| Library / Tipiṭaka / තිපිටක • Tipiṭaka / ධම්‌මපදපාළි • Dhammapadapāḷi |
7. අරහන්‌තවග්‌ගො
7. Arahantavaggo
90.
90.
ගතද්‌ධිනො විසොකස්‌ස, විප්‌පමුත්‌තස්‌ස සබ්‌බධි;
Gataddhino visokassa, vippamuttassa sabbadhi;
සබ්‌බගන්‌ථප්‌පහීනස්‌ස, පරිළාහො න විජ්‌ජති.
Sabbaganthappahīnassa, pariḷāho na vijjati.
91.
91.
උය්‍යුඤ්‌ජන්‌ති සතීමන්‌තො, න නිකෙතෙ රමන්‌ති තෙ;
Uyyuñjanti satīmanto, na nikete ramanti te;
හංසාව පල්‌ලලං හිත්‌වා, ඔකමොකං ජහන්‌ති තෙ.
Haṃsāva pallalaṃ hitvā, okamokaṃ jahanti te.
92.
92.
යෙසං සන්‌නිචයො නත්‌ථි, යෙ පරිඤ්‌ඤාතභොජනා;
Yesaṃ sannicayo natthi, ye pariññātabhojanā;
සුඤ්‌ඤතො අනිමිත්‌තො ච, විමොක්‌ඛො යෙසං ගොචරො;
Suññato animitto ca, vimokkho yesaṃ gocaro;
93.
93.
යස්‌සාසවා පරික්‌ඛීණා, ආහාරෙ ච අනිස්‌සිතො;
Yassāsavā parikkhīṇā, āhāre ca anissito;
සුඤ්‌ඤතො අනිමිත්‌තො ච, විමොක්‌ඛො යස්‌ස ගොචරො;
Suññato animitto ca, vimokkho yassa gocaro;
ආකාසෙ ව සකුන්‌තානං, පදං තස්‌ස දුරන්‌නයං.
Ākāse va sakuntānaṃ, padaṃ tassa durannayaṃ.
94.
94.
යස්‌සින්‌ද්‍රියානි සමථඞ්‌ගතානි 3, අස්‌සා යථා සාරථිනා සුදන්‌තා;
Yassindriyāni samathaṅgatāni 4, assā yathā sārathinā sudantā;
පහීනමානස්‌ස අනාසවස්‌ස, දෙවාපි තස්‌ස පිහයන්‌ති තාදිනො.
Pahīnamānassa anāsavassa, devāpi tassa pihayanti tādino.
95.
95.
පථවිසමො නො විරුජ්‌ඣති, ඉන්‌දඛිලුපමො 5 තාදි සුබ්‌බතො;
Pathavisamo no virujjhati, indakhilupamo 6 tādi subbato;
රහදොව අපෙතකද්‌දමො, සංසාරා න භවන්‌ති තාදිනො.
Rahadova apetakaddamo, saṃsārā na bhavanti tādino.
96.
96.
සන්‌තං තස්‌ස මනං හොති, සන්‌තා වාචා ච කම්‌ම ච;
Santaṃ tassa manaṃ hoti, santā vācā ca kamma ca;
සම්‌මදඤ්‌ඤා විමුත්‌තස්‌ස, උපසන්‌තස්‌ස තාදිනො.
Sammadaññā vimuttassa, upasantassa tādino.
97.
97.
අස්‌සද්‌ධො අකතඤ්‌ඤූ ච, සන්‌ධිච්‌ඡෙදො ච යො නරො;
Assaddho akataññū ca, sandhicchedo ca yo naro;
හතාවකාසො වන්‌තාසො, ස වෙ උත්‌තමපොරිසො.
Hatāvakāso vantāso, sa ve uttamaporiso.
98.
98.
ගාමෙ වා යදි වාරඤ්‌ඤෙ, නින්‌නෙ වා යදි වා ථලෙ;
Gāme vā yadi vāraññe, ninne vā yadi vā thale;
යත්‌ථ අරහන්‌තො විහරන්‌ති, තං භූමිරාමණෙය්‍යකං.
Yattha arahanto viharanti, taṃ bhūmirāmaṇeyyakaṃ.
99.
99.
රමණීයානි අරඤ්‌ඤානි, යත්‌ථ න රමතී ජනො;
Ramaṇīyāni araññāni, yattha na ramatī jano;
වීතරාගා රමිස්‌සන්‌ති, න තෙ කාමගවෙසිනො.
Vītarāgā ramissanti, na te kāmagavesino.
අරහන්‌තවග්‌ගො සත්‌තමො නිට්‌ඨිතො.
Arahantavaggo sattamo niṭṭhito.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ධම්‌මපද-අට්‌ඨකථා • Dhammapada-aṭṭhakathā / 7. අරහන්‌තවග්‌ගො • 7. Arahantavaggo
