. Alittāti amakkhitā. Brahmabhūtāti brahmabhāvaṃ pattā, brahmato vā ariyamaggañāṇato bhūtā ariyāya jātiyā jātā. Satta saddhammā gocaro pavattiṭṭhānaṃ etesanti sattasaddhammagocarā.
ਨਿਰਾਸਙ੍ਕਚਾਰੋ ਨਾਮ ਗਹਿਤੋ ਕੁਤੋਚਿਪਿ ਤੇਸਂ ਆਸਙ੍ਕਾਯ ਅਭਾવਤੋ। ਸਮ੍ਮਾਦਿਟ੍ਠਿਆਦੀਹਿ ਦਸਹਿ ਅਙ੍ਗੇਹਿ ਸਮ੍ਮਾવਿਮੁਤ੍ਤਿ-ਸਮ੍ਮਾਞਾਣਪਰਿਯੋਸਾਨੇਹਿ। ‘‘ਆਗੁਂ ਨ ਕਰੋਤੀ’’ਤਿਆਦੀਹਿ ਚਤੂਹਿ ਕਾਰਣੇਹਿ। ਤਣ੍ਹਾ ਤੇਸਂ ਨ વਿਜ੍ਜਤੀਤਿ ਇਦਮ੍ਪਿ ਤਣ੍ਹਾਪਹਾਨਸ੍ਸ ਬਹੂਪਕਾਰਤਾਦਸ੍ਸਨਂ। ਤੇਨਾਹ ‘‘ਦਾਸਕਾਰਿਕਾ ਤਣ੍ਹਾਪਿ ਤੇਸਂ ਨਤ੍ਥੀ’’ਤਿ।
Nirāsaṅkacāro nāma gahito kutocipi tesaṃ āsaṅkāya abhāvato. Sammādiṭṭhiādīhi dasahi aṅgehi sammāvimutti-sammāñāṇapariyosānehi. ‘‘Āguṃ na karotī’’tiādīhi catūhi kāraṇehi. Taṇhā tesaṃ na vijjatīti idampi taṇhāpahānassa bahūpakāratādassanaṃ. Tenāha ‘‘dāsakārikā taṇhāpi tesaṃ natthī’’ti.
ਨ વਿਕਮ੍ਪਨ੍ਤਿ ‘‘ਸੇਯ੍ਯੋਹਮਸ੍ਮੀ’’ਤਿਆਦਿਨਾ।
Navikampanti ‘‘seyyohamasmī’’tiādinā.
ਉਦ੍ਧਂ ਤਿਰਿਯਂ ਅਪਾਚੀਨਨ੍ਤਿ ਏਤ੍ਥ ‘‘ਉਦ੍ਧਂ વੁਚ੍ਚਤੀ’’ਤਿਆਦਿਨਾ ਰੂਪਮੁਖੇਨ ਅਤ੍ਤਭਾવਂ ਗਹੇਤ੍વਾ ਪવਤ੍ਤੋ ਪਠਮਨਯੋ। ਕਾਲਤ੍ਤਯવਸੇਨ ਧਮ੍ਮਪ੍ਪવਤ੍ਤਿਂ ਗਹੇਤ੍વਾ ਪવਤ੍ਤੋ ਦੁਤਿਯਨਯੋ। ਠਾਨવਸੇਨ ਸਕਲਲੋਕਧਾਤੁਂ ਗਹੇਤ੍વਾ ਪવਤ੍ਤੋ ਤਤਿਯਨਯੋ। ਬੁਦ੍ਧਾਤਿ ਚਤ੍ਤਾਰਿ ਸਚ੍ਚਾਨਿ ਬੁਦ੍ਧવਨ੍ਤੋ।
Uddhaṃtiriyaṃ apācīnanti ettha ‘‘uddhaṃ vuccatī’’tiādinā rūpamukhena attabhāvaṃ gahetvā pavatto paṭhamanayo. Kālattayavasena dhammappavattiṃ gahetvā pavatto dutiyanayo. Ṭhānavasena sakalalokadhātuṃ gahetvā pavatto tatiyanayo. Buddhāti cattāri saccāni buddhavanto.
ਸੀਹਨਾਦਸਮੋਧਾਨਨ੍ਤਿ ਸੀਹਨਾਦਾਨਂ ਸਂਕਲਨਂ। ਲੋਕੇ ਅਤ੍ਤਨੋ ਉਤ੍ਤਰਿਤਰਸ੍ਸਾਭਾવਾ ਅਨੁਤ੍ਤਰਾ। ਉਤ੍ਤਰੋ ਤਾવ ਤਿਟ੍ਠਤੁ ਪੁਰਿਸੋ, ਸਦਿਸੋਪਿ ਤਾવ ਨਤ੍ਥੀਤਿ ਅਸਦਿਸਾ। ਸਕਲਮ੍ਪਿ ਭવਂ ਉਤ੍ਤਰਿਤ੍વਾ ਭવਪਿਟ੍ਠੇ ਠਤ੍વਾ વਿਮੁਤ੍ਤਿਸੁਖੇਨ ਸੁਖਿਤਤ੍ਤਾਦਿવਸੇਨ ਏਕવੀਸਤਿਯਾਕਾਰੇਹਿ ਸੀਹਨਾਦਂ ਨਦਨ੍ਤਿ।
Sīhanādasamodhānanti sīhanādānaṃ saṃkalanaṃ. Loke attano uttaritarassābhāvā anuttarā. Uttaro tāva tiṭṭhatu puriso, sadisopi tāva natthīti asadisā. Sakalampi bhavaṃ uttaritvā bhavapiṭṭhe ṭhatvā vimuttisukhena sukhitattādivasena ekavīsatiyākārehi sīhanādaṃ nadanti.
ਅਰਹਨ੍ਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Arahantasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਅਰਹਨ੍ਤਸੁਤ੍ਤਂ • 4. Arahantasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਅਰਹਨ੍ਤਸੁਤ੍ਤવਣ੍ਣਨਾ • 4. Arahantasuttavaṇṇanā
