| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๒๓. เตวีสติมวโคฺค
23. Tevīsatimavaggo
(๒๑๙) ๒. อรหนฺตวณฺณกถา
(219) 2. Arahantavaṇṇakathā
๙๐๙. อรหนฺตานํ วเณฺณน อมนุสฺสา เมถุนํ ธมฺมํ ปฎิเสวนฺตีติ? อามนฺตาฯ อรหนฺตานํ วเณฺณน อมนุสฺสา ปาณํ หนนฺติ…เป.… อทินฺนํ อาทิยนฺติ, มุสา ภณนฺติ, ปิสุณํ ภณนฺติ, ผรุสํ ภณนฺติ, สมฺผํ ปลปนฺติ, สนฺธิํ ฉินฺทนฺติ, นิโลฺลปํ หรนฺติ, เอกาคาริกํ กโรนฺติ, ปริปเนฺถ ติฎฺฐนฺติ, ปรทารํ คจฺฉนฺติ, คามฆาตกํ กโรนฺติ…เป.… นิคมฆาตกํ กโรนฺตีติ? น เหวํ วตฺตเพฺพ…เป.…ฯ
909. Arahantānaṃ vaṇṇena amanussā methunaṃ dhammaṃ paṭisevantīti? Āmantā. Arahantānaṃ vaṇṇena amanussā pāṇaṃ hananti…pe… adinnaṃ ādiyanti, musā bhaṇanti, pisuṇaṃ bhaṇanti, pharusaṃ bhaṇanti, samphaṃ palapanti, sandhiṃ chindanti, nillopaṃ haranti, ekāgārikaṃ karonti, paripanthe tiṭṭhanti, paradāraṃ gacchanti, gāmaghātakaṃ karonti…pe… nigamaghātakaṃ karontīti? Na hevaṃ vattabbe…pe….
อรหนฺตวณฺณกถา นิฎฺฐิตาฯ
Arahantavaṇṇakathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๒. อรหนฺตวณฺณกถาวณฺณนา • 2. Arahantavaṇṇakathāvaṇṇanā
